الجمعة، 19 يونيو، 2009

تاج الأحلام

اولا: حبيبتي نهر الحب كل سنه وانت طيبه عقبال 100 سنه
1-أذكر خمس أحلام على الاقل ..تخص ماضيك وتحلم فيها بتغيير اشياء ..ماذا ستعدل وماذا ستترك؟
الماضي خلاص عدي و راح الاحلام للمستقبل مش للماضي وكل ماحصل في الماضي لازم نرضي بيه وخلاص مافيش حاجه هتغيره
ماكنش حد غلب
بس احلامي اللي كانت احلامي ساعتها جزء كبير منها اتحقق مثلا كنت عايزه ادخل فنون جميله والحمد لله دخلت كنت عايزه اخلف بنتين الحمد لله ربنا اداني تلاته
كان نفسي احج حجيت وقبلها كان عمره


2-أذكر خمس أحلام على الأقل ..تخص مستقبلك ؟؟؟
في سني ده بتكون الاحلام للأبناء مش ليه ربنا يسعدكم ويسعدهم بس نفسي ادير عمل خيري بما يرضي الله بس للأسف اي عمل خيري هنا بيتخرب

3-أذكر شخصين على الأقل .متواجدين فى حياتك حاليا ..كنت تود وجودهم قبل الآن بزمن ؟
شخصيات بحبهم من المدونين كان نفسي اتعرف عليهم من زمان

4-أذكر شخصين على الأقل غير متواجدين فى حياتك حاليا كنت تود وجودهم الان

كان نفسي بابا يكون موجود وصديقه عزيزه عليا ماتت هي كمان


5-تحدث عن ستة أسرار قد لا يكتشفها من يقابلك للمرة الأولى ؟
طبعا مافيش حد بيكتشف حد في المقابله الاولي حاولت اكتب حاجه ماعرفتش ممكن اللي شافوني منكم همه اللي يجاوبه علي السؤال ده
وخصوصا اللي قابلوني اكتر من مره

كده التاج التاني خلص خلاص

عايزه الفت نظركم ان عمرو بدر حبشتكنات فلسفيه عامل بوست مهم جدا ياريت تقروه




هناك 110 تعليقات:

عمرو يقول...

مساء الخير يا برنسيس :)
اٍجاباتك طبعا لطيفه كالعاده و مقنعه ..
بس يعنى هم اللى فى سننا ماينفعش يحلموابجانب أحلامهم لأولادهم ؟؟
أسجل أول اٍعتراض يا برنسيس .. وربنا يستر :)
تقبلى كل التحيه و التفدير و متشكر أوى على تنويهك للبوست عندى ..

عاشقة الأحزان يقول...

السلام عليكم

تانى تعليق وامرى الى الله

احجز وارجع

عاشقة الأحزان يقول...

السلام عليكم

حبيبتى الغاليه

طبعآ ربنا يديكى الصحة وطولت العمر

والف مبروك على تاج احلامك بجد جميل قووى

احيك عليه من كل قلبى يارب يتحقق كل احلامنا يارب

تحياتى

ايناس

عمرو يقول...

عاشقة الأحزان
معلش هو أول تعليق عند شمس النهار بأحجزه بطلوع الروح :))

smilyrose يقول...

السلام عليكم

اختى الحبيبة شموسة

احببتك ويعلم الله من كثرة كلام

كيارا عليكى وعن قلبك الرائع

وكم تمنيت لقائنا ان اراد الله

اجاباتك كعادتها مثل نور الشمس

يا شمس الشموس

دمتى حبيبتى

وردشان

روح الحب الصادق

smilyrose يقول...

شموسة ربنا يحقق ليكى احلامك دايما يارب

وعلى فكرة احلامك فى اولادك احلامك انتى

ايضا

دمتى حبيبتى

شمس النهار يقول...

*عمرو
مساء النور

لا طبعا عندهم احلام اكيد بس مابتبقاش قويه يعني
مثلا حلمي ابقا جده
حلمي اكمل حياتي في بيت علي البحر
في هدوء..!!!

