الثلاثاء، 16 يونيو، 2009

تاج منكم وورده مني

تحديث:زوروا مدونة دعاء طلبه طلب جميل جدا
*********

من أنت ؟ وما الذى تفعله هنا ؟


انا شمس النهار
هنا (اعتقد البلوجر) بأحاول اتواصل مع اصدقاء اصبحنا مع الوقت عائله واحده
إسرائيل تقصف كل جنوب ممكن بحثا عنك ، أى شمال ستقصد؟

اشمعني انا يعني :) بس ماشي نتمشي بقى في شمال امريكا شويه علي فلسطين المحتله شويه وعلي كيفي ادخل المستعمرات اليهوديه اطلع من مفاعل انا حره
اديني باتمشي وهمه بيضربوا في نفسهم نيران صديقه يعني:)


أنت مكلف بحذف حرف من حروف اللغة العربية .. أيها ستختار ولماذا ؟

انا احذف حرف من حروف اللغه العربيه ؟ لسه هحذف ؟ ماانا اصلا حذفاها كلها والحمد لله ايه ماحدش بيقرا اللي بأكتبه والا ايه
انا ولا فخر عملت كوكتيل بين اللغه العربيه والهنديه
وبيشتكوا مني في المجمع بتاع اللغه العربيه
لو قدر لك أن تدخل السجن فما هي القضية التي تتمنى ان تدخل بها ؟
لا الحقيقه انا عندي هوايات كتير بس مش من ضمنها دخول السجن
لا مش هنفع هناك
ممكن نغير السؤال ده:)


منذ متى اكتشفت نفسك؟
اكيد الانسان بيطلع مع نفسه فاهمها وفاهم ممكن يعمل ايه ومايعملش ايه ويستحمل ايه ومايستحملش ايه
كل واحد عارف نفسه طبعا من غير موعد محدد

على مفترق طريق لافتتان ، اليمنى تقول ( إلى حلمك ) واليسرى تقول: ( إلى مالم يحلم به البشر ) ، أي الطرق ستسلك ؟

لو مالايحلم به بشر ده الجنه يبقا مش عايزه سؤال
لكن لو الجنه خارج الموضوع وده اكيد
مش هروح يمين والا شمال انا بأحب احلم واللي كاتبه ربنا انا راضيه بيه اتحقق حلمي جميل جت حاجه تانيه يبقا اكيد هي الاحسن عشان ربنا قدرها لي

نحن لا نعيش حياتنا بل نتعلم فيها كيف نعيش ما تعليقك؟
ادينا بنعيشها بكل تفاصيلها وبنعلم وبنتعلم يعني كده عايشين كده عايشين

بجملة واحدة فقط أكتب تعريفاً لكل كلمة من الكلمات التالية

الوطن : حضن مصر وحضن الحبيب الصح!!!!!!!!

الأم:الحب والحنان والامان

الليل: الهدوء والصديق والتأمل والروقان

الحب: كده وصال ودلال ورضا وخصام واهو من ده و ده الحب كده

أمريكا:ما طار طير وارتفع الا كما طار وقع

المرأة:نصف المجتمع والحلو كمان (حد عنده اعتراض)

الصمت:اخيرا وجدت انه الحل مهما كان التمن

الانترنت:البيت اللي مجمعنا كلنا

أخترمنصباً واتخذ قرارا ؟
الحقيقه انا مش بأحب المناصب
.
قيس، عنترة، جميل، هم الذين يقولون شعرا، وليلى وعبلة وعزة «صموت» لماذا هذا التغييب ؟
مين اللي قال ان صمتهم كان تغييب ده ذكاء المرأه
ماهو لو كانوا اتكلموا وردوا عليهم ماكنش وصلنا الشعر الجميل ده

أن تكون مطلوبا لارتكابك جريمة ، خير لك من ألا تكون مطلوباً مطلقاً " ، هل تتفق مع هذه العبارة ؟ علل
ايه التاج الغريب ده كل شويه سجن هو انا قاعده في القسم والا ايه
لا مش بأحب اني اكون مطلوبه لا في جريمه والا غيره (يانهار ابيض انا وجريمه)

