الأربعاء، 22 يوليو 2009

وحشتوني


ازيكم
وحشتوني كلكم
وباعتذر انى ماقدرتش ارد علي تعليقاتكم اللطيفه لضيق الوقت وباشكركم كلكم
بس ان شاء الله لما ارجع هرد عليها في بوست كبير جدا جدا
وليه ماجوبتوش علي الفزوره؟
قليلين جدا اللي ردوا عليها ليه؟
الحمد لله انا بخير وكله تمام امريكا الطبيعه فيها جميله جدا سبحان الله الجمال الرباني في كل مكان
وبصراحه همه محافظين علي النعمه دي
وكل مااروح مكان اقول احنا كمان عندنا حاجات جميله بس مش محافظين عليها مع ان احنا اولي بالحفاظ علي النعمه عشان ديننا بيقول كده
وتذكرت الامام محمد عبده لما رجع من فرنسا وسؤل كيف وجدتها
قال وجدت اسلام بلا مسلمين
العباره دي كنت كل ماافتكرها استغرب جدا ازاي امام كبير كده ويقول كده عليهم
لما جيت هنا عرفت ليه
وعرفت ليه ديننا دين عباده وعمل وسلوك وليه ربنا جعل كل سلوك نعمله له ثواب وعقاب
زي مثلا حق الجار واماطة الاذي عن الطريق وحق الطريق و حاجات كتيره جدا
هم بيعملوها و جعلت بلدهم نظيفه والمرور منتظم رغم ان في ساعات بتبقي زحمه بس في نظام
الناس دي سلوكها كما قال ربنا فبلدهم تقدمت وبقت في العالي في كل شئ
انما الامم الاخلاق
وماحدش يقول لي الاباحيه عندهم ومش عارفه ايه
انا بتكلم عن السلوك العام اللي هو الفعل اللي بنعمله ينصب نتاجه علي الاخر والمجتمع والتقدم واهم حاجه الامانه هنا مابيكدبوش عشان كده فيه ثقه
اما الاباحيه هنا لاتنصب الا علي الشخص نفسه مش علي الاخرين
وامريكا مش ورديه مع البوست ده صورتين لجمال البلد وتقدمها ونظافتها
وصوره لشخص لم يجد الا ان يدهن نفسه بالالوان الضاره عشان يعيش واخري تجمع من الزباله اكلها والصورتين متصورين في اغلي بلد في العالم واحلي بلد في العالم
سان فرنسيسكوا
ايه رأيكم ؟



هناك 66 تعليقًا:

SHAPE YOUR LIFE (ABOALI) يقول...

هييييييييييييه

اول تعليق قبل استاذ عمرو

احمدك يا رب


اقرء بقى واجى

بس قبل ما اقراء

اسجل انك وحشااااااااااااانا

عمرو يقول...

صباح الخير يا برنسيس بالمصرى و مساء الخير برضو يا برنسيس بالأمريكانى :)
أنتى كمان وحشتينا و الله و نتمنى ترجعى بالسلامه عن قريب اٍن شاء الله .. و كل من طرفنا بخير و يهدونك ألف مليون سلام طاير على جناح الحمام و متنسيش الكاسيت أبو بابين و البطانيه النمر ..
لا صحيح ده أنتى مش فى العراق :))
طبعا الناس دى الحقيقه أخدوا أفضل ما لدينا و طبقوه فى حياتهم .. و اٍحنا للأسف أخدنا أسوء ما لديهم من طباع و سلوك و أخلاقيات و طبقناه فى حياتنا تشبها بهم و بكده آل أيه نبقى حلوين !!
ما يذهلك حقا و صدقا أن الغرب بصفه عامه كل فرد فيه بيعتبر نفسه دوله قائمه بذاتها .. كل واحد بيحسن من سلوكه الفردى و دى النظريه اللى أتكلم عنها فى بوست أخونا من غير عنوان و هى نظريه صحيحه تماما لأن لو كل فرد فى المجتمع أعتبر نفسه كيان قائم بذاته و هو وحده المسئول عن مراقبة سلوكياته و تهذيبها و تنظيمها و تنظيفها من الشوائب أولا بأول لأنصلح بالفعل حال لمجتمع ككل ..
و طبعا أكيد الجمال الربانى حواليكى فى كل مكان يعنى لا مكياج و لا غيره :)
بس برضو الجمال المصرى يكسب بدون مناقشه ..
بس صورة اللى بتجمع أكلها من الزباله صوره جامده جدا جدا و ياريت لو تصورى لنا كمان عربيات الكارو لو فيه و الشحاتين الأمريكان و اللى بيسرحوا بعلب مناديل فى الاٍشارات زى ما هم كمان بيصوروا الحاجات دى عندنا و بكده نبقى خالصين و 100 فل و عشره :)
وحشتينا ..
تقبلى تحياتى و تقديرى و ترجعى بالسلامه ..

