الأحد، 6 أبريل 2014

الكنتاكي وخلطة عبد العاطي :)

طبعا الكتاب بيبان من عنوانه
ونبتدي الكلام 
بالصلاة علي خير الانام سيدنا محمد
عليه افضل الصلاة والسلام
وبمااني مهندسة ديكور تخصص موبيليا
يعني مابفهمش غير في الخشب والدهانات والمسامير
وماحبتش اتكلم في موضوع جهاز القوات المسلحة 
الا لماافهم كامواطن عادي ايه الموضوع
ده لينك حوار مع فريق العمل
واتكلمت انا بقا مع تلاته دكاتره في مستشفي القوات المسلحة تربطني بيهم صداقة
و دكتورة من خارج القوات المسلحة
 يشهد لها بالتفوق العلمي
خرجت انا بقا من ده كله
ان الاخ كنتاكي 
لحد دلوقتي مااداش سره لحد 
علشان ما يعملش نفس طعم الكنتاكي بتاعه الاصلي
وان الفراعنة ماكتابوش ازاي بنوا الاهرمات 
علشان ماحدش يقلدهم
ولا كتبوا سر التحنيط علشان ماحدش يحنط زيهم
وان عبعاطي لما عمل الجهاز
مااستخدمش الطب !!
دخل علي الفيزيا عدل
فك الكهرومغناطيسية بتاعة الفيرس وعرف الباند بتاعها
علشان يعرف مكانه ولو الفيرس لسه داخل الجسم امبارح
وده مش كلامي 
ده كلام الدكتورة ناهد اللي مش قوات مسلحة
وبعد شرح منها طويل قالت لفك التكوين بتاع الفيرس وعمل خلل بيه علشان نقضي عليه
لازم نعرف شفرته وكهرومغناطيسيته
لأن لكل جسم هاله من الكهرومغناطيسية
فالموضوع كله فيزيا
وبعد شرح طويل
قالت ان الجهازين لو صحوا هتبقا فعلا طفره جامدة 
وهيدخل مليارات للبلد
وشركات الادوية هتحاربه بالسخرية والتشكيك
وهو حد كان يسمع عن الفيمتو ثانية
يعني الموضوع هندسي اكتر منه طبي 
وتعاون بين دكاترة في مجال الطب ودكاترة في مجال الهندسة الطبية
***
اما دكاترة القوات المسلحة قالوا 
ان الجهاز لا يعالج الاثار ولكن يعالج الفيرس
ومش هيعالج كل الحالات
لأن العلاج صعب جدا
 وبيسبب اجهاد وارتفاع في درجة الحرارة واسهال 
ولازم المريض يمشي وقت طويل علشان يحرك العضلات والدورة الدموية
وفي ناس الفيرس هلكها تماما ومش هتستحمل
 زي اللي جاله خلاص استسقاء
علشان كده الجهاز الاول خطير 
لانه هيكتشف المرض في اوله 
قبل مايبوظ حاجة والمريض يتلحق
زي جهاز الكشف المبكر عن سرطان الثدي
وكلام كتييييير
وفي مستشفي بتتبني جوه مستشفي الجلاء 
ان شاء الله
هتفتتح في يونيو علشان العلاج
يتعمم لأن المرضي اللي اتجرب عليهم خفوا تماما
وادينا مستنين 
وربنا يكرم
وربنا يشفي كل مريض

هناك 10 تعليقات:

♥نبع الغرام♥♪≈ يقول...

انا جايا اقولك وحشتينى اووووووووووووووى ومفتقداكى يا حبيبة قلبى يارب تكونى بخير ويحفظك من كل شر

ابراهيم رزق يقول...

شمس الشموس
صباح الفل

المشكلة مش فى الجهاز

المشكلة فى طريقة عرض الجهاز
اللى كانت زى ما القرموطى بيشرح فى سر الارض

غير معرف يقول...

ازيك ياشموسه
لاء بالراحه عليا كده واحده واحده
انا بصراحه مش فاهمه حاجه
يمكن لانى مش موجوده فى مصر حاليا ومش متابعه الاخبار
ايه موضوع الفيرس ده وايه علاقته بكنتاكى وجهاز ايه لاء بجد فهمينى

ذو الوجه المبتسم يقول...

مساء الخير

نتمنى ان الاختراع يكون حقيقي وفعال بصرف النظر عن مين المخترع

تحياتى

شمس النهار يقول...

* ♥نبع الغرام♥♪≈

انتي كمان وحشتيني والمدونة كلها هنا وعندك وكلامك الجميل بس بكون مشغولة حبتين
وانا مش بأحب ارد اي حاجة بأحب استوعب وارد

شمس النهار يقول...

*ابراهيم رزق

ايوة عبد العاطي ماكانش وجهه خالص مالوش في الخطب والكلام والهمبكه بتاع علم واختراعات ولو قريت قصص المخترعين هتلاقيهم كانوا كده همجين وهلهلين ومالهمش في الاجتماعيات
كان لازم يكون في متحدث رسمي بدالهم عارف الموضوع ومستوعبه كويس

شمس النهار يقول...

* قمر وليل وغيوم

شوفي ياستي
اولا اقري التدوينة كويس وهتفهمي كتير
ثانيا
فيرس ال سي والايدز
في مخترع تبع سلاح المهندسي اخترع جهاز يكشف عن الفيروسي وجهاز تاني يعالجه
وعلشان هو مش متحفلط وبيعرف يتكلم الناس بتتريق عليه
وبتقول عايزين شرح اكتر للجهازين هو قال ماينفعش ندي سر الجهاز لحد

والسؤال اللي بيطرح نفسه حد يعرف سر خلطة الكنتاكي علشان نعرف سر الجهاز ده

شمس النهار يقول...

* ذو الوجه المبتسم
اكلنا في ربنا كبير

غير معرف يقول...

اها كده انا فهمت ياجميل
تسلميلى ياشموسه

شمس النهار يقول...

* قمر وليل وغيوم

تسلمي ياقمر :)