السبت، 28 فبراير 2009

صباح التهييييييييسسسسسسس

ياصباح التهييس
في ايه يامدونيين مصر
كل ماادخل عند حد يالاقي حزن وفراق وهموم
ياناس خايفه تحب ماله الحب الحب جميل بس لما بيكون صح هو احنا نحب غلط وبعد كده نلوم علي الحب وكماقالت الست العيب فيكم يافحبايبكم اما الحب اما الحب ياعيني عليه وفي روايه اخري علي لسان الست برضه ياروحي عليه
واللي عايز يعرف الحب صح يسمع الست(ام كلثوم طبعا)
ومن محاسن ونورهاتي الخيفين الي كيارااللي كتبت وصيتها الاخيره وضد التيار اللي مهييسه علي الاخر ونعزيها في موبايله المنتحر من الدور التالت
مرورا بالازهري اللي عنده الحرب التدوينيه وقبيلة فشكول الاعظم اللي واقعين في حرب اهلييه مش عارفه ليه
لرومنسي وروقانه ومجنون اللي كان نفسه يطلع احلا دكتور عيون واحوال الهوي واشعاره واختنا حبيبتنا ابي وبوستها الحزين الشقي زيها اول مره اشوف حزن شقي
وعاشقه وغلبانه اللي الحب محيرها اليومين دول وعامله بوستين احلا من بعض
وحبيبتي عاشقة الرومانسيه اللي كاتبه رسائل رقيقه تقطع القلب عشان الريس يرجع ومابيرجعش
وست الكل صبرني يارب اللي لاقتها عايزه تولع في البلوجر باللي فيه اظاهر من كتر ماجت علي اطفش (الشهير بأشرف ) بتاع القصه لعنته طالتها
ومخنوقه اللي ربنا يشفيلها عينها ويفك خنقتها...وجت اينو(رقة الاحساس) كملت المنظر ولاقيت حتي الاطفال مهييسين ده غير (الغد ات )
المهيييسه ياجدعان... وسمكه واحده واعلان التهييس
ودواير دعاء مواجهات.. وليلة العمر اللي عند فاروق اللي قلبها غم علي دماغ العروسه
والرايق دائما عمرو بدر حبشتكانات اللي كتب لنا بوست النهارده اخر رواقه يابخته
تحسوا ان البلوجر كله مهييس الناس كسلانه خالص في ملل
طب ايه رئيكم لو نعمل بوست مشترك كل واحد وواحده يدخل يعلق ويكتب موقف حلو كده مضحك نفتكره مع بعض ونقراه ونضحك مع بعض يمكن التهييس ده يفك

هناك 92 تعليقًا:

عمرو يقول...

ملاحظاتك فى محلها يا برنسيس
أنا برضو ملاحظ حاله غريبه كده بتسرى بين المدونين شويه بشويه و عاوزين نخرجهم من الحاله دى بقى :)
لو كنتى شايفانى رايق اليومين دول فدى الحقيقه حاله كده مستجده عليا و كله من فضل الله
تحياتى لك يا برنسيس على تفاؤلك اللى بينتقل لكل من هم حولك و بتجعليهم سعداء عن صدق

محمد حمدي يقول...

لو ملاحظ نكد بص على اخر بوست عندى

وسلملى على النكد :)

SHAPE YOUR LIFE (ABOALI) يقول...

افضل موقف انى اسمى مش مكتوب
ههههههههههههه
وده احلى تهيسسسسسسسسسسسسسسسسسسسسس النهارده

SHAPE YOUR LIFE (ABOALI) يقول...

انا عندى فزورة واللى يحلها ليه يبقى هنيالك يا فاعل الخير والثواب

الفزورة بتقول

ماسورة تصل بين حائطين
لا نرى اول الماسورة ولا اخرها

المطلوب
هو معرفة اتجاه الماء الجارى فى الماسورة
من الشمال الى اليمين على اساس انك قاعدة فى المقصورة يعنى

ولا من اليمين للشمال


كله ده من غير ما نبوظ الماسورة


احلى صباااااااااااح

mahasen saber يقول...

طب يا شموسه ملاحظاتك ثاقبه زى ارائك يا دافئه

بس انا نسبة النكد عندى منخفضه وانتى عارفه مبتعلاش الا لما بيرو بيدخل فى النص اصل الكون عندى متمركز عليه

بس بخصوص الدعوه للبوست فشئ حلو قوى يله نعمل احلى بوست يبسط البلوجر فى الدنيا

mahasen saber يقول...

طب ااقول ايه ااقول ايه
مش فاكره حاليا بس هفتكر موقف وااقولك يا جميله

الازهرى يقول...

ما قلتيش ايه موقفك من الحرب ؟

يعنى معانا والا مع الناس التانيين

انا راجع تعبان وعلى غدا امبارح
اروق نفسى وارجع

بنوتة يقول...

السلام عليكم
فعلا عندك حق انا ملاحظة ان كل الناس زعلانة وبتشتكى من الحب
وكل الناس مضايقة
انا لسة حالا سامعة خبر سئ جدا
فمش عارفة او مش فاكرة لو افتكرت هابقى أقولك
تحياتى

Sweet Violet يقول...

