الأحد، 17 يناير، 2010

نبتدي الزيارات

طلعنا علي المركب بعد واقعة المطعم

والمرافق بتاعنا قال لنا ممكن تناموا لحد الساعه 12 وبعد كده تتغدوا ونبتدي الزيارات علي الساعه واحده

قلنا ماشي
طبعا عايزين ننام احنا في المطار من الساعه اتنين ونص بالليل

نمنا وفي عز النوم لاقيت صبرني يارب بتتصل بيا وصحتني خير اللهم اجعله خير
اليوم ان شاء الله هيكون جميل


المهم علي الغدا اتصلت بيه( رشا دودو) وبعدها (ورد شان)

الكل كان عايز يطمن ربنا مايحرمني منكم

ابتدينا اول زياره للمسله الناقصه
يعني ايه المسله الناقصه يعني كانت تحت الانشاء ولم تكتمل لعيب في الرخام
وهي دي اللي لما اكتشفوها عرفوا ازاي ك
انوا بيعملوا المسلات الطويله دي وحته واحده


بصراحه اعجاز الناس دي كانت عندها دماغ عاليه وبيشتغلوا بدقه وذكاء
مش هعرف اشرح الطريقه بس هي موجود
ه علي النت بكل تفاصيلها الدقيقه المزهله

وبعد المسله اخدنا الباص وعلي السد العالي



بجد حاجه جميله جدا وفخر للمصريين انهم عملوا حاجه زي دي

المكان جميل ونظيف جدا جدا





الصورد دي من فوق جسم السد شايفين لون النيل جميل ازاي والا بحر مرسي مطروح
علي فكره احلي لون للنيل في المنطقه دي


لكن الحلو لازم في مصر مايكملش

شوفت بحيرة ناصر اكبر بحيره صناعيه في العالم




طيب لما هي كلها خير كده ليه مابنعملش مصانع اسماك علي حدودها والسد موجود والكهربا موجوده والايدي العامله العدد في الليمون

لأ وايه فيها حوالي 35 الف تمساح الله ا
لله
طبعا بيتغذوا علي الاسماك
طيب ليه مانصيدهمش والتمساح كله فوايد
جلود ولحم يتم تصديره للخارج ماهو في
بلاد
بتاكل التماسيح
ولما قلت كده للمرافق اللي معانا وهو من ا
هل اسوان قال لي بطيبه شديده ماهو مصنع السمك هناك اهو
مصنع يتيم واحد
احنا بنتكلم علي ملايين الاطنان

تحسوا ان مصر دي ماشيه بالبركه
عندنا كنوز كتير ومش عارفين نستغلها و
نقعد نندب في حظنا
لا عارفين نستغل بحر احمر ولا ابيض ول
ا نيل ولاحتي البحيره اللي غرقت الدنيا
ومليانه سمك سيبينه



بعد السد العالي قال ايه عايزين يرجعونا المركب
قلت لأ طبعا فين المتحف النوبي
قالنا انه مش في البرنامج ولو عايزين ترو
حوا ترحوا لوحدكم
قلت ماشي وعلي عهد المصريين لم نتفق
علي كلمه
ناس رجعت المركب وناس جت معايا علي المتحف ا
لنوبي الجميل جدا جدا جدا

ده المدخل الخارجي




امامه ساحه كبيره والارضيه من الرخام وت
صميم جميل جدا فخر لأسوان

وده المدخل الداخلي



المتحف منظم جدا ومبني علي التراز النوبي من الخارج
ومن الداخل متقسم بطريقه ماتتوهش وكل
حاجه مكتوب جنبها ايه الموضوع

ومن اجمل الحاجات فيه التماثيل اللطيفه الل
ي بتمثل حياة الانسان المصري النوبي
وهسيب الصور هي اللي تحكي





بعد كده رجعنا علي المركب اتعشينا ونزلنا البلد نتفرج عليها

والبوست الجاي نتكلم عن معبد فيالا اوفيلا وجزيرة النباتات وصور تاني

::))

هناك 65 تعليقًا:

ماما أمولة يقول...

