الأربعاء، 13 مايو 2009

ختامه مسك

تحديث ونداء
عمرو البوست ده بوستك ياريت ترد معايا وخصوصا علي الرجال المعترضين
اوك :)

الحقيقه ياجماعه البوست ده اخدته كده كله
من عند عمرو بدر(حبشتكنات فلسفيه) هونشره زمان وهوبوست لطيف جدا حبيت اختم بيه السلسله دي معلش ياعمرو اعتقد ان ده اقتباس قانوني :)

نشوف البوست كده


(الواد مايكل ويب ده كاتب أمريكانى أشتهر بالصدفه هناك بكتاباته اللى بيعالج فيها العلاقه العاطفيه بين الرجل و المرأه من واقع خبرته اللى واضح منها أنه واد مخربش و لافف و داير .. و من هنا جات نصايحه الثمينه للرجال فى كيفية الاٍستيلاء و غزو قلوب الجنس الناعم اللى هما نص الدنيا و سكرها و بهائها بغير شك ..
الواد مايكل أتكلم كتير عن الأساليب اللى بتحبها المرأه و اللى تخليها ما تستحملش غلوتين و تستسلم لحبيبها و تقوله : حبك بيفرحنى فرح الطير بطيرانه , حبك مش فاكر أيه بأغصانه ..

تعالوا كده نبص بصه فى الحيل المكاره اللى كتبها الواد مايكل و اللى أنا ترجمتها مع اٍستبعاد طبعا ما لا يتناسب مع أخلاقيتنا كشرقيين و مع ما لا يجوز ذكره فى دنيا المدونات الشريف العفيف حتى لا نخدش حياء القراء ..
بصوا كده :

*- الحيله الأولى :
لو حبيبتك مسافره كام يوم كده قولها أنك قلقان عليها و حتبعت معاها بودى جارد من عندك علشان ياخد باله منها و روح مديها دبدوبه صغنونه شكلها رقيق !!

*- الحيله التانيه :
ألزق على السقف فوق السرير نجوم من اللى بتلمع فى الضلمه و أكتب لزوجتك رساله بالنجوم دى زى مثلا : بأحبك يا زوجتى فلانه .. علشان لما تبقى الدنيا ضلمه تقراها و تعرف أنك بتحبها .. (يا عينى ياض يا مايكل حلوه دى خاصة أن النور بينقطع كتير)

*- الحيله التالته :
أختار مناسبه حلوه كده و أشترى لحبيبتك 11 ورده حمرا و حط وسطهم ورده بلاستيك حمرا برضو و أكتب لها كارت قول فيه : يا نور عينيا حأفضل أحبك لحد ما تدبل آخر ورده !! (اللى هى البلاستيك يعنى اللى عمرها ما حتدبل :) )

*- الحيله الرابعه :
أعمل لحبيبتك موقع على الأنترنت أو حتى أعمل بلوج بأسمها و أسألها يا ترى يا هلترى يا فلانه يا حبيبتى عمرك عملتى سيرش على اٍسمك ؟ و لما تدور و تلاقى الموقع بتاعها حتلاقيك حاطط لها كلام حلو كده و صور ليك و ليها تقوم على طول تسورء من المفاجأه و تقولك بأحبك يا سيدى يا تاج راسى ..

*- الحيله الخامسه :
أشترى لها مرايه من اللى بتتمسك فى الاٍيد و معاها كارت صغنون و أكتب فيه : بصى فى المرايه دى يا قلبى و أنتى حتشوفى أجمل بنت فى الدنيا .. (أشجينا يا عم مايكل أشجينا و النعمه غلبتنى)

*- الحيله السادسه :
فاجىء مراتك و لا خطيبتك و لا
و أبعت لها بوكيه ورد حلو كده و شيك بس ما يكونش كبير على مكان شغلها و من غير ما يكون فيه مناسبه معينه .. كده بقى هى حتفرح بيك و كمان حتفرح أنها بقت محط أنظار زمايلها ..

*- الحيله السابعه :
و أنت بتتمشى كده و أيدك فى أيد المدام وطى و ألقط زلطه ناعمه و شكلها حلو و قول لها بصوت حنين : أنا يا حبيبتى يا أم عيالى حأحتفظ بالزلطه دى لامؤاخذه كذكرى لليوم الجميل ده .. و بعدها بكام يوم أديهالها كهديه بعد ما تكون خليت جواهرجى يحفر لك عليها : بأحبك يا فلانه و أعملها فريم دهب و عليقه علشان تنفع تتعلق فى سلسلتها ..
*- الحيله التامنه : لو حبيبتك أضطرت ترجع من الشغل متأخره و طول النهار طفحاه و راجعه تعبانه ألحقها بصندوق صغنون شيك كده و حط جواه حاجات لذيذه زى مثلا شيكولاتيه .. كيكه .. علبة عصير .. يعنى حاجات من اللى بتحبها و أربط العلبه بشريطه حمرا و فيونكه شيك و أكتب على الصندوق مثلا : علبة فلان لاٍغاثة حبيبته ..

*- الحيله التاسعه :
مرجح المدام .. هى كده .. قصده لما تبقوا ماشيين فى مكان فيه مراجيح لا تتردد عزيزى الزوج أنك تاخد المدام و تقعدها لامؤاخذه على المرجيحه و تفضل تمرجح فيها بغض النظر عن ضهرك المقطوم و لا فقرتك القطنيه اللى بتنقح عليك علشان ترجعها تانى لذكريات الطفوله فتقوم تحبك أكتر .. (أكيد الحيله دى ما تنفعش يوم الجمعه)

*- الحيله العاشره :
لو المدام شغلها بالليل و بترجع متأخره و أنت قاعد فى البيت مع العيال اٍحرص أنها لما ترجع تكون نيمتهم و محضر لها البانيو بميه دافيه و حاطط فيه معطر من أبو 31 جنيه الاٍزازه و كمان اٍزازة زيت للمساج و أنتوا
عارفين بقى الباقى .. (الواد مايكل ده بلوى بجد)

*-الحيله ال 11 :
حضر سي دي
عليه موسيقى من اللى كنتم بترقصوا عليها أيام الخطوبه و خد المدام فى رحله بالسياره لمكان بعيد و قولها تحبى ترقصى يا حبيبتى ؟ حتقولك آه يا حبيبى .. تروح مشغل السي دي
و مديها واحده من السماعات فى ودنها و التانيه فى ودنك و تفاجئها بالمزيكا اللى ليها عندكم ذكريات حلوه و تمسك أيدها و على وشك نظرة هيمان (بس لا تنشغل بغير الطريق أكتر من كده)

*- الحيله ال 12 :
لو حبيبتك عندها قطه أو لا مؤاخذه كلب ما تنساش تشترى هديه لحيوانتها اللى بتحبها تقوم تعرف أن أنت حنين عليها و على كمان حيوانتها فتحبك أكتر .. (قالك زمان لأجل الورد ينسقى العليق)

*- الحيله ال 13 :
و أنتم على شط البحر اْرسم على الرمل المبلول بالميه قلب كبييير و أقعد جواه أنت و المدام و أتفرجوا على منظر الغروب و أنت أيدك فى أيدها و فى حالة صمت و تأمل و يا حبذا لو حطيت راسها على كتفك .. (يا مسهل يمكن تيجى بفايده مين عارف؟)

*- الحيله ال 14 :
لما تبقى المدام خارجه رايحه الشغل الصبح و أنت لامؤاخذه قاعد فى البيت حطه يا بطه لأى سبب يعنى ودعها على الباب و بوسها على جبهتها باى باى .. و قبل ما تركب عربيتها تكون بعت لها رساله على الموبابل بتقولها : وحشتينى يا نور عينيا ! و لما توصل شغلها تلاقى منك اٍيميل فيه نفس الكلمتين دول .. نروح هى مبتسمه و فاكراك على طول و تفضل فرحانه بيك طول النهار لحد ما ترجع البيت ..

*- الحيله ال 15 :
لو المدام شعرها طويل اٍعرض عليها أنك تسرحهولها و لو مش بتعرف حاول تتعلم و خد وقتك الكافى لهذه المهمه لأنها حتحس قد أيه أنت رقيق و بتحبها .. (الواد مايكل ده واد آخر بهججه)

*- الحيله ال 16 :
أبعت لها شريط كاسيت متسجل عليه موسيقى فيلم مهمه مستحيله بتاع الواد توم كروز و بعد الموسيقى سجل لها بصوتك : دى مهمتك يا فلانه لاٍنقاذ شاب وسيم بيحبك موت و لابس كذا و كذا و قاعد مستنيكى فى المكان الفلانى الساعه كذا و الشريط ده حيدمر نفسه بعد 10 ثوانى و تروح مسجل 10 بيبات من الستوب واتش و بعدين بصوتك تقول لها : أنتى صدقتى يا حبيبتى ؟؟ هىء هىء طيب أنا مستنيكى فى الميعاد و بأعد الثوانى .. (أنا شايل المراره يا أخوانا على فكره و ربنا يستر على اللى فاضل)

*- الحيله ال 17 :
أسأل أهل خطيبتك من وراها هل كان فيه حاجه هى عاوزاها و هى طفله و ما حدش جابهالها ؟ عروسه معينه مثلا .. لعبه .. حاجه كده يعنى و لما تعرفها فاجئها بيها كهديه لطيفه فتقوم تعرف أنك مهتم بيها و بتنبش فى ماضيها .. (بس بلاش تنبش فى ماضيها أوى يعنى لحسن تكعبل فى حاجه تكون سبب فى فسخ الخطوبه)

*- الحيله ال 18 :
عند مصوراتى شيك أعمل صوره متركبه ليك و ليها – صوره عاديه يعنى – و حطها فى برواز شيك و خبيها فى دولابها مثلا و خليها تلاقيها بالصدفه و أتفرج بقى على فرحتها و دهشتها فى نفس الوقت ..

*- الحيله ال19 :
ما تنفعش أبدا أبدا أنى أقولها علشان ما تباتوش فى التخشيبه ..

*- الحيله ال 20 :
الحيله دى حلوه أوى .. أنزل أنت و المدام و أشترى لها شجره صغيره من أى مشتل و دور على مكان مناسب و أزرعوها أنتم الأتنين و كل سنه فى نفس الميعاد خدها و روحوا أتفرجوا عليها و قول لها بصوت هامس كده و عينيك كلها حنيه : شجرة حبنا يا حبيبتى بتكبر يوم ورا يوم زى ما حبنا بيكبر برضو يوم بعد يوم .. (بس على الله تلاقوا الشجره أصلا و ما تكونش أتسرقت زى ما حصل معايا)

*- الحيله ال 21 :
لو أنت بتستحمى الأول و قبل ما تخرج من الحمام أعمل شبورة بخار و أكتب لها على المرايه : حمام الهنا يا روحى فلان بيحبك و تروح راسم قلب و كمان ممكن تعمل ده على اٍزاز العربيه لو الدنيا برد ..

*- الحيله ال 22 :
شوية شمع ملون كده حوالين البانيو .. و موسيقى هاديه .. و علبة شيكولاته و كلمتين حلوين كده من بتوع حبيبى دائما .... و بس

*- الحيله ال 23 :
لما تبقى الدنيا بتمطر خد حبيبتك و أنزلوا أتمشوا فى الشارع تحت المطر من غير لا شماسى و لا حاجه و أعمل نفسك كأنك بتغطيها و بتحميها من المطر و لما ترجعوا البيت نشف لها شعرها و قول لها أنك ما حسيتش لا بالمطر و لا بالبرد لأنك قلبك دافى من حبها .. (غالبا الحيله دى حتخلص على اٍلتهاب رئوى فخد بالك يعنى)

*- الحيله ال 24 :
بعد المدام ما تخلص مذاكرة العيال و هرتك البيت و تلاقيها قاعده كده على كرسى شبه محطمه تعالى من وراها و أعمل لها مساج فى كتافها و رقبتها و قولها بصوت هامس فى ودنها : كلنا بنحبك و ربنا يخليكى لينا و أنت شغال مساج فى كتافها برضو .. تقوم هى بالشويتين دول تنسى التعب بتاع اليوم و تقول لك : و يخليك يا حبيبى يا أبو عيالى ..

*- الحيله ال 25 :
من غير مناسبه كده تحط لها ورقه صغيره فى مكان ظاهر فى البيت قبل ما تروح شغلك و تكتب لها : حبيبتى فلانه و أنتى جنبى كل أيامى أعياد حب .. متشكر ليكى أنك فى حياتى .. (قديمه ياض يا مايكل)

*- الحيله ال 26 :
لو المدام عيانه – بعد الشر يعنى – خد لك يوم أجازه و أقعد معاها فى البيت و فضى نفسك ليها خالص فى اليوم ده .. و أظهر لها اٍهتمامك بيها من غير مبالغه منك يعنى مثلا تعمل لها شوية شوربة لسان عصفور و لا شوربة خضار أو كوبايتين عصير فريش .. و تدفيها بالبطاطين كويس و كل ساعتين كده تقيس لها الحراره و تديلها الدوا بأيدك فى مواعيده و تطبطب عليها بحنيه و تقول لها سلامتك يا حبيبتى اٍن شاء الله حاتصحى و تبقى كويسه ..

