السبت، 7 فبراير 2009

ثلاث قمرات نوروني

امبارح كان يوم لطيف جدا جدا
اتفقنا( محاسن وضد التيار وكيار)
اننا نتقابل وعشان انا عجوزه قررنا المقابله
حجم الخطتكون عندي في م نصر
واول من حضر كيار الجميله وقعدنا في كوستا ووجدت بنوته مصريه بكل ما تحمل الكلمه من خفة دم وتلقائيه وثقافه عاليه جدا تحسد عليها في سنها وثقه واعتزاز عالي جدا بالنفس
وبعد مده (ها ياضد ركزي علي مده دي )وصلت اخيرا ضد التيار وجدتها بنوته مصريه زي القمر داخله علينا وكأنها اميره فرعونيه ووجدتها توجت هذا الجمال بالثقافه والخلق الكريم والثقه بالنفس وخفة الدم
استمتعت جدا بالحوار والصحبه وجلسنا معا وكأننا نعرف بعض من زمن طويل وبنوتي الصغيره كانت معانا والفتهم هي الاخري ودعتهم ان تكون الجلسه القادمه عندنا في البيت
بجد انا بشكركم انكم سمحتولي اتعرف عن قرب بكم بفرح جدا لما بلاقي بنات بالثقافه دي والادب

اكيد لاحظتم ان فين محاسن
محاسن كانت في يوم الرؤيا واتأخرت واهدتني زياره خاصه لبيتي
وطبعا عشان هي شرقاويه اصيله جت ومعاها تورته لطيفه
وكانت احلا زياره استقبلت فيها احلا شخصيه ممكن الواحد يلتقي بيها
ومحاسن ياجماعه ام مصريه بما تحوي الكلمه فعلا لو تشوفوا محاسن مع ابنها نعم الام
ده غير ان احنا قعدنا نرغي مع بعض من اليمين والشمال وبصراحه الواحد مايشبعش من الحوار مع هذه الحوريه الجميله اللطيفه ذو الملامح المصريه الجميله
وبشكرك يامحاسن علي الكلام اللطيف اللي كتبتيه في التعليقات علي البوست السابق عندي عني وعن الزياره وبقولك اهو انت كل الكلام الجميله ده اللي كتبتيه واكتر
ربنا يكرمك ويعوضك خير في ابنك انت تستهلي كل خير
وكان المفروض ينضم لنا عمرو بدر بس في اخر لحظه اعتزر بادب جم كعادته وقال خليكم براحتكم اول لقاء والمره الجايه نكون كلنا سوا وقال هكتفي انكم تطلبوني لما تتجمعوا نتعرف علي بعض بالتليفون الاول
المهم انه كان يوم لطيف جدا جدا
وبشكرهم انهم شرفوني

هناك 99 تعليقًا:

Sweet Violet يقول...

أول تعليق على أول لقاء (:

طبعا مش هتكلم عن اللقاء لان ده ليه بوست خصوصى زى ماقولتلك

بس بجد انا فرحانة جدااا انى اتعرفت عليك عن قرب

بجد انت شخصية جميلة و لذيذة موووووت

بوسة كبيرة ليكِ

Kiara يقول...

وتاني تعليق ليا

وبرده مش هرد رد عادي هيكون له بوست لوحده

وبجد بجد انا مش قد الكلام الحلو دا

امممممممممممموه ليكي ولبنوتك

ولقبك من الان هو الاميرة الحسناء وهتعرفي دا في البوست بقي :)

الازهرى يقول...

وانا زعلاااااااااااااااااااااااااااان
وبدون زعيق ولا حاجة زى موضوع فايد


وباعلن الخصام لحين اشعار اخر

mohamed ghalia يقول...

دايما لقائات المدونين بتكون ليها متعة خاصة ودايما بيكون حكمنا عليهم صح من كتاباتهم قبل منشوفهم
ربنا يديم بينا الحب
دمتى بكل الود

صبرني يارب يقول...

عاااااااااااااااااا

انا كنت رايحه القاهره يوم الخميس الى فات وبعدين لغينا على اخر لحظه

لو كنت اعرف انكم متجمعين كده كنت دبدبت فى الارض وصممت وجيت والله

بصوا بقى انا ان شاء الله اول ما انزل القاهره عايزه تجمع مخصوص لحساااااااابي اشوفكم كلكم اه ماليش دعوه بقى

كياراااااا متغاظه منك عشان روحتي وانا لا

عاااااااااااااااااا ده عياط مش جعير على فكره

Kiara يقول...

