الثلاثاء، 24 مايو 2011

من الفيس للبلوجر+تحديث+تحديييييييث هاااااااااااام جدا

ده كتاب مهم جدا خرج للنور
مش بس الاهمية علشان من مدون
لا كمان اهداء لشهداء 25 يناير
ودخله كمان مخصص لأهلهم وكذلك المصابين
ياريت نعمل واجب مع اخونا البورسعيدي ابو العربي
:)
======
في دكتور وفقيه دستوري مع يسري فودة من يومين قال ان في حكم محكمة دستورية بيقول ان الدستور من يصنع المجالس وليس العكس حد يعرف حاجه عن الموضوع ده او يعرف يجيب الفيديو اعتقد ان اسمه شكري بس مش فاكرة الباقي
======
علي طنطاوي والمجلس العسكري ان يختاروا مابين دخولهم التاريخ من اوسع ابوابه بوابة الابطال او العكس ويدخلوا من نفس بوابة مبارك
=======
المسكنات بتاعت ماقبل نزول الجمعة
(احالت اللامبارك واولاده للجنايات بتهمت قتل المتظاهرين)
والبقية تأتي من هنا ليوم الجمعة الجاية
====
عارفين مين اكتر ناس استفادوا من الثورة؟؟
البلطجية!!
لييييي؟؟
اترش عليهم رش ودعم مالي مايحلموش بيه من محابيس طره واخواتهم
علشان يقلبوها ضلمة علي دمغنا
ومانتهناش بالثورة
مين بقا اخواتهم؟؟
كل اللي من عينة فشار الفار بتاع سوريا ومخرب القذافي واخواتهم
لييييي؟؟
علشان نبقا عبره لشعوبهم ويقولوا لهم شايفين مصر
اهم عملوا ثورة ومن يومها ماشافوش خير وبيتقتلوا ومش لاقين ياكلوا
والبلطجيه مروقينهم
يخربت كده
====
ايام انقطاعي عن بلوجر كنت بكتب علي الفيس في حسابي الشخصي
:))
ماانا مااقدرش مااهندسش
وحبيت ادون المقطتفات دي هنا في مدونتي المخلصة
:)
===================================
اول شم نسيم نحتفل بيه وماحدش يطلع علينا يقول حرام شرعا
=====
ياريت الشعب الاماراتي يلفت نظر الحكومة والامراء واصحاب السعادة عندهم مالهمش دعوة بمصر واللي بيجري فيها

وعقبال ماشعوبكم تقوم عليكم وتبان فضايحكم
====
ياتري الجزيرة ليه مش بتجيب اخبار موسعة عن البحرين واللي بيجري في البحرين
؟؟؟؟؟؟؟؟؟
=====
بالنسبه للأمورة اللي بتقول انها اشترت القصر من 5 سنين وافتكرت دلوقتي تهرب اقصد تنقل حاجات القصر اخبارها ايه دلوقتي هي والامور بتاع فلسطين
====
حلقة فودة مع السباعي حلقة مستفزة واعتقد ان فودة جاله سكر من الراجل ده
ده بيتكلم بطريقة غريبه اصلا
ومش مصدقة اللي عمله في المحقق الشاب
ولا كم المجاملات اللي اتعملت له علشان يشدوا ودن الشاب لسه في كده في مصر

