المفروض اكتب عن اللي بيحصل
او عن الانتخابات او عن الحج
بس انا هكتب عن يوم بالنسبة لي تاريخي
احب اسجله هنا في مدونتي
النهاردة اتميت رسالتي التعليمية
ايوة
بحفلة تخرج ابنتي الصغري
وانهي مشواري مع التعليم والحمد لله
الاهم واللي جاية احكي عنه غير فرحتي طبعا وشعوري ان مشواري انتهي
مشوار طوييييييييييل
والحمد لله خلص علي خير واجمل مما كنت احب
ربنا راضاني في بناتي والحمد لله
ايه هو الاهم؟
الحفل
حفل الجامعة العربية المفتوحة
وهي جامعة نظامية مش تعليم مفتوح
بس اسمها كده علشان لها 7 فروع
في الوطن العربي والاصل في انجلترا
ومن حق الطالب يتنقل بينهم يعني اللي اخد اولي من مصر
ممكن يروح يكمل في الكويت او عمان او الاردن الخ
الجميل في الحفل
ان الجامعة بها طلاب عرب من الاقطار العربية
قامت فتاة من العراق قالت كلمة
ومن ضمن الكلمة العرفان للجامعة ومصر ودعت لمصر والعراق
وقام طالب مصري من ضمن كلمته تحية شهداء الثورة ودعا لمصر وثورتها
من ضمن الطلبة اتنين رجلهم مكسورة في التحرير
بعد توزيع الشهادات واعلان التخرج
والصويت والزغاريد والتصفير والضحك والبكاء
الطلبة نفسهم احيوا الحفل
مجموعة من الطلبة الشباب العراقيين
قدموا دبكة عراقية جميلة وكانت لوحة مبهرة
وطالب مصري قلد الفنانين والمغنين وبجد موهوب
اتنين شباب ماعرفتش من اي قطر عربي
علشان غنوا بالمصري بس اللكنة واضحة
وكان بيردوا علي بعض بطريقة لطيفة وصوتهم بجد رائع
الطلبه والطالبات كانوا اجمل لوحة
ماتقدرش تعرف مين من الكويت مين من مصر مين من لبنان
ماتقدرش تعرف
من الحاجات اللطيفة في الحفل
ان بنتي كانت جنبها طالبة لها وضع خاص جدا
دخلوا كي جي مع بعض
وبرضوا بيتخرجوا مع بعض
مؤبد يعني والاتنين شبه بعض
من الحاجات المش لطيفة في الحفل
وجود احمد زكي بدر اللي لما اترحب بيه في الميكروفون ماحدش صقف اصلا
وبعدها بدقائق غادر الحفل مقموص شكله اصل في ناس قالت ييييييييي
الحفل خلص زي العمر اللي بيخلص
والحمد لله بشطب اهو علي ادواري
عقبال الجميع اللي ماتخرجش يتخرج
واللي ولاده لسه ماتخرجوش يتخرجوا
:)
او عن الانتخابات او عن الحج
بس انا هكتب عن يوم بالنسبة لي تاريخي
احب اسجله هنا في مدونتي
النهاردة اتميت رسالتي التعليمية
ايوة
بحفلة تخرج ابنتي الصغري
وانهي مشواري مع التعليم والحمد لله
الاهم واللي جاية احكي عنه غير فرحتي طبعا وشعوري ان مشواري انتهي
مشوار طوييييييييييل
والحمد لله خلص علي خير واجمل مما كنت احب
ربنا راضاني في بناتي والحمد لله
ايه هو الاهم؟
الحفل
حفل الجامعة العربية المفتوحة