زحلانه ليه بس ياصبصبتي

romansy يقول...

يا بختك الصراحه
شوفتى احلى تلات قمرات بجد
لو شفتيهم تانى
ابعتى تلت سلامات

ل محاسن سلام
وكيارا سلام

وضد سلام


سلام عليكم

غير معرف يقول...

الله عليكم
أكيد حيبقى لقاء جميل لانكم كلكم زى العسل بجد

اينعم أنا معرفكيش بس بعد ما قريت ليكى كذة بوست لقيتك لذيذة أوى

أتشرفت بزيارتك

عاشقه الرومانسيه يقول...

كده برضه ياشموسه؟
ينى هما يشوفوكى وانا حتى الايميل مش عارفه اكلمك عليه
عااااااااااا

الف سلامه عليكى ياقمر
وبعد الشر عنك
نفسى اكلمك بقى
عااااااا

تعرفى
انا مش نفسى اكلمك
لأ
انا نفسى اشوفك
تعالى صيفى فى اسكندريه ونتقابل

عاشقه وغلبانه يقول...

ماشاء الله

فعلا التجمعات دي بتبقي جميله اوي

تحياتي ليكوا


تعالوا زوروني
وماتنسوش الهديه علشان انا نجحت
هييييييييييييييييييييييه

princess يقول...

ربنا يديم الحب فى الله:))))

لؤلؤة الاسلام يقول...

ما شا اله شكل اللقاء كان حلو اوى

و تحياتى

Teawater يقول...

يارب تتكررر

وانتي حد زي العثل يا كيارا كل الناس لاتختلف عليكي واكيد ماما شموسه برده
وضد التيار وكلكم كميلين

mahasen saber يقول...

ايه الجمال ده انا اليى اكتر حاجه حصلتلى فى حياتى فى الايام الاخيره معرفتى بشخصيه برقيك ده يا شموسه

وقلنا بلاش بنانيتك دى عشان انا وكيارا وضد نبان جنبك اخواتك الكبار وانا امكوا
بجد انتى فائقة الجمال ومبهره فى كل جوانب شخصيتك

انا بفرح قوى قوى لما بلاقى الدنيا لسه فيها شخصيات بالرقى ده

انا امبارح كان من اسعد ايام حياتى
وبعدين شكرا على المجامله الظريفه يا شموسه وعلى كرم الضيافه وعلى الحميميه والالفه اليى حسيتها فى بيتك الجميل ومع بناتك الملايكه
ربنا ميحرمكوش من بعض ابدا ولاا يحرمنا منك

mahasen saber يقول...

واللقاء الجاى زى ما اتفقنا انتى يا ملاكنا اليى هتنظميه وطبعا هتقولولى على المعاد قبلها بسنه كده

اما كيارا وضد قوليلهم يا شموسه ميتأخروش تانى على مواعيدهم وينظموا امورهم شويه ههههههههههه طبعا عايزين الضرب
هما مش انا

mahasen saber يقول...

مره تانيه لو كل البشر زيك كده كانت الامور اختلفت كتير

وشكرا على انك سمحتيلنا اننا نعرفك عن قرب
لان ده مكسب انسانى لينا رائع

ويا رب ااقدر اكون ام ناجحه زيك كده وعبدالرحمن يطلع فى خلق ونجاح ملايكتك

شكرا على استضافتك الكريمه يا شموستنا يا اجمل ملايكة البشر على الاطلاق

أحــوال الهـوي يقول...

لو سألتيني من اكثر الشخصيات التي تتمني مقابلتها
هيكون معاليك طبعا و عمرو بدر و محاسن ثم كيارا البنوته اللي بتفكرني دايما ببنتي
واسف اني لم اذكر ضد التيار لاني لم اتعرف علي مدونتها و لم تتاح لي الفرصه لتخيل شخصيتها و غالبا سوف ازور مدونتها الان لاني اثق جدا براي سموك الحكيم الغير مجامل

تحياتي

سمكه واحده يقول...

