الاثنين، 16 فبراير 2009

صالحت بيك أيامى

Get this widget Track details eSnips Social DNA

بجد حاسه النهارده أنى عاوزه أسمع المقطع ده طول الوقت و عاوزاكم كمان تشاركونى سماعه لكن بتمعن و سلطنه لو سمحتوا :)

هناك 59 تعليقًا:

عمرو يقول...

شكرا ليكى يا برنسيس شمس على المقطع الرائع و أتمنى يكون فعلا بيعبر عن واقع الحال
و جميل أن الاٍنسان يقدر يصالح الأيام و يسامحها و شويه شويه يلاقى نفسه بيحبها من كل قلبه ..

tarek momen يقول...

ماشي يا سيدي
تحياتي

mahasen saber يقول...

اممممممممممم يا جميله انتى يا ام روح متسلطنه

انا روحى شاركتك المقطع يا جميله
يا انعم شموس الارض

ويا رب دايما كما المقطع فى حالة صلح مع الايام

ربنا يكرمك بكل الخير

يا ارق وانبل واجمل خلق الله

........
اليى يعرفك هو اليى يغنى المقطع ده مش انتى يا قمر

mohamed ghalia يقول...

الله عليكى ياشموسه
حلو قوى المقطع رغم انى من هواة الشعر اكتر
دمتى بكل الود

شمس النهار يقول...

*طارق
ماشي علي فين ياحج طارق خليك شويه مدونتك وبيتك ومطرحك

شمس النهار يقول...

*محاسن
المقطع عجبك
بس انا ماحدش عندي غناهولي
انا اللي غنيته
انت كده علي طول مجملاني ياجميله

شمس النهار يقول...

*عمرو
شكرا علي كلامك اللطيف
انا طول عمري بحب الاغنيه دي وخصوصا المقطع ده
مكتوب حلو ومتلحن حلو
ومش مهم نصالح الايام المهم هي تصالحنا
الاول

شمس النهار يقول...

*محمد غاليه
ماهو ده شعر برضه يامحمد بس اقرن بشئ جميل الا وهو اللحن العبقري لمحمد عبد الوهاب

الازهرى يقول...

جميل قوى المقطع ده
مش عارف الاختيار ليه
لكن
فى احيان كتيرة ايامنا مش بتكون جميلة
لكن بنتعود ليها
وفى النهاية بنتعامل على انها ايامنا العادية وبنحبها

تحياتى دوما

شمس النهار يقول...

*الازهري
الاختيار عشان انا بحب اسمع ام كلثوم
ثانيا اني حاسه المقطع كده لله في الله عمرك ماقعدت كده تغني مقطع اغنيه وانت حاسه
وبعدين كانت نفسيتي تعبانه من حاجه باخيه والحمد لله اتحلت

blue-wave يقول...

يا عينى يا عينى

Sweet Violet يقول...

كل سنه و انتى طيبه ياشموستى

وشكرا على المقطع (:

الحرامي يقول...

شمس النهااااار
انا شخصيا الفتره دي مسيطره عليا غنوة اه يا اسمراني اللون بصوت محمد منير

صبرني يارب يقول...

يا دماغك يا جميل

شوف الناس الى دماغها متكلفه

ماشي يا ستى سمعناها

ومخمنا معاكي اهو

رئيس جمهوريه نفسى يقول...

اختيار رائع بجد تسلمى على الاختيار وتقديمة لينا

Foxology يقول...

احنا عاوزين الأيام هى اللى تصالحنا :)

شكرا على المزيكا الحلوة والكلمات الجميلة

تحياتى :)

Unknown يقول...

يا شمس يا شموسة
مقطع جميل وله فى القلب رنين
تحياتى لك يا قمر

عاشقه الرومانسيه يقول...

الله عليكى يا احلى شموسه
انا بحب او كلثوم جدااااااا
والمقطع رائع
وكل ما اسمعه هفتكرك

عاشقه وغلبانه يقول...

الله الله ياست الكل

اهي دي اذواق الناس العاليه

ربنا يكرمك

romansy يقول...

ايه ياعم الروقان دا

SHAPE YOUR LIFE (ABOALI) يقول...

صالحت بيك ايامى
ومش نادم على افعالى
مهما حصل انت حبيب ايامى
وتلف بيك الايام وتدور وانت كل غرامى
ولو غبت يوم بتشاركنى كل احلامى



الله عليكى اخيتارك راقى يا راقى

شمس النهار يقول...

