بما اني من مفسدي اللغة العربية
من اول الاملاء الي النحو والصرف
اه وربنا
مااعرف المبتدأ مين ابتدئه
ولا الخبر مين جاب خبره
المهم
الاخت الفاضلة
كريمة سندي
عملت يوم للنهوض باللغة العربية
قلت وماله اشترك
واهو اكفر عن ذنوبي في حق اللغة العربية
وبهذه المناسبة
عايزة اكلمكم عن الفية ابن مالك
ايوة حد عنده اعتراض
سامعه حد بيقول يعي انتي مبوظه اللغة العربية
وساكتين لك
كمان هتتكلمي عن الفية ابن مالك
:))
ايووووووووووة
اصل الالفية دي ليها معايا حكاية
لما كنت في اولي ثانوي كان بيدينا اللغة العربية
مستر اسمه عبد الله
ربنا يديه الصحة لو عايش وربنا يرحمه لو مات
المهم مستر عبد الله كان ذاللني بابن مالك ده
كل مااعرب حاجة غلط وطبعا كان ده الاساس
كان يقول لي
يابنتي لوابن مالك عايش كنتي جبتيله السكر والسكته
وكان يرزعني بيت الشعر اللي فيه القاعدة بتاعت اللي اعربته غلط عادي يعني
وهو اصلا كان حافظ الالفية وكان خريج دار العلوم
وبجد كان شاطر جدا
في مره قالي
ياحنااااااااااااااان
ماتجوبيش النحو ارجوكي
خاليكي في الحاجات التانيه اللي بتحبيها
اصلي كنت بحب كل حاجة في العربي الا النحو
اسيبكم مع الفية ابن ماللك
اللي اتحفظ بيها كل قواعد النحو
وعلي فكرة
هيعرفكم كل حاجة عن الالفية
وكمان هيعرفكم ان في علوم اخري برضوا ليها الفية
*********
ملحوظة
ان شاء الله هنكمل ابطال اكتوبر بعد النهوض باللغة العربية
*********
ملحوظة
ان شاء الله هنكمل ابطال اكتوبر بعد النهوض باللغة العربية
هناك 25 تعليقًا:
مساهمة جميلة جدا منك ياشموسة
تحيتي
والله حاجة جميلة منك المشاركة دي ربنا يكرمك يارب .. ويسهلك المبتدأ والخبر والمثنى كمان .. المهم أضفت تدوينة في قائمة المشاركين عندي ودا أقل حاجة
كلام تمام .... بس سؤال يا حناااان يا ترى قرأتى الألفية ؟ سؤال رخم صح ؟
صباح الغاردينيا شموستنا
أولا تحيتي لكِ وللغالية كريمة سندي
أما عن البوست سوري بجد ضحكت
عشان انتي عسل حتى وأنتي بتتكلمي
عن شموسه في أول ثانوي اتخيلت
منظرك وأنتي بتتهزئي كدا :)
اممم عارفة أنا ماما مدرسة للغة عربية
ودلوقتي مديرة مدرسة وحضرتي مش بطيق
النحووووووووووو ابدا :(
ههههههههههههه شفتي الشاطرة ريمو
بجد لغتنا محتاجة مننا نهتم أكتر فيها
وبشكرك وبشكر العسل كريمة على البوست
دا واليوم دا للنهوض بلغتنا "
؛؛
؛
لروحك عبق الغاردينيا
كانت هنا
reemaas
مشاركة قيمة تحمل أكثر من دلالة
تحياتي لك أخي الكريم و أرجو أن تكون هذه البادرة بداية للعمل على تجاوز تقصيرنا في حق لغتنا الجميلة هذه
تحياتي
*سواح في ملك الله
شكرا ليك ياسواح :)
*كريمة سندي
الشكر ليكي اللي بتحافظي علي اللغة
ربنا يكرمك
وياريت الناس كلها تشترك
*مسلم مصري
قريت الالفية
ده انا كنت بسمعها كل يوم :)) منه
ده غير اني دخلت مكتبة المدرسة اللي كانت ولا دار الكتب
دورت عليها وقريتها
وقريتها تاني امبارح وانا بعمل التدوينة وتذكرت بعض ابيات كنت شبه بسمعها منه كل يوم
:))
لأ ماانا ماليش حل في النحو وربنا المستر كان هيموت في ايدي
*ريماس
صباح الهنا عليكي ياريماس
انتي طلعتي زومل برضوا مابتحبيش النحو وانا اقول بحبك اوي كده ليه :))
كتير حاولت افك طلاسمه ماعرفتش
:))
صباحك ورد
*محمد ابو عز الدين
اهلا بيك
وشكرا علي تعليقك
نورتني
و المعلقات أيضا :) كانت لها ذكريات لا تنسى ، شكرا لك شمس على هذه المشاركة الخفيفة الدم :) و المفيدة أيضا ...
