الخبر ده ابلغ رد علي اللي بيقولوا ان اسرائيل مالهاش دعوة بموضوع القرش ولا موضوع الكينيسه
هو انتوا فاهمين ان اليهود اللي طردهم عبد الناصر من مصر وماعهومش غير 200 دولار وباعوا املاكهم بعد ماكانوا ملوك هنا زي شملا وصدناوي وبوابجيان هيسكتوا ويسيبوا المسلمين علي المسحيين يعيشوا بسلام كده
طيب اقروا الخبر ده بتمعن
كل سنة وانتم طيبين
هو انتوا فاهمين ان اليهود اللي طردهم عبد الناصر من مصر وماعهومش غير 200 دولار وباعوا املاكهم بعد ماكانوا ملوك هنا زي شملا وصدناوي وبوابجيان هيسكتوا ويسيبوا المسلمين علي المسحيين يعيشوا بسلام كده
طيب اقروا الخبر ده بتمعن
كل سنة وانتم طيبين
هناك 29 تعليقًا:
بعتذر اني ماكنتش بعلق عند حد ولا برد علي تعليقات عندي
الحقيقه كنت حزينه وزعلانة وتعبانة
مع دور برد كمان يعني من كله
صباح الخير
كل سنة وحضرتك طيبة
ويارب سنة سعيدة مش شبه بدايتها
هو طبعا ماحدش قال ولا يقدر يقول ان اسرائيل ملايكة ولا ان اليهود مش مفروسين ومغلولين بعد اللي حصل لهم في عهد بد الناصر (ظلما وعدوانا)
بس هو فيه كام نقطة يغيرين خطروا في بالي وانا باقرا موضوع حضرتك والموضوع اللي شيرتيه في اللينك
الاول بالنسبة لكلام حضرتك عن اليهود المهجرين من مصر مهما كان حقدهم وغلهم من مصر واللي فيها فناس كتير منهم اولا عاشوا في اوربا وماراحوش اسرائبل
وحتي اللي راحوا مهما كبرت نسبتهم فمش هم اللي بيصنعوا القرار في اسرائيل
لقلة عددهم ولانهم يهود شرقيين ودول ولذلك فانهم يعتبروا مواظنين درجة تانية وبيلاقوا اشد التمييز والعنصرية داخل المجتمع الاسرائيلي حتي المسؤولين منهم
ده طبعا مايمنعش ضغائن اسرائيل بصفة عامة تجاه المنطقة كلها ومصر علي وجه الخصوص
ده اولا
ثانيا بالنسبة لموضوع النسر ده
طبعا لا يخفي علي حضرتك الاقمار الصناعية المنتشرة حوالين الارض كلها
اللي بترصد لحد مساعة متر مربع
والنسبة العظمي من الاقمار دي تابعة لامريكا الشقيقة الكبري لاسرائيل
فبيتهيألي اسرائيل مش محتاجة نسر يطير في الجو علشان ياخد كام صورة
الصور عندهم لايف 24 ساعة
والحصول علي المعلومات في عصر المعلومات مش حاجة صعبة
موضوع الاجهزة اللي كانت علي ظهر النسر فده جهاز gps وده لتحديد مكان النسر علشان يعروفا هو وصل فين
يعني مش بيستخدم للتجسس ولا حاجة
ده علشان يعرفوا النسر وصل فين
ولو النسر هايستخدم للتجسس ماكانوش هايحطوا علي رجله عليم اسرائيل
والا يبقي عملوا زي هريدي الداسوس
...........
شوية تخاريف خطرت علي بالي حبيت اشارك حضرتك بيها
اصلي مش بحب النظريات الثابتة والجاهزة
يعني نلزق كل حاجة باسهل حاجة في طريقنا علشان مانتعبش نفسنا شوية في التفكير
...........
