الثلاثاء، 2 فبراير 2010

ونرجع للرحلة تاني

نرجع تاني للرحلة ونشوف جمال وحلاوة بلدنا
بالليل الساعة 1
1 ابتدت المركب تبحر علي
كو
م أمبوجنوب اسوان



ووصلنا قرب الفجر
ولما الدنيا
ابتدت تنور شوفت المنظر الجميل
ده





والساعة 9 الصبح نزلنا من علي المركب علي مرسي جميل ونظيف فعلا حاجة تبسط بجد

واتمشينا علي رجلينا لحد المعبد

ودخلنا معبد كوم أمبو




ياريت تدخلوا جوجل تقروا عنه
حاجه مبهرة المعبد ده فيه مقياس لماء النيل كان بيتحدد عليه الضرايب علي الزراعة
يعني لو الماء مرت
فع يبقا الزرع اتروي صح
يبقا كان كويس وكتير
ياخدوا ضرايب توازي المحصول في الكترة
اما لو الماء قليل يبقا الزرع مااترواش كويس يبقا المحصول قليل
وبكده تبقا الضرايب قليلة
الناس د
ي ماكانتش بتهرج




رجعنا المركب تاني
وابحرنا مرة اخري متجهين الي ادفوا






وبرضه طول السكه مناظر جميلة جدا














بس بصوا الرايق ده اللي حاطت علم مصر والجزائر



وصلنا مدينة ا
دفوا شمال اسوان





وكان اول مرة اش
وف مركب عملاق كده بيركن

تمكن من ال
قبطان غير عادي

كنت ح
اسه هنخبطت في الرصيف

بس مين و
الا اللي بيركن موتوسيكل

صورتها فيديو
وطلع مشكله علشان احطها في البوست

بس هحاول
اجمع كل الفيديو وانزلهم
*
مدينة ادفوا اللي ظاهر
منها جميل ولطيف جدا وزي الفل
بس مااعرفش جوه البلد في ايه









وصلنا معبد ادفوا بعد
مانزلنا من المركب واخدنا الحناطير






المعبد من المعابد المتخصصه وهو خاص بحورس






بعد كده رجعنا المركب لنبحر شمالا الي الاقصر
والاقصر دي هي وكمان موضوع الهاويس دي حكاية لوحدهم
هنقولها البوست الجاي
::))

هناك 80 تعليقًا:

mohamed ghalia يقول...

عارفة ياماما شمس بستمتع جدا بحكاية شرح اليوم بالصور وعليه تعليقات بسيطة من حضرتك انتى وبس
ربنا يكرمك ويسعدك دايماااااااااااااا

Mafrousa يقول...

الله الله الله
بلدنا حلوة بجد
انا فعلا بحبها
صحيح بتفرس من شعبها
لكن بحبها اوي
تحياتي على اصطحابك لينا فى الرحلة ديه

غير معرف يقول...

صور هايله
وحيد حامد كتب جمله في فيلم طيور الظلام قال فيها
البلد دي اللي يشوفها من فوق مش زي اللي يشوفها من تحت

البلد دي اللي يشوفها من اسوان غير اللي يشوفها من شبرا

أمل حمدي يقول...

جميل قوي يا شمس

والصور روعة واللي بيصور فنان

اتمنظرتي النهاردا ههههههههههه

ربنا يصلح حالك

دمتِ بخير

Lyssandra يقول...

صباااااح الخير :)

بجد رحلة ولا أجمل
استمتعت بيها جداً
وعجبني موضوع المعبد مقياس للري وتحديد الضرائب
الناس دي كانت بتفكر صح أوي

في انتظار البقيه
ومازلت أسجل إعجابي بكاميرا حضرتك :)

تحياتي

Lyssa

دعاء يقول...

ماشاء الله
انتي بجد تصويرك حلو, دي هواية؟

بس أنا في سؤال محيرني من زمان هم ليه الفراعنة انقرضوا؟

شكراً على الرحلة الجميلة,ربنا يحلي أيامك كلها.