وهي جامعة نظامية مش تعليم مفتوح
بس اسمها كده علشان لها 7 فروع
في الوطن العربي والاصل في انجلترا
ومن حق الطالب يتنقل بينهم يعني اللي اخد اولي من مصر
ممكن يروح يكمل في الكويت او عمان او الاردن الخ
الجميل في الحفل
ان الجامعة بها طلاب عرب من الاقطار العربية
قامت فتاة من العراق قالت كلمة
ومن ضمن الكلمة العرفان للجامعة ومصر ودعت لمصر والعراق
وقام طالب مصري من ضمن كلمته تحية شهداء الثورة ودعا لمصر وثورتها
من ضمن الطلبة اتنين رجلهم مكسورة في التحرير
بعد توزيع الشهادات واعلان التخرج
والصويت والزغاريد والتصفير والضحك والبكاء
الطلبة نفسهم احيوا الحفل
مجموعة من الطلبة الشباب العراقيين
قدموا دبكة عراقية جميلة وكانت لوحة مبهرة
وطالب مصري قلد الفنانين والمغنين وبجد موهوب
اتنين شباب ماعرفتش من اي قطر عربي
علشان غنوا بالمصري بس اللكنة واضحة
وكان بيردوا علي بعض بطريقة لطيفة وصوتهم بجد رائع
الطلبه والطالبات كانوا اجمل لوحة
ماتقدرش تعرف مين من الكويت مين من مصر مين من لبنان
ماتقدرش تعرف
من الحاجات اللطيفة في الحفل
ان بنتي كانت جنبها طالبة لها وضع خاص جدا
دخلوا كي جي مع بعض
وبرضوا بيتخرجوا مع بعض
مؤبد يعني والاتنين شبه بعض
من الحاجات المش لطيفة في الحفل
وجود احمد زكي بدر اللي لما اترحب بيه في الميكروفون ماحدش صقف اصلا
وبعدها بدقائق غادر الحفل مقموص شكله اصل في ناس قالت ييييييييي
الحفل خلص زي العمر اللي بيخلص
والحمد لله بشطب اهو علي ادواري
عقبال الجميع اللي ماتخرجش يتخرج
واللي ولاده لسه ماتخرجوش يتخرجوا
:)
هناك 54 تعليقًا:
كفارة :)
ومليون مبروك لابنتك وربنا يوفقها في حياتها العملية بإذن الله ويفرحك بيها ويحفظها لك من كل سوء اللهم آمين
نجيب البيبسي ونيجي ناكل الجاتوه ؟ ولا هاتحرجيني بذوقك زي كل مرة وتقوليلي البيبسي موجود ؟
:))
انا متخرجه السنه دى برضوا بصره مع بنت حضرتك
:):) مبررررروك ليها وتعظيم سلام وتحيه
وربنا يبسط حضرتك وكل يوم يبقي يوم تاريخى بيجد :)
الف مبروووك
لبنت حضرتك وربنا يحفظها ويسعدها
والحمد الله على انك ام مثاليه
ساعدها الله فى تكمله رسالتها
وكل حفل وانت طيبه ياطيبه
والف حمدالله على السلامه يا حجه
حج مبرور وذنب مغفور بأذن الله
حفظك الله واسعدك دائما
تحياتى
الف الف مبروك لبنت حضرتك
وربنا يوفقها ان شاء الله :)
احساسك والله وكلامك وصللى احساسك بالفرحه
ربنا يفرحك بيها دايماً :)
امرتى الحلوة بقت طعمة و لها سحر جديد
لها خفة دم اما بتضحك بتروح لبعيد
معذورة يا ناس لو خبتها من العيد للعيد
لو شفتوا جمالها هتحتاروا هتحتاروا
