الخميس، 5 يناير 2012

النهاردة الخميس 5 ينااااااااير :)))))

ايه ده انا مااخدتش بالي غير دلوقتي بس
النهاردة الخميس 5 يناير
:)
))
التاريخ ده تاااااااااااااريخ حيوي زي المضاد الحيوي كده
واول مره يتكرر كده :))
:)))
ده كان اول يوم ليه في كلية فنون جميلة
حلم حياتي من صغري
بعد معاناة
مع الاهل :))
ايوة ايامنا ماكنش بالساهل كده بنت وكمان من جزور صعيدية تدخل فنون جميلة
يالاالعار وموديلز وعري وكده
وكمان ننزل نرسم في الشوارع
بعد مشاورات ومحايلات و
شد وجذب واحيانا خناقات
اتحولت :))
:))))
المهم
علشان كده انا دخلت في يناير مش من اول السنة
علي ماامتحنت مليون امتحان
علشان يتأكدوا اني عن
دي موهبة الرسم مش اي كلام
مش زي اليومين دول
بنتي اللي مابتعرفش ترسم تجيب لائق
واللي بتعرف وموهوبة تبقا غير لائق
:
))
المهم بعد الدوخة ودوخة الدوخة اخيراااااااااااااا
قبلوني ومااستنتش ليوم السبت
ورحت يوم الخميس 5 يناير 1978
وكان اول مشروع
تصميم ورق لمحل خردوات
اللي هي دلوقتي المكتبات
اللي بتحط مع الكتب والادوات
الدراسية عطور وبرفنات وبراويز:)))
كل سنة وانا طيبة طبعاااااااااااااا
بوست المطبخ والمجلة شغال برضوا
:))))

هناك 64 تعليقًا:

سواح في ملك اللــــــــــــــــــه- يقول...

كل سنة وانتي طيبة

عايزين بقي تعمليلنا معرض

علي المدونة ونشوف رسومات حضرتك

من امبارح للنهردة مجموعة مفاجات جميله اهو ياشموسة للمدونين

اولا بنت حضرتك ووالدة حضرتك مشروع جميل لمجلة الكترونية

ثانيا الاخت الرائعة كارولين فاروق فهمي عملت مقطوعة موسيقية عن الثورة

وجت في برنامج علي التلفزيون

ثالثا كتاب الاخت شيرين سامي

مستننيينك انتي بقي ياست الكل

ولو ليكي في الكاريكاتير

ممكن ترسميلنا رسومات معبرة علي مدونتك

او في المجلة عن الواقع اللي عايشينه

تحيتي ياست الكل

شمس النهار يقول...

*سواح في ملك اللــــــــــــــــــه

وانت طيب ياسواح في ملك الله
:)

فعلا المدونين ماشاء الله
اخبارهم السارة ورا بعض

:))
كنت قسم ديكور عندي صور لأعمالي مش لوحات
:))
اي خدمة في الديكور تحت امرك
:))
وماليش في الكاريكتور ده موهبة لوحدة
:))

غير معرف يقول...

الأخت الكريم الصديقة العزيزة تحية طيبة وبعد سررت جدا بمزاولتك حضور وتشريف صفحتي المتواضعة على الإنترنت وإني أدعو الله لك بالتوفيق والسداد بما خص عملك الفنون الجميلة
سيدتي الفاضلة : ردا على تعليقك الذي انار صفحتنا المتواضعة بالنسبة لمدونتي فهي غير متوافقة مع متصفح اكسبلورير أنصحك باستخدام متصفح موزريلا او أوبرا بما خص التصفح اتحدث برمجيا المدونة تفتح بسرعة 89 بالمائة لسرعة اي اتصال بالإنترنت ..
وهذا يعني أنها سريعة التصفح ...للحقيقة لم أفهم جيدا سؤالك الأخير وما هي المشكلة التي تعانيها..؟عبر التعليق المرتبط بهذا الموضوع
http://www.infowksl.com/2012/01/blog-post_04.html

ابراهيم رزق يقول...