عمرو يقول...

ABOALI
صباح الخيييييير :)

SHAPE YOUR LIFE (ABOALI) يقول...

سبحان الله
جعل فى كل خلقه حكمة

اعطى الجميع بالتساوى عطاء الربوبية

ولم يحرم احد من فضلة سواء اكان كافر او مشرك او ملحد او على ايمان


جعل الفيصل دائما العمل الصالح والتقوى

سيدتى وهبنا الله الدستور السمائى
فبحثنا عن الدستور الارضى

وعندما بحثنا اخذنا اسوء مافيه

وضع الخطط وعمل المتابعة لها مع شوية همة

هى قاموس النجاح

وبنحلم فى يوم وايدينا فى ايد بعض اننا نغير ان شاء الله ما لا يرضينا



تحياتى من مصر

ولك كل العذر ولك ايضا لك الثواب انك فاكرنا فى خضم المعيشة فى اوربا والدول المتقدمة

اتمنى عودا احمدا ان شاء الله

SHAPE YOUR LIFE (ABOALI) يقول...

يا صباح الفل
يا استاذ عمرو منور والله

مرة من نفسى بقى

صوت من مصر يقول...

كلامك كلو صح الصح فعلا
بس فى حاجه محيرانى
احنا ليه كده
مش هما ليه كده

عموما حبيت اوصلك السلام
محاسن صابر سالت عنك كتير
كتير
كتير
وانتى قولتيلى جمله دبستينى ومحاسن اجبرتنى
فاكره انت قوليلى اشتغل ايه ؟؟؟؟؟؟؟؟؟؟؟؟؟
وانا رفضت نظرا لظروف معينه
لما ترجعى نقول بقى

EMMY BABY يقول...

ترجعى بالسلامة ان شاء الله يا شموسة علشان ضد ذلانى كل شوية تقلى لما ترجع شموسة هههههههههههه

بالنسبة للبوست هما فعلا عندهم حاجات احسن من عندنا بس احنا هنا عندنا اماكن حلوة اوووووووى وانا ممكن اصورلك صور فى مصر احلى من دى بكتير بس هى الفكرة ان للاسف فى مصر مناطق عشوائية كتير مفيش اى اهتمام بيها

ترجعى بالسلامة ان شاء الله وهاتيلى وردة معاكى من هناك

تحياتى

ايمى

وردشان smilyrose يقول...

السلام عليكم ورحمة الله وبركاته

وحشتينى جدا جدا جدا

وترجعى بالف سلامة

انا مستنية وعدك فى التليفون

باول لقاء بعد رجوعك ان شاء الله


وخلى بالك من نفسك فى بلاد الفرنجة

ههههههههههههههههههههه

غير معرف يقول...

ترجعي بالسلامه يا شموسه .. ويارب تكوني مبسوطه اوي هناك :)

هما فعلا شعب راقي اوي .. حتي بيقولو مسلمين بلا اسلام :)

الصور حلوه اوي
عايزاكي تصوريلنا بقي حتت كتير :))))))))

وخدي بالك من نفسك

تحياتي

غير معرف يقول...

وحشتيني ياقمررررر

معك حق للاسف وعمرنا ما هنقدر نعمل زيهم

الموووهم انتي كيفك ويارب ترجعي بالف سلااااامة

تحياتي

mimi يقول...

الناس دي نايمة هنا ولا ايه؟

mimi يقول...

بجد نورتي المدونة والمدونات اللي جنب المدونة

وحشتينااااااااااااااا

د. ياسر عمر عبد الفتاح يقول...

