الأربعاء، 10 أكتوبر، 2012

يوم النهوض باللغة العربية الفصحي

بما اني من مفسدي اللغة العربية
من اول الاملاء الي النحو والصرف
اه وربنا
مااعرف المبتدأ مين ابتدئه
ولا الخبر مين جاب خبره
المهم
الاخت الفاضلة 
كريمة سندي 
عملت يوم للنهوض باللغة العربية
قلت وماله اشترك 
واهو اكفر عن ذنوبي في حق اللغة العربية
وبهذه المناسبة
عايزة اكلمكم عن الفية ابن مالك
ايوة حد عنده اعتراض
سامعه حد بيقول يعي انتي مبوظه اللغة العربية 
وساكتين لك
كمان هتتكلمي عن الفية ابن مالك
:))
ايووووووووووة 
اصل الالفية دي ليها معايا حكاية
لما كنت في اولي ثانوي كان بيدينا اللغة العربية 
مستر اسمه عبد الله 
ربنا يديه الصحة لو عايش وربنا يرحمه لو مات
المهم مستر عبد الله كان ذاللني بابن مالك ده
كل مااعرب حاجة غلط وطبعا كان ده الاساس
كان يقول لي
 يابنتي لوابن مالك عايش كنتي جبتيله السكر والسكته
وكان يرزعني بيت الشعر اللي فيه القاعدة بتاعت اللي اعربته غلط عادي يعني
وهو اصلا كان حافظ الالفية وكان خريج دار العلوم
وبجد كان شاطر جدا
في مره قالي 
ياحنااااااااااااااان 
ماتجوبيش النحو ارجوكي
 خاليكي في الحاجات التانيه اللي بتحبيها
اصلي كنت بحب كل حاجة في العربي الا النحو
اسيبكم مع الفية ابن ماللك 
اللي اتحفظ بيها كل قواعد النحو
وعلي فكرة 
هيعرفكم كل حاجة عن الالفية
وكمان هيعرفكم ان في علوم اخري برضوا ليها الفية
*********
ملحوظة
ان شاء الله هنكمل ابطال اكتوبر بعد النهوض باللغة العربية

هناك 25 تعليقًا:

سواح في ملك اللــــــــــــــــــه- يقول...

مساهمة جميلة جدا منك ياشموسة

تحيتي

كريمة سندي يقول...

والله حاجة جميلة منك المشاركة دي ربنا يكرمك يارب .. ويسهلك المبتدأ والخبر والمثنى كمان .. المهم أضفت تدوينة في قائمة المشاركين عندي ودا أقل حاجة

مسلم مصرى يقول...

كلام تمام .... بس سؤال يا حناااان يا ترى قرأتى الألفية ؟ سؤال رخم صح ؟

ريـــمـــاس يقول...

صباح الغاردينيا شموستنا
أولا تحيتي لكِ وللغالية كريمة سندي
أما عن البوست سوري بجد ضحكت
عشان انتي عسل حتى وأنتي بتتكلمي
عن شموسه في أول ثانوي اتخيلت
منظرك وأنتي بتتهزئي كدا :)
اممم عارفة أنا ماما مدرسة للغة عربية
ودلوقتي مديرة مدرسة وحضرتي مش بطيق
النحووووووووووو ابدا :(
ههههههههههههه شفتي الشاطرة ريمو
بجد لغتنا محتاجة مننا نهتم أكتر فيها
وبشكرك وبشكر العسل كريمة على البوست
دا واليوم دا للنهوض بلغتنا "
؛؛
؛
لروحك عبق الغاردينيا
كانت هنا
reemaas

محمد أبو عز الدين يقول...

مشاركة قيمة تحمل أكثر من دلالة
تحياتي لك أخي الكريم و أرجو أن تكون هذه البادرة بداية للعمل على تجاوز تقصيرنا في حق لغتنا الجميلة هذه
تحياتي

شمس النهار يقول...

*سواح في ملك الله

شكرا ليك ياسواح :)

شمس النهار يقول...

*كريمة سندي

الشكر ليكي اللي بتحافظي علي اللغة
ربنا يكرمك
وياريت الناس كلها تشترك

شمس النهار يقول...

*مسلم مصري

قريت الالفية
ده انا كنت بسمعها كل يوم :)) منه
ده غير اني دخلت مكتبة المدرسة اللي كانت ولا دار الكتب
دورت عليها وقريتها
وقريتها تاني امبارح وانا بعمل التدوينة وتذكرت بعض ابيات كنت شبه بسمعها منه كل يوم
:))
لأ ماانا ماليش حل في النحو وربنا المستر كان هيموت في ايدي

شمس النهار يقول...