*- الحيله ال 27 :
حاول تعرف منها كده أيه الحاجات اللى كانت بتتمنى أنها تعملها قبل ما ترتبط بيك عاطفيا و تحاول تحققها لها .. مثلا حتقولك : كان نفسى أركب طياره ! بسيطه أحجز تذكرتين طياره لأسكندريه و فاجئها بيهم فى يوم غير متوقع فيه السفر .. حتقولك مثلا : كانت عندى رغبه قويه أنى أتعشى فى مكان شعبى بجد مش ديكور ! برضو بسيطه خدها فى مره مثلا عشيها عند بحه فى الناصريه أو عند زيزو المنتن فى الجماليه و هى تتوب عن أكل الحوارى طول عمرها .. ممكن برضو تقولك : طول عمرى يا محسن نفسى أتجوز شاب وسيم و غنى و ذكى ! فى الحاله دى بقى تروح قالب سحنتك على سحنة محمود المليجى و تقول لها : موش أنا اللى تقصديه بالتأكيد يا حبيبتى روحى دورى عليه بعيد عنى يا مجرمه !! و تبقى كده خلاص أرتحت من همها و دلعها ..-

*- الحيله ال28 :
أملا شنطة العربيه بلالين متعبيه هليوم من اللى بتطير دى و خدها على مكان عالى زى المقطم مثلا و أنزلوا من العربيه و كأنكم بتتفرجوا على المنظر من فوق و بعدين أديها المفتاح و قول لها : اٍلهى لا يسيئك يا حبيبتى ناولينى الجاكت من شنطة العربيه لحسن البرد بهدل عضمى .. فتروح فاتحه الشنطه تلاقى البلالين طارت فى السما و تكون حاطط ورقه كبيره فى الشنطه كاتب عليها : على قد البالونات دى ما تعلا يا حبيبتى فلانه على قد ما بأحبك .. (مش بطاله الفكره دى)
*- الحيله ال29 : لما بتبقى بتتعشوا فى مطعم خد حاجه من اللى فىطبقك بالشوكه و أكلها لها بأيدك و قول لها : دوقى دى يا حبيبتى من أيدى .. فتروح هى كمان عامله كده .. و هكذا تبقوا بتتشاركوا فى الأكل و ده حيقرب بينكم أكتر ..

*- الحيله ال 30:
دايما جاملها و أتكلم عنها كويس و أشكر فى أكلها قدام أصحابكم و اٍياك ثم اٍياك عزيزى المحب أن تعيب أو تتريق على أى شىء بتعمله أو بتطبخه بالذات لما يبقى صابح تانى يوم أجازه و ألا حيبقى ذنبك على جنبك ..

*- الحيله ال 31:
على الزوج أن يختار يوم خميس و يسرب العيال عند مامته أو حد من القرايب و يعمل جو حلو كده علشان المدام تحس أنها فاضيه ليه كلية و هو كمان فاضى لها .. و على ضوء الشموع يتعشوا و فى وسط الكلام يمسك أيدها ويقول لها بحب : فاكره يا حبيبتى أول مره أتقابلنا ؟ أنا مش ممكن أنسى اليوم ده أبدا .. حتروح مبتسمه بحب و بخجل و حاتقول : و ده يوم يتنسى يا حبيبى .. (لا ينصح بذلك لو كانت أول مقابله تمت فى وسيلة مواصلات أو فى طابور العيش)

*- الحيله ال 32:
أشترى عزيزى الزوج مخدتين محشيين بالريش و أعمل فتحه فى كل مخده و أفتعل مع المدام خناقه على سبب هايف و أضربها بالمخده كده ضربة دلع يعنى تروح هى كمان مستعمله المخده فى الخناقه و تلاقوا الريش ملا المكان و بيطير من حواليكم فتروحوا ضاحكين و الباقى بقى كل واحد و شطارته ..

أيه رأيكم ؟ دول شويه من الأفكار الرومانسيه ال 101 اللى أوردهم الواد مايكل ويب فى نصايحه للرجال لغزو قلب مراته أو خطيبته أو...... ..

تفتكروا النصايح دى تنفع عندنا ؟؟ يعنى الكلام ده ياكل معانا و لا الحاجات دى ليها ناسها اللى يكون بالهم رايق و جيبهم عمران و بكره بتاعهم متأمن و تمام التمام ؟؟

صراحه أنا شايف أن بعضها عادى يعنى و عمايله سهله و مش حتكلف غير شوية محبه صافيه و اٍهتمام من الرجل حيكون مردوده مدهش على مشاعر أنثاه .. وفقنا الله و اٍياكم لما فيه خير الوطن و زيادة أعداد المواليد و أدينا بنعمل اللى علينا و الباقى على الله و عليكن .. و السلام عليكم و رحمة الله .... (تصفيق
حاد )

*بجد ياجماعه مش خير ختام:)*


daret elayam Music Upload

هناك 191 تعليقًا:

عاشقه وغلبانه يقول...

ياحنين ع الوسط يا استك
هههههههههههههههههههههههههه
هههههههههههههه

عاشقه وغلبانه يقول...

في ايه ياشمس بس
هو انا ناقصه ياجميل ...؟؟؟
المراره مابقتش مستحمله
هو في رجاله كده...؟؟؟
ولا حتي ستات كده
الرحمه حلوه يابشر
الراجل مايكل ده راجل فاضي
والفاضي يعمل قاضي
ههههههههههههههههههههههه

شمس النهار يقول...

*عاشقه وغلبانه
:)
يعني لاكده نافع والا كده نافع

طب ايه قول حضرتك ان ليه واحده صحبتي هي وجوزها اكتر من كده والمصيبه انهم متزوجين من 30 سنه
والله وبيبعتلها رسايل وهي كمان وحاجه لطيفه خالص

مالك انت بقا ياغلبانه انت :)

د. ياسر عمر عبد الفتاح يقول...

هوه فعلاً خير ختام
ربنا يجازيكي خير

شمس النهار يقول...

دكتور ياسرعمرعبد الفتاح

بس يادكتور انت ماقلتش انت ممكن تعمل كده والا ايه ؟

♥نبع الغرام♥♪≈ يقول...

السلام عليكم
وحشتنى ياشموسه فينك يابت
ههههههههههههههههههههه
وايه البوست الجميل
ربنا يسعد الجميع يارب
ههههههههههه
وعقبالنا
ويجزيكى خير
إيناس

شمس النهار يقول...

عاشقة الاحزان

البوست الجميل ده لعمرو بدر

بس ماقلتيش تحبي يتعمل كده معاكي:)

حاسوباتيه يقول...

وانا بقرا البوست حسيت اني طايره وبسال نفسي هو فين الراجل الي يعمل كده؟ وفين برضو الست الي تشجع كده؟ وفين الظروف ولا رواقه البال الي تجيب الافكار دي؟ بصراحه مالقيتش اجابه مع اني مخطوبه لكن بعترف لا خطيبي الرجل ده ولا انا الست دي ولا الظروف الي حوالينا تسمح بكده ولو خطيبي عمل حاجه كده بصراحه بضحك جدا مش قولتك مش انا الست دي

بس عموما افكار جميله شكرا لحضرتك

rovy يقول...

ازيك يا شمس ؟؟
..
تفتكرى ممكن يكون فيه زوج كده ؟؟
يعنى ما يمنعش انه ممكن يكون بيحب جدااا
لكن مع الاسف صعب قوى الرجل الشرقى يقدر على الرومانسيه دى كلها
لكن ممكن يقدر على شويه منها .. بس حكاية انه يستناها و هى راجعه من شغلها و كمان متأخره و يحضر لها الحمام و العشاء و كده يعنى .. حراااااام عليكى انتى بتغيظى الزوجات و لا ايه ..))
على كل حال ربنا يجازيكى خير .. مين عارف يمكن البوست يسعد زوجات و ازواج ايضا كثيرون .. ويبقى فى ميزان حسناتك
دمتى غاليتى بكل الود و الخير
ارق تحياتى

شمس النهار يقول...

*حاسوباتيه
صدقيني وليه لا

الانسان ممكن بحاجات بسيطه يسعد الانسان اللي بيحبه
انا شخصيا في حاجات في البوست مش شيفاها صعبه بس عايزه اتنين بيحبوا بعض فعلا

يعني فيها ايه لما الزوج يحاول يسعد زوجته بحاجات بسيطه جدا
ماهي لما هتكون سعيده هتسعده هو كمان

وهي كمان هتحاول تعمل حاجات وتخترع حاجات تسعده بيها يعني هتتعلم منه ازاي تسعده
بلاش اليأس ده:)

MaNoOoSh يقول...

ومين متتمناش تشوف الدلع دة كلة.. بس اكيد لما يكون الراجل كمان وقت المسؤولية قدها وقدود.. وللا اييييه؟

MaNoOoSh يقول...

واكيد يعنى لو جدع وقت اللزوم وحنين وقت اللزوم انا مش هتدخر اى مجهود فى انى اسعدة بكل طاقتى

شمس النهار يقول...

*روفي

بجد بجد انتم محبطين الراجل تاعب نفسه وعامل كتاب وبيقول ياناس جربوا تعملوا كده :)

وهو يعني الرجل الشرقي ده عجبه
مايحاول ويجرب

طب تصدقي انا قابلت ناس في حياتي بيعملوا كده واكتر مع زوجاتهم

يعني نجرب كده ونشوف ومش لازم كله نجرب اللي نقدر عليه

شمس النهار يقول...

*مانوش
برافوا عليكي
المهم انه يبقا جدع وقد المسؤليه

وكمان يعمل ربع الحاجات دي

طبعا لازم ساعتها تسعديه
ماهو راجل زي ده ماعندكيش حاجه غير انك تسعديه

بسنت صلاح الدين يقول...

انا عاوزه من ده وحياتك، اكيد اى ست نفسها فى كده وياريت نلاقى رجاله فعلا تعمل كده، الحركات الرومانسيه و المشاعر والأحاسيس الحلوه دى حرام نقصرها على الزوجه بس، بيبقى عبء كبير اوى عليها لما تلاقى نفسها بتعمل اللى تقدر عليه عشان تسعد شريكها، و هو عمال يستمتع ولا بيفكر حتى يقولها شكرا انك اسعدتينى،ايوه كده ياشمس خليهم يتحركوا شويه،يالا افكار جميله للستات و الرجاله ،و يا هناها اللى جوزها يعملها كده و عقبال العايزين

تامر علي يقول...

في حاجات قليلة ممكن تتعمل وحاجات كتيره مش ممكن تتعمل :)

أحلى حاجه حكاية الزلطة اللي كاتب عليها اسمها دي باتخيل واحد عاوز ينتقم من مراته استبدل الزلطة بدبشة كبيرة على سبيل الافراط في الرومانسية وحلف عليها لابد تلبسها في رقبتها :)

حقيقي في افكار جميلة جداً وممكنه والكثير لا يناسب بيئتنا لكن المحصلة خير ان شاء الله :)

دعاء يقول...

ياريت تعرفينى غسيل المخ ده بيتعمل فين عشان أبعت زوجي
هههههههههه
لا الحقيقة هو بيعمل حاجات كويسةمننكرش , بس زى ما بيقولو البحر يحب الزيادة
شكرا ليكي وللأستاذ عمرو
وشكرا لمرورك على مدونتي المتواضعة
دعاء

حواء يقول...

بصراحه الاستاذ عمرو البوست تحفه
وتسلم ايدك ياشموسه علي الاقتباس


بصراحه انا اتعمل فيا حاجه واحده وهي موضوع المطعم يعني عادي كان عندي انا وابو بنتي اننا نأكل بعض في اي مطعم

والحق يتقال هو مكنش بيأثر في موضوع المطاعم
وكان بيودينا باستمرار اغلي واحسن واشيك اماكن


وانا كمان عملت فيه حكاية الورد ديه ومن قريب كمان قبل المشكله ديه مباشرة


الغريب اني وانا بقرأ الحيل ديه نط في دماغي اغنية طبعا احباب

مع اني ولا حفظاها ولا بسمع اغاني دلوقتي اساسا

والاغرب بقي اني لما بسمع اي حاجه عن الحب زي الحيل ديه كده بينط في دماغي ابو بنتي
بس برده مهما كانت بيني وبينه حب علي الاقل من ناحيتي
انا مش هقدر اكمل كزوجه

وفرصه بقي اخد رايك ياشموسه انتي والاستاذ عمرو

هو يعني مينفعش اكون بحب ابو عيالي ورافضه اكون زوجه او اكمل كزوجه

بصوا انا بصراحه حولت ارجع في كلامي بس نفسي مش قابله نهائي


هتسئليني بتحبيه هقولك جدا ده اول راجل في حياتي
وبحبه حب معرفش ايه سببه مع كل البهدله اللي شوفتها علي ايده من نفسيه وجسمانيه بس حد يسئلني بتحبيه اقول اه بحبه جدا
لكن كزوجه بقي وكده مش قادره أكمل

حولت بيني وبين نفسي كتير اني علي الاقل لما يجي وطلب رجوعي ارجع

لكن انا بيني وبين نفسي رافضه رجوع ليه كزوجه

هلي تفتكري اني مريضه او اتعقدت مثلا أو محتاجه دكتور نفساني


هل صعب وغريب تكون الواحده مننا بتحب راجل ومش قادره تعيش معه كزوج
والله والله والله كلامي بمنتهي الصدق

وعلي فكره انا اخترتك اسئلك لانه مبيدخلش هنا لكن ممكن يكون بيدخل عند الاستاذ عمرو
شكلي اتهبلت
هههههههههههههههههههههه


مستنيه ردك و رد الاستاذ عمرو

الربان يقول...

تحياتي

طبعا نصائح مفيدة...لكن بصراحة قد لا تفيد معنا...و لنتذكر ان الكاتب قال انها ( حيل )...يعني سلوكيات لا تنبع من القلب.

في رأيي ان اهم شيء هو الاحترم المتبادل.. و التفاهم المشترك...و التعاون بين الزوجين....

قال صلي الله عليه و سلم " تهادوا تحابوا..." او كما قال...

في رأيي ان كل ما ذكره الكاتب و اسماه بالحيل...ورد في القرآن الكريم...تحت
" هن لباس لكم و انتم لباس لهن"...
" ومن اياته ان خلق لكم من انفيكم أزواجا لتسكنوا اليها و جعل بينكم مودة و رحمة...".....