حاجات كده لكن الاحلام بتكون لولدنا
زي ماتقول في سننا ده بنتكسف نحلم

وياسيدي اعترض زي ماانت عايز انا ديمقراطيه

نورت يالورد

شمس النهار يقول...

*عاشقة الاحزان

وعليكم السلام
معلش ياايناس اللورد مأجر عندي التعليق الاول بحكم الصداقه والجيره في البلوجر
شكرا علي كلامك الجميل
ربنا يكرمك

شمس النهار يقول...

*عمرو
ماتقولش كده يالورد المدونه بيتك وترحك ماعاش اللي يطلع روحك

kmt يقول...

السلام عليكم ورحمة الله وبركاته

صحيح الجمعيات الخيرية بيكون طريقها صعب
بس والله على اد الصعوبه وعلى اد ما بتوقفها حاجات كتير لما بتكون النية خالصة لوجه الله تعالى ربنا بيسرها من طرق ممكن كنا منفكرش فيها ولا تخطر على بالنا

تحياتي
الى اللقاء

شمس النهار يقول...

سميليروز
ازيك
يارب تكوني بخير
انا كمان متمنيه اقبالك برضه
ان شاء الله نلتقي علي خير
وشكرا علي كلامك الرقيق
نورتي

شمس النهار يقول...

*كيمت
الحقيقه الحلم ده عندي من زمان عشان اول مره اتطوع في العمل الاجتماعي كان عندي 14 سنه واستمريت سناتين
وبعد كده توقفت مده طويله ورجعت تاني وانا في الجامعه في جمعيه خيريه كان ماما عضو فيها وتوقفت تاني لزوم الزواج والاطفال وبعدين رجعت تاني للعمل التطوعي مده طويله وبعدين توقفت لكن من حين لحين اروح يوم كده والا حاجه
فامن خلال خبرتي لاقيت ان الموضوع في بلدنا غير خالص
حاجه توجع القلب

شكرا ليكي
نورتي

بسنت صلاح الدين يقول...

جميل تاج الاحلام و يارب يحقق كل احلامك

Eno يقول...

اجابات حضرتك حلوه اووووي ربنا يبارك فيكي وفي اولادك :)

تحياتي :)

mahasen saber يقول...

شموسه الجميله ..

ليه اليى بيكبر فى السن مبيحلمش لنفسه هو يعنى بيبقى تقدم فى العمر وتأخر فى مستوى الاحلام
ولاا احنا بتعيشلهم فى اول حياتنا وبنضخى ليهم فى نصها اههما يستاهلوا كل ده واكتر بس نحلم برضه لينا وهتلاقى ان احلامنا لنفسنا ليهم برضه لانها هتعود عليهم بالسعاده لاننا عمرنا ما هنحلم لينا بشئ يضرنا

عرفت اوصل حاجه انا..
ااقولك وحشتينى جدا جدا جدا

الجواز و سنينه يقول...

مش عارفه ليه احلامنا بتكون كلها خاصه بالاولاد
عايزه اعلمهم التعليم الفلانى
عايزه اجيبلهم احسن حاجه
عايزاهم يتشتغلوا احلى شغلانات
و طبعا احلى جوازات تسعدهم
الحمد لله ان دى الفطره اللى خلقنا عليها ربنا
تحياتى يا جميل و احلام سعيده

كيــــــــــــارا يقول...

اجاباتك جميله اوووووووووووووووووووي

****************

اما موضوع اول لقاء فهقول

اللي الكل شيفه في المدونه وفي كلامها اقل اقل اقل من اول لقاء

اول لقاء متحسش انها حد بتشوفه اول مره اصلا اكنك شفته ملاييين المرات وبتبقي مبسوط اوي معاه ومش عاوز المقابله تنتهي طيبه وجدعه وذكيه

ام بجد

mohamed ghalia يقول...

واضح من إجابات حضرتك إنك شخصية قلبها أبيض
ربنا يسعدك دايما

اللؤلؤة يقول...

