السبت، 21 فبراير 2009

اعتذار

انا بعتذر ياجماعه عن حاجه ما عملتهاش اصلا
في حد دخل علي الميل بتاعي ازاي مااعرفش
وبعت ميلات للناس اللي عندي في الميل كلها كلام غريب لايمت لي بصله
اي حد وصله ميل مني غريب او في اي تجاوز بعتذر له
وكلكم عارفين اسلوبي والمفروض انه كان اللي يوصله ميل مني يقول لي
العجيب ان الموضوع ده من ساعة مارجعت من الحج والميلات بتتبعت
والغريب انها بتتبعت بشمس الخبيثه
معقول انا هبعت ميل بأسم شمس الخبيثه
انا بعتذر وربنا يهدي وغيرت الباص وورد تاني وانا مش فاهمه ايه اللي حصل

هناك 69 تعليقًا:

mido يقول...

يعنى بعت ايميلات بنفس عنوان ايميلك ؟

ملحوظة :

اعتذار بالذال

و يارب تكونى بخير

Sweet Violet يقول...

انا الصراحه مافيش حاجه وصلت ليا

والحمدلله انك غيرتى الباسورد

^^^^
حاولت اكلمك كتير التليفون مغلق !!!!

يارب يكون خير

وطمنينى عليك ياشموستى

saragebaly يقول...

شموسة النهار الجميلة

مش تزعلي نفسك

اكيد كل الناس عارفة اسلوبك وطريقتك

***

ممكن يكون فيرس عندك في الجهاز هو الي بيعمل كدة

على كل حال مش تزعلى نفسك خالص

وحشتيني اوي اوي على فكرة

تحياتي لكـِ وكل الحب

سارة

SHAPE YOUR LIFE (ABOALI) يقول...

ربنا يهدى ماهو الشر الوان زاى البشر

أحــوال الهـوي يقول...

حتي لو وصل للاميل
لا يمكن ان حد ممكن يصدق ان البرنسيسه خبيثه

ثانيا ان ما تكتبيه بيشع نور و طيبه و صدق
ثالثا ليس كل ما يلمع ذهبا و انت اصل اللمعان و التألق

تحياتي

الازهرى يقول...

شموسة الغالية
الموضوع ده بيتكرر كتير
بسبب برامج اختراق الايميلات المنتشرة اليومين دول

ربنا يهديهم

تحياتى دوما

بنوتة يقول...

السلام عليكم
معلش متزعليش أكيد ايللي بتتعاملى معاهم عارفينك كويس
وللاسف الموضوع ده ناس كتيرة اشتكت منه بسبب برامج اختراق الكمبيوتر
تحياتى ليكى

Unknown يقول...

متزعليش نفسك الحاقدين كتير والله لو جرى ايه محدش هيشك لثانية وحدة انك بتبعتي حجات وحشة وبالنيك نيم ده مهو مش معقول حد يقول على نفسه خبيث
ربنا يجعل ده في ميزان حساناتك ويكتب الوزر الكبييييير على الي أذاكي وبإذن الله ميكونش حد صدق طبعا الهجص ده
مودتي سيدتي الكريمة
اه مقلتلكيش حجا مبرورا قبل كده صحيح متأخرة جدا جدا جدا بس لازم اقولها
مودتي

رئيس جمهوريه نفسى يقول...

الحمد لله انها جاءت على قد كدة وكويس انتى غيرتى الباس وورد بتاعت الميل وربنا يهدي ان شاء الله

Foxology يقول...

ان شاء الله خير .. من حفر حفرة لأخيه وقع فيها .. وكله سلف ودين

تحياتى :)

فاروق عادل يقول...

اكيد حد عمل هاكر لايميلك عموما حصل خير

شمس النهار يقول...

*ميدو
ايوه من نفس الميل مش عارفه ازاي
انت ماتعرفش انا كتبت البوست ده ازاي
كنت هتجنن
ده بيبعت من مده من بعد مارجعت من الحج
ليه مش عارفه
حسبي الله

شمس النهار يقول...

*سويت فيوليت
شكرا علي مكلمتك النهارده
كان لها اثر طيب علي نفسي

شمس النهار يقول...

