لو نيلك صلصة مش هتكفي تطبخ الكوسة اللي فيكي يامصر
(كلمة قريتها علي الفيس)
*********
الباشمهندس وزير الثقافه الفنان عمل معرض
بصراحه ماكنتش عايزة اتكلم عليه
علشان موضوع تونس وكمان مايستهلش
لحد امبارح اتصلت بيه صديقة دفعتي بتشتغل في وزراة الثقافه
قالت لي المعرض مكسر الدنيا
!!!!!
!!!!!!!!
فاحبيت اعرض عليكم بعض لوحات هذا المعرض اللي مكسر الدنيا
المشكلة عندي اني مش بس خريجة فنون جميلة
ولا ان اللوحات لاترقي اصلا لأي نوع من انواع الفن
المشكلة اني لما دخلت اعمل بحث عن المعرض
لاقيت كبار النقاد والصحفيين كاتبين كلام كبير جدا
ده غير ان مافيش فنان فيكي يامصر ولا صحفي ولا رجل اعمال ماكنش هناك
ايه ده ايه ده
انا هسيبكم انتوا تحكموا
بس في صورتين ابلغ من اي كلام
صورة لرجل الاعمال ابو العينين عايز يقول له ايه ده ياروقه ايه النيله دي
*********
الباشمهندس وزير الثقافه الفنان عمل معرض
بصراحه ماكنتش عايزة اتكلم عليه
علشان موضوع تونس وكمان مايستهلش
لحد امبارح اتصلت بيه صديقة دفعتي بتشتغل في وزراة الثقافه
قالت لي المعرض مكسر الدنيا
!!!!!
!!!!!!!!فاحبيت اعرض عليكم بعض لوحات هذا المعرض اللي مكسر الدنيا
المشكلة عندي اني مش بس خريجة فنون جميلةولا ان اللوحات لاترقي اصلا لأي نوع من انواع الفن
المشكلة اني لما دخلت اعمل بحث عن المعرض
لاقيت كبار النقاد والصحفيين كاتبين كلام كبير جدا
ده غير ان مافيش فنان فيكي يامصر ولا صحفي ولا رجل اعمال ماكنش هناك
ايه ده ايه ده
انا هسيبكم انتوا تحكموا
بس في صورتين ابلغ من اي كلام
صورة لرجل الاعمال ابو العينين عايز يقول له ايه ده ياروقه ايه النيله دي
هناك 56 تعليقًا:
حضرتك مزعلة نفسك ليه ؟؟؟
اللوحات دى متجيش حاجة جمب اللوحات اللى اتحفنا بيها وكانت متعلقه فى محطة مترو الأوبرا وكان اللى رايح واللى جاى نازل فيها تريقة وتهزيق :))))))
شوفى حضرتك احنا فى زمن الاستهبال الرسمى الشعبى الكبير الكل بينافق ويجامل ويكذب ويستهبل سواء حاكم أو محكوم عادى يعنى :)
تحياتى
حد يقول كدة
على بيكاسو الشرق الأوسط (;
طب هتشوفوا لما يموت كدة اللوحات دى هتتباع بكام
هااا
(:
* Foxology
لا والله ياابويوسف انا مش زعلانه انا حزينة
وعندك حق احنا في زمن الاستهبال
في شباب من الفنانين بيحفوا علشان ياخدوا موعد يتعمل لهم معرض وفنانين علي حق
وفي فنانين مصريين مشهورين بره مصر ولا حد يعرفهم اصلا في مصر
* Ramy
لا لا لا لا
هو انت ما عندكش خبر
هو انت ماتعرفش
همه هيستنوا لما يموت
اوماااال الكوس تبقا فين بقا
حضرتك اللوحات اتبااااعت بالووووووفات
مش ذنبي انك مالحقتلكش لوحة
ذنبك علي جنبك
:))))))))
انا هاعبترها مش غيرة ولا تريقة وانك بتحاولي تشريحلنا اللوحات
وحضرتك بقي هتشككي في الوزير الفلتان سوري الفنان ؟؟
ده اسمه الفن الكوسي
زي التشكيلي والسريالي والسنجابي كمان
ياريت منتهمش فناني ومختلين مصر بالصح :))