تحياتي و اشكرك لانك نقلتي لنا هذا البوست الذي ذكرني بمعاتي العلاقة الزوجية الجميلة التي رسمها لنا الله وارادها لنا.
تحياتي و تقديري لحضرتك

صوت من مصر يقول...

بمضى حضور وبتاسف للناس كلها عشان الامتحانات
ده انا لسه فى العملى طب النظرى هعمل ايه بقى
ادعولى
لا حب ولا ضد الحكومه
انا بمتحن يا امى
راجع تانى بس متاخر عندى امتحان كمان ساعه ونص

من غير عنـــوان يقول...

ده ايه الجمال ده

ده شئ رائع

أفكار جميله

أن نازل دلوقت اشيل المرارة زي عمرو

___
بجد
لعتقد ان كل واحد ممكن يقتبس من ده
ما يصلح هنا لا يصلح هناك
وما يصلح مع فلان لا يجوز مع علان

عموما
الحفاظ على الحب شئ جميل
زي ما نسقي الورد

شكرا يا شمس النهار

تحياتي

Foxology يقول...

ههههههههههههههههههههههه
هههههههههههههههه


الأفكار رومانسية جداااااااا

التعليقات كوميدية جداااااااااااااا :))

بس والله افكار بسيطة وجميلة وتأثيرها اكيد قوى ومضمون

شكرا بجد على حسن الختام الجميل ده :)

تحياتى :)

عمرو يقول...

صباح الخير يا برنسيس :)
طبعا حقوق الملكيه الفكريه دى آخر حاجه حنتكلم فيها و ما بين الخيرين حساب و اللى أنا عملته فى الواد مايكل سموك عملتيه فيا :))
بس و الله مفاجأه حلوه و ماكنتش على بالى بس أنا عمرى ما أقتنع بموضوع الختام ده لأن كل شىء بيتطور و بيستمر و دى سنة الحياه و على رأى المرحوم فؤاد المهندس مستر أكس مش ممكن ينتهى أبدا :))
زى ما قال أخونا الحكيم من غير عنوان ما يصلح هنا لا يصلح هناك و ما يصلح لفرد قد لا ينفع لآخر و لكن تبقى دائما فكرة اٍن الحب مش مجرد شوية حركات لطيفه بعضها واقعى و حقيقى و بعضها يدخل تحت بند الأونطه يعنى المفترض أن يكون و يتصرف الشخص على سجيته بما يمليه عليه طبعه و بما يشعر أنه بيدخل ضمن نطاق قدراته الشخصيه بغير تكلف و لا مبالغه ..
الحب الحقيقى هو أن يظهر كل شخص على حقيقته قدام حبيبه بعير مداراه و لا مواربه و أن يتعرى قدامه ( نفسيا يعنى ) ليصير الأثنان شخص واحد ..
ومهما حصل بيبقى الحب الحقيقى بين الأتنين لا يزول و أستشهد بكلام مدام حواء فى تعليقها على هذا البوست اللى بيؤيد صحة كلامى ..
صباحك جميل و تقبلى خالص تقديرى :)

عمرو يقول...

حواء
موقفك قد يعتبره البعض غريب و لكن أنا شايفه طبيعى جدا ..
أيوه ممكن طبعا ترفضيه كزوج من كتر قساوته عليكى نفسيا و جسمانيا و لكن تفضلى تحبيه كأول رجل فى حياتك و لأنه أبو بنتك .. و فيه مثل بلدى كده بس ما ينفعش أذكره هنا لكن ممكن ينقال عند مدونة نواره نجم :))
معنى المثل يعنى اٍن المرأه لا تنسى أبدا أول رجل فى حياتها .. و هو مثل واقعى للغايه لأنه بيستتبع طبيعة المرأه و أسلوبها فى التفكير و التعاطى مع الأمور ..
عاوز أقول لك حاجه يا مدام حواء .. اٍعتبريها نصيحه لو تحبى من أخوكى الكبير .. سيبى الأمور تهدا بينك و بينه شويه و أجلى فكرة الطلاق اٍلى حين لأنك باٍلحاحك فى طلب الطلاق تبقى بتتنازلى عن حبيبك و أبو بنتك و زوجك لواحده تانيه باٍرادتك الخالصه و بتقولى لها أتفضليه صحتين و عافيه على بدنك .. مع ملاحظة أنه لسه حبيبك ..
سيبيه يفرح بحريته شويه ما يمكن كنتى خنقاه من غير ما تشعرى .. سيبيه يهدا و يعمل اللى فى نفسه و طالما أنتى لسه بتحبيه يبقى أكيد و بدون شك هو كمان لسه بيحبك أو على الأقل فيه بقايا من حبه القديم ليكى ..
أصبرى عليه شويه و شوفى الدنيا حتمشى اٍزاى و حتى لو مش علشان حبك له يبقى علشان بنتكم .. و ربنا يهدى الجميع ..

شمس النهار يقول...

*بسنت صلاح الدين
:)
وحياتك كلنا عايزين من ده

وفعلا دايما نقول الست تعمل وتعمل
واصل يعني الرجل هيعمل ايه
طب اديني قلت يعمل ايه
عايزه اشوف بقا
ومش لازم كله يعني اي حيله صغننه تمشي الدنيا شويه

خلليكي متفائله وقولي يارب

romansy يقول...

يا اهلا يا اهلا بنور الشمس
على فكره بقى فيه رجاله كده بس الستتات بقى تبص بعين الرحمه
هتلاقى ملايكه ماشين على الارض
عاوزين نحلم ونلاقى اللى ننتمناه نلاقى انسان كويس وانسانه خايفه على مشاعر حبيبيها
بس انا نفسى بقى اعيش فى عالم تانى خالص مع اللى قلبى يحبها ونعيش بعيد بعيد انا وانت
بعيد بعيد وحدينا

شمس النهار يقول...

*تامر علي

في حاجات قليلة ممكن تتعمل وحاجات كتيره مش ممكن تتعمل :)

دي علي وزن حسنه قليله تمنع بلاوي كتيره

يعني تمنع التقطيع في الاكياس البلاستيكيه مثلا :)

وبعدين ايه الشر ده
يعني اعمل بوست زي ده والراجل تاعب نفسه ومترجم وانا تاااعبه نفسي وسرقته وانا حاجه لسه فريش

وتقول دبشه برضه ياتامرررررررر

لأ ده كده خير اوي
اظاهر مافيش فايده:)

حواء يقول...

استاذ عمرو
كلامك ممكن يكون فيه كتير من الصح
لكن انا فعلا مكنتش خناقه
وإلا مكنش حصل اللي حصل


يمكن انا مش عارفه اوصل انا وصلت الي اي مرحله من عدم مقتدرتي علي اني اكمل
لان الحاجت ديه شعور ومش عارفه اوصفه للأسف


لكن حكاية تهدي فهي هادية جدا جدا
لكن اول مخلص امتحانات هتولع تاني لاني ابتديت امشي قانوني للأسف


وانا بقول للأسف الشديد لان هو اللي اضطريني لكده
واتعود اني مش بطالب بحقي وبسيب حقي وبطنش كمان

لكن والله المره ديه تختلف عن كل مره


تاني حاجه حضرتك قولتها بخصوص اني هقدمه لواحده تتهني بيه

فده انا علي ثقه منه انه مش هيتبسط مع اي واحده علي وجه الارض غير ايمان
انا يعني

وده مش غرور ده ثقه جدا في نفسي
وثقه اكثر في حاجات تانيه لاداعي لذكرها



بس برده الحب اللي انا اقصده مش حب الامتلاك ولا الحب اللي حضرتك تقصده


بس كلامك واضح وربنا يقدم اللي فيه الخير



شموسه مستنيه رايك اللي عارفه انه هيكون قريب من استاذ عمرو

شمس النهار يقول...

*دعاء

اهلا بيكي يادعاء

غسيل المخ ده المفروض تعمليه انت تفضلي تزني علي مخه
شفت الواد مايكل بيعمل ايه
:)

وكويس انك بتعترفي انه بيعمل حاجات حلوه معاكي

بس ياريت تكوني بتشكريه عليها بطريقه عمليه

عشان كمان يستمر فيها ماتتسدش نفسه
ويقول ماكله محصل بعضه


دعاء انا عملت اللي عليه
وكله علي ربنا

ربنا يوفق كل زوجه في البلوجر وبره البلوجر:)

عمرو يقول...

حواء
ما أقصدش أبدا اٍن حبك له حب اٍمتلاك .. لا خالص ..
متأكد اٍن حبك له حب الحبيبه لحبيبها و كمان جوزها و أبو بنتها ..
عارفه لو حبك له حب اٍمتلاك كنتى تيأسى لما تلاقى مشاعلره تحولت لواحده تانيه و تلاقى مشاعرك له تحولت هى كمان لمشاعر سلبيه لكن أهو حصل العكس ..
و برضو حاولى تهدى الأمور بعد الاٍمتحانات ما تخلص يعنى مش لازم الدنيا تولع حريقه على اٍيدين المحامين اللى أكيد عاوزين يخلصوا شغلهم على أكمل وجه قبل ما تبدأ الاٍجازه القضائيه ..
اٍهدى و هدى المسائل يا مدام حواء لو ماكنش علشان حبك له فيبقى علشان بنتكم .. صدقينى الأمور ممكن ترجع أحسن من الأول كمان لو حس اٍنك لسه شارياه ..

شمس النهار يقول...

**حواء
ازيك عامله ايه في الامتحانات والحمل
ربنا معاكي

اللي بيخليكي تفتكري والذكري (تنط في دماغك)

الذكريات الحلوه عشان صدقيني الذكرايات الحلوه بتجرح وتوجع اكتر من الذكريات الغبيه

انا حاسه بيكي جدا ممكن طبعا ان الست تحب رجل اكتر مابتحب نفسها وزياده وماتقدرش تبعد عنه
بس في نفس الوقت تلاقي نفسها مش قادره تعيش معاه
اسباب الحاله دي كتير وبتختلف من انسان لأنسان حسب الشخصيه

انت دلوقتي ماتقدريش تاخدي القرار باللي تقدري تستحمليه واللي ماتقدريش بسبب ضغط الامتحان وكمان الحمل بيعمل حاله نفسيه للست مش طبيعيه
استني لما كل ده يخلص عشان تعرفي تقرري صح
وابتدي من الحاجات الحلوه بينكم وشوفي الوحش ده لو تقدري تستحمليه
طالما ماهواش اخلاقي يؤثر علي تربيتك للأولاد

حاولي اكتر من مره عشان ماتندميش بعد كده

انت بس عزت نفسك منعاكي تعترفي انك لسه بتحبيه وعايزه تكملي معاه واضح ان جرحك كان عميق

ماسمعتيش ام كلثوم وهي بتقول غلبت اصالح في روحي عشان ماترضي عليك

انا كنت طول عمري بحب الاغنيه دي جدا وماكنتش عارفه ليه

الازهرى يقول...

أجمل جزء فعلا هو النص التانى من النصيحة 27

وبخصوص النصيحة الاخرة فاكيد هتقلب بغم لانها هتنسى كل حاجة وتفتكر بس انها المسئولة عن تنضيف الغرفة من الريش والقطن الطاير دا كله

وبخصوص الموضوع عامة
فكان فى كلمة زمان تقريبا لانيس منصور او حد تانى
ان الانسان صعب يبقى متواجد مع شريك حياته ويمثل لان الانسان ممكن يمثل ساعة اتنين يوم شهر انما سنين دى صعبة
وبكده ممكن نقتبس ان الانسان لازم يعبر عن حبه وبدون خجل لحبيبته وباقرب الوسائل لقلبها حسب الظروف المادية والمزاجية بينهم
وبكده يكون التعبير حقيقى ونابع من جواه وبكد اكيد هيوصل بسرعة

وفى كام كتاب كد هعندى منهم مترجمين عن الموضوع ده برضه ان شاء الله بعد الامتحانات اعرف ازاى اوصلهم


وعلى فكرة الاقتباس غير قانونى لان المفروض الاستئذان قبل مش بعد

شمس النهار يقول...

*الربان

طب ليه الاحباط ده ياربان
ماتقود المسيره :)

طيب هو ماينفعش ان الانسان المحب يتعلم ازاي يسعد حبيبته ام عياله

في ازواج يقول لك طب اعمل ايه انا بحبها بس مش بعرف اعمل حاجه تظهر الحب ده
اهو
ادينا بنقول
شوف الشب ده عمل ايه واعمل زيه ومادام بتحب بصدق هتلاقي الحيل دي نابعه من قلبك وكمان شويه شويه هتخترع انت حاجات تانيه لما تشوف قد ايه هي بقت سعيده وبالتالي بتسعد
طبعا مش مهنيها ومستتها:)

ويجري ايه لو اللفتات الجميله دي تكون موجوده
مع الاحترام والتفاهم اعتقد ان اللفتات
اللطيفه دي هتزيد من التفاهم والموده

وماذكرته من القرآن الكريم وتعاليم الدين يؤيد هذه اللفتات اللطيفه

اللي بتخللي للحياه معني وتمنع الملل والفتور الزوجي

شمس النهار يقول...

*صوت من مصر

ان شاء الله تحل كويس في الامتحان
هفضل ادعي ليك لحد ماترجع
ان شاء الله

شمس النهار يقول...

*من غير عنوان

الحمد لله انا شايله المراره من سبع سنين يعني اتكلم براحتي

مش عارفه ليه رجالت البلوجر معترضين

ماتجربوا هتخسروا ايه

مش فاهمه

ده حتي الكلمه الطيبه صدقه
وتبسمك في وجه اخيك صدقه

وتهادوا تحابوا

ده مع الغريب

يعني الزوجه والا الحبيبه هي اللي وحشه :)

Eno يقول...

