الاثنين، 25 يناير، 2010

تحديث : جزيرة النباتات

ياريت تشوفوا البوست ده عند نهر الحب


منظر جميل للجزيرة من بعيد





نكمل الرحلة
رجعنا من في
لة علي المركب اتغدينا
واخد
نا مركب جميل


تاني علشان نعدي لجزيرة النباتات
وده شكل الجزي
رة من علي المركب




اللي اعرفه من قبل مااروح ان بها نباتات واشجار نادره جدا




قلت خير يارب يكون حظها احسن من حديقة الزهريه بالقاهرة

الجزيره بها الكثير
من النباتات الجميله صورت بعضها
شوفوا الش
جره دي اتكسرت
ومصرة تعيش طل
ع لها ورق اخضر تاني


كان يسكن الجزيرة بعض القبائل النوبيه
وكان اسمه
ا (جت نارتي)
اي جز
يرة النطرون
وكانوا يزرعونه
ا اعلاف خضراء
حتي الاحتلال الانجليز
ي حيث استولي عليها اللورد كيتشنر
وسميت ال
سرادار1898
وبعد رحيله تحولت لملك
يه عامه وسميت جزيرة الملك
وكان بيتم فيه
ا الابحاث الزراعيه
وكان الملك بيستحضر
فيها نباتات من كل البلاد اللي بيزورها
الي قيام الثوره
دي صوره للنباتات والغريب انها شكلها ماحدش واخد باله منها
خااااااااااااااالص


شايفين المكان اللطيف ده صورته بعد ما التاااااااتار
اللي همه

تلاميذ رحلة مدرسة كانوا قاعدين ياكلوا ويلعبوا ويجروا ويدوسوا علي نباتات نادرة من غير ماحد يقول لهم ممنوع
او حتي بتعملوا ايه
انا مش ضد ان التلاميذ تروح الاماكن دي بالعكس
ياريت علشان نعلمهم بلادهم فيها ايه
لكن ضد اننا نعلمهم الهرجلة والاستهتار بالتاريخ والاشياء الثمينة
ياريت يتعمل مكان مخصص لهم بعد مايعملوا جولة مع مرافق من الحديقه يشرح لهم
يرتاحوا في المكان ويلعبوا ويكلوا
وخصوصا ان الجزيرة كبيرة وفيها اماكن تصلح لده





وده اداني احساس كبير ان الدنيا ماشيه بالبركه لا اشجار متقلمه والا حشائش خضراء في اماكن كتير
والا مندوب حتي يفهمنا
والمرافق اللي معانا مش خبير زراعة

هو يهمه التاريخ فقط




والجزيره بها اكثر
من 500 نوع نادر
وكذلك بعض الطيو
ر النادره علي الاشجار
والطاووس الابيض
والهندي بالاقفاص



دي صورة للجهة التانيه من الجزيرة




الجزيره جميلة و
لكن وآه من كلمة لكن
يد الاهمال لاتترك في
بلدنا شئ علي حالة
طبعا احنا عارفين انها
بتكره الجمال والنظام والنظافة

شوفوا الشجره دي سبحان الله




لما الاشجار العملاقه المحيطه بها حجبت عنها ضوء الشمس
استدارت بجزعها الي البقعه الل
ي نازل لها منها ضوء الشمس
س
بحان الله



اما الشجره دي شكلها غريب جدا





ودي النخله اللي المصمم استوحي من شكلها تصميم برج القاهرة



رجعنا من الج
زيرة علي المركب



وعرفنا ان ان شاء الله الساعة الحادية ع
شر المركب هيتحرك في اتجاه معبد كومبوا اللي هترسي امامه المركب والزياره لمعبد كوموبو الساعة 8 الصبح وبعدها في العاشره المركب تتحرك تاني في اتجاه ادفو

البوست الجاي هيكون عن الطري
ق والمناظر الخلابه اللي عدينا عليها
ومعبد كوم أنبو
وادفو
::))

ملحوظة : اللطيف اللي كتب لي تعليق يقول اني بتمنظر عليكم
وايه اللي هيستفيده
من البوستات دي
تصدق ايوه انا بتمنظر وبتمنظر اوي كمان
ماهو مش معقول يكون عندي وطن بالجمال والروعة دي
وما اتمنظرش بيه
:(

هناك 70 تعليقًا:

BRIGHTLYANNY يقول...

