الجمعة، 12 أكتوبر، 2012

ادي النخلة وادي الجمل

بما ان 
موقعة الجمل طلعت فوتوشوب
والشعب كان واكل اكله جااااااامدة ونام اوم جاله كابوس جماعي
وبماان 
الشباب اللي راح كان عامل حفلة انتحار جماعي
وبماان 
الشباب اللي عينهم راحت كانوا بس بيهزروا مع بعض 
بس هزار تقيل حبتين تلاته
اووووووم اييييييييييه
احنا بقا نعمل حمله
كل واحد حضر الموقعة يحكي اللي حصل
يووووه
لأ يحكي الكابوس اللي شافه
وياريت يذكر نوعية العشا علشان نقدر حجم الكابوس
اللي عنده نت يكتب عليه
ونتكلم مع الناس في الشارع 

انا شخصيا مافيش عميل جه المعرض عندي الا وكلمته عن الجمل وسنينه
ومن اولي المشاركات
ابراهيم رزق
بيحكي هنا ايه اللي حصل
لما نشوف اخرتها ايه
والفيديو ده لشاب من موقعة الجمل 
سجلت معاه لما رحنا نزور المصابين
قالها حكمة
 وزير ضربنا ووزير طرمخ عليه 
وحسبي الله ونعم الوكيل


هناك 18 تعليقًا:

ابراهيم رزق يقول...

شمس الشموس

بجد بجد بحيكى جدااااااااااااااااا

هى دى الايجابية بعيد عن السلبية
وبأذن الله موقعة الجمل مش هتموت
طول ما فى اللى زيك
وطول ما الناس مش هتسكت

تحياتى

محمود احمد يقول...

الى حصل كل العالم شافه
بس يظهر ان بعض المصريين هما الى مشفهوش و المعني في بطن الشاعر

و ربنا ينتقم من الى كان السبب ومعرفش يطلع دليل واحد ضد المجرمين الى قتلوا المتاظرهين و المعني برضه في بطن الشاعر

رؤى عليوة يقول...

لا نملك غيرها

حسبنا الله ونعم الوكيل

وكفى

مسلم مصرى يقول...

وعجبى !!!

فافى يقول...

حسبى الله ونعم الوكيل
الامر لله
فعلا لازم كل واحد يدون مذكراته عن الثوره عشان التاريخ

tarek momen يقول...

هما قالوا في الامثال الجمل طلع النخلة و اللا الجمل راح التحرير
المسالة انهم لو اتحاكمواالف مرة هايطلعوا الف براءة لان القضاء اما فاسد او مغلول اليد لعدم وجود ادلة
حد فيكم شاف فتحي سرور راكب جمل او صفوت الشريف راكب حصان
لكن كلنا عارفين انهم المحرضين و المحركين لهذه المذبحة
المسالة محتاجة محاكمة شعبية

شمس النهار يقول...

*ابراهيم رزق

المفروض مانسكتش
الساكت عن الحق شيطان اخرس
واحنا سكتنا كتير
ان الاوان مش نتكلم نصرخ
ده دم شباب مصر

شمس النهار يقول...

*محمود احمد

لو شوفت الفديو المرفق هتلاقي
كلام هذا السواق الامي
حصل بالحرف
وزير الداخليه طرمخ علي الموضوع

شمس النهار يقول...

*رؤي عليوة

مالناش غير ربنا ندعوه
بس ربنا امرنا ان نأخذ بالاسباب

شمس النهار يقول...

*مسلم مصري

ربنا هيورينا عجيب انتقامه منهم

شمس النهار يقول...

فافي
ده لازم
الثورة متأرخه بالفيديو
ثورتنا كانت علي الهوي علي اليوتيوب

شمس النهار يقول...

*tarek momen

تمن المحاكمة الشعبية ده غالي جدا
يعني كل اهل شهيد يروحوا يقتصوا منهم بنفسهم
اي مجتمع ده اللي هيعمل ده
هنبقا غابة بقا

الجواز و سنينه يقول...

ان يأكخذ الجميع برائه
ليس له إلا مبرر واحد
ان الادله غير كافيه
السؤال هو لماذا
حتى علاء و جمال بيتحاكموا على التلاعب بالبورصه مش على فساد سياسى و اقتصادى بالبلد
احنا مش عارفيين ناخد حقنا و اخد الحق حرفه تقريبا لسنا ممرسيين فيها

الجواز و سنينه يقول...

طبعا طبعا بوست هايل يا شموسه البلوجرات

لـــولا وزهـــراء يقول...

شكراً ع المبادرة واتمنى اسمع من كل المشاركين في التحرير وقت موقعة الجمل شو صار
الحقيقة مش هتموت طالما شهود العيان بيتكلموا ولسانهم مش مقطوع


لولا

شمس النهار يقول...

*الجواز وسنينه

الادله اصلا اختفت تماما

لو شوفتي الفيديو هتلاق الانسان البسيط ده قال علي اللي هيحصل من قبل مايحصل

شمس النهار يقول...

*لولا وزهره

يارب بس الناس تستجيب

ويحكوا عن اللي شافوه

غير معرف يقول...



Also visit my web page; web page