الجمعة، 12 نوفمبر 2010

ده مش بوست

عجبني جدا
المقال ده
وحبيت نتشارك ونتناقش فيه مع بعض

وهعلق عليه معاكم
:))
***************

ملحوظة:في حاجه بتحصل في القائمه الجانبيه ان ناس بتنشر تدوينات مش بتظهر عندي في ساعتها بتظهر بعدها بمده كتير حد يعرف السبب

؟؟؟؟

هناك 47 تعليقًا:

شمس النهار يقول...

ده فعلا كان حال مصر قبل نصر اكتوبر والانفتاح علي العالم
:(
ولما السادات اخترع الانفتاح وطبعا زي اي حاجه حلوة في بلدنا
انقلب الانفتاح لنفلات في كل شئ
شعب كان مكبوت مافيش اختيارات حتي الاغنياء من الناس معاهم فلوس وبرضوا هي نفس الصابونه (صابون شم النسيم ونابولسي شاهين) اللي بيستحمي بيها الموظف الغلبان
وعرف الشعب الرفاهيه والسوبر ماركت والسينينه
والجيل اللي طلع ماطلعش عينه زي اللي قبله
والانفتاح فتحها علي البحري للنهب والسرقه وتجار العمله اومال مش الايستيراد ده عايز عمله صعبه
ولماالزمام فلت ابتدوا يلموا المواضيع بس للأسف ماتلمتش لحد دلوقتي

شمس النهار يقول...

بس مش عارفه بقا مال مبارك بقا ومال الرفاهيه دي

علي ماجه مبارك كان كل شئ حصل
هو كمل بس المسيره

ووصلنا للحال اللي وصلنا ليه ده
ولا حول ولا قوة الا بالله

Ramy يقول...

الأول كدة نقول

كل سنة و انت طيبة

أنا قريت المقال و قعدة أضحك

فبكلم واحد زميلى لسه جنبى اهوا شيفه (:

بقولوا شايف الراجل دة بيقول أيه

الشارع كان مفهوش غير 3 عربيات

راح قالى يا عم رامى احنا الشحات عندنا المفروض يبقى عربية مش اقل من 150 ألف جنية

ليه يا سيدى

يا عم رامى أحنا ممكن نكون أغنى دولة بس يلى بقا

أن ربك حليم ستار

شكراً

صحيح زميلى بيسلم عليكم (:

سواح في ملك الله- يقول...

وهل من الطبيعي ان الدنيا بتقف علي شخص اي بلاد تعيش 30 شنه من غير حروب لازم تتطور ولازم يحصل فيها اكتر من اللي حصل ده اليابان في عشرين سنة اعادت بناء نفسها وكانت من اقوي القوي الاقتصاديه في العالم الحكايه مش حكايه شخص بعينه ايا كان الرئيس اللي بعد السادات كان ىزم الدنيا تتطور

adel يقول...

كفاية عليه التعليقات اللي خدها
في موضوع لنفس الشخص الكاتب السخيف
برضه علي اليوم الساقع
اسمه (بنتي تحب مبارك اكثر مني)

راجل مبالغ فيه ومنافق ومعندوش دم

mrmr يقول...

انا فعلا قريت المقال قبل كده
وقريته دلوقتى تانى
لانه فعلا عجبنى
وفعلا هو ده اللى كان بيحصل
انا بابا حجز الثلاجه كانت ايامها ما فيش غير الايديال فضل اكثر من سنه لغايه ما استلمها
ولا الصابون وغيره وغيره
بالمناسبه انا من مواليد السبعينات
علشان كده فاكره كويس قوى اللى كان بيحصل ومكنتش في الاعياد دناميت ولا بمب كان فيه حبش كنا بنلعب بيه
كانت الناس طيبه واقل القليل بيرضيها
لكن دلوقتى الكل فتح على الرابع
بقينا فى زمن الرفاهيه والمستورد
لكن المقال عايز يقول ان الرفاهيه جات فى الثمانينات يعنى لما مسك مبارك القياده يعنى هو صاحب الفضل على مصر
طيب بالله عليكى لو الواحد حب يفاضل بين ايام زمان وايام دلوقتى ياترى
يختار اي زمن

الله يرحم ايام زمان
الله يرحمك يا بابا ويرحم امواتنا جميعا

SHAPE YOUR LIFE (ABOALI) يقول...

