الثلاثاء، 15 سبتمبر 2009

صدفه

البوست ده صدفه
طلبت مني بنوتي الصغيره اوصلها تجيب حاجه من عند واحده صحبتها
نزلت اوصلها هي طلعت وانا انتظرتها تحت العماره التي تقع في افخم واهم شارع في م نصر الا وهو طريق النصر
العمارات فخمه وتحتها محلات ذات اسماء كبيره وفخمه من الداخل
لفت نظري اتساخ الرصيف وانتشار القمامه الكثيره عليه
قلت اصور المنظر ده وابعته لعمرو حبشتكنات علشان يرفقه بالبوست ده
علشان يعرف ان الفوضي والقمامه في كل حته

صورت الرصيف ورجعت العربيه

بعد لحظه

لاقيت صاحب السوبر ماركت اللي انا راكنه قصاده نده علي ولد من العمال عنده وولد تاني صغير من اللي بيبيعوا المناديل
وفي خمس دقايق نظفوا الرصيف وكنسوه ورشوه وبقا زي الفل

بنتي قالت لي افتكروكي صحافيه والا ايه؟؟
انتم ايه رأيكم

هناك 96 تعليقًا:

الازهرى يقول...

أول تعليق

الازهرى يقول...

أول تعليق

الازهرى يقول...

هيييييييييييييييييييه
وكمان التالت ؟
أحمدك يا رب

عمرو يقول...

مساء الخير يا برنسيس :)
كده يبقى المطلوب كاميرا لكل مواطن و ده شعار المرحله ..
بس يعنى سموك الرصيف اللى مش عاجبك ده يعتبر أنضغ من أنضف من ألطف من أظرف شارع فى الجيزه اللى الزباله فيه قربت تعوق حركة سير السيارات بل يمكن الزباله زحفت بالفعل على الأسفلت !!
عموما هى نظريه كويسه فعى أن كل محل أو بيت ينضف قدامه من غير ما يستنى بقى شركات النضافه الأجنبيه ..
أشكرك للتنويه عن البوست فى مدونتى و تقبلى تحياتى و تقديرى ..

الازهرى يقول...

والله وكدنا الأعادى

الازهرى يقول...

عمو عمرو
أنا أخدت منك أول تعليق المره دى
لكن طبعا انت مش من الأعادى
انت عارف انا اقصد مين طبعا

الازهرى يقول...

طبعا زى ما عمرو قال
فى الجيزه الموضوع لا يطاق
ومش باتكلم عن المناطق الشعبيه
انت بس اتلفتى حوالين الجامعه وانت تلاقى مهزله
وكمان اول الدقى
فى مره حضرت بالصدفه بروفه لمحمد صبحى وسألته عن ونيس وانها خياليه فى انها بتطلب من كل انسان انه يبدأ ينضف قدام بيته علشن لك شىء يرجع جميل من تانى
قال اول ما الخيال ده يبقى حقيقه يبقى احنا بقينا على الطريق الصح

تحياتى دوما

الازهرى يقول...

على فكره
انتم الاتنين استنوا شويه فى مفاجأه عندى وعايز اخد رأيكم فيها

عاشقه الرومانسيه يقول...

كده انا راضيه بالمركز التالت والحمد لله
ودى فى حد ذاتها معجزه
اروح اقرا وارجع بقى

mahasen saber يقول...

شعب يخاف ميختشيش ده رأى يا شموستنا بس فكره حلوه كل واحد فينا يمشى بكاميرا فى ايده
ده احنا كده هنعرف نغير سلبيات كتير

بس كويس ان لسه للصحفيين هيبتهم برضه
بس قوليلى يا شموسه لو عرف انك مدونه كان هيخاف ولاا هيبلغ امن الدوله

بس سيبك من كل ده ربنا يخليكى ليهم احن ام واجمل صديقه

Pink Dreams يقول...

اما ناس تخاف ماتختشيش صحيح

يعنى كان لازم يفتكروا حضرتك صحفيه عشان ينضفوا الشارع

تحياتى

عاشقه الرومانسيه يقول...

عالم تخاف ما تختشيش والله
وفيها ايه لما يكون دايما بلدنا نظيفه
على الاقل هيكون فيه راحه نفسيه

------ يقول...