إلى أين تمضي كلمات الحب .. بعد أن نقولها؟
اكيد السؤال ده يوجه للي بيسمعها بعد ما بيسمعها بيعمل بيها ايه:):)

هل تجد علاقة بشكل أو بآخر بين المرأة وقطاع الطرق
طبعا هي اللي مخلفاهم. يعني جم منين ؟

هذا فراق بيني وبينك .. متى ولمن تقولها ؟
لكل من تسول له نفسه ان يخون وطبعا احنا عرفنا انواع الخيانه يعني مش شرط يكون زوج او حبيب ممكن صديقه, صاحب سوبر ماركت بيغش ,محل البان بيغش اللبن
اهو اي خاين

.كيف هو غداً ؟
ان شاء الله احلى واجمل

اخيرا خلاص
طيب جميل
الحمد لله ده اول تاج جاني ان شاء الله هجاوب باقي التيجان ورا بعض

هناك 84 تعليقًا:

عمرو يقول...

صباح الخير يا برنسيس :)
التاج لطيف و اٍجاباتك لطيفه و مقنعه ..
و بصفتى دارس للغه العربيه بأرجوكى تلاقى حل لكوكتيل اللغه العربيه و اللغه الهنديه اللى هو أساسا حاجه عجيبه ماشفتهاش قبل كده !! عموما ما تقلقيش أنا عارف الحل أيه :))
تقبلى تقديرى و تحياتى و يبدو اٍن عندك تيجان كتير .. طبعا مش برنسيس ..

دعاء يقول...

لا بجد دمك خفيف و ردودك لذيذة
ربنا يكرمك يا رب

د. ياسر عمر عبد الفتاح يقول...

السلام عليكم
ازاي حضرتك عاملة إيه؟

غيه الإحابات الجميلة دي ..؟
أنا لو عليا أدي حضرتك 10 من 10
ونجمة كمان

Sweet Violet يقول...

اجابة نيران صديقة جااامدة بجد ^_^

اجابتك كلها جميلة ياشموستى

و الورد رااائع ماشاء الله

^_^

صوت من مصر يقول...

احمدك يارب لحقت فى الاوائل

صوت من مصر يقول...

بجد اجاباتك بتعبر عن شخصيه وهى
مسالمه جدا وطيبه وام حنون وكل الميزات الطيبه
بس فعلا التاج ده غريب جدا مفمتش منه اى حاجه عند ناس كتير
وسيبك انتى
مفي احلى من اجابه واحده العلاقه بين المراه وقطاع الطرق ؟
بجد نورتى المحكمه

هبه يقول...

اجاباتك كلها حلوه يا ماما شمسو باين عليكى انسانه جميله و ام حنينه......
انا حبيتك لمه قريت بوستاتك كلها.......
ربنا يكرمك......

ذو الوجه المبتسم يقول...

السلام عليكم

ردودك كلها لذيذة
اكيد كنتى مبتسمة وانتى بتجاوبي
صح

تقبلى تحياتى

حواء يقول...

ازيك ياشموسه
ردودك جميله
واجمل رد عجبني بتاع قطاع الطرق وعلاقتهم بالمرأه
بصراحه موت من الضحك

تحياتي

romansy يقول...

صباح الخير يا شموسه
التاجات دى مش بتكون غير لاميرات
تستاهلى اكتر من تاج يا شموسه
عاوزين نقرى باقى التاجات بقى

حواء يقول...
أزال المؤلف هذا التعليق.
Eno يقول...

السلام عليكم ازيك ياشموسه

التاج غريب اووي بس اجاباتك عليه دمها خفيف جدا وبجد حلوه اوووووووووي :)

هنستنا الباقي :)

تحياتي:)

عاشقة الأحزان يقول...

السلام عليكم

شموسه الجميله
احلى صباح على عيونك ياقمرايا

بجد جميل قووى اجاباتك على التاج

دايمآ يارب فى رقى واحسن حال

انوسه

عاشقه الرومانسيه يقول...

الاجابات كلها جميله ياشموستى
واجمل سؤال اجابته عجبتنى هو ده
أنت مكلف بحذف حرف من حروف اللغة العربية .. أيها ستختار ولماذا ؟
بصراحه ضحكت عليه كتييييييييير
ربنا يبارك لنا فيكى ياقمر المدونات
اموووووووووووووه

اللؤلؤة يقول...