الله عليك تسلم رجليك ريس فعلا ولا كل الروساء
يا ريس يا محمينا ومنضفنا وكنا من غيرك بلاوى
ياااااااااااامغذينى بالبسسكويت المدرسى
والكتاب المدرسى والقلم المدرسى والمدرس المدرسى

الشعب فعلا متكبر ورافض الخير
كتر الف خيرك يا ريس
انا غلطاااااااااااااان ليك
وبووووووووووووووووووسة منى على جبينك
وماتزعلش من جيل الفيس
دول عالم نمرود بعيد عنك
ولاد جوجل وتويتر والحى السابع
وخليك يا ريس كده مكبر انت الجمجمة
وقاعد على الكرسى
اللى يا خسارة لم يكن تيفال

اشكرك على المقال يا ست الكل

ولي تعليق اخر ان شاء الله
فى الجولات القادمة

جايدا العزيزي يقول...

ازيك يا ست الكل

انا اعتقد زيك تمام ان الانفتاح كان ليه سلبيات اكتر من الايجبيات

وانه زى ما حضرتك ذكرتى

جعل الفجوة تتسع بين الطبقه الفقيرة والطبقه الاروستقراطيه

موضوع فى الصميم

تسلمى على الطرح الرائع

وكل عام وانت بخير

عيد سعيد

تحياتى

حروف يقول...

وحضرتك طيبة وبصحة وسلامة


للاسف التدوين مبقاش زي الاول
ودة السبب اللي مخليني بعيدة بشاهد من بعيد

دمتي بخير
بحبك جدا واتمني اني اشوفك
كل سنة وحضرتك طيبة

Sweet Violet يقول...

المقال شوفته امبارح و كنت شوفت قبله مقال بنته اللي واضح فيه نفاقه بشكل مستفز

بس زي ما قولت قبل كده على المقال ده هو عايز يمدح الريس جابه ورا
:))

mostafa rayan يقول...

ازيك يا شموسة يا ميلة بصي انا رأيي ان اللي يقبل يقول كلام اهبل زي دة وهو عارف انه هياخد تريقة للصبح اكيد له مصلحة شخصية من وراه لكن هو نسي ان
اللي يبيع نفسه هيفضل رخيص خاصة في عين اللي هيشتريه
________________
كل سنة وانتي طيبة وبخير ويارب عيد سعيد عليك وعلى كل اسرتك واحبابك

فشكووول يقول...

الله يخليكى يا حاجه
كدا تعملى فى الفصل ده
تخلينى اروح اتعب نفسى واقرأ المقال بتاع اليوم السابع وهو اصلا ما يستاهلش التعليق عليه.. لانه نفس كلام الحكومه اللى بتعايرنا بالمحمول وبالعربيات اللى مش بتاعة كل الناس وناسيين ان النسبه فى مصر اقل نسبه فى العالم .. والكلام الهبل اللى بتوع الحزب الوطنى بيعايرونا بيه .. وبصراح مقال ما يستاهلش لا قرائته ولا الرد عليه ..
ما تاخديش فى بالك
انا كنت جاى عشان اعيد على حضرتك
كل سنه وحضرتك طيبه وبخير وان شاء الله يرزقك بحجه ثانيه وثالثه
عيد سعيد وعمر مديد

مصري جدا يقول...

صح دا مش بوست


دا جر شكل

أجمل ما في الايام الخوالي

اسمها:

خوالي ...من المسئوليه التي تفسد أي احساس بالمتعه

بس كدا

لو الايام مرت وكنا موجودين

هتلاقي العيال بتوع اليومين دول بشكل اخر يمجدوا في ايامهم الخوالي برضو

يعني مثلا

هتلاقي العيل من دول بيئول فين ايام البوكسر ما كان باين!!!!!!!!

الله أعلم ايه اللي هيبان بعد كدا

صراع اجيال لا ينتهي الا بأنتهاءها يا ستنا

سواح في ملك الله- يقول...

الاخت شمس \فيه خاجه غريبه فعلا بتظهر عندك اول مبخش عندك بلاقي تحذير من دخول الموقع واعتقد ده سببه التقويم

Haytham Alsayes يقول...

