علي الفيس
عجبني وعلقت عليه كمان
قلت انشره هنا ونتناقش فيه
ليه الام في مجتمعنا كده
الكلام اللي بالازرق ده تعليقي
**********
((الست
مننا تشتغل ذي البقرة طول النهار
ويطلع عينها وتتمرمط من اللي يسوا واللي
ميسواش
في الشغل والشارع ..
وتروح تطبخ وتكنس وتغسل وتنشر وتكوي وتذاكر
وتدلع وتطيب الخواطر
وتشتغل سواقه للبيت توصل تمرين ودروس ودكاتره
.....
وتنام اخر واحده وتصحي اول واحده ...
وتصحي في عز الليل تدي دوا وتغطي
العريان...
وتقوم الصبح تحضر فطار ولبس مدرسه وتستني الباص
وتروح شغلها
عشان تدور الساقيه من جديد ...
ومافيش مانع تقف مع الصنيعيه وتروح للميكانيكيه
وتغير كاوتش العربيه وتخلص ورق من المصالح الحكوميه وتعمل زيارات اجتماعيه وتجامل الي جاملها
و تزعل وتاخد علي دماغها وتتأمص ومحدش يعبرها ويتعمل عليها حوارات وتسكت عشان تمشي الدنيا وتيجي علي نفسها وتسامح عشان العشره وتقبل الأهانه مره واتنين عشان دي ذله لسان وضغوط نفسيه وتتحمل الوحده عشان دي ظروف ومش بأديه وتستحمل مودك عشان لازم تكوني اد المسئوليه ,,,,,,
وبعد كده يقولك الستات دي عايزه كاتلوج ....
لا يا رااااجل ...
عذراً ايها الرجال الكتالوج ضاااااااااااااع :((
*************
وتفضل الام في الطاحونه دي مستنيه كلمة شكر او كلمة طيبه اللي هي في الاصل صدقه في العادي اومال لماتتقال للأم تبقا ايه؟
ومع هذا لاتسمع الام شئ وتقابل ربها ويندم الابناء علي تقصيرهم في حقها وقت لاينفع الندم
هيجيبوها منين ماخلاص مابقاش في مرمطون يبقوا يستغفروا ربهم بقا:)
وتفضل الام في الطاحونه دي مستنيه كلمة شكر او كلمة طيبه اللي هي في الاصل صدقه في العادي اومال لماتتقال للأم تبقا ايه؟
ومع هذا لاتسمع الام شئ وتقابل ربها ويندم الابناء علي تقصيرهم في حقها وقت لاينفع الندم
هيجيبوها منين ماخلاص مابقاش في مرمطون يبقوا يستغفروا ربهم بقا:)
هناك 64 تعليقًا:
"الستات دي" مش عايزه كتالوج دول على دماغنا من فوق ونخدمهم بعينينا والمفروض كمان نعمل لكل واحدة منهم تمثال :))
إنما ممكن صاحب الجملة بتاعة الكتالوج يكون قصده على "الستات دوكهومه" اللي ما بيعجبهاش العجب ولا الصيام في رجب ومش فالحين غير في الهتهات والقعدة ع الشلت بالساعات ودول المفروض يتعمل لكل واحده فيهم مبولة عليها صورتها D:
و يصادف انى اقرأ الكلام دا فى وسط مشادة بين ماما و اخويا العصبى جدا
عشان اجى هنا اقول "حسبى الله و نعم الوكيل فى مجتمعنا الذكورى "
اعتقد الموضوع واضح جدا ... لان الكتالوج ضاع من البشرية كلها ... ومن تبقي علي السفينة ... يعاني مما ذكر في البوست واكثر ... بل ان السفينة كلها مهددة بالغرق .
هذا الكلام ... ممكن ان يقوله رجل .. او ... طفل ... او إمرأة .
انها انجازات العولمة ... واقتصاد السوق ... واعتماد المنفعة القيمة الوحيدة والاساسية بين البشر .
وكما قال الكثير من المفكرين في العالم اجمع ... اننا نعيش في ازهي عصور الانحطاط .