السلام عليكم
معلش انا اول مره بعلق بس بجد بقرأ شويه المدونه دى
انا ليا صحاب كتيييير مش من الصعيد واللى كتيييييير قولتلهم تعالو شوفو جمال الصعيد
يعنى يبقى عيب اوى لما الاجانب يييجو مصر من اخر الدنيا عشان يشوفو الاثار والمناظر الجميله فبلدنا واحنا ف مصريين كتيير عمرهم منزلو الاقصر واسوان
موضوعك جميل ومش منظره اهوه يمكن يشجعهم ياخدو اجازه التيرم ف الاقصر واسوان اشمعنى بنروح نصيف ف مارينا
تعالو شتووووا فالصعيد
يارب اكون خفيفه سلام

شمس النهار يقول...

BRIGHTLYANNY

وعليكم السلام وحمة الله وبركاته

شكرا علي المجاولة اللطيفه

بلدنا جميلة جدا
من الشمال للجنوب للشرق للغرب

احنا اللي ماعندناش ثقافة التجوال
مسكنا في الساحل واختصرناه هو كمان في مارينا

مع ان في محافظات كتير جميلة في بلدنا
زي الواحات خطيرة

بس للأسف ما صورتش كان زمان اوي ماكنش في تدوين كمان الصور عائلية ماتنفعش تتنشر
لكن ان شاء الله ناوية اروح تاني واعمل بوست عنها
وتشوفوا الجمال البكر هناك

حاولت ازور مدونتك ماعرفتش خير

سلامي

الازهرى يقول...

طيب احجز تانى
قبل التتار ( ودى الكلمه الصح ) يهجموا

الازهرى يقول...

طيب نبعد عن الرحلة اللى انت بتتمنظرى بيها على خلق الله الغلابه امثالنا
على اسا انك رحتى بلاد تانية صعب الوصول لها مش اسوان على بعد كام كيلو والرحلة تتكلف ملاليم اقل بكتير من المصروفه على القهاوى والكلام الفاضى
وبصراحة انا شخصيا متغاظ
انا شفت اماكن كتير جميلة انا كمان سواء فى اسوان أو الأروع منها الأقصر
بس برضه من غير كاميرا
يبقى من حقى اتغاظ والا لأ

ثانيا بقى بخصوص الإهمال
انت لو دخلتى اسوان من جوه هتلاقى كارثه حقيقية مش هتقدرى تتخيليها ابدا
عارفه المناطق الشعبيه المهمله جدا جدا جدا هتلاقى انها انضف من هناك
والأقصر اللى تعتبر أروع مدن العالم
وومتحف أثرى حى
اعملى زيي وادخلى فى خنادقها من جوه هتلاقى كوارث
تخيلى ان المحافظ الجديد اكتشف ان طريق الكباش بقى عبارة عن موقف ميكروباص وملاعب
تخيلى ان المعابد بدأت تتحول لمجر مزارات لعشاق الساعه تسعه الصبح على رأى محمد هنيدى وملجأ للصوص كمان

بجد كوارث من غير حصر فى مكانين المفروض ان فيهم تلت آثار العالم على ما أتذكر

الازهرى يقول...

بالمناسبه
إيه المكان الغريب ده

معبد كوموبو

أول مرة اسمع عنه

إبتسامة ملاك يقول...

روعةةةةةةةةةة

قلبتى عليا الذى مضى

مناظر ولا اروع من كده
ماشاء الله
ربنا يكرمك حبيبتى

إن شاء الله تعالى ناويه اروح تانى لانها مش بيتشبع منها خالص
دمتى جميله
منتظراكى فى بوست جديد اتمنا مشاركتك

تحياتى
ايناس

جارة القمر يقول...