جميلة يا شموسة

متبعاكِ

دمت بخير

rovy يقول...

السلام عليكم شموسه الحبيبه
اولا عاوزه اعتذر عن تقصيرى الفتره اللى فاتت و ده كان بسبب زفاف اختى الصغيره ناديه و انشغالى معاها ..و الحمد لله الفرح كان امبارح و كانت عروسه زى القمر و احلى و الحمد لله بدأت أفوق و الاقى وقت اتابع المدونات و النت عموما تانى ..
قرأت البوست اللى فات و البوست ده واضح انها كانت رحلة ممتعه و جميله ما شاء الله ..متبعاكى اكيد و بأشكرك لانك بتأخذينا معاكى فى رحلاتك الجميله و مش نسيانا ..

خالص مودتى و تحياتى لكى

ABOALI يقول...

اممممممممممممم
بلدنا فعلا بلد جميل لو لقت حد جميل يهتم بيها ويراعاه نبقى فعلا قطعة من الجنة
لاننا نستحق كل خير بس تاهين بفعل فاعل
الصور ماشاء الله تم التقاطها بعدسة فنان ماهر ولا دى صور متاءجرة (وش بيغمز)
وفعلا تحسى البلد ماشية كده مافيش تفكير ولا حاجة كله بيقضى اليوم ويكسر الوقت
والله يجعله عامر

ربنا يهب ليكى الصلاح والفلاح ويجعلك مصاحبة لكل ناجح
قااااااااااادر يا كريم
وعشانا عليك يا رب


منورة بجد يا مراسلة قطاع الاخبار من الاراضى الاقصرية والاسوانية

قوس قزح يقول...

الله حلو اوى المتحف النوبى

انا نفسى اروح اسوان

عاشقة القمر يقول...

ازيك حمدالله علي سلامه شكلها رحلة جميل اوي
وصورة جميل جدا
بجد حسيت بانو معاكم في هذه رحلة
في كل بلد في حاجة جميل بس عايزه احد يتطورها ويهتم به

أحمد شريف يقول...

السلام عليكم
متابع معك وسعيد بالطرح

بالمناسبة حكاية مصانع الأسماك هذه كثيراً ما أحلم بها .. أحزن كثيراً حينما أجد علب التونه والسردين المستورد

مع العلم أظن أن هناك مصانع تبني حالياً لأسماك التونة ببلطيم عندنا في كفر الشيخ وحابب أقلك إن الرئيس اليوم في كفر الشيخ ومن ضمن افتتاحاته ميناء للصيد في بلطيم والميناء ده له فوائد عظيمة جداً للصيادين وهو الأول من نوعه في المنطقة
لن عن صدق أسوان بلد جميلة أوي وإن شاء الله لي زيارة لها في الشهر القادم أو اللذي يليه

صبرني يارب يقول...

اللللللللللللللللللله

كنتى خدينى معاكي يا شموووووسه

نفسي اروح بجد

انا شكلي اروح اخر الشارع واجي اصلا

حتى مش عارفه اروح حاليا يادوب اخر الشقه


ايه التصوير الجميل ده يا جميل مستنيه الباقي انا


ومعلش انى صحيتك والله ياقمر سووووووووري

الجواز و سنينه يقول...

الله عليكى يا شموسه
بجد صور تحفه و احلى حاجه عجبتنى انك بتدرسى الرحله قبل ما تروحيها
يعنى المتحف النوبى مش كان فى البرنامج
بس ماشاء الله عليكى مذاكره
كان عندى سؤال صغنن
لو فيه اطفال سن 3 سنين معاكى
هايتحملوا الرحله دى و لا هايتعبوا و يتعبونا؟
لو السياحه انتعشت فى اسوان هاتكونى انتى السبب
و ساعتها حاولى تنصصى معاهم
هههههههههههههه

عمرو جويلى يقول...

