الأربعاء، 7 يناير، 2009

بناء علي طلب الجمهور

كل سنه وانتم طيبين راسين سنه والعاشر من محرم وعيد الميلاد المجيد
بشكر عمرو بدر وابني فاروق والشقيه ضد التيار(اول اسم كده ماشي)
اللي اهدوني التاج ده وكنت عامله مش واخده بالي بس ضد التيار كتبتني اول اسم
حاضر هجاوب
1-لوكان ينفع تختار عصرتعيش فيه هيبقي انهي؟ومين الحاكم؟
عصر الفراعنه ويكون الحاكم اخناتون
2-اول اولويه في حياتك ؟
الاولويات بتتغير بتغير العمر والمرحله دلوقتي اولوياتي بعد بناتي ومواضعهم القران والصلاه وامي واهلي وحاجات جميله جدت في حياتي
3-ايه اكتر حاجه بتحبها في رمضان؟
غير اللمه لأن الحمد لله احنا علي طول ملمومين
ان بحس الناس كلها حوليه اخلاقهم متغيره مش عارفه ازاي بيكونوا كده كويسين شويه وصلاة التراويح لما ادخل حجرتي واقفل عليا
واصلي من المصحف
بحس ان ده رمضان بتاعي
4-اوصف اجمل فطار ممكن تفطره؟
اجمل فطار ممكن افطره اصبح مستحيل
كان زمان حتي سنة82تتلم العيله كلها في بيت جدي اول يوم وماحدش يقدر مايجيش وجدي كان رجل لطيف وزي مابيقولوا كده ابن نكته وكانت اللمه دي ليها طعم تاني الاعمام والعمات واولادهم قبيله كامله
الي الان احن لهذا الافطار والي جدي وبيت جدي الله يرحمه
5-لو انت حاكم هتكون عادل ؟وهتعرف ازاي؟
مافيش ست بتكون حاكم اصلا
بس علي المستوي الشخصي انا حاكم في اسرتي
والحمد لله عادله جدا عرفت منين عشان عمري ماسمعت انت بتحبي اختي اكتر مني
وعندما تختلف بنت من بناتي مع زوجها احكم بالعدل وهذا اكسبني ثقه من ازواجهم في الحكم مابينهم وساعات جوز بنتي بيهددها اكلم ماما احكي لها تتغاظ وتسكت
6-مين اكتر اعلامي بتحبه؟
زمان كان ايناس جوهر عشان هي عملت طفره في الأداء ولمت الشباب ساعتها حوالين الشرق الاوسط
7-لو ممكن شغلانه تانيه تختار ايه؟
انا بحب الشغلانه اللي انا فيها(ماما)
8-تاني بلد تحب تعيش فيه بعد مصر؟
برضه مصر
بس بحب اسكندريه في الشتا والكورنيش وياسلام لو تمطر والموج يطلع الشارع
9-اوصف ترتيبات اجمل فرح ممكن تحضره
لا ده سر مش هقوله الترتيبات دي لازم تكون سريه
10-بتراعي كلام الناس والقيل والقال؟وليه؟
احنا امرنا اصلا بكده من الحبيب المصطفي وليه نضع نفسنا موضع الشبهات مانمشي صح
11-صحيت من النوم لاموبايل والا كمبيوتروالا كاميرا ديجيتل ورجعنالعصر الاحصنه والحمام الزاجل؟
طيب مااحنا عيشنا من غير موبيل والا كمبيوتر والاكاميرا ديجيتل وكنا كويسين وتمام
بس لو مافيش موبايل هطمني علي حابيبي ازاي
اما موضوع الزاجل والاحصنه ده مش عارفه اهو تغيير
12-السعاده هي ؟
انا شفت السؤال ده قبل كده شفته فين شفته فين
معقول ياجماعه ده سؤال عايز بوست لوحده
بس انا اهو سعيده جدا ربنا يكرم اللي بيسعدني ويخليهم ليا
13-عندك امل واسبابك ؟
علي طول عندي امل في الله واسبابي اني مسلمه مؤمنه بالله وقضائه العادل
14-لما بتحب تهرب من كل حاجه بتروح فين؟
ولو اني مابحبش اهرب من اي حاجه بحب اواجه اي حاجه تعترضني عشان الهروب مابيحلش حاجه بس بعد مابواجه واحل كل حاجه مؤخرا بحب ازور والدي الله يرحمه قبل كده ماكنتش بروح حته
15-بتشرب سجاير والا لا؟ وايه رأيك في الستات والرجاله اللي بيشربوا؟
الحمد لله مابشربش .ربنا يتوب عليهم لااملك لهم الاالدعاء
16-بتعرف ايدك الشمال ازاي؟
زمان قالولي انها اللي مابنأكلش بيها مش عارفه دلوقتي ايه النظام
17-اكتر اله موسيقيه بتحبها ؟
البيانو وبنتي كرهتني في الجيتار عشان الوش اليومي
18-ليه الزوق والنخوه اتعدموا؟
همه مااتعدموش قوي بس اللي اتعدموا عندهم الاتنين دول عشان اصلا مابقاش في تربيه صح
19-ايه الحاجه اللي لو حصلت هتبقي سعيده؟
حاجه بتمناها من ربنا وان شاء الله يحققها لي وبرضه سر ولما يحصل هقولكم
20-تحب ارض زراعيه والا اجنس عربيات والا كام عماره والا فلوس في البنك ؟
مابحبش التملك اصلا
21- تحب؟ البحر ولا النيل؟
بحب النيل جدا صبح ليل اي وقت هادي وساكت ولطيف
وبحب البحر بس مابحبوش بليل
22-مركب ولا طياره؟
مركب بس في النيل
23-شخص مجنون ولا عاقل؟
عاقله وقت مابحب ومجنونه شويه وقت مابحب
24-تقرا كتاب ولا تتفرج على فيلم؟
كتاب
الحمد لله خلاص
عقبال مانتطمن علي غزه عشان نبتدي نحكي علي الحج