*بلوويف
بس ايه رأيك ام كلثوم كانت بتعرف تختار كلمتها لكل معني ساعات كنت بحس ان في اغاني ليها فيها نزعه صوفيه
تصدق
جرب كده تسمع اغانيها بحس مختلف بعيد عن الحب و فكره اسمعها بتجرد من اي احساس او فكر

شمس النهار يقول...

*سويت فيوليت
ايه ياسيدي الاسامي الجميله دي
كل عيد حب وانتم طيبين ولو انها نتأخره
بس معلش كنت مشغوله شويه

شمس النهار يقول...

*الحرامي
ازيك كنت فين
علي فكره محمد منير غناها حلو بس بصوت شاديه احلا بكتير يمكن عشان هي لايقه علي ست اكتر وكمان صوت شاديه دافي
هدور عليها واحاول احطها

غير معرف يقول...

مقطع جميل فعلاً وربنا يجعلك دايماً متسلطنة يا شمس :)

شمس النهار يقول...

*صبرني يارب
ازيك
كل عيد اسو ايه ده وانت طيبه
تصدقي انا لاحسيت بيه والا حاجه كان عندي مشكله كده والحمد لله اتحلت وتاني يوم الست الوالده عملت عمليه يعني كان عيد عيد يعني
وبعدين ربنا فتحها عليه قلت انبسط مع حبيبي المدونين
الاقيكم كده
ماشي ماشي بعد كده هنبسط لوحدي :)

شمس النهار يقول...

*رئيس جمهورية نفسي
شكرا يامحمود والله انا كنت محضره بوست جميل بس الظروف حالت دون نشره
حبيت اصالح نفسي واصالحكم بأم كلثوم

شمس النهار يقول...

*فوكس لوجيا
فعلا احنا عايزين الايام هي اللي تصالحنا
بس تعرف انا اكتشفت ان لو احنا صالحنا نفسنا الاول وماجيناش عليها واديناها حقها وماظلمنهاش هي هتصالحنا علي الايام والايام هتصالحنا وتضحك لنا كمان
بس نحاول وعارف تصالح نفسك ازاي تديها حقها في طاعة الله

شمس النهار يقول...

*نهر الحب
شكرا ليكي انت ياام قلب دهب
محب للخير وللناس
انا مبسوطه ان ام كلثوم عجبتكم انتم الجيل الجديد

شمس النهار يقول...

*عاشقة الرومانسيه
شكرا ليكي
واكيد طبعا عاشقة الرومنسيه لازم تحب ام كلثوم طبعا
الميل وصلك والا ماوصلش برضه

شمس النهار يقول...

*عاشقه وغلبانه
سفتي الكلام الموزون اللي كله احساس
كانت الناس رايقه
مش اللأغنيه اللي سمعتها مؤخرا وبيغني فيها يقول منك لله واشوف فيك يوم
عليه العوض ومنه العوض في الاغاني

شمس النهار يقول...

*رومنسي
رايقه علي طول وحياتك
والحمد لله بس المره دي حبيت اشاركم الروقان
غلطانه انا :)

شمس النهار يقول...

*ابو علي
الله
حلوه جدا الكلمات دي

شمس النهار يقول...

**نبيل
ازيك يابلبل انت فين
مش كفايه عزلت من البلوجر كمان مختفي
عايزه اعرف اخبار النتيجه ايه طمني
وشكرا علي كلامك

princess يقول...

حلو اوى المقطع مرسى يا جميلة:))

أحــوال الهـوي يقول...

الله عليك

يسلم ذوقك

تحياتي

Eno يقول...

جميله يامدام شمس
مرسي بجد علي المقطع الهايل ده:)

تحياتي :)

شمس النهار يقول...

*برنسيس
شكرا ليكي
انت بتحبي ام كلثوم

شمس النهار يقول...

*احوال الهوي
انا بحس ان المقطع ده بالاغنيه كلها
مكتوب بحس عالي
وعبد الوهاب حسه صح وترجمه للحن اجمل من الكلام

شمس النهار يقول...

*اينو
انا بحب الاغنيه دي جدا
والمقطع ده بالذات
ومبسوطه انك بتسمعي ام كلثوم اروع من جسد الحب بكل اشكاله وانواعه مش بس حب الرجل والمراه لا حتي عشق الله وعشق الكون والايام والوطن
الله يرحمها

من غير عنـــوان يقول...

إنت عمري

من أروع ماكتب أحمد شفيق كامل masterpieceعبد الوهاب...

كل مقطع في الأغنيه دي عباره عن مجموعه أحاسيس...

