الجمعة، 25 سبتمبر، 2009

اناااااااا جيت

تحديث:انا هنا شمس ودفا في مجلة رؤية
كل سنه وانتم طيبين
شكرا لكل من زارني في المدونه وعيد عليه
وبعتذر لكل من الوقت لم يسمح لي ان ادخل مدونته واعيد عليه

وبقول لشيكو ماتزعليش مني:(
:)
اما دهب بقا ده موضوع كبير مش هعرف اكتب عنه لكن ممكن اعرض صور

دهب فعلا جميله جدا جدا
بس عايزه عنايه اكتر من كده من كل النواحي فهي تمتلك طبيعه خلابه بس الطبيعه دي عايزه عنايه واخراج يظهر جمال المكان

انا شفت في امريكا مناظر اقل من كده معمول لها خدمات واخراج مخلياها جنه

لو اتعمل نصه في دهب هتبقي تحفه


ودي بعض الصور
دي صورة الجبال في الطريق


ودي صوره لنويبع في الطريق
وده مدخل جميلة الجميلات دهب وهي دهب



ودي صوره للبدو هناك(اللي موضوعهم موضوع)
في سهره جوه الجبل
اللي عل
شان نوصله ركبنا عربيات جيب وبلاد تشلنا وبلاد تحطنا
مع شم الجاز
اللي طالع من الموتور مع ضهرنا اللي اتكسر

وده منظر البحر من علي المركب
ودي محميه من المحميات هناك اسمها(يانهار ابيض نسيت)
:( مش قلت لكم الزهيمر:)

ودي صوره لمحمية نبأ من علي المركب
الحقيقه احلي بكتير


دي صوره للون الماء في المنطقه الجميله دي
تحت السطح اجمل شعب في الدنيا في مناطق بتتشاف كده بالعين
وفي ام
اكن بتتشاف بالغطس الكامل اونصف غطس



ودي صوره لمحمية وادي جني من علي المركب
والجيم عليها فتحه والنون كمان
ودي صوره لوادي جني من علي الشط ساعة ماالشمس جت وراء الجبل فا المنطقه الضوء فيها بقا عامل كده
يعني دي مش س
اعة الغروب ده الجبل من ضخامته عامل ضل كبير جدا علي المنطقه

ودي صوره للجمال علي شاطئ وادي قبر البنت ليه سموه كده مااعرفش اصلا لوحد يعرف يقول علشان لما سألت قالو علشان في بنت مدفونه هنا ليه علشان ايه ماحدش قال حاجه



دي صوره لشاطئ دهب في القريه
دي دهب ياجماعه ايه رئيكم

وفي العوده
رجعنا من طريق تاني خالص اكثر جمال
الطريق في وسط الجبال وا
لمناطق اللي عايش فيها البدو وكل مجموعه متجمعه حوالين بير ماء
ودي صوره للطريق ده








اتمني ان اكون عملت ملخص صغير جدا للرحله علشان انا عملت 875 صوره بس
كل سنه وانتم طيبين

هناك 147 تعليقًا:

عمرو يقول...

مساء الخير يا برنسيس :)
الحمد لله على سلامة العوده و اٍن شاء الله أيامك كلها سفر و فسح و حاجات حلوه كده ..
أنا لما كتبت بوست عن دهب و وضفتها بأنها أجمل مكان فى العالم بجد كتير من التعليقات كانت بتعبر عن دهشة أصحابها من هذه الحقيقه اللى لازلت مصر عليها و كويس أن بقى ليا شاهد أهو على صحة مقولتى ..
طيب بذمتك لو صنفوا دهب كأروع بقعه سياحيه فى العالم مش تكسب هذا اللقب بجداره ؟؟
بس مش معاكى فى المآخذ اللى أخذتيها على المدينه لأن جمالها و سحرها يرجع فى الأساس لأحتفاظها بطابعها البدوى البدائى نوعا ما فى أنماط الحياه و أزعم أنك قارنتى بينها و بين الحياه فى المدينه ..
دهب تحتاج من الزائر أن يتعامل معها على أنها دهب و بس .. و مهم كمان أن يتعلم و يتعود على الجلوس أرضا :)
بس كنت أتمنى أن تقومى بغطستين أو تلاته فى المناطق البحريه اللى فى الصور دى خاصة أن التيارات هناك مش شديده و لا تحتاج لخبره كبيره مع وجود مدربين غطس بكثره فى هذه الأماكن ..
حمدا لله على السلامه و نورتى البلوجر ..
تقبلى تحياتى و تقديرى ..

أحمـــــــــــــد أبو العلا يقول...

حمدلله على السلامه

الصور بجد تحفه

ايه الجمال ده
احنا عندنا في مصر الجمال ده

سبحان الله

صبرني يارب يقول...

حمد الله على السلامه يا جميل

صورك جميله زيك

واحنا بلدنا كلها لو شافت اخراج كويس كانت بقت جنه يا شموسه

وبعدين شوقي فينا بقى انتى واستاذ عمرو

اخد اول ميكروباص على دهب انا واروح ولا ايه

ABOALI يقول...

سبحان من قدر الجمال
ووضع هنا وهناك
الياسمين والريحان
فهذا هو الجبل
وها هى هناك
البحور والشطأن
فبأى الاء ربكما تكذبان
نورا" هناك يشع
لؤلؤ وياقوت ومرجان
فسبحان من خلق وملك الاكوان



عودا احمدا
فقد عاد من دهب الدهب

Mo7ammed يقول...

حمدلله عالسلامة ياشموسة

يابختتتتتتتك بجد

دهب جميييلة جداا

يارب تكونى استمعتى اوى اوى


بالتوفيق ان شاء الله

أحــوال الهـوي يقول...

حمد الله ع السلامه من ارض الحسن و الجمال
و عمرو عمل اعلان خلاني حاطط دهب في اولويات الاماكن اللي باتمني زيارتها
و زي ما معاليك و صفت ان بقليل من الاهتمام هيزيد من روعة المكان اضعاف
و انا لي نفس الملحوظه لما سافرت ادنبرا و كانت هناك قلعه متواضعه و عاملين لها استعدادات و امكانيات بتخليها ممتعه و انا بازورها افتكرت قلعة صلاح الدين بجمالها و قوتها و اتساعها و ايضا الاهمال و الله لو حطوا 10% من اللي شفته هتصبح القلعه من عجائب الدنيا

متعك الله بالصحة و العافيه و اسعد ايامك

تحياتي

reem يقول...