هناك 61 تعليقًا:

ضد التيار يقول...

اول تعلييييييييييييق

هقرا و ارجع

(:

عمرو يقول...

متشكر ليكى يا شمس أنك ذكرتينى بالاٍسم و ده شرف ليا و الله أنك قبلتى التاج
فيه حاجات تقريبا مشتركين فيها و أهمها حب البيانو بس متعة البيانو لا تكتمل اٍلا بالعزف عليه و ده مش متيسر طبعا للجميع
بس باين عليكى مدلعه أجواز بناتك على الأخر يا بختهم - اللهم لا حسد - بس ما تدلعيهمش أوى يعنى :)

عمرو يقول...

ضد التيار
جبتى لى اٍحباط :)
كانت حاطط أمل أبقى أول تعليق

ضد التيار يقول...

هيييييييييييييييييييييييه

هييييييييييييييييييييييييه

انا اللى خليتك تعملى الواجب

هييييييييييييييييييييه

بوسه كبيرة ليكى

امممممممممممممممممممموة

بس انا زعلانه زعلانه زعلانه

كدا تكرهى الجيتار

عاااااااااااااااااااااااااااااااااااا

دا حلو موووووووت و مابيعملش دوشه )):

منتظرة بقى حكايات الحج (:

ضد التيار يقول...

عمرو

ليه بس الاحباط

مره من نفسى بقى لانك اوقات كتير بتاخده منى )):

و كمان بس انا زعلت لان التاج مكرر عندك و انا بعته ليك اساسا )):

خلاص بقى بلاش احباط و ان شاء الله المره الجايه

هاخد برضه التعليق الاول D:

princess يقول...

بغض النظر عن الخناقة اللى فوقيا عن اول تعليق ههههه
الاجابات حلوة اوى وتدل على ان حضرتك انسانة بجد عسولة وقنوعة ومحترمة وحاجات حلوة كتيرة كده:)
ربنا يخليلك بناتك يارب
تحياتى

mido يقول...

نأسف للغياب عن التعليق

مشغول اوى فى الحرب على غزة :)

و شوية كده حريح من النت عشان الامتحانات

ادع للمقاومة بالنصر

عاشقة القمر يقول...

19811انا جيت حجز تعليق مش قاردره اشوف حاجه بعادبن اهعلق

عشان شويه تعبانه بالليل اهعلق

شمس النهار يقول...

*عمرو
لاشكر علي واجب انت اللي دبستني اقصد اللي هديتلي التاج الجميل ده انت وفاروق وضد التيار الشقيه
مادلعهمش ليه اجواز بناتي دول اولادي اللي ربنا اداهم لي هديه وبصراحه ربنا يبارك فيهم يستهلوا الدلع
شفت ضد التيار الشقيه عملت فيك ايه
هي كده دمها خفيف ربنا يبارك فيها

شمس النهار يقول...