السلام عليكم
إجابات على أسئلة التاج رائعة تنم عن شخصية متواضعة مسالمة تحب كل الناس
تقبلِ مرورى

yoyo يقول...

صباحك سكر يا شموسة

عجبتنى اوى اجابتك اللى من خلالها عرفت اد ايه انتى انسانة طيبة و شخصية جميلة بجد

حلو الترابط بين المراة و قطاع الطرق دا
هههههههههههه اجابة ذكية و الله
اجابات كلها خفة دم
انا فى انتظار باقى التاجات ان شاء الله
عشان اعرف اكتر واكتر عن شخصيتك الجميلة
دمتى بالف خير وصحة
تحياتى
يويو

ABOALI يقول...

جميل تاج السجون وقطاع الطرق ده

وتحسى كده انه كله ضرب

بس احلى حاجة من الاجابات حسيت فيها بالحرفنة والمهارة
باءعتبارى راجل بتاع مهارات يعنى
(وش برىء)

كان سؤال علاقة المراة وقطاع الطرق

كانت اجابته رائعة وضحكت جداااااااامنها لاءنها مبتكرة وهايلة

عموما اعانك الله على التاج وجعل لك تاج صلاح ان شاء الله

تحياتى

شموع يقول...

السلام عليكم
إجابات حضرتك على أسئلة التاج مقنعة وبتحليل بسيط لشخصية حضرتك إنسانه وديعة مسالمة متفائلة حنونة
تقبل مرورى

Appy يقول...

اكتر حاجه بتاعت مجمع اللغه العربيه اللى اشتكاكى ده
ممكن تشوفى اسمى جنبك

أنا حر يقول...

تاج لذيذ وحلو كتير قربنا منك اكتر
اتمنالك حياة سعيدة
تحياتي

7annen يقول...

مدونتك دمها خفيف زيك وبجد انتى عسل

ربنا يخليك

خالص تحياتى

حنين

كيــــــــــــارا يقول...

اجابات في الجووووووووون ياشموستي

rovy يقول...

السلام عليكم
ازيك يا شمس ؟؟
التاج الصعب ده اول تاج .. !! كده انتى بطله بجد ..
التاج صحيح صعب و اسئلته غلسه شويتين
لكن اجاباتك بجد دمها خفيف و ظريفه جدا ..
مبروك عليكى اول تاج يا قمر و مبروك علينا المتوجه به ..

دمتى بكل الخير
ارق تحياتى

بسنت صلاح الدين يقول...

ايه التاج العسل ده طبعا ماهو رايح للعسل كله،اجابتك حلوه اوى و رقيقه كالعاده

MaNoOoSh يقول...

اجاباتك راااااااائعة يا شموسة

وانا كمان اعجبت جدااااا بردك على العلاقة بين المرأة وقاطع الطريق
يعني صحيح يعني هيكون اتولد لوحده
هههههههههههههههه


ربنا يخليكي ويديكي الصحة والعافية يا قمر

قوس قزح يقول...

عجبنى اجاباتك :)
خصوصا الرد على التعريفات
كل تاج و انتى طيبة

تحياتى

kmt يقول...

السلام عليكم ورحمة الله وبركاته

ايه التاج الصعب ده
لا بجد
دا صعب اوي
ربنا معاكي بقى في الباقي

تحياتي
الى اللقاء

ادم المصرى يقول...

ردودك جميييييييييييييله موووووووووووت

ولزيزه اوى

ودمك شربااااااااااااات ههههههههههههههههههههههه

انا ودماغي يقول...

ههههههههههههههههههههههههههههههههههههههههههههههههههههههههههههههههههههه

و الله ضحكتينى أوى
و عجبنى أوى رد بتاع:
أنا عندى هويات كتيرة بس مش منها انى ادخل السجن

هههههههههههههههههههههههههههههه

من غير عنـــوان يقول...

الحق الحق

انا لو جالي البوست ده.. أنا يمكن ما أردش

مش مترتب ومش مقنع

مع إحترامي لمن أرسله

إلا إنه غير متسلسل...