*ساره جبالي
ازيك حمد الله علي السلامه
انا مش بس زعلانه من ان حد عمل كده انا زعلانه من الاصدقاء اللي راح لهم الميلات وماحدش قال لي
بس الحمد لله ان انا عرفت

شمس النهار يقول...

*ابو علي
الشر انواع
بس ليه الشر اصلا

شمس النهار يقول...

*احوال الهوي
شكرا لحضرتك علي المجامله
بس انا زعلانه من اللي حصل وكمان زعلانه ان كل اللي وصله ميل ماقاليش
ونبهني
يعني اللي وصله ميل ده ماحسش ان في حاجه غلط في الحوار
طيب مااستغربش ان العنوان شمس الخبيثه
حد يبعت لحد ويقول علي نفسه خبيثه
ودي اكتر حاجه مزعلاني
ان ماحدش نبهني

شمس النهار يقول...

*الازهري
فعلا ده اللي عرفته من عمرو حبشتكنات
قالي ده بيحصل كتير
بس بصراحه انا انزعجت جدا
تخيل الميلات دي كان مكتوب فيها ايه
مش قادره اتصور
ميلات متفبركه صح ماتبقاش عارف الكلام ده جه منين
حد قاعد وبيخترع ومبسوط من اللي بيعمله

شمس النهار يقول...

*بنوته
المفروض اننا نستعمل الحاجات دي في المفيد والخير مش في الشر
بس زي كل حاجه كويسه الشر بيحولها لشر زيه

شمس النهار يقول...

*كاتب مصري
شكرا علي كلامك اللطيف
وبصراحه لما دخلت المدونه دلوقتي ولحد دلوقتي ماحدش منكم وصله ميل حمدت ربنا
عشان اللي نبهني كان وصله ميل اقل مايقال عنه انه فيلم رعب
كلام موزون يتخلله كلام غير مسؤل
يعني الانسان ده لو مش عارفني معرفه شخصيه كان صدق

شمس النهار يقول...

*رئيس جمهورية نفسي
شكرا ياريس
لو انت مكاني هتعمل ايه

شمس النهار يقول...

*فوكس لوجيا
تفتكر الناس دي ممكن تقع في حفره
ربنا يهديهم ويكفينا شرهم

شمس النهار يقول...

*طالب ثانوي
طبعا اكيد حد عمل كده وعمرو فهمهاني
ازاي
بس لو حد جاله حاجه تاني ياجماعه يقول لي

عاشقه وغلبانه يقول...

اهئ اهئ اهئ اهئ
فكرتيني بغلبي ياشموسه
ربنا وعدني بواحد سرق ايميلي
ماعرفش عمل ايه بقي في الناس اللي فيه
ربنا يتولاهم برحمته
المصيبه ان فيهم ناس كل اتصالي بيهم الايميل ده
مش عارفه بيسرقوهم ازاي


حد يرجعلي ايميلي
اهئ اهئ

وبعدين ماتزعليش ياجميله انتي ماحدش يزعل منك
انتي فوق راسنا كلنا


ربنا يهدي

من غير عنـــوان يقول...

عموما الهاكرز كتير...
وإنت اللي شمس النهار... مش خبيثه

أمنياتي

شمس النهار يقول...

*عاشقه وغلبانه
انت كمان عملوا معاكي كده والناس مافيش حد قالك والا نبهك

شمس النهار يقول...

*من غير عنوان
حضرتك الموضوع ده مضايقني جدا
مش عارفه ليه كده
وبعدين الناس اللي وصلهم ميلات ماقالوش ليه ونبهوني عشان اغيره او اعمل اعلان او اقفله
ماعندكش فكره الميلات مكتوبه بذكاء شديد
مقلدين اسوبي ومطعمينه بكلام بايخ جدا
لولا ان اللي اتبعت له يعرفني معرفه شخصيه واني عمري مااتجاوز في الكلام كان قال انا اللي كتباه
والله واعلم عملوا ايه تاني بيه
دول واخدينه من بعد مارجعت من الحج
منهم لله

Kiara يقول...

كويس انك غيرتي الباسورد ياشموستى

وحشااااااااااانى خالث

امممممممممموه

Kiara يقول...

شكل البخور مش حمل اي نتيجه عاااااااا

شمس النهار يقول...