هوه حضرتك كمان كنتي غايبة
وكمان مسافرة أمريكا
والله ما كنت أعرف
أنا أصلي كنت في غيبوبة وكنت غايب ,, بس من غير أمريكا

ربنا يجيب حضرتك بالسلامة

أمل حمدي يقول...

ازيك يا شموسة

يارب تكوني بخير وانت كمان وحشتينا ربنا يرجعك بألف سلامة

الايام مافيش اسرع منها عمالة تجري ومش ملاحقين

ترجعي باسلامة

(حلـم) يقول...

ماما شموسه وانتي كمان وحشتينا ونورتينا ونحبك اوى علشان انتي ست الكل وانتمائك اصيل للتقدم والتقدمين اينما كانوا والعكس دمتي للامام

عاشقه الرومانسيه يقول...

وحشتينا قوى ياشموسه
يارب ترجعى بالسلامه
عجبتنى قوى الجمله دى
وجدت اسلام بلا مسلمين

ربنا يسعد ايامك يارب

Unknown يقول...

نورتى مدونتك
يابرنسيسة ياشموسة:)
ويارب ترجعى بالسلامة
واحشانا ومنتظرينك
اوووووووووووووووم

assafo anaroze يقول...

شمس
يا رب تكوني مستمتعة جدا في امريكا و يا رب تكوني بخير
وحشتنا بوستاتك الرائعة
مودتي

♥نبع الغرام♥♪≈ يقول...

السلام عليكم


يارب ترجعلنا بالسلامه وبجد وحشتينا قوووى

جميل قووووووووى البوست ده وكلامك اجمل عن النظافه والجمال الموجود هناك وصحيح ليه احنا كمان مش نحافظ على النعمه دى

ربنا يروق بالك يارب ونتظرين عودتك ياحبيبتى بالف سلامه

بحبك قووى انوسه

خمسة فضفضة يقول...

السلام عليكم ورحمة الله وبركاته

تيجي بالسلامه يا شموسه

وانت كمان وحشتينا

مي يقول...

وحشتينا يا شموسه تيجى بالسلامة ان شاء الله ويارب تكونى مبسوطة هناك
ترجعيلنا بالسلامة ياقمر

Sweet Violet يقول...

شموستى الجميلة وحشاااانى موووووووت v_v
اما بقى عن البوست فلا تعليق
بجد بجد بضايق و بزعل على مصر لما اشوف كده
لان مصر جميلة بس للأسف اللى فيها مش عارفين يحافظوا عليها v_v

ترجعى بالسلامة ياشموستى
^_^

الازهرى يقول...

شموستنا الغالية

وحشتينا وحشتينا وحشتيييييييييييييينا

اهلا أهلا أهلا بأعز الحبايب

تعرفى كان فى دماغى انى اتكلم عن موضوع النظافة ده من يوم ما كنا فى كوستا وباذن الله يكون عن قريب

أما بالنسبة لأمريكا فدى ببساطة بلد عرف أهلها إنها بلدهم واهتموا بيها فبقت جنة انما احنا عالنا زى ما انت عارفة

بالمناسبة صحيح بما انك فى سان فرانسيسكو حاولى تروحى جزيرة الكاريتز وتوصفيها لى علشان ناس بيقولوا انها جميلة وبصراحة حاسس انه مقلب منهم

على العموم الشهر قرب ينتهى وترجعى لنا بالف سلامة

Nostor Azzuro يقول...

حمد لله على السلامة

و امريكا هى ام الدنيا حاليا

إبن مصر يقول...

السلام عليكم

مش يهمنى ده كله قد ما يهمنى انك بخير


طبعا غيرتك على الإسلام والمسلمين واللى انتى شوفتيه سبق وشوفته فى دوله من دول اوروبا ووالله كنت حزين نفس حزنك
وبرضه مش لقيت احسن من شعبنا ده شعب على الفطره زى ما بيقولوا يعنى بالمصرى

كل تحياتى وترجعلنا بألف سلامه ودايما ممده لنا بالصور الجميله ومدفيه المدونات يا شمس المدونات يا شمس النهار


تحياتى

صبرني يارب يقول...

