الأربعاء، 27 يناير، 2010

عيب جدا


انتوا عارفين اني مابأحبش اتكلم في السياسة
علشان عندي مفهوم بيقول ايه ؟
اللي مايعرفش ابعاد المشكلة كاملة ودهاليزها مايقدرش يحكم صح
وكمان علشان مش عايزة يجيني ضغط
والمرارة انا شيلاها من زمان
***
وكمان مابأحبش اتكلم بعمق في الدين ولا افتي ليه؟
علشان انا غير مؤهلة لذلك انا ممكن اتكلم في اللي بعملة
يعني اصلي ازاي صح اصوم ازاي صح الي اخر العبادات
لكن اتكلم وادخل في جدل او افتي
لأ
انا غير مؤهلة لذلك علميا
حد هيقول
كل ده ليه ياشمس ؟

هقول اهو

علشان احنا بنتشدق بكلام ونعمل عكسة
علشان مابنعرفش نسمع بعض بالراحة
علشان مابنعرفش لغة الحوار الراقية
مابنحترمش الرأي والرأي الاخر
مابنعرفش نختلف برقي
همه دقيقتين والموضوع يتقلب غم
مابنعرفش نحترم عقول بعض
***
اغلبكم طبعا يعرف مجلة رؤيا مصرية الالكترونية
اختلاف الرأي(اللي هو كان غريب اصلا)
عمل ايه
الموقع ادمر
وفرجنا علينا العالم اللي زمانة بيقول اهو المصريين اهو
لما بيختلفوا بيعملوا كده
فقدنا احترمنا لنفسنا ففقدنا احترام العالم لنا
للأسف
ابكوا معي وطن شربت ارضه من دماء الشهداء
من المصريين (المسيحين والمسلمين)
ولم تفرق بينهم
شربته لتبقي حرة بدماء هؤلاء الشهداء
ياريت الاحفاد يختشوا منهم شوية
وعلي فكرة !!!
المصريين المسلمين اعترضوا وبشدة و فظاظة علي المقال
والمصريين المسيحيين زيهم وزيادة
يعني اللتنين ماعجبهمش المقال
وعجبي !!!!
انا حزينة يانااااااااس

بيان المجلة
ونعي ابراهيم العدوي لها

هناك 15 تعليقًا:

أمل حمدي يقول...

شفتي يا شموسة أهو جرح من الجراح اللي مش سايبانا في حالنا
شفتي صرختي
من كل حاجة حوالينا مقيدانا وخنقانا
ومش عارفين نفرح قلوبنا وجعتنا
لا إله إلا الله
حسبنا الله ونعم الوكيل

ABOALI يقول...

لا تعليق

رب السماء موجود

زهور الامل يقول...

لا حولولا قوة الا بالله العلي العظيم
وحسبنا الله ونعم الوكيل

romansy يقول...

ايزيك ي شموس اخبارك ايه صعب قوى قوى فى الزمن دا نلاقى التفاهم ونلاقى حد يسمعنا كلو فاكر انه صح اللى بيعمل غلط صح واللى بيرتشى فاكر ان دا حقه واللى بيخون بيبرر الخيانه كلو يا شموسه دلوقتى بقى يحب يمشى رايه بس
فى المصانع فى المزارع فى الشارع
يلا نقضى فيها بقيه عمرنا

Dr Ibrahim يقول...

طب كويس انها جت لحد كده
ربنا يستر

نهر الحب يقول...

عادى
بتحصل
:((

نهر الحب يقول...

عارفة لما فى كلمة حق بتظهر بيكون فى الف كاتم صوت عشان يصادرها
يعنى دا عادى جدا فى بلدنا عشان كدة مش عارفين نطلع ادام خطوة واحدة
لا حول ولا قوة الا بالله

فتاه من الصعيد يقول...

انا اخدت بالي من خبر حجبها

مااعرفش ان في تفاصيل طائفيه مع الاسف

عموما احنا مابنعرفش نختلف

انا متابعه مدونتك من بعيد كده .... اول مره اعلق

شرفتيني بالزياره

تحياتي

عاشقة القمر يقول...

ربنا يهدنا ويهدهم حمعيا لي طريق صح لي طريق صح

الجواز و سنينه يقول...

بصى يا شموسه
ده حال العرب جميعا مش كوننا مصريين بس مش نعرف نتفهم
احنا اصلا مش بنعرف نتفاهم
ما تزعليش نفسك
ممكن تكون دى حاجه تعلم الناس انهم لما يختلفوا يعرفوا يختلفوا صح فيما بعد

أحمد شريف يقول...

السلام عليكم
مدام شمس كيفك ؟
أتفق معك في أن الحوار يجب أن يحتمل الرأي والرأي الآخر
لكن سأقول لكِ هذا السلوك المختل ليس طبعاً متأصلاً فينا نحن وحدنا بل هو طبع للنفس البشرية كلها
لذلك لا أحب جلد الذات وخصها وحدها بتلك الصفة مع العلم أني لا أوجه نقطتي الأخيرة لك تحديداً بل هو حديث عام
انظري هذا جانب من خطاب الرئيس الأمريكي الأخير
" وهاجم أوباما خصومه الجمهوريين متهما أياهم بعرقلة إقرار القوانين بدوافع انتخابية وبزرع الشقاق بين المواطنين، وذلك قبيل اشهر من انتخابات منتصف الولاية.

وقال أوباما: "لا يمكننا تجريد حملة متواصلة عنوانها الأوحد من يحرز العناوين الصحافية الأكثر احراجا لمنافسه، والقائمة على فكرة "اذا خسرت انت اربح انا".

وأضاف أوباما: "لا يجوز لاي حزب ان يؤخر او ان يعيق بشكل منهجي مشاريع القوانين لمجرد انه قادر على ذلك. ان تثبيت الموظفين العامين الاكفاء لا يجوز ان يكون رهن مصالح فردية أو مشاعر بعض اعضاء مجلس الشيوخ".

وتابع:" اعلم انها سنة انتخابات ولكننا بحاجة إلى الاستمرار في ممارسة الحكم"، مشيرا الى ان هجمات السياسيين "تزرع الشقاق بين مواطنينا وتجعلهم اكثر حذرا حيال حكومتنا".

وتابع الرئيس الأمريكي "اذا كانت القيادة الجمهورية تصر على ان 60 صوتا في مجلس الشيوخ مطلوبة للتصرف على هذا النحو في هذه المدينة، فانتم تتحملون ايضا مسئولية الحكم"، داعيا معارضيه الى "ان يظهروا للامريكيين اننا انتصرنا سويا".

سبايدرمان spiderman يقول...

ده العادي ^_^
انما الى مش عادي انه يعحصل العكس ^_^

بحر الالوان يقول...

اتمني الا يطول حزنك سيدتي .... لان الحجب في عصرنا هذا نوع من الدعابة السمجة ..... فهو حجب الي حين .

تحياتي

صبرني يارب يقول...

الناس اتهبلوا يا شموسه

والله الناس اتهبلوا


معلش حسبنا الله ونعم الوكيل

ليس فقيرا من يحب يقول...

مش عارفه اقول ايه

ربنا يصلح الاحوال