مش عارف حضرتك موافقة الكلام دة ولا لا
بس عموما انا بقي من الجيل دة ومن جيل المبارك مبارك

طيب عملت ايه بقي الموبيلات والمصايف والحاجات الاستهلاكية مع البطالة ونسبة الفساد وارتفاع الجريمة والتحرش

بيقول مفيش حروب
طيب في انهزامية واحباط وعدم انتماء وهجرة وانا من الناس اللي زهقوا من البلد ونفسوا يطفش منها عشان يحقق جزء من احلامه اللي قربت تموت هنا

عملت ايه بقي الجبن والحاجات الحلوة والبيبسي مع الامراض المنتشرة والسرطانات وفيروس سي المنتشر في اكباد المصريين

عملت ايه العربيات الفاخرة مع ازدياد الفجوة بين الاغنياء والفقراء ورجال الاعمال اللي ناهبين البلد عيني عينك ومصاهرات السلطة مع الفلوس
والفقراء اللي بيموتوا من المية الملوثة والجوع احيانا

انا عندى اموت في الحرب وانا واقف ولا اموت من الذل والقهر والجوع

عملت ايه الكهربا اللي مش مقطوعة مع المحسوبية الي منتشرة وعيانا بيانا
واقرب مثال حصل ليا لما واحد اقل مني في التقدير يتعين عشان اخوه رئيس القسم وانا وغيرى يرمونا برة الجامعة ويقولوا مفيش تعينات

دة بقي كلام من مواليد 86 وعمره ماشاف اي حاجة عدلة في البلد دي واسف اني بقول اني قربت اكرهها

واخرة المتمة عاوز ابنه يمسك الحكم
مفكرة عزبة اللي خلفوه
ماهي فعلا كدة عزبة وهيمسكها العمدة غصب عننا جميعا

معلش للاطالة بس المقال دة فتح معايا
دوشتك معلش

تحياتي وتقديرى
كل عام وانتي بصحة وسلامة وسعادة

شمس النهار يقول...

* Ramy

ايوه يارامي مستغرب ليه ان شارع بحاله ماكنش فيه غير 3 عربيات

ماكنش شراء العربيات زي دلوقتي سهل كده
حتي الموظفين الكبار ماكنش عندهم عربيات

مش كل الناس عندهم حساب في البنك
كان السباك في حجمه الطبيعي والنجار وكل طبقه عارفه حدودها وماشيه عليها
وكل انسان ماشي علي قده

تطبيق الانفتاح بالطريقه الغلط هو اللي سيح الطبقات علي بعض
لحد مابقت طبقتين
غني فاحش وباقي الشعب علي قده

وفعلا المفروض نبقا اغني بلد
بس فعلا ربنا بيسترها
:))

الله يسلمك ويسلم زميلك

:))

شمس النهار يقول...

* سواح في ملك الله

عندك حق
بس المقال منطلق من نظرية قول حق يراد به باطل

ايوه مصر كانت كده واسوء من كده
وطوابير الجمعيه
المحافظات اللي ماكنتش بتعرف تكلم بعض
بس مش الحزب الوطني اللي عمل ده
!!!!
ولا ايه

علي فكرة مافهمتش اللي قلته علي المدونه تحذير ايه ؟؟
وايه هو التقويم ده
:)

شمس النهار يقول...

* adel

راجل غريب وزكي في نفس الوقت هو قال حقائق
ايوه البلد كانت كده واقل من كده

لكن مش الحزب وحسني همه اللي عملوا فيها كده

بس التعليقات كان اغلبها تريقه في غير موضوعيه
ده كان لازم يترد عليه بموضوعيه اكتر من كده

:)

شمس النهار يقول...

* mrmr

موفقاكي بس مش موافقه ان التطور ينسب لحد مالوش يد فيه اصلا غير انه كمله

مش هنفضل نتعاير بشئ بديهي اصلا

نظرة علي الدول العربيه اللي كانت اقل مننا
هي احسن دلوقتي
دي معادله مقلوبه
احنا وقفنا محلك سر اصلا

شمس النهار يقول...

* SHAPE YOUR LIFE (ABOALI)

تعليقك ضحكني

:)

فكرني باغنية شاديه لما كانت بتغني ده احنا من غيرك ولا حاجه وناقصنا كام مليون حاجه
:))

مستنيه باقي التعليق

شمس النهار يقول...

* جايدا العزيزي

هو خاله الهرم اتقلب
وضيع الطبقه المتوسطه قضي عليها

كل سنه وانتي طيبه ياجميلة

:))

شمس النهار يقول...