ههههههههههههههههههههههههههههه
ايوة ايوة انا عايزة الكل يعزينى فى الموبايل اللى راااااااااااااااح

و ينصرنى على ازهرى اللى بيحربنى فى المدونة و عايز يحتل مدونتى باى طريقه

لا بس بجد فعلا بلوجر فيه حاله من الكسل و الحزن و بوستات بحس انها جايه فى وقت غير طبيعى معايا و طبعا المقصود بيها بوستات عمرو و محاسن ):

بس ان شاء الله الواحد هيطلع من الحاله دى قريب

و ان شاء لله بلوجر هيرجع تانى فرحان و يشيل الفيرس اللى نشره مابين المدونين ده

وطبعا الحيره اللى انا فيها للأسف قافله دماغى على الاخر و مش عارفه افتكر اى حاجه

بس ان شاء الله الواحد يفتكر و يرجع يقول (:

تحياتى ليك ياشموستى ياجميلة انتى

أنا - الريس يقول...

طبعا .. العيب في الناس الوحشة اللي بتحسد الحبيبة .. اصل الحب ممكن يتنظر بعيد عنك .. المهم الخوف من المستقبل هو اللي مسبب حالة القلق .. ويمكن عدم التوكل علي الله حق توكله .. واصبحنا نؤمن بالمادية اكثر من الروحانيات والغيبيات ,. نؤمن بأن كل شيء يمسك .. ويقبض عليه .. لذا لا مكان لحب في هذا الوضع إلا حب الجسد الفاني .......

حروف يقول...

ممممممممممممم صديقي العزيز ازهري اشكرة انه خلاني اجي عندك وسعيدة اني جيت فعلا في حاله ملل منتشرة
موقف مضحك موقف مضحك موقف مضحك يابت يا حروووووووف
مش عارفه الصراحه حفكر واجييلك تاني

الازهرى يقول...

اولا احب انوه عن مصدر الفيروس يا جماعة
انا كنت ساكت من زمان
فاكرين الناس ام قلب اسود اللى حطولى الفيرس فى الدعوة ايام الامتحانات
وعطلوا الدنيا
انا كتمت فى قلبى وسكت وقلت يا جدع بلاش فضايح احنا عندنا ولايا برضه
وان الله حليم ستار
لكن هى تتمسكن فى الخر وتقول ان فى حد غيرها حط الفيرس ونشره بين المدونين
يبقى لازم اتكلم بدل ما الناس تدعى على حد غلبان ويروح فيها بسببها
اقول الاسم والا عرفتوه

اكيد مفيش غير قلب اسود واحد بس
*********************************
المهم كفاية جد ونتكلم بقى فى التهييس
انا جاى من عند نو ر شاهين وهى فكرتنى بذكرى حلوة قوى
من سنتبن كنا بع ما ننزل من القطر نركب اتوبيس 912 للجامعة وفى مرة من المرات كان الاتوبيس فاضى جدا وانا قلت يا جماعة انا هاقف على الباب علشان الهوا
المهم وبحسن نية طلع الاتوبيس بينا وبدأت الناس تركب
واحنا فى السيدة عائشة كان الموجود منى جوه الاتوبيس هو دراعى الشمال وطرف رجلى الشمال والباقى كان بيرفرف برة الاتوبيس احسن من راية مصر على خط بارليف يوم 6 اكتوبر

وربنا يخلى بيوت المحسنين عمار

Unknown يقول...

هههههههههههههه
الكل مولع علشان مصر مش عايزة تصحى
ولله لو صحيت هيحصل حاجات كتير
عموماً احنا عملين جمعية علشان نشترى منبه

بس المدونة اكثر من رائعة والبوستات اجمل
تسلم ايدك

Kiara يقول...

مش معني اني نزلت الوصيه اني مكتئه لا خالث مالث انا فللللللللل يادنيا

والموقف اممممممممم

بصي هو الموقف دا انا قلته قبل كدا وهقوله تاني

**************

مش عارفه ليه وانا بكتب الموضوع مش فيه في ذاكرتي الا نونا اللي عندها 7 سنين

وهي في المدرسه والفصل عامل دوشه ميس امنه صممت تضرب الفصل وكعادت نونا

الشقيه المجنونه المروشه اللي كانت في اول دسك بقدره قادر بقت في اخر دسك و لما

الدور جه عليها فضلت تلفف المس الفصل كله وبعدها خرجت من الفصل والمس ورها

وجريت جريت نزلت السلم وراحت علي الحوش والمس وراها بتجري لحد اما لففت

المس الملعب ومش عرفت تضربها والمس راحت لمامتها وقعدت تشتكيلها (اللي هي

مامتي يعني احم احم )

