الخميس، 13 أغسطس، 2009

سؤال علي الماشي كده

flowers Pictures, Images and Photos


ازيكم الاول
وطبعا وحشتوني
ان شاء الله راجعه مصر يوم الجمعه 13 اغسطس العصر(جميل)
حيث اني هاخد الطائره الخميس الصبح اللي هو في مصر الخميس بالليل
وبعد رحله لمدة 26 ساعه اصل برضه مصر يوم الجمعه العصر
ازاااااااااي؟
حد يعرف الاجابه :)
قالوا لي اصل انت هتسافري عكس الزمن!!!!!!!!!!!!!

Animated Flowers Pictures, Images and Photos

هناك 37 تعليقًا:

عمرو يقول...

صباح الخير يا برنسيس :)
تيجى بألف سلامه اٍن شاء الله و تنورى مصر و البلوجر و القلوب ..
هو الحقيقه أنتى مش مسافره عكس الزمن لكن مسافره عكس خطوط الطول اللى عبرتيها من مصر لأمريكا من الشرق للغرب لكن فى رحلة العوده حتعبريها من الغرب للشرق ..
حد القياس الزمنى هو خط جرينتش فى اٍنجلترا و خطوط الطول شرق خط جرينتش تسبق فى التوقيت خطوط الطول غرب خط جرينتش ..
و هى كلها مرتبطه بالشمس و ده بيفسر ليه مثلا التوقيت فى مصر بيسبق ليبيا و ليبيا بتسبق تونس و تونس بتسبق الجزائر و الجزائر بتسبق المغرب .. و هكذا ..
فيعنى أنتى مش مسافره عكس الزمن و لا حاجه ماتقلقيش :)
لأن السفر عكس الزمن بيدخل ضمن نطاق نظرية أينشتاين فى السفر عبر الفضاء الكونى و حيث ينعدم الزمن أصلا و ده موضوع تانى خالص ..
توصلى بالسلامه اٍن شاء الله ..

الازهرى يقول...

الأمر لله أكون التانى
عمنا عمرو دايما الأول

حاجات جوايا يقول...

السلام عليكم ورحمة الله وبركاته
ازيك يا جميلة
استاذ عمرو كفى ووفى
توصلى بالسلامة ان شاء الله
وتنورى مصر

الازهرى يقول...

طبعا باحنى راسى لفيلسوفنا العظيم
جاوب السؤال صح جدا
واحسن منى عل الرغم من التخصص

بس فذلكه كده ادى مثال احلل بيه القرشين اللى والدى دفعهم كده فى الكليه

حطى قدامك الكرة الأرضيه وانت طبعا الشمس
وخليها تلف بحيث الشمس تتحرك من الشرق للغرب
واتخيلى ان الطيارة طايره ناحية أمريكا من مصر هتلاقى إنك ماشية مع اتجاه دوران الأرض إنما وانت راجعه من هناك لهنا هتلاقى انك ماشيه بالعكس

وبكده بتختصرى مسافات مقطوعه من الزمن
فهمتى المثال ؟
اتمنى
لانى بصراحه مش فاهمه
انما قالوا لنا فى التوجيهيه كده

وعموما ترجعى لنا بالف سلامه

ذو الوجه المبتسم يقول...

ان شاء الله تيجي بالسلامة
تنورى مصر

اعتقد الاستاذ عمرو جاوب على السؤال صح

اعتقد فرق التوقيت بين مصر وامريكا 8ساعات تقريبا

كل سنة وانتى طيبة

د. ياسر عمر عبد الفتاح يقول...

ياااااااااااه أخيراً
حمد الله علي السلامة مقدماً

التفسير زي ما قال أستاذ عمرو بالظبط
حضرتك بتسافري عكس إتجاه الشمس

المهم إن حضرتك توصلي بالسلامة

أحــوال الهـوي يقول...

لا لانك كنت مسافرة عكس رغبتننا

و ده يفرق بالنسبه لاشتياقنا لوجودك بمصر

ترجعي بكل سلامة و لا تنسينا بدعائك فدعوة المسافر مجابه


بدات مصر تنور

تحياتي

Tamer Alhosiny يقول...

عزيزتي شمس النهار

ترجعي بالف سلامة وفعلا كدة مصر هتنور بجد

واتمني اننا نلتقي باذن الله

تحياتي

تامر الحسيني
انسان عاشق حر

Eno يقول...

تؤصلي بالسلامه ياشموسه مستنينك تطمنينا علي وصولك بالسلامه :)

تحياتي :)

romansy يقول...

توصللى بالسلامه يا شموسه
بس اوعى تنسى الهدايا

مستنين جديدك

فرفشة الوان يقول...

توصلي بالسلامة ان شاء الله

خمسة فضفضة يقول...