حمد لله يا شموسة

ويارب كل ايامك تكون حلوة يارب

دهب فعلا من اجمل الاماكن اللى زرتها والطبيعة فيها خلابة

كل حاجة فيها مختلفة وتجنن

انا كمان سافرت ومصر فيها اماكن كتير اوى تستحق الزياره

حمد لله على السلامة يا جميل

موناليزا يقول...

حمدالله على السلامة
رجعتينى لذكرياتى هناك:)

شاب فقرى يقول...

تسللللللللللللللللللللم إيدك

بجد انا بهرتنى الصور

والله انا عن نفسى بعشق التصوير بس مشفتش حد بيعشقه وبيصور صح زيك كدا

ما شاء الله

هوا فعلا دهب جميلة

ان شاء الله السنة الجايه ابقى اروحها
ومشكلتنا فى مصر على طول بنصرف على حاجات تافهة ونسيب الحاجات المهمة ومنحطش فيها مليم زى دهب كدا

وكل سنة وانتى طيبة

تحياتى

شاب فقرى :)

من غير عنـــوان يقول...

وكمان صور رائعة
لأ .. ده شغل جامد..
حمدا لله على السلامه...
وكل عام وأنتم بخير...
وإن شاء الله تكون رحلة جميله ودايما أوقات سعيده...

أنا زرت دهب زمان من 1990 يعني القرن الماضي
أكيد تطورت

أمنياتي

ادم المصرى يقول...

حمدله على السلامه

منظر جميل جدا يا شمس

الازهرى يقول...

قبل ما أقرأ واتفرج
جيت بس أقول انى عملت بوصيتك كنت مؤدب
وفى حالى تماما وبعيد عن الأمامير خالص

ممكن بقى اعمل حبه شقاوه والا لسه

ألف حمد لله على السلامه

عاشقة القمر يقول...

إلى من قطف الإبتسامة
وطبعها على أحزاني
إلى من علمني هندسة العبارة
وكسر حواجز قلمي
إليك أرسل مسجي
قبل كل البشر أهنيه
كل عام وإنت بخير
حمدالله علي سلامه صورة جميل جدا

ماما أمولة يقول...

حمد الله على السلامة يا شموسة

يارب تكوني بخير

صور البحر تجنن أنا بعشق البحر

ياريت تنزلي 875 صورة هههههههه

ربنا يسعدك اللهم امين

الازهرى يقول...

أقول إيه بس ؟
طبعا حبه غل على حقد على على على

دهب من اجمل المناطق فى مصر وأجمل المناطق اساحليه على الإطلاق وأنا شاهد على كده معاكى ومع عمرو
وعندى حسره كبيره جدا انى مش قادر ارجع هناك من تانى مع ان لى فيها ذكريات من أجمل ما يكون
وتعرفى أجمل حاجه فى دهب انها طبيعيه بعيده عن مدنية شرم والغردقه وغيرهم
وكمان من جمالها انها الثابت المتغير
يعنى كل ما تروحى مع ان مفيش فيها جديد لكن بتلاقى جمال جديد ومختلف كل مره


عقبالى يا رب لما اعرف اخد اجازه
واقدر اروح هناك

أم مالك يقول...

اجازة سعيدة
وحمد لله على السلامة
انا من ساعة استاذ عمرو ماتكلم عنها
وانا دوشة اللى اعرفهم بالكلام عليها
الصور روعة ادعيلى اروح ازورها
تحياتى

romansy يقول...

كل سنه وانتى طيبه يا قمر
انتى دخلتى عندى انا عيديت عليكى
وانتى مش هنا
انا خلاص عذرتك
كنتى بتتفسحى
فيه حاجات فى بلدنا كتير جميله
بس لاسف لسه مش مكتوب للمصريين انهم يتمتعوا بيها
بس الحمد لله

ليكى عيديه عندى
مستنيش

micheal يقول...

مصر فيها أماكن جمييييييييلة جدا
يا ريت نعرف نستغلها
تحياتي

7annen يقول...

حمدلله على سلامتك يا شمس يا شمووووووووسه

yasmina يقول...

السلام عليكم
بجد مدونة حضرتك بحب ازورها اوى بحس انى بكون فعلا فى الاماكن الجميلة دى فعلا بالصور الجميلة دى
تسلملنا الصور الجميلة دى
ومتغبيش عننا تانى عشان احنا مانقدرشى على كدة
ويارب عيديتى تعجب حضرتك
وكل سنة وحضرتك طيبة
سلااااااااااااام

كيــــــــــــارا يقول...

وحثتييييييييييييييييني خالث يامامتي ياحثل وحمدالله علي السلاااااامه والرحله تحفه يارب تكوني انبسطتي فيها وارتاحيلك شويه عشان نرغي براحتنا

ليس فقيرا من يحب يقول...

السلام عليكم

الف حمد الله على السلامه

مشاء الله ايه الروعه والجمال ده

مصر فيها اماكن ساحرة تبارك الخلاق

وكمان التصوير نقى ورائع

تسلم ايديكى

عاشقه الرومانسيه يقول...

جميله الصور ياشموسه
حمد الله على سلامتك
ويارب تكونى دايما مستمتعه كده
(:
875 صوره بسسسسس؟؟؟؟؟؟
لا شويه
ههههههههههههه

mahasen saber يقول...

انا بالصور الجميله دى والوصف الراقى والرائع ده زرت دهب خلاص

فاضلى بس زياره انا وبيرو ونبقا كدا اتمتعنا بدهب وكل ما فيها

حمدالله على السلامه يا شموستنا الدافئه
نورتى القاهره والبلوجر يا حبيبتنا

وكل عيد وانتى والبنات بكل خير وايام مباركه عليكى وعلى كل من تحبين

تامر علي يقول...

حمدالله على السلامة
وعيد سعيد عليكم جميعاً

فعلاً بلدنا جميلة لكن للأسف بدون ادارة لهذا الجمال فبتكون المحصلة ان جمالها بيذبل مع الوقت

الف سلامة :)

mohamed ghalia يقول...

