الأحد، 11 أغسطس 2013

مسلسلات العار

شكرا للمسلسلاتيه
علي هذا الكم من اللااخلاق
شوهتونا
وصدرتم للعالم اننا زبالة
عيب عليكم

هناك 9 تعليقات:

SHARKawi يقول...

دا حقيقي جدا .
حاجة بقت قذارة جدا . وما حدش عارف بعد كدا هيبقى اية .
المشكلة ان رمضان بقى رمز للحاجات دي .

انا بحاول اعمل موضوع مفصل عن مسلسلات رمضان والتطور الحاصل ليها كل مدى .
ومدى التوشيه اللي بيزيد كل رمضان .
والأفكار اللي بقت بتتقدم بقى شيء حقير جدا .

تشكراتي . كامل احترامي وتقديري . دعواتي وتحياتي

سواح في ملك اللــــــــــــــــــه- يقول...

مع اني مبتفرجش علي مسلسلات

لكني اثق ان الاخلاق في انحدار مستمر

تحيتي ياشموسة

Ramy يقول...

أولا كل سنة و حضرتك طيبة يا أستاذة شمس

و عيد اتمنى يكون سعيد عليكى و على كل الأسرة

ثانيا انا بحمد ربنا انى مشوفتش اى مسلسل

شوفت بس مسلسل بنت اسمها ذات

و شوفته على النت مش فى التليفزيون هو أثر فيا جدا

أعتقد أنه كان أكثر المسلسلات أحتراماً

و واقعية

مصطفى سيف الدين يقول...

بالعكس دي اكتر سنة فيها مسلسلات محترمة و تستحق المشاهدة زي
ذات ، موجة حارة ، نيران صديقة ، بدون ذكر اسماء

كل سنة و حضرتك طيبة

أحمد أحمد صالح يقول...

بصراحة أنا بقالي سنين طويلة ما اتفرجتش على أي مسلسلات، فيمكن ما ينفعش أحكم، لكن بوجه عام انا بأتفق مع حضرتك، يمكن لعدة أسباب أولها إن الدراما التلفزيونية أصابها حالة تشبه الإفلاس وده واضح جدا في موجة أدرمة-ان صح التعبير-أفلام قديمة وتحويلها إلى مسلسلات تلفزيونية، زي مسلسل العار والزوجة التانية..الخ. وكأن الساحة الإجتماعية في مصر قد خلت مما قد يصلح موضوع لمسلسل تلفزيوني. وهنا النقطة التانية وهي المواضيع التي يتم تناولها في المسلسلات التلفزيونية وكيفية تناولها واللي يمكن من خلال مشاهدات متقطعة نجدها وإن لم تكن دون المستوى فهي لا تحمل تيمة جذب حقيقية تثير شغف المشاهد. وده ربما لإفتقاد النجم النجم ووضوح التكلف أحيانا في اداء بعض الممثلين والأفورة في أداء بعض الممثلات. ويمكن حاجة تالته قد لا تخص دراما دراما رمضان ولكن الدراما المصرية بوجه عام وهي موضة التشبه بالدراما الأمريكية والتي ياتي منها منتج مجهول النسب في أحيان كثيرة.
..
في النهاية، كل سنة وانتي طيبة أستاذتنا ويارب دايما تكوني وكل حبايبك بخير وسعادة.

ستيتة يقول...

انتي بس اللي تلاقيكي اتكعبلتي في المسلسلات العار
ذات ها تبكيكي كل حلقة
وتحدي
نيران صديقة خلتني أنا اللي مش بحب مسلسلات الأكشن والسسبنس أتابعها بشغف
وموجة حارة إلى حد ما حلو..وكفاية انه عن رواية لأسامة أنور عكاشة..يمكن القصة قديمة..بس القيمة اللي وراها متجددة ولسه بنعيشها
اسمع ان اسم مؤقت حلو..بس ما تبعتوش
الكبير قوي يظل يرسم ابتسامة..حلقات غلسة..وأخرى بتضحك..وانتي عارفة الضحكة النهاردة عزيزة إزاي


كل سنة وانتي طيبة يا أجمل تيتة وربنا يصلح مصر وحال مصر

جلال كمال الجربانى يقول...

الحمد لله أننى لم أستطع المتابعه
وكل عام وحضرتك بخير حال وبصحه

رحاب صالح يقول...

انا معاك ومع دكتورةستيتة بنفس الوقت
يعني اسم مؤقت عجبني مش لاني عارفة المؤلف لاء عشان القصة فعلا حلوة .... نيران صديقة جمييييل فعلا الكبير اووي عجبني جدااا برغم انه بردو فيه غتاتة شوية بس الضحكة عزيزة اوي الايام دي بردو ... موجة حارة متابعتوش غير قليل بس بردو عجبني الي تابعته
يبقي ان فعلا كمية اللااخلاق بمسلسلاتنا وافلامنا تجعل العالم يقول عنا اننا ولا شيء
انظر لقصص وروايات ينتجها الغرب وتنجح بقوة ولا تغري اي قصة جميلة اي منتج ليحولها لمسلسل او فيلم ...بجد شيء بشع ...الحالة الوحيدة الي كانت حلوة عمارة يعقوبيان الفيلم وليس المسلسل ....
يكفي ملابس ابطال المسلسلات والمكياج البشع والالفاظ ال مش عارفةاقول عنها اية بجد شيء بشع فعلا
كلمة عيب الي انت قلتيها دي متنفعش ....خالص
احنا عايزين كلمة جامدة جدا عشان يحسوا ...[س تقولي اية مبيحسوش

Foxology يقول...

للأسف كل عام بيكون أسوأ من اللي قبله في كمية الحقارة واللاأخلاقية.

حسبنا الله ونعم الوكيل