شموسه وحشااااااااااني يا جميل خالص والله

يلا بقى تعااااااااالي


يارب تكوني مبسوطه


وفعلا انا بارد كده على الناس الى بيسألونى ليه ربنا ما يخليش المسلمين احسن ناس فى الدنيا

اقولهم عشان احنا مش مسلمين على حق لما نبقى على حق هانبقى احسن ناس فى الدنيا ان شاء الله

mohamed ghalia يقول...

ترجعلنا بالسلامة يا شموسه
أثرت فيا بكلامك وتذكيرك بالفرق بينا وبينهم
بجد حاجة تكسف
انى حالنا بقى كده
الصورتين جمال أوووووووووووووى
ربنا يسعدك

Kiara يقول...

وحشتيني ياشموستي بجد ووحشنى كلامنا وحشتيني اووووووي اوووووي بجد ومفتقداكي جدا جدا جدا

بسنت صلاح الدين يقول...

ده انتى اللى وحشتينا يا قمر، يارب ترجعيلنا بالسلامه ان شاء الله، والله الواحد بيزعل اوى على بلدنا اللى اولادها مستهترين بكل مافيها من جمال، بس خلينا واقعيين امريكا كده مش عشان الحكومه كويسه بس و شايفه شغلها من غير فساد ،دى كمان عشان اولادها مقدرينها و عاوزين و بقوا فعلا ارقى دوله فى العالم

romansy يقول...

حمد الله على السلامه يا شموسه غبتى فغابت شمس الضحى والنهار ونورت فى سان فرانسيكوا ماشى يا شموسه جبتيلنا ايه بقى من هناك
لالالالالالالا
مش مهم المهم رجوعك بالسلامه

والصور الجميله دى وطبعا عمرنا ما نقدر نزعل منك

طوبه فضه وطوبه دهب يقول...

yarb trg3y lena balf slama bgd bgd wa7shtena ya a7la shamosa

tarek momen يقول...

انتي هاتحضري رمضان في امريكا
ابقي سلمي علي اللي عندك وشوفي مسلسلات بعد الفطار الأمريكاني
تحياتي

موناليزا يقول...

وحشتييييينى ياحبيبتى ونيجى بالسلامة ان شاء الله
وانا عن نفسى متفقة مع كلامك جدا فالاسلام تعامل وسلوكيات

غير معرف يقول...

كلامك صح الصح ومفهوش نقاش

بس يلا ربك يعدل الحال

المهم انك بخير ياقمر

منورانى فى قهوه العربى

بس انا مستنيه منك زياره فى مدونتى الخاصه

همس الاحساس

ومش هتنازل عن الزياره دى مليش دعوه

هههههههههههههههههههههههه

ولا مش عاوز تنورينى

؟؟؟

حنين

Tamer Alhosiny يقول...

ايه ده
انا اخر حد في الدنيا بيعرف الاخبار
انا اسف
انا عملت بوست بمناسبة عيد ميلادي
وسميته شمس النهار

مش عارف ليه استنيت اسمع رايك فيه
يمكن لانه اسم مدونتك
ده تاني بوست ليه بنفس الاسم
شمس النهار

بس فوجئت انك سافرتي
اتمنالك اوقات سعيدة يارب
وترجعي لبيتك واهلك بخير يارب وسلام

تحياتي
تامر الحسيني

MaNoOoSh يقول...

وحشتينا جدااااااااااا جدا يا شموسة

كلامك صح فعلا هم هناك عارفين ان افعالهم نتيجتها بتظهر على المجتمع علشان كده بيحافظوا على السلوك العام

وياريت فعلا تنزلي فى المدونة صور كمان لأمريكا من عدستك

أحــوال الهـوي يقول...

تحياتي من السعوديه و رجلي التانيه في مصر
مثل كل شئ لدينا نملك نملك المهارة و لا نهتم بالتغليف
ننظف بيوتنا من الداخل و نلقي الزباله في الشارع

لا نميط الاذي عن الطريق
نبني المصانع و نهمل الصيانه
نقيم اشارات المرور و نعين عسكري مسكين ينظم المرور

نحسن السلوك والاتيكيت في الاماكن الراقيه و نشيع الفوضي مع الفوضي

بس طيبين قوي

و مقال يحسنا علي الغيرة و محاولة تفهم عمق تعاليم ديننا

تحياتي من فوق السحاب

hasona يقول...