و البيض و السمر هيداروا هيداروا
و الحب هيحصل فيه ازمة و تسعيرته هتزيد
على شان ماهى سن ؟؟ قال يعنى خلاص
تزعل و يايا لو ابوسها قدام الناس
ان قلت حبيبة امها وشها يحمر
و ان اكلك يا بطة تخاصمنى شهر
تطول قد ما تطول تكبر قد ما تكبر
جوه القلب هتفضل زى الاول و اكتر
دى حبيبتى و مش بس حبيبتى ده احنا اختين
و الفرحة الواحدة بنقسمها على ضحكتين
ياما نفسى اشوفها تتمختر فوق جنب الشمس
و اكتب على باب السما يافطة ممنوع اللمس
توصل قد ما توصل تكبر قد ما تكبر
قلب الام هيفضل زى الاول و اكتر
يا صباح شمس الاخبار الحلوة بجد و الله فرحت جدا و عقبال فرحها يارب
ربنا دايما يفرحك زى ما بتفرحينا بالاخبار الحلوة
تحياتى لكى
ربنا يديكي الصحة
وتحضري حفلات ولادها
مبرووووك ياشموستنا
*P A S H A
ايزة كفااااارة:))
دول تلاته علي ماوصلنا لمبارح كنا فطست
:))
الله يبارك فيك شكرا علي دعواتك الجميلة
بيبسي بس
ده بيبسي وعصير وجتوه وكل اللي تحبوه
:))
*rona ali
الف مبروك علي التخرج عقبال الدكتوراه
الله يبارك فيكي
ويفرحكم ويفرحني بيكم جميعا
:)
*جايدا العزيزي
الله يبارك فيكي
عقبال ماانتي كمان تخلصي مشوارك
احساس جميل
وتاااااااااخدي نفس عميق
وياله علي المشوار اللي بعده
:))
الله يسلمك عقبالك ماتحجي
وتزوري الرسول
وشكرا علي كلامك الجميل
كلك زوق ياجايدا
:)
*Bent Men ElZman Da !!
الله يبارك فيكي
الفرحة حلوة
وفي لحظة زي دي الشعور كان رائع
في لحظة مامدير الجامعة اعلن التخرج
دموعي ماسكتتش بضحك وببكي في لحظة واحدة
:)
*ابراهيم رزق
:))
ده كده عايزين اغنية ثلاثية
حاااااااااابيبات امهم
:)))
ربنا يسعدك وعقبال ماتحضر اللحظة الجميلة دي مع سالي وزياد
:))
*سواح في ملك اللــــــــــــــــــه
الله يبارك فيك
وشكرا علي دعواتك الجميلة
الصحة دي اجمل دعوة
:))
ربنا يكرمك
:)
الف الف مبروووك وعقبال لما نحضر فرحها ان شاء الله
تحياتى
ألف مبروك .. :)
ألف مليون مبروك لتوتة
وعقبال يا رب ما تفرحى بيها هى كمان
وبعدها تقعدى تحطى إيدك على خدك وتقولى وحشونى البنات
ودينى عندهم يا ابنى
شششششششششششششششششششششش
بدون جدال
إسأل مجرب ولا تسأل طيب
ألف ألف مبروك لبنت حضرتك
وربنا يطول في عمرك ويجزيك كل خير على تعبك
ألف مبروك يا شمس
ألف واحدة ماتكفيش
ربنا يمتعك بالصحة والعافية والرضا
وتكملي مع الأحفاد رسائل تنوير
وسيبك من الرسالة المقدسة بتاعة الجدات المصريات
تلعبي معاهم وبعدين كل ماما تاخد شيلتها وتربي هي
الجدة للدلع فقط لا غير:)
الف مبروووووك لبنتك يارب ..وربي يحققلها الى تتمناه ..