السلام عليكِ
إجابات تنم شخصية واثقة بنفسها هادئة الطباع
دمتِ بكل الخير

ادم المصرى يقول...

الف الف الف مبروك على تاج احلامك الجميل

وربنا يعطيكى طيله العمر


اجباتك جميله موووت

حاسوباتيه يقول...

تاج جميل واجابات حضرتك اجمل و شكرا لكلام حضرتك عندي وتعليقك

ادعيلي قوي

Sweet Violet يقول...

اجابتك جميلة ياشموستى

بس ليه بتقولى ان اللى فى سنك مش بيحلم

الانسان طول ماهو عايش لازم يحلم و يسعى بردو للتحقيق ^_^


بخصوص السؤال الاخير

انتى بجد ياشموستى حد متصالح مع نفسه قوى .. شخصيتك فى التدوين هى شخصيتك فى الحقيقة بدون اى تغيير علشان كده اول لما شوفتك كان احساسى انى عارفاك من زمان يعنى مش تعتبر اول مقابلة

غير بقى انك بجد من الشخصيات اللى نادر قوى الواحد يقبلها طيبة و حنان و ذكاء و صراحة و حب فى الله بجد

ربنا يخليك لينا ياشموسة

امممممموة بوسة كبيرة و حضن اكبر ليك

وحشاااااااااانى موت على فكرة

واحد من العمال يقول...

السلام عليكم

إجاباتك جميله وكلها منطقيه

لكن ممكن نحلم لأنفسنا ولأولادنا فى نفس الوقت
وأشكرك للفت نظرنا للتدوينه الرائعه والمفيده فى حبشتكات فلسفيه

ودمتِ فى أمان الله وحفظه

ABOALI يقول...

هو فعلا تاج فى الحلم مش تاج الاحلام

وكمان احب اسجل ان الاجابات كانت مقتضبة
وقصيرة
على اساس انها طيف طبعا

على العموم العموم

كلنا لنا احلام

مهما قطعنا مسافات فى ارض الحياه

وكلنا نعيش فى احلام بعض

فاءنتى تعيشى فى احلام والدتك
عندما كانت تتمنى ان يكون لها ابنة مثلك
تكون بسمتها فى الحياه
وها هو انتى

وتعشين فى احلام والدك
عندما كان يتمنى ان يرزقه الله بوردة يرى عبيرها ينمو يوم بعد يوم

فعلا

نحن نعيش فى احلام من سبقونا

romansy يقول...

اهلا اهلا يا شموسه ربنا يزيدك وتحققى كل اللى تتمنيه
اكتر واكتر
الحكايه ان الاحلام مش بتنتهى

من غير عنـــوان يقول...

طبعا الإجابات قوية تتسم بالدبلوماسية وعلى رأي عمرو لطيفة ومقنعة...

وأضم صوتي في إعتراض عمرو ( وربنا يستر) إنه الأحلام لا تتقيد بعمر ولا سن..

وإن شاء الله حلم الجده والبيت اللي على البحر يكون قريب

أكثر الله من تحقيق أحلامك يا شمس النهار...

على فكره سؤال خطر ببالي..
ياترى إنت بتحلمي إمتى .. إذا كان حسب ما فهمت إنك من عشاق السهر...

وش بيضحك

أمنياتي

صوت من مصر يقول...

على فكره التاج ده مفهوش اى اجابه خالص
وانا قبلتك مره واحده
عرفت منها حاجه
انك شخص صعب يتواجد تانى

صوت من مصر يقول...

ليا رجعه بس كمان ربع ساعه

صوت من مصر يقول...

بجد بالنسبه للسؤال عنك يا شموسه هقول حاجه
حسيت انك حد حابب لدنيته ودينه وحابب للاخرين
نفسه الناس كلها تبقى كويسه
بيكره الشر وبيحب الخير
ودايما متفائله
مش لاقى كلام اوصف بيه تانى
بس بجد انتى حد جميل

7annen يقول...