كل سنة و انتى زى ما انتى

كل سنة و انتى شمس الشموس
كل سنة و انتى للمدونين فينوس
كل سنة و انتى للسعادة عروس
كل سنة و نور الدين محروس

كان نفسى ابقى رسام بس مش بعرف ارسم
كان نفسى ابقى مطرب بس مش بعرف اغنى
كان نفسى ابق اديب بس مش بعرف اكتب
لكن نفسى اكون صحفى لكن مش بعرف اكذب

بجد انا بحسدك على تصميمك على دخول فنون جميلة
اعتقد من الصعب ان نجد شبيه لكى حاليا
اهم حاجة انك مسكتى حلمك و جبتيه
احسدك على الامساك بالحلم

تحياتى

أع ـقل مـ ج ـنـونــة يقول...

كل سنة وانتي احلي شموسة فالدنيا
ايون انا كمان عايزة اتفرج
:))
يارب دايما التواريخ عندك مرتبطة بذكريات جميلة كدا
ويارب دايما حققة كل اللي نفسك فيه رغم معارضة الجميع :)

سواح في ملك اللــــــــــــــــــه- يقول...

طيب حضرتك ابقي اعمليلنا بوست عن اعمالك

بالصور نشوفها ونستفيد منها

منتظر البوست

تحيتي ياشموستناالراقية

شمس النهار يقول...

*infowksl

شكرا علي ردك
:))
المشكلة في تصميم المدونة بفضل ادور علي البوست والتعليقات
علشان مش واخدة علي التصميم ده
مش اكتر
فابتوهلي شوية وبعدين بوصل
لاتقلق
وانا بتصفح بالفاير فوكس وبتفتح عادي
:))
نورتني

شمس النهار يقول...

*ابراهيم رزق

ارد اقول ايه انا بقا
علي زوقك ومجاملاتك اللطيفة دي

:)))

بس حتت الحسد هقول
النهاردة الخميس خمسة يناير
ياخسارة يناير ده شهر واحد مش خمسة
:))))))

شمس النهار يقول...

*أع ـقل مـ ج ـنـونــة

كل سنة وانتي طيبة وبخير وسعادة

وان شاء الله السنة الجاية سنة سعيدة عليكي
:))

ويارب يبقا تواريخك سعيدة
ودعواتك مستجابه

:))
بوستك الاخير عجبني جداااااااا

شمس النهار يقول...

*سواح في ملك اللــــــــــــــــــه

بس كده من عينية

:))

رؤى عليوة يقول...

جميل اوى يكون عندنا موهبه ننميها ونستمر فيها

والاجمل انها تكون ذكرى جميله تعيشى وتفتكرى ( مش عارفه اقول ماما او طنط او شموسه زى ما الكل بيقول لكن اكيد حد يطلع ينور بكلامه زى الشمس تمام

على فكرة النهرده فعلا جميل انا كمان عندى خبر جميل
وحضرتك اول حد يعرفه بس دعواااااااااااااتك
النهرده اتحدد معاد سمينار تسجيل الماستر بتاعى ربنا معايا مرعوبه طبعا

ان شاء الله العام ده ما يخيبش ظنننا ودايما يجيب اخبار حلوة

لــــ زهــــــراء ــــولا يقول...

اسمتعت بقراءة ذكرياتك (:
لـــولا

مصطفى سيف الدين يقول...

حلو التاريخ فعلا الخميس خمسة يناير وخمسة وخميسة على ذكرياتك الحلوة
المفروض تحطي بخور في التدوينة دي :)
جذورك بقى من فين في الصعيد؟
كل سنة وانتي طيبة
حلو الواحد لما يحب تخصصه ويصمم عليه

rack-yourminds يقول...

كل سنه وحضرتك طيبه والاسره الكريمه

بصراحه انا عندي عقده من الرسم من صغري والاقي اصحابي شاطرين جدا في الرسم وكنت اجلس معاهم واحاول احاكيهم بس للاسف مفيييييييييش هههههه

بس بصراحه الرسم فن جميل وموهبه من عند ربنا

dalia يقول...