انا زرت جزيرة النباتات بجد سبحان الله فعلا في قمة الجمال

واسوان اول مازرتها حسيت انها قطعة من الجنة

رجعتيني لايام زمان والذكريات

الله عليك بجد حاجة رائعة

تسلم ايدك ياجميل

موناليزا يقول...

من اجمل الاماكن الطبيعية اللى زرتها بجد "جزيرة النباتات"
تسلمى على الموضوع والصور المرفقة:)

زهور الامل يقول...

الله يا شموسة

شوقتيني بجد اني اروح الاماكن دي

والله العظيم انا عينيا دمعت لما شوفت الصورة الجميلة دي وحسيت بشوق كبير اني اشوفها على الطبيعة
بس انتي الشهادة لله البركة فيكي انك قدرتي تجيبيلنا الصورة الرائعة دي وشرحتيلنا بالتفصيل

تسلم ايدك بجد
واحنا في انتظار باقي الرحلة

تحياتي

صوت من مصر يقول...

اتمنظرى برحتك
وهو ماله
وتانى حاجه
مش بحب الجزيرة دى

سبايدرمان spiderman يقول...

و الله صور جميله رحله اجمل
و ان شاء الله ناوي اطلعا قريب جدا بأمر الله

صوت من مصر يقول...

وعلى فكرة هخلص امتحانات يوم 2/4 واى خدمه مستعد للضرب بدون ادنى كلام

سبايدرمان spiderman يقول...

الشجره الى قلتي عليها غريبه ده
شكل واحد نايم و متكوم مش عارف ليه ^_^
بس شكلها عجبني و حفظتها عندي ^_^

نهر الحب يقول...

السلام عليكم ورحمة الله وبركاتة
ازيك يا شمس الشموسة
اية اخبارك
بصى بالنسبة للمنظرة اتمنظرى يا حلوة يا زينة على كيفك
وسيبك من الناس اللى مش عارفة هى بتقول اية عايزة تتكلم وخلاص
اما عن جزيرة النباتات
فانا بسمع عنها زى بالضبط ما بسمع عن اسوان ونفسى جدا ارحها
بس ربنا مش مقدر لى الفترة دى

امتعينا كمان بجمال رحلتك وتصويرك
شكرا على البوستات

بحر الالوان يقول...

جميلة جدا النباتات دي.... سبحان الله فيماخلق ..... رحلة ممتعة وبالتاكيد احنا مستمتعين معاكي حتي ولو عن بعد.

في انتظار باقي الرحلة

تحياتي

أحمد شريف يقول...

السلام عليكم
استمري وارمي ورى ظهرك هذا النقد الهدام
افخري بوطنك وعضدّي من حبك وفخرك بوطنك
وانقدي السلبيات نقداً بناءً هادفاً

وأشيدي بالإيجابيات ونحن معك وأنا شخصياً كلي سرور ويعلم الله أنه لا بيني ولا بينك سوى المعرفة في الله ولا أبغي غير هذا حتى اسمك لا أعرفه ويكفيني أنك مصرية
دمتِ بود

نور الدين يقول...

بجد الله ياشمس
سبحان الذى أبدع كل شيء
هذا خلق الله فارونى ماذا خلق الذين من دونه
تعرفى ياشمس انا لما بقرأ فى كتاب الوجود بيغمرنى إحساس اعظم من سماع الف موعظة كيف لا والوجود هو صوت الله الذى يخبر عنه من دون كلام

دائما أقول أن عين الشاعر الذى يصف الزهرة هى اروع من الزهرة نفسها وعينك أنت التى التقطت هذه المناظر الخلابة الآسرة هى عين مبدع ولا شك ربنا يباركلنا فيكى
....
أما اللى بيقول إنك بتتمنظرى فدة لا يصدق فيه إلا قول إيليا أبو ماضى
وشر النفوس فى الأرض نفس ترى الشوكة فى الورد وتعجز أن ترى الزهر فوقه إكليلا

..........
كل تحياتى أيتها الكريمة الفاضلة

صبرني يارب يقول...