الفساد ... الجريمة .. تفاوت الدخول ... التلوث البيئي ... الخ
هذا ما صنعه انسان هذا الزمان ... وحضارة هذه الايام .
تحياتي
انا مش هقول اكتر
من ان الست في مجتمعنا مظلومة
بس لآسباب كتير
يطول شرحها محتاجة كتاب كبير
اقدر اقول باختصار ان هي اللي بتظلم نفسها
فالآنسان مننا راجل كان اوست كلما وجد تنازلات
طمع اكتر
وكلما وجد تضحيات استمرأ التضحية
وعاوزتاني
كان زمان فيه مثل
بيقول اذا كان حبيبك عسل
متلحسوش كله
احسن يجيلك كسل
*******
لازم كل واحد يعرف حقوقه وواجباته
تحيتي ياست الكل
بوست حقيقى قوى قوى قوى
بس مش هيحس بيه غير اللى حقيقى عندهم دم
(:
دة طبعاً ميثبتش انى عندى دم (:
....
بجد انا متفق تماما مع البوست دة
لأن شايف قدامى حاجات زى دى فعلاً
و مفيش شكرانية
ربنا يكون فى عونهم
ست الكل
الجنه تحت اقدام الامهات وهذا هو التقدير من المولى عز وجل يبقى الام مهما اتقدم لها مش تسواى الجنه اللى ربنا وعدها بها فى الاخر
وبعدين الست مش مظلومه على طوووووووول كده بعيد عنك فى ستات عاوز يتولع فيهم بجاز هتقولى النماذج قليله هاقولك بس متواجده
انتى عارفه بقى انى باكتب حاجه جديده للزوجه وكل شويه اقول مش هانشرها بس بعد ما قراته هنا ان شاء الله انشرها قريب
تحياتى وتقديرى لاجمل شمس تنير التدوين
زهـــــــراء
يا مدام شموسه هى دى سنه الحياه
الست اتخلقت عشان تدور الساقيه بأستمرار ومن غيرها الساقيه تقف ومش يكون ليها لازمه
وواجبتها شىء مقدس لا مفر منه
اومال ازاى تبقى الجنه تحت اقدام الامهات زى ما ربنا سبحانه وتعال قال
انما عدم التقدير ده مش لينا ذنب فيه
مع ان فى رجاله كتير بتقدر وتشيل زوجتهم فوق دماغهم وتحطهم فى عيونهم كمان والابناء بتكون فى منتهى الرقه وبيراعو امهاتهم
اما اللى مش بيقدر ده اكيد عنده نقص وبيحب يعمل فيها سبع رجاله فى بعض لانه هو اصلا مش ليه لازمه
ولو الاولاد بيتعملو مع اهليهم بأسلوب وحش ومجرم فأعلمى انهم عملو كده من قبل ... فداين تدان
موضوع جميل جدا
معروف ان الست بـ 100 رااااااااااجل
ياه كلام يوجع اوى بس حقيقي للأسف ..
عندك حق يا شموسة فعلا ساعات كتير بيتو عننا اننا ندي امهاتنا حقهم ربنا يكرمهم و يجعل الجنة دارا لهم
تسلمي شموسة
تحياتي
كل سنه وانتى طيبه ياشمس
موضوعك جميل
علشان كدا ركبت اول تكتك علشان آجى بسرعه وأعلق عليه
...
طيب لو قلنا للسيدات الفضليات
لو سمحتو خليكو فى البيت لأننا لانريد لكم التعب
هل يقبل منهم احد .. ؟
عاوز اجابه .. ؟
انا شخصيا لااريد لزوجتى ان تعمل
فيكفيها عبء البيت
...