صحيييح

ناس مبتجيش غير بالعين الحمرا

هههههههه

بس تعرفى هما بيخافوا جدا من حكاية التصوير دى

اكتر ناس بتدبهدل هما الصحفيين
يعنى اجى اعمل تحقيق لازم اخلى صحابى معايا كل واحدة تراقب الجو كدا لغاية مااصور

لان فى مرة اتخانقنت وكانت الكاميرا هتتاخد منى وعدت بسلام والحمد لله

تحياتى لك

kmt يقول...

السلام عليكم ورحمة الله وبركاته

عجبيي

كل عيد وانت بخير

تحياتي
الى اللقاء

Yusuf يقول...

"هي دي مصر يا عبلة"

جملة بتلخص أحوالنا


تحياتي

Remas يقول...

والله فكره حلوة فكرة الاستاذ عمرو ان كل واحد يمشي بكاميرا علشان نمشي في شوارع نظيفة

هما فعلا خافو يا شموسة لما شافوكى بتصورى

المهم

كل سنة وانتى طيية وعيد سعيد عليكى يا اجمل شموسة بتنور الدنيا كلها

mimi يقول...

بقي هيا كده؟؟؟؟؟؟؟

طيب خلاص ... من بكره أحلي كاميرا ديجيتال وهصورك يا محروسة بكل شوارعك

والله فكره رائعة
مع شعااااار :::::::----


أنتظروا ميمي في شوارع المحروسة
وفي إيديها كاميرا .. وصينية بسبوسة

فشكووول يقول...

عادى يا شمس هانم .. هى تلاقى بنايات فى منتهى الجمال وتلاقى حواليها وجوانبها زباله وقذاره... عادى جدا احنا فى مصر

aidy يقول...

اكيد افتكروكى صحفية

ياريت كل يوم حد يروح يصور يمكن الشوارع تنضف شوية

الناس دى بقت غريبة اوى
بيفكرونى لما يكون وزير رايح مدرسة ويقعدوا المدرسين و الطلبة ينضفوا فى المدرسة و أول ما يمشى ترجع المدرسة زى ما كانت ويمكن الزبالة تكون اكتر كمان

زهور الامل يقول...

هههههههههههههههههه
انا من رايي تمسكي كاميرا وتلفي على شوارع مصر كلها تصوري فيها علشان ينضفوها

والله فكرة حلوة

تحياتي

من غير عنـــوان يقول...

هي دي المشاركة الفعاله
هو ده الموقف الإيجابي

برافو عليكِ

لو كل واحد عمل كده
لو كل واحد قال للمحل اللي جنبه وبيشتري منه دايما.. يقول له لو سمحت نضف قدامك
لو سمحت شيل الزباله دي

لو كل واحد علم اللي جنبه واللي معاه حاجه حلوه.. الحلو حيكتر...

شكرا على هذا البوست المفيد يا حاجه شمس النهار
وتقبلي مني كل الأمنيات والدعوات لك وللأسره الكريمه بتقبل الصيام وصالح الأعمال مع خالص التهمئة بعيد فطر مبارك إن شاء الله

عاشقه وغلبانه يقول...

هو ايه موضوع الزباله اللي ماليه القاهره وضواحيها دي ؟؟

"أحلام حقيقية" يقول...

هههههههه طب والله فكرة
بس الناس للاسف مش قادرة تتعلم ابدا يكون النظام والنظافة سلوك دايم فى حياتهم

روابط يقول...

ههههههههههه, بجد ضحكت لما قرأت البوست. متخيل الموقف زى انت محكتيه والراجل ظنك صحفية. طب والله فكرة ممكن نكررها, بس مشهتنفع مع الزبالة اللى ملهاش محل هههههههههه

تحياتى عالمجهود الرائع

fL0weR-giRL يقول...

السلام عليكم
**************

اه منكن يكونوا افتكروا كدا

ههههههه

اصلا في مصر لازم تشوفي مكان ذي داه لو ماشفتيش حاجه زي كدا يبقي انت اكيد اكيد مش في مصر

** تقبلي مروري **

Unknown يقول...