لا بقي لا بقي ايه بقي ده
ايه ياست شمس النهار ده
واضح ماشاء الله عليكي شخصيه جميله
ربنا يكرمك يارب ويصلح احوالكوا كلكوا وديما متجمعين في الخير
بجد بفرح لما بسمع عن المقابلات دي وبتغاظ بردو
هههههه
وبردو بحقد
ربنا يسعد ايامكوا يارب شخصيات تستحق التعليق بجد الحمد الله ان لسه في مصر ناس جميله وطيبه وراقيه بالشكل ده
دمتي بكل ود وحب

ادم المصرى يقول...

اتمنى زالك فى اقرب وقت

شمس النهار يقول...

*ضد التيار
انا كمان فرحانه جدا اني اتعرفت عليكم صحيح احنا بنكلم بعض بالتليفونات بس المقابله لها وقع تاني
انا فخوره ان في بنوتات زيكم

شمس النهار يقول...

*كيار
انا اللي بشكركم انكم نورتوني باللقاء
وفعلا الحمد لله ان لسه في بنات زيكم علم وادب وجمال وثقافه
ربنا يكرمكم

شمس النهار يقول...

*الازهري
معقول يادكتور احنا مانقدرش علي زعلك
خلاص ان شاء الله المره الجايه لما نتقابل تكون معانا
ده انت تنورنا

شمس النهار يقول...

*محمد غاليه
صح يامحمد الانسان بيبان من كتاباته
بس ده لو هو متصالح مع نفسه ومتحد هو وفكره مش بيكتب حاجه وبيعيش حاجه تانيه خالص

شمس النهار يقول...

*صبرني يارب
ماتزعليش خالص انت لما تكوني في القاهره صفري بس
اصلا انا ساكنه جنب سيتي سنتر
وانت بتقولي خالك هناك خلاص كلميني نتقابل والا يكون عندك فكره ونقول لعمر كمان وبالمره نناقش موضوع اطفش
انا يشرفني اقابلكم كلكم

شمس النهار يقول...

*رومنسي
فعلا يابختي وفعلا همه تلات قمرات
والحديث معاهم ممتع

شمس النهار يقول...

*اناودماغي
اهلا بيكي
وبشكرك علي المجامله اللطيفه
نورتي

شمس النهار يقول...

*عاشقة الرومانسيه
ماتزعليش اوعدك لما انزل اسكندريه هكلمك بس انا بنزل اسكندريه نادرا وفي الشتاء فقط مابحبهاش قوي في الصيف

شمس النهار يقول...

*عاشقة الرومنسيه
معلش مش عارفه ايه نشر التعليق قبل ما اكمله
الميل اللي عندي مش راضي يستقبل مني حاجه ممكن تبعتيلي ميل تاني اتأكد من العنوان اكيد في حاجه غلط

شمس النهار يقول...

*عاشقه وغلبانه
ازيك
الف الف الف مبروك علي النجاح وعقبال الدكتوراه
ايوه كده فرحونابالنتائج

شمس النهار يقول...

*برنسيس
فعلا احلا حاجه المحبه في الله من غير اغراض والا اي حاجه
زي مابنقول لله في الله

شمس النهار يقول...

*خديجه محسن
فعلا اللقاء كان جميل فعلا
انت بقا كنتي فين
حمد الله علي السلامه

شمس النهار يقول...

*تويتر
ازيك عامله ايه
كنتي فين
واخبار الامتحانات ايه والنتيجه

شمس النهار يقول...

*محاسن صابر
طيب ارد علي مجملاتك اللطيفه دي ازاي
بجد انت مجامله جدا
وصدقيني ربنا هيكرمك وهيعوضك عشان هو كريم
وانت انسانه جميله في كل شئ
وعقلك واعي وعارفه بتعملي ايه واهم حاجه من خلال كلامي معاكي عرفت انك من الناس القليله اللي عرفتها متصالحه مع نفسها بوعي تام للدنيا والجو المحيط
نورتي بيتي يامحاسن ونورتيني بصداقتك اللي اعتز بيها

شمس النهار يقول...

احوال الهوي
ده شئ يشرفنا طبعا لقاء حضرتك
وخصوصا ان احنا شباب عواجيز المدونين

شمس النهار يقول...

*سمكه واحده
ماتتغاظيش انا شاء الله نتقابل كلنا
وفعلا همه بنات افتخر ان انا قابلتهم واتعرفت عليهم
ونورتيني

شمس النهار يقول...

*ادم المصري
ان شاء الله نتقابل كلنا

فشكووول يقول...

