الثلاثاء، 16 أكتوبر، 2012

في ايه ياسعوديه

هو احنا كل سنه
محتاسين كده
بكره ايه
اول رمضان ولا لأ العيد ولا لأ
اول ذو الحجه ولا لأ
في سنة 1983
ماشاء الله قالك بكره المتمم لشعبان وبكره مش صيام 
حلوووووو
جميل
قوم ايه نلاقي الجوامع فاتحه الميكروفونات عماله تقول بكره صيام يامؤمنين
الساعة كام واحده ونص بالليل
نروح علي الاذاعة نلاقي نفس الكلام
اتصلنا بصحفي صديق في الجمهورية اكد ان السعوديه رجعت في كلامها قالت ان مش عارف مين شاف الهلال
وطبعا كان في ناس نامت
وصحيت الصبح لقت نفسها في رمضان
لأ بجد كانت حوسه لناس كتير
وتستمر خيبتنا نحن العرب ملوك الفلك قديما
مش عارفين بكره اول الشهر العربي ولا لأ
اللهم اهدنا فيمن هاديت

هناك 24 تعليقًا:

habiba يقول...

السلام عليكم
مش عارفه اذا كانت السعودية السنة دى هى السبب ولا الاشاعات هى السبب بس معك حق..

كل عام وحضرتك بخير وإلى الله أقرب :)

ابراهيم رزق يقول...

شمس الشموس

صدقتى
مش عارفين نتفق على هلال
امال الحاجات التانية

تحياتى

momken يقول...

.....

طيب الخلاصه
كان المفروض نصوم انهارده؟؟؟

يعنى العيد يوم الخميس ولا الوقفه هى الى خميس

يعنى انهاره غره ذى الحجه ولا بكره؟؟؟؟



تحياتى

...

سواح في ملك اللــــــــــــــــــه- يقول...

المفروض ان الهلال لو بان في اي بلد في الدنيا يبقي هو ده التقويم

فالتاريخ واحد في جميع انحاء العالم

يعني لما يقولوا انهرده واحد ربيع الآول يبقي واحد ربيع الآول في كل الدنيا



زينة زيدان يقول...

شيء محير جدا
وكل سنة نفس الأمر يتكرر
رغم أن الموضوع لا يحتاج لتكنولوجيا كبيرة.. !!!


مسلم مصرى يقول...

أنا حأعلق بضمير زى ما بتقولى ومفيناش من زعل
بصى
الصيام والفطر و بداية الشهور تثبت برؤية الهلال صح ؟ ، طيب
رؤية الهلال تثبت بشاهد واحد ثقة تمام
فى عهد رسول الله -صلى الله عليه وسلم - مشافوش الهلال فأتموا شعبان بس كان فيه أحد الصحابة رجع من رحلة تجارة واقسم أنه رأى الهلال وده كان الصبح فالنبى أمر الناس بالإمساك عن الطعام
ف الموضوع واسع بأمر الله لأن بعض العلماء لهم رأى واجتهاد محترم أن الرؤية لابد أن تثبت بالعين المجردة .
مفيناش من زعل ماشى
تحياتى :)

ذو النون المصري يقول...

و الله صحينا النهاردة فعلا علي ان اليوم ثاني ايام ذي الحجة و ان احنا انضحك علينا في يوم لاننا صايمين
لكن الاكادة ان اننا ما انضحكش علينا لان الكل اكد ان اليوم لسه اول الشهر و لله الحمد
من امبارح و احنا محتارين فعلا
كل سنه علي هذا الحال الي ان يشاء الله

ذو النون المصري يقول...

كل عام انتم بخير

لـــولا وزهـــراء يقول...

هي كانت حووووووووووسة بعقل !!!

انا وجارتنا عرفنا انه يوم الاربع بداية الصيام لانه بداية ذو الحجة
فوجئت ان الكلام بليل اتغير وقالوا الصيام يوم التلات خبت عليها متأخر اول ما عرفت وكانت ياعيني مرهقة جداً وهي ست كبيرة بلغتها
واذ فجاءً الاقيهم غيروا كلامهم وقالوا لأ يوم الاربع جواب نوهائي وانا من ساعتها اتغظت بشكل نوهااااااااااااائي


لولا

لـــولا وزهـــراء يقول...