عموما إجاباتك قوية

أمنياتي

Foxology يقول...

ردود جميلة مقنعة :)

تحياتى :)

ماما أمولة يقول...

جميلة يا شموسة

تلقائية غير متكلفة

مؤمنة بالقضاء والقدر

خفيفة الروح

ربنا يصلح حالك

hager za3bal يقول...

ههههههههههه

تاج دمه خفيف اوي :))

أحــوال الهـوي يقول...

انا فايت اسلم و اشكر حضرتك علي االسؤال وان اراد الرحمن سوف ارجع لاهلي و اصدقائي في المدونات
و باستأذن صاحبة المعالي بالعوده

تحياتي

صبرني يارب يقول...

لو روحتي الجنيه يا برنسيس خودينى معاكي

هههههههههههههههه

وحشاني والله

tarek momen يقول...

اجابات قويةو ملعوبة في الجون
زي اجوان مصر في البرازيل
بس حكاية المرأة وقطاع الطرق
اعتقد ان هي اللي معلماهم
مابتشوفيش المرأة بتقطع الطريق علي خطيبها او جوزها لو فكر يبص كدة و ل كدة
وكمان بتنفض جيوبه اول باول
يامامادي مدرسة بيتعلموا منها
تحياتي

شمس النهار يقول...

*عمرو
اهلا بيك دايما منور في اول تعليق

مبروك تاني علي اللجنه وان الحمد لله الموضوع كده خلاص ريحت دماغك

كده بتتريق علي لغتي الهندوعربيه:)
واهو انت معترف انك ماشفتهاش قبل كده:)

ايه هو الحل والا سر!!!؟؟

شمس النهار يقول...

*دعاء
اهلا بيكي
شكرا علي كلامك اللطيف
انت كمان بوستك الاخير جميل جدا وحطيت اللينك عندي:)

شمس النهار يقول...

*د/ياسر عمر عبد الفتاح
وعليكم السلام
الحمد لله بخير
انت ازيك يارب تكون بخير والامتحانات تمام ان شاء الله

وشكرا علي التقدير الجميل بس لو سمحت انا عايزه النجمه :)

شمس النهار يقول...

*سويت فيوليت
ازيك

شكرا علي كلامك اللطيف

اخبار الخناقه اللي عندك في المدونه ايه
مش سامعه اسعاف والا حاجه يعني

شمس النهار يقول...

*صوت من مصر
اهلا اهلا
ازيك انت فين مش باين مش خلصت امتحانات والا ايه
وفين الروايه ياريس

الحقيقه هو تاج رخم تحس ان اللي كاتبه قاعد في امن الدوله او عند حماته:)

شمس النهار يقول...

*هبه
شكرا علي كلامك
واهتمامك انك تقري المدونه كلها
وجميل انها عجبتك

شمس النهار يقول...

*ذو الوجه المبتسم
شكرا لك
الحقيقه انا كنت بجاوب وانا متغاظه جدا
عشان تاج رخم
بس اعمل ايه جاني هديه من اكتر من صديق وصديقه وبصراحه
انا حبيت اتحدي رخامت التاج

ماهو الرخم لما تتحداه ينقلب الموضوع كوميدي:)
المهم ان الاجابات عجبتك
نورت

شمس النهار يقول...

*حواء
اهلا بيكي
بصراحه السؤال ده رخم رخامه مش ممكن هو بيهدف التريقه علي المراه عشان الرجاله يصولوا ويجولوا
بس علي مين:)

شمس النهار يقول...

*رومانسي

ازيك

شكرا علي مجاملتك اللطيفه
وان شاء الله هكمل التيجان

شمس النهار يقول...

اينو

ازيك عامله ايه

فعلا هو تاج غريب عشان كده ماريضتش اهديه لحد خالص

شكرا علي رقيق كلامك
وان شاء الله هجاوب تاجك بس اخر واحد عشان يبقي مسك الختام

شمس النهار يقول...

*عاشقة الاحزان

شكرا علي رقيق كلامك
وربنا يكرمك

شمس النهار يقول...

*عاشقة الرومانسيه

ازيك عامله ايه

طبعا انت من الناس اللي بتشدي في شعرك من لغتي الهندوعربيه

انت اللي قمر الشاعرات

شمس النهار يقول...