يا سلام دى كانت قعدت انس خالص كيارا الجميله والحاجه شمس النهار وكمان ضد التيار ومحاسن اللى راحت البيت .. ربنا يكرمكم ..
تحياتى وتمنياتى بالتوفيق

Foxology يقول...

ماشاء الله ربنا يديم المعروف والمودة

وعقبال لقاء عالمى كدة يجمع كل بلوجرز مصر عند حضرتك فى الشقة :))

تحياتى :)

mahasen saber يقول...

شموسه انا مش بجاملك لان كل اليى قلته موجود بالفعل فيكى

ومش انا بس اليى بقول كده
ده اى حد بيعرفك بيوصله الانطباع ده بسهوله زى شرب المايه بالضبط

وبعدين بلاش تواضع

انتى عاليه قوى وراقيه جدا فى كل شئ
واليى يعرفك او يبقى قريب ليكى اكيد يبقى محظوظ وربنا بيحبه كمان

عاشقة القمر يقول...

ازيك ان شاءالله دايما تجمعنوا علي الخير
كمان اهنزل مصر اسبواع الجاي ان شاءالله

حاسوباتيه يقول...

يوم جميل فعلا اتمنى اقضي يوم زيه مع كل الي اعرفهم من التدوين وربنا يخليكم لبعض

الازهرى يقول...

تصدقى
كان صعب جدا موضوع الخصام ده
ما علينا
اخر مرة احاول اخاصم حد من اخواتى الحلوين تانى
اتضح انه عقاب لى مش ليهم

الازهرى يقول...

ايه ده ؟
اكون معاكم ؟
لا طبعا
اكون معاكى انتى وعمرو ومعاكم محاسن
ناس زى العسل
انما الثنائى المرح فلا والف الف الف الف لا
اتفقنا ؟

SHAPE YOUR LIFE (ABOALI) يقول...

اتيت لكى اعلق
وجدت نفسى استمتع بتعليقات وانطباعات
الثلاثى (كيارا وضد و ام عبد الرحمن)
دايما نرى الصفاء فى العيون
والمحبة نراها فى القلوب
واليوم رايتها قد عبرت عنها الكلمات

التواصل بين الاجيال سيدتى
(مش قصدى حاجة)
من افضل ما تحيا به النفوس لاءن مخزون الخبرات يحدث له تبادل
ومن عنده خبرات يحدث لها تجديد واستفزاز لتلك الخبرات للافضل

تمنياتى بكل الخير والتوفيق
مش عاوزين حارس فى الصحبة دى
ولالالالالالالالالالالالالالالا ايه

م/ الحسيني لزومي يقول...

السلام علي اهل هذه المدونة الرقيقة وربنا يجعلها مجمعه الحبايب.....هذه مقدمة حتي لايكون هناك دخول بدون استأذان ولا يكون هناك زعل اذا دخلت في الموضوع علي طول..وبعدين
---------------
اقرأ نص اتفاقية منع تهريب السلاح لغزة
وادعوا الله ان يثبت مصر في عدم التوقيع عليها

وردشان smilyrose يقول...

شموسة يا جميلة

بجد وحشتونى قوى

وزعلانة جدا من البت كيارا

لأنها مش قالت لى ولا عرفتنى


المهم ربنا يديم بينكم الحب والسعادة

smilyrose

روح الحب الصادق

شمس النهار يقول...

*فاشكول
فعلا هي كانت قعده جميله جدا الظهر مع بنتوين من احسن البنات اللي الواحد ممكن يقعد معاهم وبليل مع حوريه متقمصه انسيه هي محاسن

شمس النهار يقول...

*فوكس لوجيا
الله يكرمك
يانهار ابيض كل البلوجر عندي في الشقه
دول عايزين الاستاد
بس تعرف شقتي تساع من الحبايب الف
ده انتم تنوروني كلكم

شمس النهار يقول...

*محاسن صابرررررررررررر
انت اللي حوريه قلبا وقالبا
وبعدين كده هتغر
وعندي طلب ليكي
بيعي الموبايل يامحاسن هو مالوش اي لزمه خالص معاكي ياحبيبتي
حاولت اتصل اطمن علي ميرو عشان الحاجات اللي نسيها عندي وهو نازل بيعيط
اكيد زعلان
البنات هيتجننوا عليه لعلمك زي ماهو هيتجنن عليهم
ربنا يبارك لك فيه

شمس النهار يقول...