السلام عليكم
مناظر أكثر من رائعة
وبالفعل ينقص هذه المنطقة
محتاجة لمجموعة من مصانع الأسماك
لتدر على البلد دخل
متابع معاكِ إن شاء الله
خالص تقديرى

dodoo يقول...

اولا حمد الله على سلامة حضرتك
انا عارفه انها جت متاخرة بس انا اسفه و الله غصب عني
كنت بقرالحضرتك كل البوستات بس ماكانش بيسعفني الوقت انى اعلق عليهم كلهم

ارجوكي اعذريني

اما بالنسبه للاماكن اللي حضرتك وصفتيها بجد جميله جدا و و الوصف مع الصور بجد حسسنى انى شوفتها بعيني

و بالنسبه لمصر و عدم استغلال الموارد فيها ده بئا شيء طبيعي جدا و اتعودنا عليه زي ما اتعودنا على اصرار دفع الملايين في حاجات مالهاش لازمة و تضيع الملايين في الهوا

الحمد لله على كل شيء

بالتوفيق
و سلامي

ذو الوجه المبتسم يقول...

الصور رائعة

واكيد رؤيتها على الطبيعة اروع

تحياتى

زهور الامل يقول...

ماشاء الله الصور بجد تحفة

ربنا يكتبلي زيارة الاماكن الجميلة دي
بجد هكون سعيدة اوي لو شوفتها على الطبيعة
والبركة فيكي برضو لانك عرفتينا وورتينا حاجات جميلة مشوفنهاش قبل كدة من كلامك والصورة الرائعة اللي جبتيها

تسلم ايدك
تحياتي

شمس النهار يقول...

* ماما اموله

منوراني دايما

يارب تكون صحتك بخير

سلامي

شمس النهار يقول...

rovy

وعليكم السلام ورحمته وبركاته

ياحبيبتي مافيش اعتذار والا حاجه

الف الف الف مبروك لأختك

شكرا علي متابعتك

وان شاء الله الباقي يعجبك

سلامي

شمس النهار يقول...

ABOALI

::))
مالحقتش برضه اول تعليق

:)

الصور دي صناعه شمسيه ميه ميه وفي صور منها كمان من وراء زجاج الباص

شكرا علي كلامك

سلامي

شمس النهار يقول...

* قوس قزح

ازيك
يارب تكوني بخير

فعلا المتحف النوبي جميل جدا جدا
انا كنت فاخوره بيه وانا شايفه السياح مبهورين بيه

وكمان الموميات اللي فيه معروضه حلو وكمان مصاحب لها شرح جيد وفي حاله جيده كمان

لازم فعلا تروحي الرحله دي هتنبسطي جدا
بس من غير عيال طبعا:)

سلامي

شمس النهار يقول...

عاشقة القمر

شكرا علي كلامك
فعلا بلادنا جميله محتاجه حد يحبها فعلا


ان شاء الله الباقي يعجبك

سلامي

شمس النهار يقول...

* احمد شريف

وعليكم السلام ورحمة الله وبركاته

فعلا انا سمعت عن موضوع كفر الشيخ
وكمان سمعت عن المشاكل بتاعت المزارع السمكيه هناك

يارب خير ماهو مش معقول ان عندنا بحرين ونيل وبحيرات مابين صناعيه وطبيعيه

والسمك ياغالي ياملوث يامش موجود

اسوان فعلا بلد جميله جدا
اتمني ان رحلتك تتم

سلامي

شمس النهار يقول...

* صبرني يارب

::))
ياجميل انت تصحيني في اي وقت

وادي اللي بناخده من الشاطر عمرو

::))

ويااريت كنتي فعلا معايا كنا هننبسط جدا
وكنتي جريتي جري ورا العيال علي سطح المركب كانت ركبتك فكت بصحيح

::))

سلامي

شمس النهار يقول...