جميله اوي يا شموسه

احلى حاجه فى الموضوع المصوراتي بصراحه

ههههههههههههههه

وخفيف اوي الاخ بتاع المنظره ده

بتتمنظري عشان مصوره الاقصر واسوان
ههههههههههههههه

يلا مش مهم

قوليله انا منظر اصلا يا ابنى
ههههههههههه

يارب تظبط معانا بقى ونشوف بعض يوم الجمعه

ياااااااااااارب

شمس النهار يقول...

*الازهري

شوفت اللطيف اللي بيقول لي بتمنظر

عارف انا مارضتش اعمل بوست عن اي رحلة عملتها خارج مصر

الا اللي عملتهم وانا في التدوين وكنت يادوب بطمنكم عليا

حتي البوست اللي عملته كان ان بلاد بره دي مش هي الاحلام

واخرتها يا ابو زهرة يتقال لي بتمنظر
::))

لازم طول ماانت مسافر تصور وتأرخ رحلاتك

طبعا انا شوفت الشوارع الداخلية لأسوان وادفو والاقصر

والحق يتقال مناطق مناطق

حسب السكان

اما موضوع طريق الاكباش هنتكلم عليه مع بعض في بوست بحاله

كومونبو ده معبد الحقيقه مااقدرش افتي تروحه ازاي من البر
علشان المركب رحل بينا 11 بالليل ووصلنا الفجر طلعنا من المركب علي رصيف المرسي النظيف جدا ومشينا حته صغيره علي رجلينا بقينا في المعبد علي طول

منور يا الازهري باشا والله النت
::))

سلامي

شمس النهار يقول...

*إبتسامة ملاك

شكرا ياايناس علي كلامك الجميل

فعلا ماحدش يشبع من الاماكن الجميلة دي خالص

وحاااااااااضر حااااااالا
هروح اشوف البوست الجديد

نورتيني

سلامي

شمس النهار يقول...

* جارة القمر

ازيك
يارب تكوني بخير
انتي مختفية فين

اسوان غاية من الجمال
ولون النيل هناك جميل جدا كأنه بحر


سلامي

شمس النهار يقول...

* موناليزا

شكرا علي كلامك اللطيف

نورتيني

سلامي

شمس النهار يقول...

زهور الامل

شكرا علي كلامك ياجميلة

انا ماعملتش حاجه غير اني صورت الاماكن الجميلة

مش شطارة مني والا حاجه هي الاماكن دي جميلة كده فعلا

ان شاء الله تروحي بنفسك وتصوري احسن مني

نورتي

سلامي

شمس النهار يقول...

* صوت من مصر


بذمتك انا بتمنظر ؟

::))

مش بتحبها ليه !!؟؟

ما ده اللي بقوله
ركز في الامتحانات الاول وبعدين نتحاسب

::))

سلامي

شمس النهار يقول...

* سبايدرمان spiderman

شكرا علي كلامك

وياريت فعلا تقدر تروح هناك
بجد هتنبسط جدا جدا

سلامي

شمس النهار يقول...

* نهر الحب

وعليكم السلام ورحمة الله وبركاته

الحمد لله كويسة

انتي ازيك يارب تكوني بخير يارب

شوفتي الا ايه بتمنظر ::))
اخر خيابة صح

ان شاء الله تروحي وتنبسطي فعلا هناك جو تاني خالص

نورتيني

سلامي

شمس النهار يقول...

*بحر الالوان

شكرا علي كلامك
ده في اشجار عجيبة جدا
عايزه بلوجر بحالة

اخترت منها دول بس

شكرا علي متابعتك معايا

سلامي

شمس النهار يقول...

* احمد شريف

شكرا علي كلامك
ومجاملتك اللطيفة

الحقيقة الهدف الاساسي من البوستات
اني اعرف ببلدي وجمالها

واشجع السياحة الداخلية
وافتخر ان بلدي جميلة

ولو عايزة اتمنظر كنت عملت بوستات عن بلاد تانيه انا رحتها

شكرا علي متابعتك

سلامي

شمس النهار يقول...