كل سنة وحضرتك بخير
حمدا لله على سلامتك

عاشقه وغلبانه يقول...

جميله ياشمس
تسلم ايديكي
حمد لله علي سلامتك

زهور الامل يقول...

ازيك يا شموسة
يارب تكوني قضيتي اجازة جميلة وسعيدة في دهب
وعيد سعيد عليكي وعلى اسرتك

الصورة بجد في منتهى الروعة

انت موهبة التصوير عندك عالية اوي ماشاء الله

وطبعا دهب من اجمل المناطق اللي موجودة في مصر ويارب يحصلي نصيب وازورها زيك

تحياتي

اللؤلؤة يقول...

السلام عليكم
كل سنة وحضرتك طيبة ولو إنها جات متأخرة شوية
ولكن عذرى أننى كنت متغيب عن عالم التدوين فى الفترة الماضية
تقبلِ مرورى

اللؤلؤة يقول...

السلام عليكم
دهب معروفة من أجمل بقاع الدنيا
ولكن مع بعض من الإهتمام من قبل الدولة
رحلة سعيدة وحمداً لله على سلامتك
وأهلاً بك من جديد فى عالمنا الإفتراضى
تقبل مرورى

rovy يقول...

كل سنه و انتى طيبه يا شموسه معلش اتأخرت عليكى ما كانش عندى نت فى العيد .. يارب عيد سعيد عليكى و على كل احبابك

تحياتى و مودتى دوما

نهــــــــــار يقول...

السلام عليكم...
الحمدلله على السلامه....
جميله جدا خصوصا أنها لازالت طبيعه بكر...
...
في امان الله

الجواز و سنينه يقول...

حمدلله على السلامه
و دهب نورت بيكى
بس ليه الصور قليله كده ليه
بقى 800 و شويه بس
اكيد طبعا تستاهل
حمدلله على السلامه و كل سنه و انتى طيبه

Yusuf يقول...

حمدالله علي سلامتك

وكل سنة وانتي طيبة

بس ايه الجمال ده

في ف مصر حاجة بالروعة دي

لالا انا عاوز اشوف الصور كلها

EMMY BABY يقول...

نورتى البيت ونورتى الدنيا

بجد وحشتينى جدا والله

ومعلش كنت غايبة الفترة اللى فاتت

على فكرة المناظر تحفة انا ممكن احقد ههههههههههههههههههههههه

تحياتى

ايمى

دعاء يقول...

الحمد لله على سلامتك
و كل سنه وانتي طيبة

بجد الصور حلوة جداً
بس أحلى مافيها محميه (يانهار ابيض نسيت) بجد شكلها حلوة قوي
هههههه

منتظرين شوية موضوعات جديدة بقى

سلام

Foxology يقول...

اولا حمد الله ع السلامة ورحلة سعيدة

ثانيا كل سنة وحضرتك طيبة

ثالثا دهب وسيناء عموما تعتبر جنة بمعنى الكلمة انا عديت على نويبع وطابا مرتين قبل كدة وفعلا مكنشت عاوز امشى منهم تحفة بجد بالرغم م نبساطة المشاهد يعنى مفيش اكتر من بحر وجبل وبس لكن سبحان الله قمة فى السحر والأبداع من الخالق سبحانه وتعالى

تحياتى :)

Eno يقول...

حمدالله علي السلامه ياشموسه :)

وكل سنه وانتي طيبه وبخير:)

الصور رائعه تسلم ايدك بجد

واضح انه مدينه جميله اوووووووي:)

تحياتي:)

إبن مصر يقول...

حمدالله على السلام يا شمس المدونات


بصى بقا انتى عملتى فيا حاجه غريبه بالصور دى اشتياق ما بعده اشتياق
انا بطبيعة شغلى يمكن لفيت معظم محافظات مصر السياحيه منها والغربيه والمنوفيه منها والشرقيه انما كنت دايما مليش نصيب اروح محافظة البحر الأحمر الغردقه شرم او دهب او نويبع لدرجة لما جانى شغل فى نويبع هربت منه
واللى انا شوفته دلوقتى فى صورك ده خلانى بقول ياريتنى كنت معااااهم :(

يلا خيرها فى غيرها
المهم حمدالله على السلامه

norahaty يقول...

حمدلله على السلامة
يابرنسيســة
ياشموســـة
بلدنا فيها حاجات
وأماكن حلوة كتير اوى
بس محتاجة الاهتمام ممنا
أحنا اولا ومن الحكومة ثانياً.

بيطرية ومش بايدى يقول...

نورت البيييييييييت
حمد الله على السلامة
بجد الصور تحفة اوى
انا اول مرة اشوف دهب دى اصلا
بس شكلها جميل اوى تسلم ايدك ع الصور
واخدتى 857 بس لا شوية يا شموسة

ملخص حلو اوى ربنا يكرمك
تقبلى مرورى وتحياتى

fL0weR-giRL يقول...

حمدلله علي سلامه

المناظر فعلا حلوه

^_^&


** تقبلي مروري **

مصطفى ريان يقول...

يا 875صوره بس مش قليل شويه يا شمس
طب كنت كملى الالف .ههههههههههههههه
يلا الف حمد لله على سلامتك وعقبال العوده

سمكه واحده يقول...

ايون ايون انا عاوزه من ده
عاوزه اروح دهب وفضه كمااااان
الف حمدالله علي سلامتك ياقمر
وكل سنه وانتي طيبه وللاسره كلها بخير يارب
نورتي ويارب ديما معانا وانتي سعيده
ياه يا شموسه عندنا في مصر حجات جميله اوي
ومش واخدين بالنا منها
او هي اللي مش واخده بالها مننا
ياله خير
ربنا يحميها
تحياتي ياقمر

فركشاوي ..ناوي يقول...

بسم الله الرحمن الرحيم
الحاجه شموسه
السلام عليكم ورحمه الله وبركاته
كل سنه وحضرتك بخير
و حمدا لله علي سسلامتك ..
رحله ممتعه وجميله ...
متعك الله بالصحه و العافيه . 