كل سنة وحضرتك طيبة
وأمن الله مصر من اعدائها الداخليين والخارجيين
كتبت قبل ما اشوف تعليق حضرتك
الف سلامة علي حضرتك
ولعن الله البرد اللي مخليني ملازم السرير انا كمان (:
سلامة حضرتك
وجعلها الله اخر احزان مصر يارب
أولا حمد الله على السلامة
ثانياً
قرأت المقال ...مش عارف الصراحة أنا عادة ما بحبش موضوع ان احنا نكون مستهدفين ةان يكون في مؤامرة وقصة سمكة القرش والكلام ده
بس الاحداث اللي حصلت مؤخراً في اسكندرية لا يستبعد ابدا ان هي ممكن تكون مؤامرة جديدة من الموساد حتى لو ماكنش ده بطريق مباشر
لكن المشكلة ان احنا بقى عندنا حساسية
واي حاجة بقينا بنقول عليها ان اسرائيل مستقصدانا
يانسورك يا اسراااائي دا احنا اتطورنا خاااااااااااالص والبركة فينا في العرب ياعني
لولا
لا الف سلامة يا فندم
ربنا يهد الصهاينة حاكم ماهما قرفينا كده.ويسترها معانا
* Manamino
منمينو عندنا يامرحبا يامرحبا
والله كلامك معقول بس يعني النسر رايح السعوديه يعمل ايه يحج يعني
والف سلامة عليك وعليك يالليمون والعسل
وكل سنة وانت وانا وكل المصريين بخير رغم اعداء الخارج والداخل
المتشافين والغير متشافين
* Hu-man
الله يسلمك
مش عارفة ليه انتوا مستبعدين اسرائيل
مع ان رئيس الموساد نفسه قر واعترف بده
وكل شويه يطلع لنا جاسوس
وكل مصيبه بتنتهي خيوطها عندهم
ده حتي امريكا همه اللي ممشينها
فاضل ايه علشان نصدق بقا
مانقرا التاريخ والدين ونشوف عملوا ايه في الانبياء والرسل
*لـــولا وزهـــراء
مش سايبين حاجه مابيعملوهاش
والله وحده اعلم النسر ده دخل ليه وعلشان ايه
بكره نعرف يالولا
* Dr Ibrahim
الله يسلمك يادكتور
عارف امتي هبطلوا يقرفونا لما العرب يتحدوا ويبقوا يد واحدة
ساعتها مش هيعرفوا يعملوا لنا حاجه
وطبعا ده في الاحلام
يبقا نسكت ونتفرج بس
الله يسلم حضرتك يارب
اديني بحاول معاه يمكن يخلي عنده دم
............
انا مش باستبعد حاجة علي اسرائيل علي فكرة
ولا شايفهم ملايكة بجناحات
ومش باجزم ان النسر مش للتجسس
بس بحاول اشغل عقلي
مش كل حاجة نلزقها في نظرية المؤامرة وخلاص
اصل عارفة حضرتك؟
ممكن يكون الهدف حاجة افظع من التجسس
وكونا نلزقها من غير تفكير يبقي بنضيع علي نفسنا فرصة للتفكير في معرفة الحقيقة وبنضيع علينااننا نمنع كارثة مثلا
انا مش باتكلم عن موضوع النسر بالذات
انا باتكلم في العموم
في كل حاجة
يعني مثلا نقول اسرائيل هي اللي بعتت القرش
ونريح نفسنا علي كدة ماخلاص عرفنا اللي فيها وبقينا ولا كرومبو
بس ممكن ماتطلعش اسرائيل ونكون سيبنا المصدر الرئيسي من غير علاج لحد المشكلة ماتتفاقم وتزيد
ماباقولش نفترض حسن النية عندهم باستمرار لاننا هانكون سذج
انما ندور في كل الفروض مع بعض
ممكن النسر يكون جاي يتجسس
وممكن يكون جاي يعمل حاجة تانية لسة ماعرفناهاش
وممكن مايكونش جاي يعمل حاجة واهو عقل نسور وخلاص
طلبت معاه السعودية
زيها زي اي بلد يعني هو هايفرق؟
ماهو لو جه مصر كنا هانقول جاي يعمل ايه
ولو راح الاردن هانقول رايح ليه
ما اسرائيل معادية خلق الله اللي حواليها كلهم
لا اصدق
فاكرة حضرتك الحمام الزاجل طيب ماهو زمان كان الحمام الزاجل لاغراض تجسسية وتداول الاخبار السرية بين الدول واللي اخترع الحكاية دي العرب اساسا
ليه الاستغراب يعني ان ممكن يكون الموساد هو اللي عملها
واصدق كمان انهم هما اللي عملوا الجريمة في اسكندرية وممكن تكون بايادى عربية او اسيوية او مصري
بس مش معني كدة ان الموساد جامد يعني
بس دة اسلوب اي مخابرات في العالم
بس برضه بلاش نستخدمها شماعة
ونعترف ان في مشكلة داخلية لها اسبابها
واسرائيل بتستخدم دة
اتصدقي الخبر دة عطاني فكرة تدوينة هاكتبها قريب ان شاء الله
والف سلامة عليكي
ربنا يعافيكي من كل سوء
تحياتي
سلامتك ألف سلامة يا شموسة
كلنا مقهورين الحمد لله وربنا يعديها على خير
اما حكاية النسر دي
بيتهيألي إن اسرائيل مش محتاجة النسر علشان تتجسس على حد
هي أكبر من كدا وإحنا أضعف من إننا نستوعب اللي بيحصل حوالينا من كتر ما هم مغميين عنينا وبيتوهونا في كل حاجة بتور حوالينا
الله المستعان
وحشاني يا شموسة ربنا معاك ومعاية
سلامة حضرتك ومش هاعلق دلوقتي :)
بس مقدرتش ماجيش هنا لاسباب كتير
السلام عليكم
الف سلامة أختي شمس..