*ضد التيار
بوسه ليكي انت ياشقيه
كده زعلتي عمرو وجبتيله احباط
اديني ياستي جاوبته عشان ماتزعليش مني
انا مش بكره الجيتار بس هي بتدوشنا بيه وخصوصا يوم اجازتها

شمس النهار يقول...

*برينسس
ازيك صحتك عامله ايه دلوقتي
شكرا علي المجامله اللطيفه
انت كمان بنوته طيبه والا الاطفال ماكانوش حبوكي

شمس النهار يقول...

*ميدو
انا مقدره حماس الشباب والوضوع مش حلو
كلنا مشدودين بغزه
مش عارفه ياميدو بقة عامله زي المنطقه الملعونه
شويه الفصائل تضرب في بعض ويموتوا بعض وطبعا المدنين يدفعوا التمن وشويه يمنعوا الحجاج يروحوا يحجوا وبعد كده اسرائيل تدخل تدور الضرب فيهم كلهم
ربنا يرحمهم ويرحمنا
صحيح كتب عليهم الرباط ليوم الدين ومش هنقدر نغير قضاء ربنا بس يكون الرباط بشرف مش كده خيانه من كل ناحيه لما الواحد خلاص
ربنا معاك وركز في الامتحانات عشان تكون دكتور ناجح
ويمكن في يوم من الايام تشارك في تضضميض جرحا الفلسطينيين

شمس النهار يقول...

*عاشقة القمر
ازيك انت فين
مالك ايه اللي شاغلك كده
كل سنه وانت طيبه

الوردة البيضا يقول...

السلام عليكم
قريت لك تعليق في إحدى المدونات يعبر عن سعادتك لوجود مدونة أخيرا لا تتحدث عن الحرب، فأعجبتني جدا روحك المرحة، كما أعجبتني جدا إجاباتك على أسئلة هذا البوست.
كل سنة وانت طيبة، وأكيد زيارتك حتسعدني
تحياتي

smilyrose يقول...

حبيبتى شمس النهار

كل سنة وانتى طيبة

معلش عملوها فيكى زى ما عملتها ضد

معايا بس شجعتينى والله

اجاباتك حلوة وبسيطة

ويارب ااقدر ارد عليهم

انتى وكلماتك وحشانا جدا

smilyrose

روح الحب الصادق

عاشقة القمر يقول...

اجابتك ممتازه جدا ربنا يسعديك ربنايحفظ اسرتكي من كل شر


انا شغلني دنيا
علي فكرها انا اهغفل مدونتي لاتخافي انا بخير

عاشقة القمر يقول...

للهم انقذ المسلمين فى غزة
اللهم كن لهم عونا و نصيرا
اللهم ربنا جل ثناؤك و تقدست اسماؤك
اللهم لا يرد امرك و لا يهزم جندك
سبحانك و بحمدك
اللهم عليك باليهود الظالمين
اللهم منزل الكتاب,هازم الاحزاب,مجرى السحاب
اهزمهم و زلزلهم
اللهم ارينا فيهم عجائب قدرتك .. قتلة الرسل و الانبياء
ظلمت العزل الابرياء
اللهم حرر المسلمين فى غزة يا ذا الجلال و العزة
اللهم فك اسرهم و اشفى مريضهم و اكشف كربتهم
اللهم بدل خوفهم امنا يا ذا الجلال و العزة
اللهم اعز الاسلام و المسلمين و اذل الشرك و المشركين و دمر اعداء الدين و احمى حوزة الاسلام
و اجمع كلمة المسلمين على الحق يا رب العالمين
اللهم انج المستضعفين المسلمين فى كل مكان
اللهم اصلح احوال المسلمين فى فلسطين و العراق و فى كل مكان
اللهم الف بين قلوبهم و اهديهم سبل السلام و اخرجهم من الظلمات الى النور
يا ذا الجلال و الاكرام و العزةاللهم إنا نسألك بأنا نشهد أنك أنت الله لا إله إلا أنت الواحد الأحد
الفردالصمد ، الذي لم يلد و لم يولد ، و لم يكن له كفوا أحد
نسألك يا منان يا كريم ،يا بديع السماوات والأرض
يا ذا الجلال والإكرام يا حي يا قيوم
يا رحمن يارحيم ، يا قاضي الحاجات ، يا مجيب الدعوات
يا من له العزة و الجلال ، يا من لهالقدرة و الكمال ، يا من هو الكبير المتعال
نسألك اللهم عزا و تمكينا و نصراللإسلام والمسلمين و نسألك ذلا وخسرانا