طوبه فضه وطوبه دهب يقول...

alf 7amdalla 3la el salama ya agmal shamosa wbgad anty w3amr shawatona nshof dahab msh ana ya3ny la bta3t sharm kol sana wanty ya rab dayman fa7san 7al

aidy يقول...

مساء النور يا شموسة
بجد بجد عجبتنى الصور اوى
حمد الله على سلامتك اولا

فعلا مصر فيها اماكن جذابة اوى بس الاهتمام فيها مش أد كده عشان كده بتفقد جزء من جاذبيتها

شمس النهار يقول...

مساء الخير يا لورد:)

الله يسلمك

كلامك مظبوط وانا شاهد معاك علي كده

انا شخصيا وقعت في غرام البلد دي

وهي فعلا من اجمل بقاع العالم سياحيه وغير سياحيه

انا كنت واقعه في غرام بلد في امريكااسمها(طاهو )اللي بيقع نصفها في نيفادا والنصف الاخر في كاليفورنيا

لا دهب احلي
برغم كل اللي معمول في طاهو من خدمات واخراج وترفيه

لا دهب احلي

وعلي فكره انا مش معترضه علي الطابع البدوي خالص
بالعكس ده عجبني جدا وخصوصا في المنطقه اللي قلت لي اروحها (المسطه)

بس هو الفطره ضد النظافه
يعني ماينفعش نحتفظ بالطابع البدوي وكمان نحتفظ بالنظافه والجمال المريح للعين

اما موضوع الجلوس علي الارض ده كان مشكله في طلوع الجبل
بس مين جابولي صندوق كده وحطوا عليه سجاجيد لطيفه من بتاعتهم
وقعدت وحطيت رجل علي رجل كمان:):)

اما موضوع الغطس ده خاليها في سرك يا لورد

شكرا علي نصيحتك اننا نروح دهب

وكل سنه وانت طيب:)
نورت

شمس النهار يقول...

*احمد ابو العلا

الله يسلمك
وكل سنه وانت طيب

ايوه يااحمد عندنا الجمال ده كله ولو تشوف باقي الصور
تنزهل من الطبيعه الجميله اللي ربنا اداها للمكان ده

بجد لازم تروح
وعلي فكره فيها الغالي جدا والرخيص جدا

شمس النهار يقول...

*صبرني يارب

ازيك ياجميله

بلدنا عايزه ناس تحبها
علشان تبقي تاني ام الدنيا

وفعلا لازم تروحي هتنبسطي جدا

كل سنه وانت طيبه

شمس النهار يقول...

*ابو علي

حمد الله علي السلامه
كل سنه وانت طيب


وشكرا علي الاطراء

شمس النهار يقول...

*موووووحمد
ازيك

كل سنه وانت طيب

دهب جميله جدا
انتم شباب ممكن تروحوا مجموعه مع بعض في اي كامب هناك للشباب وانا عرفت من عمرو انه رخيص جدا ممكن ب 25 الليله

صدقني هتنبسطوا جدا

شمس النهار يقول...

*احوال الهوي

كل سنه وحضرتك طيب

صدقني اللي قاله عمرو واللي قلته انا شويه علي دهب

وكلامك صح احنا عندنا مناظر واماكن واثار كتير وجميله

بس الاهمال والا مبالاه هي اللي عملت في الاماكن دي كده

والسياحه الداخليه للمصريين مقصوره علي مكانين تلاته وخلاص

كام واحد راح واحة سيوه وشاف الجمال هناك

او الفيوم وراح وادي الريان

كل دي اماكن جميله وخلابه

هنقول ايه بس

وشكرا علي مجاملتك اللطيفه

شمس النهار يقول...

*ريم

ازيك
كل سنه وانت طيبه

وحمد الله علي سلامتك ويارب تكوني بخير

نورتيني

شمس النهار يقول...

*موناليزا

ازيك
حمد الله علي سلامتك

ويارب تكوني بخير
وانبسطت انك رحتيها جدا
كل سنه وانت طيبه

شمس النهار يقول...

*شاب فقري
ازيك

شكرا علي كلامك
انا بحب التصوير وبحب اصور جدا

بس يعني علي قدي مش اوي يعني اديني بحاول

دهب فعلا جميله جدا جدا
والحقيقه احلي من الصور وبقول لك حاول تروح انت واصحابك وفي اماكن للشباب سعرها معقول جدا جدا
وعندك حق احنا في مصر بنهتم باي حاجه الا الرحلات واننا نكتشف بلادنا
انا صعب عليا ان الاجانب يجوا من كل الدنيا يتعرفوا ويتفرجوا علي بلدنا واحنا والا احنا هنا

ان شاء الله ربنا يكرمك وتقدر تروح

شمس النهار يقول...

*من غير عنوان
كل سنه وحضرتك طيب

والله يسلمك

الصور رائعه لا دي شهاده جامده من حضرتك
ومجامله لطيفه

انا بصور علي قدي

والمناظر الطبيعيه هناك تخللي الكاميرا تصور لوحدها
واكيد حضرتك لما رحت صورت هناك وعارف

شكرا لك

شمس النهار يقول...

*ام المصري

الله يسلمك

وكل سنه وانت طيب

شمس النهار يقول...

*ازهررررري

ازيك
كل سنه وانت مقلبنجي كبير
لا ممنوع الشقاوه خالص
كفايه البنت اللي كنت هتبوظ لها الخطوبه
انا لو من مامتها كنت خاليتهم
والا بلاش الطيب احسن
انت ابني برضه ولوحد ضربك هتوجع

واوعي تقرب من الامامير

شمس النهار يقول...

*عاشقة القمر

ازيك
كل سنه وانت طيبه
ماشاء الله الكلمات جميله جدا

شكرا ليكي

شمس النهار يقول...

*ماما اموله
ازيك
والله يسلمك

لو بتعشقي البحر هتحبيه اكتر واكتر في دهب

كان فععلا نفسي احط كل الصور علشان كلها جميله جدا

كل سنه وانت طيبه

شمس النهار يقول...

*ازهري
انت تاني
اهلا اهلا

لا ياريت تقدر تاخد اجازه كده
وتتفق مع شباب من المدونين وتروحوا دهب

ياريت

شمس النهار يقول...