* حروف

اهلا بيكي نورتيني

احترم كلامك ورغبتك
بس لازم نتواصل ولكي الحريه في نوع التواصل

المهم مانتخلاش عن مدونتنا
وكان من باب اولي اني الغي مدونتي بع اللي اتعمل

المهم اني اتطمن عليك
ويارب تكوني دايما بخير

:))

شمس النهار يقول...

* Sweet Violet

:))

صح الصح
عجبتني جابه ورا دي

هو حب ينافقه
بوظ الدنيا

:))

شمس النهار يقول...

* mostafa rayan

اهلا اهلا يامصطفي ازيك
:)

هو الكلام عن حال مصر صحيح مش اهبل

لكن الكلام الباقي اهبل من الهبل

من ساعة وقف اطلاق النار ومصر ابتدت تتخلص من اثار الحرب
وبداء النظر للبنيه الاساسيه فيها واحوال الناس

مش من 81وكمان اخرها

كل سنه وانت طيب يامصطفي
:)

شمس النهار يقول...

* فشكووول

ماخدش في بال ازاي بس ماهو ده الكلام اللي بيضحكوا بيه علي البراعم اللي طالع

نظرة للدول العربيه اللي كانت اقل مننا بكتير بقت احسن مننا
بلاش الدول العربيه الصين الهند
ماليزيا...الخ

البراعم دي مقتنعه بالكلام ده وان الحزب هو اللي عمل مصر كده

كل سنه وحضرتك طيب
:)

شمس النهار يقول...

* مصري جدا

بس ايامنا احنا كانت ايام حرب وشد حزام

والرفاهيه دي مش موجوده

عارف مره قامت خناقه بين شاب في ال16 وامه علشان كان عايز ياكل بط ورقاق
بصتله وقالت له لما يجي اخوك من علي الجبهه
الحوار الي الان رغم صغر سني وقتها وكبر سني الان مش هنساه
وام بتعاتب ابنها انه عايز يستمتع بالحياة واخوه هناك علي الجبهه معرض نفسه للخطر علشانا

كل سنه وانت طيب
:)

شمس النهار يقول...

* Haytham Alsayes

حال مصر كان اكتر من كده
لكن مش موافقه النفاق اللي بين السطور
وانه ينسب ده لنظام فشل حتي انه يحافظ علي ابسط انجازات جميلة عملتها الثورة

كفايه رجال الاعمال اللي ولعوا الاراضي وبالتالي المساكن ليه؟؟
علشان حكومة رجال الاعمال طرحت كل شئ في المزاد

تعليقك رغم انه يقطر هم وحزن الا انه الواقع المرير اللي عيشينه

كل سنه وانت طيب ومسيرها تتعدل

سواح في ملك الله- يقول...

السلام عليكم لما بخش علي المدزنه بتاعة حضرتك بلاقي انذار ان هذا الموقع قد يسبب ضرر للكمبيوتر فيه حاجه في الصفحه الرئيسيه الاعدادات اللي هو التقويم السنوي اللي زي النتيجه جربي تحذفيه كده

دعاء العطار يقول...

انا شايفه ان اللى هو كاتبه فى المقال ده

مش انجاز لعصر مبارك

ده تطور طبيعى بسبب الثوره الهايله فى المعلومات والتكونولوجيا وبسبب عصر العولمه والانفتاح الاقتصادى

لكن ده مش معناه ابداااا ان ده انجاز يحسب لمبارك

ومش معناه اننا ماننتقدش السلبيات اللى بتحصل

كللللل سنه وانتى طيبه

دمتى بكللل ود

جايدا العزيزي يقول...

كل عام وانت بخير

كل عام وانت الى الله اقرب وعلى طاعته ادوم

عيد اضحى مبارك

اعاده الله عليك بالخير واليمن والبركات

ويارب العام القادم تكون عند الحبيب المصطفى

عيد سعيد

تحياتى

rovy يقول...

كل عام و انتى بكل الخير يا رب يا أحلى شموسه و أسرتك الكريمه حبيبتى يا و كل أحبابك يااارب .. عيد أضحى سعيد ..

شمس النهار يقول...

* سواح في ملك الله

حاولت ادور في الاعدادات علي التقويم الثانوي ده مالقيتوش خالص

هحاول اكتر من مره
وان شاء الله هجد العيب فين

شمس النهار يقول...

* دعاء العطار

هو كلام حق يراد به باطل

اي هبل وخلاص

كل سنه وانتي طيبه ياجميلة

:))

شمس النهار يقول...