*كيار
شايفه كنا لسه بنقول ايه امبارح الصبح في التليفون
علي باليل كانت الدنيا لطيفه
انت وصلك حاجه

Unknown يقول...

السلام عليكم ورحمة
الله تعالى وبركاته
ولا يهمك ده دليل النجاح
اه والله ماهو الناس ما بيجوش
للفشلة ويدعّوا عليهم بكده لكن
بيروحوا (للحلويين المنوريين )ويحاولوا
يشوهوا صورتهم امام الاخريين لكن على مين بقى ؟المفروض اللى يعرفك مايصدق مثل هذا الايميل لو وصله:الانسان مابيتغير بين يوم وليلة.مرة
تانية ولا يهمك هذا
دليل النجاح
وضريبة
الشهرة:)
يعنى انتى بقيتى مشهورة فى
عالم التدوينات والمدونين
ياشمس النهار المنورة .

ghorBty يقول...

لا حول ولا قوة الا بالله

الحمد لله انك غيرتي الباص ورد

وربنا يهدي ويغفر للي كان السبب

غربتي

Unknown يقول...

عايزة صينية بسبوسة
حلاوة الكلام الحلو اللى
انا قلته فوق ده!!
:):):):):)
انا بس عايزة اعرف
ليه مافيش حاجة بتوصلنى
من الايميلات دى خاااااالص
:):):):)::)

عمرو يقول...

كان المفروض اللى عمل كده يكتب شمس البرنسيس مش شمس الخبيثه
أكيد ماعرفكيش عن قرب

صبرني يارب يقول...

شموووووووسه

تصدقي انا كنت حاطه اميلى على المدونه شلته لما قريت البوست بتاعك

معلش احتسبي يا شموسه وعرفتى تغيري الاميل غيريه

Empress appy يقول...

طالما محدش نبهك يبقى هو مبعتش غير لحد واحد
بصى يا شمس غيري الباص وورد مع السؤال السري مع الميل الاضافى اللى لو نسيتى باص وورد ميلك يتبعت لكي عليه
على فكره ده شكله حد قريب منك لانك مبتعمليش عداوه مع حد فكري انتى اديتى باص وورد بتاعتك لمين وانتى تعرفى

شمس النهار يقول...

*نورهاتي
شكرا علي الكلام اللطيف والمجمله الحلوه
ومن عينيه صينية بسبوسه وكنافه كمان ولواني ماليش في الحلو خالص لااكلا والا طبخا

شمس النهار يقول...

*غربتي
الله يبارك فيكي
ويكفيكي ويكفينا شر اللي بيعملوا كده

شمس النهار يقول...

*عمرو
انا بشكرك علي مكالمة امبارح
وشكرا علي المجامله اللطيفه
الموضوع ده غريب جدا وخصوصا انه كده حاصل من 3شهور تقريبا
وماحدش اتكلم مش غريبه دي

شمس النهار يقول...

*صبرني يارب
ازيك لا ماتحطيش الميل خالص
دول بيبعتوا للخلق من شهر 12
عمرو كمان من رأيك اني اغير ميل المدونه
بس ده مش ميلي الاساسي
ميلي الاساسي مش معروف في التدوين
الحمد لله ربنا ستر
ده انا عرفت المكتوب كتبينه زي اسلوبي مع بعض كلام غير لائق
الحمد لله

شمس النهار يقول...

*ابي
الناس ما نبهتنيش ليه مش عارفه بصراحه
وصدقيني عمري ماعملت عدواه مع حد والا حد كرهني والا كرهت حد وده من فضل ربنا عليه مالييش فيه يد
هحاول اغير اللي قلتي عليه
شكرا ياابي

tamer.sala7 يقول...

يا ستي ولا تزعلي نفسك

الناس كلها عارفة اسلوبك طبعا

الشجرة المثمرة يلقيها الناس بالحجارة

leeno يقول...

و الله يا شموسة انتي مش عندي على الميل :)

لكن الموضوع دة منتشر جداااا مش بس انتي اللي حصلك

في ناس كدة غاوية أذية بدال ما يطلعوا شطارتهم في حاجة فيها خير بيطلعوها في الشر و الأذى

من غير عنـــوان يقول...

قولي:
جسبنا الله ونعم الوكيل

وبعدين انت شخصية لا يمكن حد يصدق عليها أي كلام...انت من أكثر الناس احتراما...والناس عارفينك...