ههههههههههههههههههههههه

هههههههههههههههههه

الافكار حلوه اوي ورقيقه اووووووووووووي واكيد تسعد كل واحده في الدنيا :)

اللي كاتب ومترجم اسلوبه وتعليقاته تحفه فطسطني من الضحك بجد :))
بجد بجد ختامه مسك
اشكرك علي السلسله الجميله والمفيده جدا دي ياشموسه :)

شمس النهار يقول...

*فوكس لوجيا

انا لو منك اذاكر البوست ده كويس جدا والا مواد الثانويه العامه

اهو هينفع برضه :)

princess يقول...

انا كنت قرايته قبل كده عنده وعجبنى اوى وقلت ساعتها الرجالة المصريين محدش فيهم بيعمل كده بيعتبروا التعبير عن المشاعر ضعف:))
بس برده احلى ختلم

ذو الوجه المبتسم يقول...

السلام عليكم ورحمة الله وبركاته

او احيي الاستاذ عمر على الترجمة
واشكرك على اقتباس البوست منه
البوست جميل ومفيد
لكن مكنتش متوقع ان دى هتكون الحلقة الاخيرة من البوستات ولا دى هتكون المفاجأة
متزعليش
انا كنت متوقع شئ تانى افضل بجد
المهم شايف ان البوست كله نصائح للرجل انه يرضى الست ويقدم لها فروض الطاعة والولاء
طيب فين نصيب الراجل فى البوست
هتقول ما هو لو قدم ده هيلاقى
لا
فيه حاجات كتير المفروض ندمجها فى البوست ممكن تقتبسيها من مدونة نوارة
وزى ما كتبتى نصائح الرجل للست اكتبى نصائح الست للرجل
ولا ايه رايك يا ست شمس

بخصوص تعليق حواء
مدام ايمان
مش هانصحك ولا هاقول اى كلمة
بس فيه امور يجب انك تفكرى فيها اكتر مع انى متوقع انك فكرتى كتير ويمكن تنازلتى عن حقك كتير
لكن لا تتعجلى وبخاصة ان علاقتك علاقة زوج وزوجة مش مجرد صداقة او علاقة سطحية
كل ست فيها مميزات وعيوب وكمان كل رجل فيه مميزات وعيوب
لو بجد بتحبى زوجك اكيد هترجعى له
وده هيكون الشئ الطبيعى بصرف النظر ان عندكم بنت او اكتر
صدقينى الحب بيصنع المعجزات
مش عاوز اقول فيه اسباب عندك هدمت الحب ده
بس ياريتك تقعدى مع نفسك تانى وتالت والف قبل اتخاذ اى قرار
حتى لو وصل الموضوع للمحاكم
بايدك تسحبيه

اختى شمس
هاقول لك توقعى كان ايه بس بعدين
واطمنك على اخوكى .. انا الحمد لله بخير
ومش باتخذ اى قرار الا لما باكون مفكر فيه بجد وبجدية
تقبلو تحياتى

شمس النهار يقول...

*عمرو

صباح الخيييييييييير

طبعا انا استغليت شهامتك وكرمك الشرقاوي ولو انك كلت علينا العزومه
وقلت عمرو رجل جينتل مان مش هيزعل

مفاجأه صح حاجه وكلفتايه :)

البوست ده انا فعلا بحبه جدا!!؟

ليه مش مقتنع بالختام
ده كل شئ وله نهايه وانا اظاهر النهايات ادمنتني بقينا اصحاب انتيم

اما موضوع حواء انا رديت عليها
هي متلخبطه شويه نتيجة الامتحانات والحمل والضغوط اللي حواليها
والكلام اللي بيتقال لها دلوقتي

بس عايزه اقول لك انك ممكن تحب انسان اكتر من نفسك بس تلاقي نفسك دي مش قادره تستحمل عشرته
انا حاسه بيها وبالتمزق اللي هي فيه
مابين قلبها ومقدرتها علي تقبل اللي هو عمله معاها وفيها

ربنا يهدينا لما فيه الخير


لو زعلان لاسمح الله اني لطشت البوست من عندك :)

في ثانيه اشيله :)
اشيله؟

تعرف لو قلت اه شيليه !!
انت حر:(

اهو ديموقرايه جدا
ها:(
تكلم انت حر
اشيله:(



ايوه كده عارفه ان والله قلبك طيب
خلاص ماشي
ده حتي النبي قبل الهديه :)

شمس النهار يقول...

*رومانسي

اهلا بيك

الاحلام لوحدها ماتنفعش لازم تلتحم بالواقع ونحاول نحقق منها اللي نقدر عليه
صحيح كتير الاحلام مابتتحققش بس اهو ادينا بنحاول

بعيد بعيد
طب ونبي لما تلاقي البعيد ده قول لي عليه

انا برضه هروحوه بس لوحدي:)

شمس النهار يقول...

*الازهري
ماكنتش اعرف انك شرير كده
يعني اللي عجبك هو بس النص التاني من النصيحه 27
ماش ياازهري ياشرير

صدقني ساعتها لاهيهمها الريش والا التنظيف هيهمها بس السعاده اللي همه فيها
واكيد هينظفها هو :)

ياعم هو فين الريش اصلا:)

وايه حكاية التمثيل دي هو يعني هيعمل الكلام ده مع عدوه اللدود
دي مراته حبيييييبته امووورته
ياسااااااااتر علي الرجاله


وبعدين انت جاي تشعللها
يعني ايه غير قانوني
ماالراجل الطيب الجميل ده موافق ومبسوط حتي اسأله كده

وبعدين انا اديته كل الحريه انه يقول لا وماقلش لا

مش كده ياعمرو:(

ازهري روح ذاكر احسن:)
وخليك محضر خير وسلام:)

شمس النهار يقول...

*اينو
شفتي مايكل

خاللي فوكس يذاكرها كويس

وانصحي بيها كل حبايبك

واللي مترجمها هو عمرو حبشتكانات
هتلاقي اللينك تبعه في البوست

وانا اقتبستها من عنده
جدعنه كده
استغليت طيبته يعني:)

شمس النهار يقول...

*برينسيس

انا لما رجعت من الحج زرت كل المدونات وخصوصا المدونات اللي بحبها لاقيت البوست ده عجبني جدا وعلقت عليه كمان

وعندك حق اغلب الرجال الشرقيين بيعتبروا اظهار المشاعر ضعف وعيب
بس تصدقي انا مابحترمش الرجل اللي بيؤمن بكده
عشان بحسه انه اضعف من انه يظهر هذه المشاعر الجميله

شمس النهار يقول...

*ذو الوجه المبتسم
وعليكم السلام ورحمة الله وبركاته

مالك بس زعلان ليه

ده البوست جميل والناس كلها فرحانه
وبصراحه عمرو يسلم مترجمه وكاتبه بطريقه لطيفه جدا

نبعد عن الغم شويه

ومستنيه تقول ايه كان توقعك

وان شاء الله طبعا هكتب بوست نقول فيه للستات يعملوا ايه يعني هنسبهم لا طبعا


وان شاء الله الامور تكون معاك خير
وتهتدي للقرار السليم

شمس النهار يقول...

**عمرو

البوست ده بوستك
صحيح انا اخدته بوضع اليد:)

بس ده مايمنعش انه ليك

ياريت ترد معايا علي المدونين المعترضين
بس اوعي تكون انت كمان معترض ياراجل ياطيب :)

الازهرى يقول...

يعنى اللى يقول الحق فى الزمن ده يبقى غلطان يا جماعة

وكمان الراجل لازم طبعا يوافق
انت قلتى
شهامته وكرمه الشرقاوى ونخوته المصرية
وجنتل مان
وحاجات كده كتير دا لو كان انا كنت وافقت

صحيح صدقت جيلان لما قالت ...
والا اقولك روحى عندها واعرفى
http://jehan22.blogspot.com/2009/05/blog-post_08.html

وانا سايب لكم المكان وماشى ومش راجع غير بعد ما اخلص اول مادتين على الاقل
وطبعا لازم تدعولى دا شىء مفروغ منه

انا خلاص زعلت وماشى اهه

شمس النهار يقول...

*الازهري

ايوه اللي يقول الحق يبقا غلطان ايه قولك :)

وبعدين قصدك يعني ان عمرو مش كده وانا ببلفه عشان يوافق ها:)

لعلمك عمرو كده واكتر كمان والله

وبعدين مين جيلان اللي بتهددني بيها
طيب انا هروح واشوف بنفسي

وبعدين تعالي هنا انت رايح فين
خلاص ماتزعلش ياسيدي قول اللي انت عايزه

وربنا معاك وهدعيلك من كل قلبي ان شاء الله تحل كويس وتنجح بتقدير كبير ان شاء الله

خلاص ماتزعلش بقا

Kiara يقول...

يالهوووووووووووووووووووووووووي

بوست جبار جبار والله لو وزي عمل ربع الحاجات دي انا مش عارفه هعمل فيه ايه بس هحس ان بجد ملكت العالم بنظره عنيه ياااااااااااااااااااااااااه بجد بجد انا مش قادره ارد

بس تفتكري ممكن يعمل كدا ؟؟

شمس النهار يقول...

*كياااارا

في ايه مالك يابنتي
امسكي نفسك كده وركزي
وليه لأ مايعملش كده ليه

اذا كانت الست البدويه قالت لبنتها من مليون سنه كوني له امه يكن لك عبدا
هو في ايه ياجماعه:)
كلكم عليا والا ايه

حتي عمرو اختفي في ظروف غامضه!!!!

يابنتي برضه المستحيل ممكن يتحقق

وبعدين تعالي هنا يعني ايه يافيلسوفة البلوجر مش عارفه تعلقي

Kiara يقول...

ياشموستي انا مجرد اني قريت البوست غمضت عيني وحلمت بفارس احلامي اللي بيداعبها في ليلي ونهاري وطرت بين السحاب وانا جوا عيونه وشوقي بيداعب جفونه

ودعيت من رب الكون اللي خلق والطيور وكل شئ في الكون انه يرزقني بالفارس اللي يستحق قلبي

وعشان كدا موش عرفت ارد

شمس النهار يقول...

*كيااااراااا
حبيبتي فوقي الله يرضا عليكي
في ايه يابنات خلاص اشيل البوست والا ايه
ياولاد يابنات دي دعابه


مافيش الكلام ده خلاص
امشي ياعفريت

خلاص العفريت مشي ياكيارا:)

البوست ده هيخلينا كلنا نهييس والا ايه

هو عمرو حاطت ايه في البوست ده:)

Kiara يقول...

هههههههههههههههههههههههههههه


فايقه والله

بدليل اني قلتلك

تفتكري ممكن يعمل دا

موش دايما الحلم بيكون واقع بس عليا انا بقي اخلي كل احلامي واقع

متعودتش اياس ابدا

شمس النهار يقول...

*كيارا
فعلا مش دايما كل حلم ممكن يكون واقع

ساعات كمان تعيشي حلم جميل كده وبعد شويه تلاقيه اتبخر

بس اوعي تيأسي انت لسه صغيره والدنيا امامك

وانت انسانه جميله جدا قلبا وقالبا

دعوتي ليكي
ربنا يريحك قلبك ويديكي اللي فعلا يستاهلك

Kiara يقول...

يااااااااااااارب ياشموستي يارب

MǿиY El-Shreef يقول...

عااااااااااااااااااااااا

انا هعيط خلاص انا عايزه زي ده

بجد انا لو جالي اقل من كده هتحطم نفسيا

بس عارفه ياشموسه

انا هحاول اعمل كده عشان يبقى في رد فعل بردوا

مش كل حاجه هو هو

بس بجد بوست تحفه وخير ختام ولو الرجاله تعمل كده اااااه بس

هنعيش ف هنا والله

مشكور اوي ياعمرو والله بوست يجنن بجد

ربنا يجمع كل حبيب وحبيبة ع خير ويرزق الازواج السكينه والموده والرحمه والحب

تسلم ايدك ياشموسه ع اختيارك الروووعه

بحبك ياقمرتي

ذو الوجه المبتسم يقول...
أزال المؤلف هذا التعليق.
ذو الوجه المبتسم يقول...

اختى شمس

انا مش زعلان ولا حاجة
بالعكس مبسوط جدا بالاقبال والتعليقات الكتير الموجودة
وبصراحة سلسلة البوستات بتعتك خلت ناس كتير خرجت شوية من اللى جواها وده شئ كويس
عاوزة تعرفى توقعى
توقعت ان عتعملى فرز للتعليقات ومنه تختارى افضل تعليقات . مع العلم انها كلها تعليقات محترمة وجميلة بس ممكن تختارى التعليق ذو التأثير الفعال ويتم دمج هذه التعليقات مع بعض ببوست واحد
ثانيا توقعت انك هتعزمينا على حفة حلوة بمناسبة نجاح البوستات بتعتك والايراد كان عالى قووووى ماشية معاكى يا ست وكمان عاوزين نأكل من ايدك حاجة حلوة
ههههههههههههههه
لى سؤال
هل بجد لو الرجل عمل كل الكلام ده وقدم فروض الولاء والطاعة هل الست هترضى عنه

طبعا اختى الصغيرة كيارا غمضت عينيها وحلمت بالفارس هههههههههه وقالت ياااااا ه لو فيه كده
..
فيه اكتر من كده بجد ..
بس الاهم ان كل واحد من الطرفين يعرف ويفهم معنى الاحتواء وينفذه صح
وقتها نقدر نعيش صح
..
باكرر اعجابى بمدونتك وبصراحة الفترة دى هى عليها اقبال من الجماهير كتير
والشباك زحمة مووووت
ياريت تفكرى تفتحى شباك الناحية التانية علشان التذاكر بس خلى سعر التذكرة منخفض شوية
هههههههههههههه

تقبلى تحياتى وابتساماتى

شمس النهار يقول...

