الثلاثاء، 1 أكتوبر، 2013

فكروني


تعبنا سياسة :) ولو ان الحب ده اصعب من السياسة :)

هناك 15 تعليقًا:

Ramy يقول...

يا صباح الفل

أنا مش عارف أتابع و لا أعلق بقالى فترة

بس قلت لازم أبتسم بعد البوست دة

(:

Gamal Abu El-ezz يقول...

الست مره واحده

دى للرايقين فقط والى زوقهم عالى أوى أوى
متمشيش مع جيل أوكا وارورتيجا نوهائى
مع انى مش بحبهم

ابراهيم رزق يقول...

ليه نضيع عمرنا هجر و خصام
و احنا نقدر نخلق الدنيا الجميلة
بالوداد و القرب
تجدد حيتنا بالحنان وبالحب تتبدل اهاتنا
والجاي نعيشة احلى من اللي فاتنا
القمر من فرحنا حينور اكتر
و النجوم حتبان لنا اجمل و اكبر
و الشجر قبل الربيع قبل الربيع حنشوفه اخضر
و اللي فات ننساه... و ننسى كل اساه
يلا نلحق من الزمن ايام صفاه
الحياة من غير لقانا مش حياة
و احنا مش حنعيش يا روحي مرتين

عظمة على عظمة يا ست

تحياتى

Tarek Mageed يقول...

الله عليكى يا شمس
اجمل ما غنت ام كلثوم رجعتينا لايام الزمن الجميل
كلموني ثاني عنك … فكروني
صحوا نار الشوق الشوق في قلبي .. وف عيوني ..
رجعولي الماضي بنعيمه وغلاوته و بحلاوته وبعذابه وبأساوته …
وافتكرت فرحت وياك قد ايه .. وافتكرت كمان يا روحي بعدنا ليه
بعد ما صدقت إني قدرت انسى … بعد ما قلبي قدر يسلاك ويأسى
جم بهمسة وغيروني .. كانوا ليه بيفكروني …
***
بعد ما اتعودت بعدك غصب عني
بعد ما نسيت الأماني والتمني
كلمتين اتقالوا شالوا الصبر مني
صحوا في عينيا حنينهم لابتسامك
صحوا سمعي يود كلمة من كلامك ..
صحوا حتى الغيرة .. صحولي ظنوني
وابتدى قلبي يدوبني بآهاته
وابتدى الليل يبقى اطول من ساعاته
واسهر اسمع نبض قلبي بيناديلي
روحي فيك مهما جرى أنا روحي فيك
تسوى ايه الدنيا وانت مش معايا .. هي تبقى الدنيا دنيا الا بيك
بعد ما صدقت إني قدرت انسى … بعد ما قلبي قدر يسلاك ويأسى
جم بهمسة وغيروني .. كانوا ليه بيفكروني …
***
كلموني ثاني.. ثاني عنك
بعد طول حرماني منك
جرحوا الجرح اللي قرب يبقى ذكرى
سهروني أعيش لبكرة… اعيش لبكرة وبعد بكرة
يا حياتي انا كلي حيرة ونار وغيرة وشوقي ليك
نفسي أهرب من عذابي نفسي ارتاح بين ايديك
والخصام والهجر وليالي الآسية
كل دول ما يهونوش حبك عليا
واللي جوه القلب كان في القلب هو
رحنا و اتغيرنا احنا الا هو ..
هو نفس الحب و اكتر
هو نفس الشوق و اكتر .. هو هو
اللي فات وياك يا روحي بعود اليه …
واللي عشته معاك رجعت أعيش عليه
بعد ما صدقت إني قدرت انسى … بعد ما قلبي قدر يسلاك ويأسى
جم بهمسة وغيروني .. كانوا ليه بيفكروني …
***
اه يا حبيبي
حياتي بعدك مستحيلة …
دي الحياة ايام قليلة …
ليه نضيع عمرنا هجر وخصام
واحنا نقدر نخلق الدنيا الجميلة …
بالوداد و القرب
تجدد حياتنا بالحنان والحب تتبدل آهاتنا
والجاي نعيشة أحلى من اللي فاتنا
***
القمر من فرحنا حينور اكثر ..
والنجوم حتبان لنا اجمل واكبر ..
والشجر قبل الربيع حنشوفه اخضر
واللي فات ننساه … ننسى كل آساه
يلا نلحق م الزمن أيام صفاه..
الحياة من غير لقانا مش حياة
واحنا مش حنعيش يا روحي مرتين
فكروني ازاي هو انا نسيتك
انت اقرب مني ليا
يا هنايا .. حتى وانت بعيد عليا او معايا
تنتهي الايام
ونطوي العمر منا وانت حبك انت
للأبد مالوش نهاية
حبك انت ملوش نهاية

Shereen Samy يقول...