*ريماس

صباح الهنا عليكي ياريماس

انتي طلعتي زومل برضوا مابتحبيش النحو وانا اقول بحبك اوي كده ليه :))

كتير حاولت افك طلاسمه ماعرفتش
:))
صباحك ورد

شمس النهار يقول...

*محمد ابو عز الدين
اهلا بيك
وشكرا علي تعليقك
نورتني

ريهام المرشدي يقول...

و المعلقات أيضا :) كانت لها ذكريات لا تنسى ، شكرا لك شمس على هذه المشاركة الخفيفة الدم :) و المفيدة أيضا ...

شهرزاد المصرية يقول...

اعجبتنى كثيرا تدوينتك خفيفة الظل هذه و أرجو أن تسامحك اللغة العربية على أخطائك فى النحو مراعاة لاعتزازك الواضح بها

تحياتى و يسعدنى ان تعرفت على مدونتك بسبب هذه الحملة التدوينية

شمس النهار يقول...

*ريهام المرشدي

اهلا اهلا
ازيك ياريهام فينك بقالك كتير لابتكتبي ولا بتيجي
يارب يكون خير

انا كنت بحب المعلقات مش كلها لكن فيها حاجات تجنن

شمس النهار يقول...

*شهرزاد المصرية

اهلا وسهلا بيكي
يشرفني وجودك هنا في مدونتي المتواضعة

نورتيني وربنا يديم التواصل بينا

ابراهيم رزق يقول...

شمس الشموس

ههههههههههههههه

ضحكتينى بجد و لاجعتينى
بما انى كنت علمى رياضة
كنت بتعامل مع النحو كأنه مسألة رياضة

معلش مسمعتش عن الحملة فمحضرتش حاجة بأذن الله هحضر حاجة بكرة

تحياتى

مدونة رحلة حياه يقول...

السلام عليكم
اهو كله كوم
وكلمة مستر بتاع اللغة العربية دى كوم تانى
مش عارف ركبت معاك ازاى
راق لى طرحك
دومتى بخير

rack-yourminds يقول...

من تجليات الهزيمه النفسيه التي ضربت بلادنا ان يتراجع اهتمامنا باللغه العربيه ويزاداد اهتمامنا باللغات الاجنبيه!!لكن اليوم بعد مجئ من يعبرون بحق عن ارادة وهوية الأمه سيتم تصحيح اعوجاج اللسان الذي هو من تجليات اعوجاج الحال

شمس النهار يقول...

*ابراهيم رزق
اهلا اهلا
اخيرا جيت

انا بقا ماعرفتش اتعامل خالص
لارياضة ولا رسم
ماانا كنت علمي برضوا بس مشكل
ماوصلش بلدنا رياضة وعلوم ساعتها
:))

شمس النهار يقول...

*مدونة رحلة حياة
وعليكم السلام ورحمة الله وبركاته

كل الرجاله في المدرسة كانوا مستر ماعدا مسيو الفرنساوي وعلي فكره كان دنماركي :))وشبه الديك الشركسي :))
:))
هي المدرسة كانت كده
:))

شمس النهار يقول...

* rack-yourminds

بيعجبني فيك انك متفائل

المدارس الناشيونل والانترناشيونا بقت اكتر من المدارس العربي
وعلي فكره القيادات اللي بتشوفها دي كلها
اولادهم في مدارس امريكان
وفي منهم يمتلك مدارس اجنبيه قلب وقالبا بس اسم الدرسة عربي زي اجياد وتاجان الي اخر الاسماء العربية والتعليم اجنبي

لـــولا وزهـــراء يقول...

اتصدقي وتؤمني بالله انك طمنتيني لاني كنت حاسة اني لوحدي اللي مبعرفش في النحو ولا القواعد ولا التشكيل ههههه الحمد لله اتاخري بقى عشان اجي اقعد جمبك (:
نفسي قووووي اتعلم القواعد بحب كل شئ في العربي النصوص والشعر والبلاغة والنثر والقصص ووووو كللللللللله اجي عند النحو وعقدة حياتي
بحاول فيه وربنا يستر على اللوغة العاربية مني (:


لولا

شمس النهار يقول...

*لولا وزهرا

الحمد لله طمنتيني علي نفسي
:))
انا بقول نلم بعضنا وناخد درس عند حد
اعصابه فولازية يستحمل يفهمنا

العاب يقول...

well done

غير معرف يقول...



my blog - website

غير معرف يقول...



my site - homepage