الثلاثاء، 13 يناير 2009

الخراطيم تاني

تحديث
-----خبرهام
الحمد لله فتح مره اخري مطبخ شموسه
اتفضلوا معانا عندنا مسقعه وشوربة عدس
--------------------------------------
خرطوم الماء عند المصريين اصبح ضروره من ضروريات الحياة
نسقي الجنينه بالخرطوم مع ان العالم بيسقي دلوقتي بالتنقيط
نغسل العربيات بالخرطوم مع ان الجردل احسن ده حتي كانوا بيطفوا بيه مجلش الشوري من الطياره يعني برضه له شهرته
ماعلينا
ونغسل سلم العماره بالخرطوم برضه
ده غير الست اللي ساكنه فوقي وخرطوم الماء اللي بتغسل بيه الشبابيك عندها وتدهول الدنيا عندي
ماعلينا
واشهر خراطيم طبعا خراطيم 6 اكتوبر اللي سيحت اعتي الحصون وخلتنا نعبر الضفه التانيه
الخراطيم برضه المره دي عملت بطوله جامده جدا
بس للأسف ماحدش حس بيها عشان غزه طبعا
ايه الحكايه
الحكايه ان القراصنه بتوع الصومال حبوا يستولوا علي سفينة قمح مصريه
فاالقبطان ومعاه البحاره قاوموهم بالخراطيم
وفضلت المعركه بين رشاشات القراصنه وخراطيم المياه بتاعت البحاره الشجعان ساعه ونصف الساعه
حاول خلالها القراصنه وضع السلم وفشلوا وعندما حاولوا ان يلتفوا حول السفينه ليجدوا مكان من غير خراطيم
تصدر لهم مهندس ثالث السفينه بجسده ليعطلهم حتي تأتي الخراطيم
فأمطروه بسيل من الرصاص ولم يتزحزح من مكانه حتي وصلت الخراطيم للمكان الجديد
في وقت المعركه كان المساعد بعث بالاستغاثه فوصلت طياره هيليكوبتر هدد ت القراصنه اللي فروا سريعا
وانتقل مهندس السفينه بالطياره لأسعافه
ورجعت السفينه الي ارض الوطن بسلام بفضل الله وهذا القبطان الشجاع ومهندس السفينه المغوار
ماحدش جاب سيرة الناس دي ليه والا احنا بس نحب نتكلم في السلبيات
سفينه تجاريه لاتحمل سلاح والا حتي مسدس والا حتي ايد هون
بالأمكانيات المتاحه قدرت تغلب القراصنه اللي مدوخين الدنيا
المهم
انا بحي القبطان وبحي المهندس ثالث السفينه وائل سعيد السيد اللي تصدر بحسده للرصاص حتي لايتمكن القراصنه من وضع السلم علي السفينه وبحي بحارة السفينه
------------------------
اسفه اني ماردتش علي تعلقاتكم علي البوست السابق

هناك 109 تعليقات:

romansy يقول...

مش عارف ليه الناس مش بتحب تظهر الايجابيبات دى
وبتحب بس تظهر السلبيات
بس انا عارف الموضوع دا بس من الاخر ومش بالتفاصيل دى
نشكرك يا شمس
على انك قولتيلنا حكايه ابطال زى دول
وياريت بقى المره اللى جايه نتعلم من اخطائنا
ونشيل حتى ايد هون

tarek momen يقول...

تحية للمهندس البطل الذي لم يذكره احد
وان كان المتوقع من كل مصري ان يظهر بطولة في موقعه
اما الأنذال فهم الأستثناء وان كانوا اكثر ظهورا لأنهم مثل البقع السوداء في الثوب الأبيض
تحياتي لاختيار الموضوع وتهنئة علي البوست الخاص بك علي مدونة عمرو
وكلامه اللي يخلي كل واحد يتمني يشوفك
دي مش معاكسة ..دعابة خفيفة بس

شمس النهار يقول...

*رومنسي
لاشكر علي واجب
ماينفعش سفينه تجاريه تشيل سلاح والا حتي ايد هون ده قانون دولي
بس المصريين اهمه اتصرفوا برضه

شمس النهار يقول...

*طارق
اهلا ياحاج انت فين مستخبي
انت بتمتحن والا ايه
خلاص ياحاج احنا تعدينا سن المعاكسه
واخي وصديقي عمرو اثني علي بما ليس بي
هو مجامل مش اكتر كتر خيره

موناليزا يقول...

عاش الرجال

شمس النهار يقول...

*موناليزا
ايوه عاش الرجال
صدقتي

mahasen saber يقول...

الله اكبر
انا احى القبطان والمهندس وكل ما على السفينه
انا احى السفينه نفسها

اجمل موضوع قريته عن الخراطيم فى حياتى
بجد رائع
وبجد بجد بجد بطوله كنا محتاجين نسمع عنها دلوقت

..............
شموسه بخصوص الموضوع اليى قلتلك عليه
رجع يرفض حتى بالتنازل عن كل شئ لمجرد العند وزيادة القهر
بيقول مش دلوقت لما احس انى عايز اخلص هخلص..ده للعلم بس..خليها فى سرك

جلال كمال الجربانى يقول...

الأخت / شمس

فكره هذه التدوينه رائعه

وتحيه للأبطال الذين قاوموا القراصنه بما هو متاح .. أبطال فعلاً .. أشكرك على المعلومه
----------
والمدونه رائعه ومطبخك يجوع
سعدت وأستمتعت بزياره مدونتك
الرقيقه الرشيقه
ومطبخ الشهى .. جوعتينى

وسأعود لأستكمال جولتى

ودمتى بخير

وردشان smilyrose يقول...

شمس النهار

يا ضياء الشمس المنور بين المدونين

دا شئ عادى منك انك تظهرى الايجابيات

الجميلة بنا وربنا يجزى هؤلاء الابطال

عن اعمالهم

ودا شئ متوقع من ابناء مصر

smilyrose

روح الحب الصادق

فارس القمر يقول...

تحيا مصر

فين الناس اللى تظهر الايجابيات دى وتشوف اللى حصل مش فالحين انهم بيمسوا اسم مصر فى الخارج فالفاظ مش كويسه وخلاص

اشكرك كل الشكر انك عرضى علينا معلومه بجد اول مرة اسمعها

تحيه وتعظيم سلام لكل من كان على هذة السفينه

واليكى ايضا لنقلك هذا الخير الجميل

شمس النهار يقول...

*محاسن
معلش ربنا يهدي
حاسه بيكي وبالقهر اللي انت فيه
بس صدقيني ربنا هيعوضك خير
ودايما الصابر المحتسب لله في جرحه ومحنته ربنا بيعوضه اذكري الله هتلاقي خير وقلبك يبرد
وحاضر هخليها في سري

شمس النهار يقول...

*واحد من العمال
اهلا بيك في اول زياره
وشكرا علي المجامله اللطيفه
واهلا بيك في اي وقت وان شاء الله هنفتح المطبخ تاني قريبا

شمس النهار يقول...

*سميلزروز
انت دايما كده رقيقه في تعليقاتك
شكرا
والحقيقه انا حسيت الناس دي اتظلمت في وسط الاحباط المحيط بينا فاحبيت اعمل حاجه لهم ولو علي المحيط بتعنا اهو كل واحد مننا هيحكي عليهم لحد

شمس النهار يقول...

*فارس القمر
الشكر ليك علي كلامك اللطيف
بجد الناس دي تستاهل كل خير
والبطل المهندس بيتعالج لحد دلوقتي
ندعيله يقوم بالسلامه

kmt يقول...

السلام عليكم ورحمة الله وبركاته

سيدتي ليس هناك من عجب فهذا هو المصري مهما ضاقت بيه الدنيا ومهما حس انه مسلوب الاراده بس المصريين اشاد بجنودهم الرسول صلى الله عليه وسلم هو يمكن مش جندي جيش لكنه جندي في عمله دافع عنه بحياته
بس ياتري هو عامل ايه علي قيد الحياة ولا ..........

على فكرة نسيتي تقولي عن دور الخراطيم في المدارس ياما انضربنا بيها واحيانا في البيت :)

تحياتي
الي اللقاء

شمس النهار يقول...

*كيمت
المهندس حي يرزق وبيتعالج الحمد لله
اما خرطوم المدارس ده
ماسمعتش عنه
بس ممكن نعمل له تحديث
اهو خرطوم برضه
والله المصريين دول ام الاختراعات كله
خرطوم يطلع منه ده كله

حاسوباتيه يقول...

انا اول مره اعرف الخبر ده وبجد برافوا عليهم

أحــوال الهـوي يقول...

سيدتي الفاضله

ان التركيز علي السلبيات يجعل الناس في حاله من التهاون و اللامباله م انتشرت جملة و احنا مالنادي بلدهم و هما حريين فيها

و اصبح قدوة الشباب مغني بشعر صدر كثيف ماهر بالايحاءات الصفيقه او ممثل دميم ناهز السبعين و يتمطع بين الحسناوات كديك البرابر
و لكن حينما تظهر بطوله او مثل حي للشجاعه ينزوي الخبر في ركن مهمل خوفا من انتشار عدوي الشجاعة و النخوة في صور الشباب

تحياتي للابطال و لشخصك الكريم

Empress appy يقول...

الله الله شوفتى بقى يا شموس لما حد بيقاوم حاجه بتنجح ازاى بس احنا اللى واخدين على الكسل
وبعدين يا ستى ما الخراطيم لها فايده بجرى ورا العيال على السلم بيها علشان ميقعدوش على السلم يوسخوه ضيفى دى بقى لفايده الخراطيم

SHAPE YOUR LIFE (ABOALI) يقول...

وان اشتد البرد بك يوما"
فدافع عن شرفك فاءن الدفء غالى


عملوها المصرين

هو احنا عندنا سلاح بحريه
ولا لسه بيعوم فى الملاحات ؟

شمس النهار يقول...

*حاسوبتيه
شوفتي انت اول مره تعرفي الخبر ده يعني كان عندي حق
ماحدش بيظهر الحاجات الجميله عندنا
مع ان دي قدوه طيبه يجب اظهارها

شمس النهار يقول...

*احوال الهوي
عندك حق
مافيش قدوه حسنه امام الشباب
وطبعا ماحدش جاب سيرة هذا البطل
سمعتش انهم استضافوه في اي قناه
والا حتي حد عمل معاه حوار
لكن اللي بيعمل عمله هباب كل القنواة تستضيفه والجرايد
لنا الله

شمس النهار يقول...

*ابي
شفتي كل شويه نكتشف فايده وعايده جديده للخراطيم
حاولت اعرف المهندس ده بيتعالج فين عشان نكون مجموعه نروح نزوره ماعرفتش

شمس النهار يقول...

*ابو علي
في سلاح بحريه بس ماينفعش يتحرك الا تحت مظله وخد بالك من مظله دي شرعيه دوليه
وكمان السفن التجاريه محظور انها تحمل علي متنها اي سلاح

Unknown يقول...

السلام عليكم ورحمة
الله تعالى وبركاته
فعلا ياحاجة شمس النهار
احنا كمصريين بنحتفل (بالموت )
اكثر ما احتفالنا بالفرح والحياة
ولما بنفرح او بنضحك على طول نفتكر
ونسكت ونقول اللهم اجعله خير وكأن الضحك لابد ان يعقبه حزن سبحان
الله!! .لكن والله جزاكى الله كل
خير على التدوينة دى
وجزاهم الابطال
دول الخير
كله

طوبه فضه وطوبه دهب يقول...

بجد هو دا الشعب المصرى وهو دا الشباب المصرى اللى بيظهر بجد وقت الشده ومابيبانش معدنه غير فى المحن ربنا ينصرنا ويثبت اقدامنا ديما وتحيا خراطيم جمهوريه مصر العربيه

princess يقول...

انا بقى ولا عارفة الموضوع ولا تفاصيله
الاعلام بصراحة مدهمش حقهم خالص

شمس النهار يقول...

*نورهاتي
لأ ونسيتي كمان اننا اقصد اغلبيت الشعب المصري
نفرح نبكي نزعل نبكي
تصدقي الناس يوم فرح بنتي الكبيره كانوا مستغربين ان انا في الفرح ماكنتش ببكي ولما وصلتها بعد الفرح ماكنتش ببكي
مش فاهمه طيب ابكي وافول علي البنت ليه
صحيح ان لما روحت وصليت لله ركعتين شكر بكيت بقا زي ماانا عايزه بس
المهم ان في الفرح ماعيطش

شمس النهار يقول...

*طوبه دهب وطوبه فضه
بجد ضحكتيني
بس عايزه اقول لك
تحيا خراطيم ج م ع المفيده
وتموت خراطيم ج م ع الضاره

شمس النهار يقول...

*برينسس
شفتي انت تاني مدونه تكتب انها ماتعرفش حاجه عن الموضوع ده
وهو ده اللي انا بقوله ابطال زي دول مايظهروش ليه والناس تعرفهم
بس اما نرجع بكاس خايب من دوره اخيب الجرايد تفضل تمدح والمسؤلين يتسابقوا في لقائهم
علي فكره انا مش ضد الكوره والا حاجه بس حاسه ان الموضوع بقه زياده حبتين

مصطفى محمود يقول...

لا فعلا عمل بطولي يستاهلوا التحية علية :)

واحنا مسمعناش عنهم يمكن عشان غزة زي ما قلتي

ربنا ينصرهم ويجازي البحارة بتوعنا خير .


كده الخرطوم ممكن ياخد وسام استحقاق :)

شكرا للإبلاغ

Unknown يقول...

كويس والله لسة في حاجة كويسة عندنا الخراطيم سلاح المصريين
كويس والله فرحتيني قوي
تحياتي

ادم المصرى يقول...

السلام عليكم
بوست جميل جدا جدا واظهار هذه الحقائق لناس شيئ بجد يترفعلك علم مصر فيه انا كنت عارف الكلام ده لكن مجاش فى دماغى اعرضو على الناس بس بجد شيئ جميل اننا نقضر الوطن
اشكرك واشكر كل من علق عليكى

Sweet Violet يقول...

الحمدلله ان لسه فى امل اننا لسه زى مااحنا فى وقت الشدة

بجد اشكرك ياشموستى على الخبر اللى اول مرة اعرفه منك و للأسف ان ماحدش قال عليه

بس هنرجع و نقول هو دا الاعلام عامة .. حلو قوى فى نشر الكوارث فقط

*^*AL.7aAzZeEnN*^* يقول...

السلام عليكم

تسلم ايديك يا سندريلا

موضوع جميل اوووووي

كلمات ذهبيه و معبره على اشايء كثيره

بوست مميز اووووووي

تحياتي

ده حتي الماصوره بتاعت البيت فرقعت ههههههههه

اتمني زيارتك الي مدونتي المتواضعه

تحياتي لك

القلب المنكسر

دمتي بكل خير و سعاده

و اخر حاجه بقي مش فاكر سوري ههههههه

سلاااااااااااااااااااام

*^*AL.7aAzZeEnN*^* يقول...

سوووووري اووووي على الخطأ

اتلخبط اسف

سلااااااااااااااام

Eno يقول...

تحيه لكل النماذج المشرفه دي
وكمان تحيه ليكي يامدام شمس انك تفكرينا بيهم عشان نشكرهم :)

Foxology يقول...

الواحد بيفرح والله من حاجة زى دى

تحية ليهم والف شكر

تحياتى :)

son's egypt يقول...

السلام عليكم
يمكن الواحد مذكرش الموضوع ده لان دايما بتكون السلبيات طاغية جدا علي الايجابيات
بس فعلا الواحد كان لازم يذكر الموقف ده

شمس النهار يقول...

*تيفا
انت فين ياريس
حاولت اعلق عندك في المدونه ماعرفتش لاقيت حاجات غريبه كده
بصراحه مافهمتش حاجه
وانت عارف ست الحاجه مالهاش في الكمبيوتر اصلا

شمس النهار يقول...

*كاتب مصري
شفت المصري لما يحب يعمل حاجه بيعملها ازاي
صحيح فراعنه

شمس النهار يقول...

ادم المصري
اهلا بيك في اول زياره
طول عمري اقول ان المصري عظيم
وكل ما واحد فينا يعرف حاجه عن اي حد عمل حاجه لازم ينشرها
علي الاقل يعرف ان في ناس فخوره بيه

شمس النهار يقول...

*ضد التيار
ازيك
سلامتك الف سلامه من البرد
دول ابطال يستهلوا مننا اغلا تقدير

شمس النهار يقول...

*القلب المنكسر
اهلا في اول زيار
بس سندريلا دي ماتمشيش معايا خالص انا قربت ابقا تيته(قول يارب)

شمس النهار يقول...

*اينو
اهلا بيكي
والله يااينو انا الود ودي ادور عليهم واسلم عليهم واشكرهم واحد واحد

شمس النهار يقول...

*فوكي لوجيا
مش انا قلت لك ساعة القطط
ان المصريين همه اللي دهنوا الهوي دوكو
شفت اهم غلبوا القراصنه بالخراطيم
مع ان القراصنه دول استولوا علي اعتي السفن
بس في سؤال خبيث كده بيزن في دماغي
هي الفتوه بتاع العالم وحامي الحمي ماما امريكا ساكته ليه علي القراصنه دول
قول انت بقا يافوكس

شمس النهار يقول...

*صن ايجبت
فعلا لازم نلقي عليهم الضوء
لو كل واحد فينا حكي عنهم للمحيطين بيه
صدقني هيكون اقوي من اي حاجه
لو كل واحد بعد الصلاه دعالهم هتكون دعوه مستجابه ان شاء الله

نور الدين (محمد الجيزاوى) يقول...

بوست بسيط وهادى وهادف وكم شعرت بالسعادة وانا اقرأ عن هولاء الذين تمسكو بالدفاع عنانفسهم رغم انهم لا يمتلكون ما يدفعون به
فشعرت بعار واقعنا وكيف تخاذل حكامنا عن نصرة الضعفاء ضد قراصنة اليهود
تحياتى لك
...
نور الدين محمود

عاشقه وغلبانه يقول...

الدنيا مليانه امثله كويسه وحاجات تفرح بس زي مابتقولي الحزن بيسرق الاضواء
واحنا شعب يعشق النكد والمصايب زي عنيه الجوز
لحد مابقتش راضيه تفارقنا

ربنا يكرمك ويكرمهم

شمس النهار يقول...

*نور الدين
اهلابيك في اول زياره
همه مجموعه امنوا بقضيتهم وشرف مهنتهم واحسوا بالمسؤليه واخلصوا النيه لله
فنصرهم الله

شمس النهار يقول...

*عاشقه وغلبانه
انت صح
الدنيا مليانه نماذج مشرفه بس ماحدش يعرفها مهمتنا احنا ندور عليها ونبرزها علي الاقل نجد قدوه صالحه لشبابنا
بدل القدوه الغريبه الموجوده

عاشقه الرومانسيه يقول...

اول تعليق لى على مدونتك
واول مره اتعرف على شخصيتك وكان اجمل تعارف من الموضوع اللى اتكتب عنك فى مدونه حبشتكنات فلسفيه
حسيت منه انى اعرفك من قريب
تحياتى

شمس النهار يقول...

*عاشقة الرومنسيه
اهلا بيكي في اول زياره
وشكرا علي الكلام اللطيف والمجامله
بصراحه عمرو قال كلام اكبر مني بكتير
بس هو شخص لطيف ومجامل
اعطاني اكثر ممااستحق
نورتيني

فشكووول يقول...

يا حاجه شمس .. السلام عليكم
انت عارفه ان الخراطيم دى عملنا بيها عمايل هايله وكان لها دور كبير فى حرب اكتوبر وذوبت اعتى القلاع الدفاعيه فى التاريخ (خط بارليف) طبعا انا كنت من جنود اكتوبر بس كل جنود اكتوبر خدوا صابونه
بس يا حاجه انت قلقتينا عشان قلت على البحار اللى وقف للقراصنه وامطروه بوابل من الرصاص ولا قلتيش حصل له ايه وهل هو عايش ولا لا سمح الله .. لازم تعملى تحديث وتعرفينا ايه اللى حصل له
تحياتى يا حاجه

mostafa rayan يقول...

فكرة حلوة دي
لك كل التحية

شمس النهار يقول...

*فشكول
المهندس عايش ويخضع للعلاج
ان شاء الله يتم شفاه علي خير

شمس النهار يقول...

*مصطفي ريان
اهلا بيك

عمرو يقول...

بارك الله فى رجال الطاقم الشجعان و الله يكتب السلامه لطواقم السفن الأخرى و يخرب بيت القراصنه و يجيب عاليهم واطيهم
بمناسبة الخراطيم فأنا ليا ذكرى برضو معاها لو تسمحى لى أحكيها
أيام مظاهرات جامعة الاٍسكندريه فى أواخر عهد الرئيس الراحل أنور السادات و كانت مظاهرات رهيبه و صاخبه و عنيفه كانوا برضو بيتصدوا لنا بخراطيم المطافىء اللى كانت بتضخ مياه مجارى رائحتها لا تحتمل و مش عارف كانوا بيجيبوها منين و اٍزاى كانوا بيعبوها جوه تانكات سيارات المطافىء
أيام بقى و راحت لحالها

شمس النهار يقول...

*عمرو بدر
يانهار ابيض
مش معقول الامن ده
المهم حمد الله علي سلامتك
نورتني

ادم المصرى يقول...

مستنيكى تشوفى البوست الجديد بتاعى

شمس النهار يقول...

*ادم المصري
حاضر
وعلي فكره حاولت ادخل المدونه امبارح ماعرفتش بس هروح حالا

رابطة هويتي اسلامية يقول...

شارك معنا في حوارنا
غزة في قلب مدون
مع المهندس : الحسيني لزومي
الحوار موجود علي الرابطة شارك معنا في الحوار
كن إيجابيا وحاول المشاركة في إنشاء بلوجر فعال
حوارنا مستمر مع المهندس
متي دخلت سجل تعليقك بسؤالك أو إستفسارك بالنسبة للمهندس
مع تحيات
رابطة هويتي إسلامية

شخـا بيــط مـحـجـوب يقول...

يا شمس دة فلكلور شعبى لابد منة مينفعش نعيش من غيرة

تحياتى ليكى
شخابيط mahgoub

شمس النهار يقول...

*شخابيط محجوب
ضحكتني فعلا
بالضبط مانقدرش نعيش من غير مانغسل العربيه بالخرطوم والسلم والشبابيك
هي كل الحكايه استسهال
مره ناقشت البواب ليه مايمسحش السلم بالجردل
قال لي السكان مش بيرضوا يملوهولي لما بخبط عليهم
قلت له ارحم اساس العماره هتتهد علي دمغنا كلنا
اخترعنا ايه انه يملا 4جرادل ويحطهم في الاسانسير ويطلب الاسانسير في الدور اللي هو عايزه ولما يخلصوا مراته تملاهم تاني
والحمد لله ماشيين بالنظام ده من اربع سنين

أمل حمدي يقول...

ازيك يا شموسة

فعلا انا شفت المهندس وهو بيحكي حكايته مع القراصنة وصموده هو وزملاؤه
امام نيران القراصنة بخراطيم المياه
بجد موقف مشرف والحمد لله على سلامتهم

دمتي بكل الخير اختي الغالية

بنت الغربة يقول...

شموسه
انا اول مره ادخل عندك
بس بجد مدونتك حلوه قوى
وكويس انك حكيتى على اللى حصل فى السفينه المصريه دى
انا ماكنتش اعرف ومافتكرش حد كان عارف....
تحياتى ليك

شمس النهار يقول...

*ماما اموله
الله يسلمك
ربنا يحميهم
كان لازم ناقي عليهم الضوء
وخصوصا في وسط الاحباط اللي احنا فيه ده

شمس النهار يقول...

*بنت الغربه
اهلا بيكي في اول زياره
وشكرا علي المجامله
انا حبيت اظهر ان لسه في رجاله شجعان بهزموا الخوف والشر بحاجات بسيطه جدا
بس يدعمها الايمان بنصر الله

اقصوصه يقول...

اول مره اسمح عن هالقصه

فعلا موقف بطولي وانجاز :)

ندوينه جميله

تقبلي مروري :)

شمس النهار يقول...

*اقصوصه
ازيك
شفتي حتي انت كمان ماتعرفيش عنهم حاجه
وهو ده اللي كنت اقصده من البوست الناس تعرف عنهم وتحكي عنهم
واذا كان الاعلام مااداهمش حقهم من التقدير احنا نحكي لكل اللي حوالينا عنهم

Abd-Alrahman يقول...

ههههههههههههه
البوست تحفة اوي علي فكرة
هههههههههههههه

لا بجد ضحكت اوي اوي لما قريته
الخراطيم برضة مهمة في الطب المصري
بيعملوا بيها قسطرة
مع انها اتلغت في العالم كله
ههههههههه

فشكووول يقول...

ازيك يا حاجه .. والله نسيت اقول المعلومه دى ان الازهر فى اوله كان عشان ينشر المذهب الشيعى .. بس طبعا الان بقى كله سنى
تحياتى يا حاجه وشاكر لك تعليقك

Unknown يقول...

السلام عليكم ورحمه الله وبركاته
____________ ست الكل شمس الشموسه منوره...يا حاجه.
الحمد لله انت احسن حال النهارده عن آخر مره .موضوع القراصنه ده غير كتير في معنوياتك الحمد لله ...ومتهيأ لي كده خير اللهم اجعله خير ان القياده الفاشيه لما سمعت بالموضوع قالوا...قالواايه بقي ....القمح جراله حاجه؟
زي لما كان يموت عسكري قبل ما يسألوا العسكري مات ازاي وليه يقولوا ...والسلاح فين؟
لما خلاص ما بقاش فيه سلاح ...كفايه الخراطيم...وبعدين برضه ها يقولوا الخراطيم راحت فين؟

شمس النهار يقول...

*عبد الرحمن
اهلا بيك
والحمد لله اننا ضحكناك في الايام بتاعت الامتحانات الرهيبه دي
صح انا نسيت كمان الاسطره
شكرا

شمس النهار يقول...

*فشكول
لاشكر علي واجب
المفروض نتبادل المعلومات

شمس النهار يقول...

*فركشاوي..ناوي
الله يسلمك
بس انا الحمد لله نفسيتي كويسه
بس البنت بتاعت البوست السابق انا بحبها وكنت متأثره جدابحالتها
عندك حق المهم عندهم القمح عشان البني ادمين العدد في الليمون
وياريت يموت مننا شويه كده عشان نروق لهم الجو شويه
بس خاللي بالك ان الخراطيم بكره تشتهر اكتر وتغلا في السوق

مفكر يقول...

السلام عليكم::

شمس يا شموسة

اخبارك ايه؟

آسف على انقطاعي بس الدراسة بقى عياز اركزلها

دعواتك

كلها شهر تقريباً بإذن الله وأرجع أتابعكم موضوع بموضوع

شكراً على السؤال

شمس النهار يقول...

*مفكر
ازيك انت يارب تكون بخير
ربنا معاك انت وكل الطلبه المجتهدين
انا بدعيلك والله
ترجع من الامتحانات ناجح يأذن الله
ذاكر واعمل اللي عليك والا تنسي ذكر الله

أنا حر يقول...

الايجابيات عمرها الصحفي قصير وكلامها قليل وهيفتح نفسنا اننا نغير ونحاول نزود الايجابيات وده ضد رغبة الحكومة
تحياتي

شمس النهار يقول...

*اناحر
اهلا بيك في اول زياره
مش المهم الحكومه عايزه ايه
المهم احنا الافراد بينا عايزين ايه
يعني لما بيكرموا ابطال مسلسل تافه
في جميع النوادي والجمعيات واللي مش عارف ايه
بتكون الحكومه هي اللي قالت لهم
من يوم الموضوع ده ماسمعتش ان نادي والا جمعيه والا ساحه شعبيه حتي
جابت الناس دي والا كرمتهم
ليهم رب اسمه الكريم

Dr. Ibrahim يقول...

لا ماهو فيه حاجات كتير

فيه معجزة الأرداة

وفيه شجاعة

وفيه ذكاء وحسن تصرف فى المواقف

امال ايه الفرق بينا وبين الحيوان

العقل وحسن التفكير على الرغم من وجود الفطرة عند الحيوان..

ولكن استخدام الواسئل المتاحة للتغلب على المشكلة دا الذكاء بذاته..

اما الخراطيم فأنا دائماً أفضلها فى كل شىء عندما أريد غستخدام المياه..

شىء اساسى :)

بس احب اضيف حاجة..

انا مش عندى امتحانات :)

شمس النهار يقول...

*د/ابراهيم
ماعندكش امتحانات طيب الحمد لله مش تقول وانا عماله ادعي
تفتكر الدعوات دي هتروح فين
خلاص امتحن اي حاجه بقا ماتكسفنيش

♥..~*شـــوشـــو هـــانــم*~..♥ يقول...

بس كويس ان هم عملوا كدا يعني مفضلوش مكتفين ايديهم عشان معاهمش سلاح فكروا وحلو المشكلة
وعندك حق فعلا فإن إحنا مبنزكرش غير السلبيات

*********
تحيتي لك..

الربان يقول...

تحياتي

أحييك لانك ذكرتي هذا الموضوع...الذي تغافل عنه الكثيرين...

يبدوا اننا من هواة جلد الذات..نري السلبيات...و نكرر النقد و الانتقاد
و نتجاهل الايجابيات....كأننا ننظر الي العالم من خلال عين واحدة....للاسف هذه العين قد تكون موجهه...

تحياتي و تقديري

شمس النهار يقول...

*شوشو
اهلا بيكي في اول زياره
فعلا الاعلام بتعنا بيتجاهل اي نجاح بيعتبره مافيش خبر
يعني مش الخبر ان الكلب عض رجل لكن الخبر ان الرجل عض الكلب

شمس النهار يقول...

*الربان
اهلا بيك في اول زياره
الحقيقه ان الرجال دول يستهلوا الكثير مننا بس طبعا غزه واخبارها غطت علي الكل
وكمان الاعلام مابيدورش غير علي الاثاره فقط

Unknown يقول...
أزال المؤلف هذا التعليق.
Beram ElMasry يقول...

الاخت الفاضلة ، الحاجة / شمس النهار
السلام عليك ورحمة الله
صدق المصطفى صلى الله عليه وسلم ، وكما اشرت انه الضعف لاننا لانملك رغيف العيش ولا نصنع سلاحنا ، وان لم نبدل الحال بان نزرع وان نصنع ونخلع من العولمة فلا امل
شكرا لزيارتك بعد طول انتظار
والسلام عليكم

شمس النهار يقول...

*بيرم التونسي
اهلا بحضرتك
كل سنه وحضرتك طيب
بالنسبه للعولمه
فهي بالنسبه لنا نحن المسلمين من السهل علينا الخروج من دائرتها
بتمسكنا بالدين الحنيف
واتحاد الامه الاسلاميه والعربيه
وده من المستحيلات
اذا لانملك الا الدعاء
شرفتني بالزياره وكان يهمني اعرف رأي حضرتك في البوست الملحق بالتعليق هنا

فشكووول يقول...

الحاجه شمس .. تحياتى
هى محاسن صابر ربنا فك غمتها بجد .. يا رب يهدى لها الحال
تحياتى

شمس النهار يقول...

*فشكول
الحمد لله ربنا كرمها وموضوعها خلص اول امبارح

صبرني يارب يقول...

عشان احنا يا شموسه شعب بيموت في الزفه

بس احنا بنمشي بس فى الزفه انما ما نعرفش حتى نعملها

فى ناس بقى بيعملوا الزفه واحنا نطبل ونسقف ونرقص كمان

لو منى الشاذلي جابتهم هانسقفلهم

سقفي بقى

شمس النهار يقول...

*صبرني يارب
عندك حق
بس الغريب ان مني الشازلي واقرنهامن الطبلجيه
ماجابوش سيرتهم اصلا

مـجـنـووون يقول...

موضوع جميل بس علي فكرة مش كل الناس بتعمل بموضوع الخراطيم ده

هتسالي ازاي
هقولك
انتي بتقولي

يغسل بيه العربيه واصلا مفيش عربيه
يسقي بيه زرع الجنينه واصلا مفيش جنينه
يغسل السلالم واصلا مفيش سلالم
ههههههههههههههههههههه
يعني من الأخر البلد دي مش بلد خراطيم دي بلد مظاريب

تقبلي مروري
مجنووون

dodda يقول...

!!!

dodda يقول...

انا بحيى الخرطوم...

غير معرف يقول...

السلام عليكم
مدونه جميله قوى يا استاذه شمس
احب افكركم ان الخراطيم لعبت دور كبير ف حرب 6 كتوبر و انها حطمت خط بارليف المنيع و كانت سبب ف تدفق الجيش المصرى واحد الوسائل ف هزيمه الجيش الاسرائيلى
كمان اخواتنا ف السودان بيحترموه بدليل انهم سموا العاصمه بأسمه
يا ترى ايه السبب ؟؟!!!!

من غير عنـــوان يقول...

أفكار نيره عند المصريين دائما... عدا رش الشوارع عمال على بطال

تحياتي وأمنياتي

ما شاء الله عليك

شمس النهار يقول...

*مجنون
حمد الله علي السلامه
بس شفت العبقريه المصريه
والانسان المصري لما يحب يتصرف

شمس النهار يقول...

*دودا
الاسم كده صح
بس الاول نحيي اللي فكر ونفذ واستخدمها استخدام نافع

شمس النهار يقول...

*بيبرس
اهلا بيك
موضوع السودان ده مافكرتش فيه
بس ايه رأيك نسأل سوميه السودانيه
او انت تعمل بحث علي النت وتبلغنا
هيكون موضوع لطيف
نورتني

شمس النهار يقول...

*من غير عنوان
حمدالله علي السلامه

Diyaa' يقول...

مستشفي فلسطين نورت بتواجد حضرتك :)
والمرة الجاية نبقي نجيب التبرعات نقدي عشان مش نتعب في تطبيق الهدوم :) خصوصاً إنهم علي حد علمي مش محتاجينها أوي والمهم الزيارة أو الفلوس
وأنا سعيد بالصدفة الجميلة إن حضرتك والدة دعاء وافتكرت الأيام الجميلة بتاعة الماك :)

نيجي لموضوع الخراطيم
مصر لسه فيها خير ده أنا شئ متأكد منه
بس بيحاولوا يدفنوه ولو ممثل عمل تمثيلية بيمجدوا فيه ولو لعيب كورة جاب جول بيعظموا فيه
يلا معلش..مثيرها تتعدل :(
سلام عليكم :)
ضياء

صبرني يارب يقول...

انتى فين يا شموسه؟؟ طمنينى عليكى

شمس النهار يقول...

*ضياء
اهلا بيك المدونه نورت
انتم ماشاء الله عليكم وعلي اخلاقكم كنتم منورين المستشفي
ياريت كل شباب مصر يكون زيكم كده
والله كانت هتتغير حاجات كتير
ان شاء الله نتقابل تاني في الخير
ربنا يحميكم

شمس النهار يقول...

*صبرني يارب
ازيك
انا الحمد لله بخير بس انت عارفه شؤن القبيله كتير قوي
شكرا علي سؤالك
ربنا يديم المعروف

المهندس المصاب يقول...

انا المهندس وائل سعيد المصاب جراء عمليه القرصنه على سفينه وادى العرب اشكركم شكرا جزيلا على اهتمامكم بالسؤال عنى انا الحمد لله الاصابه كانت صعبه بسلاح آلى واخضع الان للعلاج ولم اتلقى اى اهتمام من قبل الدوله ولاتكريم ولم يعد احد يذكرنى وقد انقذت سفينه بافرادها وبملايين الدولارات ولم يسال احد

شمس النهار يقول...

*المهندس المصاب
اهلا وسهلا بيك المدونه نورت فعلا
والبوست ده اقل حاجه من اقل حاجه ممكن نعملها لحضرتك
بس هي بلدنا كده نهلل لبتةع الكوره والمهيصه وخلاص
ربنا يتم شفاك علي خير
بس ليه مدونة حضرتك مغلقه هي تحت الانشاء ارجواان حضرتك تكملها ونرحب بحضرتك في عالم التدوين

صبرني يارب يقول...

ربنا يشفيك يارب ويشيل عنك وما تحتاجش لحد ابدا ولا هما ولا غيرهم