وهزيمة للشركوالمشركين
اللهم دمر أعداء الدين ، من اليهود و النصارى و الشيوعيين والعلمانييين ،


والكفرة ، و جميع الزنادقة و الملحدين .
اللهم رب لاتذر على الأرض من الكافرين ديارا
اللهم منزل الكتاب مجري السحاب سريع الحسابشديد العذاب والعقاب مسبب الأسباب هازم الأحزاب


اهزم اليهود والنصارىوكل من عادانا ومن عاونهم ومن نصرهم


اللهم فرق دولتهم وشتت شملهم ،وزلزل أقدامهم ، وألق الرعب في قلوبهم ، وشلَّ
أركانهم ، واجعل بأسهم بينهم ,واجعل تدبيرهم تدميرًا لهم ، وأرنا فيهم عجائب
قدرتك ، اللهم وعجل بهزيمتهم ياأسرع الحاسبين.
اللهم انصر المجاهدين في سبيلك في كل مكان ، في فلسطين
اللهمانصر المجاهدين في سبيلك في كل مكان ، في فلسطين
اللهم انصر المجاهدين في سبيلكفي كل مكان ، في فلسطين
اللهم و انصرنا وإخواننا المجاهدين في كل مكانوزمان
اللهم و انصرنا وإخواننا المجاهدين في كل مكان وزمان
اللهم و انصرناوإخواننا المجاهدين في كل مكان وزمان
اللهم كن لهم ، و معهم ، و قوٌهم ، و سددرأيهم ، و صوّب وارم سهامهم ، و ثبت
أقدامهم ، واربط على قلوبهم ، و اجمعكلمتهم ، و اصلح اللهم قلوبهم ، وأنزل
السكينة عليهم وانصرهم وارم واقتل عدوكوعدوهم


اللهم عليك بأعدائهم ، اللهم عليك
بأعدائهم ، اللهم عليكبأعدائهم .


اللهم عليك بمعقل الظلم و الالحاد ، معقل الكفر و الفساد ،اللهم عليك بجيش
أمريكا و حكومتها ، اللهم عليك باليهود ، اللهم أنت بهم عليم ،و عليهم قدير ،
اللهم أفسدوا في أرضك و قتلوا عبادك و أهانوا دينك
اللهماللهم اللهم
فسلط عليهم ، يدا من الحق حاصدة ، ترفع بها كلمتك، وتسقط بها عدونا،


اللهم عليك بهم ، اللهم عليك بهم ، اللهم عليك بهم ، اللهم
سلطعليهم ريح عاد و الصرصر والعقيم، و صيحة ثمود ، و طوفان قوم نوح ، والقاصفات والعاصفات


اللهم سلط عليهم ما نزل من السماء وطيراً أبابيل، و ما خرج منالأرض ، وما أرسلته على قوم لوط


اللهم و ثبت وسلط الأعاصير عليهموعندهم


اللهم و اجعلهم في قبضة عبادك ، وملكنا نواصيهم


ياقوي يا عزيز ، يا الله ، يا الله ،
إنك على كل شيء قدير ، و بالاجابة جدير ، وأنت نعم المولى و نعم النصير ، و قلت


وقولك الحق ((ادعوني استجب لكم )) فها نحن قد دعوناك كما أمرتنا ، فاستجب لنا
كما و عدتنا ، و لا تردنا خائبين ،برحمتك و فضلك يا رب العالمين ، و صل اللهم
و سلم على نبينا محمد و آله و صحبه، و الحمد لله رب العالمين .
اللهم آمين اللهم آمين .


اللهم فأنتالله لا إله إلا أنت اللهم فنصرك الذي وعدت. اللهم شتت شملهم وأرسخ
هيبتنا فيقلوبهم. اللهم احصهم عدداً واقتلهم بدداً ولا تغادر منهم أحداً. اللهم
أرنافيهم يوماً أسوداً مثل يوم عاد أو ثمود أو أشد من ذلك يا رب العالمين.
اللهمفإنك تعلم ضعف حال اخواننا في كل مكان وزمان


اللهم فأنزل السكينة علىقلوبهم وثبت قلوبهم على الحق واجبر خواطرهم.