*********
وافتكرت الموقف التاني لما كنت في اولي اعدادي والحكيمه جايه تشكنا عشان تعرف

فصيله الدم طبعا لففتهم الفصل كعاده شكلي بحب ادوخهم لا ومش بس كدا رحت لتيتا

سفتي ياتيتا اخدو مني دم وعملولي واوا وتيتا شربتني اللبن ونيمتني ومتوصتش بقي

لما ماما وصلت شفتي المدرسه عملوا ايه اخدوا دم من بنتك اللي لسه عندها 11 سنه

ماما بقي هاجت وصوتها جاب اخر الشارع ازاي ياخدو دم من طفله انا هوديهم في

داهيه هعمل واسوي وجت بقي تصحيني وتسالني وانا بوريها صباعي وبعيط ثفتي

ياماما الواوا ماما قالت واوا هي دي الواوا ماما بقي تنحت واوزيهلت وجالها فقدان

عام شامل للذاكره وقامت جبت لماما سكته كيكيكييكيكيكيكييكيكيك

******

وبرده وانا عندي 5 سنين بمناسبه رمضان بقي كانا كلنا عند تيتا واول يوم رمضان انا

بصوم من وانا صغيره المهم كااي طفله بحب المصاصه واللوليتا طبعا مش موجوده

دلوقتي بس كانت ببريزه المهم الكل بيستعد المغرب هياذن وانا فاتحه المصاصه

وموقفاها ومستنيه الادان والكل بيتفرج عليا كووووول قرايبي كانوا موجودين في اليوم

ده باخوات تيتا بولادهم وكوووووله وانا ماسكه المصاصه ولا هامنني وبابا يقولي

طب بعد الفطار اقوله تؤتؤتؤتؤتؤ هو دلوقتي يهديكي يرضيكي والكل يقول طيب نفسك

هتتسد انتي مش جعانه وهما بيدنوا في مالطه وانا ماسكه المصاصه ومستتتتتتعده

واول اما الاذان اذن قعدت امص المصاصه بقي وكلهم مش يفطروا لا فاطسنين من

الضحك عليا وتقولش بزغزهم ولا حاجه ايه ده بقي مخمصاهم هه بس


**********

دول 3 مواقف بجد مش بقدر انساهم في تاني بس دول اقربهم لقلبي

Unknown يقول...

ياااااااااااخبر يابشمهندسة
انتى شاغلة نفسك بىّ وبغيرى
من المدونين الغلبانين التعبانين
ربنايخليكى لنا يارب ويفرحك بصحتك وبعينك وبعافيتك وببناتك كمان تفرحى
بيهم يارب .
موقف مضحك
مممممممم
افكررر
وارجع
حاضر

Unknown يقول...

اللى جاى على بالى الحين :
فى فرح بنت من بنات اخواتى
وفى عزالزيطة والزمبليطة وترم ترم
يجى اخو العروسة اللى هو برضة ابن اختى ينادى العروسة من بعيد ويشاور لها :بسسسس بسسسسسس بسسسسسسس بسسس
البنت الحقيقة اتخضت وسابت الكوشة
والعريس وجت جرى ؟خير فيه ايه؟
هو:احنا ماشربناش بيبسى!!
مش عايزة اقولك والله
البنت كانت حتروح
فيها من الغيظ
لكن ربنا ستر
الحمد لله.
عقبال يارب كل
البنات البنوتات البناتتتيت

leeno يقول...

و لو اني مش من المهيسييين و لا من مدونين مصر بس لو تسمحيلي حابة اشارك معاكم

النهاردة قاعدة انا و ابن اخويا و ماما

ماما بتقوله لما عمتك تخلف لازم تخلي انت بالك من اولادها من كتر ما خلت بالها منك

راح قالها ااه انا حتجوزها و لما تجيب عيال حبقى انا اخلي بالي منهم بس كل يوم هي تدرسلي و تاخدني لفة بالعربية

Empress appy يقول...

ههههههههههههههههههه انا مش حزينه
انا فى فتره تحول يا حبيبى بس
وعموما كلها بكره او بعده وارجع لكم تاني ببوست بس جهزي ليه الدوست والمربى بقى وبلاش كنتاكي بعمل دايت بقى
وعموما انا النهارده بسمع اغنيه انا حبيت ولا ايه انا حنيت ولا ايه انا انا انا
ايوووون هى دي انا

عمرو يقول...
أزال المؤلف هذا التعليق.
mohamed ghalia يقول...

أنا فعلا ملاحظ زيك بالظبط
بس أنا مليش دعوة بالعالم دى
أعملهم إيه تانى بس عمال أبحث أبحث
يلا يلا بكره يتعلموا إنى خسارة نضيع الوقت ده كله فى الحزن
أكيد لازم نزعل بس نرجع على طول
دمتى بكل الود

Eno يقول...

ههههههههههههههههههههههههه
ههههههههههههههههههه


والله عندك حق زي مانكون شربنا حاجه في مية النيل خلتنا كده

اشكرك انك ذكرتيني في وسط اسماء الناس الحلوين دول ياقمر

بس والله انا كنت فاكره البنت مهيسه فعلا لحد لما انتو فهمتوني بأه

انا موافقه علي البوست الجماعي
هروح الف شويه في الشقه وافكر في موقف
حلو واجي اقوله

تحياتي يارب يجعلك دايما مجمعنا
في كل حاجه حلوه :)

من غير عنـــوان يقول...

