للمرة التانيه
لوحة زهرة الخشخاش تتسرق
وده شئ مش غريب مش اول ولا اخر مرة تتسرق اعمال فنيه قيمة فيكي يامصر ولا حتي اثار مهما كبر او صغر حجمها
ايه الجديد؟؟
الجديد ان اغلب الناس مش مدركة القيمة الفنيه لهذه اللوحة !
والفضيحة اللي اتفضحناها في العالم علي السرقه الهبلة والمتحف اللي حراسته وطريقة تأمينه كوميديه علي الاخر
انا مش لايمه الناس دي
هيدركوا الموضوع ازاي ويحسوا بقيمة فنيه زي دي ازاي وهمه اصلا مش متوفر لهم ابسط سبل المعيشه من مواد تموينيه بديهيه
اقتراح بقااااااا
مادام لا الحكومه متمثله في وزارة الثقافه مش مدركة قيمة الاعمال الفنيه دي ولا قيمة الاثار وعجزة انها تحافظ عليها
واغلب الشعب كمان مش مدرك نفس الشئ
احنا نطرح الحاجات دي للبيع للناس اللي تعرف قيمتها وتحافظ عليها وتضعها في نن عينيها
وبالفلوس دي نسدد ديون مصر بقا ونهيص
ونجوز الشباب اللي مش عارف يتجوز ونهيص الشعب المطحون ده
اللي بيحصل في مصر ده مااعتقدش انه بيحصل في اي حته
؟؟؟؟؟؟؟؟؟؟؟؟؟؟
وعلي فكرة اللوحة دي لما اتسرقت سنة 78 ورجعت تاني بطريقه كوميديه اتنين قالوا انها مش اصليه
يوسف ادريس وكمال الملاخ
واللجنة اللي قيمتها كانت لجنة من الكومبارس الفرنسيين
واللي هيبعت حد يسرق اللوحة دي وعارف قيمتها مش هيبعت اتنين حرمية غسيل يقطعوها من الاطار بالموس
لو هو محترف هيعرف ان ده هيفقدها قيمتها
طيب ايه الموضوع ماحدش عارف حاجة
زي العادة
هناك 62 تعليقًا:
يا استاذى الفاضل اللوحه اللى كانت موجوده فى المتحف كانت مزوره وعلشان وزارة الثقافة عرفه كده رفضت تعملها بصمة اثر زى كل الاثار اللى بتروح معارض واللى بتخرج من اليلاد "90%من الاثار اللى بتخرج بترجع متزوره " وهو دا التطور الطبيعى للحاجه السقعه اقصد للاثار المصريه
حسبي الله ونعم الوكيل
والله الواحد مش عارف يعمل ايه مع الناس دي
دي كنوز وللاسف مش عارفين قيمتها
*اعقل مجنونه
:))
شمس النهار سيدة
كلامك صح كله للأسف
بس ياتري موضوع السرقه ايه وهيرسي علي ايه
؟؟؟؟
نورتي في اول زيارة
* كيــــــــــــارا
كوكي ازيك
كنوز مع ناس مش عارفة قيمتها نسيبها بقا للعارف
:))))
اتسرقت ورجعت واتسرقت ومش ح ترجع
لانها ببساطه مزوره
ياسلام يا شمس اقتراحك جميل لو كل الاعمال الفنيه الثمينه دى اتباعت وبثمنها وسعنا على الشباب وعرفنا نلمهم بدل ما هما متمرمطين فى الشوارع وتعبانين ومش عارفين يتهببوا يتجوزوا يبقى دى اسمى خدمه يعملوها لشبابنا
لكن لو على السرقه فى حد ذاتها مسمعتش ان فى دوله اتسرقت اثارها ولا متاحفها قبل كده
