الاثنين، 17 مارس، 2014

عم طه وخالد علي

صباحكم ان شاء الله زي الفل
عم طه
 ده نجار كبير كده معايا
وكلنا فاهمين وعارفين ان تفكيره علي قده
وبنتعامل معاه علي هذا الاساس
الباشا بقا المتعلم
 خالد علي 
لما قال ان اجلوا قانون الانتخابات
 لحد ماالباشا يقرر هيترشح 
ولا لأ
لاقينا عم طه بيقول
يااخي اتلهي علي علامك واللي علموك
الباشا مترشح من 30 يونيو
اووووووووبااااا
اسكت انا بقا
لا طبعا
قلت له ياعم طه مين قالك
قالي ياباش مهندسة ده شغل مخابرات علي تقيل
والسيسي ماينفعش يستقيل دلوقتي ولا يدي عقاد نافع في ترشيحه
ليييييييييييييه 
ياعم طه
قال معلوم وراه حاجات لازمنا يستفها
يعني لو كان راح روسيا وهو مستقيل هيروح بمناسبة ايه
لكن راح وهو وزير الجيش ومش اي جيش 
جيش مصر اللي فاضل قصاد اليهود
راح ووضب القصة مع روسيا
ورستأ الفوله
ولما يخلص اللي وراه هيستقيل ويترشح
لكن العيال بتوع السياسة دول عيال فهمهم بعافية حبتين
طراي خضر مايفهموش الحركات دي
طيب وانت هتنتخب السيسي ياعم طه
قالي وهو مندهش جدااااااااا
طبعاااااا
ليه ياعم طه
علشان راجل مجدع حمش 
واحنا عايزين راجل حمش يلم العيال دول بقا
عيال مين ياعم طه
العيال اللي بيسموهم مش عارفه ايه نشطاء دول
اللي خربوها اكتر ماهي خربانه
ياعم طه مش العيال دول اللي خربوها
بواقي سوس مبارك اللي خربوها
قال خلاص احنا مش هنختلف ياباشمهندسة
اهو المجدع جاي يستف الدنيا 
ضحكت وبصيت للباقين 
وقلتلهم 
من هنا ورايح ماحدش يضايق عم طه 
ده طلع فاهم كل حاجة اهو ومدكن
شاكوش في دماغ اي حد يزعل عم طه
 من هنا ورايح
:)
ياريت تسمع عم طه ياحاج خالد علي
وتفهم ان السيسي مترشح من 30 يونية 
:)

هناك 8 تعليقات:

Gamal Abu El-ezz يقول...

عم طه راجل من الناس الى بتتكلم بقلبها وفاهمه الدنيا صح بس طيبتها هى الى بتخلى الناس تعتقد إنهم على نياتهم جدا
يكفى انه بيبين ان حتى الطبقه الدنيا علميا فى مصر ناس بتفهم ودماغها شغاله :)

شمس النهار يقول...

الحقيقة مااذهلنيش كلام عم طه وفهمه للحياة السياسية في مصر
اللي دهشني ان لما الناس دي فاهمه صح ساكتين ليه ولما سالته قالي مااحنا اللي خرجنا في 30 يونيو
ولا كنا نسيبها تتخرب

faroukfahmy يقول...

انتى يا شمس شمسنا المنيرة قلمك اقوى من شاكوش عمى طـــــــــه
بوركتى وبوركت كلماتك الرشيدة المنيرة
اخوكى الفاروق

قمر وليل وغيوم يقول...

ياسبحان الله
ما هو الموضوع مكنش تفويض لمحاربه الارهاب وبس لا ده تفويض بالترشيح كمان
بس والله عم طه طلع فاهم الدنيا ماشيه ازاى اهى
على فكره الشعب كله فاهم كويس اوى وساكتين وماشين مع التيار وخلاص
بصراحه ياشموسه انا قلقانه من الفتره القادمه
ياترى مصر رايحه بينا على فين

شمس النهار يقول...

* faroukfahmy
شكرا لحضرتك

شمس النهار يقول...

* قمر وليل وغيوم

لاتقلقي :)
ان شاء الله كل خير

ابراهيم رزق يقول...

ههههههههههههههههههههههه

شمس النهار يقول...

*ابراهيم رزق

:)