الخميس، 15 نوفمبر 2012

بلونااااااااااات !!! (1)

زارتني جاره من العماره
 بتجمع مال من السكان لتصليح مواسير في العماره
لاقيتني معلقه بالونات وزينه
قالت لي عيد ميلاد مين
؟؟
قلت لها مش عيد ميلاد حد
دي راس السنه الهجريه
قالت لي وهي راس السنه الهجريه يعملوا لها
((((((المسخرة دي )))))
!!
اي وربنا قالت لي كده
اتصدمت في الاول
وقلت لها فين المسخره في البالونات والزينه
قالت دي بدع اعياد الميلاد
لاتليق براس السنه الهجريه
!!
قلت لها انا بحب البدع دي جدا
اصلها بتفرحني جدا 
وبتدي بهجه مع الاحتفال بالسنه الهجريه
مع صوت القرآن
وبعده النقشبندي
بتفكرني بايام زمان
ومستنيه بناتي بازواجهم علشان نحتفل
مش هو ده الموسم 
ولا حول ولا قوة الا بالله
كل سنه وانتم طيبين 
وبراس السنه الهجريه معيدين
بالصيام والقرآن والتواشيح 
وبالبالونات وباللمه
 وخصوصا انها بتكون اجازة
وللحديث بقيه
اما نشوف ايه اخرتها بقا

هناك 48 تعليقًا:

محمود(باحث عن حب) يقول...

بدع اعياد الميلاد
يا شمس لا يجوز اصلا الاحتفال براس السنه الهجريه اصلا
هتعملى ديسكوا فى البيت
جاتهم البلاوى
قال رسول الله صلى الله عليه وسلم ان لله فى ايام دهركم لنفحات الا فتعرضوا لها فيما معناه وده من الايام اللى فيها النفحات ونحتفل بيها باطعام الطعام والسوال عن الاهل مش عيد يعنى ياعم نفتكر بعض نعزم بعض ولو زعلان من حد اصالحه بحجه راس السنه الهجريه
المصرين الاحتفال بالمواسم الاسلاميه بدعه اه بس محموده ليه فيها نفحات روحانيات وده روح الدين مش تشدد وحياتك كلها صامته كده وصلبه مفيهاش ضحكه ولا بسمه ولا حتى حجه انى ازور خالتى او عمتى او بنت اخويا لو مفيش مناسبه عمرهم ما هيفهموا ابدا
كل سنه وانتى طيبه
عاوز فخده خروف مشويه لو سمحتى

;كارولين فاروق يقول...

(مسخره)!!!
وبدع !!!
ربنا يرحمنا من الناس والسنتهم
كل سنه وحضرتك بخير
والله فكره البالونات والزينه
دي تعبير عن الفرحه زي رمضان بالظبط
تحياتي

أمل حمدي يقول...

كل سنة وأنت طيبة وبخير
ربنا يفرح قلبك ويسعدك وسيبك من الكلام الفارغ الكتير اللي بنسمعه
ربنا يرضيك ويرضى عنك يارب شموسة

موناليزا يقول...

أنا بحب البالونات جداً برضه
بالنسبة لى مصدر للبهجة والفرحة

وكل عام وأنت بخير وسعادة :)

مذكرات موززه عانس يقول...

كل سنه وانتى طيبه يا شموسه مهما امتدت ايدى الحاقدين بالاذى :)
احتفلى بالطريقه اللى تعجبك دى ناس معقده عايزه تحرم كل حاجه فى حياتنا

أبو حسام الدين يقول...

كل عام وأنت بخير
البدعة تكون في العبادة وليس في العادة، وما قمت به عادة وليس عبادة، وإلا كانت الفرحة كذلك بدعة :)
مودتي

Baskouta يقول...

كل سنة وحضرتك طيبة وبخير وكل الأسرة يارب
ربنا يجعلها سنة سعيدة عليكي وعلى كل حبايبك

والنوعية دي موجودة كتيييييير
وكل حاجة عندهم بدعة
معلش
بس السؤال
ان حتى لو الواحد عامل اي حاجة مختلفة او بدعة زي ما هي قالت
ليه الانسان بيدي نفسه الحق يحكم على تصرفات الآخرين
ما كل واحد حر يعمل اللي هو عاوزه وكلنا عندنا ربنا اللي شايف وعارف نيتنا من اي فعل بعمله

ومرة تانية سنة جديدة سعيدة على الجميع
:)

ياسمين يقول...