عايزه رأي جد ولا تهييس

لو جد، ده شباب اليومين دول.. اللي حاجه من اتنين ونادرا ما تلاقس التالت:

* مش لاقي شغل ومكتئب وفاكر انه لازم يشتغل مدير يا إما بلاش
* بابي ومامي بيصرفوا عليه ، ووصل لحاله من حالات إكتئاب النرويج والدانمرك
* التالت ده الوسط الجميل.. اللي شاغل نفسه بحاجه بيحبها.. وفي طريقه إلى شعاده

لو تهييس:
بما إن ماحدش فاهم حاجه أصلا.. وبما إن اللي بيكتب مش فاهم إن اللي بيقرا مش فاهم... قام اللي مش فاهم.. حب يفهم.. وبرضه لسه مش فاهم

وقانا الله وإياكم شر الإكتئاب والحزن والتهييس

أمنياتي

princess يقول...

الحمد لله انا مش مكتوبة فى المحضر هههههههه
عموما هيا شوطة وان شاء الله تعدى
الفكرة حلوة اوى على فكرة:)
تحياتى

صبرني يارب يقول...

هههههههههههههههههههههههههه

معلش يا شموسه اصل فى ناس على البلوج زعلوووووووني اوي

وكدت اندم على ما فعلت لولا انى الحمد له فى ما فعلت كنت قصدي خير واخد ثواب الحمد لله فرجعت قلت لا مش ندمانه بس زعلانه منهم اوي

الله يهديهم ويسامحهم


المهم انا مش منكده والحمد لله بس بردانه يا شموووووسه هاموت من البرد هههههههههههه


وبعدين انا مش باخاف من الحب يا اختي انا باحب خالص مالص بالص ههههههههههههههه

وبالنسبه لموضوع بوست مشترك انا مواافقه طبعااااااااا

ومستعده استضيفكم عندنا فى مدونه الضاحكون

بعد اذن فرنسا والرايق مديرى المدونه

تحيااااااتي ليكى يا قمر

Foxology يقول...

يا حاجة شمس وماله التهييس ؟ بشرط انه يكون فرايحى كدة وزى ما المثل ما قال :

انا مهيس .. اذن انا موجود

مع الأعتذار لمسيو ديكارت


تحياتى :)

هــو..مش ..نـو يقول...

هوهو...يقول:ــ
انا شمشمت في كل كلمه...في البوست ..والتعليقات...وبلا مجاملات ولا تجملات احلي كلام ...قاله الواد من غير عنوان..
ولا تقولي فلان ولا علتان..
كله عالم تعبان نيمان ...وجعان
شارب من كيعانه وسكراااان.
===هوهو===

عاشقه الرومانسيه يقول...

وحبيبتي عاشقة الرومانسيه اللي كاتبه رسائل رقيقه تقطع القلب عشان الريس يرجع ومابيرجعش

انا اخدت الجزء بتاعى
ههههههههههههههه
جميله ملاحظاتك ياشموستى
اه شفتى الريس مش عارف يرجع مش مش عايز.. بس الظاهر انه نسى العنوان

والله عندك حق
واضح ان الاكتئاب ده عدوى
فيرس واصاب بلوجر على رأى ضد التيار

ياريت نبدأ بحاجه كويسه وكل الناس هتلاقيها اصابتها نوبة الضحك وتلاقى بلوجر مهيس كله وتشوفى بقى التهييس اللى على حق
والله انا فاتحه صفحته التعليقات قدامى من اكتر من ربع ساعه ومش فاكره موقف معين بس المواقف كلها بتكون غالبا مع ماما
لانها ست بسيطه جدا بس القعده قدام التلفزيون خلتها بقت مثقفه شويتين وبتطلع ثقافتها علينا انا واخويا
بتستعمل كلمات غريبه تحسى منها انها انسانه متعلمه وطبعا الكلمه بتكون فى محلها بس طريقه النطق بتكون فى الضياع
ههههههههههه
فبنضحك عليها كتيرونعلق على كلامها

ghorBty يقول...

السلام عليكم

بوست حلو اوي ولا نشرة الاخبار

ربنا مع الكل

باين عليها موجه وان شاء الله تعدي علي خير

او واخدين عين ناس بدون بقا

وربنا يستر

جزيت خيرا

غربتي

ادم المصرى يقول...

دى بقت ظاهره بس الغلط بأدينا احنا

واحنا الى صنعناه

واحنا الى بأدينا نصلح منو

romansy يقول...

بقى كده يا شمس
رومانسى وروقانه
طيب قولى اعمل ايه
الناس كلها تعبانه ومخنوقه
طيب اقولك حل جميل
احنا بجد بجد نعرض مشكلنا عليكى
وياريت بقى لو تعرفى توفقى رووس فى الحلال
تبقى كسبتى ثواب
وتبقى ضربتى
بطتتين بحجر

عاشقه وغلبانه يقول...

انا تعبانه وزهقانه وعندي برد
اهئ اهئ

حاسوباتيه يقول...

عند حضرتك حق فعلا بس الحزت بيجي غصب عننا بالعافيه كده بس فكره حضرتك حلوه قوي بس محتاجه وقت اعد افكر ايه اخر حاجه حصلت كويسه او مضحكه لانها للاسف مش كتير

حواء يقول...

فعلا ديه ظاهره
تقريبا زي مقالي حد قبل كده الشتاء والاكتئاب بتاعه
وزي مقولتي برده العيب مش في الحب العيب فينا احنا في اختيارتنا الغلط
لكن الحب ياعيني عليه
ياعيني عليه

الربان يقول...