*موني الشريف

مالك انت كمان هتعيطي ليه

عايزه زي ده

كل الستات عايزه زي ده

انت كده شطوره
لازم انت كمان تعملي حاجه وتكون جميله جدا كمان

وشكرا ليكي علي المجامله اللطيفه

شمس النهار يقول...

*ذو الوجه المبتسم

والله فكرتك لطيفه بس مااقدرش اعمل كده عشان التعليقات كلها كانت جميله وخصوصا اللي كان فيها حوارات زي اللي كانت بين صبرني ومن غير عنوان ومن غير عنوان وعمرو وانت وكيارا وناس تانيه كتير مش عايزه انسي حد خالص عشان مايزعلش
بس انا كنت مبسوطه من تعليق اينو وفوكسلوجيا اللي قرروا يكتبوا لنا تجربتهم التعليق ده اثر في جدا


تفتكر كده ممكن اختار حاجه واسيب حاجه


وبعدين انت ليه مسميها فروض الولاء والطاعه عامله كده زي بيت الطاعه:)

ياسيدي سميها علامات المحبه
هو عيب ان رجل يتعلم ازاي يرضي مراته حبيبته
هينقص منه
وبعدين مايجرب مره واتنين ولو الموضوع فشل
خلاص يروح عند صبرني يارب ويكتب انه حاول وفشل وبالتالي من حقه يعدد
حلو كده

وحاضر هوصل الحي اجيب موافقه بفتح شباك جانبي للمدونه عشان الطوابير ماتعطلش المرور بره المدونه
مش عايزه الحكومه تقول اني مش متعاونه معاهم

د. ياسر عمر عبد الفتاح يقول...

ممكن أعمل كده ولا إيه؟؟
سؤال وجيه

مش عارف ..
بس ممكن إن شاء الله

بس مش كل الحاجت دي يعني
معقولة هروح لجواهرجي أقله
أحفرلي علي الزلطة دي
I Love U
أكيد يا إما هيضربني بيها
أو هيخبطني بيها
حاجة من الإثنين

بس فيه أفكار تانية كويسة كثير

شاب كــ طخين ـــــا يقول...

السلام عليكم
حاجات كلها جميله بس كتيرة اوى
طيب وبعد ده كله المفروض هى تعمل ايه غير النكد يعنى :D
مش المفروض بردو تعمل نفس الحاجات

شكرا يا أستاذ عمرو على النصايح دى

شكرا يا شموسه هانم والله اختيارك جميل وخير ختام فعلا :D

فى رعايه الله
سلام

romansy يقول...

وليه بقى يا شموسه نروح للبعيد لوحدنا طب ما تيجى نروح كلنا
كل الموجودين عندك تيجى نصنع عالم تانى
عالم بقى فيه مطبخ شموسه
اللى بتطبخ فيه احلى كلام خفيف على المعده
وكمان ناخد معانا عاشقه وغلبانه اهى غلبانه بردوا وكمان دكتوره يعنى تعمل خدمه عامه لنا وكمان الدكتور عمرو نفتح له عياده جميله هناك وكمان بقى كيار تيجى تدى دروس تاريخ هناك جايز نصنع جيل بيعرف بلده
وكمان حاسوبتيه اهى تعلم الكمبيوتر لولادنا
والاميره تجيب عمر وتيجى وكمان تدلى لولادنا دروس انجليزى

يا سلام لو دا يتحقق
كده بقى تبقى العالم اتكمل

موناليزا يقول...

اللى بيحب بجد ممكن يعمل اكتر من كده كمان

حواء يقول...

ازيك ياشموسه


انا الحمد الله بخير
لكن للأسف المذاكره اتأثرت شويه علشان اتحجزت يومين تحت الملاحظه لان الاخ كان بيشاور نفسه ينزل لكن ربنا ستر والحمد الله رجعت البيت والدكتوره امبارح اكدتلي اني مش محتاجه عمليه ربط واني بقيت زي الفل



انا هعلق علي كلمه واحده حضرتك ذكرتيها
وهي ان عندي عزة نفس مش قادره اقول اني بحبه او اكمل


انا عايزه اقولك اني قولت لخاله لما كلمته قريب اني بحبه
بس الحب حاجه القدره علي العيشه كزوجه معه حاجه تانيه


علي فكره انا صريحه جدا مع نفسي ومع اللي حواليا

ومعظم الناس اللي مش بتفهم معتبره ده عيب مع اني في نفس الوقت مجامله جدا ومبحبش احرج حد


صدقيني حاجت حصلت معايا صعب جدا اي ست تقدر تكمل حياتها مع الشخص اللي عمل معها كده


تخيلي معايا كده ياشمس
لو انتي لسه متجوزه زميلك عن حب
وجه حد بلغك ان اقرب اختك الوحيده شافها خارجه من شقه مع جوزك اللي هو حب عمرك
طبعا مش هتصدقي ويمكن متكلفيش خاطرك تدوري ورا جوزك واختك لانك مقتنعه ان اللي جه بلغك عايز يفرق بينك وبين جوزك

وده جالك من فرط تأكدك من حب جوزك واخلاص اختك

ولقيتي نفسك في نفس الموقف
اختك وجوزك خارجين من شقه وده شوفتيه بعينك

فكري كده احساسك هيكون ايه


انا كده دلوقتي

دخلت مع زوجي لمرحله من الحب اللي ابتديت اتنازل عن حاجت كتيره هو مش مقتنع بيها

وفوجئت بيه جايب سكينه حاميه وبيدبحني

هل تفتكري ان ممكن يمر عليا شهر محطش ايدي علي الجرح اللي في رقبتي وافتكر ان اللي شوهني كده ابو بنتي واول راجحل في حياتي
او حد يجي يزورني وميقوليش مال رقبتك ايه ده الحرج ده

او هو يجي عليه يوم يتأذي من منظر الجرح اللي هو عمله بإيده

الست ممكن تغفر اي حاجه لكن الخديعه والقسوه مستحيل

انا حولت افهمك بمثال عملي جدا يمكن شعوري يوصلك

انا بقيت عمليه شويه
ففكرت كويس ولقيت انه بيحبني وانا بحبه لكن كل واحد بيحب التاني بطريقته وكل طريقه مش راضيه الطرف التاني

لازم حد فينا يتغير

وللأسف انا مش هقدر

وانا عارفه بس مش متأكده انه مش هيقدر

طيب منهدي الامور ونبقي صحاب زي ما سوتيته قالت ياطليقي كن صديقي


مش معني كده اننا هنبقي اصدقاء بالمعني المفهوم الدارج
بس علي الاقل يكون بينا السلام بتاع ربنا بود علشان الولاد

فهمتيني ياشموسه

aidy يقول...

انا كده هفكر جديا فى انى اسافر واطلب ايد مايكل :D

مايكل ده لقطة

ههههههههههههههههههههه

صوت من مصر يقول...

اقول ايه غير بشوفكم بالعافيه ومستنى اخلص العملى وهنزل البوست
وبالنسبه لكلامك انا قبل كده قولت كلمه
مفيش فايده

بعبعه يقول...

اه بوست رائع فعلا

بس والنبى انا عايزه من ده يا شمس

شوفلنا الموضوع ده

شمس النهار يقول...

*دكتور ياسر عمر عبد الفتاح

يعني يادكتور جت علي الزلطه يعني :)

صدقني الموضوع بسيط بس احنا اللي مكلكعين شويه

عموما لما ان شاء الله تتزوج
جرب بس بلاش موضوع الزلطه ده
ربنا يجيب العواقب سليمه

شمس النهار يقول...

*امبارح كان عمري عشرين

ان شاء الله مايبقاش في نكد خالص

جرب انت
انت ليه مقدر البلاء قبل وقوعه

شمس النهار يقول...

*رومانسي
ياه انت كده عايز تعمل عالم جميل جدا

فعلا هيكون جميل

والناس اللي انت اخترتها جميله
انت تقصد عمرو بدر والا عمرو تاني
لو تقصد عمرو بدر يبقا هيكون هو العمده بتاعت البلد دي
هو كده مؤهل انه يكون عمده
باقي الوظائف اعملها انت

انا عرفت وظيفتي همسك المطبخ ماشي ياسيدي

شمس النهار يقول...

*موناليزا

صدقتي اللي بيحب بجد بيعمل اكتر من كده علشان يسعد حبيبه

انت جبتي الفايده

شمس النهار يقول...

*حواء
زي ماقلت لك قبل كده واضح انك مجروحه اوي منه

بس برضه زي ماقلتلك وقال لك عمرو
اهدي وعدي فترة الحمل والامتحانات علي خير
واديكي شايفه البيبي عمال يعمل ايه فيكي

وبعد كده تقرري الصح واكيد ربك وقلبك هيدلك
ماحدش بيحس بالوجع الا الموجوع نفسه

شمس النهار يقول...

*ايدي
:)

واضح ان مايكل بقا خطابه كتير
طيب مانستنسخ منه اتنين تلاته

:)

شمس النهار يقول...

*صوت من مصر
عملت ايه في الامتحان

وليه مافيش فايده انت ليه كده محبط
لأ
في فايده ايه رأييك

شمس النهار يقول...

*بعبعه

حتي انت يابعبعه

ماشي بس مش عارفه انت متزوجه نعملك غسيل مخ لزوجك
والا لسه نعمل حسابك في الاستنساخ

Unknown يقول...

شمس النهار
ازيك يا شموسة وحشتينى جدا
اية اخبارك يارب تكونى بخير حال
دا كان من اكتر الحاجات اللى حبتها لحبشتكنات

تحياتى وحبى

Sweet Violet يقول...

لما قريته عند عمرو الصراحة قولت انه خيال وماحدش ممكن يعمل ولا حاجة من دول

و لو كنت قريته اول امبارح كنت هقول نفس الكلام

لكن الصراحة دلوقتى هقول ان فعلا لسه فى اللى بيعمل المستحيل علشان يسعد شريك حياته ..فعلا ياشموستى لسه فى بس مش شرط بالنصائح اللى موجوده فى البوست المهم انه فعلا بيحاول انه يسعد شريكه

رغم انى كنت قربت افقد الامل ان فى حب خالى من الانانية فى الزمن ده .. لكن الحمدلله مش حصل و ظهر فعلا ان لسه فى حب بجد (:

وحشااانى موت جدا خالص قوووووووووى على فكرة

عمرو جويلى يقول...

أفكار رائعة ويسلم مخ الواد مايكل بس فين الوقت للدلع ده كله يا جدعان

صبرني يارب يقول...

ايوووووووه

فين الوقت

فين الست الى تستاهل

فين الفلوس

فين البااااااال

كلها حجج

الى عايز يعمل حاجه بيعملها


طبعا يا شموسه انا قريت البوست عند عمرو قبل كده

وقريته تاني عندك

وتسلم ايدك علىالختام الجميل انتى وعمرو

نكهة مغربية يقول...

و الله مدونة جميلة و حلوة خالص و دلوقتي فهمت ليه مكملتيش في المدونة التانية
و الله بلا طبيخ بلا هم التدوينات اللي هنا تخليك تنسى الطبيخ و تفكر بس في الحب و المشاعر الجميلة و اللي مضى هههههههههههههههههه
شكرا يا حبيبة لأنك نبهتيني للمدونة دي و حكون متابعة جيدة لكل مواضيعك انشاءالله
و بس بردو ارجعي فكري في المدونة التانية ممكن تيفيدينا بيها مين عارف مخبية ايه في الطبيخ ههههههههههههه

دنتي في أمان الله يا أختي

jehan يقول...

هههههههههههههههه تصدقى فى شوزيه حاجات فطست على روحى من الضحك

بس انتى عارفه والله هى ممكن تكون فى البدايه حاجه غريبه على الطرفين ومممكن ياخدوا وقت عقبال ما يتأقلموا عليها وما يتكسفوش منها
بس بعد كده هتبقى شئ طبيعى جدا فى حياتهم انهم يبعروا عن حبهم

ثم كل بنى ادم فينا سواء راجل او ست بيحب الرومانسيه وبيبقى عايز الطرف التانى يشجعه مره واتنين وعشره كمااان
ولعلمك بقى الى بيتحججوا احب اقلهم حجتكم مش ليها لازمه اكيد اكيد بيبقى فى خمس دقايق الواحد يقدر يقول حتى كلمه رومانسيه ولا لافته رومانسيه ولا ايه يعنى

assafo anaroze يقول...

شمس النهار
هايل يا عمرو
و الله افكار تجنن و بسيطة و اللي مش بسيط نتركه ل اللي يقدر عليه
و الفكار ديه موجهة ايضا للنساء لانها بالفعل حتقرب كثير بين الازواج و المحبين
و انا حاحاول لما تكون عندي حبيبة او زوجة اعمل معها البعض من النصائح ديه
مودتي

شمس النهار يقول...

*نهر الحب
ازيك انت كمان وحشاني جدا
انا كمان لما قاريتها عجبتني جدا ولما عملت سلسلة الحب حسيت اني ممكن استلفها من عمرو شويه واسعد بيها الجميع

شمس النهار يقول...

**سوووويت فيوليت

كده هربانه مني
انت وحشتيني جدا
ارحموا تليفون بيتكم شويه:)

انا مبسوطه ان نفسيتك احسن

وطبعا في حب وحب جميل بس ياسعده ياهناه اللي ربنا ينعم عليه بيه

عشان كده بقول ان اللي ربنا يبتعت له هديه كده حرام يفرط فيها
دي نعمه من نعم الله

وفعلا اللي بيحب حد بيدور ازاي يسعده
اللفتات الجميله البسيطه دي بتسعد

كفايه نظرة الرضا في عين الحبيب اعتقد ان دي تسوي كنوز الدنيا

شرفتينا وانستينا وماتغبيييش عنينا

شمس النهار يقول...