* الجواز وسنينه

ازيك

بالنسبه للرحله درست الكلام ده كله في الكليه وكنت بمتحن فيه ازاي ماتسألينيش دلوقتي

وكنت مستمتعه جدا اني بشوف الكلام ده علي الطبيعه

اما المتحف النوبي فقال لي عليه تلاته من اصحابي

بصراحه هو جميل جدا طريقة العرض خطيره فعلا خلتنا نعرف نشوف كويس مش زي المتحف المصري المكدس زي السوق

بالنسبه للأطفال الحقيقه هيتعبوا جدا وهيتعبوكي
الجو حار جدا الصبح وبالليل سقعه جدا

كمان اغلب الاماكن مش هتعرفي تمشي فيها بيهم
وخصوصا وادي الملوك اللي فيه المقابر

::))

اللي انبسطت منه كمان ان فعلا السياحه منتعشه هناك والحمد لله
لكن برضه مايمنعش اني انصص برضه

:)
سلامي

شمس النهار يقول...

* عمرو جويلي

وعليكم السلام ورحمته وبركاته

بالظبطت مجموعه مختلفه من مصانع الاسماك مش مصنع واحد
انت ماعندكش فكره البحيره كبيره قد ايه دي لحد السودان

شكرا علي متابعتك

سلامي

شمس النهار يقول...

dodoo

الله يسلمك

ازيك يارب تكوني بخير

عذراكي وعارفه ان عندكم استعدادات قويه اليومين دول

مش عايزين مساعده

وشكرا علي كلامك ومتابعتك

سلامي

شمس النهار يقول...

* ذو الوجه المبتسم


فعلا الحقيقه الطبيعه احلي بكتير

وطريقة العرض احلي

بجد فخر لأسوان هذا المتحف


سلامي

شمس النهار يقول...

* زهور الامل

شكرا علي كلامك

وان شاء الله تروحي تزوريها بنفسك ان شاء الله


سلامي

بحر الالوان يقول...

مجهود رائع يستحق التحية ......وفي انتظار المزيد .

بس ملحوظة شريرة ..... فين صور التماسيح ؟

تحياتي

mostafa rayan يقول...

ازيك يا شموسه يا جميله يارب تكونى بخير وفى احسن صحه وحال
والله يا شمس انت شكلك حماه زي العسل
ويابخت اولاد بناتك بيكي
احنا في مصر مش بنعرف نستفيد من مواردنا ولا امكانينا كل الموارد
المائيه دي قال وبنستود سمك لواحنا في بلد بتحترم نفسها واللي ماسكنها بيراعو ربنا كان السمك ده بقي الاكله الرسميه والشعبيه للبلاد وكانت اسعاره بقت حاجه كده ببلاش وكنا صدرناه وجابلنا ملاين الملايين
وقال ويقولك وقفه مصريه وبطلو خلفه طب ماتبطلو انتو سرقه واتقو الله فينا
منتظرين البوست القادم عن بقيه الرحله ولك منى كل المحبه والموده

mostafa rayan يقول...

ملحوظه على جنب:
انت مش مصدق اني التعليق رقم 26عندك متيالى دي اول مره اخد ترتيب متقدم كده
هههههههههه
يلا ان شاء الله المرات الجايه اجيب ترتيب احسن
تحياتى لك يا شموسه الجميله

!!! عارفة ... مش عارف ليه يقول...

علشان اتابع الرحلة نزليت قريت كل اللي فاتني لحد المتحف النوبي :)

الرحلة فعلاً تحفة والحمد لله واضح إنك استمتعتي بيها اوووي

وده انعكس علينا بشكل مباشر

وفي إنتظار بقية التفاصيل

ومع الأسف لحد دلوقت معملتش الرحلة دي

إنما وصفك بصراحة حمسني أوووي إني أعملها قريب إن شاء الله


في إنتظار المزيد :)

وليد

ঔღঔ نـــوارة ঔღঔ يقول...