دعاء

أم بتول يقول...

من أجمل رحلات العمر و بصراحة الى ما زار القصر و اسوان فاته الكتير قوى من عمره ، و يا بخت الى زارها بالمركب رحلة أكثر من رائعة ، بلدنا جميلة بجد و فيها حاجات مش ممكن تلاقيها فى أى بلد ولو لفيتى الدنيا بحالها ، فكرتينى بموضوع الهاويس دة كانت الكابينة بتاعتى فى الدور الثانى و صحيت و احنا فى الهاويس ببص من الشباك لقيت الحيطة جنبى و طبعا لونها اسود فى اخضر من الميه جاتلى حالة رعب رهيبة و طلعت أجرى على السطح لقيت المركب كلها تقريبا على السطح علشان تتفرج على المركب و هى بتعدى هاويس أسنا .
رحلة ممتعة و ربنا يحلى كل أيامك .

الجواز و سنينه يقول...

انا قلت هو شموسه نست باقى الرحله و لا ايه
انا عجبنى اوى منظر اللى حاتط علم مصر و الجزاير
ده ايه حافظ مش فاهم و لا ايه
انا معروض عليه رحله زى دى
بس مع الاسف موقفنى عنها النونات
خصوصا بقى انا عارفه حكايه شيلى كل شويه
و دى مسافات و فكره المركب نفسها هاتتعبنى معاهم
و انا عندى اصلا فوبيا من المياه و الادوار العاليه
يعنى متظبطه اخر تظبيط
حتى البنت بتاعه شركه السياحه لما بتقولى دى جميله قولتلها فكره انها فى الميه كده بتتعبننى
اللى تعبنى اكتر انى لما كنت فى شارم ركبت صب مارين
ما اقولكيش لما المرشد قالنا العمق هنا 30 متر
احساس مرعب بالنسبالى
ايه الرغى اللى انا فيه ده
حمدلله على السلامتك يا قمر
لو فيه حاجه خلتنى اروح الرحله دى هاتكونى انتى و الله
بالصور الجميله دى

hend mossallam يقول...

الصور تحفه بجد و البوست حلو اوي :]

ادم المصرى يقول...

الف الف مبرروووك لمصر وحشتنى مدونتك جدا وانتو والله وحشنى جدا

هي وظروفها يقول...

ايه الي وداكي عنديتنا من غير متجوليلي يا ست الكل

مش كان واجب عليكي تاخدي رايي عشان اجولك تروحي فين وتزوري ايه

اصل انا من اسوان

بلدنا حلوه اوي يا شموسه ولو اهتموا بيها هتبقي اجمل عروسه

عينك ماشاء الله بتشوف الجمال بحب
ونقلتيه للي مشفش الصور بصوره وتعليقمنك زوده جمال

عارفه ليه اللي عايز يشوف الجمال بيشوفه واللي عايز يشوف الوحاشه بيشوفها بس انتي بجد
جميله

اوعي تقولي لجوز بنتك علي التعليق ده

ليخلص عليا ويقولك الواد وليد ده بيعاكسك اتفقنا؟؟؟؟؟

Tamer Alhosiny يقول...

موضوع جميل جدا بفكر اني ازور اسوان الصيف القادم باذن الله
بس ده لو اجوزت يعني
ههههههههههههههههههههه
مش هروح لوحدي

تحياتي ليكي علي الرحلة دي
عجبني قوي منظر المعابد
وحكمة الفراعنة

تامر الحسيني
انسان عاشق حر

adel يقول...

يالهوي :)
بلدي ياناس
الصور حلوة

بالنوسبة للفيديو
الاسهل ترفعيه علي اليوتيوب و تحطي لينك فيديو
لسببين
اليوتيوب اسهل و بياخد اي نوع فيديو تقريبا

2-فرصة الناس تشوف بلدنا و جمالها :)
السياحة خير لينا كلنا
او السياحة مصلحتك اولا
:):)

♥نبع الغرام♥♪≈ يقول...