* adel
:))))
اشرح مين بس ياعادل
طيب اشرح ايه
طيب هقول لك شوفت اللوحة اللي فيها حتت الجبنة الاسطنبولي
:))))
هههههههههههههههههههههه
و النبى يا شمس ما تنكشينى فى موضوع معالى الوزير ده
بس انا فاكره مقال كتبه بلال فضل من سنه تقريبا او اكتر بيتريق فيه على اللى انتى حكيتيه ده
و كان اسمه تقريبا سنتك سوده يا معالى الوزير من منطلق ان احد الفنانات قالت ان الوزير بيتفائل باللون الاسود
ههههههههههههههههههههه
* صيدلانيه طالعه نازله
اخرا ظهرتي كنتي فين اكيد الامتحانات
صح
ده مش سنته سوده دي مالهاش لون محدد
بس برضوا ماحدش قال رايه في الابداعات
:)))))
الاول
ازيك يا شمس الشموسات
ثانياً
انا والله فرحانة بينا كشعب مصرى
يعنى حضرتك فنانة اصلاً وخريجة كلية فنية يعنى بتفهمى جدا وعن دراسة ف الفن التشكيلى
انما الجميل ان غالبية الشعب المصرى اللى مدرسش فن برضو مش داخل عليه الحكاية
ومهما اتجاب ضيوف ولغموا بيهم المعرض ونشروا صورهم ..اللى ف القلب ف القلب والناس مش شايفة أى فن ف الشخبطة دى
تعرفى ؟
الواد يوسف ابنى
كان بيقول انه عاوز يطلع فنان تشكيكى ..
اول مرة قالها نطقها كدا
وانا مكدبتش خبر
وخليتها كدا
اذ ان الفنان لازم يتشكك
فى كل حاجة يشوفها
ويرسمها من وجهة نظره
بعد تخبطه ف الشك ليصل إلى اليقين
وبناء على التعريف الموضح اعلاه
فالوزير بتاع ثكافتنا
فنان تشكيكى
مية مية
وبعدين
هوه مش مستنينا يعنى
و بيقول على نفسه
انه اغلى فنان ف مصر
ويبدو للأسف ان دا حقيقى بالأرقام
ومش معقول مثلاً واحد زى ساوريرس
أو ابو هشيمة يخرج بإيده فاضية
وميشتريش لوحة بتوقيع الوزير
بمبلغ وقدره
و بما انه غاوى يلم ف تحف
وهايفا اصدق مثال
طب م الآخر انتى زعلانة ليه دلوقتى ؟
انا مش فاهمة الحقد دا ليه ؟!!
يعنى الراجل يسيب فنه
ويتفرغ للوزارة
اللى مبتأكلش عيش
وكل شوية يا نضرى
مجرجرينه ع النائب العام
ومبهدلينه ف الجرايد البمبى
وبلاش نقول صفرا
عشان دا راجل فنان برضو
و الكوسة هتفضل ف الفن
وف السياسة
والتعليم
وف كل حاجة يا شمس
طول ما رب البيت بالدف .. ضارب
كل الحب ليكى يا حبيبتى
:)
هي دي مصر يامدام شمس
وعليكم السلااااااااااااام ورحمته الله وبركاته
بصراحه انجاااااااااااااااااز
والله كتر خيره
يارب يكثر من امثاله
لالا ملكيش حق يا شموسه تتكلمنى نص كلمه على روقه حبيب الملايين
ده حتى وهب ممتلكاته والقصر لمصر شوفتى بقى فى حب لمصر اكتر من كده وبعدين تقوليلى كوسه ... راجل كريم ومعطاء ذى ده نقول عليه كده ... قال كوسه وصلصه وبتنجان
السلام عليكم
أولا جديدة علي موضوع فنون جميلة.. لازم آخد بالي قبل ما أفشر في الفن بعد كده :)
ثانيا: لو عاوزة وصلة ضحك معتبرة.. روحي شوفي تعليقات دكتورة ستيتة على اللوحات..
وشكرا إنك أكدتي لنا - كمتخصصة - إن احنا مش ......... قوي كده، زي بعض (الفنانين) ما بيحسسونا!!!
تحياتي أختي الكريمة.