واااااااو

شكلها رحلة تجننننننن

عجبتني اووي صور المتحف وصور النيل

وقرات كل البوستات الي فاتت ومووت من الضحك على بتاع الفووول هههههههه

وحشاني جداااااا

وسووري عالتقصير ولهي غصب من عني

وميرسي على الصور الهايلة

دمتي بالف خير

كلام عيب يقول...

ازى حضرتك اولا انا يمكن اول مره اجى هنا
انا عشت معظم حياتى فى اسوان الحقيقه البلد دى ساحره بكل ما فيها الناس و الاماكن و المناظر تخيلى انا حتى سلبياتها بحسها مميزات
حمد الله على السلامه و رحله سعيده

المسلم الصغير يقول...

السلام عليكم ورحمة الله وبركاته...
فعلا بجد في مصر أماكن حلوة قوي وحضرتك شوقتينا باننا نروح نزورها والتقاتك للصور جميلة قوي
بوست جمليل ومشوق
تحياتي

mohamed ghalia يقول...

تحفة الصور بجد
وكمان عجبنى اقتراحك بالنسبة للبحيرة
بس ياريت حد يسمع

نهر الحب يقول...

السلام عليكم ورحمة الله وبركاتة
جزاك الله خيرا على عزأك لى
شاكرة جدا لك اهتمامك بجد
ثانيا
فعلا مصر ماشية ببركة ربنا فى كثيرا من الامور لا استخدام مواردها وحسب !!

متابعة لباقى الرحلة

ميرام يقول...

الله الله الله
انا بدرس تاريخ العمارة الفرعونية
ونفسي جداااااااا اروووح هناك
(:
تحيتي

MR.PRESIDENT يقول...

إزيك يا شموسة ، كيفيك أهم حاجة تكون الأمزج في الرحلة مية مية ، أمال احنا ريحين ليه ، علي فكرة بقي انا سمعت خبر كده وكده في الراديو بقولوا الأقصر منورة بعد ما كانت مضلمة ولما سألوا عن السبب مطلعش طاهرة طبيعية ده طلع انك نورتيها ، يارب تفضلي علي طول كده سعيدة وبفرح وهنا .

~PakKaramu~ يقول...

Pak Karamu visiting your blog

well يقول...

يا بختك.....مش بحسد والله

تحسوا ان مصر دي ماشيه بالبركه...
بالبركة وبنكسب المطشات بدعا الوالدين

وعلي عهد المصريين لم نتفق علي كلمه
العهد ده اساسا بتاع العرب كلهم

تحياتى واتمنى ليكى التوفيق

شمس النهار يقول...

بحر الالوان

:)
لا ده انت شرير بجد

التمااااااسيح

ده انت كده ماكنتش عايزني ارجع بقا


سلامي

شمس النهار يقول...

mostafa rayan

ازيك انت يارب تكون بخير ياكاتبنا الهمام

الحمد لله انا بخير

انا حماة نو لأ خالص
انا ام ليهم كلهم :)

عندك حق في كلامك بس هو انت عايز الناس ترتاح وتاكل وتنبسط وماتلفش حوالين نفسها
ده كلام يادرش
اومال الحرميه هتسرق مين ان شاء الله

:)
انت منزلتك عندي كبيره يادرش حتي لو كنت اخر تعليق

دمت ياريس

سلامي

شمس النهار يقول...

!!! عارفة ... مش عارف ليه

نورت البوست والبوستات اللي فاتت

الرحله كانت جميله جدا
والاماكن جميله والطبيعه ساحره

وبنصحك فعلا لازم تروحها هتنبسط جدا
ولو تقدر تعملها علي مركب هيكون اجمل
المناظر اللي بنعدي عليها واحنا مسافرين جميله جدا

اتكل علي الله وسافر


سلامي

شمس النهار يقول...

