السبت، 3 يناير 2015

كل سنة و دبي محروسة من اعداء النجاح :)

صباح الخير
عليكم
اروح تويتر الاقيهم بيندبوا
اروح الفيس الاقيهم برضوا بيندبوا
كل ماحد يكلمني يندب
الله
بتندبوا علي ايه
ان دبي صرفت نص مليار علي راس السنة
وكسبت 3مليار
وان احتفالات دبي ابهرت العالم
كل اللي بيندبوا مش من جيلي
عارفين ليه
علشان جيلي كله 
شاف لما كان العالم بيسيب برد بلادهم ويجوا هنا 
يحتفلوا براس السنة
مصر كلها كانت بتبقا كامل العدد
العرب اللي مافيش في بلادهم راس سنه اصلا
كلهم بيبقوا هنا
الاجانب بيبقوا في الاقصر واسوان والواحات والبحر الاحمر
والمصرين نفسهم ماكنش في بيت الا في احتفال 
بس للاسف
ربنا ابتلاااااااااااااااانا
بناس حرمت علينا عيشتنا
وقالك راس السنة حرام
لا
ده السياحة اصلا حرام
ومصر بقت حاجة تانية
وكل شئ تراجع
دبي بقا ماعندهمش
الناس دي
ويقولك انت مسلم ماتحتفلتش باعياد الكفار
:)
يعني حتي مش عارف الكفار من اهل الكتاب
ياعم الزوج المسلم اللي زوجته مسيحية 
وعنده اولاد منها
اكيد هيحبسها بقا ماتحتفلش
:)
مع ان ربنا احل لهم الزوااااااااااااااااج
اللي ربنا قال عليه سكن
والمشكلة بقا انك تقوله انت اتولد امتي 
يجاوب بالسنة الميلادية
طيب ياخفيف اتولدت امتي عربي
يتنح
:)
بتندبوا علي ايه بقا
ان شاء الله
وسمعني سلام هابي نيو ير ياكفرة
:)
فوتكم بعافية

هناك 24 تعليقًا:

موجة يقول...

ستظل الكلاب تعوي والقافلة تسير ، وسنظل نحتفل ونضحك والعالم كله يتقدم وهؤلاء يريدون ان يأخروننا عقوداً نحو الظلام .. موضوع ممتاز

وشكرا لتعليقك الكريم عندي ، وأود التوضيح أنا مدون ولست مدونة

موجة طدايما تعمل اللبس ده :)

Unknown يقول...

دبى بقت فى العلالى وناس بتفكر صح
لخير بلادها
اصبحت موانىء دبى العالمية مصدر دخل رهيب للدولة
ناهيك عن برصة دبى العالمية والاستثمار الناجح فى هذه الدولة الصغيرة

P A S H A يقول...

صباح الفل يا أستاذتنا
:)
هاذكر موقف واحد بس: مرة كنت في الهرم ؛ كنت واقف قدام هرم خوفو تحديداً ؛ وبعدين لقيت كام عسكري طالعين من جنب الهرم (ناحية السفح) ؛ فأنا بسذاجتي افتكرت أن فيه مزار هناك أو باب تاني بيدخلوا منه للهرم ؛ فقلت أروح أشوف فيه إيه يمكن أكتشف حاجة جديدة.
لقيت اتنين عساكر واقفين بيتبولوا على الهرم D:

ذو الوجه المبتسم يقول...

كل سنة وانتى طيبة

تحياتى

النسر المهاجر يقول...

هو ايه سبب الندب اساسا
دول ناس عرفوا يستغلوا مناسبه ويستثمروا شوية فلوس
وكسبوا وده طبيعى
هما بيحاولوا يصنعواالسياحة فى بلدهم
إحنا ربنامنحنا ثلث اثار العالم ومش عارفين نستغله يبقى العيب فى الشعب نفسه وثقافته
بره لو داخل متحف بتدفع تذكره لكل قطعة اثار بتشوفها هنا ادفع التذكره وخد التراك كله وببلاش
لو ان الاجنبى يشوف كل قطعه بتذكره مخفضه والحاجات الى فى مخازن الأثار تطلع ومش تتسرق ويتعملها متاحف كنا جبنا فلوس من غير منصرف قرش

تحيه لدبى على الفكره الرائعه
وتحيه ليكى على الكلام الجيد والصحيح

تحياتى

رحاب صالح يقول...

