الجمعة، 3 ديسمبر، 2010

بوست مسروق :)

الكلام الرائع ده لاقيته عند جارة القمر
عجبني اخدته وجيت نشرته هنا
:)
**********
يوما ما ... سأموت

وستعلم إنك أصبحت يتيما

ستعلم أنى جننت بك ولك

ستعلم إننى كنت أقرب إليك منك

ستعلم حينها إنك كنت قاسيا مجنونا

يوما ما ... ستبحث عني و لن تجدني

كما كنت يوما ما ... أبحث عنك ولا أجدك
*****

هناك 29 تعليقًا:

مفكر يقول...

السلام عليكم:

كلام جميل بس مش فاهم مين بيتكلم عن مين،،،

شمس النهار يقول...

* مفكر

:))

حمد الله علي السلامة

ازيك يارب تكون بخير

حد هجر حد فابيقول له بكره اموت وتبقا يتيم والمقصود هنا باليتم الاحساس
يعني الحبيب لما هيفقد حبيبه هيحس زي الطفل اليتيم

وممكن برضه ده يكون تهديد من الحكومه للشعب
:))

MR.PRESIDENT يقول...

أنا أول ما قريت حسيت إن امي هيا اللي بتكلمني

ممكن والله ينفع اختبار اسقاطي
عشان نشوف الناس بتفكر في ايه
تسلمي يا شموستنا إنتي وجارة القمر

يوميات شحات يقول...

كلام جميل

جارة القمر يقول...

ميرسى جداااااااا يا حبيبة قلبى

مبسوطة جدا ان الكلام عجبك اوى كدا ربنا يخليكى يا قمر

جارة القمر يقول...

متشكرة لكل الناس الحلوة اللى عجباها الكلام دا من ذوفكم والله :)

الكلام مش فيه اسقاااط خالص ... بلاش شر بقى يا جدعان ما الحكومة بنت حلال اهى و كويسة ههههههههههههه

الكلام ممكن من حبيب لحبيبه اللى هجره و ممكن من أم لابنها

باختصار

هو من اى انسان لانسان لم يقدر وجوده فى حياته حق التقدير

مصري جدا يقول...

طب وليه الموت؟

ما نسيبه وندور على غيره وبرضو هيحصل له كدا


بس الكلام حلو

شمس النهار يقول...

* MR.PRESIDENT

:))

ضحكتني ياريس

وكمان عجبتني اختبار اسقاطي دي

:))

شمس النهار يقول...

* يوميات شحات

شكرا لمرورك

:)

شمس النهار يقول...

*جارة القمر

لا شكر علي واجب الكلام مختصر بسيط جميل طالع من القلب بيسر رغم مرارته وحزنه

انا اللي بشكرك عليه

(هو من اى انسان لانسان لم يقدر وجوده فى حياته حق التقدير)
صح ده كلام صح زي الشعر بالظبط

تحياتي ليكي ولبساطت تعبيراتك

:))

شمس النهار يقول...

* مصري جدا

ماهو الواضح ان هو اللي هيجيبلها الضغط والقلب وهيموتها بعمايله

فابتهدده

وواضح انها مش عارفه تسيبه غير بالموت

فعلا كلام جميل وجماله في بساطته

الشبل يقول...

كلمات جميلة جداً

واحنا متعودين علي الكلمات الجميلة دي منك

تحياتي

أحمد شريف يقول...

قرأته عندها :)

تم الرد على سؤالك يا مدام شمس

sony2000 يقول...

انا فهمت
وربنا يستر:)

محمود(باحث عن حب) يقول...

تهديد من الحكومه للشعب

بس كده اسمى
مكتوب,,,,,,,
لآ
......طيب
ههههههههههههههههههههههههه
بلاش شر يا جدعان
جاره القمر
ههههههههههههههههههه
كل واحد حر يا جماعه
الحكومه بنت حلال يا جماعه
يا لهووووووووووى
الواد سيد الشغال
ولا الزعيم

انا بس بعلق على التعليقات جميله والله
الكلمات تحفه والله جميله
نقل جيد
ياشمس

Haytham Alsayes يقول...