بامناسبه قد تسمع الأغنيه بعدة نوايا... يعني ممكن صالحت بيك أيامي... سامحت بيك الزمن.. تكون لشخص... أو موقف...

المهم النيه...

رجعوني عنيك لأيامي اللي راحو
علموني أندم على الماضي وجراحه
اللي شفته قبل ما تشوفك عنيه...عمر ضايع يحسبوه.. يحسبوه إزاي عليه...

المقطع ده كمان من نفس الأغنيه...

باحبه جددددددا




شكرا على المقطع..
بس إنت خلتيني أقوم أجيب الأغنيه بالكامل... أصل ماعرفش اسمع ثومه إلا على بعضها...

عندي أغانيها كلها من سنه أولى جامعه

أمنياتي

شمس النهار يقول...

*من غير عنوان
فعلا الاغنيه كلها جميله انا بحبها طول عمري
بس المقطع ده بحسه بالاغنيه كلها
ام كلثوم كل اغانيها جميله
كانت بتخترها بأخلاص وكان الفن للفن مش للمكسب والخساره
عشان كده الناس دي عاش فنها لحد دلوقتي

وردشان smilyrose يقول...

صالحت بيك ايامى ونسيت معاك الزمن

هو كد فعلا يا شموسة لما الوحد فينا

بيحب بقلبه وبصدق بيحس ان حبيبه

هو كل حاجة فى دنيته وانه سبب

السعادة اللى حاسس بيها

جت فى وقتها يا سمسوسة

smilyrose

روح الحب الصادق

اقصوصه يقول...

اممممممم

شكله المقطع حلو

لاني واثقه من ذوقك اكيد

بس للاسف

انا ما اسمع اغاني:)

Kiara يقول...

واااااااااااااااااو

سيدى سيدى

مقطع بيعبر عن القمر كله

وحشاني ياشموستى خالص

EMMY BABY يقول...

ياسيدى ياسيدى

ايه المقاطع الجامدة دى

ربنا يارب يجعلنا دايما فى صلح مع الايام

تحياتى

ايمى

عاشقه الرومانسيه يقول...

حبيبتى شموسه
الميل وصل ياقمر اشكرك من كل قلبى
لكن البنى ادم طماع
عايزه اكلمك بقى
ممكن تبعتيلى اضافه؟
عايزه اتكلم معاكى
الحقى البوست الجديد ياشموسه
مش هغيره غير لما تعلقى عليه
هو بعنوان رساله

تحيــــاتـى

بنوتة يقول...

ماشى
شكرا
تحياتى ليكى

عاشقة القمر يقول...

ازيك سؤال سالتني عنوا اهلتقي ردة عليه في مدونتني مقطع حلو جدا

leeno يقول...

الله على السلطنة

انا بحاول اصالح الزمن من غير ما يظهر حد فحياتي

مش لازم استناه يعني

انا عايزة اصالح و اسمامح من نفسي !!

شمس النهار يقول...

*سميل روز
عندك حق
ام كلثوم اصدق من انتقي كلمات تعبر عن الحب

شمس النهار يقول...

*اقصوصه
ليه مابتسمعيش اغاني

شمس النهار يقول...

*كيار
انت كمان وحشاني
طمنيني عليكي

شمس النهار يقول...

*ايمي بابي
صالحي نفسك الايام هتصالحك
انت بتسمعي ام كلثوم

شمس النهار يقول...

*عاشقة الرومانسيه
ازيك
حاضر هروح البوست الجديد
بس مافهمتش اضيفك فين
قصدك الشات والا ايه

شمس النهار يقول...

*بنوته
الشكر ليكي

شمس النهار يقول...

*عاشقة القمر
انا رحت عندك مالاقيتش حاجه والا قصدك علي موضوع النت

شمس النهار يقول...

*لينو
احلا حاجه ان الواحد يصالح نفسه وبعدين يصالح الزمن
هتيقا الدنيا جميله

mahasen saber يقول...

انا قصدى يا شموسه ان المقطع لازم حد يغنهولك لان تستاهلى ان اى حد يعرفك يغنيه
سواء راجل او ست

اصل الناس الكويسين اليى قربوا يبقوا ملايكه شبه انقرضوا فلما يبقوا موجودين واحنا حظنا حلو بمعرفتهم نبقه نحافظ عليهم ونغنلهم وندلعهم كمان

هو كل يوم الواحد هيصادف ناس حلوه وروحهم احلى

ده قصدى يا ادفء شموس الارض