السلام عليكم

يعني ان شاء الله هتنوري مصر امتي

وهتشاركينا النعم اللي مش محافظين عليها امتي باذن الله

ان شاء الله تتمتعي برحلتك وتعودي الي مصر بألف سلامة


،،
فعلا هناك اسلام بلا مسلمين وهنا مسلمين بالاسم فقط

غير معرف يقول...

و الله انتى معاكى حق

إسلام بلا مسلمين
ياريت نبقى زيهم بس ماشين بتعاليم ديننا كمان

ياريت!!

غير معرف يقول...

السلام عليكم
حمداً لله على سلامة حضرتك
وعوداً حميداً إن شاء الله
خالص تقديرى

ادم المصرى يقول...

حمدله على السلامه

والله رجعتى بنورك من جديد

MǿиY El-Shreef يقول...

ازيك ياقمرتي

وانتي والله وحشاني اوووووووووي جدا خالص

وماشاء الله ربنا يزيدك سعاده وجمال يارب

وعندك حق والله ف كلامك ياريت كل واحد عالاقل يبدا بنفسه وكلنا هنعلى ببعض

ربنا يرجعك بالسلامه ياقمر

ذو الوجه المبتسم يقول...

السلام عليكم

ان شاء الله تكونى بخير اختى شمس النهار
ترجعى بالسلامة وتنورى بلدك
رحلة سعيدة ومتتعة باذن الله

تحياتى

أنا حر يقول...

ان شاء الله ترجعيلنا بالسلامة بس بالتاكيد حلاوة امريكا اكتر من الحاجات الوحشة عكس عندنا وده اللي بنتمناه ان ايجابياتنا تبقى اكتر
تحياتي

rovy يقول...

ازيك يا شمس
انتى كمان وحشانااا
ربنا يحفظك و ترجعى بالف سلامه
عندك حق فى كل كلمه قلتيها بجد انتى صح جداا و ياريت نتعلم و نبطل نشوف الدين مجرد مظاهر و بس و ننسى ان اهم حاجه فى ديننا روحه و جوهره و ان الدين معامله ..
جميل قوى احساسك و انتى فى الغربه
على اد احساسك ببلدك و حبك لها .. على اد ما انتى بتتمنى لبلدك الاحسن و ان ناسها تتغير و تبقى فى يوم احسن ..
وقادره تشوفى النعم الربانيه اللى هما قادروا يحافظوا عليهاو اللى احنا مع كل الاسف دمرناها ..

الضمير يا اختى .. ايوه تخيلى انهم مش مسلمين بس ناجحين لأن عندهم ضمير
تخيلى لو ضمير شعوبنا صحى حيكون حالنا ايه .. !!

ربنا يحفظك و يصونك و ترجعى بالف سلامه
تحياتى

Eno يقول...

انتي كمان وحشتيني اوي ياشموسه :)

فعلا اسلامنا دين سلوكيات ومافيش اجمل من الطبيعه والحفاظ علي صنع الله :)

ترجعلنا بالسلامه :)

تحياتي :)

اقصوصه يقول...

الصور وايد حلوه

وانتي كمان وحشتينا

يتجلى ابداع الخالق في كل مكان

تقبلي مودتي :)

تامر علي يقول...

الواحد لايملك طبعاً إلا الاتفاق تماماً مع كلام حضرتك والدعاء بأن يمن الله علينا بالخروج من النفق المظلم

تحياتي وتقديري

ALHAYAH يقول...

مدونتك رائعه


اتفق معكى فى كل كلمه

فعلا فغ امريمكا الاسلام الحقيقى

وهم يحترمون العمل والحياه والحريه الخاصه

وللانسان قيمه كبيره هناك

اتمنى ان نكون مثلهم ونحن هنا فى بلادنا

تحياتى

حاسوباتيه يقول...

وحشتينا جداجدا بجد الصور جميله وفعلا هما بيطبقوا الاسلام عننا علشان كده تقدموا
والتناقض في الصور غريب فعلا

ترجعيلنا بالسلامه يارب

Dr. Ibrahim يقول...