اقرأي بكره في الشروق ليلة بكى فيها البط بمناسبة سقوط عوكاشة بيه تحياتي

P A S H A يقول...

يعني حضرتك دخلتي الكلية في اليوم اللي أنا اشتغلت فيه وفي السنة اللي اتولدت فيها :))

يا سبحان الله ، إزاي ما شفتكيش وقتها ؟؟

هههههههههههههههههههههه

ملحوظة : بقالي كتير فعلاً ما قريتش كلمة "خردوات"

كل سنة وحضرتك طيبة وبألف خير وصحة وسعادة وعقبال خمستلاف يناير

:))

خالص تحياتي

صبح يقول...

كل سنة و انت طيبة ..

يا سلااام انت دارسة فنون جمييلة
ياما كان نفسي ادخلها بس شائت الاقدار اني اعمل شئ تااني خالص غير الفنون الجميلة

و ضاااعت الموهههبة

يلا ...

اهنئك بيومك الجميل ده و عقبال مانحتفلك بمعرض او نشترريلك لوحة ان شاء الله

Unknown يقول...

كل سنه وانتي طيبه :)
حلو اوي ان الانسان يعمل اللي بيحلم بيه انا بردوا كان من احلامي اني ادخل كليه الفنون الجميله بس واجهتني نفس المشكله بنت ومفيش سفر لوحدك وهكذا ورسي بيا المطاف في كليه التربيه قسم فيزياء وكيمياء ما تسالنيش ازاي يلا الحمد لله علي كل حال بس فعلا اللي تعمل المدونه دي لازم تكون فنانه احييكي علي ذوقك :)
نهله عبد الفتاح

zizi يقول...

شمسي الدافئة ..كل سنة وانتي طيبة ..وربنا يجعل كل ايامك سعادة وهنا وذكريات حلوة ..تحياتي وتمنياتي الطيبة ..

شمس النهار يقول...

*أمة الرحمن

قولي زي ماتحبي كله هنا بيقول لي شموسة او ماما او تنت عادي
:))
كله منكم حلو

فرحتيني جدا بموضوع السمينار
ربنا يوفقك وان شاء الله تبلي بلاء حسناااااااا
وترفعي راسنا
وعقبال المناقشة الاخيرة
بتعملي ماجسيتير في ايه؟
قولي لي الموعد علشان اقرا لك ياسين ساعتها
وشكل يناير السنة دي مختلف
:)))))

شمس النهار يقول...

*لـــولا وزهـــراء

دايما الذكريات بتبقا حكاويها جميلة

:))

شمس النهار يقول...

*مصطفى سيف الدين

كان ابويا الحاج الله يرحمه عايز يدبسني في طب
:))))
رحمت الطب مني
:)))

كنت لسه بقول لأبراهيم رزق الخميس وخمسة بس ياخسارة يناير مش خمسة
:)))
اي حد يدخل التدوينة دي لازمن ولابد يدخل برجله اليمين ويسمي
:)))
واحنا ياسيدي من المنيا من ملوي من حته اسمها رهريمون انا مابعرفش لاانطقها ولا اكتبها
:)))
ونصي التاني تركي خالص مالص
عرفت جبت الدماغ الناشفة منين
:))))

شمس النهار يقول...

*rack-yourminds

وانت طيب وبخير

:)))
الرسم ده موهبة سبحان الله
بنتي نمرة واحد مابتعرفش ترسم حاولت حتي اعلمها الاساسيات مافيش انسي
وكانت جايبة في الاعدادية النمر النهاية في كل حاجة ماعدا العربي ناقصة نص درجة
وكانت جايبة في الرسم 10 من عشرين:)))
بس المدرسة برضوا كرمتها انها الاولي علشان الاولي التانية كانت جايبة 18 في الرسم ومافيش ولا مادة علمية جايبة فيها النمر النهائية

:)))))

شمس النهار يقول...