اعجبتنى كثيرا تدوينتك خفيفة الظل هذه و أرجو أن تسامحك اللغة العربية على أخطائك فى النحو مراعاة لاعتزازك الواضح بها
تحياتى و يسعدنى ان تعرفت على مدونتك بسبب هذه الحملة التدوينية
*ريهام المرشدي
اهلا اهلا
ازيك ياريهام فينك بقالك كتير لابتكتبي ولا بتيجي
يارب يكون خير
انا كنت بحب المعلقات مش كلها لكن فيها حاجات تجنن
*شهرزاد المصرية
اهلا وسهلا بيكي
يشرفني وجودك هنا في مدونتي المتواضعة
نورتيني وربنا يديم التواصل بينا
شمس الشموس
ههههههههههههههه
ضحكتينى بجد و لاجعتينى
بما انى كنت علمى رياضة
كنت بتعامل مع النحو كأنه مسألة رياضة
معلش مسمعتش عن الحملة فمحضرتش حاجة بأذن الله هحضر حاجة بكرة
تحياتى
السلام عليكم
اهو كله كوم
وكلمة مستر بتاع اللغة العربية دى كوم تانى
مش عارف ركبت معاك ازاى
راق لى طرحك
دومتى بخير
من تجليات الهزيمه النفسيه التي ضربت بلادنا ان يتراجع اهتمامنا باللغه العربيه ويزاداد اهتمامنا باللغات الاجنبيه!!لكن اليوم بعد مجئ من يعبرون بحق عن ارادة وهوية الأمه سيتم تصحيح اعوجاج اللسان الذي هو من تجليات اعوجاج الحال
*ابراهيم رزق
اهلا اهلا
اخيرا جيت
انا بقا ماعرفتش اتعامل خالص
لارياضة ولا رسم
ماانا كنت علمي برضوا بس مشكل
ماوصلش بلدنا رياضة وعلوم ساعتها
:))
*مدونة رحلة حياة
وعليكم السلام ورحمة الله وبركاته
كل الرجاله في المدرسة كانوا مستر ماعدا مسيو الفرنساوي وعلي فكره كان دنماركي :))وشبه الديك الشركسي :))
:))
هي المدرسة كانت كده
:))
* rack-yourminds
بيعجبني فيك انك متفائل
المدارس الناشيونل والانترناشيونا بقت اكتر من المدارس العربي
وعلي فكره القيادات اللي بتشوفها دي كلها
اولادهم في مدارس امريكان
وفي منهم يمتلك مدارس اجنبيه قلب وقالبا بس اسم الدرسة عربي زي اجياد وتاجان الي اخر الاسماء العربية والتعليم اجنبي
اتصدقي وتؤمني بالله انك طمنتيني لاني كنت حاسة اني لوحدي اللي مبعرفش في النحو ولا القواعد ولا التشكيل ههههه الحمد لله اتاخري بقى عشان اجي اقعد جمبك (:
نفسي قووووي اتعلم القواعد بحب كل شئ في العربي النصوص والشعر والبلاغة والنثر والقصص ووووو كللللللللله اجي عند النحو وعقدة حياتي
بحاول فيه وربنا يستر على اللوغة العاربية مني (:
لولا
*لولا وزهرا
الحمد لله طمنتيني علي نفسي
:))
انا بقول نلم بعضنا وناخد درس عند حد
اعصابه فولازية يستحمل يفهمنا
well done
my blog - website
my site - homepage
إرسال تعليق