*عاشقة القمر
اهلا وسهلا بيكي مصر تنور
بس ياريت تعلمينا عشان نقوم بواجب الضيافه معاكي واستقبالك

شمس النهار يقول...

*حاسوبتيه
اهلا بيكي تنوريني
وان شاء الله لما نتجمع تاني نقول لك

شمس النهار يقول...

*الازهري
كنت عارفه انك مش هتقدر علي الخصام ماانت ازهري
ماشي ياسيدي
هنضحك عليك ونقول لك انهم مش جايين وبعد شويه تلاقيهم جايين طبين عليك وبيقولوا لك احنا اهو
اتفقنا

شمس النهار يقول...

*ابو علي
حارس لمين الحارس هو الله
وبعدين دول تلات بنات مصريات رقه وزوق وادب ووقت الجد تلات رجاله مايتخافش عليهم

شمس النهار يقول...

*م/الحسيني لزومي
وعليكم السلام اهلا وسهلا بحضرتك
نورت المدونه واهلا بيك في اي وقت
وشكرا علي المجامله اللطيفه
وشكرا علي التنويه
ربنا يثبت مصر وينصرها وينصر المسلمين

شمس النهار يقول...

*اسميلي روز
اهلابيكي وهتخانق لك مع كيار والمره الجايه ان شاء الله هنقولك وتشرفيني

عاشقه الرومانسيه يقول...

شموسه ياحبيبتى
الميل بتاعى اهو
mero_200528@yahoo.com
على فكره اسكندريه فعلا اجمل فى الشتا
وانا منتظراكى فى اى وقت
صيف شتا ربيع خريف
براحتك يا قمر

mahasen saber يقول...

ههههههههههه عارفه يا شموسه بقاله يومين كل يوم يقلى هتودينى لطانت شموسه عشان العب عربيات

زى ما بيذن ويقلى هتودينى لبابا عشان القطط
هههههههههههههههه

وكل شويه هقولها اسف هيا وعمو
قصده على سواسه وجوزها


يا حبيبتى الولد حس بالحب فعلا فى بيتكوا ربنا يديمها عليكوا نعمه

موناليزا يقول...

يارب دايما متجمعين فى الخير

مفكر يقول...

السلام عليكم:

ياااااااااااه

جميلة أويث المقابلة دية

إمتحناتي الأسبوع الجاي لسة وهتستمر لمدة اسبوعين

mido يقول...

أنا جيت

أنا قابلت فاروق فى معرض الكتاب

و كنا مستنيين مكالمتك بس موبايل فاروق فصل للأسف

معلش على الغياب

شمس النهار يقول...

*عاشقة الرومانسيه
شكرا ليكي
بعتلك الميل اخيرا

شمس النهار يقول...

*محاسن صابر
احنا كمان حبيناه جدا
ومحفظين علي حاجته جدا في الحفظ والصون
وان شاء الله نشوفه تاني وتالت ورابع

شمس النهار يقول...

*موناليزا
الله يكرمك
عجبني قوي البوست الاخير اللي انت عملاه

شمس النهار يقول...

*مفكر
ازيك عامل ايه
انت كل ده بتمتحن
ربنا معاك وشد حيلك كده عايزه تقدير كويس
وابعد عن تقدير الشعب مابحبوش

شمس النهار يقول...

*ميدو
ازيك
حمد اله علي السلامه
كان في نيتي اعدي شويه عليكم في المعرض بس الضرس اللي اتخلع كان مجنني فماقدرتش
الجيات اكتر ان شاء الله

hasona يقول...

السلام عليكم

حضرتك ذوق ذوق ذوق خالص
و أبيت أن تقطعيهم أو تشرديهم
ولكن لمحتي - وكل لبيب بالاشارة يفهم
،،،
متعة حياتنا بمن قابلنا فيها
ويقاس جمالها بجمال من التقينا
وان كانت مواقف الحياة تبين صلابة العلاقة بين الاحباب

والصداقة من أسمي العلاقات بين البشر عندما تكون خالصة لله بلا مصالح أو رغبات

ان شاء الله تتقابلوا أكثر واكثر

ويجمع بينكم طريق الحب بدايته الصداقة والارضية المشتركة تكون الكتابة الجميلة
وجوانبه الصفاء والاخلاص

لا توجد كلمات تقدر توصف جمال اللقاء المتوج بالاخاء والممزوج بالحب

ربنا يجمعكم دايما علي خير وللخير دائما

تحياتي

شمس النهار يقول...