*dalia

اهلا اهلا
ازيك يادولي

كل سنة وانتي طيبة
اكيد انتي اللي كاتبة المقال
طبعا هقراها
:))

شمس النهار يقول...

*P A S H A

ضحكتني ياباشا بجد

معلش ملحوقة ماشفناش بعض ساعتها
:)) هنشوف بعض بعدين

:)))))

خردواتي دي من الكلمات المصرية اللي انقرضت زي كلمة بقال كمان

كل سنة وانت بخير وصحة وسعادة

شمس النهار يقول...

*صبح

كل سنة وانتي جميلة وصبح

الموهبة مابضعش الا لو اهملتيها

حاولي تمسي قلم وورقة وترسمي تاني
هتلاقي نفسك بتتحسني
وفي دراسات حره كمان

شمس النهار يقول...

*nona saad

كل سنة وانتي طيبة :)

:)))
من فن تشكيلي لفزياء وكمياء
:))
لأ ربنا يعينك
:)))

شكرا علي كلماتك الجميلة
كلك زوق
:))

شمس النهار يقول...

*zizi

زيزي حبيبتي صديقتي ورفيقتي في هذا البحر من الشباب
:))

ربنا يكرمك وكل سنة وانت بالف خير
منوراني دايما
:)

sony2000 يقول...

شوشوووووووووو
وحشاني كتير

يلاا كل سنه وانتي طيبه
وبكرا احلي يارب

شمس النهار يقول...

*sony2000

كل سنة وانتي طيبة وبخير وصحة وسعادة

الناس اللي هربانه من بلوجر
:)))

كريمة سندي يقول...

كل سنة أنت طيبة يا شموسة .. الموهبة والفن لابد من صقلهما حتى نتمكن من تنمية الموهبة

رؤى عليوة يقول...

بعمل فى ادارة الاعمال
دعواتك ان شا ءالله 19 يناير عايزة القرآن كله يدووووووووب ههههههه

يارب يعدى على خير

شمس النهار يقول...

*كريمة سندي

كل سنة وانتي بخير وصحة وسعادة

وفعلا لابد من الدراسة والتمرين للحفاظ علي الموهبة وكمان تحسينها
:)

شمس النهار يقول...

*أمة الرحمن

الف مبروك

وان شاء الله هفتكرك طبعا وهقرالك قرآن
وربنا معاكي
وبالتوفيق

:)

Unknown يقول...

كل 5يناير
وانتى بألف
خير ياشموسة
يافناااانة:)

الميكروباص يقول...

انا قلت كده بردو
كنت متوقع انك فنانه في حاجات كتير

شمس النهار يقول...

*norahaty

::))

وانتي بالف خير يادكتورة
كل سنة وانتي طيبة وعام سعيد عليكي
:))

شمس النهار يقول...

*لورنس العرب

:))
يبقا انت اكيد ماقرتش بوست انتخابات نقابة التشكليين اللي نشرته بعد انتخابات النقابة ماخلصت
:)))

Foxology يقول...

بضم صوتى لصوت سواح ف ملك الله :)

تحياتى

Tamer Nabil Moussa يقول...

كل سنة وانتى طيبة شمس

ربنا يوفقك دائما

اجمل شىء الزكريات الجميلة فى حياتنا

مع خالص تحياتى

محمد بدر يقول...

كل سنة وانتي طيبة ومتشكر علي زيارتك لبيتي المتواضه وارجوا ان يدوم الوصال

نيللى على يقول...

كل سنة وأنتى طيبة, وأحلى حاجة أنك حققتى حلمك, ودخلتى الكلية اللى بتحلمى بيها, ويارب يسعدك بتحقيق كل احلامك

نيللى

♥نبع الغرام♥♪≈ يقول...

ماشاء الله عليكى كل سنه وحضرتك طيوبه وجميله اوى ومتألقه يا ست الكل يا منورة الدنيا كلها

goulha يقول...

بالتوفيق والسداد
تحيتي ومودتي

!!! عارفة ... مش عارف ليه يقول...

