الجمعة، 25 يناير، 2013

عمال مصر

قريت 
علي الصبح
بجد ضحكت اوي
ليييييييييييه ؟؟
العمال المصرين في مصر اغلبهم او الاغلبيه الكبري منهم
قاعد من غير شغل كسلاااااااااان
بس في شغل اصلا
!!!
طيب انت قاعد ليه بتعمل ايه في بيتكم
الكلام ده مش بقوله كده وخلاص لأ بقوله
من منطلق امر واقع اعيشه كل يوم
مافيش 
صنايعي صح 
متعلم المهنه صح
مافيش صنيعي بيشتغل كل يوم
هو عايز يشتغل علي القد بس
تلاقي الصنايعي يقولك مافيش شغل والحياة والغلاء والدنيا
طيب تعالي اشتغل يقولك ماشي
هتديني كام  ...
لأ شويه
طيب لما نشوف شغلك
تلاقي شغله كله كروته
ولايستاهل مليم يوميه
وكمان يعطل الشغل ويغيب
وتسمع كل الاعذار اللي في الدنيا اللي هي مش حقيقه اصلا
كل صنايعي اتعلم كام يوم يروح ينفصل عن معلمه ويشتغل لوحده
هو اصلا ماشربش الصنعه
علشان كده شغله بيبقا نصه غلط ومش متقن
تركيا زمان 
لموا الصنايعيه المصرين 
اخدوهم يبنوا ويعمروا تركيا بالعماره والفنون
من كتر ماكان الصنايعي المصري شاطر
كان في الصبي والمعلم 
الصبي ده ماينفصلش عن معلمه الا لما يتقن الصنعه ويعرف اسرارها
شوفوا العماره في مصر زمان وشوفوها دلوقتي
نادرا ماتلاقي حيطه في مصر الان متمحره صح
الصنايعي المصري باظ من يوم ماقلنا له ياباشمهندس
:)
وادي الوزير هيعلمه يتكلم تركي

هناك 8 تعليقات:

ابراهيم رزق يقول...

شمس الشموس

ههههههههههههههههههه
واضح ان انتى جبتى اخرك مع الصنايعية
واضح كده ان اليومين الجاين يومين تركيا

وامان يا ربى امان

تحياتى

faroukfahmy58 يقول...

شمس النهار
وحشنى طلعة شمسك وطلة كلمتك
انا معكى ان الصانع فى ايامنا معول هدم وليس معول بناء اشمعنى لما يسافر يبين مهارة وهو حلال للغير وحرام على بلادنا
مقال اكثر من رائع
الفاروقي

هبة فاروق يقول...

على فكرةالظاهرة دى منتشرة جدا بين فئة العمال والصنايعية فى مصر والادهى من كدة يبقى مش لاقى يأكل ويرفض الشغل لمجرد انه عايز مبلغ اكبر طيب اشتغل وخلى فى جيبك فلوس وبعدين اتأمر فى الصين العامل بيحصل على مرتب ضعيف لكنه بيعمل لانه يعلم ان فرص العمل محدودة اما فى مصر عارف ان فرص العمل معدومة ومش عايز يشتغل ويفضل انه يبقى عاطل احسن ما يحصل على مبلغ بسيط

ريهام المرشدي يقول...

السلام عليكم ، ازيك يا شموسة :)
علشان كتير بقى يتكسف من شغله يعني ايه تقولي عليه صبي ؟! دا معلم قد الدنيا و إيه مبيض محارة دا ؟ معقول دا بشمهندس و دكتور كمان ، و كأن النقاش أو السباك حاجة عيب و متنفعش تتقال ، و بيني و بينك المجتمع يتحمل جزء برضو انه مداش للناس دي حقها الصح ، و بعدنا قوي عن :
"كل ميسر لما خلق له" ... شوية اهتمام و رقابه هايرجع الصنايعي المصري أحسن مما كان ، ربنا يصلح الحال :) ... سلام

محمد الدهيمي يقول...

ياااااااه بقالي كتير ما جيتش هنا .. الامتحانات بقى حضرتك عارفة .. الجملة اللي لمستني أوي :
" الصبي ده ماينفصلش عن معلمه الا لما يتقن الصنعه ويعرف اسرارها "

سواح في ملك اللــــــــــــــــــه- يقول...

بصي ياست الكل

مافيش ضمير

مافيش اتقان

الصنايعي كمان بقي نص لبة

وعاوز يخلص الشغلانة بسرعة ومش مهم الاتقان

ويهبر القرشين ويخلع

ويقوللك علي قد فلوسهم

طب وافقت ليه علي الشغل مالاول لما انت شايف فلوسهم قليلة عليك

منجي بـــــــــــــاكير يقول...

ربّما هي ضريبة الثورة ،، عندنا في تونس نسبة بطالة عالية و هناك من الفلاحين أو أصحاب الأعمال من اضطرّ إلى استيراد اليد العاملة !!!
مفارقات ...

/ الزّمن الجميل فضاء للإستراحة من عناءات السّفر في الأيام تدعوك لتصفّح ورقاتها و ترك بصماتك ، شكرا لجميل التفاعل
http://zaman-jamil.blogspot.com/

مع محمد و عمر يقول...

أختي الفاضلة شمس النهار شكرا على

الموضوع فأني لست فقط شمي النهار بل شمس

الليل و النهار و نحن في إنتضار جديد

أختي شمس الشموس و بارك الله فيك و وفقك

لما يحبه و يرضاه و تقبل تحياتي