صراحة أنا رأيي بشأن موضوع النسر هو نفس رأي Manamino و Hu-man ، أصلي راجل علمي وشايف إن موضوع متابعة النسر منطقي جدا.. وشعار الجامعة يدل أكثر على إنه مجرد بحث علمي...
وزي ما قال بعض إخواني فوق: هو احنا لسه ماتصورناش؟!!!
بصراحة أنا تعجبت من تعليقات الصحف السعودية!!!!
دمتِ سالمة من كل برد ومن أي مرض مع تحياتي أختي الكريمة..
لا طبعا يا ست الكل مش هيسبوهم
لانهم لا عهد لهم ولا وعد
بس المشكله ان الاكثريه مش مستوعبين
ما يعرفوش ان الحرب النفسيه والضرب من تحت الحزام هو تخصصهم
اشكرك على الفكرة
التى لا يقكر فيها سوى الاقليه
*Manamino
ماهو الشاطر اللي يفكر في كل الاحتمالات
ومايسبش ولا احتمال حتي لو صغير وتافه
هي ريا وسكينه كانوا مستخبيين فين
ورا القسم علي طول لصق
*Haytham Alsayes
ماهو علشان في مشكلة
الموساد لاقتلها مدخل علشان تولع الدنيا
ومابستبعدش زيك اي احتمال
وهستني التدوينه الجديدة
وشكرا علي دعائك ربنا يكرمك
* ماما أمولة
اهلا بيكي ياست الكل
الله يسلمك انتي كمان وحشتيني
منورة البلوجر كله
انا بصراحه مابستبعدش عنهم حاجه خالص
وفي النهايه هيقولوا ده بحث علمي والغرض الله واعلم بيه وحده
* adel
وقت ماتحب تعلق علق
انت صاحب مدونة ياعادل البيت بيتك
وماينفعش ماتجيش هتتكتب غياب اصلا
:)
* ماجد القاضي
وعليكم السلام ورحمة الله وبركاته
الله يسلمك شكرا ليك
مش هقول لا بحث علمي في ايه وليه كلنا عارفين ان اليهود مابيعملوش حاجه كده
وطبعا همه مصورنا لما شبعانين بس ياتري النسر ده حط ايه ولا عمل ايه الناس دي مابتهزرش
شكرا علي دعائك
* جايدا العزيزي
اهلا بيكي كل سنه وكريم طيب
ويارب تفرحي بيه دايما
وشكرا علي تعليقك منوراني دايما
مدام شمس النهار ومانمينو فى نسر مافيش نسر فى تجسس او مافيش او اسرائبل اللى وراء التفجيرات او لا مش هو ده اللى المفروض نصدقه ونجزم بيه لكن اللى المفروض نجزم بيه هو القراءن وكلام ربنا اللى ماينفعشى نتجادل فيه قال الله تعالى(
(لتجدن أشد الناس عداوة للذين أمنوا اليهود والذين أشركوا ولتجدن أقربهم موده للذين أمنوا الذين قالوا إنا نصرى ذلك بأن منهم قسيسين ورهبانا وأنهم لا يستكبرون (82)وإذا سمعواماأنزل إلى الرسول ترى أعينهم تفيض من الدمع مما عرفوا من الحق يقولون ربنا أمنا فاكتبنا مع الشهدين(83))
صدق الله العظيم
اعتقد ان ده كفايه يعرفنا مين عدونا الحقيقى مافيش فى القراءن اكتر من توعد ربنا لاهل الكتاب وربنا يحمينا منهم وده رأى المتواضع
مدام شمس النهار ومانمينو فى نسر مافيش نسر فى تجسس او مافيش او اسرائبل اللى وراء التفجيرات او لا مش هو ده اللى المفروض نصدقه ونجزم بيه لكن اللى المفروض نجزم بيه هو القراءن وكلام ربنا اللى ماينفعشى نتجادل فيه قال الله تعالى(
(لتجدن أشد الناس عداوة للذين أمنوا اليهود والذين أشركوا ولتجدن أقربهم موده للذين أمنوا الذين قالوا إنا نصرى ذلك بأن منهم قسيسين ورهبانا وأنهم لا يستكبرون (82)وإذا سمعواماأنزل إلى الرسول ترى أعينهم تفيض من الدمع مما عرفوا من الحق يقولون ربنا أمنا فاكتبنا مع الشهدين(83))
صدق الله العظيم
اعتقد ان ده كفايه يعرفنا مين عدونا الحقيقى مافيش فى القراءن اكتر من توعد ربنا لاهل الكتاب وربنا يحمينا منهم وده رأى المتواضع
موضوعك حيوي ويدل علي فهمك
* fafy
اليهود قتلت الانبياء والرسل
واخبث خلق الله
ان شاء الله كيدهم في نحرهم
* المدفعجي
شكرا علي تعليقك
نورتني
ربنا يحفظ مصر
* أحمد شريف
آمين
إرسال تعليق