ولا يهمك يا شموسه...

خليهم يموتوا بغيظهم

أمنياتي

شمس النهار يقول...

*تامر صلاح
ازيك عامل ايه انت اختفيت تاني ليه
يعني لازم كان يحصل لي كارثه عشان تظهر
شفت هقول ايه حسبي الله ونعم الوكيل
شكرا علي كلامك

شمس النهار يقول...

*لينو
الحمد لله ماحدش دخل لحد دلوقتي وقال لي وصله ميل من شمس الخبيثه
شكرا ليكي

شمس النهار يقول...

*من غير عنوان
اللي مطمني ان لحد دلوقتي الحمد لله ماحدش قال انه وصله ميل من شمس الخبيثه
الا لو كانوا وصلهم ومش عايزين يزعلوني

من غير عنـــوان يقول...

ماحدش يرضى ولا يقدر يزعلك

وبعدين تزعلي إزاي وكل الناس دي بتحبك

أمنياتي

على رأي الجيل الجديد

كبري دماغك

إنت أسمى من لعب العيال ده

عاشقه الرومانسيه يقول...

ده اكيد انسان مريض
مش تزعلى ياقمر
قصدى ياشمس
هههههههههههههههه
انا عن نفسى مش وصل لى حاجه الحمد لله
وكويس انك غيرتى الباسوورد

على فكرهفى تعليق البوست اللى فات كان قصدى انك تضيفينى على الشات
تحياتى ياقلبى
بحـــبك

شمس النهار يقول...

*من غيرعنوان
شكرالحضرتك علي المجامله اللطيفه

شمس النهار يقول...

*عاشقة الرومانسيه
شكرا ليكي كلامك اللطيف
وبالنسبه للشات انا بعتذر لك عن الموضوع
ده الحقيقه انا مش بحب الشات خالص
ماعنديش صبر عليه مابحبش اقعد كتير علي الكمبيوتر بحب اقوم شويه واقعد شويه
فاماينفعش اعمل شات
وشكرا ليكي علي الدعوه الكريمه دي

عمرو يقول...

أنا اللى بأشكرك على المكالمه و على كل حاجه يا برنسيس
و الحقيقه اٍن اللى قلته عنك مش مجامله و لكن أنتى كل الكلمات مش كفايه علشان توفيلك حقك و هى برضو غريبه أن ماحدش قال أنه وصله ميل مشبوه من ميلك و ده حصل معايا من فتره كبيره و لاقيت نفسى مشترك فى مواقع سيئة السمعه بدون اراده منى
فالحمد لله أنها جات على كده
تحياتى يا برنسيس

شمس النهار يقول...

*عمرو
شكرا ليك علي المجامله الجميله دي
واضح ان موضوع الميل ده كتير وماكنتش اعرف
وايه الصور السينمائيه دي

بحبك ياكيارا يقول...

غريبة

بخور كيارا مجابش نتيجه

كلاكيت تانى وتانى يقول...

ارجو نشر الايفنت لديك على مدونتك او جروبك والدعوة لحضور الحفل بين كل المدونين واصجقائكم على الفيس بوك وذلك لتأييد المدونات المشاركات فالحدث ويشرفنا حضورك
صورة الغلاف على مدونتى
حفل توقيع العدد الثالث من سلسلة مدونات مصرية للجيب
كتاب "أنا انثى " ..لمجموعة من المدونات النساء

أول كتاب يناقش اهتمامات المرأة بقلم مجموعة من النساء ويطرح القضايا للنقاش

ضيفة شرف الحفل ..(غادة عبد العال ) صاحبة مدونة ..عاوزة أتجوز..والتي صدر لها كتاب بنفس العنوان عن دار الشروق

ومن المشاركات في كتاب ..أنا أنثى
نوارة نجم
اسر ياسر
ايناس لطفى
نرمين البحطيطى
شمس الدين
د . رشا عبد الرازق
بيلا شريف
مكسوفة
بسمة عبد الباسط
مريم الغنيمى
إيمان نادى
زهراء امير بسام
آية الفقى
مروة السيد
أميرة محمد محمد محمد
فاتيما
مذكرات عانس
نرمين البحطيطى
سلمى أنور
انجى سمراء النيل
سارة ابراهيم على
سمر مجدى
مروة النجار
شيماء حسن
نسرين عبد النعيم
د.مرام محمود
ايناس لطفى
نجلاء الشربينى
محاسن

يصاحب الحفل عرض فيلم قصير و==================================
المكان
المركز الثقافى الدولى
17 ش السد العالى ميدان فينى الدقى
الشارع المقابل لشيراتون الجزيرة
اقرب محطة مترو انفاق محطة الاوبرا
الزمان
يوم 3 مارس الساعه 4.30 عصرا

شخـا بيــط مـحـجـوب يقول...

