الأحد، 14 أكتوبر، 2012

أأأأأمرسي

هو كده
ماتضيقوش خلقي بقا
وانا ست كبيره وخلقي ضيق لوحده
ايوووووووووة
مرسي هيتشتم وهيطلع عليه نكت بعدد شعر راسه ويمكن اكتر
وهيترسم فيه كاريكاتير
وهيطلع عليه اشاعات وقصص
وهيتعارض من كل التيارات الا طبعا تياره ويمكن كمان يتعارض من تياره
هي الدنيا كده
والمصرييييييين بالذات 
عندنا طبيعه جميلة
بنتريق علي اي حاجة في اي حاجة
وان مالقيناش حد نتريق عليه بنتريق علي نفسنا
وكلمة نتريق دي مش موجوده عند حد غيرنا
هاتولي انسان ريس من اول الفراعنة لحد الان ماتهراااش تريقه
وفي العصر الحديث
جمال سادات مبارك
كله طلع عليه نكت واتشتم
مرسي انسان بشر 
عاااااااااادي
ممكن يصيب
ممكن يغلط
ممكن يكدب
ممكن يصدق
دي سياسة ياجماعة
يارب نبطل نعمل الحاكم اله
وياريت الناس اللي بتدافع عن مرسي في الفاضية والمليانه يبطلوا
لاحد سامعكم
ولا هتعدلوا المايله
وهتضروا اكتر ماهتنفعوا
نحن المصرين نمتلك من العند
اللي ممكن يتوزع علي العالم
وماحدش يطلع يقول لي يعني هو ينفع نتكلم عن ريسنا بقلة ادب
هقوله مع كامل احترامي ايوة ينفع
هي كده احنا المصرين كده
وحضرتك شتمت ريسك قبل كده لما كان مبارك
هتقولي مبارك كان كخه
ماشي بس ريسك برضوا
وكان بيتشتم ليل نهار
ومع كل جبروته ماطلعش علينا حد قال
عيييييييييييييب
انا بقا اللي بقول لكم عيب
عيب افتح النت
الاقي الناس عماله تشتم بعض
علشان مرسي
بتتخانقوا علي ايه
بضيعوا مجهودكم واعصابكم علي ايه
ماتتلفتوا للبلاوي السوده اللي احنا فيها دي
اللي بتعملوه ده
كان السبب في اللي حصل يوم الجمعة
فضلتوا تتخانقوا بالكلام
لحد مااترجم ضرب
ارحمونا وارحموا مصر
اي حد ماشي ومصر وتاريخنا
هو اللي باقي
ملحوظة
ان شاء الله هنكمل ابطال اكتوبر
بس بعد مانشوف الخيبة اللي احنا فيها دي
من البراءة للنائب العام ليوم الجمعة
ارحمنا يارب

هناك 19 تعليقًا:

ابراهيم رزق يقول...

شمس الشموس

نحن جربنا جكم الفراعين من جميع البلاد

فراعين مماليك وعثمانين وفرنسيين وانجليز و مصريين
لكننا لم نجرب فراعين الاخوان
ادينا بنتفرج ونشوفهم

تحياتى

tarek momen يقول...

:(

مسلم مصرى يقول...

كلامك تمام
بس أنا من وجهة نظرى دى حاجة كويسة
ازاى
حنعرف مين الإنسان اللى عنده أخلاق من اللى معندوش
حتقولى كدة يبقى كله مش عنده أخلاق لا طبعا
عارض وقول مرسى فاسد ، مرسى لم يحقق شئ ، مرسى كذا
لكن متقولش مرسى تيت أو ابن تيت فاهمة طبعا
تحياتى :)

سواح في ملك اللــــــــــــــــــه- يقول...

ياشموسة

محدش كان يجرؤ في الآعلام

اوفي ميدان عام اوفي اتوبيس حتي يشتم مبارك

وكان اللي عاوز يهاجم مبارك مكنش بيهاجمه

كان بيهاجم رئيس الوزراء

حتي وزير الداخلية حبيب العادلي محدش كان بيجرؤ يقترب منه

مصطفى سيف الدين يقول...