السلام عليكم ورحمة الله وبركاته

تيجي بالسلامه يا شموسه

هاتنوري مصر

كل سنة وانت طيبه

مامة مازن يقول...

ترجعى بالف سلامة وتنورى مصر يا شموستنا
اشكر الناس الطيبة اللى فسرت السؤال شكرا ليكم
توصلى بالسلامة ربنا معاكى
لا اله الا الله محمد رسول الله

7annen يقول...

اهلا بالقمر

تيجى بالف سلامه وكل سنه وانتى طيبه

انتى شكلك كدا ناويه تسافرى عبر اله الزمن

ههههههههههههههههه

تنورى مصر ياقمر

حنين

smilyrose يقول...

حمدلله على السلامة يا جى من السفر

وحشانى الابتسامة وشك ولا اقمر

يا شموسة يا قمر

وحشانى جدا جدا جدا

مستنية تليفونك بالسلامة لما ترجعى

إبن مصر يقول...

شمس النهار هتنور مصر

الحمد لله وان شاء اله ترجعى بألف سلامه



وبالنسبه للإجابه على السؤال اعتقد ان مفيش اجابه احسن من اللى الناس قالوا عليه وخصوصا عمرو


المهم انك تنورى مصر الجمعه الخميس المهم انك تكونى معانا

Appy يقول...

حمد لهل على السلامه يا شموس وابقى نامى وخلاص بقى

صبرني يارب يقول...

شمووووووووسه راجعه

هيه هيه

الحمد للللللله

ترجعي بالف سلامه يا جميل

عقبال انا ما ارجع من المعتقل بقى
هههههههههههههههههه


توصلي بالسلامه يا قمر

كيــــــــــــارا يقول...

اخيرااااااااا ياشموستي هتيجي مصر مفتقدااااااكي جدا جدا جدا

وطبعا مش في اجابه وافيه زي استاذ عمرو

اللؤلؤة يقول...

السلام عليكم
حمداً لله على سلامة حضرتك مرة ثانية
وإن شاء الله ترجعى بألف سلامة
دمت بكل الخير

EMMY BABY يقول...

حمد الله على سلامتك

مصر هتنورررررر اخيييييرا

ليكى وحشة بجد

ترجعلنا بالسلامة يارب

تحياتى

ايمى

mohamed hesham يقول...

توصلي بالسلامة إن شاء الله ...

مصر هتنور ...

ماما أمولة يقول...

ازيك يا شموسة

ربنا يجيبك بألف سلامة يارب

وتنوري بيتك وبلدك

العصفورة يقول...

أمى الحبيبة
السلام عليكم
ترجعى لينا بألف سلامة إن شاء الله
خالص تقديرى

موناليزا يقول...

توصلى بالسلامة ان شاء الله

بسنت صلاح الدين يقول...

اولا انا بعشق الاغنيه دى، ثانيا ليه بس الاسئله المحرجه دى احنا ادبى يا جدعان ههههههههه،طبعا استاذ عمرو عمل اللى عليه و زياده بحييه على حضور ذهنه

ادم المصرى يقول...

توصلى بخير ان شاء الله

وكل عام وانتى بخير

blue-wave يقول...

توصلى بالف مليون سلامه

tarek momen يقول...

حمدا لله علي سلامة العودة مقدما
فين اللاب لابلغ البوليس
تحياتي

mimi يقول...

تيجي بألف سلامة وتنوري مصر يا عثولة

السؤال ده جامد جاد... عروستي

هههههههههههههههه

mimi يقول...

أاااااااه

فهمت

الموضوع كده بقي تبع أونكل جرينتش ... كده بقي فهمت ........

kmt يقول...

السلام عليكم ورحة الله وبركاته

كل يوم وانتي طيبه وكويس انك هاتقضي رمضان في مصر

يارب تكوني وصلتي بالسلامه

تحياتي
الى اللقاء

من غير عنـــوان يقول...

بغض النظر عن حكايه خطوط الطول والعرض دي

عايز أقول إن مصر حتنور بشمس نهارها

يجعله ربنا جل جلاله سفرا مريحا آمنا

وغالبا أنا بأكتب ده وإنت وصلتي بالسلامه

فحمدا لله على السلامه وكل عام وأنتم بخير... يدوب تعملي الكنافه

عاشقة الأحزان يقول...

اكيد وصلتى بالسلامه

نورتى الدنيا كلها

كل سنه وحضرتك طيبه

منتظرينك تنورى الدنيا من تانى

مودتى

صوت من مصر يقول...

عارف انى ندل
وحمدلله بالسلامه
ومش هقولك غير راعى ظروف ابنك

مامة مازن يقول...

يارب تكونى وصلتى بالسلامة انشاء الله
كل عام انت بخير شموستنا العزيزة

Pink Dreams يقول...

حمدلله على سلامتك يا قمر

وكل سنه وانتى طيبه


تحياتى