حصل خير يا شمس

يبدو انة انسان مزعج ومش بيحبك
ربنا يهدية
بس كويس انك غيرتى البس ورد
تحياتى ليكى

شخابيط mahgoub

صبرني يارب يقول...

والنبى ياشموسه عايزه وصله من المطبخ بتاعك اصل ضاعت مني

عشان احطه عندي فى مدونات مطبخيه صديقه

اصل بارتب مدونة الطبيخ وكده يعنى

Unknown يقول...

لا حول ولا قوة الا بالله
معليش
فى ناس كل همهم ايذاء الناس

شمس النهار يقول...

*شخابيط محجوب
فعلا هو انسان غريب علشان اللي يدارا وراء حاجه زي كدهانسان مش سوي خالص
بس انا عمري ماكرهت حد والا حد كرهني
ربنا يهدي

شمس النهار يقول...

*صبرني يارب
وصلة ايه
انا مش فاهمه حاجه
صبرني ركزي معايا شويه كده واشرحي لي الموقف
واي طلب انا تحت امري

الربان يقول...

تحياتي

يمكن حضرتك قبلتي ملف من شخص ما..و بعد التحميل علي الحاسب عندك استطاع
ان يستغل الايميل الخاص بك...

يمكن يكون الافضل ان تعملي " فورمات " او اعادة تهيئة للقرص الصلب حتي تتأكدي
ان هذا الموضوع انتهي تماما....


خالص تحياتي و تقديري لحضرتك.

شمس النهار يقول...

*نهرالحب
ازيك علي فكره موضوع اياد عملته من ساعتها بس نسيت اكلمك عشان ماما بتعمل عمليه

عمرو يقول...
أزال المؤلف هذا التعليق.
شمس النهار يقول...

*الريان
شكرا علي المعلومات المفيده
بس انا مابفتحش اي ميل من حد مااعرفوش
وكمان ده مش ميلي الاساسي ده ميل المدونه الخاص بالمدونين فقط
بس هحاول اعمل اللي قلته احتياطي

عمرو يقول...
أزال المؤلف هذا التعليق.
عمرو يقول...

عجبتك الصوره يا برنسيس ؟؟ :)

أمل حمدي يقول...

ازيك يا شموسة حبيبتي

اشكرك لسؤالك عليا ربنا يخليكي يارب

الموضوع دا متكرر وحصل قبل كدا معاية وكتبت عنه وكان عن طريق موقع استغلوا ايميلي بطريقة مش مظبوطة ولولا احد ابنائي على النت قام بتنبيهي الحمد لله ولغيت اشتراكي من عليه

وكمان في قرصنة للميلات
دايما غيري الباسوورد
وربنا يبعد عنك كل شر اللهم امين
متزعليش يا شموسة احنا كلنا بنحبك
وربنا يصلح حالك اللهم امين

شمس النهار يقول...

*ماما اموله
ازيك حمدالله علي السلامه
المدونه نورت
وشكرا علي كلامك ومواساتك اللطيفه

mahasen saber يقول...

شموسه الف لا بأس على مامتك انا لسه عارفه من البوست الاخير
الف لا باس عليها

ربنا يعافيها
اللهم امين
انا هكلمك بكره اتطمن عليها ان شاء الله

وبعدين بخصوص الميل الكل عارف شموسه وسلوكها فطبيعى محدش هيصدق ان الميلات دى منك

ربنا يعافيكى من اى سوء
والف لا باس على مامة شمس الشموس

بيرو بيسلم عليكى جامد

شمس النهار يقول...

*محاسن صابر
الله يسلمك ويخليكي
انا قفلت الميل لحين اشعار اخر