*اللؤلؤه

الموضوع مش محتاج وقت والا مجهود والا اموال طائله

الرساله من علي الموبيل بنصف جنيه بتتكتب في اقل من دقيقه
والميل ببلاش

والزلط مالي الشوارع
وكل بيت فيه بانيو واكيد شمع لزوم الكهرباء اللي بتتقطع كتير

هي المشكله في بالونات الهيليوم دي هي اللي غاليه جدا

وعلي رأي الازهري الريش هيقلب بخناقه علشان مين هينظف
بلاها ريش كمان

المقصود ان اللي بيحب يعمل حاجه بيعملها

شمس النهار يقول...

*صبرني يارب
انت فين اصلا لاباينا هنا والا هناك
عموما بكره الجمعه يوم قولوا بابا
واكيد هتكوني فاضيه

الله يسلمك انا قلت عمرو شرقاوي كريم مش هيعترض
اقتبست البوست من وراه
والحقيقه الراجل مااعترضش

شمس النهار يقول...

*نكهة مغربيه
اهلا بيكي في اول زياره للمدونه

ليه بس اللذي مضي
مافيش حاجه بتمضي مادام في شباب

وان شاء الله شويه كده وارجع تاني ادخل مطبخ شموسه
نفسك معانا :)

شمس النهار يقول...

*جيهان
اهلا بيكي في زياره للمدونه
كلامك مظبوط
الموضوع مش محتاج وقت واللي عايز حاجه بيعملها

وبعدين ماهي لما تكون سعيده اكيد هتسعده هو كمان

شمس النهار يقول...

*اسافواناروز

اخيرا رجل وافق وايد
ولم يشجب ويعترض ويندد
برافوا عليك ان شاء الله هتكون حبيب وخطيب وزوج موفق

وربنا يبعت لك البنوته اللي تقدر ده وتكون شاكره قول وفعل

ghorBty يقول...

حيل حلوه ..

بس انا بحب جدا بيت الشعر دا

لاخيل عندك تهديها ولا مال :: فليسعد النطق إن لم يسعد الحال

والله الكلمه اللي طالعه من القلب وصادقه بتوصل ومن غير اي تكلف او حتي هدايا ..

صوت من مصر يقول...

راى انا ان كل واحد منا مستنى حاجه انا واحد من الناس افرغت كوبى ولست املك الماده الخام ولعلى اشتريها لكنى فقير وقليل الحيله
الامتحانات بدعواتك هنجح فيها باذن المولى

Unknown يقول...

بسم الله الرحمن الرحيم
الحاجه شمس ...
السلام عليكم ورحمه الله وبركاته .
أسمحي لي نصطلح الأول ...وأظن سماح ...صافي يا لبن ..
حليب يا قشطه ...
بعد إذن حضرتك ...
كلامي لحواء ...
التي تحب زوجها ولا تريد الحياه معه كزوج ..مع أحترامي الشديد لحبها له وله هو ايضا ..
لست سيدتي في حاجه لعلاج نفسي ..ولكن المفاهيم الخاطئه هي التي في حاجه للعلاج .
هو كرجل و أخلاق و مواقف له كل الحب ...كزوج (لا) ...ليه ؟
ربما يكون مفهومك عن الزوج خطأ
أو العكس مفهومه عن الزوجه خطأ
ما لا نفهمه ولا نريد ان نفهمه ان الرجل والمرأه كيان واحد بروحين وجسدين وعقلين وقلبين ...وهدف واحد هو مصلحه الأولاد .
نعم نختلف وننفر ولكن قوه جذبنا لبعض أقوي من قوه التنافر ...تماما كقطبي المغناطيس...كل منهما يختلف عن الآخر ولا يفترقا ...
لا تتركي من تحبين سيدتي ...مهما كانت المعاناه ...خاصه لوجود من هم في حاجه لتقاربكما .
أرجو ألا تضيق بما قلت ..
شكرا ...وآسف لأني حِشري .

mostafa rayan يقول...

شموسة العزيزة
طبعا اناهحكم على البوست دة من وجهة نظر الرجل
وطبعا مافيش زعل
بس الاول عايز اقولك اني فضلت اضحك وانا بقرأه لأنه اصلا مافيش راجل ممكن يعمل كدة وكمان مافيش الست اللى ممكن يتعمل معاها كدة او تحب كدة او على الاقل انا عن نفسي لسة ماشوفتش وماقبلتش دة
لكن مايمنعش ان خطوة 24و26و29 ممكن تحصل لكن ان انا اجبلها بالونات واخرم المخدة والحاجات دى واسعة شوية
كمان حكاية انى اجبلها هدية من غير مناسبة دي حلوة وكان العظيم يوسف ادريس كتب قصة قصيرة بالمعنى دة وكان فيها الراجل ومراته بيدو لبعض فلوس من غير مناسبة كتعبير عن الحب
تحياتى لك ياشمس دايما

mostafa rayan يقول...

شمس
اسمحيلى احيى استاذ عمرو لأنه كاتب البوست بطريقة حلوة قوى كمان تعليقاته كانت زي السكر

شمس النهار يقول...

*غربتي
اهلا بيكي ياتري المذاكره عامله ايه

اكيد طبعا اللي من القلب بيكون اجمل
بس في ناس مابتعرفش تترجم اللي جواها ادينا بنساعدهم
ومره في مره يعملوا ده من نفسهم

شمس النهار يقول...

*صوت من مصر
ياعم بلاش احباط
الكوب هيرجع يتملي تاني سعد وهنا

والامتحانات ان شاء الله هتنجح فيها بتوفيق ربنا وبمجهودك ودعائي كمان

شمس النهار يقول...

*فركشاوي ناوي
خلاص والا زعل والا حاجه
وكلامك لحواء جميل جدا

ربنا يكرمك عليه

بس فين تعليقك علي البوست
والا انت من الرجال المعترضه ؟

Empress appy يقول...

ايوه انا قريته عند عمرو من زمان وعجبنى اوي بجد وبصراحه وبوش مكسوف جه فى وقته دلوقتى تقريبا هنقله بمدونتك لحد يقراه ههههههههههههههههه
تسلمى انتى وعمرو يا رب يا شمس
ودوروا على نصايح تانيه بليززززززززز

شمس النهار يقول...

*مصطفي ريان
لا ياسيدي
الرجل اللي يعمل كده موجود والست اللي تستاهل كده موجوده

وبعدين انت هتنقي يادرش دي تجربه معمليه علميه فزه يعني هتكدب ميكل والا ايه :)

شوف يادرش نقي براحتك المهم ان زوجتك دي ليها حق عليك واكيد بالحب والتفاهم والحنيه هيتعمل اكتر من كده
والله انا عندي ناس بتعمل مع بعض حاجات اجمل من كده

اما موضوع الفلوس ده انا ضده تمام
احلا هديه اللي الانسان ينزل ويدور ويشتريها لحبيبه او صديقه او اي حد يهمه
الحركه دي كلها سعاده سعاده وانت بتشتريها احساسك انك هترضي حد بتحبه
وسعاده مشتركه لما بتشوف السعاده علي وش الانسان ده وهو بيستقبل الهديه

ورسولنا الكريم قال تهادوا تحابوا
اعترض بقا :)

اما بالنسبه لعمرو شكله كده اتخطف علي يد مجموعه مسلحه من الرجال المعترضين علي البوست
شكل البوست عمل مشاكل عائليه والزوجات عايزين من ده

عندي امل انهم يطلقوا صراحه ويرجع يدافع عن بوسته

شمس النهار يقول...

*ابي
ايوه كده عايزه كل واحده تحتفظ بيه عندها علي الكمبيوتر
ده وثيقه ياماما

ربنا يسعدكم كلكم يارب

عمرو يقول...

دعاء
العفو يا أستاذه و ربنا يهدي لك زوجك زياده عن ما هو مهدى يعنى أصل على قولك البحر يحب الزياده :)

عمرو يقول...

من غير عنوان
معقول يا باشمهندس كل ده لسه ما شلتش المراره ؟؟!!
أول مره أشوف حكيم لسه محتفظ بمرارته !!
عموما هو مش لازم شيل المراره يكون عن طريق اٍستئصالها من الجسم و لكن غالبا بتستأصل معنويا من كتر ما فيه عكوسات و سخافات فى الحياه علينا أن نتحملها ..

عمرو يقول...

الازهرى
بالنسبه لموضوع الاٍقتباس اللى المفروض يكون قبل مش بعد .. معلش بقى مش مشكله أنا و البرنسيس شمس يعنى اللى فى جيبى فى جيبى و اللى فى جيبها برضو فى جيبى :))

عمرو يقول...

Eno
أشكرك على اٍطرائك بالنسبه للترجمه و التعليقات بس مش عاوزين نفطس لو سمحتى عاوزين نضحك بس :)

عمرو يقول...

princess
متشكر اٍن البوست عجبك ..
عاوز أقول لك اٍن مش كل الرجال بيعتبروا اٍن التعبير عن مشاعرهم ضعف و لكن الأغلب اٍنهم بيبقوا مش عارفين الطريقه المناسبه للتعبير عن هذه المشاعر و ده بيرجع لأمور عديده مش مجال مناقشتها دلوقتى بس أهم بسبب فى رأيى هو اللهاث خلف لقمة العيش اللى بقت صعبه جدا و اللى ماخلتش فرصه للرجل أنه يعيش مشاعر جميله و لا حلوه لأنه أصلا منهك جسديا و معنويا و نفسيا و صحيا و آدميا يعنى من الآخر محطم ..

عمرو يقول...

الازهرى
بغض النظر عن الكرم الشرقاوى ما أنا شئت أم أبيت لازم أوافق يا أزهرى :))

عمرو يقول...

مونى الشريف
سعيد لأن البوست عجبك :)
العفو ..

عمرو يقول...

أمبارح كان عمرى عشرين
العفو و أتمنى تكون مفيده يعنى مش كلها لكن اللى يقدر يعملها أو يعمل شىء مقارب لها يبقى كويس و نتيجه هايله .. بس فين اللى يعملها بقى ؟؟ :)

عمرو يقول...

حواء
معلش يا مدام حواء أنا مافهمتش المثل اللى بتضربيه لشمس !!
يعنى هل تأكدتى أن جوزك على علاقه بواحده تانيه غير اللى قال لك عليها ؟؟ و هل الواحده التانيه دى تبقى أختك و لا تقصدى صديقه مقربه ليكى فى منزلة أختك ؟؟
يعنى معلش أرجو توضحى شويه لو تسمحى ..

عمرو يقول...

نهر الحب
أشكرك لأن البوست عجبك :)

عمرو يقول...

صبرنى يا رب
تسلمى يا أم خالد و عشتى :)
بس هى مش حكاية حجج هى حكاية اٍن غالبية الناس ما تعرفش أصلا أنه اٍظهار الحب و الموده شىء ضرورى و لازم و موجود بس بيبقى مستخبى خلف تفاصيل الحياه اليوميه ..

عمرو يقول...

assafo anaroze
عشت يا صديقى و دمت بكل خير :)
فعلا الأفكار هايله بس الأهول منها بقى تنفيذها !!

عمرو يقول...

mostafa rayan
أشكرك يا عزيزى على التحيه و لك منى مثلها و أكثر :)

عمرو يقول...

Appy
عشتى و سلمتى من كل شر .. ربنا يسعدك و يحقق لك كل ما تتمنيه :)

مصطفى ريان يقول...

استاذ عمرو
اكيد الحيلة رقم 19 انك تبوسها فى الشارع او تعمل معاها غراميات فى مكان رومانسى وطلق وساعتها طبعا هنتاخدانا وهى فعل فاضح فى الطريق العام وياعالم هنخرج امتى او هل الظابط هيصدق انها مراتى ومش بعيد هنتحول على الخانكة.... صح؟
انا بس بفكر فى 19دي
وتحياتى ليك ولشموسة

Kiara يقول...

انت شايف الدنيا فحلقي ليه ياابن منطقتي

والله لو الاتنين من جواهم فعلا صافين هيعملوا اكتر من البوست

اما بقي اللي عايشين في حرب نفسيه وكل همهم اكل وشرب ودخلوا الطاحونه انسي انهم يعملوا بند من البنود

tarek momen يقول...

يامثبت العقل والدين يا رب
ده مين اللي عنده صبر بعمل بالنصايح دي وال حتي نصها او ربعها
بقول ايه انا هاقوم انام علشان عندي بكرة شغل
تصبحوا علي خير

إيمان هلال يقول...

ههههههههههه

تحفه


http://www.kot-cha.blogspot.com/

Kiara يقول...

حواء

******

عارفه ان مهما اقول كلام انتي بجد في معاناه

بس هو كان مع اختك اختك اللي يعني بنت مامتك وباباكي واللي مكتوبه في البطاقة العائلية يعني

ولا صحبتك اللي في مثابة اكتر من اختك

يعني هو مين فيهم بالضبط

انا دماغي ضربت من الذهول بجد

شمس النهار يقول...

*عمرو
اهلا اهلا اخيرا جيت

نورت المدونه

شمس النهار يقول...

*مصطفي ريان
انت بتنكش في ايه يادرش
يعني انت عملت كل دول وبدور علي اللي هيسجنك :)

عموما انا مااعرفوش بس اكيد عمرو هيرد عليك

شمس النهار يقول...

*طارق مؤمن
هتنام قبل ماتصلي العشاء ياحاج
طب ايه رأييك انا هبعت البوست ده للمدام
وعايزه اتفرج بقا هيحصل ايه

شمس النهار يقول...