*ام مالك
ازيك

كل سنه وانت طيب

وان شاء الله تروحي علشان تعرفي ان كل الكلام ماوصفهاش صح

شمس النهار يقول...

*رومنسي

ازيك
كل سنه وانت طيب

شكرا لقبولك عزري
بس انا رحت واخدت العيديه شكرا
وكمان القصيده عجبتني جداجدا

وشكرا علي كلامك الجميل

شمس النهار يقول...

*ميشيل

ازيك
عامل ايه
عرف لو تلموا بعض
وتسافروا هتنبسطوا بأقل الامكنيات
واكتشفوا بلدكم

شمس النهار يقول...

*حنين
ازيك
كل سنه وانت طيبه وسعيده
وعيد ميلاد سعيد وعمر مديد ان شاء الله

شمس النهار يقول...

*ياسمينا
ازيك

وكل سنه وانت طيبه وسعيده

وشكرا علي كلامك الجميل
وشكرا كمان علي العيديه اللطيفه
وطبعا عجبتني جدا

شمس النهار يقول...

*كيااااااااارا
ازيك

كل سنه وانت طيبه
للعيد ولعيد ميلادك

وحشتيني

ده احنا هنرغي رغي:)

شمس النهار يقول...

*ليس فقيرا من يحب

ازيك
كل سنه وانت طيبه

وايوه مصر فيها اماكن جميله بس احنا مابنهتمش بالسياحه الداخليه خالص

شمس النهار يقول...

*عاشقة الرومانسيه
ازيك
كل سنه ووانت طيبه

علي فكره الصور طلعوا الف صوره واتنين
بس صور جميله جدا

شمس النهار يقول...

*محاااااااسن صابر

ازيك
كل سنه وانت وبيروا مبسوطين

دهب جميله جدا جدا

بس انت اجمل

اخبار الاذاعه ايه

ووحشتيني ومستنيه الزياره اهو

شمس النهار يقول...

*تامر علي

ازيك
كل سنه وانت طيب

وكل ايامك اعياد

فعلا ياريت نهتم بس عمرنا ماهنهتم

شمس النهار يقول...

*محمد غاليه
ازيك
كل سنه وانت بخير وسعاده
نورتني

شمس النهار يقول...

*عاشقه وغلبانه
ازيك
عامله ايه يارب تكوني بخير دلوقتي

تسلمي علي كلامك الجميل

شمس النهار يقول...

*زهور الامل
ازيك
يارب تكوني بخير

وكل سنه وانت طيبه

وشكرا علي كلامك الجميل

ان شاء الله تزوريها وتتمتعي بالجمال الرباني

شمس النهار يقول...

*اللؤلؤه
ازيك
اهلا بيك
كل سنه وحضرتك طيب وحمد الله علي السلامه
مره اخري لعالم التدوين

ودهب من اجمل ماشافت عيني

شمس النهار يقول...

*روفي
ازيك

كل سنه وانت طيبه

نورتي ومعلش هو النت كده بقي غريب بصراحه

شمس النهار يقول...

*نهار
وعليكم السلام ورحمة الله وبركاته

اهلا بيكي في اول زياره
والله يسلمك

نورتيني

شمس النهار يقول...

*الجواز وسنيه

ازيك
كل سنه وانت طيبه وبخير وسعاده يارب

والله يسلمك

لأ
ده الصور طلعت الف واتنين
اصل انا كنت مبهوره وفرحانه ان الجمال ده في مصر

شمس النهار يقول...

*يوسف
ازيك
والله يسلمك
ايوه في فمصر روعه وجمال مش موجود في الدنيا
انا شفت اماكن اقل روعه في امريكا ومعمول لها عمايل
نظرية لبس البوصه تبقي عروسه

عايز تشوف الصور كلها يانهار ابيض
دول طلعوا الف واتنين مش تمنميه

كل سنه وانت طيب

شمس النهار يقول...

*ايمي بيبي
ازيك
حمد الله علي السلامه يارب تكوني بخير

كل سنه وانت طيبه
انت اللي نورتي

واحقدي زي ماانتي عايزه :)

شمس النهار يقول...

*دعاء
ازيك
الله يسلمك
بجد محمية (...)بجد نسيت اسمها وانتظرت حد يفتكر اسمها مافيش وخصوصا عمرو اللي حافظ دهب حته حته

ان شاء الله هتلاقي موضوعات قويه

كل سنه وانت طيبه
نورتيني

شمس النهار يقول...

*فوكسلوجي
ازيك
يارب تكون بخير

الله يسلمك
وكل سنه وانت طيب

فعلا الطبيعه هناك بسيطه وجميله
الجبال هناك شكلها غريب فعلا مع البحر مش ممكن
سبحان الله
وفعلا الواحد ماكنش عايز يرجع

شمس النهار يقول...

*اينو
كل سنه وانت طيبه
الله يسلمك ويبارك فيكي

ويارب تكوني بخير

دهب جميله جدا
ان شاء الله تقضوا فيها شهر العسل هتكون مناسبه جدا

الازهرى يقول...

اللينك بتاع المقال مش شغال يا ريت تحطي هنا
وانا انسخه وافتحه مباشرة

اما يخصوص الامامير
انت رجعتى ومعنى كده الهدنه انتهت
واستنينى بكره بالليل ان شاء الله

شمس النهار يقول...

*ابن مصر
ازيك

الله يسلمك

وكل سنه وانت طيب

نويبع جميله جدا جدا
وفي صوره ليها من ضمن الصور
ان شاء الله تروح ويجيلك شغل فيها

شمس النهار يقول...

*نورهاتي

ازيك
كل سنه وانت طيبه
وبخير ياجميله

عارفه احنا لابنحافظ والا الحكومه بتحافظ والا بتعلمنا بالعافيه والقوانين اننا نحافظ

الجمال هناك مبهر جدا

يارب تروحي وتشوفي بنفسك

شمس النهار يقول...

*بيطريه ومش بايدي

اهلا بيكي في اول زياره

والله يسلمك

وشكرا علي كلامك اللطيف

ولوكنت اقدر اخد مليون صوره كنت عملتها

نورتيني

شمس النهار يقول...

*فلور جيرل

الله يسلمك
وكل سنه وانت طيبه وبخير وسعاده
نورتيني

شمس النهار يقول...