تحياتي

فعلا الكأبة ظاهرة في المدونات يمكن للاحداث الجارية ...و الظروف الاقتصادية نتيجة الازمة المالية العالمية...

المهم...ربنا يفرج كرب الجميع.. و يسعد قلوب الجميع...

و لنستعين بالصبر و الصلاة....


تحياتي و تقديري

شمس النهار يقول...

*عمرو
ربنا يديم عليك وعلينا السعاده
بس انت ماكتبتش اي موقف مضحك لو سمحت ارجع تاني واكتب موقف مضحك

شمس النهار يقول...

*محمد حمدي
مش ممكن انت مش ممكن انت ماحصلتش
تقليد بالكتابه دي عبقريه لطيفه جدا
انا ضحكت فعلا كنت هموت من الضحك
اهلا بيك نورتني واضحكتني
بس برضه فين الموقف اللي هتشارك بيه في بوستنا الضاحك

شمس النهار يقول...

*ابو علي
اسمك مش مكتوب اذا انت زي مش مهييس
اه
انت كده بالفزوره دي اسمك هيتكتب اول واحد حمدالله علي سلامة حضرتك في عالم التهييس

شمس النهار يقول...

*محاسن
ربنا يكرمك ويجعل كل ايامك فرح
بس فين ياجميل الموقف الضاحك
مش هسيبك الا لما تحكي موقف حلو

شمس النهار يقول...

*الازهري
مش انا قلت الصلح خير يبقا الصلح خير وانا بعت اجيب كرتونة حبر علي حسابي ياسيدي عشان احل المشكله
اتغدي وارجع لي

شمس النهار يقول...

*بنوته
بنوتي خير خبر ايه يارب استر
صدقيني الحب جميل بس لما يكون صح
فين الموقف
انت بالذات بتكتبي حلو جدا اكيد هتكتبي كويس موقف اضحكك

شمس النهار يقول...

*سويت فيوليت
ربنا يريح قلبك ياجميله
وازهري ده ابننا حبيبنا لازم نعمل معاه صلح والحبر ياستي هيوصلك ان شاء الله
ياله اكتبي موقف حلو بقا

شمس النهار يقول...

*مستر بريزيدن
انا موفقاك في كل كلمه
عشان الحب مابقاش زي الاول
فااي حد بيحب بياخد عين ميه ميه
بس انا بميل لحب الروح عشان ده اللي بيدوم طول العمر
فين الموقف الضاحك

شمس النهار يقول...

*حرووف دلو مره تاني وجرح تاني سابقا
---------------
كل ده اسم ايه ياحروف ماحدش عنده حرووف غيرك
اهلا بيكي واهلا بكل اصحاب ازهري الغالي
بس لازم ولا بد تفتكري موقف ضاحك وتكتبيه

شمس النهار يقول...

*ازهري
ليه كده مش انا دعيتلك دعوه مضاده للدعوات افسدت الدعوات الدخيله
والفيرس اللي انتشر بين المدوينين ادينا بنحاول نقهره
مش ممكن موقف لطيف قوي
ماخفتش تقع والا الصدمه خلتك تتماسك

شمس النهار يقول...

*اصحي يامصر..اسلام ديو
حلوه موضوع منبه دي
بس تفتكر ان مصر مش صاحيه دي صاحيه وفايقه بس بتستعبط
بس مره واحده هتلاقيها مولعه الدنيا صحيان
فين الموقف الضاحك

شمس النهار يقول...

*كيارا
واضح ان طول عمرك شقيه
ربنا يسعدك دايما

شمس النهار يقول...

*نورهاتي
طبعا لازم اشغل نفسي بيكم انا بعتبر كل اللي في البلوج اولادي وبناتي حتي اللي سنهم من سني
موقف لطيف جدا ربنا يسعدك
ويريح قلبك

شمس النهار يقول...

*لييينو
اهلا بيكي يامدونييين مصر دي اقتباس من محمد صبحي في التمثيليه كان بيقول يابنات مصر يارجالة مصر اي حاجه مصر
لكن انت تنوري في اي وقت
الموقف ضاحك فعلا ايوه كده

شمس النهار يقول...

*ابي
الاغنيه دي جميله بس خاللب بالك مياده الحناوي بتغني كمان انا بعشقك
ربنا يسعد ايامك ويخليها كلها فرح وحب(صح)
فين بقا الموقف الضاحك

شمس النهار يقول...

*محمد غاليه
كده يامحمد ده انا قلت انك هتكتب كتابه كده ماتكتبش احبطتني
بقا محمد صاحب السعاده كلها مايكتبش موقف ضاحك

شمس النهار يقول...

*اينو
ربنا يسعدك وماتكونيش من المهييسين ابدا
فين الموقف الضاحك ياجميل

عمرو جويلى يقول...

الأخت شمس النهار
يسعدنى زيارة مدونتك لأول مرة
دعوة حلوة منك فى أول النهار وما أجمل الحب وما أسماها من كلمة
تحياتى

شمس النهار يقول...