*اعقل مجنونه
اهلا بيكي في اول زياره للمدونه
والحقيقه زرت مدونتك لاقيتها جميله جدا
واخر بوست حقيقي عجبني جدا
مكتوب حلو وبمشاعر لطيفه

مستنياكي لما تخلصي امتحانات ربنا معاكي انت واللي زيك

قيس بن الملووووح يقول...

الدال علي فعل الخير كفاعله
تحياتي

شمس النهار يقول...

*قيس بن الملووووح
اهلا بيك

طمنتني يعني عمرو وانا اخدنا ثواب

الحمد لله

دعواتكم بقا

ريمان يقول...

هههههههههههه


السلام عليكم

ده ايه الحيل الجامده دى

طب بجد تحفه تحفه يعنى

يا ريت منها الف

هههههههههههههه


تحياتى ليكى

على فكره سعيده اوى بزيارتى هنا وجميل بجد البوست

وسعيده اكتر ان خواطرى عجبتك واستمتعتى بيها

يا رب دايما


تحياتى

ابو بدر الدين يقول...

سلام الله عليكم ورحمته وبركاته
والله احنا لنا في رسولنا صلى الله عليه وسلم خير قدوة
اخبرنا النبي صلى الله عليه وسلم
بأن خير الناس خيرهم لأهله
وكان صلى الله عليه وسلم الخير الى اهله
وانا على طول بئول ان
حب واحترام + طاعة لله = حياة سعيدة بإذن الله
وعلى فكرة احب ابشر الزوجات الحاجات دي كلها في ناس كتير بتعمل حاجات منها كتير
بس طبعا كلهم عارفين ظروف الحياة ومشاكلها مش على طول بتكون الظروف بتسمح
والمستحيل ان الانسان يعيش على طول كده سعيد بدون مشاكل
هي الحياة كده لازم نعيشها بحلوها ومرها
ولكن بردو ابشركم ان كتير من الحاجات دي بتتعمل
بس اقول للزوجات ان الزوجة بسطارتها تقدر تخلي زوجها يعمل اكتر من كده كمان
المهم انا طولت عليكم
سلا ل ل ل ل م م م م م م

مصطفى يان يقول...

شموسة العزيزة
انا مش بنكش بفكر بس مع الراجل
وعلى العموم مستين رده
تحياتىىىىىىىىىىىىىىىىىىىىىىى

جلال كمال الجربانى يقول...

السلام عليكم

بصراحه .. تهانينا لفكره عرض هذه الحيل
ومعظمها يمكن تطبيقه
وجزاكِ الله خيراً على النقل
فبعض النقل .. حميد ومفيد
ويدعم وجهه النظر

ودمتِ فى أمان الله وحفظه

حماده زيدان يقول...

يفتح باب بيت المدونين ذراعيه لكل الموهبين في :
1/ القصة القصيرة
2/ الشعر بشتى أنواعه
3/ الرواية “رواية سنوية سنقوم بنشرها في الجريدة”
4/ المقال الصحفي
إذا وجدت في نفسك القدرة على المشاركة أرجوا التواصل معي على الميل التالي
arabicsabah@yahoo.com
أرجوا إرسال مواضيعكم لأختيار الأفضل لنشره العدد القادم
أرجوا ارفاق الاعمال في ملف ورود
لمزيد من المعلومات بادروا بالاشتراك في الجروب الرسمي للجريدة
http://www.facebook.com/inbox/readmessage.php?t=1069922064069&f=1&e=-12#/group.php?gid=78080770039

سمكه واحده يقول...

في بلدنا!
في شعبنا!
لالالالالالا والف لا
انا بقي متشائمه ايه رأيك بقي؟
مين فاضي للرومانسيه دي

ده تلاقي الراجل من دول بكرش وصوته ينرفز ويقولك بلاش كلام فارغ فين الاكل؟

وتلاقي الست من دول تقولك ونبي انتوا ريقين قوي اوعوا كده اشوف الهم اللي ورايا بلا هم اه يانا يانا اه

بس انتي نسيتي انه يجبلها لقمه القاضي دي مهمه جدا

بس تعرفي اكتر حاجه عجبتني رغم ان في حاجات كتير جميله بس اللي لفت انتباهي انه يأكلها ويقشرلها الحاجه ويأكلها بأيده ويهتم بالحاجات اللي بتحبها خصوص الاكل والشيكولاتات والحاجات الحلوه لان اي ست في الدنيا بتحب تحس انها طفله وعايزه ديما تدلع وتتعامل علي انها طفله
خاتشي كميله انتي اي ست في الدنيا كده
زي ما بقلك كده
بس بردو ده كله وهم
وكلام علي ورق مفيش تطبيق
تحياتي

لو بطـلـنا نـحـب نـمـووووت يقول...

البوست جميل جدا
والتعليقات لذيذة
تقبلى مرورى

شمس النهار يقول...

*ريمان
اهلا بيكي
الحقيقه البوست ده من اجمل البوستات اللي قريتها

والفضل لعمرو بدر مش ليه

شكرا لمجاملتك اللطيفه

شمس النهار يقول...

*ابو بدر الدين

الحمد لله ان في رجل ايد ولم يندد والا يشجب
هذه الافعال

ولو ان حضرتك كاتب بوست عن الزوجه مايبشرش بخير
بس الحقيقه لما رجعت وقريته تاني لغرابته وصدمتي
لاقيت حضرتك كاتب انه منقول
قلت الحمد لله

اكيد منقول عن زوج شرير :)

وعند حضرتك حق الزوجه هي كمان لازم تدي زوجها الحياه اللي يقدر يعمل فيها كده
يعني ماتنكدش عليه عيشته وبعد كده تقول له دلعني
ده حتي يبقا افتراء علي خلق الله

شمس النهار يقول...

*مصطفي ريان

اكيد هيرد عليك
هو بس تلاقيه مشغول في البوست الجديد
الجميل اللي نشره النهارده

شمس النهار يقول...

*واحد من العمال

الحمد لله ان البوست نال استحسانك

بس المهم التطبيق

شمس النهار يقول...

*سمكه واحده

اهلا اهلا انت فين حضرتك اصلا مختفيه

وبعدين ليه الاحباط ده
انت معانا والا علينا

حددي موقفك :)

شمس النهار يقول...

*لو بطلنا نحب نموت

ازيك اهلا بيكي

انت فين غايبه حتي عن مدونتك
وحاسه ان في حاجه مزعلاكي من ساعة البوست الاخير
انا حتي ماعلقتش ساعتها عليه
حسيته حزين جدا

يارب تكوني بخير
طمنيني عليكي

لو بطـلـنا نـحـب نـمـووووت يقول...

انا اجيت ...

صباحك عسل وسكر شموسه

اخبارك ان شاء الله تمام ؟؟

شو هذاااااااا الشغل الحلو با ستي

هو في راجل كده ...

طيب اذا في انا اختط الصغيره ياريت

واحد على الماشي

هههههههههههههههههههههههه

يسلموااااااا شموستي على سؤالك

بجد انا حالتي النفسيه تقدري اتقولي

تحت الصفر وربنا يسهل هي ايام وتعدي

وارجع زي الاول ...

يسلمواا هالايادي انت والباشا عمر

كلام جامد وحلو كتير

وياريت احصل على واحد كده<< حعيك

هههههههههههههههههههه

اشوفك على خير غاليتي

صوت من مصر يقول...

دايما لازم ادخل واسال واقول ايش هى الاخبار
عارفه انا معرفش ليه عندى حاله فنيه عاليا جدا اولا لانى اتفرجت على فيلم دكان شحاته واخرجنى من الحاله الى انا فيها وثانيا لانى هخلص امتحانات العملى بكره وفوقت من البرد الى كان عندى وجالى نزله شعبيه وعارف علاجها علاجها دوره نوم مع ازازه كوديفان ( بتاع المدمنين )
هفوق
عموما انا رجعت تانى زى ما انا فيه بضحك ومش هشيل هم تانى غير لمصر

mahasen saber يقول...

شموسه ها انا اهه واخده باللك
انا اهه بشاور اهه

طب ااقف على سلم عشان ابان

خدى دى من قلبى ليكى
وحشششششششششششششششششششششششششششششانى

قوى قوى قوى

mahasen saber يقول...

شموسه ها انا اهه واخده باللك
انا اهه بشاور اهه

طب ااقف على سلم عشان ابان

خدى دى من قلبى ليكى
وحشششششششششششششششششششششششششششششانى

قوى قوى قوى

mahasen saber يقول...

انا اغيب اغيب اغيب وارجع
الاقى مايكل ويب وعمرو حبشتكنات فلسفيه وشموسه فى بوست

اوه ماى ده انا كده هغيب علطول بئه

البوست تحفه والنصايح والحيل لو ملهاش معايا مكان اهى تنفع انصح بيها حد
ههههههههههههههه
ويا سلام عليا لما انا انصح حد سبت يغير علطول

(حلـم) يقول...

حلو جدا البوست

وفعلا مسك الختام كلام جميل جدا


شكرا

مامة مازن يقول...

اه يا عسولة انتى والاستاذ عمرو والله ما قصرتم
يعنى الحاجات دى سهل اه بس مش معقول اطلبها منه وهو بيطلع عينه كل يوم رايح جاى من محافظة لمحافظة تانيه وبياخد ساعتين رايح وزيهم جاى ومن 10 ل12 ساعة شغل حرام وكتير
بس يوم اجازته بيعملنا شاى سوا يحضر عشا للولاد الحاجات دى احسن من كل حاجة يعنى الرومانسية بكلمة بلفته طيبة بذكر محاسن الزوجة قدام اهله واهلها
الحاجات دى بتكفينى والحمد لله
بس بجد موضوع جميل جدا مقدرتش امسك نفسى من الضحك اسلوب ساخر وجميل
مشكورين مشكورين

dalia يقول...

يا عيني على الدلع
هههه والله ضحكتيني
تحياتي

أنا حر يقول...

والله كتير والله كمان مرة كتير قوي يعني كل دي حاجات نعملها للبنات ومفيش اي حاجة البنت تفتكرنا بيها ولا تعملهالنا
لينا الجنة
تحياتي

غير معرف يقول...

اشمعنا مااتكلمتيش عن الخيانه في الحب...................!!!!!!؟؟؟؟؟؟

عمرو يقول...

مصطفى ريان
معلش آسف للتأخير فى الرد عليك أصل النت معاكسنى جدا جدا ..
هو فعلا كده تخمينك صح :))
فى الهواء الطلق صح ..
أل يعنى الناس عارفين يعملوا كده بين 4 حيطان من كتر الهم و المشاكل النفسيه لما حيروحوا يعملوا كده فى الهواء الطلق :))

عمرو يقول...

لو بطلنا نحلم نموت
أشكرك أن البوست عجبك .. و الحقيقه أنه لولا الاٍنتشار الواسع لمدونة شمس النهار و كثرة زوارها كان البوست حيفضل عندى فى طى النسيان زى حاجات كتير ..
فرصه برضو أنى أشكرك يا برنسيس شمس :)

عمرو يقول...

مامة مازن
أشكرك يا سيدتى على الاٍطراء و كويس و الله أنك ضحكتى ده شىء يسعدنى جدا :)

mostafa rayan يقول...

شموسة
عرفت السر وعمرو اقر
وعملوها الوحوش
قصدي درش
هههههههه
تحياتى ومحبتى ليكي دايما

شمس النهار يقول...

*لوبطلنا نحب نموت
اهلا بيكي

وشكرا علي كلامك
نورتيني

وحاضر يافندم جاري استنساخ
كام عينه كده وهنعمل حسابك فيهم

انت تؤمري :)

شمس النهار يقول...

*صوت من مصر

دكان شحاته
اه
هيفاء وهبي ماشي ماشي

اهي حاجه تضيع تهييس الامتحانات
سلامتك الف سلامه
بس طبعا لا برد والا نزله
ده انت شفت دكان شحاته ياعم
طبعا خفيت خالص

وطالما رجعت زي الفل ومش هتشيل هم تاني
ماتشيل الميتين قصدي البوست الفظيع اللي عندك بتاع الاكتئاب اللطيف ده

ربنا يسعدك ويبارك فيك

شمس النهار يقول...

*محاسن صابر

عارفه انت فظيعه الفظيعين ياست انت
انت فين اصلا

عموما انت مش محتاجه تشاوري عشان اشوفك
عشان انا شيفاكي بقلبي ياحوريه


شفت البوست جميل ازاي

عمرو اندهش من المفاجأه

بس بزمتك ينفع الكلام ده

هتعملي ايه

انت محسساني ان بيرو في الثانويه العامه

انت حره هبعت لك انزار
مستنياكي الجمعه الجاي

شمس النهار يقول...

*حلم
اهلا بيك في اول زياره

وشكرا للمجامله اللطيفه

والصوره جميله جدا انا بحب اتفرج علي صور الاحصينه
مش عارفه جمعها كده صح والا لا
خاللي بالك هنا في عمرو حبشتكنات حامي حمي اللغه العربيه

وكل ماانزل بوست يشد في شعره منه ويقعد يصحح لي فيه والا حصة الاملاء:)

شمس النهار يقول...

*ماما مازن
اهلا بيكي في اول زياره للمدونه
وشكرا علي كلامك اللطيف

وعندك حق اي لفته صغيره من الزوج المحب بتأثر الزوجه السويه المعترفه بده

اما عمرو فهو ده اسلوبه ساخر دائما من المشاكل يتناولها بأسلوب ساخر مهما كانت كبيره

ربنا يكرمه

شمس النهار يقول...