والحمد لله ربنا ريحنا منه وعلي وعد بقا يدينا ميسد كول من ليمان طره
=====
نشكر امريكا علي هبلها
تقتل الرجل وترميه في البحر
حد قال لها ان العرب كده برضوا
واحب اسمع سلام كداب ياخيشه كداب اوي
هي امريكا حبت تلهي العالم عن ايه بأيه
؟؟؟؟؟؟
====
بالنسبة للجينتل اللي طلع علينا وقال مانبقاش رجاله لو ماحرقناش الكنايس
ياتري هو ارجل من سيدنا عمر اللي اثناء الفتح الاسلامي لم يغلق او يهد كنيسة او معبد تفعيل لكلام رسولنا الكريم محمد صلي الله عليه وسلم
ياريت كل واحد من دول يرجع لدينه الصحيح ويفعله
لعن الله الفتنة وموقدهااااااااااا
واهو الحمد لله طلع وكدب نفسه بنفسه مع ان الفيديو مابيكدبش
====
الاسباب اللي اتقالت علشان المصريين في الخارج مايشتركوش في الانتخابات عيب اوي بجد
المصريين في الخارج وخصوصا في اوروبا وامريكا محافظين علي هويتهم وبيتبعوا كل صغيرة وكبيرة في مصر يمكن اكتر من اللي في مصر ولايقلوا وطنيه عن اللي في مصر
المصري مهما اتغرب برضوا بيرجع يكمل ايامه في مصر
======
زعلاانة اننا خسرنا العربي كاوزير للخارجية وانه راح الجامعة العربية اللي مابتعملش حاجه في حياتة حتي كان زمان بتشجب وتدين وتعترض دلوقتي حتي دي بطلوا يعملوها
====
مش عاجبني اللي بيحصل امام السفارة الاسرائيلية
هي دي الثورة ؟؟
المفروض نبني الاول بلدنا من جديد علي اسس متينة ونكون اقوياء في الداخل ونقف علي رجلينا علشان نعرف نتصرف معاهم والا هيبقا في 67تاني طول عمرنا نفتقد الي التخطيط وعدونا ملك التخطيط
والنفس الطويل
وزعلت اوي ان ضباط الجيش المصري يجي عليهم الزمن والشعب يدفعهم انهم يحرسوا سفارة اسرائيل
بجد الظباط اللي كانوا هناك صعبوا عليه وحسيت قد ايه همه زعلانين من الشعب
ولسان حالهم بيقول لنا
هي دي اخرتها تخلونا نحرس سفارة اسرائيل اللي عايزين ناكلهم بسنانا

=====
هو احنا مش هنخلص من موضوع المعونة الامريكية ده مش قلنا خلاص مش عايزين ياتدونا بشروطنا يابلاش المعونة دي كانت علشان عملنا سلام مع اللي ماتتسمي اسرائيل ماشي
بس يعني ايه ماعونة 150 مليون دولار ده الكابتن طيار اللي خلعناه معاه اكتر من 70 مليار
:)
=====
هو ايه اللي بيحصل يامصر الحرامية بيطلعوا واحد ورا التاني ليه؟؟؟؟
لو ان فاطمة بنت محمد سرقت لقطعت يدها صدقت ياحبيبي يارسول الله
=====
اخلاء سبيل زكريا عزمي علشان عنده 72 سنة ومريض
اشمعنا
والناس اللي ماتت في كل حته بسببه ماحدش رحمهم ورحم اهليهم ليه
ياتري الحق هيضيع فيكي تاني يامصر
واول الغيث سوزان وزكريا
ياتري بيجربوا ولو سكتنا يبقا خلاص
وهيتسرسب الباقي
والحمد لله سجنوه تاني عقبال باقي الحرميه
====

كل سنة في التوقيت ده الاسعار بتغلا والسولار بيختفي والانابيب بيحصل فيها ازمة وعلي مدار السنة ناس بتموت علشان الحاجات دي وبتموت في طوابير العيش

وعمرنا ماسمعنا ان حد قطع طريق ولا اتظاهر ولا اعتصم لدرجة ان الواحد افتكر ان الرجاله خلصت من مصر ولا المصريين اغتنوا ومش هاممهم

ودلوقتي لما الثورة قامت وقبضنا علي الحرمية وان شاء الله كله هيبقا تمام التمام طلع لنا صوت وبنقطع الطريق علشان انابيب البوتاجاز والسولار

ماشاء الله يعني بقينا بنعض في الثورة وفي نفسنا

بس العيب مش عليكم العيب علي سياسة الصمت وماحدش بيعمل حاجه للبلطجية اللي طايحين في البلد وماحدش بيعلن عن المحاكمات العسكرية اللي بتحصل للبلطجية علشان الباقي يخاف

عموما معلش يابلد

======
بالنسبة لتهديد اللامبارك بتقديم مستندات تدين مسؤلين كبار بالدولة لو ماتمش العفو عنه
هو لسه في مسؤلين بره طرة لسه مااتسجنوش من عصرك
لو لسة في ناس حرامية ياريت تقدم المستندات وتعمل فينا جميل وتفضحهم
ودلوقتي وتقصر علشان مش هنسامحك
ياعينك ياجبايرك لسه بتهدد
=======

هناك 26 تعليقًا:

سواح في ملك اللــــــــــــــــــه- يقول...

