الاثنين، 12 يناير 2009

الحزن

كلمتها في التليفون كالعاده
وجدتها في حالة انهيار تام
نزلت اجري اروح لها لأني ماعرفتش افهم حاجه من صوتها المنتحب
دخلت عليها حجرتها لاقيتها نايمه في السرير محطمه تماما الغرفه ظلام تام
والبكاء سيد الموقف
ايه الموضوع هل انت من كانت ضحكتك تملاء الدنيا ومسارتسائول الجميع
كل اللي فهمته انها اكتشفت كذب من وثقت فيه
يادي الكذب طب ليه الناس تكدب ليه نجرح ونتجرح بالكدب ليه نضحك علي بعض
مع ان الكدب مالوش رجلين
كل اللي قدرت اقوله لها بعد ماسمعت الحكايه الغريبه جدا
احمدي ربك انك اكتشفتي الحقيقه
في ناس بتعيش سنين مخدوعه من غير ماتكتشف الحقيقه
قومي شوفي ايه احلا حاجه بتحبي تعمليها واعمليها
قالت لي ماليش نفس هو كان احلا حاجه بعملها
نزلت من عندها كارهه الكدب وسنينه
ربنا احل الكذب في الخطط العسكريه والصلح بين الناس والازواج وفي حدود الصلح بينهم
ادعوا لها ربنا يبرد قلبها
وربنا يسامح اللي ظلمها ويهديه لما فيه الخير وينور بصيرته ويستغفر ربه
ودي دعوتها هي له لماسمعتها بتدعي له قلتلها يعني ناويه تصلحيه وتغفري له
قالت لا حتي لو روحي في ايده
مش انا اللي بدعي له ده قلبي اللي بيدعيله
لكن هو بالنسبه لي حلم ومات

هناك 22 تعليقًا:

romansy يقول...

اول


تعليق


ل


رومانسى

romansy يقول...

الكدب دا بيهد بيوت اوقات كتير
الحمد لله انها اكتشفت الحقيقه
بس برضه لو الموضوع كان لسه فى اوله
وكمان لو مش ليه اخطاء كتير
وبتحبه المفروض تهدى كده وتفكر شويه
جايز الاحوال تتعدل

وردشان smilyrose يقول...

يابنتى يا حبيبتى

كل شئ وله علاج وأكيد هناك سبب

واكيد برده فى طريقه

ما دمتى بتحبيه

اغفرى وسامحى وحاولى تصلحى منه

وهو اكيد بيحبك وهيحاول

يعمل المستحيل عشانك

ياااااااااااااااااااااه

اللهم المستعان

دانا كدا ليه الجنه

سيبك انتى كفاية لحظة حب حلوة

او ذكرى جميلة كفيلة انها تغفر

اى شئ بس برده دا مش مبرر للكدب

ربنا يهدى

smilyrose

روح الحب الصادق

فارس القمر يقول...

وربنا يسامح اللي ظلمها ويهديه لما فيه الخير وينور بصيرته ويستغفر ربه
ودي دعوتها هي له لماسمعتها بتدعي له قلتلها يعني ناويه تصلحيه وتغفري له
قالت لا حتي لو روحي في ايده
مش انا اللي بدعي له ده قلبي اللي بيدعيله

الإسلام شأنه مثل معظم الأديان، يحرّم الكذب. يقول القرآن فى سورة غافر 28:40 "إن الله لا يهدى من هو مسرف كذاب". ويقول نبى الإسلام فى الحديث "كن صادقاً فالصدق يؤدى إلى الصلاح والصلاح يؤدى إلى الجنة. احذر الكذب فالكذب يؤدى إلى الضلال والضلال يؤدى إلى النار".
الكذب : خلة رديئة ، وصفة ذميمة ، وهي أساس الرذائل ، وأصل الشرور ، فكثيراً ما ضاعت به حقوق ، وانتهكت به حرمات ، وارتكبت به جرائم ، فكم من خبر كاذب كان سبباً في تقطع الصلات، وإثارة العدوات بين الناس ، كم من شائعة كاذبة اختلقها شخص مهين ، كان لها أثر على الأفراد والجماعات