من أمريكا إلى الشاطىء الأخر :)

ورحلة سعيدة

فعلا الناس دى مسلمين بلا إٍسلام

لانهم فى دنياهم يأخذون بالأسباب

فتقدموا ونجحوا

وينقص المسلمين الاخلاق وأن يصحوا ضميرهم ويصحوا من سباتهم العميق..

dina يقول...

صح و الله...كلمة امامنا محمد عبده دى فى الصميم اصلااااااااا
يا رب تكونى مبسوطة هناك ياااااااااا رب

دعاء مواجهات يقول...

الف حمدلله على سلامتك وترجعى بألف سلامة

انا عارفة انى مقصرة فى حقك اوى بس بجد مش بإرادتى

وبالنسبة للبوست كل كلامك صح كل مكان فية كل النماذج

تحياتى وودى ومحبتى

♥نبع الغرام♥♪≈ يقول...

اذيك ياقمرى اخبارك ايه يارب تكونى بخير

ايه الغيبه دى كلها

منتظراكى عندى ليكى حاجه

امووووووووووووواه
انوسه

aidy يقول...

انتى كمان وحشتينا اووووووووووووووووووووووووى


ان شاء الله ترجعيلنا بالف سلامة

عجبتنى اوى الصور
الطبيعة جميلة فى اى مكان بس محتاجة لحد يحافظ عليها

غير معرف يقول...

أمى الغالية
السلام عليكم
أين أنت يا أمى من عالم التدوين ؟
أرجو من حضرتك إنك تطمنينى عليكِ
أتمنى لك التوفيق
خالص إحترامى

son's egypt يقول...

السلام عليكم
فعلا بلدنا فيها حاجات كويسة بس محتاجة للتغير
بس التغير مش حيجي من فراغ لازم احانا نغير من سلكويتنا الاول طالما سلونا اتغير اكيد كل حاجة بعد كده حتتغير

Israa El-sakka يقول...

يا رب تكوني مسبوطة يا شموسة و فعلا أمريكا نديفة جدا يعني متلقيش عقب سيجارة في الأرض !! عشان كده الناس بتتلغبط دايمن و بيعنقدوا أنه المادية الغربية هي الصح بما أنهم الاكثر تقدما و إحنا الأكثر تخلفا بالنسبة لمقولة رفاعة الطهطاوي دي أنا مش بحب بحسها مش دقيقة أوي !! أو بحس أنها مش لايقة تطلع من أزهري
مستنية جديدك و مستنين تنوري الوطن من تاني إن شاء الله
تحياتي

جارة القمر يقول...

نورتينا

ليكي وحشة

جارة القمر يقول...

صدقيني بلادنا دوما اجمل ونحن أرقى

لوكن لا ادري ماذا يحدث

غير معرف يقول...

أمى الغالية
السلام عليكم
أين ذهبت من عالم التدوين ؟
إيه أخبار حضرتك ؟
وأين حضرتك من عالم التدوين ؟
طبتِ يا أمى وطاب سعيكِ

yoyo يقول...

حمد لله على سلامتك
نورتى مدونتك من جدي و نورت عالم التدوين كله والله

اجمل مافى الغرب احساسه بالمسئولية تجاه النعم و الاشياء اللى اتواجد معاه و بيحاول ان يحافظ عليها وكمان يطوره مش مجرد تفاخر بيها وخلاص
احنا مع الاسف دايما نتفاخر باشياء متهالكة ونجرى على الغرب ناخد منهم الاسواء و نبعد عن الصح

نورتى من جديد يا شمس الشموس
تحياتى
يويو

غير معرف يقول...

توصلى بالسلامه ان شاء الله

كلنا فى انتظارك ياقمر تيجى بالف سلامه يارب

حنين

princess يقول...

ترجعى بالسلامة يا جميلة انتى وحشانى اوى اوى
استمتعى بوقتك :)))

شبــ اون لاين ـــاب يقول...

السلام عليكم ورحمة الله وبركاته

ازيك اخبارك ايه يا رب تكونى بخير

سورى على التقصير كنا مشغولين شويه

ابقى طمنينا عليكى

فى رعايه الله

Joker

من غير عنـــوان يقول...

إذن أنت تتابعين المدونات من أمريكا
آدي التكنولوجيا

كتر خيرها

أخبار أمريكا ايه
إن شاء الله مبسوطه هناك

ترجعي بالسلامه يارب