* نور الدين

الله موجود في كل شئ

كلامك جميل فعلا


وشكرا علي مجاملتك اللطيف
الحقيقه ان المناظر خلابة تبقا مش عارف تصور ايه والا ايه

انا مصورة 15 جيجة :)
وبنقي منهم

اما المنظرة
ايوه بتمنظر بخلق الله الجميل
ببلدي اللي وهبها ربنا كل شئ جميل
وشوهناه الحمد لله وماحفظناش عليه

لو عايزة اتمنظر يانور كنت اتمنظرت ببلاد تانيه برضه رحتها

نورتني
سلامي

شمس النهار يقول...

* صبرني يارب

::))

مكالمتك كانت لطيفة جدا

وانتي انسانة لطيفة اصلا


وعايزين نشكر اخونا في الله
رضا باشا علي الواجب الجامد اللي هيعمله معانا
وعقبال ماما هي كمان ماتوجب معانا قولي يارب


شكرا علي كلامك ياجميلة


سلامي

الازهرى يقول...

أكسب المره دى كمان
اسمه
كوم أمبو
وباذن الله لما ييجى وقته هأقول الطريق بالبر والبحر والجو كمان لو تحبى

الا دى المره الكام ؟

شمس النهار يقول...

* الازهري

::))
الله يمسيه بالخير

عمرو بدر حبشتكانات فلسفية

كان بيصحح لي البوست اللي كله غلطات من غير والا كلمة
كان بيشد في شعرة مني وهو مبتسم

مش انت يا فاااااااااضحني

::))

أمل حمدي يقول...

ههههههههههههه

اتمنظري براحتك واحنا قابلين

سبحان الله في البشر

ربنا يهدي

بوست ومناظر روعة

تسلمي حبيبتي يارب

شمس النهار يقول...

* امل حمدي

ازيك يارب تكوني بخير

شوفتي !!!!!!

يعني رأيك اتمنظر براحتي

مش هنزل لك كلمة ياجميلة

نورتيني

سلامي

norahaty يقول...

بلدنا حلوة اوى
ياشموسة بس لو ناخد
بالنا منها مش بس
الحكومة لأ والشعب
كمان يتعلم يحافظ
عليها لكن للأسف
كل واحد حاسس
انها مش بلده
او مش ملكه
يحــافظ
عليها ليه؟

Dr Ibrahim يقول...

اول مرة أعرف حاكية النخلة وبرج القاهرة دى :)

عمرو جويلى يقول...

السلام عليكم
مناظر خلابة ولكن إلى متى
ستمتد يد الإهمال فى هذه المناطق
التى تعتبر من أجمل بفاع مصر بل والدنيا
خالص تقديرى

قوس قزح يقول...

مش عارفة ليه حاسة ان الجزيرة مهملين فيها

ده انا روحت مرة معرض الزهور بتاع وزارة الزراعة هنا كان فوق الوصف

يعنى ممكن يهتموا بها اكتر من كده

تسلم ايديك يا جميلة على الصور و المعلومات

أحــوال الهـوي يقول...

شمسنا الغاليه

و حشتينا
من اجمل الاماكن اللي زرتها و لااعجابي بها كنت اذهب يوميا بالمركب لزيارتها لان رحلة النيل كانت ممتعه للعين و النفس و الروح

الصور غايه في الروعه لانني لا املك الا الصور الموجوده في وجداني و فرصه
امتلك نسخه بين يدي

نعم نملك اجمل الماظر الطبيعيه في الدنيا و لنا الفخر

تحياتي

كلام عيب يقول...

جزيره النباتات دى بتفكرنى بطفولتى لانى كنت كل سنه لازم اروحها مع المدرسه و مع كل مره اكون كبرت اكتر و فهمت اكتر
كل بوست اشوفه عندك بيرجعنى سنين لورا
تسلم ايدك يا جميله و اتمنظرى براحتك و ببلدك زى ما انتى عايزه

شمس النهار يقول...

norahaty

عندك حق

طول مامافيش انتماء

هنحس ده ازاي

والانتماء مابيجيش من فراغ

لها اساسيات كتير بس للأسف مش موجوده

سلامي

شمس النهار يقول...