شموســــة
صباح الخير
فعلاً لو كل
واحد فينا عمل
كده (بشرط يلمها
فى كيس مش يكنس ويحطها
على الكوم اللى قصاده)
كان ما بقى(صعبان علىّ حالنا)
بردون يعنى الزبالة احنا اللى بنعملها وكمان النضافة ممكن احنا اللى نحققها ....مش معجزة لكن تعملى
ايه فى منطق يالا نفسى وبس!

Unknown يقول...

وعلى راى الاستاذ
عمرو بدر:
(الرصيف اللى مش عاجبك ده يعتبر أنضغ من أنضف من ألطف من أظرف شارع فى الجيزه اللى الزباله فيه قربت تعوق حركة سير السيارات بل يمكن الزباله زحفت بالفعل على الأسفلت !!)
ربنا يرحمنا ويهدينا كمان.

MǿиY El-Shreef يقول...

ههههههههههه

يبقى انت اكيد اكيد ف مصر

استني صحيح اقولك انك وحشاااااااااااااااني جدا اوي خالص يا شموستي

بجد وحشتيني اوي

واخيرا رجعت اشوف الدنيا منوره تاني بيكي

عموما هما فعلا افتكروكي صحافه

ماتعديش كده ع باقي الشوارع وتصوري يمكن ربنا يهدي هههههههه

مووووووووووووواه

micheal يقول...

ياااااااااااه شوفي منظر النظافة يشرح القلب ازاي..نفسي بجد أشوف الشوارع نظيفة قبل ما أموت ومش مهم نوصل كأس العالم
ممكن فعلا يكونوا افتكروها صحفية
:)

غير معرف يقول...

ناس تخاف ماتختشيش فعلا

لو كل واحد عمل كدا قدام محله او بيته الشوارع هتكون زي الفل

وحشتيني ياقمر

كل سنة وانتي طيبة

وعجبني شعار العسوولة ميمي ههههههههههه

ربنا معاكي يااوختشي

شمس النهار يقول...

*الازهري
يعني لما تدخل وتقول اول تعليق ده يبقي تعليق
لا لا لا والف لا لا لا

ده يبقي تعليق مش تعليق

الشطاره تدخل البوست الاول وتعلق كده بكام سطر كده حلوين في صلب الموضوع

ياريس:):):)

من جد وجد ياازهري

♥نبع الغرام♥♪≈ يقول...

السلام عليكم

انا بقا مع رئى اختى نواره
ناس تخاف متختسايش

بجد ينطبق عليهم المثل ده

ربنا يكرمك يارب
وكل سنه وحضرتك طيب
بقدوم عيد الفطر المبارك اعاده الله علينا وعلى الامه الاسلاميه بالخير واليمن والبركات

مودتى

شمس النهار يقول...

*مساء النور يا لورد:)

عندك حق والله لو كل محل وعماره نضف امامه
الدنيا هتبقي جميله

بس المشكله ان المواطنين ادلعوا علي الاخر وكل واحد عايز ماما الحكومه تعمل له
طب ماما مطنشانا
نعمل احنا
ماهو احنا اللي الامراض هتهاجمنا

وبعدين لاشكر علي واجب يالورد

كل سنه وانت طيب

شمس النهار يقول...

*الازهري

ماهو الخيال بقي حقيقه اهو
في خمس دقائق الرصيف بقي زي الفل

وماخدش مجهود

لكن للأسف كل واحد مستني غيره يعمل

المشكله ان الكناسين ماليين الشوارع منين ماتروح بيعيدوا عليك

شمس النهار يقول...

*عاشقة الرومانسيه

نورتي

انت دايما راضيه وربنا يعوضك علي رضاكي وصبرك خير

شمس النهار يقول...

*محاسن صابر
لا طبعا هو مش هيطلب لي الامن هو هيخاف اكتر علشان التدوين مش مشهور اوي كده عند اغلب الناس

انت كمان غاليه وحبيبه

وبفكرك بالوعد

شمس النهار يقول...

*بينك دريم
ايوه لازم
علشان كده
لازم الناس تخاف من شئ ما
لازم يكون في عقاب للي امام بيته او محله قمامه

غرامه جامده ويتساوي فيها اللي له ضهر واللي مالوش

بس كان الاحسن انهم يعملوا كده من ياب الايمان
ماهو النظافه من الايمان

شمس النهار يقول...