مره تانيه كل سنه وانتى طيبه
ومدونتى اشتاقت لزيارتك
أهلا
قد تجدين جوابا و بابا للنّقاش في هذا الرابط للزمن الجميل
http://zaman-jamil.blogspot.com/2010/07/blog-post_04.html
تقديري
الام تشبه الارض
عليها نعيش و نعتمد عليها في كل شيء و عليها ننشيء حدائقنا و كل شيء جميل و ايضا عليها تقوم الخرائب و الزرائب و تلقي عليها القاذورات
لكنها في كل الاحوال امنا و ليس لنا غيرها لكن صورة المراة بصفة عامه و اوضاعها سيئه جدا لا دين و لا حقوق انسان و لا اي هيئة تحترم البشر تقبل ابدا بهذا الوضع لها
مجتمعنا يطلق عليه اسم المجتمع الذكوري تخطيء فيه المراة او الانثي فيحسب خطا لكن يخطيء الرجل فلا يحسب في الغالب بل يجرم و لا يحسب جرمه و ذنبه مغفور اجتماعيا و ذنبها غير مغفور
اه
كنت معزول عن النت في الفترة الماضيه لاني تركت المدينة المنورة الي مكة المكرمة لاداء فريضة الحج و رجعت اول امس و دعيت للجميع
*P A S H A
الام اللي كاتبه الكلام ده واضح انها مش منهم
دي من الامهات المطحونه
اللي يتشالوا فعلا علي الراس
:))
انما الاماهات اللي سلامات ياراسي دول مابحبش اذكرهم اصلا
:))
*جارة القمر
انصحيه ان اللي هيعملوا النهارده هيتعمل فيه بكره
كماتدين تدان
*اندروميدا
صح كتالوج البشريه ضاع
وعايزة اقول ان بعض الرجال بيستعبطوا
وعايز مراته تعمل كل حاجه
مع ان هو بيشتغل وهي بتشتغل
بس الاستعباط حلو
واغلب الرجال الان لايستطيعون تحمل المسؤليه
الرجل بيبقا في البيت والمدام هي اللي بتغير الانبوبه
:))
ابنه لما بيشوف كده بيبقا ده العادي عنده
يطلع يقلد باباه
الا لو مامته عودته علي تحمل المسؤليه
وبيبقا نحت في الصخر عشان هو بيشوف القدوه شئ متمثله في والده
وكلام مامته شئ تاني خالص
ربنا يصلح الاحوال
* سواح في ملك اللــــــــــــــــــه
كلامك صح الصح
الادوار اصبحت معكوسه ومبهمه
لا الست بقت ست ولا الرجل بقا رجل
ومش هعمم
عشان في ناس ماشاء الله زي الفل
*Ramy
مين قال بس ان مايثبتش
ده يثبت ويثبت انك انسان عندك دم ومحترم كمان
:))
* لـــولا وزهـــراء
زهراء
حبيبتي
لكل قاعده شواذ
وربنا خلق الام علي العطاء
والجنة تحت اقدام الامهات بالحمل والولاده والتربيه
اضيفي عليهم متطلبات العصر
الحمل بقا تقيل اوي
يعني جدتي ماكانتش بتغير الانبوبه ولا بتنزل تتسوق لوحدها ولا بتوصل حد المدرسه
السيده العامله في بلدنا مظلومه مظلومه ياولدي
*gogo!sf
حبيبتي الست مااتخلقتش عشان تقف عند الميكانيكي
ولا تقف مع السباك عشان يصلح لها الحمام
ربنا كرم الام
حتي الرضاعه اللي هي الفطره خيرها لو حبت ترضع او لأ
لكن الرجال بقت اغلبها بتستهبل
وتلاقيه مربي دقنه قدوه بالرسول عليه الصلاة والسلام ومابيساعدش زوجته زي ماكان الرسول الكريم بيعمل مع ان دي سنه ودي سنه
الباشا بينقي
:)
اقري تعليقي علي زهراء
*EMA EMA
هي الحقيقه كده دايما بتوجع
ربنا يكرم امهاتنا
ويقدرنا نعوضهم عن شبابهم اللي اقضوه في تربيتنا وخدمتنا
* الجوكر
كل سنه وانت طيب
اهلا بيك وبالتوكتك
بالنسبه لعمل الستات مش هو المشكله
المشكله في التعاون بين الزوجين
عمل المراه مابقاش فنتزيه بقا علشان البيت محتاج دخل زياده
والنظريه هنا الرحمة بين الزوجين
والود والتعاطف
وطبعا هروح جري علي مدونتك
انت عارف انا هناك مع كل تدوينه تنشر
:))
*منجي بكير