* فاتيما
الله يسلمك يافطوم ياجميلة
الشعب المصري ذواق للفن بطبعه كده
مش محتاج حد يقوله
:)
عجبتني جدا تشكيكي دي
:))))
وزير سخافتنا مش فنان اصلا ونبي يافاتيما ماتزعلينيش
وايوه طبعا رجال الاعمال طبعا راحوا يشتروا اوماااال مين اللي هيشتري
:)))))
هو لقا نفسه مخنوق من موضوع اليونسكو شد شاسيهين وضربهم فرشتين الوان علي رولين سفنج الوان
واهي سبوبه في حب مصر
وعلشان القر وهب كل مايملك بعد عمر طويل لمصر
ومش حقد ولا حاجه
بس بترحم علي فنانين مصر
امثال
محمود السعيد وسيف ونلي وحامد ندي
نورتيني ياحبيبتي
* سواح في ملك الله
نفسي ماتبقاش هي دي
وتتغير
* صابر وراضى
وعليكم السلااااااااااام ورحمة الله وبركاته
اهلا اهلا
ازي حضرتك انت فين غايب بقالك كتير واصلا المدونة مش موجودة
يارب تكون بخير وصحة
وحمد الله علي السلامة
* mrmr
:))))))
ايه بس يامرمر
كوسه وصلصه وبتنجان والله فكرة اكله جديدة برضوا
:))))
:)))))))))))))
* ماجد القاضي
جديده ليه يافندم دي مكتوبة في ملف التعريف
والله اللوحات مش محتاجه متخصص خاااالص
غير في علم الكوابيس
:))
حتي تركيبات الالوان مافيهاش اي جمال ولاتناسق
واللي غايظني حتت الجبنة الاسطنبولي اللي في اللوحة
جبنة اسطنبولى ؟!!!
ياللهوووول
طب انا شوفته مكعب سكر
يبقى ايه المنظر دلوقتى ؟
مين يحللنا الأشكالية التشكيكية دلوقتى ؟!!
ومن ناحية اليونسكو
فهوه انكبس كبسة معتبرة
فالناس قالت تاخد بخاطره بكلمتين
وتشترى لوحاته احسن يشيل ف نفسه ويتعقد ...
هقول ايه بس
ف الآخر
يحضرنى المثل المصرى الجميل
اللى بيقول
رزق ... ع .....
واكمل الفراغات التالية
:)
ازيك ياماما عامله ايه
بتحرقي دمك ليه
هو محروق اساسا من اللي بيحصل
بيفكرني بفيلم مش فاكره لمين قعد يشخبط في الصورة يشخبط ولما شافو الصورة قالو وااااااااو رغم ان الصور اللي هو راسمها ولا شدت انتباهم اساسا
خلي الفن والزوق الرفيع لاهله واكيلة الكوسه لناسها
صعب تمنعي الناس انها تاكل كوسة لكن مهما كلو فهما منبوذين ومعروفين
* فاتيما
ونبي ماكسر لك كلمة ابدا
مكعب سكر مكعب سكر
يمكن علشان انا بحب الحوادق والجبنه البيضا
:))))))))))))
واهو برضوا السكر غالي اليومين دول
:))))))))
* كيــــــــــــارا
كوكي عندنا يامرحبا يامرحبا
ازيك فييييييييينك عامله غياب ليه
:))
اتحرق دمك اومال لما تعرفي انها اتباعت كلها واتماااان مرتفعه جدااااااااا هتعملي ايه بقا
:))))))))
اه شفت الجنبة الاسطتبولي
ودقتها
حلوة قوي قوي
خفيفة علي المعدة :)
عندى ضغط شغل بس يامامتى
هقول الحمد لله ان فيه لسه ناس بتتزوق الفن والجمال
وان مش كل الناس بتحب الكوسة
لان اكيد اللي دخل هنا واعترض فهو واعي ومدرك
وفي ناس مش ليها في الرسم وتقدر بردو تحكم
في امل ياماما في امل
والله الفلوس دي بتصعب عليا ممكن كان اتعمل بيها حاجات كتير اوي تفيد المجتمع ككل
دا لو اتزين بيها شارع يبقي المجتمع استفاد
مابالك بئا لو مشاريع كبري
الحمد لله الحمد لله الحمدلله
انا شارح لوحة جديدة لفنان ايراني عظيم علي مدونتي فنون جميلة بصراحه مش قادر اتذوق هذه اللوحات
حتي عيني بتبص عليها و فيه تكشيرة علي جبيني
مش فاهم هو كبير ازاي؟؟؟؟؟
انا ملاحظ ان مبارك بيختار جهله في الوزارات علشان يبقي الحكيم في وسطهم و ده واحد من الجهال في الحكومة
* adel
طيب كويس
:)))
في مصري استفاد م اللوحات اهو
بس فاتيما شايفه انها حتت سكر اعمل ايه انا دلوقتي
:))))
* كيــــــــــــارا
ربنا يوفقك ياكوكي في شغلك
والفلوس دي همه بيشتروا بيها الرضا السامي مش اكتر
وهمه لاليهم في الفن ولا حاجه
ولا ده فن اصلا
* ذو النون المصري
عجبتني كلمتك ( وفي تكشيرة علي جبيني)
:))
ماهو كله في الاونطه
لاهو فن تجريدي ولا تكعيبي ولا سيريالي ولا اي حاجه في اي حاجه
هو تلوث بصري مش اكتر
او ممكن نكون احنا اللي مش فاهمين او مش عارفين نتفرج
ربنا يوفقك ..