*اللؤلؤه
شكرا لحضرتك
حاولت ارد علي قد ربنا ماقدرني

شمس النهار يقول...

*يويو
صباحك جميل ان شاء الله
شكرا علي كلامك اللطيف
ربنا يكرمك
وان شاء الله نكمل باقي التيجان علي خير

شمس النهار يقول...

*ابو علي
عندك حق
تحس ان اللي كاتبه من المافيا
صحيح هو مين اللي بيألف التيجان دي
وبتدخل البلوجر ازاي

نورت

شمس النهار يقول...

*شموع
اهلا بيكي في اول زياره للمدونه

وشكرا علي كلامك اللطيف

شمس النهار يقول...

*ابي
طبعا انت وانا حازفين حروف اللغه العربيه كلها
هو يعني احنا بيهمنا
هو يعني عشان مالناش في اللغه العربيه نحرم الشعب البلوجاري من ابداعاتنا اللغويه
لا طبعا وبعدين حلو كده عشان الكلام يحمل اكتر من معني
خالليكي نبيها

شمس النهار يقول...

*انا حر

شكرا لك
فعلا التيجان بتعرفنا اكتر علي بعض

شمس النهار يقول...

حنين
اهلا بيكي في اول زياره
وعلي فكره اسم مدونتك جميل جدا

شكرا علي الزياره والمجامله

شمس النهار يقول...

*كيااااااارا
ازيك

شكرا علي الجووووون:)

انت عامله ايه

شمس النهار يقول...

*روفي
ازيك انت عامله ايه انا الحمد لله
فعلا التاج غريب جدا جدا

ان شاء الله الباقي يعجبكم
نورتي

شمس النهار يقول...

*بسنت صلاح الدين
اهلا بيكي
شكرا علي كلامك اللطيف

اخبارك ايه

شمس النهار يقول...

*مانوش
اهلا بيكي
عارفه السؤال ده خصوصا نرفزني جدا
عشان هو تركايه كده للتريقه علي المراه اللي هي اساسا مخلفه اللي كاتب البوست
:)
نورتي

شمس النهار يقول...

*قوس قزح
اهلا بيكي
ازيك

وربنا مايوقعك في تاج
والا يغلب لك اجابه

البؤؤؤؤؤجه

شمس النهار يقول...

*كيمت
ازيك
هو فعلا كان صعب بس اول ماابتديت حسيت ان الاجابات بتيجي ورا بعضها
بس اللي جايين الطف واسهل

شمس النهار يقول...

*ادم المصري

شكرا لك علي المجامله:)

شمس النهار يقول...

*انا ودماغي

اهلا اهلا ازيك خلاص الامتحانات خلصت والا ايه
يارب بالتوفيق

تصوري كده ان شموسه بدل ماتصييف في الساحل مثلا تصييف في السجن
ده كلام برضه يادماغي:)

شمس النهار يقول...

*من غير عنوان
عند حضرتك حق

هو مش ذنب اللي ارسله هو ذنب اللي كتبه

بس اديني جاوبت والا همني
تاج يفوت والا حد يموت

شمس النهار يقول...

*فوكسلوجيا
شكرا لك
وان شاء الله اجاوب التاج اللي اهديتهوني انت واينو بس في الاخر يكون مسك الختام

شمس النهار يقول...

*ماما اموله

اهلا بيكي
نورتي المدونه
شكرا علي مجاملتك اللطيفه

شمس النهار يقول...

*هاجر

اهلا بيكي
:)
شكرا علي الزياره
نورتي

شمس النهار يقول...

*احوال الهوي

اهلا وسهلا

حضرتك تنور البلوجر
وتعود بالسلامه

وان شاء الله لاتغيب مره اخري:)

شمس النهار يقول...

*صبرني يارب

تقصدي الجنيه والا الجنه
انت هتنفسيني في حذف حروف اللغه العربيه

انت كمان وحشاني

شمس النهار يقول...