*دموع القمر
طبعا لازم يتخنقوا معاكي
علشان بتسلطي الضوء علي عيوبهم وخيبتهم
لكن الانسان لو صح
مايهموش حاجه

كان نفسي الناس تعود عينها علي الجمال الناتج من النظافه

شمس النهار يقول...

*كيمت
ازيك
انت فين مختفيه
ان شاء الله تكوني بخير

كل سنه وانت بخير وصحه وسعاده

شمس النهار يقول...

*يوسف
اهلا بيك في اول زياره للمدونه
بس الجمله دي لما محمود ياسين قالها كان بيدلل بيها علي عظمة مصر وشعبها

اللي للأسف نايمين شويه اليومين دول
بس ان شاء الله يصحوا ويكونوا احسن من الاول
كل سنه وانت طيب

شمس النهار يقول...

*ريم
ايوه فعلا هو ده اللي حصل
للأسف
يعني فعلا نظام خوف مش اكتر
كل سنه وانت طيبه وبخير وسعاده

شمس النهار يقول...

*ميمي

وحياتك مش محتاجه كاميرا ده كان بالموبايل

عارفه هي محتاجه شباب بيحب البلد دي
يقوم مره واحده في كل شارع ينظفوا
علشان مهما كان سبب القمامه دي من الاسباب اللي طالع بيها اشاعات

يقولوا احنا اهو

وخصوصا ان الموضوع هيؤدي بأوبئه وامراض
اقول لك
هاتي صينية البسبوسه
كل سنه وانت بخير وصحه وسعاده

شمس النهار يقول...

*فشكول

مع تقديري لكلام حضرتك
وليه يكون عادي
وليه مايتفقش سكان كل عماره ينظفوا امام عمارتهم هو يهني الوباء هيدخل عماره والتانيه لا

كل سنه وحضرتك طيب وبصحه وسعاده

شمس النهار يقول...

*ايدي
عارف ليه بيعملوا كده
علشان في رقيب اعلي جاي يقيم ولو همه كويسين هيثابوا ولو وحشين هيتعقبوا

وهو ده اللي بيحرك الناس للأسف الثواب والعقاب
لو اتعملت غرامات علي الناس وعلي الشركات اللي بتلم القمامه
مش هيكون في ازمه

كل سنه وانت طيبه وبخير وسعاده

شمس النهار يقول...

*زهور الامل

لا كده هدت حيل:)

نقسم الشوارع بينا كلنا
ونبقي شركاء

كل سنه وانت طيبه وبخير وسعاده

شمس النهار يقول...

*من غير عنوان
المشكله ان الناس مااتعلمتش تعمل حاجه مع بعض

مافيش مشاركه

انا حاولت اعمل حاجه في موضوع القمامه اللي امام العماره عندي فشلت

ماحدش عايز يعمل حاجه كله مستني الحكومه

وبصراحه الحكومه مش هتعمل كل حاجه

كل سنه وحضرتك طيب وبخير وسعاده وسرور

شمس النهار يقول...

*عاشقه وغلبانه
لا
ده الموضوع كبير جدا جدا
تعالي القاهره وانت تشوفي بنفسك
الشوفان غير الكلمان

كل سنه وانت طيبه وبخير وسعاده
ومحققه كل احلامك

د/ رامي شهاب الدين يقول...

كل سنة وحضرتك طيبة ورمضان كريم وإن شاء الله عيد جميل على حضرتك وكل إللى بتحبيهم

جميل ودقيق الموقف ده

وسؤالك ذكى

أما بالنسبة للإجابة : فأظن إنه إفتكرك حد هيعمل له مشاكل وخلاص .. صحفية ، موظفة من مجلس المدينة .. المهم إنه قال ظبط التظابيط ياعم وريح دماغك

دمتى بكل الود .. تحياتى

شمس النهار يقول...

*عاشقه وغلبانه

لا
ده الموضوع كبير
لازم تيجي بنفسك علشان تشوفي
الكلامان غير الشوفان غير الكتبان

كل سنه وانت طيبه وبخير وسعاده ومحققه كل احلامك
:)

شمس النهار يقول...

*احلام حقيقيه

الحقيقه ان المفروض ان النظافه دي تكون من ضمن سلوكياتنا الايمانيه حيث النظافه من الايمان

كل سنه وانت طيبه واحلامك الحقيقيه فعلا متحققه

جلال كمال الجربانى يقول...