بجد انتى جميله اوى وياريت كل الناس تبقى بخير وسعاده زى ما بتتمنى

حنين

فشكووول يقول...

السلام عليكم يا حاجه
تحياتى
احسن حاجه انك بتتكلمى دايما عن المستقبل وربنا يخلى لك بناتك واخبار الامتحانات عندك ايه انت كمان
انا الامتحانات عندى واحد بس هو الواد محمود اللى كان صعلوك واتعزل عنى واستقل بمدونه جديده اسمها امير العرب وخلص الامتحانات يوم الخميس الماضى وربنا يسهل بقى والنتيجه بتاعته تبقى حلوه
انا رايح عند عمرو اشوف ايه الموضوع المهم اللى عنده
تحياتى يا حاجه

Foxology يقول...

جميل تاج الأحلام يا شموسة البلوجز بس انا معلش اسمحيلى اختلف معاكى فى نقطة ان الأحلام للأولاد بأة اللى لسه صغيرين برضه الواحد لازم يحلم ويحلم لحد الأخر

تحياتى :)

الازهرى يقول...

وبعدين بقىىىىىىىىىى
دى برضه بتقول سن ؟

امال انا اقول ايه بقى
اروح اموت انا احسن
دا انت اكتر من شوية وعشرين يبقى كتير وانا قلت لك اكتر من مرة الكلام ده

وكمان فرضا يعنى السن كبير (مجرد افتراض ) يبقى مفيش احلام ليه ؟
اعتقد انى صعب اعيش من غير احلام حتى ولو كملت 100 سنة


تحياتى على الاجابات النص نص

MaNoOoSh يقول...

ايه ده
انتي طلعتي خريجة فنون جميلة زيي يا شموسة
هيييييييييييييييه

وبعدين انا كمان بقى هعترض على موضوع الاحلام ده
الحلم ملهوش دعوة بالسن ابدا
وبعدين انتى لسة يدوب 20 سنه اصلا

ربنا يحققلك كل احلامك لولادك وليكي يا قمر

د. ياسر عمر عبد الفتاح يقول...

والله إجابات زي الفل
وأنا لو عليا
أدي لحضرتك 12 من 10 كمان

مع إني مليش نفس أبص لأي أسئلة خالص :(

هبه يقول...

الله كلامك حلو قوى يا ماما شموسه.....ربنا يكرمك يا رب و يخليكى لعيلتك.....

MR.PRESIDENT يقول...

ازيك يا شموسة والله حكاية التاج وردودك عجباني جدا ، بس أختلف معاكي في حتة الأولاد والأحلام ومعدشي ليكي احلام للمستقبل ، لازم ديما يكون فيه حلم طول ما فيه إنسان ، اتمني أنك تكوني بخير علي طول ....

akeed يقول...

اجابات جميلة وربنا يحقق لكِ ما تبغيه

شمس النهار يقول...

*بسنت صلاح الدين
شكرا ليكي وربنا يحقق احلامك انت كمان

شمس النهار يقول...

*اينو

شكرا ليكي ياجميله
وربنا يحقق لك احلامك
:)

شمس النهار يقول...

*محاسن صابر

حبيبتي كلامك مظبوط بس انا بشوف نفسي فيهم وفي سعادتهم وفي احلامهم همه

وطبعا انا فاهمه كلامك كله وعارفه تقصدي ايه وعارفه انك بتحبيلي الخير

انت كمان وحشاني جدا وان شاء الله يوم الجمعه بقا لحسن هبعت لك دعوه علي يد محضر

شمس النهار يقول...

*الجواز وسنينه
برافوا عليكي ياجميله انت فهمتيني
صح
دي الفطره اللي ربنا فطر الام عليها
ربنا يكرمك

شمس النهار يقول...

*كياااارا
ازيك ياجميله

شكرا علي كلامك الجميل زيك

انتي الاحسن
وكل الكلام ده فيكي واكتر
ربنا يسعدك ويريح قلبك

شمس النهار يقول...