بصراحة يستاهل علشان يبطل ياخد قرارات دون دراسة
هيبة الدولة نفسها بتضيع
يبقى هنزعل على هيبة مرسي؟

شمس النهار يقول...

*ابراهيم رزق

صراحه انا مش فاهمه همه بيعملوا كده ليه
في فرق كبير
بين مساندت الناس ليهم في انتخابات 2005
وبين اليوم

شمس النهار يقول...

*طارق

مالك ياحاج زعلان ليه

شمس النهار يقول...

*مسلم مصري

انا بحب خفة دم المصرين
بنحب نهرج
لكن الشتيمة اللي فيها تجاوز مش بحبها
لكن همه المصريين كده يفرحوا يشتموا يهزروا يشتموا يغضبوا يشتموا

راي انتقد زي ماانت عايز وماتشتمش
لكن مش هتقدر تخرس الناس

شمس النهار يقول...

* سواح في ملك الله

كان بيتشتم هنا وعلي تويتر زعلي الفيس

وكانوا مسمينه عوكل

اما الفضائيات فادي ليها وضع خاص
حسب هوي صاحبها واغلب الفضائيات يملكها فلول العهد السابق

شمس النهار يقول...

*مصطفي سيف الدين

هي دي مصيبتنا من زمان
قرارات قرارات من غير دراسة فرقعة وخلاص
لعلمك النائب العام ده كان لازم يتشال من زمان
واغلب الناس كانت هتموت ويتشال
لكن الطريقة الغير مدروسه هيجت الدنيا

:))
علي كده طنطاوي اتباع يارجاله من الجيش
:))
القضاة رجعوا زميلهم والجيش ماعملش حاجه لريسه

كريمة سندي يقول...

والله مش عارفة أقول إيه بس لابد من غعطاء الراجل فرصة .. أكتر الله المستعان

faroukfahmy58 يقول...

يا ست شمس
احمد الله واحمديه اننا عدينا الكثير ولم يبق الا القليل الذى قلّ وسيقل فيه كل شئ جميل

momken يقول...

......

هو ده كلام الناس العاقلين

لكن ادب الخلاف لم يكن ابدا موطنه الاصلى العالم الثالث

تحياتى

....

شمس النهار يقول...

*كريمة سندي

هو حد هيعمل له حاجة
ماهو واخد الفرصة علي الاخر اهو
:))
ربنا يسترها معانا

شمس النهار يقول...

*faroukfahmy58

الحمد لله والشكر لله

وعندي قناعة ان ربنا مابيقسملناش غير الغير

بس انا بتكلم علي اللي بيتخنقوا ويقولك عيب ماتشتمش ريسك
:))

شمس النهار يقول...

*momken

ادب خلاف
هنا في مصر ام الدنيا
:))
هنا انت معايا نبقا اصحاب
خالفتني
بقينا الاخوة الاعداء

ربنا خلق الكون علي الاختلاف\
واحنا عايزين نتحدي الفطرة ونبقا كلنا علي موجه وراي واحد

مذكرات موززه عانس يقول...

اوسخ حاجه بلاقيها اننا نكيل الامور بمكيالين
ينفع اشتم مبارك لكن لما حد يشتم مرسى تبقى قلة ادب وسفاله
الاخلاق مش ببتجزأ يا ساده
حاجه تقرف
بس هو برضه عيل يا شموسه :D

شمس النهار يقول...

* مذكرات موززه عانس

الموضوع مش موضوع اخلاق وبس
موضوع ان ماينفعش فيمصر
تمنع حد يشتم او يتريق
ننفرد ان لو عجبتنا حاجه نشتمها
وان زعلنا من حاجه برضوا بنشتمها
:))
انفرااااااااد شعب
:)))

غير معرف يقول...



My webpage web page