تحفه

بتقلبى عليا المواجع يا شموسه

انا كل ما بشوفها بتغاظ جامد

ايه الجمال دا كله

ربنا يسهل ان شاء الله واطلعها تانى

تحياتى لحضرتك
ايناس

أبو مصعب يقول...

اولا حمد الله على السلامة
ثانيا اهم حاجة فى الرحلة ايه اللى استفدتوه منها والا تبقى تعب على الفاضى

أبو مصعب يقول...
أزال المؤلف هذا التعليق.
تامر علي يقول...

التصوير جميل والتعليق عليه أجمل
والأجمل منهم الاتنين قدرة الانسان على تلمس نقاط الجمال حواليه والاستمتاع بها
تحياتي:)

غير معرف يقول...

السلام عليكم
صور متميزة وبالنسبة لمقياس النيل .. على فكرة من أهم المقاييس المصرية اللي موجودة في مصر قبل عهد المقاييس الحديثة اللي نفذت في السنوات الماضية كان مقياس النيل الموجود بروض الفرج وأنا عامل حلقة عنه في برنامج تاريخي ربنا يسهل ويذاع عن قريب إن شاء الله

غير معرف يقول...

وحشاااااااااااااااااااااااانى جدا جدا جدا

عاملة إيه؟

أنتى عارفة انا نفسى اروح أسوان بجد حموت و أشوفها...بجد ما شاء الله المكان حلو أوى يا رب تكونى استمتعتى بيه لأقصى حد

هناء محمود يقول...

كنت سرحانة وعايشة معاكى ومع الصور وزعلت لما خلصتى

أبقى إعملى دوبل بوست علشان بجد الموضوع ميتزهقش منه

عجبتنى حكاية الضرايب دى بجد حاجة غير معقولة .. هما الناس دول مش كانوا مصريين برده .. أومال إللى عندنا دول إيه ؟؟؟؟؟!!!!!!!

وعجبنى الراجل إللى بيته بسيط بس عنده فكر فى وضع علم الجزاير وعلم مصر .. ويبدو إنه كان مخلص فى عرض فكرته علشان كدة وصلت لحد عندنا وهو مش دارى

منتظرة الباقى

شمس النهار يقول...

mohamed ghalia

شكرا يامحمد علي كلامك

حاسة اني عايزه اوصل لكم قد ايه بلدنا حلوة


سلامي

شمس النهار يقول...

*واحدة مفروسة

ايوه يامفروسة

بلدنا حلوة جدا جدا

وعندنا كنوز بس مش عارفين نستغلها

علشان بنبص تحت رجلينا

وابسط مثال موضوع بحيرة ناصر اكبر بحيرة صناعية في العالم ومصنع سمك واحد بس

سلامي

شمس النهار يقول...

Lyssandra

صباح النور والورد

الفراعنة ماكانوش بيهزروا
كانوا اذكياء جداوبيرجعوا كل حاجة للعقل

وكانوا بيقدسوا الوقت والعمل

علشان كده اتخلدوا

وشكرا علي كلامك اللطيف

كل الحكاية ان الطبيعة جميلة هناك فالصور طالعة جميلة

سلامي

شمس النهار يقول...

Muhammad Saber Abdou

اسفه يامحمد التعليقات جرية مني فارديت علي اليسار قبلكم

::))
صح بلدنا ليها شكل من كل حتة

واللي يشوفها في العشوائيات

اما شبرا دي غنلها محرم فؤاد الله يرحمه

وعلي فكره لو شوفت اول بوست من الرحلة
هتلاقي اسوان نفسها حتت السياح شئ وجوه البلد شئ تاني


سلامي

شمس النهار يقول...

*أمل حمدي

اهلا بيكي ياجميلة

شكرا علي كلامك

وايوه المنظره النهارده كانت عاليه اوي
::))

ربنا يكرمك ويديكي الصحه يارب

سلامي

شمس النهار يقول...