الأغنية دي أول مره أسمعها كان قُريب
مش قادره أقولك أثرّت فيه قد إيه
خليتني أعيط :)
آخر حاجه كنت أتصورها إني أسمع أم كلثوم..بقيت بسمعها كل يوم من إذاعة الأغاني و أنا مروّحه.

وحشتيني :)
أنا بقيت بدون هنا على فكرة
http://zatamarra.blogspot.com/
مدونتي الجديدة :)

P A S H A يقول...

اتنين كيلو جوافة عسل عسل عسل واتنين كيلو بلح سماني من اللي هو المكلبظ ده واتنين كيلو بلح سيوي تقوليش عجوة ؟؟ وكيلو ونص أمهات (عشان بيتهري بسرعة) واتنين كيلو بلح زغلول وتلاتة كيلو رمان واتنين كيلو ونص موز وشوية لب أبيض ولب سوبر وسوداني بقشرة ومن غير قشرة وأربعة لتر حاجة ساقعة وشوية شيكولاتات .. هاجيب الحاجات دي ومعاها تليفزيون محروق بتاع واحد صاحبي نربي فيه سمك زينة وشوية زحالين ونقعد نتفرج على ماراثون الزحالين لمسافة خمسة سنتي :))

بالمناسبة صح .. هو فين البوست ؟
يعني حضرتك دوستي نشر وكان فيه بوست ؟؟ ولا الناس اللي دخلوا قبلي كلوه كله ؟؟

شمس النهار يقول...

* Ramy
اهلا بيك يارامي

يارب تكون بخير

وتنور في اي وقت :)

شمس النهار يقول...

* Gamal Abu El-ezz

ايوة الست حته واحدة ومليون حته هو في اجمل من الست
:))
علي فكرة ملاحظة من النت ان في شباب كتير بيسمعها دلوقتي
الحاجات الحلوة لازم تفرض نفسها في النهاية :)

شمس النهار يقول...

*ابراهيم رزق

:))
صباح الهنا ياابراهيم

سمعتها وهي بتقول انت لو حبيت يومين كان هواك خلاك ملاك

وخالي بالك من حبيت وهواك
يعني مش كل حب بيبقا هوي وصح
يعني لما نحب صح
الجب بيهذب النفوس :)

شمس النهار يقول...

* Tarek Mageed

تعليقك يادكتور زين التدوينة
وكتابتك للكلمات
اثرا التدوينة
الواحد لما يقرا الكلمات بيستمخ برضوا
:)
ام كلثوم لما كانت بتنقي الكلمات كانت بتكلم كل الناس
يعني كل واحد لازم يلاقي نفسه في كوبليه من اي اغنية
نورت شمس النهار يادكتور

شمس النهار يقول...

*Shereen Samy

كان لازم شيرين كتلة المشاعر اللي ماشية علي الارض تسمع ام كلثوم

مبروك علي المدونة الجديدة لازم اروح طبعا

صباحك ان شاء الله زي الفل

شمس النهار يقول...

* P A S H A

:))))

مافيش بطيخ في المشتروات دي ولا ايه :)))

لا انا كنت بسمعها رحت جيباها هنا وكتبت الكلمتين الحلوين دول

همه بيقبضوا اليومين دول علي محبي ام كلثوم كمان :))
مش هنعرف نسمع ام كلثوم في البلد دي ولا ايييييييييييه :)) ؟

Foxology يقول...

والله جه في وقته ..

تحياتي

ذو النون المصري يقول...

كل عام انتم بخير
تحياتي

بسنت يقول...

كل سنه وانتى طيبه بعيدا عن ام كلثوم
المره الجاية خليها فيروز