*من غير عنوان
انا لوكنت قريت التعليق ده قبل البوست كنت وضعتك علي رأس القائمه كبير المهييسين
مين اللي قرا ومين اللي مافهمش مع ان قديما قالوا الحدق يفهم
وبعدين فين الموقف الضاحك :)

شمس النهار يقول...

*برنسييس
انت مش في القائمه عشان انت متفائله دائما
بس ده مايمنعش انك تكتبي موقف ضاحك واكيد عندك الكتير اكيد الاطفال عاملييين مواقف مضحكه كتير معاكي

شمس النهار يقول...

*صبرني يارب
ماعاش اللي يزعلك ياجميل
قولي مين اللي زعلك واحنا نقطعهولك ياشابه
ربنا يسعدك
وبردانه ليه بقا مع ان الحب اللي انت فيه مالص خالص ده بيدفي اقولك حب اليومين دول مضروب اشتري دفايه احسن
شكرا علي الاستضافه
بس فيييييين الموقف الضاحك

شمس النهار يقول...

*فوكس
المشكله يافوكس ان اغلب التهييس الموجود تهييس حزن واكتئاب
خفت لا تيقا عدوه جامده قلت ننزل بالتطعيم لا مانقدرش نسيطر علي الموقف ويخرج من ايدينا
فين الموقف الضاحك :)

شمس النهار يقول...

*هو..مش نو
نونو انت خبطت في الباشمهندس البنا(من غير عنوان)
بس فين الموقف الضاحك :)
اهلا بيك في اول زياره نونو

شمس النهار يقول...

*عاشقة الرومانسيه
مسيره يرجع هيروح فين يعني
بس بجد بجد تسلم ايدك علي اخر رساله حلوه جدا

شمس النهار يقول...

*غربتي
لا مااعتقدش انها عين هي زي ماتقولي كده اللي مستني النتيجه ده بالنسبه للطلبه واللي مستني نتيجة ابنه
واللي حب والا طالشي كده تعددت الاسباب والتهييس واحد
فيييين الموقف المضحك :)

شمس النهار يقول...

*ادم المصري
عندك حق كل حاجه الانسان السبب فيها قادر يسعد نفسه وقادر يتعس نفسه
بس فين الموقف المضحك والا انت بخيل

شمس النهار يقول...

*رومانسي
لا ياعم ده قاضي الغرام اشتكي يبقا انا الفقيره الي الله هعمل مع البط ايه
فيييييييييييييييين الموقف المضحك

شمس النهار يقول...

*عاشقه وغلبانه
سلامتك الف سلامه اتحسدتي والا ايه
خدي عسل وليمون يادكتوره والا باب النجار مخلع

شمس النهار يقول...

حاسوبتيه
انا مش معاكي في الموضوع ده مافيش حاجه اسمها ان الحزن بيجي بالعافيه
احنا في ايدينا نحوله من طاقه غلسه لطاقه مفيده
بسرعه اكتبي موقف ضاحك كده جميل زيك

شمس النهار يقول...

*حواء
اهلا بيكي في اول زياره
ايوه صح
اما الحب ياعيني عليه ياروحي عليه
في الدنيا دي مافيش اجمل من الحب
الاغنيه دي جميله جدا
فين بقا الموقف الضاحك

شمس النهار يقول...

*الربان
صح ياربان كل الكلام اللي قلته صح
بس فييييييين الموقف الضاحك ياريس:)

شمس النهار يقول...

*اللؤلؤه
اهلا بيكي في اول زياره
بس انت ليه مالبتيش الدعوا وكتبتي موقف ضاحك
بسرعه اكتبي موقف ضاحك

جلال كمال الجربانى يقول...

السلام عليكم

الحاله دى واضحه و الظاهر أن أحنا بقينا شعب مكتئب من كل اللى بيحدث حوالينا الحاجات التى تفرح أصبحت قليله جداً
والحاله مش خاصه بالمدونين فقط

والعلاج بتاعى أنا عارفه
أغير النظام وأعمل أى حاجه خارج نظام الرتم الذى أعيشه مثلاً أقرأ أى شىء خارج أهتماماتى

وربنا يكفينا جميعاً شر الأكتئاب وتوابعه

مـجـنـووون يقول...

السلام عليكم ومعلش علي التأخير كان عندي ظروف شويه

المهم طبعا كل وأحد له دماغه الخاصة بيه وإلي مريحاه

فلازم تلاقي كل وأحد بيكتب الحاجه إلي حاسس بيها

وبعدين الدنيا دي كلها مشاكل ووجع قلب والا انتي شايفه في حاجه عدله الواحد ممكن يفرح علشنها ؟؟

وانا بدعي لكل وأحد في ضيق أو زعلان أن ربنا يفك كربه وهمه يا رب العالمين

تقبلي مروري سيدتي
مجنووون

شمس النهار يقول...

*واحد من العمال
حمد الله علي السلامه
انا معاك الواحد لازم مايستسلمش لكده وكل واحد عارف علاج نفسه زي مابيقولوا الانسان طبيب نفسه
بس برضه فين الموقف المضحك :)

شمس النهار يقول...