*مصطفي ريان

ازيك يادرش
الله يسلمك

كل سنه وانت طيب وبخير وسعاده
طب تصدق عمري ماهنزل لك كلمه همه فعلا طلعوا الف واتنين تصدق
سبحان الله من بقك لباب السما

:)

شمس النهار يقول...

*سمكه واحده
ازيك
الله يسلمك

حمد الله علي سلامتك انت

ايوه بلدنا فيها اماكن جميله كتير عايزه اللي يكتشفها فعلا

كل سنه وانت طيبه

شمس النهار يقول...

*فركشاوي ناوي

ازيك
حمد الله علي السلامه

كل سنه وانت طيب وبخير وسعاده

شمس النهار يقول...

*طوبه فضه وطوبه دهب

ازيك
عامله ايه يارب تكوني بخير

مش هترجعي تكتبي تاني والا ايه

كل سنه وانت بخير وصحه وسعاده
وان شاء الله تروحي دهب

شمس النهار يقول...

*ايدي
ازيك
كل سنه وانت طيبه

انت فين غايبه

والله يسلمك


نورتيني

شمس النهار يقول...

*الازهري
انت لسه صاحي
حاضر هروح اشوف ايه الموضوع وان ماكنش هحطه في التعليق

شمس النهار يقول...

*الازهري
طيب هحاول اصلحه الصبح هو كده بيدخل علي لينك رؤيا نفسها ولو عملت له سيرش بيدخل علي المجله نفسها
عموما الينك اهو
http://roaua.com/article.php?id=581

ماشي ياريس

واوعي ياازهري تعمل حاجه مع الامامير

انت عارف انا حيشاهم عنك
وانت عارف ان كيدهن عظيم
وانت حر

الازهرى يقول...

لسه هتروحى تشوفيه
ليه مش مصدقانى مثلا
والا فاكرانى بتاع مقالب

وكمان انا لسه صاحى لانى لسه راجع من شغل
وكنت بنزل ليله جديده كده
حاولى تلحقى اول بدل ما يكون ترتيبك الاول بعد المائة والسبعين زى المرة اللى فاتت

yoyo يقول...

صباحك سكر

حمد لله على سلامتك حضرتك
من الواضح ان حضرتك قضيتى وقت حلو وجميل
الصور بجد تحفة وفيها جمال و سحر
كل سنة وحضرتك طيبة
ويارب يكون عيدك عيد سعيد يارب
دمتى بالف خير وسعادة
تحياتى
يويو

طهر فؤادك يقول...

السلام عليكم ورحمة الله وبركاتةة ,,

ربنا يكرمك يارب على الصور الجميلة وسبحان الله وتبارك الرحمن ...
كل سنة وانتى طيبة... ياريت تساعدينى فى حملتى "مدونتك هتنقذ طفللك"وهى فكرة بسيطة بس ان شاء الله خيرها كبير وانا عارف ان الى بيحترموكى ويقدروكى كتير فياريت تشاركينى وكل الى يحب فى الحملة دى وعن فكرتها وكل حاجة عنها فى اللينك دة ورجاء تدخلى وتشفيها امانة وجزاكى الله خيرا والمسلمين .
http://rasoulallah1.blogspot.com/

طالبه اخوانيه يقول...

صور رائع ما شاء الله

بجد مناظر خلابه

تحياتى

العصفورة يقول...

السلام عليكم
كل عام وحضرتك بخير
وأسعد الله أوقات حضرتك
وحمداً لله على سلامة حضرتك
خالص تقديرى

Pink Dreams يقول...

بجد المناظر جميله قوى

وكمان875 صوره بس لا كنت كملهم 1000 بقى

هههههههههههههههههه

كل سنه وانت طيب

تحياتى

Geo Amr يقول...

كل سنة وانتى طيبة على فكرة انا مش زرتها بس انتى شجعتينى انى اروح اعمل جوله هناك على فكرة اماكن كتير فى مصر محتاجة فقط الاهتمام وهتبقى من اجمل مناطق العالم

همس الاحساس يقول...

شمس

تعرف انا بحب مصر وبعش ترابها
وبحب اوى اى يحد بيعرفنى اكتر بيها
الصور قمة الجمال
شكرا لانك عرفتنى مدونتك

شمس النهار يقول...

*الازهري

طبعا صادق هو معقول اكدبك

ورحت ياريس وعلقت

وكله تمام:)

شمس النهار يقول...

*يويو
ازيك

والله يسلمك

كل سنه وانت طيبه
فعلا قضيت وقت لطيف جدا

المناظر هناك تاخد العقل

شمس النهار يقول...

*طهر فؤادك

اهلا وسهلا في اول زياره للمدونه

ان شاء الله خير

ومعاكم باذن الله

شمس النهار يقول...

*طالبه اخوانيه

اهلا وسهلا بيكي في اول زياره

وكل سنه وانت طيبه

شمس النهار يقول...

*العصفوره
اهلا بيك ياعصفوره
عامله ايه

كل سنه وانت طيبه وبخير وسعاده يارب

شمس النهار يقول...

*بينك دريم

كل سنه وانت طيبه

ماهمه طلعوا 1000 واتنين

:)

شمس النهار يقول...

*جيو عمرو

اهلا بيك

عندك حق في اماكن كتير محتاجه تتزار في مصر

ونفسي اروح واحة سيوه

كل سنه وانت طيب

شمس النهار يقول...

*همس الاحساس

كل سنه وانت طيبه

مصر جميله بس عايزه اللي يحبها ويصونها

غير معرف يقول...

كل سنة وانتي طيبة


تامر

صوت من مصر يقول...

مش عارف اقولك ايه فعلا دهب اكثر من رائعه فقط لانها جزء من مصر او لانها ترابها كريم بالنسبه الينا
حمدلله على السلامه

dina يقول...

ما شاء الله
بلدنا فعلا جميلة اوى و زى ما حضرتك قولتى....محتاجة عناية بس
ربنا يحميهالنا

طهر فؤادك يقول...