*محمد غاليه
منور كنت مفتقده تعليقك يامحمد
ربنا يكرمك ويسعدك
وتكون النتيجه جميله ان شاء الله وبالتفوق

شمس النهار يقول...

*اللؤلؤه
اهلا بيك
شكرا علي كلامك اللطيف
ربنا يكرمك

شمس النهار يقول...

*ادم المصري
الله يبارك فيك

وشكرا لك

شمس النهار يقول...

*حاسوباتيه
اهلا بيكي
وشكرا علي كلامك
وبدعيلك من كل قلبي ربنا يكرمك ويسعد قلبك
ويريح نفسيتك

شمس النهار يقول...

*سويت فيوليت

حبيبتي عندنا احلام طبعا بس بتبقا فيكم انتم ودي الفطره فعلا زي ماقالت الجواز وسنينه

انت كمان ماشاء الله عليكي بنوته متزنه ومثقفه ولذيذه

وتجمعي بين الثقافه الحقيقيه مش الاونطه
وجمال الروح والشكل والمظهر

يعني جوهر ومنظر


شكرا علي كلامك اللطيف
انت كمان وحشتيني جدا

شمس النهار يقول...

*واحد من العمال
اهلا بيك
لاشكر علي واجب الحقيقه مدونة عمرو تستحق الزياره فهي من المدونات الراقيه المهتمه بمشاكل الناس وهمومهم

وبشكرك علي كلامك الجميل

شمس النهار يقول...

*ابو علي

بجد بجد ماشاء الله عليك
انت فعلا فسرتها صح

انا اعيش الان في حلم والدتي ووالدي

واعيش لحلمي في بناتي احاول ان اساعدهم علي تحقيقه

نورت

شمس النهار يقول...

*رومانسي
اهلا بيك ياشاعرنا الرقيق

ربنا يحقق لك كل الاحلام

وشكرا علي كلامك الرقيق

شمس النهار يقول...

*من غير عنوان
مافيش دبلوماسيه والا حاجه
انا فعلا ماعنديش احلام غير اللي ذكرتها احلامي في بناتي
والصحه والستر والاحلام العاديه دي يعني
حضرتك اعترض والا يهمك

شكرا علي الدعاء ربنا يستجيب
ويحقق لك احلامك
آمين

بالنسبه لبحلم امتي
الحقيقه في الربع ساعه اللي بنامهم يعني بلحق ادخل الحلم بسرعه قبل مااصحي:)

شمس النهار يقول...

*صوت من مصر
اهلا اهلا ياريس
مافيهوش اي اجابه ازاي ياريس

وبعدين انت قلت هرجع بعد ربع ساعه رجعت بعد ساعه وتلات دقائق مين هيحاسب علي التأخير ان شاء الله :)

شكرا ليك علي كلامك اللطيف والمجامله الجميله

ربنا يكرمك ويسعدك ويحقق لك كل احلامك

شمس النهار يقول...

*حنين
شكرا ليكي علي كلامك الجميل

ربنا يسعدك ويحقق لك احلامك

شمس النهار يقول...

*فشكووول

ربنا يكرمنا جميعا

الحقيقه اللي عندي خلصوا واتخرجوا ماعدا بنوته واحده ودي مش في دماغه اصلا وكمان خلصت امتحانات

ربنا ينجحهم جميعا

شمس النهار يقول...

*فوكسلوجيا

احنا برضه بنحلم بس بطريقه تانيه
انت دلوقتي بتحلم لنفسك ولأينو معاك بكره انتم الاتنين هتلاقوا برواز الحلم دخل فيه الاولاد

وتبتدي رحلت الاحلام ليهم وشويه شويه لما يكبروا ويتخرجوا تلاقي الاحلام بقت ليهم
بكره لما تخلف هتفتكر كلامي
وخصوصا انك انسان احساسك عالي جدا بالمسؤليه

شمس النهار يقول...

*الازهري

اهلا اهلا ببطلنا الهمام
ايه اخبارك

انا قصدي اللي في سني الصغير ده
خاليك معايا:)

ربنا يحقق لك احلامك ويبارك في عمرك
وتنجح في امتحان الدانات هو امتي

شمس النهار يقول...