* جايدا العزيزي

كل سنه وانتي طيبه وبخير انتي واسرتك

ودايما في الخير يارب عايشين

:))

شمس النهار يقول...

* rovy

اهلا بيكي نورتيني

وكل سنه وانتي طيبه وبخير وسعاده

انتي والاسرة

ودايما موجوده معانا في البلوجر

:))

فاتيما يقول...

ازيك يا شموسة
يا شمس نهار المدونات وقمرها

احنا مش خدنا اجازة عيد
يا ناس
ليه نقرى الاخبار ونتنكد بقى ؟!!!


بصى
المقالة دى
ينطبق عليها القول
حق يراد به باطل
أيوه


الحالة العامة للبلد قبل العصر المباركى وبعده .. درجة نجاحها تتقاس ازاى ؟؟؟

يعنى التطور فى أى بلد ف العالم
مش ليه قواعد واصول ؟!!

ايه المعيار اللى نقيس عليه؟

يعنى احنا ف عهد مبارك احسن

احسن بالنسبة لأيه ؟
ومقارنة بمين ؟
بللى جه قبله ؟
ولاّ بالجيران العرب ؟
وانهى عرب فيهم ؟
بتوع الصومال والسودان وموريتانيا ؟
ولا السعودية والأمارات وقطر ؟
ولاّ المغرب و ليبيا ؟
ولاّ مقارنة بأوربا مثلاً ؟
ولاّ امريكا ؟
ولا أى دولة تانية ع الخريطة ؟

طب بلاش كل دول
وهنقول ملناش دعوة بحد

احنا بقينا احسن ف ايه؟
فى انهى قطاع تحديداً ؟
و الأرقام بتؤكد كدا ولا الأرقام دى مضللة كالعادة ؟

حجم الإنجازات مقارنة بعدد البشر فيه تناسب ولا العكس ؟!
عدد المرضى فى كل مرض ونسبته مقارنة بعدد السكان كام ؟
عدد المتعلمين مقارنة بعدد السكان برضو
النسبة والتناسب غالبا مش هتكون ف صالح هذا العصر واللى هيحصل العكس


حكاية ان جيل التسعينات
مطلعش عينه دى
اختلف معاكى فيها يا شموسة
كل جيل وله معاناته
جايز مكنتش مشكلتهم المواصلات وبيروحوا المدارس بباصات مستريحين ومش بيمشوا مشوار كل يوم ويتعذبوا
لكن بيرحوا مدرسة شكلها ايه؟
ويتعلموا انهى تعليم؟
جيلنا كان تعبان اقتصاديا صحيح
لكن كان عنده تكافؤ ف الفرص ف حاجات تانية .. واتعلم صح
جيل التسعينات اتهنى شوية ومتعلمش صح
جيل الأيام دى بيروح المدرسة الخاصة المصرف عليه فيها كويس والمفروض بيتعلم كويس بس للأسف بيروحها
متخاف عليه من الأغتصاب !!!


جيل الايام دى عنده مشاكله
مفيش جيل مروق تماماً
والدنيا تمام



الاخ اللى كتب المقال
موقفش شوية وفكر ان فيه حاجة اسمها
التقدم
التطور فى حياة الدول والشعوب
سنة الحياة
اللى لازم تعدى على كل البشر
وانه عيب قوى
بعد 30 سنة منكونش لسه عندنا عربيات ومشروبات وتلفزيونات وصابونات اشكال والوان زى باقى خلق الله اللى ف كل الدنيا

مينفعش نقول كتر خير الدنيا
ان كل بيت فيه تليفون ؟
دا المفروض
دا لو محصلش ..يبقى عيب جدااااااا
زى ما هوه عيب ان فيه قرى ونجوع بكاملها مفيهاش مية ولا كهربا لحد النهاردة
بس هوه طبعا هيعتبر دا عادى
على اساس ان المواطن المصرى
يحمد ربنا ..انه عايش اصلاً

انا كنت هسكت
بس الكلام خدنى

اقولك
كل سنة وانتى طيبة يا حبيبتى
وعيد سعيد عليكى يا رب

شمس النهار يقول...

* فاتيما

فاتيما اهلا بيكي

كل سنه وانتي طيبه وبخير وسعاده ومتهنيه

المقال استفذني جدا

واهي الدنيا ماشيه بالمشقلب
بس انا عندي امل في التغيير

:))
نورتيني ياجميلة

عباس ابن فرناس يقول...