السلام عليكم ورحمة الله وبركاتة
جزاكم الله خيرا على مشاركتى فى حملة (مدونتك هتنقذ طفلك)وان شاء هنبدأ من غدا 29 / 9 / 2009 النشر الجماعى .. لموضوع الحملة الموجود
بمدونتى عن طريق كوبى وبست (نقل ) للموضوع بأكملة بمدونتك الجميلة مع اى تعديل تجدوة مناسب مع الاحتفاظ بصلب موضوع الحملة المتمثل فى الاسم و طرق
التبرع الجديدة حتى يتسنى لنا مشاركة عدد اكبر فى الحملة . .
وربنا يكرمك يارب على التعاون ويجعلة ان شاء الله فى ميزان حسناتكم والمسلمين اللهم امين .
ملحوظة :- النشر مستمر ان شاء الله بس البداية من غدا ومن دواعى سرورنا ان تشتركوا من غدا (ساعدونا ليعم الخير بأذن الله )1

غمض عينيك يقول...

صور جميلة ومدونة جمبيلة
حمد الله ع السلامة

محمد سمير

الازهرى يقول...

شموووووووووووووسه

لالالا غششتينى ايه بس
شوفى للينك الموجود فى اول الموضوع وانت تفهمى انى باجهز له ن زمان
وكمان اسألى كيارا عن المقلب اللى عملته فيها وقدرت انزل الموضوع بدرى عن ميعاده بحيث اسبقها

وكمان تعالى هنا انت مش فى تعليقك على مقالب قلتى شريرررررررررر
وفين االقلب الابيض بقى

ايه الناس المحيرينا معاهم دول
ما ترسوا على حل
طيب ولا شرير

ولاخر مره باقول اللينك بتاع المجله مش شغال صحيح انا عملت بحث ولقيت خبر عن اشتراكك معاهم بس مش اقى كتابات وحل المشاكل

ahmedmisry يقول...

أول زياراتي لك

طرقت كثير من مواضيعك القيمة وأعجبني الكثير منها

أعجبت بإصرارك على تعضيد حبك لمصر في كل الأسئلة التي سُئلت لك

أعجبت ببعض الصور التي إلتقطيها لمظاهر الحياة الربانية التي خلقها الله وفيها الغني والفقير والطيب والشرير والذكي والغبي والمعدم والمترف

هكذا أقصد تلك الصو التي إلتقطيها في سان فرانسيسكو .. أعجبتني جداً واسمحيلي سأنشرها لاحقاً في مدونتي مع الإشارة للمصدر بإذن الله

وأخيراً : عيدك كريم وطيب إن شاء الله

شمس النهار يقول...

*غير معرف
تامر

كل سنه وانت طيب

سلام

شمس النهار يقول...

*صوت من مصر
اهلا اهلا

كل سنه وانت طيب

ان شاء الله انت ومجموعة شباب كده تروحوا مع بعض هناك هتنبسطوا جدا

سلام

شمس النهار يقول...

*دينا
ازيك
عامله ايه
كل سنه وانت طيبه

دهب جميله جدا جدا يادينا
وللأسف مش واخده حظها اعلاميا

ياريت تقومي انت بالمهمه دي
وعلي فكره عمرو حبشتكنات اقدر مني في موضوع دهب ده وحافظها حته حته

ياريت تعملي انت المهمه دي
وتعملي تحقيق صحفي تنشريه عن دهب

سلام

شمس النهار يقول...

*طهر فؤادك

ان شاء الله معاكم
بس ماعرفتش اخد البانر عندي خالص

ربنا يجازيكم عنا خير

سلام

شمس النهار يقول...

*غمض عينيك
اهلا بيك في اول زياره

وشكرا علي كلامك اللطيف

والحقيقه انا زرت المدونه عندك
ومالاقيتكش مغمض عينيك خالص دول مفتوحين علي الاخر
ورصدين كل حاجه

ولاقيتها مدونه تستحق الزياره مئات المرات

كل سنه وانت طيب

سلام

شمس النهار يقول...

الازهري

يابني ماانت عندك شخصيتين

شخصيه شريره
وشخصيه مش شريره

بس احنا كنا مخبيين عليك الحقيقه دي علشان ماتتصدمش

خلاص بقي صلي علي النبي وان شاء الله هتخف وتبقي بشخصيه واحده
كتير كانوا كده وخفوا
صدقني

وانت ابننا ومش هنبيعك هنقف جنبك برضه :) :)

اما موضوع لينك المجله ده انا خلاص مش عارفه اعمل فيه ايه
جنني وانا اصلا مالييش في النظام
مش راضي يتحط في المدونه
بس اللينك موجود عند د/ياسر عمر عبد الفتاح
ممكن تدخل من هناك

سلام

شمس النهار يقول...

*احمد عبد الرحمن

اهلا وسهلا بيك في اول زياره

وشكرا علي المجامله اللطيفه جدا

وطبعا اتفضل الصور تحت امرك فهي في النهايه للنشر ليعلم شبابنا ان امريكا ليست هي الحلم


وسعدت بزيارة مدونتك والجميل ان اول زياره اجد خبر بخطوبة صديق ليك

الف مبروك


كل سنه وانت طيب

سلام

حاسوباتيه يقول...

حمد الله على سلامه حضرتك بجد واحشاني جدا ومعلش جت متاخره بس ماكنتش بدخل غصب عني معلش بجد حضرتك واحشاني جدا والصور رائعه وانا نفسي اروح ذهب من كلام الاستاذ عمرو وكلام حضرتك كمان وان شاء الله اروحها وحمد الله على السلامه

الازهرى يقول...

آه قلبى
كل السنين وانتم مخبيين على الحقيقه المره

بس ان شاء الله هتقفوا جنبى لحد ما المرض يمر على خير مش كده ؟انتم بتقولوا فى علاج يبقى فى امل احمدك يا رب
احمدك يا رب

انما بقى تعالى هنا يعنى ايه المستوى مش ولابد ما هو يا تحطوا الحاجه صح يا بلش
غلبتونامعاكم
اعمل بس يا ربى ؟ اعمل ايه ؟

الازهرى يقول...

أنا راجعت الموضوع زدخات عليه وهاعلق هناك

انما بخصوص اللينك ففى زياده فى اللينك هنا
ده الغلط
http://http//roaua.com/article.php?id=581

انما ده الصح

http://roaua.com/article.php?id=581

انسخيه بقى وحطيه بره بحيث الكل يقدر يدخل ويشارك

Appy يقول...