*حسونه
شكرا علي الزياره
وشكرا علي المجامله اللطيفه

ghorBty يقول...

ما شاء الله

ربنا يديم المحبه ويجمعكم دايما علي الخير

اول مرة ادخل مدونتك واستمتعت كثيرا

ربنا يبارك فيكم

غربتي

Unknown يقول...

عارفة قد ايه ناس عرفتهم من خلال التدوين ونفسي أقابلهم فعلا بجد كتيييير قوي قوي كمان بس مش بعرف طبعا لإن الغالبية بنات وكمان مش في المنصورة يعني السبب الأول يخليني الغي الفكرة فورا لإني أحترم بشدة الإختلاف في الجنس الذي يحتم حدود وضوابط أما الرجالة بأه فكمان مشفتش منهم حد قليلين جدا عندي ومش متابعني جدا عموما خير
ربنا يباركلك شكلي هحسدك عشان شفتي ناس عرفتيهم من العالم الرائع ده
معلش لو شردت في حته تانية في كلامي
مودتي

momken يقول...

ربنا يزيد ويبارك

وان شاء الله متجمعين ديماً فى الخير

وتكون الناس كلها بتشوف بعض زى ما عيونكم بتشوف بعض

تلك العيون الامينه التى لا ترى الا كل ماهو جميل
وذلك اللسان الذى لا يروى الا كل ماهو لطيف ومحترم

انتوا ناس طيبين اوى

تحياتى

غير معرف يقول...

إزيك يا قمرايا


عملت بنصيحتك و خلاص وضبت أوضتى

فعلا و الله حسيت براحة كبيرة اوى ؛)

Eno يقول...

ماشاء الله

انا كمان نفسي والله اشوف كل البلوجر اللي بحبهم :)

ربنا يديم الحب بينكم والمعروف

تحياتي :)

طوبه فضه وطوبه دهب يقول...

هم بجد قمرات باسلوبهم وجمال روحهم اللى حسناها وقريناها مع كل كلمه جميله بيكتبوها واكيد انتى كمان ذيهم تمام ربنا يكرمكم ويحببكم فى بعض ويقربكم من بعض كمان وكمان

عايش... ولكن !!!! يقول...

ما شاء الله بجد صحبه متتعوضش
ربنا يديم عليكوا الحب والصداقه

EMMY BABY يقول...

انا زعلااااااااااانة بقى مليش دعوة

علشان مش عرفتك قبل كدة

بجد والله من كتر ما(كيارا وضد ومحاسن )شكروا فيكى اشتقت انى اشوفك واشوف بنتك اللى هلعب معاها مش هى بيبى زيى :)

ربنا يارب يخليكم لبعض

انا كنت متابعة اخبارك فى الحج من مدونة ضد

حج مبرور وذنب مغفور وحمد الله على سلامتك

تحياتى

ايمى

عبد الحميد محمد يقول...

الفكرة نفسها جميلة

ياريت احنا كمدونين شباب " رجالة يعني " نقلدكم و كل تلاتة اربعة يتفقوا على يوم نتقابل فيه

من غير عنـــوان يقول...

طبعا يا عم...
والأرواح جنود مجندة... وشايف انكن تألفتن...

حلوة نون النسوة دي؟؟؟

يارب يزيدكن قربا وصداقة..

وما تقوليش انك العجوزه تاني...
لأن الجميع يقول انك ما يبانش عليكي وكمان بقيتي الأميرة الحسناء والملكه كمان...

أمنياتي لكن جميعا...

شمس النهار يقول...

*غربتي
اهلا بيكي في اول زياهره وشكرا علي الكلام اللطيف
بس ليه مسميه مدونتك غربتي

شمس النهار يقول...

*كاتب مصري
انا يشرفني اقابل ابن من ابناء التدوين علي خلق مثلك
وبعدين بنات واولاد ماتفرقش طالما كل واحد عارف حدوده وكمان في حدود الجماعه
والمنصوره مش بعيده ياكسلان

شمس النهار يقول...

*ممكن
اهلا وسهلا في اول زياره
كما قيل الطيور علي اثالها تقع
الحقيقه همه شخصيات لطيفه ومجامله جدا
واضفوا علي اكثر مما استحق
والانسان الجميل بيرا كل شئ جميل

شمس النهار يقول...