*دعاء

ازيك يادعاء

يارب تكوني بخير

الحقيقه انا بحب التصوير وبصور علي قدي

:)
الفراعنة ماانقرضوش ولا حاجه
بس مصر هي اللي احتلت وانتي عارفة الاستعمار مابيشجعش التقدم واعلم

يعني مثلا الاتراك لما احتلوا مصر
اخدوا كل العمال المهره وودوهم علي الاسيتانه اللي عاصمة الدولة العثمانية

نورتيني

سلامي

شمس النهار يقول...

*أم بتول

فعلا من اجمل الرحلات اللي رحتها سواء بالداخل او بالخارج

مش تعصب لبلدي وبس لا دي حقيقه

الميكس اللي بين الطبيعة الخلابة والاثار القديمة عامل هيرموني عالية جدا

اما الهاويس ده من اكتر الحاجات اللي في غاية الجمال


سلامي

شمس النهار يقول...

*الجواز و سنينه

ماتخافيش انسي ازاي
عندي اصرار وترصد اني اكمل
مش هرحمكم

::))
ايوه شوفتي الفلاح اللي حاطت الاعلام
هو حاسس ان البلدين واحد

ولعلمك هو حاطتهم فوق السطوح وعارف ان مراكب العالم بتعدي من هنا
وهتشوفهم
حسيت انه عايز يقول للخواجات والعرب مهما حصل احنا عرب اطلعوا منها

وياستي اتكلي علي الله وروحي

هو مافيش حد يقعد معاهم الخمس ايام دول

وماتخافيش النيل غير البحر

والاقصر واسوان احلي من شارم الشيخ

سلامي

شمس النهار يقول...

I'm The CraZy One

شكرا علي كلامك والمتابعة

سلامي

شمس النهار يقول...

*ادم المصرى

اهلا اهلا
ازيك يارب تكون بخير

عامل ايه

وايه الغيبه دي
نورت البلوجر تاني

سلامي

شمس النهار يقول...

*هي وظروفها
ايه ده انت من اسوان
::))
لأ
كده بقا لازم تشوف البوستات من اولها عايزة اعرف رايك

من ناحية انت من هناك ومن ناحية ليك في السياحة

عايزة اعرف البوستات شرحت البلد صح والا من حبي لها افورتها شويتين

بجد اسوان جميلة جدا

وبعدين يافندم ماتخافش الاقصر واسوان انا مذكراهم كويس
من ناحية درستهم في تاريخ العمارة

ومن ناحية بحب الفراعنة جدا
وكمان راجعت علي النت كل حاجة

ماتخااااااااافيش

عارف بلدنا ساحرة بكر جميلة

بس عايزة ناس تحبها

وشكرا علي مجاملتك اللطيفة

وماتخافش من جوز بنتي
حوده ده ابني وحبيبي
وولد زيكم كده جدع وزي الفل

سلامي

شمس النهار يقول...

Tamer Alhosiny

ازيك يارب تكون بخير

ايه ياابني انت فين واخبارك ايه

عايز تاخد العروسه اسوان في الصيف
::))
هو انتقام ياابني ولا ايه

ده احنا كنا في يناير وحرانين خالص

اقول لك

اتجوز في الشتاء احسن

سلامي

شمس النهار يقول...

adel
بلدك

في ايه
هو البلوجر نصه من اسوان والباقي
منايفه والا ايه

:::)))

ايوه ماانا عرفت الموضوع ده
بس لازم اقطعه عشر دقائق
وبعدين ارفعه علي اليوتيوب

ان شاء الله اقدر

اهم فيديو بتاع تعديت الهاويس
اعجاز
بجد

هحاول يهمني تتفرجوا عليه تحفة

سلامي

شمس النهار يقول...

*إبتسامة ملاك

مواجع ايه بس ياانوس

دي رحلة:)

ان شاء الله تروحي تاني وتنبسطي ياجميلة

سلامي

شمس النهار يقول...