هههههههه ضحكتيني يا شموسة
كل سنة وانت طيبة

ولا تعليق اصلي مفروسة
اقول لهم في الشغل انا مش جاية عشان احتفل براس السن ة يقووليلي لية هو انت مسيحية ؟
بلاش كلام يقصر العمري بقي

ذو النون المصري يقول...

حياتنا بتتغير تغير كبير جدا للاسوا و لازم يكون فيه جيل جديد بافكار جديدة لمصر جديدة
ياتري نقدر نعمل تمرد ضد الافكار دي؟؟؟؟؟؟؟؟؟؟

sony2000 يقول...

ايوا بقي
اييه دا

غير معرف يقول...

ههههههههههههه
بغض النظر عن الحلال والحرام
بس دبى كل سنه بصراحه بتبهر العالم باحتفالتها برأس السنه

شمس النهار يقول...

*موجة

:) :) :)
معلش اسفة اصل موجة دي مؤنث

وبعتذر علي اللبس

نورتني طبعا

شمس النهار يقول...

* مدونة الفرسان

ربنا يبارك لهم ويزيدهم

شمس النهار يقول...

* P A S H A

ايام الدراسة كنا بنروح الاماكن الاثرية علشان الدراسة
كنت بزعل جدااااا
وخصوصا بقا لما سافرت امريكا ولاقيتهم كل طوبتين عمرهم 200 سنة عاملين لهم فرح
زعلت اكتر واكتر

ايييييييه هنزعل علي ايه ولا ايه ولا ايه

شمس النهار يقول...

* ذو الوجه المبتسم

وانت بالف خير وصحة وسلامة

شمس النهار يقول...

*Gamal Abu El-ezz

لا كده هعيطت
علشان الكلام اللي بتقوله ده
كنت لسه بندب بيه علي الربابة مع بنتي
:) :(

شمس النهار يقول...

* رحاب صالح


اللي يقولك كده قولي له
ايوة انا قبطية :)

شمس النهار يقول...

* ذو النون المصري

ايوة للأسف بنتغير للأسوء
ومش عارفة رايحين لحد فين

الدين بقا طقوس
والاخلاق بقت بالكلام والفعل مافيش
ربنا يستر

شمس النهار يقول...

* sony2000

يااهلا يااهلا ياسوني

شمس النهار يقول...

* قمر وليل وغيوم

وحياتك كنا برضوا في راسة السنة
ابهار علي ابهار

Tarkieb يقول...

كل سنة وانت طيبة يا امريكانية هههههه من ساعة ما روحتي هناك وخلاص محدش بيلاقيكي خالص...

غير معرف يقول...

انتى فين ياشموسه
طالت الغيبه

غير معرف يقول...

انتى فين كل ده ياشموسه

الازهرى يقول...

انا جيييييييييييييييييييييييييت

Unknown يقول...

صباح الخير.
لدي رأس المال الذي يستخدم لمنح قروض خاصة قصيرة وطويلة الأجل من 5،000 إلى 1،000،000 € لأي شخص خطير يريد القرض.
يتم منح قرضي بمعدل ثابت قدره 2٪ طوال مدة القرض.
يمكنك سداد القرض لمدة تتراوح بين 1 و 24 سنة، اعتمادا على المبلغ المقترض.
لديك العديد من المشاريع التي عالقة لحظة لأسباب التمويل، وسوف تساعدك.
لذلك، إذا كنت بحاجة إلى الائتمان، لا تتردد في الاتصال بي لمعرفة المزيد عن الظروف بلدي

هنا هو عنواني: loanyou59@gmail.com

Unknown يقول...

صباح الخير.
لدي رأس المال الذي يستخدم لمنح قروض خاصة قصيرة وطويلة الأجل من 5،000 إلى 1،000،000 € لأي شخص خطير يريد القرض.
يتم منح قرضي بمعدل ثابت قدره 2٪ طوال مدة القرض.
يمكنك سداد القرض لمدة تتراوح بين 1 و 24 سنة، اعتمادا على المبلغ المقترض.
لديك العديد من المشاريع التي عالقة لحظة لأسباب التمويل، وسوف تساعدك.
لذلك، إذا كنت بحاجة إلى الائتمان، لا تتردد في الاتصال بي لمعرفة المزيد عن الظروف بلدي

هنا هو عنواني: loanyou59@gmail.com