ايووووووة
شوفوا انا ماليش في الكورة
لأني ماليش في التعصب
بس الست الوالدة ليها في الكورة
وزملكاوية متعصبه
وطبعا كانت شدانا مجننه البيت علشان الزمالك
ولماالزمالك غلب واخد الكاس فرحت اوي
ربنا يفرح اللي فرح امي
والا كانت هتبقا ليلة طين
ماعلينا
السؤال بقا اللي بيطرح نفسه
لما دخلت تويتر اثناء وبعد الماتش
لاقيت الاهلاوية والزملكاوية بشتموا بعض
كل الزملكاااااوية بجميع انتمائتهم السياسية متحدين
وبيشتموا الاهلاوية
وكل الاهلاوية بكل انتمائتهم السياسية متحدين وبيشتوا الزملكاوية
كله نسي السياسة والشتيمة في بعض علشان السياسة
وافتكروا التعصب الكروي
بجد مش عارفة اقول ايه بجد
هو الموضوع سياسة ولا تعصب ولا قلة فضي
ولا ايه ياشباب مصر
مصر بتضيع وسط خلافاتكم
اللي مابقتش عارفه هي ليه وعلشان ايه
المهم تختلفوا وتتخانقوا وتشتموا بعض
وخلاص
ربنا يهديكم
هناك 6 تعليقات:
أخيرا كسبوا بطولة
يلا ألف مبروك لكل الزملكوية
ولو إن مفيش أي حاجه بقى ليها طعم أصلا
كلامك صح
مابقاش في حاجة ليها طعم
الدنيا بقت غريبببببة
شمس الشموس
مبرووووووك عشان خاطر ماما بس
هههه ماما زمالكاوية
احنا بقي كل البيت زمالكاوي
طب بوسيهالي كتير
ده انتم لو كنتم جيرانا كنا اتصاحبنا اوووي
بالنسبة للتعصب دي ناس تافهة
انا والله الكهربة كانت قاطعة واول ما رجعت لقيت واحد زميل الي كتب لي ان الزمالك فاز وهناني برغم انه اهلاوي
في ناس صح ف كل حاجة وفي ناس تافهة لكل حاجة
عموماً أهم ما ف الموضوع إن مامتك فرحت ودى أحلى حاجه حصلت مش كده ولا ايه ؟؟
تحياتى ؛؛؛؛
فضى
إرسال تعليق