الأحد، 10 يوليو، 2011

عصام شرف وراحت السكره وجت الفكره

امبارح كان يوم عصيب حبتين تلاته كده
من بعد الميسدات للحكومة والمجلس والدلع
اه والله حطيت لهم اغنية علي الفيس وتويتر
وجابت نتيجة بعدها علي طول قال لك بيان للأمة
استنينا لما استوينا
المهم
طلع علينا الدكتور عصام شرف ببيان كالماء لاطعم له ولا لون
طبعا اتحرق دمنا كالعادة
وصوتنا وندبنا وشجبنا علي الفيس وتويتر وبلوجر وفي كل حته
انا سمعت وشوفت البيان اكتر من 7مرات
وملاحظاتي :
عصام شرف طالع مضروب علي قلبه مش طايق نفسه
مكسور مهزوم بيقرا وهو متنح
اه سيبكم من ان شكله رايق كده وهادي
لا
كمان في حتت بيتكا عليه زي اللي عايز يقولنا
الحته دي بالذات ماتصدقوهاش
حسيته وهو بيلقي البيان انه عايز يغمز لنا بعينة ويقول لنا ماتصدقوش خاليكوا مكانكم اوعوا تفضوا الاعتصام
انا نفسي مش مصدق اللي بقوله
وهرجع اقول الشعب المصرررررررررررررري
مش هيغمض عينية
مش هيضحك عليه
تااااااااااااااااااااااني
-------
دي الاغنية اللي حطتها للحكومة والمجلس علشان يعبرونا
:)

رضا والله وراضيناه
دلع حتي ودلعناه
كافي لا لاتزودها
لو ندري مازعلناك
يعني وايش تبي منا اكتر يامتاعبنا
تقدر تسامحنا
مااحنا ياما سامحناك
:)))
وونبي جابت نتيجة مافيش ربع ساعة وقالك بيان
صبااااااااااح الخير علي بلادي
اجدع ناس

هناك 28 تعليقًا:

مصطفى سيف يقول...

وبين متاهة الحقيقة صار الشعب يبحث عن روحه الضائعة كي ينقذ ما تبقى من ماء وجهه ويعيد البسمة لارواح بريئة ازهقها ظلم الظالمين
لن تفي الخطابات في عودة المظالم ولن يشفي غليل الشعب مجرد قرارات متأخرة
لم يعي شرف درس مبارك جيدا
لم يفهم ان تاخير القرارات الصائبة يرفع سقف المطالب ويطمع الشعب في المزيد بسبب ضريبة التاخير
الى متى سيتولى امرتا مجرد رجال لا ينظرون الى الغد متباطئين القرارات
الى متى سيقتلنا العطش وننتظر من اولي الامر ان ينقذونا فلا يقدمون لنا الا رشفة ماء
وهل رشفة ماء تنقذ من شارف على الموت؟ وقتله العطش
شرف امتداد لحكومات كثيرة قبله تباطؤ عد احساس بنبض الشارع اغلاق مكتبه على نفسه دون شعور بالراي العام
تحياتي واتمنى ان يكون الغد افضل لمصر والمصريين

Tarkieb يقول...

اغنية حلوة والله خسارة فيهم

سواح في ملك اللــــــــــــــــــه- يقول...

ست الكل

شكلك كدة المرة الجاية

هتحطي اغنية الوداع

للحكومة هههه

تحيتي

سبايدرمان يقول...

حكومه مبتجيش الا بالأغاني و الدلع
^_^

جايدا العزيزي يقول...

هههههههههه

يا صباح الدلع

ماهى حكومتنا بردوا واحنا اللى عودناها على كده

طول عمرنا بندلعها

طرح راقى غاليتى

تحياتى

eman helal يقول...

عارفه أنا لو شوفت اللى كاتب الخطاب دا هطبق فى زمارة رقبته ولا الف راجل هيخلصه من أيدى

كيــــــــــــارا يقول...

انا محبطة اخر احباط :(

rack-yourminds يقول...

هذا الشعب العظيم الذي قام بثوره من اعظم الثورات في التاريخ الانساني لن يقبل الا بتحقيق كل اهداف ثورته

شيرين سامي يقول...

بالرغم من اني زعلانه و محبطه من حاجات كتير بس الأغنيه حلوه أويييييي و لايقه أويييييي
تحياتي لحضرتك

Bent Men ElZaman Da !! يقول...