*طبيب اطفال
ان كان علي الاستفاده كانت كتير جدا
اولا قعدت مع بنتي وجوزها وقت كبير
خمس ايام وشنا في وش بعض
ده مابيحصلش كتير

ثانيا شوفت اماكن كتير جميلة واكيد اكتسبت صداقات من ناس كانوا معانا

وحاجات كتير هتعرفها في اخر بوست
ان شاء الله

انت علي طول كده مستعجل

سلامي

شمس النهار يقول...

*تامر علي

شكرا علي كلامك اللطيف

وكن جميلا تري الوجود جميل

هناك من كتر الجمال اللي محاوطك من كل حتة
مابتبقاش عارف تشوف ايه والا ايه


سلامي

شمس النهار يقول...

*أحمد شريف

وعليكم السلام ورحمة الله وبركاته

المقياس ده كان خاص بتحديد الضرائب

لكن هناك في اكتر من مقياس

سلامي

شمس النهار يقول...

*انا ودماغي

ازيك عاملة ايه
يارب تكوني بخير

ياريت فعلا تقدري تروحي

هتنبسطي جدا جدا

سلامي

شمس النهار يقول...

*أم .. بوبه

شكرا علي كلامك اللطيف ::))

بوست دوبل

ده من عينيه
عارفة ان شاء الله هعمل مدونة مخصوص احط فيها الصور كلها

وبالنسبه للفراعنة ياريت تقري عنهم هتحسي ان ايه ده
فين احنا من الكلام ده!!!!!

وياريت تقري ردي علي موضوع العلم في ردي علي الجواز وسنينه

سلامي

ستيتة يقول...

رحلة الأقصر واسوان

فيها شفت جوزي لأول مرة في حياتي

فيها قضيت شهر عسل جميل جدا

شفت كل اللي زرتيه ورجعتي لي ذكرياتي الجميلة

عندي صور برضه سبحان الله وكأنها من نفس الكاميرا

بس صور مليانة ايموشنز تودي اللومان :)

شفتي طريقة الولادة اللي متصورة على سقف معبد ادفو؟

مفيش شيء لم يسجلوه هؤلاء الأجداد الفلتة

حتى تماثيل الخدم اللي تصور حياتهم اليومية

شكرا على تفاصيل الرحلة
تحياتي

ستيتة يقول...

اه يا ريت تحدثي تاريخ نشر البوست لأني لقيته تحت في الريدر قوي وكأنك نشراه من زمان
والا انا اللي عيوني عاوزة نضارات؟

شمس النهار يقول...

* ستيته حسب الله الحمش

لأ كده مادام فيها ذكريات وحاجات جميلة
ياريت تتفرجي علي البوستات اللي قبل كده
::))
انا قلت البلد دي رومانسية زيادة عن اللزوم

بالنسبة للفراعنة الحقيقة انا دارسة تاريخ فن في الكلية
ومش عارفة ازاي كنا حافظين ده كله:)

وعلي المستوي الشخصي
انا مبهوره بكل ماهو فرعوني
وعندي كتب عنهم كتير جدا

وموضوع الولادة انا مصورة الحيطه كلها من الطبيعه
حاجه جميلة

بالنسبة لموضوع التاريخ الحقيقة انا مالييش خاااالص في المواضيع دي
لكن هسأل استشاري البلوجر واعملها

شكرا ليكي

سلامي

*الطالبة عفو الله *زوزو يقول...

ما شاء الله جمال طبيعي

ربنا يبارك لكم في بلدكم يا رب

شموستي اوعي تنسي بكرة لقاء المدونين اون لاين
حددنا الساعة ان شاء الله 9 مساءا بتوقيت مصر يا ريت يكون مناسب ليك

حستناك يا قمر

صوت من مصر يقول...

هنروح فين تانى يا مامتى

Dr-Ibrahim يقول...

ِربنا يكرمك على الرحلة
والصور
وأكيد بعد إذنك هحفظهم على جهازى
لانهم صور قيمة فعلا

Unknown يقول...