مانوش

انت فنون جميله يامنوش قسم ايه

شكرا علي كلامك انت لطيفه جدا

شمس النهار يقول...

د/ياسر عمر عبد الفتاح

اهلا يادكتور

خاللي بالك ان دي تاني ماده تديني فيها امتياز

ان شاء الله اتعين معيده في البلوجر نفسك معايا

aidy يقول...

اجمل ما فى احلامك بساطتها بجد

بجد انا بحسد اللى شافوكى قبل كده لأنهم عرفوكى اكتر

عجبتنى اجاباتك طبعا

اما الموضوع اللى فى حبشتكنات فلسفية هروح اشوفه حالا

سلام

صوت من مصر يقول...

لما بكون مجامل بيبان عليا بس انا المره دى مش مجامل وبجد لو انا مجامل يبقى بلاش منها

شمس النهار يقول...

*هبه
انت اجمل
شكرا ليكي علي كلامك الجميل

شمس النهار يقول...

*مستر بريزيدنت
اهلا بيك
الحقيقه لازم نعرف الفرق بين الامل والحلم
الحمد لله انااملي في ربنا كبير وموجود

لكن الاحلام اللي عايزه اشتري عربيه اخر موديل عايزه اطلع دكتوره عايزه عريس مواصفاته كذا خلاص الاحلام دي خلاص

دلوقتي انا عايشه في اللي حلمته زمان واتحقق
احلامي دلوقتي في بناتي اللي تحقيقها هيخالييني سعيده جدا

شمس النهار يقول...

*اكيد
اهلا وسهلا في اول زياره وشكرا علي الكلام اللطيف والدعاء

شمس النهار يقول...

*ايدي
شكرا ليكي علي رقة كلامك

وان شاء الله نتقابل مع بعض

ربنا يسعدك وان شاء الله تحقق كل احلامك

وتنجحي كمان بتفوق

شمس النهار يقول...

*ايدي
شكرا ليكي علي رقة كلامك

وان شاء الله نتقابل مع بعض

ربنا يسعدك وان شاء الله تحقق كل احلامك

وتنجحي كمان بتفوق

شمس النهار يقول...

*صوت من مصر
في ايه يازرزور افندي

ياسيدي المجامله مش سبه انت بتجامل انك بتقول الحقيقه بطريقه لطيفه
مش اكتر
انا ماقلتش انا متشكره علي النفاق اللطيف تفرق ياريس
زرزور
فين الروايه؟؟؟؟؟؟

صوت من مصر يقول...

ايه حكايه زرزور دى بقى
ومدخلتيش عندى ليه لازم تيجى متاخر ولا ايه

صوت من مصر يقول...

صح اي الى انا سمعته ده
محاسن بتقولى هشوفك قريب عند شموسه
وانا معنديش اى خبر
تصدقوا انا زوعلان
عموما انا بقول انى مش بحب اكون مجامل ومش زعلان وعمرى ما بزعل من حد والله

elsha3er يقول...

السلام عليكم انا جاى اسأل واطمن يارب تكونو بخير واسف على التأخير غصب عنى الامتحانات



تحياتى


احمد الشاعر

gogo!sf يقول...

صباح الخير يا شمس النهار

يارب تكونى بخير دايما

اولا مبروك التاج ده واللى فات كمان

ردودك فيهم جميله جدا

والحمد لله ان اتحقق لك جزء كبير من احلامك

وهم اهم الاحلام لاى شخص

ربنا يباركلك فى اولادك يارب

ويتحقق لك الاحلام اللى لسه مش اتحققت

تقديرى واحترامى

جوجو

hasona يقول...