اهلا اهلا بيك
المدونة تفتقد تعليقات هنا
:)
كل سنه وانت طيب
وطبعا لازم هروح اشوف الرابط ده شئ يشرفني ان اقوم به:)
*ذو النون المصري
ااااااالف مليون مبروك علي الحج
وشكرا انك افتكرتنا ودعيت لنا
ربنا يكرمك ويتقبل حجتك يارب
الاسلام كرم المراه في كل صورها
ووضع قوانين تحميها
لكن المدنيه اخدت منها الكثير
وهقول تاني عمل المراه ليس هو المشكله لكن التعاطف والتراحم والشعور بالمسؤليه هو المشكله
طيب لو المراه مااشتغلتش
هنجيب منين مدرسات لبناتنا وهنجيب منين طبيبات الي اخره
لو كل واحد خد وضعه الطبيعي الدنيا هتمشي صح الصح
كل سنه وانت طيب وعقبال العوده
ممكن نعمل كاتالوج انتقالي توافقي :)))
بس اكيد مش كل الستات بتعمل كل ده ... ومش كل الرجاله كده (وش بيستهبل )
*فتاة من الصعيد
:))
او نخلي التأسيسيه
تحطلها كاتالوج جديد
:))
صحيح لكل قاعده شواذ
بس الاستهبال الرجالي بقا سيد الموقف
:))
مين سيد ده:))))
بيتهيألي تعليقي ما كنش واضح قوي ... انا ما كنتش اقصد الحديث عن رجال ونساء الشرق ... انا كنت اقصد ان دا حال النساء في العالم عموما ... مضاف عليهم معاناة الرجال والاطفال أيضا ... لان قيمة الإنسان والانسانية تراجعت ... وبقت العملية كلها متمحورة حول المنفعة المادية بصورة او بأخري .
المرأة فرحت بحق العمل .. الانتخاب ... ان تكون نصف رجل ونصف انثي ... وفي نهاية المطاف حينما تستهلك ... تشكو حظها .
الرجل ايضا ... مجرد ثور في ساقية العمل واشباع رغباته الانانية .. او رغبات اسرته التي لا تقدر ما يفعله الا من ناحية المادة والمصلحة .
والاطفال ... ضحايا عالم الاشياء ... او التفكك الاسري .. او .. ضياع القيم .
الخلاصة ان لا سي السيد عاجب ... ولا سي مرسي نافع .
وكل عام وانتم بخير
*اندروميدا
كلامك صح
الانانيه والمصلحه بقوا سيد اي موقف
حتي العلاقات الفطريه بقت تخضع للمصلحه والماده
هتخلونا لييييييه على اخر الليل نشتم العيال والرجاله والعيشه والى عايشينها
بس احب اقول للصديقه الى كاتبه الكلام بالاحمر انتى هبله اصلااااا عشان سكتالهم بالجزززززززمه وما تعبريهومش
طب راح فين الكتالوج ؟؟؟؟
*الازهري
نعممممممممممم
مانتوا اللي قطعتوه
يعملوها ويخيلوا
:))
*shimaa elkholy
ياهلااااااااااا ياهلا
شيماء الخولي عندنا يامرحبا يامرحبا
ياحبيبتي اعملي اللي انتي عايزاه :))
خدي راحتك
وبعدين سيبي الجزمه دي لحد تاني
ده انتي شايله بيتك وبيت الاهل كلهم
وبيوت الجيران والاصحاب والمنصوره كلها
:))
هو ده قدر الناس اللي بتعرف وتحترف شيل المسؤليه
:)))
.....
كا عام وانت بخير شمس هانم
اعاده الله عليكم بالخير والبركه
كل التحيه
...
اصلا كله بقى ماشي من غير كتالوج واللي بيبوظ مش بيتصلح و حاجات كتير بنفقدها و احنا ماشيين
الموضوع مش ان الستات اللي بس عايزين كتالوج و الرجالة كمان و الاطفال
خلاص كلنا بقينا مش فاهمين بعض و لا عارفين نعامل بعض
كلُ ميسر لما خُلق له
ولا تنسوا الفضل بينكم
====
لكل قاعدة استثناء من الطرفين
وهذا ما تعلمناه من رسولنا ان احب الناس الينا الام وان الجمه تحت اقدام الامهات
ولولا وجود من لا يقدر عقوبة عصيانها لما جاء التغليظ في العقوبه حيث اقترنت في الايه الكريمه بعبادة الله وذلك يدل على اهميتها وقدرها
وقضى ربك الا تعبدوا الا اياه وبالوالدين احسانا .......