سبحان الله والحمد للهوالله أكبر ولا إله إلا الله
اللهم إنا نسألك بقدرتك وقوتك وعزتك ورحمتك أن تنصرإخواننا المسلمين


في كل مكان وزمان اللهم انصرهم نصراً مؤزرا
اللهمإنا نسألك يا حي يا قيوم أن تيسر أمرهم وتجمع كلمتهم على الحق


يا ربالعالمين .
اللهم إنا نسألك بأسمائك الحسنى وبسمك الذي إذا دعيت به أجبت وإذاسؤلت به أعطيت ،
نسألك يا الله أن تجمع شمل المسلمين وتوحد صفهم وتقوي كلمتهموترفع
راياتهم لآ إله إلا الله محمد رسول الله في كل مكان .
اللهم اشف مرضىالمسلمين واجبر جرحاهم وتقبل شهدائهم .
اللهم يسر أمرهم وفرج همهم وبدل ألمهموعسرهم يسرا وحزنهم سعادة يا رب العالمين.
اللهم العن اليهود والنصارى وأعداءالمسلمين ومن والاهم
اللهم رب لا تذر على الأرض من الكافرينديارا


اللهم احصهم عددا واقتلهم بردا ولا تبقي منهم أحدا
اللهم انشربينهم المرض والفتن والزلازل والمحن .
اللهم اخسف بهم الأرض وزلزلها من تحتأقدامهم .
اللهم يا مجرى السحاب ومنزل الكتاب وهازم الأحزاب اهزم الكفرةوالكافرين


ودمر الشرك والمشركين واقتل أعداء الدين .
اللهم أدرعليهم دائرة السوء
اللهم اجعل تدميرهم تدميراً عليهم ، واجعل كيدهم في نحورهم .
اللهم أرنا فيهم آيه اللهم أرنا فيهم آيه اللهم أرنا فيهمآيه


اللهم يا من أمره بين الكاف والنون ويا من لا يعجزه سؤال السائلين اللهم فأجب دعاءنا.


ربنا تقبل منا إنك أنت السميع المجيب القريب .
وصلي اللهم على نبينا محمد وعلى آله وصحبه وسلم .
سبحانك ربك رب العزة عمايصفون وسلام على المرسلين
وآخر دعوانا أن الحمد لله ربالعالمين

شمس النهار يقول...

*الورده البيضه
اهلا بيكي في اول زياره
وفعلا انا دخلت المدونه عندك بس لاقيتها عندها حرب برضه
بس الموضوع مكتوب حلو
كل سنه وانت طيبه
وشكرا علي كلامك اللطيف

شمس النهار يقول...

*سميلز روز
وانت طيبه بصحه وسعاده
ومحققه كل احلامك
شفتي الشقيه ضد التيار
بس بصراحه عمرو وفاروق كمان اهدوني تيجان تانيه لازم اعملها عشان مايزعلوش
بس تصدقي التيجان دي بتطلع من الواحد كلام هو نفسه مابيكنش واخد باله انه جواه

شمس النهار يقول...

*عاشقة القمر
شكرا علي تعليقك
والف شكر علي هذا الدعاء ياريت كل اللي يدخل يعلق يقراه
وليه تاني هتقفلي المدونه
ماتقوليش هقفلها قولي هاخد اجازه
طيب
عشان يكون عندي وقت اكمل تعليقاتي علي البوست القديم اللي كل شويه لما احب ارتاح ادخل اعلق فيه
والحج قطع الموضوع هدخل اكمل تاني

عاشقة القمر يقول...

لا دي انا اهفقل مدونه بتاعتي

مش اهخاذه اجازه اهقفل الي الابد

شمس النهار يقول...

*عاشقة القمر
يعني ايه للأبد مش فاهمه
يعني المدونه هتبقه بخ مافيش حاجه
بكل البوستات اللطيفه اللي فيها
ماتقفلهاش وتتسرعي يمكن في يوم تحني لصحابك المدونين فيكون الرجوع سهل
وعلي رأي نزار
مااحلا الرجوع اليه

ماما أمولة يقول...

اختي الغالية شمس

ما اجملك وما اجمل روحك الحلوة

اسعدتني اجاباتك ربنا يصلح حالك انت وكل حبايبك يارب

على فكرة احلى حاجة في الدنيا العدل

وخصوصا بعد السماع لكل الاطراف

تقديري

وكل عام وانت بخير

من غير عنـــوان يقول...

طبعا الإجابات دي تطلع من شمس النهار اللي منوره قلبها برضا ربنا سبحانه وتعالى وبتنشر حب على اللي حواليها

متزنه.... الجنون قليل
راضيه وحامده
دمك خفيف
بتحبي اللي حواليك

أمنياتي

عمرو يقول...