*اناودماغي
خبر حلو قوي واكيد طبعا فرحتي بالحاجات اللي لاقيتيها زي مافهمت من البوست
حافظي علي ماوصلتي اليه

maioya يقول...

ربنا يخليكو لبعض :)
ويديم المحبه بينكم

شمس النهار يقول...

*اينو
كان لقاء جميل جدا ياريتك كنتي معانا
ان شاء الله نتقابل

شمس النهار يقول...

*طوبه دهب وطوبه فضه
شكرا علي الكلام الجميل والمجامله اللطيفه
والجمال مش بس جمال الشكل لا جمال العقل والتصرفات والروح
والبنات بصراحه يتمتعوا بكل ده

شمس النهار يقول...

*عايش....ولكن
اهلا بيك في اول زياره
وفعلا كانت صحبه جميله
شكرا ليك

شمس النهار يقول...

*ايمي بي بي
اهلا بيك ياايمي
وشكرا علي كلامك اللطيف
بس بنوتاتي كلهم كبار واحده متزوجه واتنين مخطوبين

شمس النهار يقول...

*عبد الحميد محمد
اهلا بيك
فعلا هي بتعمل نوع من الالفه والتواصل وفتح باب كبير للمناقاشات والتعارف عن قرب

شمس النهار يقول...

*من غير عنوان
شكرا لحضرتك علي المجامله اللطيفه

شمس النهار يقول...

*مايويا
الاسم كده صح معلش بكسل اغير عشان اكتب انجليزي
اهلا وسهلا في اول زياره

رابطة هويتي اسلامية يقول...

الحجاب حقيقة ثابتة أم مجال للتفكير

من باب تناول جميع الأراء وفتح باب النقاش كان لابد أن نتبني في رابطتنا هذا النقاش الذي سوف يجعل من النقاش مرجع للجميع للوصول إلي الحقيقة التي يعرفها البعض وتخفي علي البعض ويحاول البعض تجنبها.
ومن هنا تبنت الرابطة أن تكون هي حجة علي من يدور بينهم النقاش علي صفحاتها.
نفجر الجديد دائما حوارنا اليوم
الحجاب حقيقة ثابتة أم مجال للتفكير
وفيها ننقاش بعض المدونات التي أعلنتها صراحة رفضها للحجاب وحوارنا اليوم موجه إلي مدونة " مذكرات ثائرة ".
ندعوكم للمشاركة في هذا الحوار المفيد
تقبلوا دعوتنا ننتظركم لنستفاد منكم
رابطة هويتي إسلامية

نجلاء يقول...

بارك الله لكن فى صداقتكن
و
أدعوكن إلى زيارة مدونتى
" أحب أسرتى "
http://noghos.blogspot.com/

قيس بن الملووووح يقول...

عندما يمضي بنا قطار العمر تسقط منا بعض التفاصيل الصغيرة التي تحول حياتنا الي براكين في حين انها لا تتحمل هزات بسيطة

غير معرف يقول...

ربنا يديم المحبه بينكم
ويخليكم لبعض :)

شمس النهار يقول...

*نجلاء
اهلا وسهلا في اول زياره
وان شاء الله ازور مدونتك
ده شئ يشؤفني

شمس النهار يقول...

*قيس بن الملوح
اهلا بيك
وايه الكلام الكبير ده
ياه ياما الواحد وقعت منه تفاصيل
بس الحمد لله

شمس النهار يقول...

*هاجر
شكرا لك

الرابطة وبناء الأمة يقول...

السلام عليكم ورحمة الله وبركاته
دعوة
أخي يا من رفضت سياسة مبارك عليك أن تكمل معنا الطريق حتي لا تكون دعواك دعوة إفتراء دون إثبات
دعوي مرفوعة ضد مبارك بنص ".........................."
أول جلسة
نتمني منك أخي المدون الحضور للجلسة
مع تحياتنا لك بالتوفيق
الكتيبة السياسية

قوس قزح يقول...

و انتى شمسهم الجميلة
اللى بتدفى قلوبهم
و تنور حياتهم

ربنا يخليكم لبعض

Teawater يقول...

الامتحانات يا ماما شموسه كانت عجيبه موت
واحد فيهم كان 170 سؤال اه والله
و6 ورقات وش وضهر
والتاني كان سبع اساله فيهم 3 مضمونين
و4 يعني
لغوا التلاته
النتيجه بعد البلاوي ديه ربنا يستر ودعواتك معانا يارب انجح بس