والام دائم تعطي ولا تنتظر المقابل ولكننا نعلم جميعا انها تستحق كل الشكر والعرفان
تحياتي
شمس النهار
الست المصريه ملهاش مثيل
فعلا
كل ده وكلها طاقه الله اكبر المهم الراجل اللى يقدر
فعلا
موضوع شيق وواقع ملموس فعلا
السلام عليكم
المرأة فى مجتمعنا تحتاج اهتـــــــمام وتقدير...
وبإمكانها أن تعطى دون أن تنتظر المقابل وتعطى لأبعد الحدود...ولكن فقط فى حالة الاهتمام والتقدير..ممن تعطيهم وممن تحب.
وجهة نظرى المتواضعة :)
مع تحياتى
موضوع جمييييل
بس مش كل الحالات بالشكل ده
فى ناس كتييير اوووى بتقدر
و بعدين الام او الزوجه بتعمل كل
ده نتيجه حب و عطاء مش بتكون منتظره
شىء و لكن ده واجب علينا و الكل
انه يردلها الجمييل و لو بكلمه طيبه
زى ما قلتى
أشكرك على الطرح الطيب
تحياتى لك مع دوام التواصل
أميرة
كنت كتبت تعليق اظنه فُقد
كلُ ميسر لما خُلق له
ولا تنسوا الفضل بينكم
لكل قاعدة استثناء
زعلااااااااااانة قوي من الكلام ده ومحبطة لانها حقيقة واقعية جداااااااااااااااا
الاسلام نصرها والرجل ظلمها .. لو طبقنا دينا صح كانت حاجات كتييييييييير اتغيرت الرسول صل الله عليه وسلم
بيقول ( أَكْمَلُ الْمُؤْمِنِينَ إِيمَانًا أَحْسَنُهُمْ خُلُقًا وَخِيَارُكُمْ خِيَارُكُمْ لِنِسَائِهِمْ ))
و( ما اكرمهن الا كريم وما اهانهن الا لئيم )
لولا
*momken
وانت بالف خير وصحه وسعادة :)
يعني ماعلقتش علي التدوينه ؟
:))
*مصطفي سيف الدين
طبعا اللي بيبوظ مابيتصلحش
عمرك عرفت تصلح كوبايه زجاج اتكسرت!!
اما موضوع الكتالوج ده
لما كلنا علي بعضنا مانمشيش علي الكتالوج الالهي يبقا خلاص مانلومش الا نفسنا
ربنا ماسابش حاجه احنا اللي سبنا كل حاجه
*الطائر الحزين
صح كلامك صح
طيب والعمل هنعمل ايه
؟؟
الست اللي بالشكل ده
بتعيش محرومه مظلومه
تفتكر دي ممكن تطلع جيل كويس؟؟
*eng_semsem
كلامك جميل
نعلم شئ
وننفذ شئ تاني
عارف انا كنت بنزل متطوعه في دور المسنين
جالي حاله نفسيه
من كتر الحكايات اللي سمعتها عن جحود الابناء والازواج
ايووووووووه الازواج
في ازواج بتطلق زوجاتهم لما بيكبروا
وبيروح يتزوج من واحده تانيه صغيره
والاولاد بيرموا امهم في دار مسنين
بقاعادي خالص
*محمود(باحث عن حب)
ايوه الرجل اللي يقدر
وزي ماقلت في ردي هنا علي تعليق
الرجل ده نتاج تربيه وقدوه غلط
ماهي اللي ربته ست مطحونه
واب مابيعملش حاجه غير انه بيشتغل بس
فاقدوته ده
يبقا هيعمل كده برضوا مع زوجته
والدايره شغاله
*habiba
وعليكم السلام ورحمة الله وبركاته
كلامك صح
تحس بس بتقدير
تسمع كلمه حلوه
يحصل تعاون وتعاطف
دي مش شيلتها لوحدها
*♥ ♥ Amira Samy ♥ ♥
ايوة يااميره الام بتعطي من دون انتظار مقابل