لو سمعتى انتى يا اختى ابقى قوليلى
المهم
طمنينى عليكى عامله ايه فى الجو النار ده ... الله يكون فى عونك سبحان ما تفكى الجبس يا قمر
أنا أقول لحضرتك
أكيد اللي سرقوها اتنين حشاشين .. وبما إن الحشيش مختفي اليومين دول من السوق فهما افتكروا انها طالما زهرة الخشخاش يبقوا هايعملوا بيها دماغ .. شوفي بقى لوحة زي دي حضرتك ممكن تلف كام سيجارة ؟؟
D:
خالص تحياتي وعميق احترامي وتقديري لشخصك الكريم ويا رب تكون صحة حضرتك أحسن دلوقت
وكل سنة وحضرتك طيبة وبألف خير وصحة وسعادة إن شاء الله
:)
ورمضان كريم
طبعا كالعاده لا نرى لا نسمع لا نتكلم
فعلا حاجه دماااااغ
وغلاوتك هتلاقيها حد من الكبار هو اللي هربها والحكومه عامله نفسها مندهشه وبتحاول ترجعها
mrmr*
:))
ترجع او ماترجعش مش فارقه صدقيني
ده موضوع هيبان بعدين
يعني هو كان حد عرف الونش الملاق راح فين
:))
انا الحمد لله بخير مابقومش من تحت التكييف
الجبس لوحدة كارثه وكمان حر
يعني كرثتين
شكرا علي سؤالك
سلامي
P A S H A *
ضحكتني جدا
فعلا اكيد دول اتنين حرمية غسيل حشاشين فعلا
:)))
اشكرك علي كلماتك اللطيفه
وشكرا علي دعائك وسؤالك عن صحتي
انا الحمد لله احسن كتير
والجبس بصراحة علقة طويلة المفعول
ورخمة
بس الحمد لله انها جت علي قد كده
وكل سنه وانت طيب
سلامي
engy *
دي حاجه دماغ من كل الاوجهه
زهرة الخشخاش
وكمان الطريقة
هنشوف بكره هيحصل ايه
سلامي
dr.lecter *
ازيك يارب تكون بخير
كل سنة وانت طيب
مااعتقدش علشان الكبار عارفين انه مزورة اصلا
عموما الايام هتبين ايه الموضوع
سلامي
قولى عاشر
دا اتسرقت فى فيلم حراميه فى تايلاند واضح اننا معندناش غيرها
وحشيتنى يا شموسه كل سنه وانتى طيب
انا مع ليكتر
اعتقج فاروق حسني قام بالواجب تاني
هو معروف عنه انه بياخد لوحات يحطها في بيته و كمان اهدي اصحابه من الجدول العربية و باع اثار فرعونية و لوحات
الحقيقة مش مستغرب
Empress appy *
ايه موضوع اتسرقة في فيلم حراميه؟؟
انتي ازيك يارب تكوني بخير
وعامله ايه عندك
:))
الدنيا حلوة
ربنا يبارك لك ويبارك عليكي
انتي غيرتي الكوكب ولا ايه
:))
تحياتي
adel *
شوف ياعادل
ماحدش يقدر يجزم ايه الموضوع
بس ان لوحه تتقطع بمشرط كده
يعني دول حرامية غسيل
مش اعمال فنيه قيمة كده
ليها حرميتها المدربين ازاي يسرقوا حاجه كده ويطلعوها سليمة
علشان ماتفقدش قيمتها
ومن السبعينات اتنين مش سهلين قالوا اللي رجعت مش اصليه رغم تقرير لجنة الفرنسويين اللي قالوا هي
في مصر ماتقدرش تعرف الحقيقه فين