*مجنننووون
حمدالله علي السلامه
لا انا مش معاك
في حاجات كتير في حياتنا جميله جدا بس انت عشان حالتك النفسيه مش شايفها
عارف لما كان الدنيا تكشر في وشي والاقي الحزن هيفكر وتسول له نفسه يقرب مني
كنت اروح اي عمل تطوعي في دار مسنيين او معهد الاورام وكنت اغرق نفسي معاهم وفي مشاكلهم واحلامهم اللي مش هتكون
كنت وانا راجعه سايقه عربيتي افضل احمد ربنا علي النعم الكتير اللي انا فيها وكنت اقول انا اجي ايه في الناس دي ده ربنا كارمني وانا مش حاسه
بقول لك ايه ياعاقل انت
فييين الموقف الضاحك اطلع بيه قبل ما اطلب لك البولييس التدوييني :)

حواء يقول...

موقف ضاحك
موقف ضاحك
انا اقولك
الموقف ده حصل مع فاطمه بنتي
كنت انا وهي في غرفة اختي
انا علي الكمبيوتر
وهي بتلعب بالعروسه بتاعتها علي الارض
وكل شويه تقولي أم
انا افتكرها بتقول مم يعني عايزه تاكل
اروح احضر اكل واكلها
مترضاش
اقولها امال مم ايه ؟؟ مش انتي عايزه تاكلي تهز رسها وتقول لا
ادخل اقعد علي الكمبيوتر
تيجي ورايا وتقولي أم
استغربت جدا
وقولتلها قبل ما اقوم من قدام الكمبيوتر
عايزه تاكلي ؟
هزت راسها وقالت لا
قولت يبقي في اختراع جديد عنده اسمه أم
اجرب واشوف هو ايه
فين وفين وبعد ضحك استمر ساعه من بابا وماما واختي وبعد عرض كل محتويات الشقه علي فاطمه اكتشفنا ايه هو الـ أم
اتاريه طلع القلم
الهانم عايزه ورقه وقلم علشان تكتب زي اختي وهي بتذاكر
ههههههههههههههههههههههههههههه

هــــــــــــايدي يقول...

هههههههههههههههههههههههه
ايه انتى مجمعه كل الناس كدا
بس بوست دمه خفيف والله معاكى حق يا جماعه العيب فينا احنا اللى مش بنعرف نختار اللى نحبه
ووكمان الفكره بتاعت البوست حلوه يلا نفذيها بسرعه

طوبه فضه وطوبه دهب يقول...

فعلا فكره جميله بتاعت البوست الجماعى ونظرتك فى محلها ربنا يفكها عليهم ويغيروا المود دا بقى

صبرني يارب يقول...

شموسه

تعالي عندي شويه فى اخر موضوع ايه ولا مافيش ورايا ستات فى البلوج ده سايبنى لوحدي
هههههههههههههههههههه

بنت الغربة يقول...

حبيبتى ياشموسه
انا الحمد لله عينى خفت خلااااص
وشكرا ياقمر لسؤالك على
بس الظاهر ان الكأبه حاله عامه فى البلد...حاااااااله عااااااامه
وربنا يفكها عن قريب بأذن الله
تحياتى ليك ياعسل وسلاااام كبييير لست الحبايب

من غير عنـــوان يقول...

أولا شكرا على المنصب الجديد.. كبير المهيسيين... حلو...

الموقف الضاحك..كان لازم بصوره... صوره بنتي الكبيره سلمى.. ( اللي فرحها إن شاء الله بكره) وهي سنتين تقريبا.. وكانت نايمه.. الضهر.. وأنا جيت من الشغل جايب لها شيكولاته.. وحاططتها جنب سريرها اللي بدرابزين من بتاع الأطفال... ودخلت ريحت شويه... وصحينا من النوم.. ونلاقيلك سلمى والسرير والحيطه والأرض... كلها شيكولاته...جبت الكاميرا وصورتها... وحاحط لها الصوره في الفرح... عقبال بناتك وكل البنات المدونات...

(:

أمنياتي

أحــوال الهـوي يقول...

الملاحظ ان الكل بيعبر عن الحب بكل اطرافه و لو رجعنا لمراجعك الكلثوميه
بتقول ياللي ظلمتوا الحب و قلتوا و عيدتوا عليه مش عارف ايه الي اخر الكلام
و الحب كده وصال ودلال و لقا

وانا اعترض علي وضعي بين قائمة المهيسين
و اوافق علي رابطة اراء المضحكين

تحياتي

elsha3er يقول...

السلام عليكم

متهيأليش ان فى حاجة ممكن اضحك عليها فى حياتى وعلى الرغم من كدة انا الابتسامة لا تفارق وجهى

انا عارف انى مقصر فى السؤال على حضرتك بس غصب عنى والله

تحياتى

احمد الشاعر

عاشقة القمر يقول...

