الخميس، 5 يناير 2012

مطبخ شموسة :)))


اخيرا تم افتتاح مطبخ شموسة تاني
وبناء علي طلب الاخوات في تيوتر
عملنا عدس اصفر
بمناسبة البرد
:))
وادي اللينك هناك في المطبخ
وبالهنا والشفاء
والوجبة جاية سد الحنك بناء علي طلب برضوا صديقة علي تويتر
:)))
قاعدين نطبخ احنا علي تويتر
:)))

وبالمناسبة انا علي تويتر مش شمس النهار
علشان في شمس علي تويتر دي مش انا

==========
حته علي الماشي
مبروك لعكاشة علي السقوط المبهر
بجد اتطمنت علي عقول المصريين وخصوصا البسطاء
مش قلت لكم ماحدش هيقدر يضحك علي المصريييين ابداااااااااااااا

هناك 22 تعليقًا:

ابراهيم رزق يقول...

شمس الشموس

متشكرين على العدس

عيش محمص و بصل اخضر

و كل يا معلم

انا عندى زياد مسجل خطر عدس

اما عوكشة فده موال تانى
بيقولوا الكالسونات اللى وزعها على الناخبين طلعت مضروبة

تحياتى

لــــ زهــــــراء ــــولا يقول...

عكاشة سقط يا جودعااااااااااااااان مبروك مبروك مبرووووووووووووووووك
وربنا كنت خايفة لينجح تبقى موصيبة (:


مبروك افتتاح المطبخ من جديد يا احلى شموسة

لولا

رؤى عليوة يقول...

حلو الخبر الاخير دنا كنت مستنياه بفارغ الصبر كان جاى على بالى اضحك بصراحه ههههههههههههه

وتسلم ايدك كان على بالى العدس ده امبارح قلت قبل الشتا ما يخلص :)

تحياتى شمس

Bent Men ElZman Da !! يقول...

مبروك على مطبخ شموسه :)
بالتوفيق يارب

انا فعلا اطمنت لما خسر
حسيت ان فى امل مننا :D

غير معرف يقول...

وطبعا مع العدس بطل مقلي ولفت مخلل

بس للأسف ما بحبش العدي الأصفر

nour alqamar يقول...

تسلم ايديكي ياااااااقمر ..:)
تحياتى لك
نور

سواح في ملك اللــــــــــــــــــه- يقول...

عكاشة وشعبان عبد الرحيم

وجهان لعملة واحدة

تحيتي ياشمستنا

شمس النهار يقول...

*ابراهيم رزق

العدس ده صديقي

متعلماه علي ايد دادتي
بس مابعرفش اعمل البصارة كويس مابتطلعش مظبوطة خالص
:)))
لكن اديني بحاول فيها بقالي 14 سنة :)))
ده انا فرحانة في عوكشة فرحة وهستني علي احر من الجمر النهاردة اشوفه
:)))

شمس النهار يقول...

*لـــولا وزهـــراء

الشعب المصري كله فرحان فيه

بصراحة والله وعملوها الرجالة
:)))
في المنصورة

ونخص بالشكر اهل ديرته الواعين الفاهمين
:)))

شمس النهار يقول...

*أمة الرحمن

ماشوفتش في حياتي شعب فرحان في سقوط ناس زي كده ابدااااااا

بالنسبة للعدس اي خدمة تحبي نطبخ ايه المرة الجاية :))

شمس النهار يقول...

*Bent Men ElZman Da !!

الله يبارك فيكي

ياريت بقا نطبخ منه ونشطر كده

:)))
مع بعض

ونعمل له دعايا
:))))

عارفة قلبي برد من ناحية الناس الكاره الثورة شوية لما لاقيت عكشة فلول سقط
:)))

شمس النهار يقول...

*مصري جدا

مابتحبش العدددددددددس

اومال معاك الجنسية المصري ازاي
ده مكتوب في شهادة الجنسية المصرية
مصري ويعشق شوربة العدس الاصفر
:))))

شمس النهار يقول...

*نور القمر

تسلمي ياقمر
:))

شمس النهار يقول...

*سواح في ملك اللــــــــــــــــــه

الفرق الوحيد
ان ده ممثل كوميدي
وده مغني كوميدي

:)))

مذكرات موززه عانس يقول...

الف مبروك على افتتاح المطبخ تانى وكل سنه وانتى طيبه
ايه بقى حكاية الكلمة التاكيديه دى اللى عايزانى اشيلها قولى لى لانى سواءا بنت فافى او بنت بونبونايه فا انا بكسل افكر واشغل مخى :)

شمس النهار يقول...

*bombona

دي كلمة بالانجليزي بتطلع بعد ماتكتبي التعليق ودوسي نشر بتطلع علشان يتأكد ان اللي بيعلق مش ماشين
ادخلي في ستنج التعليقات وشيليها
:)))
وارحميني
:)))

مذكرات موززه عانس يقول...

ااااااااااه فهمت
اوكيه طب والنبى انا كنت هاعرف منين يا شموسه انها بتظهر او انك تقصدى كده ؟
تصدقى انا بلاقيها عند الناس وبتخنقنى جدا
يااااااااااااه انا كمان طلعت خنيقه كده :)

ابراهيم رزق يقول...

شمس الشموس

عامله ايه
لو كنتى سافرتى تروحى و تيجى بالسلامة
لو ما سافرتيش طمنينا عليكى

تحياتى

givara يقول...

هو عكاشه خرطوه للبط
هههههههههههههههههههههههههههههههه
والله خبر جامد جدا
الراجل ده من أهم مبدعى الكوميديا مش فى مصر بس ده فى الوطن العربى
والف مبروك على الأفتتاح

مدونة ادم يقول...

المصريين بيفوتوا بمزاجهم

مطبخ حواء يقول...

الي بيضحك على حد بيضحك عليه بمزاجه

صحتك بالدنيا يقول...

تسلم الايادي