الله جميلة الرحلة اوى
ماشاء الله دعواتك جايز ربنا يوفقنى واروح

ghada mOhsen يقول...

الله الله الله كمان مره

بجد حلووووه الرحله اللى انتى مش لوحدك بس روحتيها لانك بجد كده اخدينا معاكى احنا كمان

بجد اسوان دايما اسمع عنها واكيد راح ازورها فى يوم من الايام ...

بجد تسلمى ومستنيين رحله الاقصر ..

تحياتى
... ;) ,,, ;) ...

شمس النهار يقول...

*الطالبة عفو الله *زوزو

فعلا يازوزو بلدنا جميلة
انش اء الله تنورينا في مصر ونقدر نقوم معاكي بالواجب

سلامي

شمس النهار يقول...

*صوت من مصر

هنروح ندوة معرض الكتاب

::)))
ولو اني مش بحب اروحه وبقالي سنين مارحتش

بس علشان خاطر المدونين

سلامي

شمس النهار يقول...

Dr-Ibrahim

شكرا علي كلامك اللطيف

وانك تحتفظ بيهم ده شئ يشرفني يادكتور


سلامي

شمس النهار يقول...

*نهر الحب

ان شاء الله تروحي
وهتنبسطي جدا جدا
نورتيني

سلامي

شمس النهار يقول...

ghada mOhsen


خلصي انتي امتحانات وان شاء الله اجتهدي تروحي

فعلا رحلة جميلة

سلامي

Mahmoud Ahmed يقول...

الله الله الله
فكرتينا بالرحله تاني بعد ما كنتي نسيتها
صور جميله
واكيد هروحا ان شاء الله و هحك الصور برضه
.....
بس مين الى حاطط علم مصر و الجزائر ده ^_^
راجل يستحق جايزه و الله العظيم

الازهرى يقول...

بعيد عن الرحلة
أنا راجع القاهرة النهاردة وهأكون فى معرض الكتاب
لو ممكن تكونى هناك
يبقى راااااااااااااااائع

حياه بلا عنوان يقول...

السلام عليكم ورحمه الله وبركاته
قد ايه البلد جميله وفيها حاجات حلوه كتير بجد شكرا على الصور الجميله
تحياتى

Baskouta يقول...

هاي بسكوتة تناديكي
ازي حضرتك انا جيت اقول لحضرتك اني سعيدة اوي اني شوفت حضرتك امبارح
وكنت اتمنى الوقت يكون اطول ونتكلم اكتر بس المرة الجاية ان شاء الله
حضرتك والله بابتسامتك تدخلي قلب اي حد وبجد انا فرحانة اني اتعرفت عليكي ولو على السريع
تحياتي البسكوتية
لينك مدونتي
http://pinkysequins.blogspot.com/

-_- يقول...

اول مرة اعرف موضوع مقياس الضرائب
مستنى اقرأ المزيد

همس الاحساس يقول...

اه الجمال ده
خلتينى اعيط كان نفسى اكون معاكى شموسه
انا نفسى اروح الرحلة ده
بسى مش مهم انتى ورتهالى كائنى رحت
شكرا اختى
الصوررررررررر تخبل مش تجننننننن بس

mostafa rayan يقول...

بلدنا حلوة قوى يا شمس حلوة قوى
لك كل التحيه ياشموسه يا جميله

غير معرف يقول...

الصور جميله اوي :)

سبحان الله

لــــ زهــــــراء ــــولا يقول...

رحلة سعيدة وصور جمييلة تسلم الايادي ياجميل

Pink Dreams يقول...

جميله قوى الصور

فعلا بلدنا جميله قوى

رحله سعيده باذن الله

MaNoOoSh يقول...

رغم انى رحت الاقصر وأسوان فى رحلة جامعية قبل كده

لكن الرؤية بعيون شموسة أمتع وأجمل

Yusuf يقول...

صور حلوة أوي
تسلم إيدك

تحياتي

فارس القمر يقول...

تسلم ايدك ياشمويتنا على الصورالجميله

بلدنا امانه فى ايدينا

وتعليقاتك جميله

تحياتى

رئيس جمهوريه نفسى يقول...

اولا مبسوط جدا انى شوفتك
ثانيا: انا متابع البوستات بتاعت الرحلة من اول بوست وكنت عايز اعلق على صور اسوان واقولك تخيلى انى لحد دلوقت ليه حوالى 5 شهور شغال هناك معملتش زيارة لمعالم البلد بس ححاول اعملها المرة دى أن شاء الله
متابع بس لو معلقتش انتى عارفة ظروفي شكلها ايه

شمس النهار يقول...

سبايدرمان spiderman

انا مانسيتش الرحلة
بس كان في احداث لازم اتكلم فيها

ان شاء الله تروح وتصور علي كيفك

ايوة الرجل ده حب يوصل رسالة لكل المراكب المعدية

سلامي

شمس النهار يقول...

*الازهرى
القاهرة نورت
كان يسعدني اكون موجوده بس الحقيقه

النهارده كان يوم طويل خارجي بالنسبة لي
ان شاء الله نلتقي علي خير

سلامي

شمس النهار يقول...

*حياه بلا عنوان
وعليكم السلام ورحمة الله وبركاته

شكرا علي كلامك
وشكرا علي متابعتك
نورتيني
سلامي

شمس النهار يقول...

*Baskouta
اهلا بيكي
اناكمان سعيدة جدا اني اتعرفت عليكي

وكان نفسي اتكلم معاكي اكتر

ان شاء الله مرة تانية

حسيتك بنوتة لطيفة جدا اتشرف بيها

وشكرا علي كلامك اللطيف

وان شاء الله اروح بسرعة مدونتك
واتعرف عليكي اكتر

سلامي

شمس النهار يقول...

Sharm
لما تروح هناك هتلاقي حاجات كتير اول مرة تعرفها

سلامي

شمس النهار يقول...

mostafa rayan

شكرا علي كلامك يامصطفي
وكنت سعيدة جدا اني موجودة معاكم في المعرض
ربنا يكرمك وعقبال نوبل في الادب

سلامي

شمس النهار يقول...

*Hager Za3bal

ازيك ياهاجر

يارب تكوني بخير

شكرا علي متابعتك

سلامي

شمس النهار يقول...

*لولا وزهراء

شكرا علي المجاملة اللطيفة

المدونة نورت

سلام

شمس النهار يقول...

Pink Dreams

اهلا بيكي
حمد الله علي السلامة
شكرا علي كلامك ومتابعتك

سلامي

شمس النهار يقول...

* MaNoOoSh
مانووووووووش
ازيك

شكرا علي كلامك

نورتيني

سلامي

شمس النهار يقول...

*Yusuf
اهلا يايوسف
حمد الله علي السلامة

يارب تكون بخير وتكون الامتحانات كويسة

نورتني

سلامي

شمس النهار يقول...

*فارس القمر

اهلا اهلا ازيك
حمد الله علي السلامة


شكرا علي كلامك

نورت تاني البلوجر

سلامي

شمس النهار يقول...

*رئيس جمهوريه نفسى

:)

هلا بيك يامتر

انا اللي اتشرفت بيك وبمعرفتك

ربنا يكرمك ويريح قلبك

شكرا علي كلامك ومتابعتك

وان شاء الله تزور الاماكن دي كلها

سلامي

م/ محمد صالح يقول...

السلام عليكم ورحمة الله
دى يمكن تكون اول زيارة للمدونة الرائعة دى ولن تكون الاخيرة باى حال من الاحوال
اتمنى منك مشاركت بحمله " اسمها
فكرة من كل مصرى من أجل مصر" ياريت تشاركينى فيها وكمان تنشريها انا نفسى بجد بلدنا تبقى أحسن بينا وبأفكرنا كلنا تفاصيل الموضوع موجودة فى البوست الجديد يا ريت تقرأيها