ملحوظة حاجة شمس خوديني جمبك في دكة المتغاظين وخلي بالك احنا زملاء في فصل واحد مؤلفين في النحو ومتغاظين من الحوسة اللي فيها العرب
اصحاب علماء الفلك ... احم احم قديماً يعني

لولا برضه

محمود(باحث عن حب) يقول...

سيبك من رمضان ممكن نختلف عنهم انما العيد الكبير جبل عرفات عندهم وغصب عنا نمشى وراهم
مش ال سعود وال الشيخ ربنا يسترها علينا
وحشنى بلوجر قوى
حفظى الله يا شمس النهار

شمس النهار يقول...

*habiba

السلام عليكم ورحمة الله وبركاته

سواء اشاعات ولا حقيقه
لم نصل الي الان لحل في هذا الموضوع
المفروض ان السعوديه تصدر بيان يوزع
فلاتدع مجال للأشاعات والتخبط

وكل سنه وانتي طيبة وبخير

شمس النهار يقول...

*ابراهيم رزق

لاعمرنا هنتفق علي هلال
ولا اشياء اخري
العرب كتبوا علي نفسهم الفرقة
كل سنة وانت طيب ياابراهيم

شمس النهار يقول...

*momken

لأ الوقفة ان شاء الله الخميس

والعيد الجمعة
كل سنة وانت طيب

شمس النهار يقول...

*سواح في ملك اللــــــــــــــــــه

المفروض شئ والتخبط شئ تاني

كل سنه وانت طيب

شمس النهار يقول...

*زينة زيدان

العرب زمان كانوا ملوك الفلك والصحراء
ايه اللي حصل مش عارفه
كل سنه وانتي طيبة

شمس النهار يقول...

*مسلم مصري

جمييييييييييييل
يعني لو كان في عصر الرسول موبايل كان اراجل ده قالهم انه شاف الهلال ماكنش استني لما يرجع الصبح
صوح
طيب هل مع كل التكنولوجيا دي
مش عارفين نحدد بكره ايه
؟؟؟

شمس النهار يقول...

*ذو النون المصري

كل سنه وانت طيب
اللطيف ان الخبر مكتوب
(بالتنسيق مع السعوديه غدا المتمم لشهر ذو القعدة)

يعني عملوا قاعده علشان يقولوا الهلال بان ولا مابانشي
وربنا قال صوموا لرؤيته وماجابش سيرة العين المجرده دي في القران

شمس النهار يقول...

*لولا وزهراء
:))

تعالي جنبي :)) ونتغاظ سوا علي مهلنا
بس هنتغاظ من ايه ولا ايه ولا ايه

:))

سنة83 كل الناس اللي بتنام بدري بعد العشا صحيت فطرت واخدت ادويتها
واتصدموا انه رمضان
وفي ناس عرفت اول ماصحيت وصاموا يوم طويل من ايام شهر يونيو من غير ادويه ولا سحور وناس كبيره

ربنا يهدي اولي الامر

وكل سنة وانتي طيبة:)

شمس النهار يقول...

*محمود(باحث عن حب)

:))
اهلا اهلا هل هلالك يامحمود
وبلوجر نور:)

زمان كان في مقالة عن الموضوع ده
قالك لو اختلفنا مع السعوديه علي هلال ذو الحجه هنحج فين علي جبل المقطم
لازم الدول الاسلاميه تجتمع علي رؤيه شرعيه واحده

كل سنة وانت طيب :)

مذكرات موززه عانس يقول...

اومال السنه بقى اللى السعوديه افتكست فيها وقالت ان يجب ان العيد مايوافقشى يوم جمعه عشان الملك هايموت لو وافق يوم الجمعه وبعدين غيروا ميعادوا وبرضه الملك مات فى نفس السنه

شمس النهار يقول...

* مذكرات موززه عانس

ايه ده بجد اول مره اسمع عن الموضوع ده

لاحول ولا قوة الا بالله احنا منهين عن التطير اصلا

ماعلينا

كل سنة وانتي طيبة:))

مذكرات موززه عانس يقول...

ازاى ده الموضوع ده معروف جدا
قالوا ان فى نبوءه بتقول ان العيد لو وافق يوم الجمعه الملك هايموت راحوا قدموه او اخروه مش عارفه وبعدين ماعدتشى السنه الا ومات الملك برضه وساعاتها انا صدقت النبوءه :D
وانتى طيبه وبخير يارب

شمس النهار يقول...

* مذكرات موززه عانس

:)))
معلش بقا الزهيمر
اشتغل
:))