*داليا
اهلا بيكي بعد غياب طويل
عموما انت مكتوبه غياب ايها الصحفيه الجميله

وشوفتي الدلع
طب بزمتك لو اتعمل معاكي كده هيكون رد فعلك ايه

شمس النهار يقول...

*انا حر

اهلا اهلا بجبهة المعترضين

ياسيدي ماانت لما تحاول تاخد حيلتين تلاته من دول وربنا يكرمك وتعملهم كده

اكيد اكيد هيكون في رد فعل جميل برضه
اما لو مااخدتش رد فعل بعد ده كله
هنصحك في بوست تاني انك تغير المدام علي طول:)

شمس النهار يقول...

*(((غير معرف )))

عادتا انا مابردش علي اي غير معرف مش كده وبس وبشيل التعليق كمان

واللي يعرفوني يعرفوا اني حتي مابردش علي نمره مش متسجله عندي علي الموبيل

انا بحب اعرف واشوف اللي بيكلمني

بس السؤال عجبني
وكمان لسه صديقه مدونه متكلمه معايا فيه في التليفون

شوف ياسيدي او ياستي

الخيانه

الخيانه لاتقتصر علي الحب فقط

الخيانه انواع كتيره خيانة عهد وفكر وحياة مشتركه وحب ووطن ونفس وحبيب (خيانة الحبيب غير خيانة الحب )
وخيانة الصداقه والعمل والدين والعقيده والاسره

انواع كتيره جدا

واعتقد ان الكلام عنها ماينفعش يحصر في الحب فقط ولو ان كل اللي ذكرته انواع من الحب
بس انا كنت بتكلم في الحب بين الاحباب والازواج

زي موضوع الكذب انا عملت له بوست لوحده

وذكرته كده علي الماشي في سلسلة الحب
كذلك الخيانه اشرت اليها من ضمن الثقه

بس عايزه اقول
ان اللي قلبه يطاوعه انه يكدب ويخون حبيبه في اي شئ مهما كان صغير او كبير
مااعتقدش انه حبه اصلا
اتمني اني اكون اجبت السؤال
وان شاء الله لما استأنف الكتابه تاني هعمل بوست عن الخيانه
حاضر من عينيه

شمس النهار يقول...

*عمرو
اهلا بيك ياسيدي الناس معجبه بالبوست جدا
وفي مطلب شعبي رجالي
انك زي مادلعت الستات
تعمل بوست تدلع فيه الرجاله
س:ايه اقوالك في ماهو منسوب اليك

ج:

س:انا برضه كنت عارفه انك هتوافق

***خلاص ياجماعه عمرو هيسكت الرجاله الوحشين دول وهيعمل لهم بوست

شمس النهار يقول...

*مصطفي ريان

خلاص يادرش ارتحت كده :)

شكلكم هتجيبولي البوليس لحد عندي في المدونه والا ايه :)

جارة القمر يقول...

فعلا البوست رائع ويستحق الانحناء احتراماً لكاتبه

كلماته رائعة ومميزة

شمس النهار

كيف أشكرك لوقوفك بجواري ودعائك لوالدتي

فعلا شكرا وأتمنى أن نتواصل

احترامي

شمس النهار يقول...

*جارة القمر

اهلا بيكي
وحمد الله علي سلامة ماما
ربنا كبير وحنين علي عبيده اوي
بجد فرحت اوي انها قامت بالسلامه وشكرا انك طمنتيني عليها

الحقيقه البوست لعمرو بدر انا اقتبسته اقتباسا
كده
هو فعلا كاتب جيد

صوت من مصر يقول...

المييتين اتشالوا مبروك
بس منزل بوست على كيفك ( هيفاء وكده )
اى خدمه
بمضى حضورى للمره 16565621286
فى البوست ده بس
بيس ياناس

شمس النهار يقول...

*صوت من مصر
حمد الله علي السلامه
اروح اشوف البوست الجديد

leeno يقول...

هو ايه دة بالضبط؟؟؟؟؟

بجد بجد يعني خير ختام

حاجات تفتح النفس للحب

بس المشكلة بعد ما النفس تتفتح للحب

ما فيش حاجة بتحصل

ربنا يوفق الجميع

و فعلا عاشروهن بمعروف

شمس النهار يقول...

*ليننوو
ازيك
ايوه خير ختام
وبعدين ماتتفتح نفسك ياستي مش يمكن ربنا يفرجها :)

ايوه عاشروهن بالمعروف
هو ده المعروف واوي كمان

صوت من مصر يقول...

من الاخر معرفش دخلت هنا ليه نفسى اوصل للناس انى مرتاح نفسيا قولت الناس كلها بتدل عنا وكانه بيت المدونين
انتى شمس النهار سيده قصر ( بيت المدونين ) وامى انا بكتب الكلام ده بعد ما صليت ودعيت لكل الناس مش قادر اقول كلام تانى
غير انى تمام وغير ان فعلا ربنا قريب مننا كلنا وغير انك لازم تدخلى تشوفى فيلم دكان شحاته وابراهيم الابيض والفرح لانهم بيعبروا عن واقعنا احنا ( بجد )
بمضى حضور
حد يسجل ويقول اننا هنا موجودين ياناس
الكلام مش لشمس النهار لا
للناس كلها

شمس النهار يقول...

*صوت من مصر
انت تنور المدونه في اي وقت وتكلم اللي انت عايزه
كلامك اسعدني بجد ياكيمو
خصوصا انك قلت انك صليت ودعيت
ربنا دايما موجود العبد هو اللي كتير بيبقا غايب
بس لما بيرجع وبقلبه صاحي
ربنا بيصله له علي طول
ربنا يديم عليك الصلاه والدعاء
والفرح

ان الله قادر علي اصلاح حطام قلبك فقط اعطه الحطام

مش هقول غير كده

ربنا معاك ياكيمو بس ياريت انت تفضل معاه
ربنا كبير اوي احنا اللي صغيريين اوي اوي وكمان بنغلط
ومع كده لما بنرجع بيسامح ويغفر
هو كده ربنا كتب علي نفسه الرحمه ووعد بيها عبده العائد

Sweet Violet يقول...

صوت من مصر

اسجل حضوووووور انا كمان و اقول انا هنا اهو (:

بجد بجد مبسوطة قوووى من تعليقك و انك الحمدلله بقيت كويس

لان فى بعض التعليقات ليك بشوفها كانت بتقول انك حزين قوووى

و الحمدلله ان الحزن ده فعلا راح من عندك

و فرحت اكتر لما قولت انه راح بعد ماصليت و دعيت

ويارب تفضل كده على طوووول

و لو فى يوم الحزن حاول فى الخباثة يدخل جواك افتكر

قول رسول صلي الله عليه وسلم " أرحنا بيها يا بلال "

وأقوم اتوضأ و صلي و ادعي لربنا و اشكي له

وقتها الحزن بيلف و يرجع تانى لمكانه و يبعد عنك
"أسال مجرب ^_^ "

ربنا يديم عليك الراحة و السعادة و يديم عليك نعمة القرب منه

Israa El-sakka يقول...

ههههه
عزيزتي شمس النهار بعد الضحك حعلق
*- الحيله ال 32: أشترى عزيزى الزوج مخدتين محشيين بالريش و أعمل فتحه فى كل مخده و أفتعل مع المدام خناقه على سبب هايف و أضربها بالمخده كده ضربة دلع يعنى تروح هى كمان مستعمله المخده فى الخناقه و تلاقوا الريش ملا المكان و بيطير من حواليكم فتروحوا ضاحكين و الباقى بقى كل واحد و شطارته ..


شايفة دي ~أنا قرتها يشترلها قرشين محشيشين ههههه
إيه النصايح دي بس هي حلوة بس عاوزة ناس رايقين يعني وكده لكن عم أحمد البواب حتقلوا سرب العيال عند قرايبك ده تلاقي قرايبوا عايشين عنده لأنه عايش في أمله ..ههه أنا حعرض النصايح دي لبابا أما نشوف حيحصل فيه ..غالبا في شباشب حتترمى و دم ما يتلم
تحياتي و أتمنى دوام التواصل

طوبه فضه وطوبه دهب يقول...

بجد البوست دا تحفه تسلم ايدك وايد استاذ عمرو بس تفتكرى فيه رومانسيه كدا ياريت دا الواحد يحب الحياه اوى ديما مميزه يا اجمل شموسه باجمل موضوعات واسفه على تقصيرى يا قمر اعذرينى

شمس النهار يقول...

*اسراء السقا
اهلا بيكي في اول زياره للمدونه
وشكرا علي كلامك اللطيف
وبعدين مش ممكن انتي خاليتيني مت من الضحك حد هيشتري لمراته قرشين حشيش
يانهار ابيض انت مهيسه من الامتحانات والا ايه يابنتي:)
مخدتين ريش
وعلي رأي ازهري بعد مايعملوا كده يدبوا خناقه مين هينظف المكان:)

بواب مين ياابله ده في بانيو وعربيه
دي نصايح للناس المرفهه
ولو ان اللفته الحلوه مش محتاجه لامال والا حاجه
محتاجه قلب بيحب بجد وعايز يسعد حبيبه
يعني الابن او البنت اللي تيجي كده من غير مناسبه وتبوس مامتها قد ايه بتفرح وكمان بتدعي لها

نرجع للريش

كمان عايزه تورطي السيد الوالد معانا
طيب احنا جاهزين بالرقم القومي لو احتجتي اي مساعده في قسم البوليس فرع الريش

بابا يااسراء عايزه تقولي لبابا
طب خليها بعد الامتحانات
خاللي الدنيا ماشيه زي ماهي اليومين دول

شمس النهار يقول...

*طوبه دهب وطوبه فضه
ازيك وعامله ايه وحشتيني
يادكتورتنا الغاليه
ياتري الشغل عامل ايه اليومين دول
قلبي عندك خاللي بالك من نفسك

هتعدي ان شاء الله

بالنسبه للبوست زي ماانتي شايفه لطشاه من عمرو الغلبان
والحقيقه هو مااتكلمش سكت تقريبا غلب قال ماهي اخدته اخدته
خاليها جميله بقا

وصدقيني دي مش رومانسيه علي قد ماهي اهتمام انك تسعدي الطرف الاخر

ربنا معاكي ابقي طمنيني عليكي:)

عمرو يقول...

جارة القمر
أشكرك جدا .. ما عملتش أكتر من أنى ترجمته عن الاٍنجليزيه و أضفت عليه شوية تعليقات كده من بتاعت المصريين :)
أشكرك و تقبلى تحيانى ..

عمرو يقول...

اٍسراء السقا
:))
لا يعنى مش لدرجة قرشين حشيش :))
ده يبقى كده بوست تانى خاااالص ممكن برض نناقش فيه الموضوع و يبقى بعنوان : الهشاشه و البشاشه مع مراتك الحشاشه :))
بس لو مش متأكده من رد فعل باباكى بلاش تعرضى عليه النصائج دى !!
تحياتى ..

عمرو يقول...
أزال المؤلف هذا التعليق.
عمرو يقول...

طوبة ذهب و طوبة فضة
أشكرك على الاٍطراء و مبسوط اٍن البوست عجبك ..
تقبلى تحياتى و تقديرى ..

اقصوصه يقول...

انا اقول كونوا واقعيين :)

نكهة مغربية يقول...

شموسة يا حبيبتي أنا رديت عليكي خشي شوفي الرد

تسلمي يا قمر على الكلام الجميل

شمس النهار يقول...

*اقصوصه
اهلا بيكي
مادي قمة الواقعيه اهو :)
بلونات وريش نعام وحاجات جميله
الراجل ماطلعش القمر والا حاجه
خاليكي متفائله شويه

شمس النهار يقول...

*نكهة مغربيه
الله يسلمك
بس انا مش لاقيه البوست ده اصلا
هروح ادور تاني
نورتيني

شمس النهار يقول...

*صوت من مصر
انت عايزني اغير البوست ليه
ماهو جميل والناس بتضحك
انت عايز بوست نكد والاحاجه

Kiara يقول...

ههههههههههههههههههههههههههههه


انا فرحانه ياشموستي اقري اخر بوست عندي قبل اما تنامي

الجواز و سنينه يقول...

تصدقى انا قربت احب مايك لده
ايه حرقت الدم دى
راحل ده و لا مش راجل
عارفه احلى من الحركات دى كلها
انها تكون طالعه من القلب مش مجرد واجب و خلاص
بس مايكل ده مايكل فعلا و لا مايكله
ده زى ما يكون كان انثى سابقا

صوت من مصر يقول...

انا راجع تانى بمضى واقول انا نت فى يوم
اخدت كلام ولا كانى حمار سرق شبشب فى جامع
كياره وسويت فايلوت
ومامتى وامنا كلنا الى عرفت انها ام بجد
شموس وكمان الازهرى الشاب الجميل شخصيا ( يعنى مش روميوه ههههههههههههههههه)
نورونى جميعا بكلماتهم

شمس النهار يقول...

*الجواز وسنينه

بجد تعليقك ضحكني
ايوه هو ميكل ده ونعم الميكله والجنتله


لا هو ماكانش انثي قبل كده بس هو حب وعايز يرضي حبيبته
اهو كتر خيره بيصحصح الخلق اللي نايمه حدانا

(حلـم) يقول...

حبيت اسلم علي شمس النهار والمودة والطيبة انتي رائعة كما انتي..حلم..

ابراهيم رزق يقول...

ههههههههههههههههههه

لا مش هلعب

ده لو الواحد متجوز خليط من بريتنى سبيرز و باريس هيلتون و جيسكا بيل و كيت وينسلت
و ليلى علوى و غادة تاتو و يسرا و كمان ستو فيفى مش هاعمل كدة

ده انا بوكيه ورد وسطى اتقطم و جالى انزلاق غضروفى
الراجل ده بيستبهل اه بيستهبل صحيح

تحياتى