وانت طيبة ,,
مش شايفة ف البلونات حاجة ,!

Tamer Nabil Moussa يقول...

كل سنة وانتى طيبة ياشمس

ايام سعيدة عليكى وعلى اسرتك الكريمة

مع خالص تحياتى

سواح في ملك اللــــــــــــــــــه- يقول...

كل سنة وانتي طيبة ياشموسة

تقولي ايه بس ياست الكل

تحسي ان فيه ناس اتخلقت عشان تعكنن علينا

والله ياشموسة ليا واحد صاحبي مش متعلم

وثقافته الدينية قليلة شوية

بس مواظب علي الصلاة في وقتها

وبيادي زكاته ومش مقصر

قابلني قام قايللي اقعد ساكت انا متعكنن

قلتله ليه

قاللي شيخ الجامع في خطبة الجمعة

قاللي اللي مبيصليش الوقت بوقته في الحامع

يعمل حسابه انه رايح جهنم حدف

ومش هيشوف الجنة بعينه

قلتله اعوذ بالله يااخي ليه كده

وبما اني اعرف هذا الرجل جيدا فانا قلتله مانت بتصلي الوقت بوقته في الجامع

قاللي ازاي

قلتله مش لما بييجي وقت الصلاة

انت بتفرد الحصيرة قدام محلك وبيصللوا معاك تلاتة اربعة من الحلات اللي جنبك واي حد معدي بيصللي معاكم قاللي اه

قلتله هو ده المطلوب انك لما تصلي تكون في جماعة

ومتفرقش بقي في جامع او قدام محلك

كلها ارض اللهوارض الله طاهرة تصلح للصلاة

قام الراجل فرح وانبسط

المقصود ان فيه ناس شغلتهم في الحياة يسددوها في وشنا


re7ab.sale7 يقول...

ههههههههههه
لالالا من ده كتير
الادهي بقي اني ركبت المكروباص مع واحد عمال ييقول بنعمل خير ولازم نتأكد ان الشخص ده فعلا محتاج
وشكله كان واضح عليه التقوي اووي اووي وشكله متدين اووي اووي
وبعدين راح باصص لنا كدة وقال كل سنة وانتم طيبين
راحت الست المنتقبة قالت له لية هو في اية
ابتسم وقال رأس السنةالهجرية
روحت انا مبتسمة وقايلة محدش يعرف اصلا ولا حتي يعرفوا احنا ف سنة كام هجرية
فراح قايل احنا ف سنة 1433
مع اني بعرف انها 1434
وابتسمت ومنطقتش
متدقيش
سيبك منهم واعملي اللي تحسية بالعكس احنا المفروض نحتفل احسن من كدة
كل سنة وانت طيوووووووبة

مسلم مصرى يقول...

ايه المسخرة دى :))
كل عام وانتى بخير

rack-yourminds يقول...

هو انتي علي طوووول كده مناوشات في المدونه وبراها كمان هههه
__

كل سنه وحضرتك بالف خير والاسره الكريمه في احسن حال واسعد الله ايامكم
__

اعذريني مقصر في زيارتك

P A S H A يقول...

كل سنة وحضرتك وأسرتك الكريمة والمسلمين جميعاً طيبين وبألف خير وصحة وسعادة
:))

well يقول...

لما نشوف اخرتها) .. امممممم كل ده مجرد بداية ..

كل عام وانتى بخير بمناسبة السنة الهجرية الجديدة ..

ابراهيم رزق يقول...

شمس الشموس

كل سنة وانتى طيبة

فكرتينى بالموسم

المواسم عند امى مقدسة وحافظة ومواعدها

تحياتى

gogo!sf يقول...