بس ماانتيش شايفه ان الوضع ده
كتير اوي عليها
وفوق تحمل البشر
*الطائر الحزين
:)
موجود يافندم
وتم الرد عليه
:)
* لـــولا وزهـــراء
ياسلام يالولا
انتي جبتي المفيد
انا بحب الكلام ده اوي
:)
وماتحبطيش خالص
الاجر والثواب عند الله
والرجل اللي بيسيب زوجته كده
لما يقابل ربنا بقا حسابه عسير
اومال
ربنا قال عاشروهن بالمعروف
مش اربطوهم في ساقيه
لابد من فقه للاوليات ، والتضحية باى اولوليه حتى تعم الفائدة على الجميع ولا يخسر احد
انا نفسي مش متخيله هتحمل المسئوليه دي ازاي
شغل + بيت
ازاااااااااااااااي لما مش ملاحقه على دراسه هلاحق عاللي جاي ازااااي ؟؟
هقوم ابوس ايد ماما
مساء الغاردينيا شموسه
بس عارفة حقولك أن دا برضو بيخليها مميزة بحتته الصبر والحنان الي مش ممكن تكون عند الراجل :)
ربنا يخليكي ياعسل "
؛؛
؛
لروحك عبق الغاردينيا
كانت هنا
reemaas
ومن غير ما تشتغل
حتى لو مجرد ربه منزل بيطلع عين اللى جبوها
ممكن الواحده من أول ما تفتح عينيها لغايه ما تنام متقعدش ولا تريح
ولا تعمل حاجه بتحبها
ويوم ورا يوم يعدى عليها وهى زى ماهى
مش عارفه تلاقى لنفسها وقت
كلام جى فى وقته
تقبلى مرورى
www.facebook.com/Egyptbloggers
اتحاد المدونيين المصرين
يشرفنا زيارتك لنا
المشكله انك لو طلبتي كلمه شكر
او اي حاجه تحسسك بالتقدير من نحيتهم
هتلاقي الرد واحد ده واجبك مش بتعملي حاجه جديده كل الناس بتعمل كده
ودي اكتر حاجه بتنقطني في حياتي في بيتي :)
* الطائر الحزين
لأ كده انا مش فاهمه
:)
*Amira Yusuf
لو فعلا بوستي ايد ماما
وساعدتيها
ورحيتي قلبها هتلاقي الدنيا مختلفه معاكي العمر كله
والوقت فيه بركه
*ريماس
اهلا اهلا بكاتبتنا الرقيقه
مميزة ايوة
بس علي حساب حاجات كتير
صباحك زي الورد والياسمين
*Mona
ايوة عندك حق
والعمر بيجري
بس دكتوره عبله الكحلاوي مره قالت لواحد في ندوه اعمليها حسبه لله تفوزي بالاخره وان شاء الله الجنه
*غير معرف
يشرفني طبعا الزيارة
*maioya
ماتطلبيش
وربنا هيعوضك
nice topic
*العاب فلاش
سانكيو بشده :))
مدام شموسه انا مش قولت ان الست تقف عند الميكانيكى ولا مع السباك
هو ممنوع اصلا اى رجل صنايعى يدخل البيت فى عدم وجود الرجل اساساً ولو الست مطلقه او ارمله مثلا لازم يكون معاها حد من اولادها ولو مش عندها اولاد بيكون حد من جيرانها مثلا يعنى
انا بقصد فى تربيه اولادها وفى اعمال البيت اللى منا كتير اوى مش بيعملوها وبيعتمدو على الشغالات
بصى هو الموضع اولا واخير بمزاج الست مش غصب عنها ولو هى مجبورة عليه يبقى الغلط عندها
مش فيه حد بيستحمل راجل عامل فيها شيخ وقال الله وقال الرسول وهو مش بيعمل بيه اصلا
ربنا يهدي الجميع
إرسال تعليق