ضد التيار
ماشى يا ستى و لا يهمك و صحيح الواحد مش ناقص اٍحباط اليومين دول
و ربنا يجعلك من السباقين للخير دايما
بس برضو نفسى مره أسبقك :)

Dr Ibrahim samaha يقول...

ربنا يكرمك حضرتك

ABOALI يقول...

التربية الصالحة فعلا" تنبت النبت الصالح
اجاباتك على التاج
طرحت فى ذهنى اسئلة متعدده
لما حدثت الفجوة بين الابناء والاباء
على الرغم من تلك الحكمة ؟
لما لم نستخدم خبرتنا فى التعامل معهم؟


يعنى
على العموم
اجابات التاج الحقيقة مؤثرة وتدل فعلا ان بعد سن الاربعين (انتى اكيد 21)
يحدث كما ذكر فى القراءن اكتمال للعقل
وينتبه الى حقيقة الحياه وجوهرها
احييكى على الفهم الواقعى للحياه
واتمنى ان تصنعى من نفسك عدة نسخ
لنعبر الطريق سالمين بدون تلك الهوه بين الاجيال


تحياتى الراقيه

حاسوباتيه يقول...

معظم اجابات حضرتك بتفكرني بماما بالزات عصر الفراعنه ماما طول عمرها تقول انا كان نفسي اعيش في العصر ده

تحياتي لحضرتك وكل سنه وحضرتك طيبه

hager za3bal يقول...

حمدلله علي سلامتك يا شموسه
حج مبرور ان شاء الله

اجاباتك جميله اوي

ربنا يحفظك


تحياتي

أحــوال الهـوي يقول...

ملخص الاجابات

انت انسانه نادرة

تحياتي

شمس النهار يقول...

*مامااموله
شكرا ليكي ياست الكل
وعلي زوقك
العدل اساس كل حاجه في الدنيا مع الرحمه بيعملوا كوكتيل سعاده جميل

شمس النهار يقول...

*من غير عنوان
شكرا لحضرتك علي المجامله اللطيفه
وربنا يكرمنا جميعا ويهدينا لما فيه الخير

شمس النهار يقول...

*عمرو
ان شاء الله هجاوب علي التاج اللي اهديته لي في مدونتك
وشكرا علي الميل اللطيف اللي بعته
بس هجاوب علي التاج بعد يومين عشان عايزه اطبخ المطبخ مغلق من ساعة الحج
شكرا ليك مره تانيه

شمس النهار يقول...

*د/ابراهيم سماحه
ازيك
اخبار الطب ايه
ربنا يكرمنا جميعا
وكل سنه وانت طيب

شمس النهار يقول...

*ابو علي
كل سنه وانت طيب
التربيه
فعلا هي دي البدايه لكل شئ
ان نتعامل مع الابناء كما ارنا الرسول الكريم
بعض الاباء يتعاملون معهم علي انهم ملكيه خاصه عبيد
الحوار والفهم الجيد والتفاهم والعدل والرحمه والحب
هم اساس التربيه
مين قال اني ارعين كلها 6 شهور واكون 50 ست الحاجه رسمي
وبعدين مش مهم السن المهم الفكر
اما موضوع الاستنساخ ده
انت عايز الدنيا تولع والا ايه

شمس النهار يقول...

*حاسوبتيه
شكرا ليكي انا اطول ابقه زي ماما لبنوته لطيفه زيك
فعلا انا بحب الفراعنه جدا وبحب العصر ده بالذات
وكل سنه وانت طيبه

شمس النهار يقول...

*هاجر
الله يسلمك
وكل سنه وانت طيبه
وعقبال ماتحجي انت كمان

شمس النهار يقول...

*احوال الهوا
شكرا لحضرتك
دي مجامله لطيفه من حضرتك

ذو الوجه المبتسم يقول...

السلام عليكم
حمدلله على السلامة
اولا احب اقول ان ردودك كلها لذيذ ومنطقية
بس لى ملحوظة
عصر الفراعنة ايه اللى عاوزة ترجعى له تانى
ياشيخة حرام عليكى

ثانيا بجد وحشتينا
تقبلى تحياتى

كيــــــــــــارا يقول...