لو كانوا بيجيوا بالاغانى سهله
مش كانوا يقولوا :D
الواحد مابقاش مستوعب اى حاجه اصلا

Foxology يقول...

زى ما قلت قبل كدة ان الدكتور عصام شرف الرجل المناسب فى المكان المناسب بس فى الزمن غير المناسب اطلاقااااا

ربنا يقدم اللى فيه الخير ويرحمنا من الفوضى اللى احنا فيها دى

تحياتى

حمدى جعوان يقول...

مازلت متفائل وعندى امل .
برغم جو الاحباط والغموض اللى عايشينه واللى بيساعد على التشكيك فى كل شىء حوالينا
واليومين الجايين اعتقد انهم هيكونوا من اهم ايام الثورة
وخليكى شغاله على الاغانى بقى ...بس المره دى عاوزين ردهم يكون ايجااابى

يااااااااااارب احمى مصر

مامة مازن يقول...

المذهل فى الخطاب ان اللى كتبه كان مع نفسه
يعنى جاء فيه وقف الضباط بلابلابلا بلا
ووزير الداخليه قال لا

عارفة حضرتك اكل العيانين على مايه ومن غير ملح وفلفل وبالهنا والشفا

شمس النهار يقول...

*مصطفى سيف

الحقيقة انا مش جاية علي شرف اوي ليه علشان هو مش في ايده حاجه
لكن انا جاية عليه في حتت انه يستقيل ويحرجهم ومش يقدم لهم استقالت هلا
يروح يقدمها في التحرير
والعمر واحد والرب واحد
واضح ان المجلس مهيمن علي كل حاجه ونسي وظيفته الاساسية

شمس النهار يقول...

*Tarkieb

معلش بقا ادينا بنسايس الاول
:)))
وبعد كده قد ازعر من انذر

شمس النهار يقول...

*سواح في ملك اللــــــــــــــــــه

:))
دي لو رسيت علي اغنية الوداع ماشي
ماتكونش اسألك الرحيل

شمس النهار يقول...

*سبايدرمان

:))))
حكومة بنت حظ
:)))

شمس النهار يقول...

*جايدا العزيزي

علشان بس مايقولوش ان الشعب حرمهم من حاجة
:))

شمس النهار يقول...

*eman helal

هو نفسه اللي كان بيكتب خطابات
اللامبارك

شمس النهار يقول...

*كيــــــــــــارا

كوكي انتي فين يابنيتي

وحشتيني جداااااااا

وليه محبطة ده الامل واضح جدااااا انا شايفاه اهو

شمس النهار يقول...

*rack-yourminds

ماحدش هيضحك علي الشعب الجميل ده تاني خلاص

الميدان الان هو بيت كل المصرين

شمس النهار يقول...

*شيرين سامي

ماتحبطيش الجاي دايما احلي
وعندي امل كبير وكل مااروح التحرير الامل بيكبر

شمس النهار يقول...

*Bent Men ElZaman Da !!

:))))
اهو الاغاني احسن من حاجة تانية

:))))

شمس النهار يقول...

*Foxology

:))
عصام شرف عامل زي الرجال المتجوز اتنين

ومفروم بينهم

شمس النهار يقول...

*حمدى جعوان

وانا زايك عندي امل كبيييييييييير

واديني كل شواية بنزل لهم اغاني

والصبح نزلت لهم بتسأل ليه عليه
:)))))
انت اللي غايب ليه يارب يكون غيابك خير

شمس النهار يقول...

*مامة مازن

حظي الحلو كنت بتفرج علي الحياة ساعة ماكانوا مستضفين وزير الداخلية
وشوفت شكله وهو بيتفاجئ من الخطاب واول حاجه قال لا ماينفعش ده غير قانوني

تصدقي مين وتكدبي مين

Carmen يقول...

والله الواحد مابقى عارف الخير والصح فين
ربنا يعدى الفترة دى على خير

تقبل مرورى الاول وليس الاخير باذن الله

شمس النهار يقول...

*Carmen

لا ياكارمن احنا في مرحلة لازم نعرف كل حاجة
احنا لأول مرة نكون جزء من الحدث

واهلا بيكي في مدونتي المتواضعة