تحياتي
انتظري المانشيت القادم في الجرائد القومية
سيادة الرئيس يعطي توجيهاته بضرورة الأهتمام بالسرقات الفنية
سيادة الرئيس يوصي بتشديد الحراسة علي الاثار
سيادة الرئيس يولي الموضوع عناية فائقة
لولا الصيام كنت قلت لك شارب سيجارة بني ..حاسس ان دماغي بتاكلني
اين انت يازهرة الخشخاش؟؟؟؟
tarek momen *
ادينا مستنين المنشتات ياحاج
رمضااااان كريم
:))
سورى يا قمر
وعلى فكره مدونتك تحفه جدا
http://www.alfhalk.com/1345-%D8%AA%D8%AD%D8%B7%D9%85-%D8%AA%D9%85%D8%AB%D8%A7%D9%84-%D9%83%D9%8A%D9%88%D8%A8%D9%8A%D8%AF-%D9%81%D9%89-%D9%85%D8%AD%D9%85%D9%88%D8%AF-%D8%AE%D9%84%D9%8A%D9%84.html
كل سنه وانتم طيبين
انا صاحب مدونه هنا السناهره واتمني زيارتي وابداء ارائكم في مواضيعي وشكراااااااا
لما عملوا فيلم حراميه فى تايلاند يا شموسه ملقوش غير دى يعملا الفيلم حواليه
انا كويسه يا حبيبتى انتم بس وحشتونى
السلام عليكم
هو مال سايب اصلا
ولو كانت اللوحه مش معروفه محدش كان حس بيها احنا
بنسرق من اهلنا
\يعنى الغريب خلاص خلى كل حرامى فى البلد ياخد نصيبه
شكرا
اختى
كل سنه وانتى طيبه
* اعقل مجنونه
:))مافيش حاجه في بيتها
شكرا المدونه نورت
تحياتي
*كيــــــــــــارا
شكرا ياكوكي
ماانا كنت عارفة من الضهر
الصحفيين والمصوريين من تكالبهم علي المكان والناس
وقعوه حد بقا عرف مين اللي اتخبط فيه وقعه
ابدااااااا
تحياتي
*مدونه هنا السناهره
اهلا وسهلا
رمضان كريم
*Empress appy
اه ماانا عرفت اصلي مالييش في الافلام
الحمدلله انك بخير
معلش هي الغربة مش حلوة
بس بمرور الوقت هتتعودي
تحياتي
* محمود(باحث عن حب)
وعليكم السلام ورحمة الله وبركاته
وانت طيب وبخير
ماهو في عصابه كمان جت من الخارج سرقة البيوت
بس الحمد لله مسكوهم
تحياتي
يبقى انت أكيد فى مصر
انا معاكى نبيع الفن للى يقدره و نفك على نفسنا بقى
بس المشكلة هل هل هل
هيدونا و يشبرقوا علنا بيها
أأأأأأه يا نفوخى (:
رمضاااان كريييييم
Ramy *
لا طبعا هيبيعوها ومش هيشبرئونا طبعا
الفلوس هياخدها الوباااااا
تحياتي
اشك انها اصلية من الاساس لان محدش عاوز يسرقها ويبقى عارف انها اصلية كمان ويسلكها بالموس زى ما حضرتك قولتى !!
طريقة تأمين المتحف فضيحة بكل المقاييس والفضيحة الاكبر التصريحات المسخرة اللى صدرت عن وزارة الثقافة لما قالوا انها اتسرقت وبعدها بساعتين قالوا انها رجعت لما قبضوا على اتنين ايطاليين فى المطار وماعهم اللوحة واللى طلع كﻻم فض مجالس فى الاخر !!!