قال تعالى : إن الله لا يهدي من هو مسرف كذاب ))

وقال تعالى (( ويل لكل أفاك أثيم ))

وعن عبد الله بن مسعود رضي الله عنه ، قال : قال رسول الله صلى (( عليكم بالصدق ، فإن الصدق يهدي إلى البر ، والبر يهدي إلى الجنة ، وما يزال الرجل يصدق ويتحرى الصدق حتى يكتب عند الله صديقاً ، وإياكم والكذب فإن الكذب يهدي إلى الفجور ، والفجور يهدي إلى النار ، وما يزال العبد يكذب ويتحرى الكذب حتى يكتب عند الله كذاباً )) رواه البخاري ومسلم وأبو داوود والترمذي

kmt يقول...

السلام عليكم ورحمة الله وبركاته

ودي دعوتها هي له لماسمعتها بتدعي له قلتلها يعني ناويه تصلحيه وتغفري له
قالت لا حتي لو روحي في ايده
مش انا اللي بدعي له ده قلبي اللي بيدعيله
لكن هو بالنسبه لي حلم ومات

بس لو رجع ندمان اكيد هاتسامحه
طلما مقدرتش تدعي عليه
وبعدين الدنيا متناقضه علشان تظهر الاشياء
الضد يظهر الاشياء لازم يتكذب علينا علشان نعرف قيمة الصادقين
مش اي حد يقدر يكون صادق
لكن اي حد يقدر يكون كذاب

تحياتي
الي اللقاء

Sweet Violet يقول...

الله يكون فى عونها بجد

اصعب حاجه ان الانسان يلاقى البنى ادم اللى كان واثق فيه و كان حاجه كبيرة يصغر فى عينه قوى و انه مش اهل للثقة دى

بس مدام فعلا هى ماقدرتش تدعى عليه يبقى ممكن تغفر لو هو فعلا حس بالغلط دا و طلب منها انها تسامحه .. و اكيد لو حاول يرجع الثقه دى تانى يبقى هتسامح

ربنا يهديها للطريق الصواب و ينور لها بصيرتها

SHAPE YOUR LIFE (ABOALI) يقول...

لما قراءت عنوان الموضوع قلت ده اكيد عن فلسطين
شويه ولما قراءت طلع العنوان الكذب الذى ادى الى الاكتئاب والحزن
وممكن الانتحار احيانا
علشان عدد السكان يقل شويه
على العموم كل شيىء بعيد عن الدين والصحة يبقى يتعوض
الدين والصحة هما فرسا الرهان فى حياتنا
باقى الاشياء من توابل
مثل الكدب والخيانه والحسد والذى منه
دى مكونات بشريه
لزوم تحميص وصهر القلوب
حتى يتتضح لنا الخبيث من
وبائع المسك من؟

على العموم
ربنا يشفى القلوب
من عمى الدنيا

تحياتى

حاسوباتيه يقول...

فعلا اسؤ احساس ان اقرب حد ليك تلاقيه بيضحك عليك فعلا احساس بشع ربنا معاها

mahasen saber يقول...

الكذب سيد الاخلاق عند بعض الناس
للاسف الشديد

واصعب شئ ان الانسان يكتشف
كدب وخداع حد عزيز عليه

mahasen saber يقول...

منوره البلوج يا شموستنا الجميله

عاشقه وغلبانه يقول...

عملت زي يعني
اه بيكدبوا علينا ويسبونا في لحظه
في لحظه تشوفي كل الحلم اللي بنتيه بيتهد
تسمعي صوته تفتكري كل كلمه قالها ليكي
كل حاااااااااااااجه بتبقي عامله زي ميه النار جوايكي
تحسي ان الدنيا ولا تسوي
انا عملتله ايه علشان يخدعني
طيب عملت ايه علشان يكون بالقسوه دي عليا
باكره كل حاجه بتفكرني بيه وتخليني اتألم لبعده عني
بكرهها مش علشان بكرهه بس بكرهها علشان بتفكرني انه مش موجود واني لوحدي
بكرهها علشان بتخليني اشتاق له بس هو مش موجود
بكرهها علشان بتبين ضعفي وانه سابني بقايا بعده
يلا كل واحد يستحمل جرحه
كان الله في عونها وعونا جميعا

mostafa rayan يقول...