ঔღঔ نـــوارة ঔღঔ

نواره ازيك ياجميله غايبه ليه عن البلوجر
يارب خير

انتي كمان وحشتيني

الرحله كانت جميله والمناظر هي اللي حلوه مش انا اللي بعرف اصور

ان شاء الله تقدري تطلعي الرحلة دي

سلامي

شمس النهار يقول...

*كلام عيب

اهلا وسهلا في اول زيارة

اسوان جميله

النيل هناك جميل جداجدا
وهو كده الانسان لما بيحب حاجه بيحبها بكل مافيها
الصح بالغلط الحلو بالمر

سلامي

شمس النهار يقول...

*المسلم الصغير

وعليكم السلام ورحمته وبركاته

مش مصر ام الدنيا

يبقي هي علي حق جميله

نورتني


سلامي

شمس النهار يقول...

mohamed ghalia

شكرا علي مجاملتك اللطيفه

ياريت الاقتراحات دي تتعمل


سلامي

شمس النهار يقول...

*نهر الحب

وعليكم السلام ورحمته وبركاته

مافيش شكر ده واجب ولوكنت اقدر اجي كنت جيت

مصر عايزه معجزه تنتشلنا من اللي احنا فيه ده

يارب تكوني بخير

سلامي

شمس النهار يقول...

*ميرام

عارفه هتفرق معاكي كتير جدا
انك تزوري الاماكن دي دلوقتي

انا برضه درستها لكن من سنين كتير فاتت بطلت اعدها من كترها


بس برضه كان عندي فكره كبيره
لدرجة اني كنت بناقش الدليل بتاع الرحله وهو بصراحه كان بيرد كويس


سلامي

أحمد شريف يقول...

السلام عليكم
مدام شمس كويس إنك رجعت من أسوان قبل السيول المدمرة اللي مرت بها أمس واليوم

ربنا يخفف عن أهالي أسوان والبحر الأمر وسيناء مما أصابهم من السيول

وبالمناسبة لم أفهم ردك بالأمس على تدوينتي الصوتية بخصوص زيارة الرئيس لكفر الشيخ

دمتِ بود

شمس النهار يقول...

MR.PRESIDENT

ازيك ياريسنا

يارب تكون بخير وخلاص اخدت ورقة التنجيد
اوبس غلطه مطبعيه اقصد التجنيد
::))

شكرا علي مجاملتك اللطيفه

بس شوفت بعد مامشيت حصل ايه سيول وفياضانات ماحصلتش قبل كده

::))

سلامي

شمس النهار يقول...

~PakKaramu~

you well be welcome any
time

and it is nice having you her

salam

شمس النهار يقول...

well

مش بتحسد
طيب خمسه وخميسه
احتياطي
::))


كل حاجه بتحصل في بلدنا بالبركه مافيش مستوي لحاجه خالص

مصر عايزه معجزه تعلمنا التخطيط والتنفيذ الجيد ثم المتابع ثم الاداره الجيده وسياسة الثواب والعقاب


ماتقلبش المواجع بقا

سلامي

شمس النهار يقول...

احمد الشريف

وعليكم السلام ورحمته وبركاته

ايوه شفت موضوع السيول
كان قدمنا عليهم ادم السعد

ايوه المطر والسيول ده خير كبير اوي

بس في البلاد اللي بتعرف تتعامل مع هذا الكم من الخير والمطر
وتوظفه صح

لكن مع غياب الاداره والتخطيط بتتحول لكارثه

هروح عندك المدونه
انا ماعرفتش اشغل الفديوهات
خااالص

سلامي

كيــــــــــــارا يقول...

بستمتع اوي يامامتي بكلامك

وادتيني فكرة ان شاء الله اول اما ماما تقوم بالسلامه هنفذها باذن الله

المهم ياماتي البيت دا وحشني اووووووووووووووووووووووووووووووووي

ليس فقيرا من يحب يقول...

