الجمعة، 7 يونيو 2013

دعوة ماليش دعوة

استغربت جداااااا 
لخبر علي تويتر 
ان الرئاسة قررت 4 مليار جنيه 
لنشر الدعوةالاسلامية
قلت ايه ده هو احنا سنة كام ؟
وقبل و لا بعد الهجرة ؟
وهل صبأت مصر بأمون يا رجااااااالة
رد علي انسان اشهد له بالمصداقية علي تويتر
 وده نادر طبعا
قال لي لأ نشر الدعوة الاخوانيه
ياحلاااااااااوة
قلت طيب والله كويس ان في 4 مليار اصلا
طيب يعني احنا هنتأخون وبفلوسنا
ده شئ لطيف خاااااااالص
ادينا مستنين الفكر الجديد 
ومش هقول غير
اللهم ارفع غضبك ومقتك عنا
اللهم نجنا من هذا الكرب العظيم
بدل ماتنشر دعوتك
اصرفوا الفلوس دي علي الناس الغلابة 
اللي همه مسلمين بالاسم فقط
مابيعرفوش يصلوا ولا يعلموا اي شئ عن دينهم
علشان كده اي شيخ نص كم بيضحك عليهم باسم الدين
روحوا جاتكم القرف
سوري للناس اللي مش متعودة مني علي الشتيمة
بس طفح الكيل بقا
هو بيشحت علينا ولا بيبعزق علي الدعوة

هناك تعليقان (2):

أسماء فتحي يقول...

ههههههههههههههه
هم يبكي وتعليق يضحك
هو بيعمل اتنين في واحد ساعتك
بيشحت علينا ويشبرا الدعوه
انتظري تكسير الأصنام
والهجرة من مصر للسعودية :)
بليييييز خلى دكان التعليقات مفتوح
وحشنى التعليق عندك دى وسيلة التواصل الوحيد معاكي


تحيــــــــاتي
كانت هنا ورحلت
Asmaa Fathy

شمس النهار يقول...

يانهااااار
هي التعليقات مفتوحة :))
دي غلطة وسهو

طبعا يشرفني ويسعدني التواصل معاكي يااسماء
ياريت نتواصل علي جوجل بلس احسن :)

هناك روقان واخر جمال انا دايما بروح عندك هنا :)