هيييييييييييييييييييه شموستي بتحب البيانو


بس كدا البت ضد التيار تزحل عشان هي بتحب الجيتار


واخده بالك ياشموستي قلت ضد التيار اهو

نيجي بقي للعصر

هقول انه عصر ممتع جدا وفيه قوه وعزيمه واصرار وبساطه

وحشاني اوي ياشموستي

اممممممممموه

بوسه كبيله خالث

م/ الحسيني لزومي يقول...

****** حمله المقاطعه
لا تستطيع ان تجاهد
لاتستطيع ان تتظاهر
لا تستطيع ان تتبرع بالمال
اذن قاطع وادعو غيرك للمقاطعه
منتجات كل من يدعم العدو
**** هل تعلم أن:-
1- شركه ستار بوكس(للكافيهات والقهوة) تدعم العدو ب 2 مليار سنويا من ارباحها
2- شركة فليب موريس (مارلبورو & مريت ) تدعم العدو وتدفع بصفة يومية ما مقدارة 12% من ارباحها.وعليه فإن مدخني العالم الإسلامي فقط يدفعون كل صباح 12 مليون دولار اي ما قيمته طائرة اف-16 كل اربعة ايام .

*** قائمة المقاطعة
ستار بوكس
ماكدونالدز
برجر كينج
كنتاكي
بيترا كينج
كوكاكولا
بيبسي
فردركرز
شيليز

لنوقف شراء البضائع الأمريكية والبريطانية لشهر واحد فقط

سوف تكون تكلفة هذا الشهر عليهم خسائر مقدارها
37 بليون دولار

***

فركشاوي ..ناوي يقول...

السلام عليكم ورحمه الله وبركاته
________________________انا بسأل نفسي يا تري انا زعلت الحاجه في حاجه؟
لوكنت زعلتها انا بحاول اصالحها...
ولو كانت هي زعلانه مني فأنا بسأل ليه؟
ومقدما ...ياريت تصفح عني ونتصالح ...يمكن بالصلح ربنا يصلح لنا حالنا ....آمين يارب العالمين.

Foxology يقول...

كلام جميل كلام معقول مقدرش اقول حاجة عنه :)

تحياتى :)

طوبة ذهب وطوبة فضة يقول...

اجابات جميله اوى ومقنعه اوى ربنا ينولك كل اللى بتتمنيه اللى فر سرك او حتى قلتيه وربنا يطمنك ويطمنا على غزه يارب

شمس النهار يقول...

*ذو الوجه المبتسم
الله يسلمك
ليه مش عاجبك عصر الفراعنه ده احسن عصر علي فكره
كانت مصر في عز مجدها
وشكرا علي الكلمات الجميله

شمس النهار يقول...

*كيار
شكرا علي تشجيعي علي عصر الفراعنه
انا عارفه انك بتحبيهم وفاهم يعني ايه عصر اخناتون عصر التوحيد والرقه والحب وطبع لما يتوجدوا دول لازم يكون في مؤامرات ودسائس
انا مااقدرش ازعل ضد التيار دي حبيبتي
حاضر
سوف اعلن ندمي وهخلي بنوتي تصدعني خالص بالجيتار
وانت كمان وحشتيني

شمس النهار يقول...

*فركشاوي ..ناوي
يانهار ابيض
انا ازعل منك انا
انا مابعرفش ازعل من حد
ليه بتقول كده
بس النت وقع عندي فتره وبعدين اللاب توب كان عيان
وانا رجعت من الحج عيانه جدا
مااقدرش ازعل منك يافركش

شمس النهار يقول...

*فوكس لوجيا
تعليق لطيف منك جدا
شكرا

شمس النهار يقول...

*طوبه فضه وطوبه دهب
ويحقق لك انت كمان اللي في بالك
شكرا علي المجامله

الازهرى يقول...

مش عارف قول ايه انا كنت جاى وحامى على الاخر وناوى ازعق وصوتى يجيب لحد فايد

بقى تتقابلوا وتتعرفوا ويتلم الناس الحلوة كلها واحنا فى دنيا تانية
ما علينا بكرة الامتحانات تخلص واعرف شغلى معاكم

بجد اجاباتك جميلة جدا وبتين قد ايه انتى شخصية جميلة جدا جدا

وطبعا احلى من اجاباتى بكتير وانتى عارفة

mahasen saber يقول...

شموستنا الجميله

نورتى نورتى نورتى بجد
ودفئك احيا البلوجر بجد

وحشتينىجدا واسفهلو اتاخرت على حضرتك بالزياره

وانا كمانكنت بحب وما زلت ايناس جوهر قوى

نورتى يا جميله

ووحشتينى قوى قوى

نهر الحب يقول...