شمس شمس شمس

اتصلى بيه ضروررررررررررررررررىىىىىىىىى
جدا فى البيت او الموبيل علشان انا عملت فورمات للجهاز وضيعت الارقام
وهنيالك يا فاعل الخير

Beram ElMasry يقول...

الأخت الفاضلة الحاجة شمس النهار
كل عام وأنت في تمام الصحة وكمال النعمة مع الخير والبركة مع خالص تحياتي والسلام ولا سلام مع قتلة الأنبياء والأطفال بني إسرائيل .

ahmedmisry يقول...

مدام شمس تكرمي على الرد والزيارة اللطيفة وحابب أقولك حاجة

أمريكا مش الحلم وبلدنا كمان حلوة أوي والله .. بس شبابنا يحلموا بيها بس

المهم : يسعد مساكي

ahmedmisry يقول...

مدام شمس حابب أعلق على موضوع مستشفى سرطان الأطفال ومعلش التعليق مش مفتوح هناك فهعلق هنا

إيه رأيك لو نفكر في توزيع أدوار الخير شوية على أقاليم أكثر حاجة من المحافظة حاليا يعني القاهرة والإسكندرية مشبعة حالياً بمدن ومراكز طبية على مستوى راق جداً ويوجد رجال أعمال وشركات ضخمة تملك التبرع بسهولة في تلك العاصمتين

يوجد الصعيد وأقاليم الدلتا الحاجة لمثل هذا التبرع هناك أكثر أولوية

لماذا أقول هذا ؟
لأنه يوجد مشروعين الآن أحدهما في محافظتي كفر الشيخ وهو إنشاء مركز لعلاج الكلي والمسالك البولية والأورام وتم تخصيص الأرض ووضع حجر الأساس من قبل الوزير والمحافظ وتصميم المشروع وفتح باب التبرع .. لكن رجال الأعمال والأغنياء في كفر الشيخ قلة والمشروع الخيري هذا بحاجة لتعضيد ودعم

والمشروع الآخر شاهدت إعلان عنه على التليفزيون للفنان محمد ثروت عن البدء في إنشاء فرع مستشفى سرطان الأطفال في طنطا

الإثنان أراهما أكثر أولوية لأنهما سيساهمان في التخفيف من الألم ومشقة السفر على أبناء الدلتا للقاهرة والاسكندرية وسيخففوا من الضغط على المراكز الرئيسية في القاهرة والاسكندرية

فكري في الموضوع

بالمناسبة كنت وضعت إعلان مصور بسيط عن المركز قيد الإنشاء في كفر الشيخ ووضعت صور الماكيت الخاص به وسيكون مشروع عملاق بإذن الله

المهم لا يعنيني أن يكون في كفر الشيخ أو طنطا أو قنا .. الأهم هو توزيع الأدوار وجهود التطوع حتى يستفيد أغلب أبناء الوطن

طهر فؤادك يقول...

السلام عليكم ورحمة الله وبركاتة
ربنا يكرمك يارب والمسلمين ..ودة شكر واجب لازم اقدمة من حملة "مدونتك هتنقذ طفلك".. وجزاكم الله خيرا والمسلمين ودة موضوع الشكر فى اللينك دة ادخل

وخد هديتك من هنا :-
http://rasoulallah1.blogspot.com/

rovy يقول...

وحشتينى يا شموسه و بما انك قافله تعليقات اخر بوستين و كل مره اجى و امشى من غير ما اسلم قلت ادخل اسلم هنا و يارب يوصلك سلامى ..

طهر فؤادك يقول...

السلام عليكم ورحمة الله وبركاتة ,,,
موضوع جميل ومعبرا جدااااا
وياريت تشاركى معانا فى حملة نصرة الاقصى والموضوع بسيط جدا وياريت تشوفى موضوعى على مدونتى وتقوليلى رأيك.. رأيك يهمنى اكيدددد ..

الازهرى يقول...

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

طهر فؤادك يقول...

السلام عليكم ورحمة الله وبركاتة ..
الله يكرمكوا يارب شاركونى يوم مقاطعة الفيس بوك يوم 24 /10 وياريت تشوفوا موضوع المقاطعة على مدونتى ومعاية بأذن الله

MaNoOoSh يقول...

شموسة
بجد وحشتيييييييييييييني وافتقدتك جداااااااااااااا

ahmedmisry يقول...

مدام شمس
ممكن تزوري هذا الموضوع للأهمية
http://ahmed-abdelrahman.blogspot.com/2009/10/22.html

طوبه فضه وطوبه دهب يقول...

وحشتينى يا اجمل شموسه يارب غيابك يكون خير بدعى ربنا انك تكونى فى احسن صحه واتم حال واشوف موضوعاتك وتعليقاتك منوره الدنيا بحالها ابقى طمنينا عليكى بالله عليكى

ماما أمولة يقول...

شموسة وحشاني جدا بصدق

وحزينة لبعدك عن التدوين

اتمنى ان تكوني في احسن حال

واتمنى ان تراسليني عبر ايميل المدونة


وحشتيني

donya يقول...

اول زياره للمدونه الجميله

لكن هي مهجوره ليه؟؟؟
مدونات كتير مهجوره بالرغم انها جميله

اتمني انك ترجعي تكتبي تاني وتزوري مدونتي الوليده


*تحياتي

عاشقة القمر يقول...

سلام عليكم كل عام انتي بخير بجد واشحني موووووووووووووووووووووووووت انتي فين في ايه

rovy يقول...

شموسه الجميله وحشاااانى جدااا
انتى فين .. ؟
ياارب تكونى بخير و فى احسن حال ..طمنينا عليكى .. بجد انتى لكى معزه فى قلبى و حسيتك اوى ياريت تطمنينى عليكى .. ياااريت

دعواتى و مودتى لكى

أحمد شريف يقول...

نتمنى لو نطمئن عليك أم أن عهدك هو الغياب ؟

غير معرف يقول...

جميلة يا بلدى جميلة
بس انا من شما سيناء مش الجنوب ومن عرب سيناء بس عمرى ما رحت الجنوب

بنت سينااااااااء