السلام عليكم

حضرتك جاوبت
وبكل ذكاء لم تحددي في بعض الاجابات أسماء معينة
لأن حضرتك واثقة ان الجميع يحبك ويقدرك
أنت تملكين قلبا رائعاً يحتوي الجميع

،،،،
جيت أسلم علي حضرتك
أسف علي التأخير
لكن ظروف العمل قد تحول بين دخولي علي شبكة الانترنت
أو المتابعة والتعليق

لا تنسينا بصالح دعواتك
وكل لحظة وانت طيبة ومتألقة

تحياتي

جارة القمر يقول...

الله عليكي

شخصيتك كتير حلوة ومميزة

ربنا يوفقك يارب


حبيبتي كوني بخير دائما

مودتي

حياه بلا عنوان يقول...

مشاء الله احلامك كلها جميله يارب تحققيها وتعيشيها يارب تحياتى

مامة مازن يقول...

تاج جميل وحسيته صادق جدا
ربنا يوفقك ويخليلك اللى تحبيهم كلهم يارب

ghorBty يقول...

ربنا يكرمك كمان وكمان

ويحقق كل ما تتمني

وتفضلي كدا دايما شمس منوره حياة الجميع :)

دمت بكل خير

شمس النهار يقول...

*صوت من مصر

زرزور يعني زربون
:)

همه البنات ماقالولكش والا ايه؟؟

اكيد عرفت
مستنينك

شمس النهار يقول...

*الشاعر
اهلا اهلا بشاعرنا الجميل
حمد الله علي السلامه
اخبار الامتحانات ايه عدت علي خير وبالنجاح الباهر ان شاء الله
البلوجر نور

اكيد عملت بوست جديد هروح اشوفه حالا:)

شمس النهار يقول...

*جوجو سف
مساء جميل عليكي
وشكرا ليكي علي كلامك الجميل

نورتي

شمس النهار يقول...

*حسونه
اهلا بيك حمد الله علي السلامه
ان شاء الله خير
الله يسلمك ويبارك فيك
وربنا يقويك علي العمل بالخير ان شاء الله

وشكرا علي كلامك اللطيف

المهم انك ماتغبش كتير
وصدقني بدعيلكم كلكم

شمس النهار يقول...

*جارة القمر
اهلا بيكي ياقمر

شكرا علي كلامك
نورتي

شمس النهار يقول...

*حياه بلا عنوان
اهلا بيكي
فينك مستخبيه
ان شاء الله خير
شكرا علي كلامك

شمس النهار يقول...

*ماما مازن
اهلا بيكي
شكرا علي دعائك الجميل

شمس النهار يقول...

*غوربتي
ازيك ايه احوال المذاكره
ربنا يكرمك

وشكرا علي الدعاء الجميل

marmar يقول...

شمووسه الاول كل سنه وانتي طيبه
ويارب ميه سنه يا حبيبتي

اجاباتك كلها جميله زي قلبك بجد

norahaty يقول...

صبـــــــاح الفل ياشموسة
وكل لحظة وانتى بالــــف خير
وأجاباتك كلها ما يُعلى عليها
ممتـــــــــــــــــــــــــــازة

Manamino يقول...

الاستاذة شمس النهار
كل سنة وحضرتك طيبة
ويارب عقبال مليون سنة مليانين فرح وسعادة وحب من ولكل اللي حواليكي
هي متأخرة شوية بس مش مشكلة اصلي لسة عارف دلوقتي حالا من كيارا
كل سنة وانت طيبة يارب

hager za3bal يقول...

اجاباتك جميله اوي يا شموسه

بينت اد ايه انتي حد جميل..:)

جارة القمر يقول...

وحشتيني

صوت من مصر يقول...

البنات قالولى بجد
وانا جد مجبر
زى كل مره
عموما بجد هبقى فرحان جدا جدا
لانى سمعت كلام كبير وناس كتير

شمس النهار يقول...

*مارمر
اهلا بيكي في اول زياره للمدونه
وانت طيبه وبخير

وشكرا علي كلامك اللطيف

شمس النهار يقول...

*نور اهاتي
صباخ النور
وانت طيبه وبخير
شكرا علي كلامك الجميل
واخبار البياض ايه ياجميله

شمس النهار يقول...