الحلم ممكن يصحي لوهي سامحته لأنه واضح انها بتحبه جدا
ربنا يكرمها وييسر لها الخير

princess يقول...

اوحش حاجة لما يبقى حلم ومات
هيا الناس هتبطل تكدب على بعض امتى
وهيبطلوا يجرحوا فى بعض امتى؟؟؟؟؟؟؟؟

حياه بلا عنوان يقول...

اصعب حاجع عند الانسان لم بيحزن والحزن بيدخل جوه بيحس انو انكسر والكدب من اصعب حاجه لكن لو الكدبه ممكن ان تتغفر له ممكن نغفر لان ربنا بيغفر واحنا بنحاول نعمل حاجه زى ربناالبوست كتير جميل
تحياتى

blue-wave يقول...

احنا ليه مش بنسامح؟؟
يعنى لو حد غلط وندم واعتذر ليه مانسمحوش؟؟
ليه نحكم عليه انه مات من غلطة ممكن تكون فى لحظة ضعف؟؟

Unknown يقول...

السلام عليكم ورحمه الله وبركاته
_______________
رغم اني مش عرف الحكايه ايه؟
الا ان الكذب لا يفيد في اي شيء...في الخطط العسكريه اسمه تمويه وذكاء ...في الصلح بين الناس لو زاد الكذب ينكشف وما ينفعش...اذا كان الكذب ينجي فالصدق أنجي ...
ربنا يهدي الكدابين للصدق..
وينجينا واياكم من عواقب السوء.

فارس القمر يقول...
أزال المؤلف هذا التعليق.
مصطفى محمود يقول...

ربنا يفك عنها ويقويها :)

أحــوال الهـوي يقول...

رغم ان الموضوع مبهم و غير واضح لانه ملخصه الكذب
لانكر ان الكذب صفة مذمومه و انت تفضلت بادراج بعض الكذب المباح بحدود

لكن واضح من الحديث ان الحب مازال موجودا وان الغصه التي تبعت تأثير الصدمه في اوجها و اعتقد ان الحزن ناتج من الصراع الداخلي بين العفو و الكرامة
و اذا هدأت قليلا سوف تسامح لان من يكره يكون في حالة اخري و قد قرر ما يريد

اذا سالتيها نفس السؤال بعد فترة سوف تلاحظي التغيير واذا حاول استرضائها بصدق سوف يناله العفو و السماح

ملحوظة خبيثه
مجرد الاتصال بك و انت شخصية تحب السلام و قادرة علي لم الشمل وكانك طوق نجاة بالنسبة لها .... اشير عليك بالسعي للم الشمل

تحياتي

عمرو يقول...

مسكينه صاحبتك بس فيه حاجه
اللى بيحبوا بعض أوى جدا خالص بيشوفوا الحاجه الصغيره كبيره جدا و ده من شدة حبهم لبعض
يعنى ممكن لو كذبه لا تمس جوهر الحياه أو العلاقه بينهم فيبقى ممكن تعدى لو الحب بينهم ليس على قدر كبير
لكن لو كذبه خطيره و جوهريه فأنصحى صاحبتك تبعد عنه فورا
بس عندى اٍحساس أنهم حيرجعوا لبعض

من غير عنـــوان يقول...

الكدب...

ده عايز صفحات ... لأنه كتر اليومين دول

وقد أخبرنا حبيبنا الرسول عليه الصلاة والسلام.. ان المسلم ممكن أن يكون على أي شاكله إلا الكذب

تحياتي وأعذريني لضيق الوقت

leeno يقول...

اصعب احساس في الدنيا تتجرحي من ناس قلبك في ايديهم !!!

ربنا يخفف عنها و يقويها