الجمعة، 15 أغسطس 2014

عالم حلابوظات صحيح

صبااااااح الخير
من بعد ماقضيت امبارح اقصاد التلفزيون
اسمع برامج عن الذكري الاولي لفض رابعة
وفي نفس ذات الوقت بحشي كيلو ورق عنب
طلع روحي
طلعت من الاتنين 
بسؤال مهم 
جداااااااااااااااااااااااا
مين اللي اخترع ايدولوجية ورق العنب ده
يعني هو في استراتيجية في العالم
تقول ان قوي الشعب العامله
تقعد تعمل في ورق العنب
يوووووووووووم
بحاله
ويجي البروجوازين من القبيلة 
ينسفوه من غير مولوتوف في نص ساعة 
ادي اللي خدناه من الثورة
------
بجد ماكنش ليه نفس اكتب اي حاجة
بس اللي بيحصل حوالينا ده 
كتيييييييييييييييييير
ناس بتحتفل بفض رابعة
وطبعا دول سكان المنطقة اللي طلع روحهم واتبهدلوا
والشرطة اللي فضوا الاعتصام
وكرموا شهدائهم
وناس بتندب وتولو وقلبها موجوع
ودول طبعا اهالي الناس الغلابة اللي ماتت في الفض
وناس بتحتفل بطريقة خاصة حبتين
طريقة الهنود الحمر 
بيولعوا في البلد
وناس السبوبه نورتلهم امبارح بالاعلانات
وطبعا دول الفضائيات ونجوم المذيعين ونجوم الضيوف
وشباب بيتخانقوا علي النت
ودقي يامزيكه
وسمعني سلام
الصلح خير قوم نتصالح الصلح خير
بصوت ابراهيم نافعه
فوتكم بعافية
بيت مجانين يبقا بيتنا

هناك 8 تعليقات:

النسر المهاجر يقول...

أعتزر عن انقطاعى الفترة الماضية عن التدوين
وهذا بسبب سرقة المدونة الخاصة بى
أرجوا منكم تشريفى فى النسخه الثانية من مدونتى الغالية النسر المهاجر
حيث تجدون كل ما كان فى المدونة القديمة بالإضافة الى كتبابتى الجديدة
اتمنى أن تنول اعجابكم أيضا
وأن تصبحوا متابعين لها

لينك المدونة الحديثة
http://mehageer.blogspot.com/


Gamal Abu Elezz

غير معرف يقول...

كده ياشموسه
يعنى لو.مكنتش أسأل انتى متسأليش؟
ماشى ياستى
بالنسبه بقه لورق العنب انتى جوعتينى موت
فعلا بياخد وقت رهيب جدا وساعه الأكل بيتاكل فى ثانيه
فكرتينى فى رمضان حبيت اعمله وقعدت ألف ورق العنب لحد.ما المغرب أذن وقعدت اخلص فيه لحد العشا هههههه وطبعا اكلته بقه بالليل خالص كفطار
اما بالنسبه لموضوع الاحتفالات وفض رابعه والكلام ده
والله انا قلبى واجعنى ومقهوره
قعدت اتفرج على الاخبار وطبعا قلبت فى قنوات كتير جدا وحاسه انى مش فاهمه حاجه مش فاهمه مين الظالم ومين المظلوم مين على حق ومين على باطل واحداث غريبه كده تلخبط المخ
واللى زاد وغطى اما شوفت فيديو كتائب حلوان ده قلبى وجعنى اوى وقولت هو احنا فين
حسيت بجد بالحزن والأسى تجاه اللى مصر فيه

النسر المهاجر يقول...

ايديولجية ورق العنب الىعملها واحد حشاش علشان كده بيتلف مش بيتعمل طبقات :)
زى حكاية رابعه برضه الى وقفهم واحد حشاش له سبب واقف ليه ايا كان السبب هناك ناس واقفه مخصوص علشان يروحوا فى سبيل السبب ده واول ميلاقى ضرب يخلع وهما يتحرقوا عادى لانهم مش اهله فيبقى الى واقف ده وصل لأيدوليجية المحشى فى تركيبه :)

بوست جميل . وطبعا سيبك من الكلام الى فوق محدش فاهم حاجه :)

شمس النهار يقول...

* Gamal Abu El-ezz

مبروك علي المدونة الجديدة والحمد لله انك محتفظ بالمادة بتاعتها
-----
:) :) :)

فعلااااااا ماحدش فاهم حاجة عالم حلابوظه

شمس النهار يقول...

* قمر وليل وغيوم

اهلا اهلا بيكي

معلش انا اصلي مابجيش هنا نفسي مسدوده من اللي بيحصل حوالينا

ومن ورق العنب لكتائب حلوان
فعلا ماحدش فاهم حاجة

مريم الملا يقول...

للأسف كثر الهرج.

ذو النون المصري يقول...

كل عام انتم بخير
تقبل الله منا و منكم طيب القول و صالح العمل

abo-bder يقول...



شركة شحن عفش من الرياض الي الامارات-دبي
شركة شحن اثاث من الرياض الى الامارات
شركة شحن اثاث من السعودية الى الامارات
شركة نقل اثاث من الرياض الى الامارات






شركة نقل اثاث من الرياض الى الامارات

شركة شحن عفش من الرياض الي الامارات-دبي