اقتراح حضرتك ده اسمحيلى يعتبر درب من الخيال وهو من امتى حاجة ملك وﻻد البلد بتتباع وبياخدو نصيبهم ؟؟؟؟؟؟
عليه العوض فى سمعة البلد وحسبنا الله ونعم الوكيل فى اللى وصلونا للحالة المزرية دى
انا عارفه ايه اللي مزعل الناس على اللوحة دي ده حتى بقا الموضوع ده عاااااااااااااااااااااااااادي
و بعدين يعنى هيا جت عليها
و احنا برده عاااااااااااااااااااااادي
تمنياتى ليكي بكل الخير
تااااااااااااااااني
و تااااااااااااالت
و الي ما لا نهايه
تحياتي
عادى خالص
انتي في مصر
كل سنة وانتي طيبة
Foxology
ماهو طبعا الاقتراح ده فتازي علي الاخر
هو احنا بناخد حاجه اصلا
بس انا ليه راي في موضوع المتحف ده
المتحف ده القائمين عليه ناس مثقفه خريجي كليات فنيه
يعني عارفين قيمة هذا المتحف
كلكم راعي مديرة المتحف فنانة تشكيليه
وعندها من السلطات لتصلح المايلة
عملت ايه
هو ده السؤال
تحياتي
Haytham Alsayes
اكيد اكيد في مصر
كل سنه وانت طيب
وشكرا علي الحلقات
تحياتي
* دعاء عويضه
دعاء ازيك
مش كل الناس زعلانة يادعاء
اغلب الناس بتقول ايه المشكلة
مش فاهمين ابعاد الموقف
وفضيحتنا العالميه
فضيحت مصر ام الدنيا
تحياتي
* أحــوال الهـوي
ليه بس الي مالا نهاية
لا طبعا
كل شئ وله نهاية
تحياتي
شمس قلبى
لو محتاره ومنداره تقدمى ايه فى سفرتك انا بقدملك اقتراحات اتمنى تعجبك فى ركنى المفضل ركن المراه
ودى دعوه خاصه جدا لشمس النهار
http://www.soso73.blogspot.com/
اتمنى اقترحاتى تعجبك
* mrmr
مرمر دايما عامر
وشكرا علي الدعوة الكريمة
وعلي فكرة دايماادخل عندك وعند ندي الياسمين
وكان في صديقة مغربيه عندها مطبخ بس لما غبت فترة عن التدوين رجعت مش عارفه هي فين
وطبعا ان شاء الله لما افك الجبس
هبقا اعمل الاكلات الجميلة دي
لكن دلوقتي انا ضيفة علي البيت باكل بس
:))))))
تحياتي
ازيك يا اجمل شموسه وانا بقرء البوست دا قعدت اضحك اوى على اللى وصلنا له من كتر ما خلاص الفراغ ملا حياتنا والضعف دب فى كل اركان نفوسنا بقينا بنكدب على نفسنا ونصدقها بجد احنا محتاجين صحوه تسلم ايدك
{مضان كريم
وكل عام وانتم بخير :)
* طوبه فضه وطوبه دهب
عندك حق تضحكي
كتير شر البليه مايضحك
والبليه المضحكه بقت كتير في مجتمعنا
نورتيني
تحياتي
*أم الخــلـود
اتطلعت علي مدوناتك كلها
قبل ان ارد علي النداء اللي سبتيه عندي
اعتقد ان الحلم ده محتااااج حاجااااات كتير اوي واكبر من اعلان او شعار
محتاج نغير مابأنفسنا نحن الشعوب
شكرا علي المرور
تحياتي
* اقصوصه
كل سنه وانتي طيبه وبخير
رمضان كريم
تحياتي
الجديد فى الموضوع ان فى فيديو نزل لازم تتفرجى عليه
http://www.youtube.com/watch?v=UOixWE_Ylr4
دى مدونتى لو حبيتى تشرفيها
http://kot-cha.blogspot.com/
*اعقل مجنونه
شكرا علي اللينك
وانا بالفعل رحت عندك مالقيتش مدونة
الف مبروك علي المدونة
البلوجر نور
ورايحة حالا الان
تحياتي
السلام عليكم
ازيك يا حبيبتى كل سنه وانتى طيبه
يارب تكونى بالف خير
ههههههههههههه بصى اللى هيقعد يركز فى اوضاع البلد دى هيتهبل بعيد عنك وعن السامعين
وعموما بيقولو اللوحه مزورة وبعدين احنا فى مصر التل يتسرق ومحدش يحس بيه ههههههههههه