الكلام علي مين يولاد الحلال
ممكن يكون عاطفي
وممكن يكون غير كدة

يعني بما اني دماغي لاسعة تاريخ
فممكن نقول ان الكلام دة قالته
حتشبسوت لتحتمس التالت
هههههههههههه

بس كلمات جميلة ورائعة

ونقل اجمل

تحياتي وتقديرى

Dr Ibrahim يقول...

كلام قليل ولكن معبر جدا
ومؤثر جدا
تحياتى على حسن الإختيار

شمس النهار يقول...

* الشبل

شكرا لك

وشكرا علي مرورك

شمس النهار يقول...

* أحمد شريف

شكرا يااحمد
وهروح اشوف ردك هناك

شمس النهار يقول...

* sony2000

:))

فهمتي ايه؟؟

حكومه ولا اهالي؟؟

ربنا يستر

:))

شمس النهار يقول...

* محمود(باحث عن حب)
هو تهديد ايوه

يعني لو ام هي حكومه

لو الحكومه هي حكومه

لو حبيبه هي حكومه برضه

ولو زوجه هي حكومه طبعا

يعني كده كده حكومه

:))

شمس النهار يقول...

* Haytham Alsayes

لا طبعا هو كلامي عاطفي رومااانسي جدا

تاريخيا ممكن برضه

يانهار ابيض انتوا بهدلتوا القصيده الشعريه الجميلة

:))
بس كلكم معايا اعترفتوا انها جميلة
وهي فعلا راااائعه

شمس النهار يقول...

* Dr Ibrahim

فعلا كلام جميل وجماله في قوته وبساطه وسلاسته
:)

mrmr يقول...

السرقه نصف الدنيا
بس دى سرقه مشروعه
مش تخافى مافيش حد يقاضيكى
كلمات جميله
شكرا ياشمس لسلسرقه
اقعدى بالعافيه

شمس النهار يقول...

* mrmr

ماهو يامرمر انا معترفه بالسرقه

:)))

بس كلام يستاهل السرقه

:))
الله يعافيكي ابقي تعالي

:))

غير معرف يقول...

أنا أحب موقعك. ممتاز المحتوى. الرجاء مواصلة نشر cotent عميق من هذا القبيل.

مخبوطازاد يقول...

السلام عليكم ورحمة الله وبركاته

ازيك يا شمس وحمدلله على السلامة ...
بخصوص الفزورة وليه اخترت اسم المدونة ...
مدونتي ( ألف خيبة وخيبة )..اخترت اسمها لأنها بتتكلم عن خيبتنا الاجتماعية ..اللي بتناول فيها الاسباب الكتيرة اللي اخرت جوازي وجواز بنات كتير .. مش بس الاسباب الاقتصادية زي ما الاعلام بيقول غالبا .. حابة الفت النظر ان في اسباب كتيرة جدا .. وهي ان نسبة الشبان المتدلعين بقت عالية جدا .. وبيحطوا شروط غريبة في مواصفات زوجة المستقبل لدرجة تكون دارسة ايه وبتشتغل ايه .. وشروط على السن وبيظلموا البنت اللي عدت التلاتين وبقت متهمة بعدم القدرة على الانجاب وانها لاتصلح زوجة.. كل ده برويه من خلال حكاياتي الشخصية على طريقة الف ليلة وليلة .... اتمنى ان المدونة تعجب المتابعين والاهم ان الرسالة اللي فيها توصل للناس وللمجتمع


تحياتي يا شمس

غير معرف يقول...

وكان هذا حقا للاهتمام. كنت أحب القراءة

غير معرف يقول...

ومن المثير للاهتمام جدا للقراءة. أريد أن أقتبس مشاركتك في بلدي بلوق. ويمكن أن؟ وأنت وآخرون حساب على التغريد؟