هههههههههههههههههههههههه وانا كمان بحب البدع دى اوى اوى على فكرة

كل سنه وحضرتك بخير وسعاده دايما يا مدام شموسه

جوجو

شمس النهار يقول...

*(محمود(باحث عن حب

المصرين من قديم الزمن بيحتفلوا بالمواسم ويزوروا بعض
وتتعمل الحلويات وتتفرق علي الشارع
كللللللله

كل سنه وانت طيب وبخير
وخروف كامل بحاله:))

شمس النهار يقول...

*كارولين فاروق

ايووووووة
شوفتي ده حتي الملافظ سعد
اي
الكلمة الطيبه صدقة
بجد تحسي ان فعلا في عيد للمسلمين
وتعملي بهجه وتعلمي احفادك ان راس السنه الهجريه عيد للمسلمين
كل سنه وانتي طيبه

شمس النهار يقول...

*امل حمدي

كل سنه وانتي في اسعد حال ياجميله

ويفرحك بحبايبك
ويبارك لي فيكي وفي كلماتك الجميله

شمس النهار يقول...

*موناليزا

البالونات الوان متحركه امام العين

والالوان لما تتحرك تسعد النظر
:)

كل سنه وانتي طيبه :)

شمس النهار يقول...

*مذكرات موزة عانس

كل سنه وانتي طيبه ياجميله
ومحققه كل احلامك
وربنا يفرحني بيكي وفيكي
:)

شمس النهار يقول...

*ابو حسام الدين

كلامك منظقي
ولا اعتقد ان ربنا حرم الفرح
اللي ذكر اصلا في القران
واستحضرها في اول سورة الروم

كل سنه وانت طيب

شمس النهار يقول...

*Baskouta

اهلا اهلا
كل سنه وانتي طيبه وبخير وصحه وسعادة

كلامك سليم بس انتي مش واخده بالك
هي عشان منقبه فاهمه انها احسن من الجميع ومن حقها تشوط في الجميع
ماتعرفش ان الله ينظر للقلوب مش للصور

ومين قال ان كل منقبه احسن من غيرها
ربنا يهدي

شمس النهار يقول...

*ياسمين

البالونات كلها بهجه
واتربينا ان راس السنه الهجريه
عيد للمسلمين

يبقا انا كده في السليم
:)كل سنه وانتي طيبه وبخير

شمس النهار يقول...

*Tamer Nabil Moussa

كل سنه وانت طيب وبخير وصحه وسعادة

ويبارك فيك ياتامر

شمس النهار يقول...

*سواح في ملك اللــــــــــــــــــه

سبحان الله

ربنا جعل الارض كلها مسجد للمسلمين مادام جماعه خلاص
وحتي لو تعذر الجماعه فهي مسجد
ونادرا ماتكون خارج البيت وتتعذر الجماعه

ربنا يهدي
كل سنه وانت طيب وبخير وصحه وسعادة

شمس النهار يقول...

*re7ab.sale7

لأ خدي فعلا من ده كتير
انا ممكن الف كتاب

وسبحان الله تلاقيهم بيتكلموا بثقه غريبه
مع انهم زي ماشوفتي مش عارفين ان احنا في راس السنه الهجريه
ولا يعرفوا احنا سنة كام هجريه

كل سنه وانتي طيبه وبخير وصحة وسعادة :)

شمس النهار يقول...

*مسلم مصري

:))
ايوة تقولش عيد المسخره بتاع عادل امام
:))))

كل سنه وانت بالف خير وصحه:)

شمس النهار يقول...

*ack-yourminds

:)))
ايوة علي طول

الخير يجيني مهما كنت
اعمل ايه الناس بتجر شكلي
:)))

كل سنه وانت بالف مليون صحه وسعادة ومحقق احلامك
ومافيش بين الاهل اعذار
تنور المدونه دايما بتعليقاتك
:)

شمس النهار يقول...

*PASHA

كل سنه وانت طيب وبخير انت واسرتك الجميله

وفرحان بأبنك يارب

شمس النهار يقول...

*WELL

ايوة

بس دي مش بدايه احنا ابتدينا
وبقينا في تلت الطريق كده

كل سنه وانت بالف خير وصحه وسعادة

:)

شمس النهار يقول...