وحشاااااانى قوى
كنت عايزة اسأل عن نورا مهدى سويت
هى بخير مختفيه كده بقالها مده من الفيس والمدونه طمنينا عليها لو عندك اخبار عنها الله يبارك فيكى يارب
هو انت عندك حق .. نعمل مزاد للوحات الفنيه وللأثار .. بلا وجع قلب
تصورى يا حاجه انا بقيت شكاك فى كل حاجه وشاكك ان حاميها ورئيسها ورئيس رئيسها ومش عارف مين كمان حراميها . . اشمعنى زهرة الخشخاش .. فيه لوحات كتيره من اللى كانت فى قصور اسرة محمد على استرقت بواسطة العسكر اللى مسكوا البلد .. ومتحف محمد محمود خليل مليان لوحات فنيه على اعلى مستوى وقيمه فنيه اكتر من زهرة الخشخاش .. مش عارف الرسم على ايه وايه اللى ورا سرقة اللوحه .. خايف لا تكون هوجة سرقات للوحات الفنيه والحاجات الجميله فى مصر .. مصر كلها سرقوها .. بلا وجع دماغ
عن ازن حضرتك داخل افطر حالا
اتفضلى معانا
بصراحة مش عارف حتى اعلق بأية بجد الواحد قرب يستسلم حنلاقيها منين ولا منين بس أى دولة محترمة على الاقل الوزير يقدم استقالته من غير نقاش بصرحة انا واحد من الناس زهقت ونفسى اعتزل الدنيا ما بقاش فيها شئ يفرح
مزورة؟؟
ازاى ؟؟؟
والراجل اللى اسمه شعلان دا يتحبس عشان مزورة؟؟
طيب الناس دى ليه ماتحبستش لما حصل محرقة بنى سويف من 5 سنين؟؟
والوزير دا ليه ماتشلش ساعتها
انا مش عارف هو قاعدفى الوزارة بيعمل ايه؟
وقال كان طمعان فى اليونسكو وراح جرى يبوس ايد اسرائيل فى الاخر ماخدش حاجه
حسبى الله ونعم الوكيل
* ليس فقيرا من يحب
ازيك عاملة ايه
يارب تكوني بخير
كل سنه وانتي طيبه
وحشتيني انتي كمان
نورا كويسه وبخير وزي الفل
فيكي الخير انك تسألي عليها
نورتيني
* فشكووول
عندك حق
مصر كلها اتسرقت
زمان ودلوقتي
من بداية الكون الي الان
واللي مااتسرقش اتأمم
تفتكر الراسماليه القديمة اللي اتامموا علي يد الثورة اغني والا اباطرة الان اللي بيمصوا دم الشعب ويحلوا بعضمه
رمضان كريم
تحياتي
انتي زعلانة ليه على زهرة الخشخاش هوه اصلا احنا اللي رسمناها دا واحد من برة المحروسة ( مش عارف محروسة ازاي )
ثانيا احنا نزعل لو كنا احنا اللي رسمنها .
ثالثا : منزعلش على الصورة لانهم سرقوا حاجة مهمة سرقوا الانسان المصري مش فلوسه ده سرقوا عقله و سلبوه روحة .عارفة ليه لانهم حتى مش حطين كاميرا علينا احنا مش متشافين اصلا عشان كده ....و لا اقولك سلام
* سحساوي
بقالك كتير غايب انت كمان عن التدوين
ناس كتير غايبه
تعليقك غريب حبتين
طيب دي مش مهم علشان الرسام مش مصري
طيب والاثار المصرية اللي صناعي مصري ميه ميه
مش هو ده المقياس
المقياس ان المصريين ماباقوش يعرفوا قيمة اي حاجه ولا بقوا يعرفوا يحافظوا علي اي حاجه
ولا عارفين راسهم من رجليهم اصلا
بس مش كل المصريين علي فكرة اغلبهم علشان اكون حقانيه
يا شمس نهار المدونات
ازيك و ازى صحتك دلوقتى
وصلنى سلامك يا ست الكل مع كيمو
و ربنا ما يحرمنا من سؤالك
انا بعيدا عن موضوع البوست اللى يقهر من ساعة ما اتنشر الخبر
جاية بس اقولك
انى فرحانة جداااااااااا بحرصك على التعليق فى كل بوستات يوم ابو الريش
بجد
لما بشوف اسمك
بحس قد ايه انتى ليدى و شيك