تحياتي
* إبن بهية
شكرا ليك
اه صحيح
بتهيقلي حضرتك متخصصة في الفنون تقريبا
صح ؟
شوفتي الراجل دة مع خيرى رمضان
كان عمال يشرح ويحلل طبيعة الشعب المصرى
وتقريبا قال في مجمل حديثه ان الحمد لله ان الشعب جاهل ومش مثقف عشان ميقومش باضطرابات
طيب هي لوحاته دى ليها معني في نظرك
انا عن نفسي مبفهمش في اللوحات
بس اعرف عن الراجل انه راجل اهبل
وعلي رأى حد كان معلق علي الموضوع دة
تقريبا لورنس العرب عن دكتورة ستيتة
كان الاحسن يرسملنا رغيف عيش
ربنا يخلصنا من الاشكال العار دي
واللي مشغلها
تحياتي
حضرتك غيرانه من الراجل ليه بس
:) :D
هههههههههههههههههههههههههههههههههههههههههههههههههههههههههههههه
و الله ما قادرة ابطل ضحك
اصل من يومين في ديزاينر معروف و مشهور كتب عالفيس انه حضر المعرض ده و انه اتذهل من جمال و روعة اللوح و قعد يقول قصايد في اللوح
استغربت و قولت يمكن اخيرا فاروق حسني بئا يعرف يرسم
بس دلوقتي الحمد لله شوفت الرسم و اتاكدت اني رايي فيه عمره ما هيتغير ابداااااااااااا
تسلمي يا شموسه
و الله ضحكتيني من قلبي
ههههههههههههههههههههههههههههههه
و الله انا لو اشتريت علبة الوان و رميتهم بالنبلة على لوحة هتبئا اجمل من كده
هههههههههههههههههههههههه
ربنا يهديه
نحم؟؟
انا مش هقول غير كلمه واحدا بس
يععععععععععععععععععععععععععععععععععععععععععععععععععععععععععععععععععععععععععععععععععععععععععععععععععع
أظن ان الواحد بردو ربنا ادالوا القدره علي التمييز مبين الحاجات الحلوا والوحشا
والحاجات دي مش حلوا
تلاقيه بس عطس فجت كدا
اهي بتيجي مع ........ دوبل:)
ده دليل تأخرنا في فهم الفن السرياليزم المتحرر المنبثق من عمق التجربة الإفعوانية والمتمحورة حول كيان الفنان المصري والمتوازي مع شخبطات الشخصية النية "أيوه النية" قبل مرحلة النضج ...يعني علطول قبل متطفوا البوتجاز على حلة المحشي!!!
والله منا فاهم أنا بقول إيه بس مش مهم إذا كان كل الناس اللي في الصور دول فاهمين جت عليه أنا اللي لازم افهم...
