الخميس، 17 يوليو، 2014

ياواد يامناضل انت

 تحديث
ايووووة
التدوينة دي المفروض اني نشرتها يوم الماتش والمظاهرة
مااتنشرتش ليه مش عارفة
اديني نشرتها اهو وعملت اللي عليه
:)
النهاردة اتغظت اوي مننا
ايوة مننا
كاس العالم وكل هذا الاهتمام
مااااشي
ياشباب النضال والكفاح
كاس العالم ده اتعمل علي جثث الشعب البرازيلي
وكلنا شوفنا الفديوهات والصور
يابتوع حكوك الانسان ومهلبية الانسانية
ماعلينا
غزة بتضرب ياخلق والناس الغلابة الصايمين
بيدهسوا
ماعلينا
اووووووم ايه بقا
يقولك في مظاهرة طلعت من امام نقابة الصحفين
عادي
ولفت وسط البلد مايضرش
اصلها لنصرة غزة
وماله ياخويا ماطول عمرنا بنطلع مظاهرات لنصرة القضية الفلسطينية
وياما الجامعة قامت علي السادات علشان يحارب
طيب اومال ايه الجديد
الجديد بقا ان الاخوة المناضلين اللي طاعلين مظاهرة لنصرة قتل اهل غزة
سلتوا ايدهم من المظاهرة من هنا
وراحوا قعدوا علي الكافيهات يتفرجوا علي كاس العالم من هنا
خبطتين في الراااااس
ناس ماتت علشان الكاس ده يتعمل
طنشتوهم وبدل ماتدعوا لمقاطعت كاس العالم
تابعتوه
وغزة بتضرب وانتوا عملتوا مظاهرة
وقعدتوا تتفرجوا علي الماتش
ياربي ليه خلقتني مؤدبه

ليست هناك تعليقات: