الثلاثاء، 10 مارس، 2009

الكدب وسنينه 2

بصراحه ماكنتش متوقعه كم التعريفات للكدب اللي جت في تعليقاتكم

ومش عارفه و ما ينفعش اعمل لها ملخص من كتر الافكار والحالات واتناقشت كتير انا و
عمرو بدر في شكل البوست والخص الكلام الجميل اللي انتم كاتبينه ده كله ازاي ؟

وياريت نعمل لعمرو اكتتاب لفاتورة التليفون بس من الرجال فقط عشان هو شرقاوي علي صعيدي ومابيحبش ست هي اللي تطلبه لازم هو اللى يطلبها :)

وكذلك قتلنا البوست بحث انا وضد التيار سابقا و
سويت فيولت الان لحد التليفون ماكان هيولع بس بصراحه هي قالت لي ان في ناس بتكدب وهي مش عارفه انها بتكدب يعني في اللاشعور و تحس بصدقهم من براعة تمثيلهم و كدبهم على نفسهم لدرجة انهم مصدقين كدبهم و عايشين فيه و دول اخطر انواع الكدابين علشان دول اللى بيخربوا الدنيا بين الناس

بصراحه بعد كل المداولات دي كلها انا ماعرفتش اعمل حاجه كل كلمه كتبتوها مهمه جدا وجميله وكل تعليق كان بحث لوحده فاماعرفتش الخص حاجه كل كلمه مهمه وبتكمل اختها

بصراحه انتم اثريتم المدونه بكلامكم ده وحسيت ان البوست التحم مع التعليقات واصبحوا كيان واحد ماينفعش ندخل بينهم

ياريت نقرا تعليقات بعض وكل واحد فينا هيستفيد جدا من اللي كاتبه التاني

بشكركم كلكم ومش لاقيه كلام اقوله يوفيكم حقكم

هناك 43 تعليقًا:

عمرو يقول...

الحقيقه يا برنسيس أنك أنتى اللى تعبتى بجد فى البوست اللى فات و فى البوست ده و فعلا ماكنش ينفع تجزئة التعليقات لأن كل تعليق فيه معانى و قيم مهمه جدا
بس سيبك من موضوع فاتورة التليفون فكلنا بنتحمل فواتيرنا و فواتير غيرنا كمان
صح ؟

smilyrose يقول...

شموسة يا جميلة

اخبارك

على فكرة اكتر حاجة بتسعدنا لما بنتعب

فى موضوع معين اننا نلاقى الكل بيستفيد

والحمدلله موضوعك افاد ناس كتير

يارب دايما

smilyrose

وردشان

روح الحب الصادق

Foxology يقول...

الحقيقة ان موضوع البوست كان جميل جدا ومهم جدا جدا وانا عن نفسى استفدت كتير من تعليقات الزوار الكرام :)

تحياتى لحضرتك وامنياتى بالسعادة :)

Eno يقول...

حضرتك اجمعتينا علي موضوع مهم جدا اننا ننقشو في حياتنا

ونفكر فيه كمان كويس جدا وانا استفدت جدا منه

ربنا يجزيكي خير عليه يارب :)

تحياتي :)

مـجـنـووون يقول...

الكدب عمره يا ينحل غير لما يكون فيه وازع ديني وأخلاقي علشان الناس تبطل تكدب


تقبلي مروري
مجنووون

شمس النهار يقول...

*عمرو
انا بشكرك طبعا علي تعبك معايا
واتمني ان الكل يكون استفاد منه
وزي ماانت قلت ماينفعش يتجزء
بصراحه انا استفد من المناقشه معاك جداربنا يكرمك

شمس النهار يقول...

*اسميلي روز
ازيك
انا الحمد لله كويسه
ومبسوطه ان الناس اللي بحبهم كلهم مبسوطين من البوست
شكرا ليكي

شمس النهار يقول...
أزال المؤلف هذا التعليق.
شمس النهار يقول...

*فوكسلوجيا
شكرا ليك يافوكس
وربنا يحلي كل ايامك
انا بحبك انت واينو جدا وكل ماتيجوا علي بالي بدعيلكم ربنا يكرمكم ويجمعكم علي خير
الحب اللي بينكم ده غالي جدا جدا
حاولوا بكل قوتكم انكم ترعوه وتحافظوا عليه لحد مايكبر ويكبر
ويكون اقوي من اي مشكله ويكون اكبر من الايام نفسها

شمس النهار يقول...

*اينو
ربنا يكرمك علي البحث اللي عملتيه كان مركز وجميل جدا
ربنا يكرمك ويسعدك انت وفوكس

شمس النهار يقول...

*مجنون
تعرف الناس للأسف عمرها ما هتبطل تكدب عشان نفس الاسباب اللي انت قلتها دي
بس الاهم ان الواحد منا يتجنب الانسان الكداب ومايحاولش يتعامل معاه خالص
عشان مايتجرحش من كدبه ده

صوت من مصر يقول...

العفو
بس انا عند قرارى كلنا بنكدب
والله فعلا استفدنا كلنا من بوست خقيقه مش كدبه

princess يقول...

انتلى اللى اختياراتك حلوة فى المواضيع:))

عاشقه وغلبانه يقول...

ممكن تعملولي اكتتاب
انا مش شرقاويه خالص
والرجاله تدفع قبل الستات
اي نفر مايند
ابسليوتلي
ههههههههههههههههههههه

وحشاني ياشمس جدا

من غير عنـــوان يقول...

احنا اللي لازم نشكرك..

أمنياتي

حلوة كمان إمتى حتعرف...

خمسة فضفضة يقول...

السلام عليكم ورحمة الله وبركاته

بقالي نص ساعه قاعده اقري البوست ده واللي فات بالتعليقات

ماشاء الله تعتبر دراسه وافية كافية عن الكدب وانواعه

ربنا يبارك فيك يا شموسه علي الفكره الجميله ان كلنا نكتب بوست مع بعض حلوه جدا كل واحد قال رايه وكلنافي الاخر استفدنا

سلام يا قمر

شمس النهار يقول...

*صوت من مصر
ماحدش قال لك تتنازل عن قرارك وفي ناس اتفقت علي انهم بيكدبوا عشان يصالحوا الناس علي بعض
وكمان الطبيب اللي بيكدب علي مريض عشان حالته النفسيه
بشكرك علي صراحتك

شمس النهار يقول...

*برينسيس
شكرا ليكي
انت كمان مواضيعك جميله وبتعرفي تخلييني اعلق عندك بكلام بعد مابقراه ببقا عايزه امسحه
ماعرفش بيطلع ازاي

شمس النهار يقول...

*عاشقه وغلبانه
بنوتي الحلوه الست الدكتوره
عامله ايه حمد الله علي السلامه يارب تكوني بخير دلوقتي
ومن عينيه نعمل لك اكتتاب بس عشان تدفعي ايه

شمس النهار يقول...

*من غير عنوان
انا اللي بشكر حضرتك علي التعليق اللي كان شامل ونافع جدا
اما اسمهان دي الكروان الحزين كل اغانيها جميله ولو كان القدر امهلها كانت هتسيب تراث جميل جدا
وادينا بنعمل اللي علينا
وبنسمع الجيل الجديد اغاني تعالج ودانهم من الاغاني الغير اغاني بتاعة اليومين دول

شمس النهار يقول...

*خمسه فضفضه
اهلا بيكي
علي فكره انا اخيرا شغلت الفيلم
اما بالنسبه للبوست انا اللي بشكر كل من ساهم فيه
كل تعليق كان بحث لوحده

Appy يقول...

الكدب يا شمس مش محتاج تعريف محتاج تبصى بعنيكي وقلبك كويس علشان تفهمى اللى قدامك وتعرفى اذا كان بيكدب ولا بيمثل
وانا عندي الملكه دي لان للاسف بشغل دماغي وبربط مواضيع بمواضيع فيه ناس كتير عايشه دور الجينتل الديسنت الرقيقه الفزيعه وهما فى الحقيقه فرد شمال الكدب ممكن يكون فى كلمه بتتقال انا فاتنى البوست معلش اللى فات

شمس النهار يقول...

*ابي
صدقيني في ناس من كتر حرفيتهم في الكدب مابتعرفيش انهم بيكدبوا خالص
اظاهر من كتر ماهمه نفسهم مصدقين ومستمتعين بكدبهم بيكون كدبهم صادق اوي من الناحيه التمثيليه
زي الممثله اللي بتقنعك بالدور الحزين اللي بتمثله لدرجة انك بتتفاعلي معاها وبتعيطي من كتر صدقها في التمثيل

dodda يقول...

انا مش بحب الكدب خالص
بيخنقنى

بيخوفنى


بيخلينى اشوف سواد

:0(

leeno يقول...

انتي اللي ليكي الشكر يا شموسة :)

ربنا يبارك فيكي

المـــفـــــــقــــــــوعـــــة مــرارتـهــا يقول...

الكدب بالنسبالي آفة تحتاج منا إلي مبيدات... والكذاب إنسان مريض يحتاج إلي علاج جذري يصل إلي جذور شخصيته فيعالج الخلل الذي إنتابها
أما عن نفسي فأنا أجتنب كل كذاب فأعصابي في غني عن التعامل مع كذب الكذابين فهم في حاجة إلي معاملة من نوع خاص
تحياتي

Sweet Violet يقول...

مبررات الكدب تختلف من شخص لأخر علشان كده صعب جدااا ان يكون ليه تعريف

لكن الثابت ان الشخص الكداب بيكون مريض عموما و محتاج فعلا علاج

تحياتى ليكى ياشموسه (:

اصحى يا مصر : اسلام ديو يقول...

الكدب فى حد ذاته.. على اساس تفسيرى الشخصى ، ومن خلال قرأتى لكتب علم النفس ، فهو : رواية من الانسان بخلاف الحقيقة ، وتأتى بخصوص تحقيق هدف معين ، كالخداع او تقصير او او او ، وبمعنى رواية بخلاف الحقيقة فتعنى تزييف فى جزئياً او كلياً فى الرواية المتحاور عليها ، وإذا حدث تطوير فى هذا سينقلب الى كذب مرضى وسيطول ، وسيتعرض الكاذب الى مرض نفسى قوى ، ومن المعروض ان الكذب يقترن بأفعال النصب والسرقة والتزوير والغش ووو ،ويقترن فى بعض المهن مثل الحرب النفسية ، والجديد هو ما نحن نسميه ب : اشاعة ، او حدث كاذب تم تشيعة او بمعنى اخر تم نشره بين الناس .

دا تفسيرى والله اعلم
لو سمحتى اختى العزيزة شمس اضيف مدونتك للبلوج ليست عندى
وفقك الله . ودمتى بكل ود وخير

elsha3er يقول...

انا فعلا مع ان اخطر انواع الكدب هو الكدب اللا شعورى

تحياتى لموضوعك


احمد الشاعر

شمس النهار يقول...

*دودا
اكيد مافيش حد بيحب الكدب بس هنعمل ايه ده بقا من آفات العصر
ده في ناس بتعتبره فهلوه
وشطاره

شمس النهار يقول...

*لييو
الشكرليكم انتم والكلام الجميل اللي كتبتوه

شمس النهار يقول...

*مفقوعه مرارتي
فعلا كل كلمه قلتيها صح
اضيفي ان الكداب انسان مرهق جدا من كتر مابتجري وراء كدبه بتتعبي بس الغريب انه مابيتكسفش من نفسه وهو بيكدب

شمس النهار يقول...

*سويت فيولت
فعلا ونوع الكدب اللي قلتي لي عليه في التليفون فكرت فيه كتير لاقيت اني فعلا قابلت ناس في حياتي كده وتذكرتهم وفعلا كانوا في منتهي البراءه اللي في الدنيا

شمس النهار يقول...

*اصحي يامصر..اسلام ديو
المشكله ان الكدب دلوقتي مابقاش حكر علي النصابين وبس لا ده كمان الافراد مع بعض والاسباب متعدده تصفح البوست السابق مع التعليقات وان شاء الله هتستفاد جدا
يشرفني انك تضفني عندك
واهلا بيك صديق في مدونتي المتواضعه

شمس النهار يقول...

*الشاعر
اهلا بيك
ايه اخبار المشروع وانت عامل ايه دلوقتي
يارب تكون بخير

دعاء مواجهات يقول...

وحشاانى اوى ياشمووسة

بجد افكارك كلها جميلة ومفيدة

دمتى بخير

تحياتى

شمس النهار يقول...

*دعاء مواجهات
وانت كمان وحشتيني
كل سنه وانت طيبه
وشكرا ليكي

tarek momen يقول...

الصدق منجاة والكدب مالوش رجلين
ابقي انقلي البوست الأخير من عندي لو سمحتي الي مدونتك
تحياتي

شمس النهار يقول...

*طارق
ازيك ياحاج
حمد الله علي السلامه
من عينيه بس انا شفتها بس لسه هعلق

mohamed ghalia يقول...

حضرتك طرحتى موضوع مهم وكان لازم نتناقش فيه

شمس النهار يقول...

*محمد غاليه
ماعنديش مانع نتناقش بس لو احنا مختلفين نتناقش في الاختلاف اللي بينا
بس انا اللي لاقيته اتفاق تام ماحدش اختلف مع حد
ولو عندك وجهة نظر عايز تناقشها ممكن نفتح باب النقاش تاني

ادم المصرى يقول...

بجد ربنا يفيدك ويجزيكى خير من خيرو

افاده جميله منك ومرسى جدا جدا على تعبك

الى جه بفيده لينا

شمس النهار يقول...

ادم المصري
شكرا ليك والاستفاده كانت من كل كلمه انتم كتبتوها