بلا نيلة
* Haytham Alsayes
:))
ايوه ياهيثم انا خريجة فنون جميلة قسم ديكور
وطبعا دي لاهي لوحات ولاحاجه
وبعدين الرجل عمل اللي عليه ورسم لكم قالب جبنة بيضا المرة الجايه هيرسم لكم رغيف العيش
:)))
* Dr Ibrahim
طبعا غيرانه يادكتور
اشمعنا هو لما يرسم قالب جبنه بيضا يعملوا له معرض
ومطبخ شموسه بحاله مايتعملوش معرض
:))))
* دعاء عويضه
ضحكتيني يادعاء علي موضوع النبله ده جدااااااا
:)))))))
لا وكبار النقاد قايلين شعر في اللوحات
ودافنينشي في عصره
واللوحات كلها اتباعت ياامي
:))))
ماتيجي نعمل مشروع النبله ده
:))))
* sony2000
ونبي قلتي المفيد
تعبير واقعي نابع من الاحاسيس المصريه العميقه
:)))))))
* شوارعي
:)))))
ضحكتني
بس المهم ان حلة المحشي ماتتحرقش
:))
اهو معرض يفوت ولا حد يموت
البعد البؤرى اللامركزى عند الفنان البيكى تيكى فاروق حسنى يدل على الانتزاع نحو التحزلق فى براح الخناحس المطنجرة فى شفشق الماء البلاستك عند الست ام بسكوتة
فكرتينى بكلمة جميلة
ويا مصر فيكى حاجة محيرانى
نزرع القمح فى سنين تطرح الكوسة فى ثوانى
شغل وزارة السقالة هو أسخف شغل فى مصر ودى كلمة واحد اشتغل معاهم كتير
أما بخصوص المعرض فأنا اتفرجت على لوحه وصدقينى لما أقول لك إنها احسن من لوح معرض الوزير الموجود فى باريس
والله انا للأسف مالياش في الفن التجريدي أو السيريالي , بس طبيعي جداً وزير في الحكومة بقاله كتير فأكيد لوحاته هاتجنن وهاتهوس, والناس كلها هايشيدوا بيه
كوسة بقه
-----
هي هيفاء وهبي كمان ليها في الحاجات دي
هههههههه
رزق الهبل على المجانين
يا بنتى ده فن
فن
فن
انتى تلاقيكي كنتى تلميذة خايبة فى الكلية
يا مفروووووووووووووووووووسة يانا
طيب تصدقى بالله
انا اتعزمت مرة على معرض واحد دكتور واخد دكتوراه يعنى و بيدرس فى فنون جميله
هو قال كده الله اعلم
و ابصلك يا امى
الاقيلك لوحة بالشيء الفلاني
و عبارة عن كرتونة اكياس الشيبسي
اشي بالشطة و الليمون و اشي بالخل
و الله بدون مبالغة
و مقصقصها حتت مش قد بعضها
و لازقها على اللوحة باشكال متلخبطة
و الله العظيم
يعنى انا لو كنت انتصيت فى نافوخي و اشتريتلي واحدة
يعنى ده لو يعنى كان معايا مبلغها اللى كا فيه 5 اصفار فى عين العدو
كنت علقتها فين
فى الصالون؟؟؟
سيبك الفن له ناسة
و الفرسة ليها اللى زىى
ضيفيني فى الفيس بقا و خليكي جادعة
ولا انتى معايا اصلا و انا الفرسة اكلت نافوخي؟؟؟
:)
* تايه
:)))))
مين هناااااااااااك
:)))
* غير معرف
الكووووووووووووسة هي دي مربط الفرس
:))
* Hu-man
ياعزيزي هيفاء وهبي ليها في كل حاجه في البلد دلوقتي مش بقت مصرية رسمي
:))
* Mafrousa
ياحبيبتي يامفروسة
اللسعين في الفن كتير
بس مش وزير وكمان كل شوية معرض ويشيد بيه الركبان
ويكسر الدنيا وتباع اللوحات بالالوفات
همووووت ماحدش يحوشني
وحاضر من عينيه هعمل فيس للمدونة ونتلم فيه البلوجريه كلنا واهو اسرع من المدونة
نورتيني ياجميلة
صحيح انا جيت متأخرة .. بس كان لازم افوت هنا واقلك كل عام وانت بخير ..
بس بجد فنان فنان يعني !!!!!!!!!!
مدونه ممتازه
شكرا لكم
رائع جدا
شكرا لمجهوداتكم
ممتاز جدا
موضوع قيم
بس ايه الشخبطه دى
جامده جدا
ههههههههههههههههههههههههههه
فظيع
إرسال تعليق