مع تحياتى لك
نور
الف مبروك لبنوتك التخرج و يا رب تحقق كل اللى نفسها فيه و ربنا يخليهالك و يخليكي ليها
حفل جميل فعلا ربنا يفرحكم دايما
ارق تحية لقلبك
الف الف مبروك فرحتينى فرحة من القلب وعقبالنا ان شاء الله يارب
عارفة حضرتك هو ده المفروض يكون الوطن العربى عائلة كبيرة بس افرادها مختلفين شوية
ميرسى قوى على الخبر الحلو والنقل الاحلى
ربنا يجعل حياتكم كلها افراح
ربنا يديكِ الصحة والعافية وطولة العمر يا اجمل حاجة شمس واللي بحب اقولك شموسة بدون القاب لو تسمحي (:
وربنا يباركلك في اولادك يا جميلة (:
لولا
مبروك لابنتك
العاقبة لاولاد و بنات المسلمين
و الحمد لله الذي قدّرك على ما فعلت ِ
منجي باكير
*Foxology
الله يبارك فيك ياابو يوسف
عقبال ماتفرح بيوسف كده واخوته واخواته
وربنا يكرمك
*وائل عبد العزيز
الله يبارك فيك
واهلا بيك المدونة نورت
:))
*الازهري
:))
انا مش شايفة حد بيمشي من عندي
فين الكلام ده
كله قاعد انا هبقا اعزل قي شقة اووووووووضة واحدة بس
:))))
ده كله قاعد والشقة كامل العدد
:)))))
*حاتم عبدالفتاح
الله يبارك فيك
وعقبال مانفرح بيك تحت قبة البرلمان وتكون خير من يمثلنا
:))
*ستيتة حسب الله الحمش
الله يبارك فيكي ياجميلة
وشكرا علي الدعوات الجميلة ربنا يتقبل منك :)
مين تشيل ايه وتمشي
ماحدش بيمشي
ده انا بقيت ولا الصين الشعبية
كل واحدة قاعدة بقبيلتها
هاخد الصغيرة ونطفش
:)))))
بس بيني وبينك انا مبسوطة
البيت رجع له حس تاني
:)))
*نور القمر
الله يبارك فيكي ياقمر
وعقبال ماافرح بيكي وانتي معاكي الدكتوراه
:))
*EMA
الله يبارك فيكي ياايما
وربنا يكرمك علي الدعوات الجميلة
نورتيني:))
*مامة مازن
الله يبارك فيكي
وعقبالك هي فرحة جميلة
بتحسي انك كنتي ماشية مشوار وخلاص هترتاحي بقا
الباقي مقدور عليه ومافيهوش توتر زي الدراسة
والحفل فرحني جدا كلمات الشباب حسستني ان قعلا الشباب بخير
وقت الجد دراسة وتحرير
ووقت الهزار يغنوا ويرقصوا ويعيشوا سنهم
كمان اطمنت ان شباب الوطن العربي فاهمين عروبتهم صح
برغم الاعلام والثقافة المستوردة اللي اتجاهاتها واضحة تنسيهم عروبتهم
نوتيني:))
*لـــولا وزهـــراء
اهلا بيكي يالولا
ودعواتك الجميلة علي الصبح
ربنا يكرمك يارب
وانا بحب منكم كلكم شموسة او شمس
انتوا اولادي واخواتي
وربنا يبارك لي فيكم جميعا ويديم المحبة
الف مبروووووووووووووووووووووووك
منجي باكير *
الله يبارك فيكي وفي عمرك
ويكرمك
ونقول وراك امين للدعوة الحلوة
:))
*Mohamed Amer
الله يبارك فيك
عقبال عندك
:))
الف مبروووووووووووووك
" ماتقدرش تعرف مين من الكويت مين من مصر مين من لبنان
ماتقدرش تعرف "
لو فضلنا كده صعب اى حد يقدر علينا او يقدر يفرقنا
الف الف مبروك لبنت حضرتك
وربنا يوفقها ان شاء الله
الف الف الف مبروك ياماما
وربنا يفرحك دايما
الف مليار مبروك ودعواتك للي لسه في أول الطريق وبيبكي بدل الدموع ملوخيه:)
مش عارف هو احساس جميل ان الواحد ينهي مرحلة شاقة ولا احساس وحش ان ادواره في الحياة بتتقلص انا حاسس اني ممكن ازعل اصل انا نكدي حبتين هههههههههههه
ايه ده
هو انا مردتش هنا
والله فاكر ان انا فتحت البوست وقريته من كام يوم الظاهر حاجة شغلتني او قمت ونسيت ارد
معلش بقى على التأخير يا شموسة
الف مليون مبروك
على فكرة لسه بدري اوي ورسالتك لسه طويلة
ربنا يديلك الصحة وطولة العمر وتحضري تخرج احفادك واحفاد احفادك ان شاء الله
http://menmen.blogspot.com/2011/12/blog-post.html
مبروووووووووووووووووك ياشموسه وعقبالى يارب
:)
الف مبارك التخرج وعقبال الوظيفة ان شاء الله .. معلش اجت متأخرة شوي ..