*مانامينو
اهلا بيك في اول زياره للمدونه
وانت طيب وبالف صحه وسعاده
مش متأخره والا حاجه انا لسه يوم السبت ان شاء الله
نورتني

شمس النهار يقول...

*هاجر زعبل
شكرا علي المجامله
تورتيني

شمس النهار يقول...

*جارة القمر

انت كمان وحشتيني ياقمر

شمس النهار يقول...

*صوت من مصر
المفروض انك عارف من اول امبارح
بجد ان شاء الله هننبسط بالمه جدا

نهر الحب يقول...

ازسك يا شموسة
ميرسى جدا على التهنئة
نفسى اشوفك انتى اية مخصمانا ولا مش عايزة تشوفني

جارة القمر يقول...

وحشتيييييييييييييييييييييييني

شمس النهار يقول...

*نهر الحب
اهلا بيكي
كل سنه وانت طيبه ياجميله
والسنه الجايه محققه كل احلامك
انا اقدر اخاصم ذات القلب الجميل الابيض
انت فعلا نهر العطاء والحب
الحقيقه حصلت ظروف منعتني من المجي بورسعيد فعلا
ان شاء الله نتقابل علي خير
والقاء نصيب
بعتذر عن عدم الحضور
نورتيني

شمس النهار يقول...

*جارة القمر
وانت كمان وحشتيني
وبوستك الجديد جميل جدا
يارب ماما تكون بخير

كيــــــــــــارا يقول...

مفيش عسل ياشموسه لقيته بايظ اعمل ايه دلوقت :(

حاسوباتيه يقول...

ازي حضرتك انا كتبت كومنت عندي رد على الكومنت الي بعتيه عن اخر بوست ارجوا تبقى تقريبه يمكن يوضحه رايي شويه وحابه اعرف راي حضرتك ياريت تشرفيني

أحــوال الهـوي يقول...

كما ان كل و عاء ينضح بما فيه فكلماتك تشع كل العظمة و الرقي
احلام مشروعة و بسيطة لكنها تملك كل العمق

تنصب الاحلام في طاعة الرب وتدور في فلك الاسرة

هنيئا لك بقناعتك في الدنيا و مكنك الله بجنته و رفقة من تحبي

تحياتي

شمس النهار يقول...

*كيااارا
هو العسل بيدور علي عسل ليه

شمس النهار يقول...

*حاسوباتيه
اهلا بيكي
حاضر من عينيه هاجي اشوف
ربنا يريح قلبك وتتحل كل مشاكلك

شمس النهار يقول...

*احوال الهوي
شكرا ليك علي المجامله اللطيفه والكلام الجميل
والدعاء

ربنا يكرمن جميعا برفقة من نحب
آمين

dina يقول...

يا رب ربنا يباركلك فيهم يا رب و تشوفى فيهم نموذج للبنت المشرفة المسلمة بجد

شمس النهار يقول...

*دينا
اهلا بيكي
شكرا علي الدعاء الجميل جدا جدا
وانت كمان ربنا يبارك لك في صحتك وتشوفي كل احلامك متحققه علي اكمل وجه

كيــــــــــــارا يقول...

http://paradisevalley-btemplates.blogspot.com/

شوفي التمبلت دا وقوليلي رايك ياشموستي

حمدي مناع يقول...

السلام عليكم ورحمة الله وبركاته
عجبتنى اوى اجابتك ان احلامك للاولاد
الله الله الله
كان ليا عندك طلب
انا جديد فى عالم التدوين
جديد نوفى يعنى
عملت مدونة لاشعارى
ومش عارف اعرف الناس عليها ازاى
يا ريت حضرتك تشرفينى بدخولها والتعليق فيها
ده اولا
ثانيا اتمنى ان حضرتك تساعديننى وتعرفينى ازاى اعرف الناس عليها مثلا او كده يعنى
مجرد تشجيع علشان اكمل تدوين
لانى بصراحة بدءت ازهق
شكرااااااااااااااااا مقدما
http://hamdy-manaa.blogspot.com/