احلا حاجه فى المجال انه ضحكنى ومكنش لى نفس
والله نوكت حلوه هههههههه
كل سنه وحضرتك طيبه

Baskouta يقول...

كل سنة وحضرتك طيبة وبخير
ويارب كل عيد وانتي شمس منورة

عيد اضحى سعيد على حضرتك وكل الاسرة يارب

:)

elsha3er يقول...

انا جيت متأخر بس حابب أرد على المقال الغريب دة من ناحية تانية
فى عهد السيد الرئيس ادام الله عمره وأطاله مبارك 7 مليون عانز فى عهد سيادة الرئيس مبارك اكثر من 6 مليون عاطل واكثر فى عهد سيادة الرئيس انعدم المثقفين تبعا للحالة الاقتصادية كله اصبح اكل العيش عنده مشكلة فى عهد سيادة الرئيس مبارك مصر بقت بتستورد البصل أم الزراعة بتستورد بصل ومن مين من ليبيا فى عهد سيادة الرئيس مصر فى أى حرب مخزون القمح لا يكفى سوى 50 ساعة والجزائر حققت الاكتفاء الذاتى للقمح فى عهد سيادة الرئيس اختفت الطبقة المتوسطة تماما فى عهد سيادة الرئيس مصر تخسر كرامتها وسيادتها المعودة ألخ ألخ ألخ
طيب حاجة تانية بقى فى عهد الرئيس جمال عبد الناصر اللى انا ما بحبوش ما كنش فى داخل مصر رجل عاطل رغم ظروف البلد فى عهد السادات التيارات الفكرية والدينية خدت فرصتها والبلد اتطورت وحصل التطور اللى قال عليه الاستاذ حتى لو كان اللى بيقول عليه صح ياعم رجع الصبونة الوش و3 عربيات بس بكرااااااااااااااامة بكرااااااااااااامة بكراااااااااااااااااامة
انا عارف انى طولت بس نرفذنى اوى وحرق دمى انا اسف

elsha3er يقول...

معلش انا اسف اضيف نقطة صغيرة اوى
ال3 عربيات اللى بيتكلم عليهم يكفى شرفا انهم صناعة مصرية ودة بفضل مين جمال عبد الناصر فيات نصر لو حد فاكر
المصنع اللى بناه عبد الناصر وكان فخر لينا مين بقى اللى خصخص الكلام دة والنبى حد يقولى وبقولها تانى على فكرة انا ما بحبش عبد الناصر خالص بس الحق أحق ان يتبع

أحمد الصعيدي يقول...

كل سنة وانتي طيبة


اسعدك الله

شمس النهار يقول...

* عباس ابن فرناس

فعلا هو مقال نكته برغم ان فيه حقائق بس النكته انه كلام حق يراد به باطل

كل سنه وانت طيب
:)

شمس النهار يقول...

* Baskouta

كل سنه وانتي طيبه يابسكوته

والسنه الجايه محققه كل احلامك

وياريت تفتحي التعليقات علشان نعرف نكلمك

:)

شمس النهار يقول...

* elsha3er

اهلا بيك ياشاعرنا الهمام

كان نفسي مصر لما تطور بعد الحرب والسلام تطور للأحسن بس للأسف تطورنا للأوحش

اصبحنا بلد استهلاكي
زمان كان القلم الجاف مش بيترمي ولا نوع بيترمي كله ممكن يتغير له الانبوبه
مش كله ارمي وفي الزباله

اصبحنا لانفكر في الصناعه كله اكل وشرب وفسح ومتع
ماعنديش مشكله بس ياريت ده كله يبقا من صنع ايدينا احنا

المقال مستفز جدااااا
عارف كلام حق يقصد به باااااطل

ايوه مصر اتطورت بس للأسوء
ياريتنا فضلنا نقعد جنب التليفون ساعه علي مايجمع ولا كان شببنا بقا اهم اهتماماته الرنه الجااامده اخر حاجه في موبايل روش طحن اخر حاجه
:))))

وياسيدي طول زي ماانت عايز اومال انا فاتحه المدونه علشان ايه علشان نتناقش ونطول

:))

شمس النهار يقول...

* أحمد الصعيدي

كل سنه وانت طيب وبالف خير وصحه وسعادة

:)

كلمات من نور يقول...

معلش يا شموسة نقول ايه ؟؟؟؟؟ القول ضايع يا ستي

أما بالنسبة للمدونة والقائمة الجانبية فساعات بتلعب بينا خالص