ازيك واحشتني اوي عايزه قوليك ربنا استجاب دعواتك لي اخوايا حمدالله في 3 شهور تقدير جيد جدا فب رابع ممتاز
ام عن بوست فعلا احد لم يحب صح انا منزل اغنيه ياريت تركزي فيها تقول لي رايك فيه ايه فهمتي ولا انا بحبها ام انا بالنسبه مخنوقه اوحزينه عشان عدم الشغل لان صحابتي كلهم اشتغلوا اختي صغير ايضا اشتغل ربنا يساعدها هي لانوظائفه وحيد موفر في بلدنا درستها
ام صحابتي كانوا عندهم واسطه استغلوا كلهم لم بشوفهمكلهم اناجالسه في البيت بيكون حزين حتي بطلت شوف اي احد ام عن الحب والله نحنا عدنا حتي الان بتجوز بدون الحب كيف يارشحوا العروس لي احد اذاقال عايزه عروس يرحوا يطلبوها علي تطول يحصل عرس بعني الحب بعد زواج داه بالنسبه لي اهلي اومن قبائلة بتاعتنا ليس السودان

أحــوال الهـوي يقول...

اضافه بسيطة
الاعراض التي تتحدثين عليها ليست مستجدة علي مدونتي فانا كئيب بطبعي و ده حال كل ما اكتب منذ البدايه يعني مش ظرف طارئ و لا حاله مستحدثه

تحياتي

شمس النهار يقول...

*حواء
مواقف الاطفال بتبقا مضحكه عشان بتكون بعفويه
والواحد عمره مابينساها
ربنا يخليها ويبارك فيها

شمس النهار يقول...

*هايدي
اهلا في اول زياره
وشكرا علي الكلام اللطيف وفين بقا الموقف اللطيف المضحك

شمس النهار يقول...

*طوبه دهب وطوبه فضه
ازيك انت فين
وفين بقا الموقف المضحك ياله بسرعه اكتبيه فورا

شمس النهار يقول...

*صبرني يارب
اهلا بيكي معلش انا كنت مشغوله اليومين دول وكمان الللاب توب عطلان مابيدخلش علي النت ومش فاضيه اعمله بس هروح دلوقتي اشوف مين سولت له نفسه يدخل مدونتك ويقول كلام مايعجبكيش
احنا في الخدمه ياموووووووووودام

شمس النهار يقول...

*بنت الغربه
اهلا بيكي وحمد الله علي سلامتك والحمد لله انها عدت علي خير
وشكرا علي سؤالك علي ماما وهي الحمد لله بخير دلوقتي
فين الموقف الضاحك اكيد بيكون في الغربه مواقف كتير بضحك

شمس النهار يقول...

*من غير عنوان
الف الف مبروك
والله دي فرحه كبيره جداجدا
ربنا يفرحك بأخوتها يارب
وطبعا كارت الدعوه جميل جدا جدا مش هو ده اللي حضرتك حاطوه علي البوست
ربنا يبعد عنهم عيون الحاسدين
مبروك

شمس النهار يقول...

*احوال الهوي
ليه زعلان ومعترض انا مخليياك مع شعراء الحب والفراق
وفين الموقف الضاحك ماكتبتوش ليه

شمس النهار يقول...

*الشاعر
اهلا بيك وحمد الله علي السلامه
انت ليه مش بتكتب اشعار كتير زي الاول
وبعدين فين الموقف الضاحك اكتبه بسرعه
وماتغبش تاني لحسن اجيبك بالبوليس التدوييني

شمس النهار يقول...

*عاشقة القمر
ربنا يبعت لك الوظيفه الجميله اللي تحبيها
وكمان ساعات كتير الزواج اللي بالشكل ده بيكون ناجح اكتر من زواج الحب
فيين الموقف الضاحك

صوت من مصر يقول...

للاسف انا كئيب وحزين فعلا ؟؟؟؟!!!!!

سمكه واحده يقول...

يا احلي شمس نهار في الكون اللي منوره الكون كله اولا
البلوجر وصاحبه البلوجر والبوستات اللي موجوده كلها تحت امرك ومن غير ما تطلبي انتي تأمري دي حجتك وحاجه الناس الجميله دي كلها قبل ما تبقي عندي ياستي انتي تشرفيني وتكتبي وتقولي اللي انتي عيزاه ده اصلا حاجه تفرحني انها تعجبك ياقمر
ثانيا
فكرهتك اكثر من رائعه واستني كده لما الواحد يفكر عن الموقف هي موقف كتير وكلها مهيسه
تحياتي ياقمر
بس بردو بخاف من ام كلثوم ومش بحب اسمعها وخاصه في الضلمه بتجبلي اكتئاب وانا صغيره وبحس بالوحدويه
ده زماااان يعني(وش بيستهبل)

كلام على بلاطة يقول...

مارس، 2009
كله يهون الا التصعيب
الصعاب كلها تهـــــــــــون ولا يهون التصعيــــب
فقسوة الحياة فى حاجة الى حنــــــــــــية وترطيب
وتعقيد الامــــور قمة الجور والتعــــــنت والترهيب
فيا معقداتى بلاش شـــــــغل القراداتى الغريــــــــب
والباس الحق ثوب الباطل والباطل ثوب الحق الحبيب
بما يقلص الفرحة ويكــــــــتر من البكاء والنحيــــــب
فعد الى عقلك واسلك حســـــن المسلك تجد الترحيب
وبادل الناس حبا بحب بالرغبة الطيبة والترغيـــــــــب

مرسلة بواسطة ابو المفاصل الواصل في 01:32 ص 0 التعليقات