أكيد أصرارك على تحقيق حلمك هو الأجمل في الموضوع كله

وده اللي ادى للحدث بعد آخر إن الحكاية مجتش بالساهل

وأكيد أكيد الفنون الجميلة هي اللي كسبت حد موهوب

كل سنة وأنت طيبة :)

givara يقول...

فى البدايه كل سنه وانتى طيبه
وكونك انك حاربتى وصممت عشان تخشى فنون جميله فده خير دليل على انك فعلا مبدعه
لكى منى خالص تقديرى واحترامى

الحياة الزوجية يقول...

يا ده انتي من زمان قوي، كل سنة وانتي طيبة

النادي النسائي يقول...

كل سنة وانتي طيبة

ذو النون المصري يقول...

كل عام انتم بخير
التربية الفنية و الفنونالجميلة تخصصات ليست جاذبه حتي الان اذا كان الغرض الوظيفة من التربية الفنية مثلا
و للاسف يمكن للغير موهوب التفوق فيها علي الموهوب
تحياتي و كل عام انتم بخير

Zawag alnaddy زواج النادى يقول...

السلام عليكم ورحمة الله وبركاته جزاكم الله خيرا على هذا الموضوع الجميل ومن قلبي بدعى ان اى حد هنا ربنا يرزقه بزوج او زوجه ويبقي تعارف فى الحلال ** بجد موضوع جميل ومشوق... بارك الله فيكم يا شباب

فشكووول يقول...

يعنى اما اجى الاقيكى بتبتدى حياه جديده بس من مده كبيره
وانا بابدأ حياه جديده من النهارده .. كل سنه وانت طيبه يا شمس هانم وتمتعى الدنيا بفنك اللى ما شفتوش لسه .. ربنا يبارك فيكى

rack-yourminds يقول...

غايبه يعني

اتمني تكوني بالف خير

سواح في ملك اللــــــــــــــــــه- يقول...

الاستاذة الفاضلة

شمس النهار

عل غيابك يكون خير

طمنينا عليكي ياشموستنا

ذو النون المصري يقول...

صباح الخير
قلت اعدي للزيارة
لم اجد البوست الجديد
تحياتي

حفيدة عرابى يقول...

البقاء لله ياشمس هانم
ربنا يرحمه ويثبته ويعفو عنه ويتغمده برحمته ويصبركم يارب

ستيتة يقول...

البقاء لله يا شمس
لله ما اعطى ولله ما أخذ
ربنا يؤجركم في مصيبتكم ويخلفكم خيرا منها

سلوى يقول...

انا لله وانا إليه راجعون
غفر الله للفقيد ورحمه ورضى عنه وأرضاه
والهمكم وأهله الصبر
فإن لله ما أعطى ولله ما أخذ

ابراهيم رزق يقول...

السلام عليكم و رحمة الله و بركاته
اعرف ان اى كلام فى هذا التوقيت يفقد معناه و قيمته
ان لله و ان اليه راجعون

البقاء لله
اللهم اسكنه فسيح جناته
و ربنا يخفف من مصابكم
و يجعله اخر الاحزان

أمل حمدي يقول...

انا لله وانا اليه راجعون
البقاء والدوام لله
ربنا معاك حبيبتي

rack-yourminds يقول...

طمنينا عليكي ضروري

شمس النهار يقول...

انت فيين يارب تكوني بخير مفتقدك مع اختلافي الكلي معك ربنا يطمنا عليك

Zawag alnaddy زواج النادى يقول...

السلام عليكم ورحمة الله وبركاته جزاكم الله خيرا على هذا الموضوع الجميل ** بجد موضوع جميل ومشوق... بارك الله فيكم يا شباب

Zawag alnaddy زواج النادى يقول...

السلام عليكم ورحمة الله وبركاته جزاكم الله خيرا على هذا الموضوع الجميل ** بجد موضوع جميل ومشوق... بارك الله فيكم يا شباب

Carmen يقول...

ربنا يحققلك كل اللى تتمنيه ياقلبى ويجعل ايامك كلها سعادة :)