Dr Ibrahim

انا كمان كان اول مرة اشوف النخلة

هي مش موجوده غير هناك

اعتقد حسب كلام المرافق


سلامي

شمس النهار يقول...

* عمرو جويلي

وعليكم السلام ورحمة الله وبركاته

زي ماشوفت رحلة مدرسة متساب التلاميذ يعملوا اللي عايزينة

ولا حد قال حرام النباتات دي نادرة


الحافظ ربنا

سلامي

شمس النهار يقول...

* قوس قزح

ازيك

بالنسبة لمعرض او مهرجان الزهور

هو مهرجان سنوي وبيهتموا بيه

وكتير في مصر مايعرفوش عنه حاجة

لكن الجزيرة بيها نباتات نادرة جدا

ومافيش حارس لها

شكرا علي مشاركتك

سلامي

شمس النهار يقول...

* احوال الهوي

حمد الله علي السلامة

شكرا علي كلامك ومجاملتك اللطيفة


فعلا الاماكن هناك جميلة جدا

واكيد انت شوفت الطبيعة برة عاملة ايه

واكيد ان بلدنا احلي

سلامي

شمس النهار يقول...

* كلام عيب

طيب كويس اني برجع لك زكرياتك
:))

شكرا علي كلامك اللطيف


سلامي

dodoo يقول...

السلام عليكم و رحمة الله و بركاته

ايه الجمال ده كله ما شاء الله
اول مرة اسمع عن الاماكن دي في بلدنا

ابقوا خدوني معاكو المرة الجايه
ههههههههههههههههههههه

سلامي

أحمد شريف يقول...

السلام عليكم
مررتِ على مدونتي دون أن تري هذه القصيدة أو تحمليها كما أظن
وأنتظر رأيك إن شاء الله
هي هنا
http://ahmedsherif-eg.blogspot.com/2010/01/blog-post_26.html

mostafa rayan يقول...

حلوة قوى المناظر دي يا شمس
بلدنا حلوة قوى لكن اللي ماسكنها مش بيراعو ربنا فيها
اما الشخص اياه ده فانا عايز اقوله مالكش دعوه هي حرة تعمل اللي هي عايزاها ده شيئ مايخصكش
لك كل التحيه والموده يا شمس

Lyssandra يقول...

صباح الخير :)

عجبتني أوي الصور للأشجار النادرة والأشجار الغريبة .. والمركب الصغير في النيل

بجد سعيدة بالرحلة دي معاكي وعن طريق صورك :)

تحياتي
ودمتِ بكل خير

Lyssa

ذو الوجه المبتسم يقول...

الصور تحفة كالعادة
والحاسة الفنية عندك مميزة جدا يا فنانة

ربنا يسعدك كمان وكمان
يابختك بتتفسحى وبتشوفى المناظر دى

بخصوص التعليق اللى كتبتى عنه باخر البوست والمنظرة
اعجبنى جدا ردك الدبلوماسي الرائع عليه

علشان كده بالعند فيه كل يوم نزلى بوست صور

تقبلى تحياتى واحترامى

طهر فؤادك يقول...

السلام عليكم ورحمة الله وبركاتة

ماشاء الله جميلة المناظر جداا

ربنا يكرمك يارب والمسلمين انك ورتينا الصور الرائعة دى وننتظر جديدك بأستمرار

اسمي أحمد .. لو مخانتنيش الذاكره !! يقول...

ما شاء الله . اييييييييييه ده ؟.. اسلوب راقي و ابداع يتجدد .. كتابه احترافيه نمسك الخشب :)

هما كل المدونين شطار كده ولا ايه ؟ .. أنا يعني اللي وقعت من قعر الأفه :(


و على فكره.. أجمل لحظات حياتي عشتها في الجزيره دي .. و فيها اتعرفت على أحلى بنوته في حياتي كلها .. اللي دلوقتي بقت .. زوجتي :)

أول مره أزورك بس ان شاء الله مش آخر مره

و ياريت اتشرف بحضرتك على مدونتي و نتبادل التعليقات
الرابط
http://ra7alaat.blogspot.com/

شكرا لوقتك

*همسة حب * زوزو يقول...

