السبت، 9 نوفمبر، 2013

مبروك لماما

ايووووووة
شوفوا انا ماليش في الكورة
لأني ماليش في التعصب
بس الست الوالدة ليها في الكورة
وزملكاوية متعصبه
وطبعا كانت شدانا مجننه البيت علشان الزمالك
ولماالزمالك غلب واخد الكاس فرحت اوي
ربنا يفرح اللي فرح امي
والا كانت هتبقا ليلة طين
ماعلينا
السؤال بقا اللي بيطرح نفسه
لما دخلت تويتر اثناء وبعد الماتش
لاقيت الاهلاوية والزملكاوية بشتموا بعض
كل الزملكاااااوية بجميع انتمائتهم السياسية متحدين
وبيشتموا الاهلاوية
وكل الاهلاوية بكل انتمائتهم السياسية متحدين وبيشتوا الزملكاوية
كله نسي السياسة والشتيمة في بعض علشان السياسة
وافتكروا التعصب الكروي
بجد مش عارفة اقول ايه بجد
هو الموضوع سياسة ولا تعصب ولا قلة فضي 
ولا ايه ياشباب مصر
مصر بتضيع وسط خلافاتكم 
اللي مابقتش عارفه هي ليه وعلشان ايه
المهم تختلفوا وتتخانقوا وتشتموا بعض
وخلاص
ربنا يهديكم

هناك 6 تعليقات:

beautiful mind يقول...

أخيرا كسبوا بطولة
يلا ألف مبروك لكل الزملكوية
ولو إن مفيش أي حاجه بقى ليها طعم أصلا

شمس النهار يقول...

كلامك صح
مابقاش في حاجة ليها طعم
الدنيا بقت غريبببببة

ابراهيم رزق يقول...

شمس الشموس

مبرووووووك عشان خاطر ماما بس

رحاب صالح يقول...

هههه ماما زمالكاوية
احنا بقي كل البيت زمالكاوي
طب بوسيهالي كتير
ده انتم لو كنتم جيرانا كنا اتصاحبنا اوووي
بالنسبة للتعصب دي ناس تافهة
انا والله الكهربة كانت قاطعة واول ما رجعت لقيت واحد زميل الي كتب لي ان الزمالك فاز وهناني برغم انه اهلاوي
في ناس صح ف كل حاجة وفي ناس تافهة لكل حاجة

ندى الربيع يقول...

عموماً أهم ما ف الموضوع إن مامتك فرحت ودى أحلى حاجه حصلت مش كده ولا ايه ؟؟
تحياتى ؛؛؛؛

Mafrousa يقول...

فضى