بس اول مرة اعرف انك عندك بنات كُبار ..
عموما الف مبارك مرة ثانية وربنا يوفقها دائما وابدا .
*دعاء العطار
الله يبارك فيكي يادودو
عارفة الغرب واليهود شغالين علي ايه علي التفرقة بينا
علشان الكلمة اللي قلتيها دي لو اتحدنا ماحدش هيقدر علينا
زي زمان لما وصلنا لتلت اوروبا
:)
*عاشقة القمر
الله يبارك فيكي
ازيك عاملة ايه يارب تكوني بخير
:)
*كيــــــــــــارا
كوكي
ازيك انتي فين لسه موبايلك مغلق
ربنا يكرمك والله يبارك فيكي
:)
*تامر علي
الله يبارك فيك
وانت بتبكي من اولها ده المشوار
طويييييييل
بس لما تكبر وتفتكره تلاقيه كان مشوار جميل كله تعب اه بس في ايدك تخليه جميل
وتنبسط كمان انك بتمشيه
صدقني ياتامر انا في كل خطوة كنت بخطيها في المشوار الطويل ده
حتي الصعاب كنت بستعين بالله وبقلبها فرح
ربنا يعينك وهدعيلك طبعا
ولما تنهي المشوار تحس براحة وسعادة لاتوصف
وحتي لو انت نكدي مش هتعرف تنكد علي حد يومها:)))))
ربنا يكرمك
*مصطفى سيف الدين
عااااادي يادكتور كتير بتحصل معايا اكتب التعليق ومايتنشرش او اقوم وارجع وانسي انشره واغير الصفحة
:)))
ماتشوف لنا حل في الزهايمر ده يادكتور
:))
والله يبارك فيك عقبالك:)
والمشوار اللي نهيته غير المشوار الجديد
المشوار الجديد ده اجمل واروق
:))
وشكرا علي الدعوات الجميلة دي
ربنا يكرمك
*م/ الحسيني لزومي
طيب اي سلاموا عليكم ولا حاجة
:))
*عاشقه الرومانسيه
الله يبارك فيكي يادودو
وانا دعيتلك هناك ورزقنا علي الله
:)))
*وجع البنفسج
الله يبارك فيكي
ويبارك في عمرك
انا مش بس عندي بنات كبار انا تيته للبرنس نور الدين:))
الف الف الف مبروك و عقبال ما تحضري حفل تخرج عيالها يارب
*haneen nidal
الله يبارك فيكي
شكرا علي دعواتك الجميلة
مبار لك بذريتك وجعلهم الله من الصالحين وفقهم الله جميعا وإلى الخرج الكبير إن شاء الله
بس استغرب الموقف يلي حصل مع احمد زكي دة شخص محبوب بالعالم العربي اشمعنى عند الاطفال !!!!!!
أخوتي وأخواتي.. .أحسب أنني سأقيس مدى سروري بمعرفتكم من خلال الأسبوع الفائت أو يزيد والذي كنت مسافراً فيه وشديد الانشغال.. وهذا ما لم يتح لي الاقتراب إلا نادراً من الإنترنت.. فوجدت أنكم صرتم جزءاً بالغ الأهمية من حياتي اليومية.. .أحمل لكم الكثير من الود والاحترام وأتمنى لكم كل الخير والسعادة.. وسأحاول أن أبذل جهداً أكبر للتواصل معكم مع شكري وامتناني لتواصلكم الغالي والعزيز..
إرسال تعليق