ما شاء الله ايه الجمال دة سبحان الخالق بجد المناظر تحفة تسلم ايدك يا شموسة اسعدتينا بالصور دي منتظرين بقية رحلة مع صور و مناظر جديدة
تحياتي يا قمر

نهر الحب يقول...

شكرا لك
على اضافة رابط لمدونتى

نهر الحب يقول...
أزال المؤلف هذا التعليق.
Sharm يقول...

حلوة يا بلدي

الجواز و سنينه يقول...

بقى فيه حد قالك انتى بتتمنظرى
لا حول و لا قوه إلا بالله
تصدقى انا بستمتع بكل الصور بتاعتك و بقول ربنا يجازيكى كل خير تعبتى نفسك و صورتيلنا الحاجات الحلوه دى
يعنى ما صورتيش الاوبن بوفيه فى السفينه و جبتلنا الصور تتمنظرى بيها بجد
تسلم اديكى يا شموسه
و اتمنظرى لو دى المنظره

شمس النهار يقول...

dodoo
وعليكم السلام ورحمة الله وبركاتة

ازيك

ده في اماكن في مصر احلي من كدة بكتيير كمان

او كي يادودو المرة الجاية تعالي معايا

سلامي

شمس النهار يقول...

* احمد الشريف

وعليكم السلام ورحمة الله وبركاتة

اتعذر ما شوفتش القصيدة خالص

هروح حااااالا اشوف


سلامي

شمس النهار يقول...

mostafa rayan

اهلا اهلا يادرش

بلدنا حلوة جدا
عارف لو رحت الاماكن دي مش هتكتب قصص بس لأ هتكتب قصاااااااااائد

شكرا علي كلامك يادرش
عارفة ان ورايا رجاله

سلامي

شمس النهار يقول...

Lyssandra

مساء الخير

شكرا علي كلامك اللطيف

ومبسوطة ان الصور عجباكي

سلامي

شمس النهار يقول...

* ذو الوجة المبتسم

:)

شكرا علي كلامك ومجاملتك اللطيفة


وطبعا اني ماضية في طريقي
يعني الصور اللي اتصورتها دي كلها هوديها فين

سلامي

شمس النهار يقول...

*طهر فؤادك

وعليكم السلام ورحمة الله وبركاتة

شكرا علي الكلام الجميل
وان شاء الله نواصل

سلامي

شمس النهار يقول...

* اسمي أحمد .. لو مخانتنيش الذاكره !!

اهلا بيك

شكرا علي مجاملتك

وبكدة اكون احييت ذكرايات كتير بقا :)

ان شاء الله نتواصل
ونتبادل الزيارات

سلامي

شمس النهار يقول...

*همسة حب * زوزو

شكرا علي كلامك اللطيف

وان شاء الله باقي البوستات تعجبك


سلامي

شمس النهار يقول...

* نهر الحب

لا شكر علي واجب


الموضوع مهم ولازم اكبر عدد يشوفه
ده حقك

سلامي

شمس النهار يقول...

Sharm

ايوة حلوة يابلدي
جدا جدا

سلامي

شمس النهار يقول...

* الجواز وسنينة

تصدقي
علشان حبيت اظهر جمال بلدي

ابقا بتمنظر

::))

شكرا علي كلامك ياجميلة

وانا شايفة ان في اجماااااااع
علي اني اتمنظر براحتي

::))


سلامي

MahmoudElbadry يقول...

السلام عليكم

نيس توبيك بجد
انا مولو فالجيزة بس اصلي من اسوان و بروح هناك كل شتا بس السنة دي مرحتش
:(
و مفيش مرة مرحتش فيها من غير ما اروح الحديقة النباتية بجد جميلة جدا

ميرسي علي التوبيك و هستعير شوية من الصور
D:

سلام