مقتطفات لخصت الوضع كله في بوست
تحيتي

Ramy يقول...

كل ده على تويتر

و حرمانا هنا

بس الكلام قايل كل حاجة الصراحة

تويتر كلمتين و بس (:

mrmr يقول...

كل كلماتك مليانه بهريز ودسمه للغايه

منوره البلوجر يا شمس الشموسه

شمس النهار يقول...

* سواح في ملك الله

شكراليك والبقية تأتي
:))

شمس النهار يقول...

*Ramy

:))مش تويتر يارامي ده الفيس بوك

:))

شمس النهار يقول...

* mrmr

شكرا يامرم ده نورك ياجميلة
:))

تامر علي يقول...

بصراحة كل فقرة محتاجه ردود كتيره مش رد واحد :)
لكن الفيصل دلوقتي ان في ثورة تانيه واكيد الوضع هيختلف
تحياتي

rack-yourminds يقول...

حضرتك متابعه كويس جدا للمشهد المصري ,واتمني ان لا ياخذك الفيس بوك ,كما اخذ كثيرين ,من المدونه

وان شاء الله ستحقق الثوره كل اهدافها

ENG./ELSAYED,PMP يقول...

عايز واجب اعلامى ... ومنك انتى بالذات ... بادج المودنة منور صفحة الغلاف ...!
http://hesshesss.blogspot.com/2011/05/blog-post_25.html

لــــ زهــــــراء ــــولا يقول...

"==================================
اول شم نسيم نحتفل بيه وماحدش يطلع علينا يقول حرام شرعا
=====


- اول مررررررررررررة لدرجة اني قولت هو انا بحلم ولا كنت زمان بحلم باللي بيقول حرام !!!

مش مصدقة


ياريت الشعب الاماراتي يلفت نظر الحكومة والامراء واصحاب السعادة عندهم مالهمش دعوة بمصر واللي بيجري فيها

"

- مممممم هما عملوا مؤتمر حلو قوي مع على الجفري 15 قرناً من المودة معرفش هما عملوا ايه غلط ؟


- بالنسبة للانابيب والغاز ووووو
للاسف بقينا في وقت ما بنسترجع الحرية بنعض فينا!!!!

شمووووسة يارب حفيدك وبنتك يكونوا تعافوا (:


لولا

صوت من مصر يقول...

صباحو وبعيد عن اى كلام ........ انا محتاج فريق من المدونين عشان بعمل فكيره حلوة ومش هشرحها هنا هتتسرق ..... وعاوز انفذها فى اقرب وقت ومحتاج مساعدات مامتى اللى هى عارفه انى ندل بس عادى
.........ز ايه الجديد

Unknown يقول...

من الواضح أنك متابعة جيدة جداً لكل مايحدث ويدور بل ومحللة للوقائع وليس متابعة فقط
أحييك....
وتقبلى سيدتى خالص التقدير والاحترام
بارك الله فيك وأعزك

غير معرف يقول...

ربنا يوفقنا يوم الجمعه ..

بالنسبه لموضوع الدستور فالفكره مين يختار اللجنه اللي هتضعه ... دي قصه كبيره :)

وعلشان كده مش عارفه مقلقه من الحكايه دي :)

شمس النهار يقول...

* تامر علي

اهلا بيك

مش هقول ثورة تانيه
هقول ثورة تصحيح وتنبيه اننا لسه في حالة ثورة

شمس النهار يقول...

*rack-yourminds

ماتخافش انا مالييش اوي في الفيس بوك لكن كنت احب اسجل يوميات علشان اعلق علي الاخبار والوقائع حتي لاتتوه مني
اما هنا في البلوجر
موضوع تاني خالص
بيحتاج وقت لأهميته في تسجيل الاحداث
البلوجر راسخ عن الفيس

شمس النهار يقول...