اللقاء يوم الجمعه 16/1
عدد الجرحى فى الاسماعيلية 19 حالة
بعد ان توفيت شابه هذا الصباح
منهم سيدة تبلغ من العمر 58 عام
وشابة فى العناية المركزة عندها 17 سنة
والباقى رجال من سن 17 عام الى الاربيعنيات
ومازالت المستشفى تستقبل المزيد
محتاجين تبرعات مالية
وبعض الملابس
رقم تلفونى هو 0188047779

شمس النهار يقول...

*الازهري
زعق والا يهمك وفضي الشحنه اللي عندك
دي كانت صدفه غريبه
خلص انت امتحانات
ونتلم كلنا والا يهمك
بشكرك علي الكلام اللطيف اللي كتبته عندك علي في المدونه
وصدقني انا بدعيلك انت وكل طلبة المدونين والطلاب عموما
وعرفت ميعاد الامتحان وهقرا لك ياسين ساعة الامتحان

شمس النهار يقول...

*محاسن صابر
ازيك
انت اللي نورتيني
ومستنيه الزياره ان شاء الله
وربنا يخلص لك كل الامور علي خير
بس مش احنا اتفقنا انك تخلصي المواضيع دي
وتتلفتي للاهم والقضيه اللي انت اصبحتي ستار فيها
فكري تاني في كلامنا اللي قلناه في التليفون
ربنا يوفقك لمافيه الخير

شمس النهار يقول...

*نهر الحب
حاولت الاتصال بيكي التليفون مغلق
عايزه اعرف التفاصيل
عشان لو هقدر اعمل حاجه
ابعتي لي التفاصيل
ياتكتبيها هنا والكل يعرف ياتبعتيلي ميل
بس يكزن العنوان شمس النهار عشان مابفتحش اي ميل
وربنا يكرمنا ونقدر نعمل حاجه بدل الندب اللي عمالين نعمله

~*§¦§ Appy §¦§*~ يقول...

شمس اللقاء فى الاسماعيليه ده اللى انا عارفاه يا حبيبتى لسه مش عارفه باقى التفاصيل

غير كده ابن عمى جيش وعلى الحدود وليه اهلى فى سينا متنسيش انى عرايشيه
الظباط معاهم اسلحه مفيش الكلام اللى انتى قولتيه ولا منزوعين سلاح ولا الدسم حتى ههههههههه والله بضحك من غلبى بصى انا بجد متنرفزة جدا بس على فكره الظابط اتقتل على الحدود بعد ما ضربوا على بعض ادخلى على لينك اليوم السابع هتلاقى الشرطه المصريه معاهم سلاح الا تبقى مصيبه كمان
على فكره بيت عمامى قريب جدا وعرفت قصه الظابط منهم انه تبادل نار من الطرفين بس مش اكتر

شمس النهار يقول...

*ابي
همه غيروا كامب دفيد من ورايا
علي ايامنا كان الاتفاق ان سيناء منزوعة السلاح والدسم وحاجات كتير
المهم
شكرا وهفضل ورا نهر الحب لما تفتح الموبيل

فركشاوي ..ناوي يقول...

السلام عليكم ورحمه الله وبركاته
_______________________
الكراسي التيفال مش ها تنفع معاهم في حاجات حديثه (التوف)وفيه احدث برضو (اتفوو) والله وبرضه حيلزقوا.
ويارب تتحل المشكله ...اما يتفركش فك الاسد...
------------ الف سلامه للاب والف سلامه ليكي يا ( حاجه)*

شمس النهار يقول...

*فركشاوي ناوي
احمد يارب
القرد اتخطف بلا رجعه
الله يسلمك
تفتكر برضه التيفال مش هينفع
طيب نحط لهم بودرة العفريت
تفتكر تجيب نتيجه

فركشاوي ..ناوي يقول...

السلام عليكم ورحمه الله وبركاته
_____________
كان زمان فيه اعلان بيجي في التليفزيون
_ ديك ساااان ....ديك ساااان!!!
ورحت انا في خبر كان
او ....كفروبيد...

شمس النهار يقول...

*فركشاوي...ناوي
ماعاش اللي يوديك في خبر كان
وراك رجاله
وربنا عوضك بدل القرد
اسد
انا تحطلي في مدونتي اسد
طااااايب