الله الصور تحفه

بقى ممكن الواحد ربنا يتوب عليه

ويروح يشوف الاماكن الروعه دى

ربنا يسعد اوقاتك

Muhammad Saber Abdou يقول...

اشكرك على الصور الجميلة والبوست الاجمل
نفسي اروح الاقصر واسوان عمري مارحتها
عن قريب ان شاء الله

ghorBty يقول...

السلامـ عليكمـ

ياااااااه وحشتني اوي المدونه

عودا حميدا

وربنا يبارك في حضرتك علي الصور بجد اتبسطت جداااا وكاني كنت في الرحله حلو اوي منظر السد حاجه تريح الاعصاب والهدوء نفسي اتنفس هدوء نفسي

دمت بكل خير

أُكتب بالرصاص يقول...

اول مرة اكتشف حكاوي السياحة دي

وانا باموت في كدا

علشان اديلك الرأي السليم

هأقرأ الأول من الأول

وارجع

لكن شكل الموضوع بالصور بالتعليقات بالملاحظات

رائع

تحياتي ماما أمولة ...!

norahaty يقول...

الله ياشموسة
انا أخدت
جولة سياحية
جميلة فى المدونة
ورحت السد العالى
والمتحف النوبى ومطعم
عم أمين كمان ومن غير
تلوث الحمد لله:)

شمس النهار يقول...

* كيــــــــــــارا

فكرة ايه
وسلامة ماما الف سلامه


انتي فين اصلا اليومين دول


سلامي

شمس النهار يقول...

*ليس فقيرا من يحب

ازيك يارنيا
فينك

المناظر هناك جميله جدا جدا

ان شاء الله تروحي وتتفسحي

وربنا يسعد اوقاتك

سلامي

شمس النهار يقول...

Muhammad Saber Abdou

شكرا علي شكرك
انا بعتبره واجب ان نعرف بعض بالجمال اللي في بلدنا

وان شاء الله تروح وتشوف بنفسك


سلامي

شمس النهار يقول...

ghorBty

وعليكم السلام ورحمته وبركاته

ازيك انتي عامله ايه
واخبار الدراسه ايه
وحشتيني

ان شاء الله تنعمي بالهدوء النفسي
وهدعيلك ربنا يريح قلبك

سلامي

شمس النهار يقول...

أُكتب بالرصاص

شكرا علي متبعتك
بس لو انت بتحب السياحه يبقا لازم تجيب المدونه من اولها هتلاقي بلدان كتير

ماعدا بلاد بره مش بحب احط صور وحاجات

علشان الناس ماتفتكرش ان البلاد دي حلوه
البلاد دي قشره فقط

وعلي فكره انا ماما شمس ولي الشرف انك تفتكرني ماما اموله بالرغم اني اكبر منها سنا الا انها اكبر مني مقاما

نورتني


سلامي

شمس النهار يقول...

norahaty

ازيك يادكتوره

غايبه فين

نورتيني

وكله الا عم امين


سلامي

شمس العصارى يقول...

يااااااااااااااه انا طلعت نفس الرحلة دى فى 2001 تبع برنامج اعرف بلدك
و زرت نفس الاماكن دى
بس تصدقى بوستك الجميل ده عيشنى شوية من احساس الرحلة الحقيقية
بس انتى نسيتى تصورى الصخرة البيضا قوى الى فى النيل فى طريق معبد فيلة صخرة رائعة
رحلة سعيدة

سبايدرمان spiderman يقول...

رحله مميزه و رائعه
شكلي هنوي و اروحها ان شاء الله
تاني بوست اقراه
لسه بقي هروح اقرا اول بوست بدايه الرحله ^_^
بس انتي كويس انك كنتي عارفه ايه الحاجات الى هناك عشان تشوفهيا كلها