*ابراهيم رزق

هتقول لي

الناس بتوع زمان
حافظين المواسم صم
والويل كل الويل لمن يتخلف عن يوم الاحتفال
بالبط والرقاق والفته اساسي واعمل اللي انت عايزه بعد كده
:))

كل سنه وانت طيب وبخير وصحة وسعادة واسرتك بخير:)

شمس النهار يقول...

gogo!s

البالونات دي اجمل بدعه صراحه
بتعمل بهحه سواء في نفخها والضحك اللي معاه
وياسلام لو واحده فرقعة بقا
:)))

كل سنه وانتي طيبه وبخير وصحة وسعادة:)

habiba يقول...

كل سنة وانت طيبة :))
وربنا يجمعكم ويجمعنا على خير دايمًا يا رب
على الأقل البالونات تفكر الناس بالمناسبة دى أصلا.
فكرة حضرتك جميلة بجد :)

شمس النهار يقول...

*habiba

كل سنه وانتي طيبه وبخير وصحة وسعادة

زي ماقالت رحاب في تعليق هنا
ان في ناس كتير مايعرفوش ان في احتفال اصلا

عمرو يسرى يقول...

بدع ومسخره انهم يتبعون دينا جديداوماقلتش للمسلم عيدان عيد اضحى وفطر اوالكلام المتداول بتاع الشيوخ دا بس بصراحه عجبنى ردك عليها جدا انا كمان بحب البدع والمسخره ديه ههههههههههههههههههههه
كل سنه وحضرتك طيبه

mongi bakir يقول...

كل عام أنت بخير و عافية

و الله يبارك في عمرك و في من تحبّين


صاحب الزمن الجميل

http://zaman-jamil.blogspot.com/

شمس النهار يقول...

*عمرو يسري

لأ
ماقالتش ده
ماهي ماتقدرش تقول كده ده هجرة الرسول
:))

كل سنه وانت طيب وبخير

شمس النهار يقول...

*mongi bakir

وانت بخير وصحة وسعادة

ويعيده علي الامه بخير

مصطفى سيف الدين يقول...

لو لديها بعض العقل لتذكرت كيف خرج أهل يثرب على الدفوف يضربون و بأصواتهم يصدحون

طلع البدر علينا من ثنيات الوداع
وجب الشكر علينا ما دعا لله داع

كيف الاحتفال بالهجرة بدعة و قد قام بها السلف الصالح (الانصار)

لك الله يا اسلام فكل ما هو سلفي صار بدعة و كل ما هو بدعة صار سلفيا
و عجبي

مصطفى سيف الدين يقول...

الله يجازيها
نستني اقول كل سنة و انتي طيبة

شمس النهار يقول...

*مصطفي سيف الدين

الله ينور عليك يادكتور
وهو ده اللي كنت هكتبه في التدوينه التانيه من بالونات 2

وغيرها من السيره اللي وصلتنا

عايزين يسودوا عيشتنا وخلاص

شمس النهار يقول...

:))دي بقت عدوي انا كمان نسيت اقولك كل سنه وانت بالف خير وصحه وسعادة:))

amina يقول...

انتي اتنكدتي تنكيدة ولا ليها اي ستين لازمة....
كل سنة وانتي طيبة ياشموستي ويااارب يتعاد عليكي بالف خير..

ريـــمـــاس يقول...

مساء الغاردينيا شموستنا
ولايهمك المهم تبتسمي وتفرحي ببناتك وأزواجهم
السنة الهجرية تستاهل نفرح بيها وبعام جديد
كل سنة وأنتِ بحب وسعادة يارب "
؛؛
؛
لروحك عبق الغاردينيا
كانت هنا
Reemaas❤

شمس النهار يقول...

*amina

لأ انا ماتنكدتش
دي هي اللي صعبت عليا مش قادره تحس بفرحة هجرة الرسول

كل سنه وانتي وكل حبايبك طيبين:)

شمس النهار يقول...

ريماس

:)
مساء الياسمين

كل سنه وانتي طيبه وفرحانه
وحواليكي حبايبك
ومنوره