* ENG./ELSAYED,PMP

كل الواجب والتقدير لأبو العربي
البورسعيدي

بور سعيد لها معزة خاصة عندي
هي اول محافظة ازورها بعد 73 وكان لي الفخر طبعا

ونزلت الكتاب وان شاء الله هقراه واعلق كمان

شمس النهار يقول...

* لـــولا وزهـــراء

لازم نفصل بين الشعوب والحكام

الشعوب مابتعملش حاجه لبعض

وماينفعش تحاسبي شعب علي حسب حاكمه
بدليل ان اللامبارك طلع حرامي هل كل المصريين حراميه
هو بيحب اسرائيل هل كلنا بنحب اسرائيل

الحمد لله حفيدي احسن وبنتي هتفك السلك غدا وان شاء الله خير
وشكرا علي سؤالك

شمس النهار يقول...

* صوت من مصر

الحمد لله انك انت اللي حكمت علي نفسك مش انا
:))))

اعمل اعلان في الجروب علي الفيس
وعلي مدونتك وهحط اللينك
وان شاء الله خير

شمس النهار يقول...

* محمد الجرايحى

شكرا علي كلامك

وماانا الا مواطنة مصرية تعيش الحدث
وتتفاعل معه
واعبر عن راي لاكامحلله سياسيه دارسة
لا اعبر من منطلقي كامواطنة مصرية كل الاحداث دي بتصب علي راسها في النهاية
:))

شمس النهار يقول...

* فتاه من الصعيد

ان شاء الله خير يوم الجمعة
وان شاء الله نحافظ علي النظام وعلي البلد

اما موضوع الدستور فاطلع دستوريا ان الدستور من يضع النظام وليس العكس
وانا رغم كل شئ متفائلة

صوت من مصر يقول...

بصى يا مامتى انا ممنوع من الجروب وده الكل عارفه بسبب لسانى الزفر
ثانيا دى عاوزة تخطيط ومحتاج مدير عليها وانتى عارفانى لا ارغب فى مثل تلك المراكز مع انى صاحب الفكيره

Unknown يقول...

السلام عليكم

نورتي المدونة..

عودة حميدة..

كنت عاوز أعلق على بعض السطور بس اصلها كتير..! فاكتفيت بالقراءة والتعرف أكثر على وجهة نظرك في اللي بيحصل.. فهذا يزيد من تعرفي على أفكارك وقناعاتك :)

تحياتي أختي الكريمة.

Unknown يقول...

وجزاك الله خيرا على تعريفنا بالكتاب.

شمس النهار يقول...

*صوت من مصر

ممنوع من الجروب؟؟
انتوا مش اتصالحتوا
هو انت ماتسترش في حتة ابداااااا
:))))))

زي ماقلت لك اعمل اعلان عندك في المدونة
وياريت تسوي سوء التفاهم اللي حاصل بينك وبين اسبيدر مان اللي مااعرفش ايه اصله ومش عايزة اعرف
المهم انكم اخوات واتصافوا

شمس النهار يقول...

*ماجد القاضي

وعليكم السلام ورحمة الله وبركاتة

شكرا ليك علي متابعتك وتعليقك

:))
المهم ان الفكرة توصل
:))
وكله علي الله

ولاشكر علي واجب الكتاب جميل واخونا ابو العربي يستاهل كل خير

maxbeta3zaman يقول...

كنت اتصفح البلوج عندى وتوقفت عند تعليق لك على موضوع القفا بووك وكان تعليقك يقول انك لا ترين فائدة تذكر من الفيس بووك سوى هاى ولول وايفنت ..لكنى قلت بعد هرش مخى جيدا ...الم يكن الفيس بووك مشعل الثورة العظيمه ؟؟ الم تكن صفحة كلنا خالد سعيد هى النفير الذى "نده " على الشباب فجمعهم دون سابق معرفة ؟ هل مازلت على رأيك ان الفيس بووك غير مفيد ؟ وان الشباب السيس من مستخدميه شباب لاه ؟ اعتقد ان الإجابه لا