*طارق مؤمن
اهلا ياحاج
ايه موضوع الجون اللي ماشي في البلوجر ده
ده بمناسبة التلات تجوان اللي جبناهم في البرازيل

طبعا تصدق كنت عارفه ان السطريين دول بالذات هيعجبوك
نورت ياحاج:)

صوت من مصر يقول...

والله انا الحمد لله تمام بس بمر باذمه شويه تعب جسمانى وربنا يعينى على خير منها
طبعا عطلت كل حاجه بس ناوى ارجعلكم على يوم السبت
وانتى لسه فاكره انى مخلص امتحانات
من بدرى يا ريسه
والله بس افوق وانا هبقى تمام وعموما انا حالى تمام متفائل
وبجد التاج فعلا حاسس انه مش لذيذ

عاشقه الرومانسيه يقول...

تاج الاحلام فى الطريق اليك ياجميل
بس يارب الميل يوصل

mohamed ghalia يقول...

شموسة وشمس التدوين كلها
حقيقى افتقدت مدونتك الرائعة طول فترة غيابى
الحمد لله خلاص خلصت وهتابع تانى
دمتِ فى سعادة

شمس النهار يقول...

*صوت من مصر
في ايه سلامتك انت عيان والا ايه

ترجع بالسلامه

ان شاء الله خير

خاللي كله علي الله

شمس النهار يقول...

*عاشقة الرومانسيه

شكرا ليكي
انا اخدته من عند هايدي
ماعرفتش اخده من عندك هروح اشوف الميل
هو انت عامله كده في المدونه ليه

شمس النهار يقول...

*محمد غاليه
اهلا اهلا حمد الله علي السلامه
اخبار الامتحانات ايه كله تمام ان شاء الله ناجح وبتفوق
نورت البلوجر تاني

بـراااح يقول...

شمس النهار

استمتعت بالتجول داخل روحك الجميلة من خلال اجاباتك الخفيفة في ظاهرها و العميقة في حقيقتها

تحياتي

عاشقه الرومانسيه يقول...

علشان حاجاتى واشعارى بتتسرق ياشموسه وعلى كده وياريتهم راحمنى
ده انا برضه باتسرق وبيتنسب اعمالى لغيرى ويتقال لهم برافو
عموما المهم انك اخدتى التاج
مش مهم من عند مين
انا بس كنت حابه اسهل عليكى الموضوع
تحياتى ياقمرى

شمس النهار يقول...

براااح
اهلا بيكي
شكرا علي كلامك اللطيف

شمس النهار يقول...

*عاشقة الرومانسيه
اشعارك بتتسرق يعني ايه هو مش في تاريخ للنشر والا ايه
هو مافيش حاجه تنظم الموضوع ده

الجواز و سنينه يقول...

تعرفى شوفت التاج ده ند ناس كتير
و مش هضمته بسهوله مش عارفه ليه؟
بس عجبنى اوى ردك اوى انتى و ناس قليه اوى
عجبنى ردك فى
ــــــــــــــــــ
لو قدر لك أن تدخل السجن فما هي القضية التي تتمنى ان تدخل بها ؟
لا الحقيقه انا عندي هوايات كتير بس مش من ضمنها دخول السجن
لا مش هنفع هناك
ممكن نغير السؤال ده:)
ـــــــــــــــــــــــ
علشان احلى إجابه ليه هو ده
دايما ماما نتقول قول كلام حلو علشان لما يتحقق تكون مبسوط حتى لو هزار

المهم كل سنه و انتى طيبه و كام 6 بقى ؟؟؟؟؟؟؟؟؟؟
تحياتى لكل مواليد 6 و برج الجوزاء الطيبين الاوفياء

mimi يقول...

التاج هينطق عليكي .... شموسة اجاباتك جميلة جداااااااا


وردتك هحطها في اجمل فازة عندي


مبروك التاج

تحياتي

شمس النهار يقول...

*الجواز وسنينه
اهلا بيكي كل سنه وانت طيبه

هو تاج غريب والسؤال ده عدواني شويه

مامتك عندها حق لازم الانسان ينطق بالحلو

انا برج السرطان عشان 27بس شهر سته ده كله وخصوصا الستات شهر الناس الحنينه
المخلصه

شمس النهار يقول...

*ميمي
ازيك
شكرا علي كلامك اللطيف
انت اجمل