و حنانك امومى صرف
انتى بتدى درس بدون ضجيج فى ان ازاى الواحد يكون مجامل و مشجع للآخرين و من غير ما يكون موجود جسدا لكن روحا و قلباً و بالكلمة الطيب حاضر و بشدة
انتى حد حلو قوى
و احنا اتشرفنا بيكى
و علطول نفسك معانا
ان شاء الله لما نعمل لقاء حريمى
لازم تنورينا و تيجى اكيد
هتزودينا و تكترينا و تخلى لليوم حلاوة و غلاوة اكتر
بوسات لبناتك القمرات
و حضونات كتييييييييير ليكى
يا اختي الكريمة همه سرقوا الانسان من جوانا ، يعني الآثار القديمة بتتسرق ما تتسرق هوه احنا مستفيدين منها ايه لا عارفين قيمتها ، و لا عارفين ندرسها ، افهميني سرقوا مننا الانسان اللي يقدر الاثار ، و بخبتهم لما بيقنوعونا اننا نحافظ عليها بيقولوا انها مهمة للسياحة اللي بتدخلنا دخل قومي ، يعني اهميتها في الفلوس شوفتي الخيبة بالويبة قد ايه من من المصريين يعرف عن الفراعنة كويس احنا ما نعرفش غير شوية اساطير و الكاريته اللي في لأقصر و أسوان . و لما قولت ان مش مصري هوه اللي اللي رسمها ما اقصدش انها مش مهمة اقصد ان التخلف وصل بينا اننا لا بنعرف نرسم و لا عندنا ثقافة تذوق الجمال و سؤال و ما تخدهوهش بشكل شخصي انت شوفتي اللوحة دي في المتحف بنفسك لا اعتقد و لا دا قصور في دا ( قصور ) الثقافة ربنا يخلي المسؤلين عنها
لاحياه لمن تنادى
وهذا يدل على ان دل
انك اكيد فى مصر ههه
تحياتى ياقمرايه
انا نزلت الحلقه التانية من قلوب بلامرسى ابقى شوفيها
(دموع القمر)
*علاء المصرى كل يوم
اهلا وسهلا بيك ياعلاء في اول زيارة للمدونة
وعجبني الاسم اللي انته مختارة
المصري كل يوم
:))))))))
وشكرا عل زوقك وان شاء الله ترجع وتعلق
ومبروك علي المدونة
وانا زرتها وجدتها جميلة وبها معلومااات بجد قيمة
نورتني
تحياتي
* فاتيما
حبيبت الكل
فاتيماااا
اهلا بيكي ياغاليه
انتي اللي انسانه جميلة فاشايفه الناس كلها كده
شكرا علي كلامك الجميل
ومبسوطه ان اللقاء كان جميل
وتصدقي صديقتي اللي كانت معايا في معرض الكتاب دايما تسألني عليكي سيبتي اثر طيب جدا عندها
وطبعا ان شاء الله معااااكم في اللقاء القادم
بس استنوا لما افك الجبس واقدر اخرج واسوق
واهدد واندد ان التقيتم من غيري
:))))
نورتيني ووحشتيني
تحياتي
* سحساوي
شكرا علي اهتمامك ومتابعتك
اه كده فهمت
ماهو هو ده اللي قلته ان ازاي شعب بيجري ورا كل حاجه هيفكر في شئ زي ده
ازاي طلبة مالهمش علاقة بالفن الا حصة الرسم اللي مابتحصلش اصلا
هيعرف ازاي يتذوق ويفهم شئ كده
اما بالنسبة اني شوفت اللوحه فاده كان اكتر من مرة
بحكم اني خريجة فنون جميلة
وكمان علشان اصلا انا محبه للفنون
ومش بس كده
لا
الحمد لله زورت بناتي من صغرهم المتاحف المنتشرة في القاهرة لما لاحظت ان المدارس رغم انها خاصه وبفلوس قد الجبل مابيهتموش انهم يقوموا برحلات للمتاحف
واخيرا وياريت ترجع للبوستات دي لما كبروا اخدتهم ورحنا الاقصر واسوان وزرنا من غير برنامج الرحلة اي متحف موجود في المدينتين
علشان كده انا زعلانة جدا علي اللوحة وعلي سمعة مصر
تحياتي
* دموع القمر
اهلا بيكي يابسمة القمر:)
اوك
هروح جري اقراها
تحياتي
إرسال تعليق