طبعاً صحفيه .. ورقابه شعبيه كمان
إنتِ متعرفيش إنك بقيتى إعلاميه ولا إيه

وألف حمد لله على سلمتك
أتارى مصر منوره

وكل عام وأنتِ والأسره الكريمه بخير حال

بـسـمـــة صـــــلاح يقول...

هههههههههههههههههههههه
بوست جميل ودمه خفيف بصراحه
انا مش عارفه هي الناس مبتجيش غير بالعين الحمرا ليه

وبعدين ليه مش كل واحد يحافظ ع النضافة هو مش احنا اللي بنستفيد وبنتضر

حاجه عجيبه واهمال ملوش حدود

بصراحه البوست فكرته عجبتني اوي

ربنا يسعدك
تقبلي مروري

تحيــ بسومة النعومة ــــاتي(:

طوبه فضه وطوبه دهب يقول...

اكيد يا اما افتكروكى صحفيه يا اما افتكروكى مهندسه فى الحى مسئوله عن البيئه وفى كلتا الحالتين النتيجه واحده اننا شعب ما بيمشيش صح غير بالعصايا ناس ما بنعرفش نكون مسئولين من نفسنا كل سنه وانتى بالف خير وصحه وسعاده

غير معرف يقول...

شمس النهار الحبيبة
جاية اسلم واقولك عيد سعيد
عليكى وعلى اسرتك
واشكرك على زيارتك لمدونتى واتمنا
ان يدوم التواصل
وبالنسبة للبوست والله فكرة ننفذها
بس اللى يستجيب اصل فيه ناس تنحة
تحياتى

الازهرى يقول...

من جد وجد ومن زرع حصد
والككلام بتاع كى جى وان
ما علينا نعدى الموضوع بدل ما نتكلم عن الكوسه والموضوع يتحول لقضية رأى عام

الخيال هنا مش ان الشوارع تنضف
الخيال انهم يتفقوا
اكلمك على أسهل حاجه
مكتبة مركز الشباب عندنا لقلة العمال اتفقنا اننا نتشارك فى تنضيفها بنفسنا بحيث كل واحد هيكون موجود فى أيام معينه علشان لعبته
وكانت النتيجه بعد شهر ونص اكتشفنا اننا الوحيدين اللى بينضفوا
والباقيين ل حياة لمن تنادى

وسيبك من موضوع الامامير ده مش لاقيه عليهم
لو غيلان ممكن

glory يقول...

انا رايى الحكومه تعين ناس كل شغلهم انهم يتواجدوا فى كل مكان بكاميرا
يمكن حال البلد دى ينصلح يمكن
... ميرسى ليكى يااحلى شمس فى احلى نهار دى اولى زياراتى للمدونه وهى اكثر من رائعه

شمس النهار يقول...

*حازم سويلم
اهلا بيك في اول زياره للمدونه

عارف انا امبسطت جدا ان علي مامشيت الرصيف بقي نظيف

كل سنه وانت طيب وبخير وسعاده

شمس النهار يقول...

*فلور جيرل

اهلا بيك في اول زياره للمدونه

بس نفسي لما الاقي الدنيا نظيفه ابقي اكيد في مصر
بس انا عندي امل

كل سنه وانت طيبه وبخير وسعاده

شمس النهار يقول...

*نورهاتي
الحقيقه اللي مضيع مصر هي حكاية يالا نفسي دي

مافيش روح التعاون والمصلحه في مصلحة الجماعه

كل واحد مادام النار بره بيته هو في امان

مع ان القمامه اللي ماليه البلد دي
لما هتعمل وباء اكتر من اللي احنا فيه
هيعم علي الكل
ادعي معايا ربنا يصلح الحال
والناس تفوق شويه
كل سنه وانت طيبه وبخير وسعاده

شمس النهار يقول...

*موني الشريف
ازيك ياشقيه انت
عامله ايه

حمد الله علي السلامه

وكل سنه وانت طيبه وبخير وسعاده

شمس النهار يقول...

*ميشيل
تصدق والله فكره

احنا نرشي الفيفا تقول ان لو مشجعين الكوره المصريين اللي بيسدوا الشوارع لما مصر بتغلب
نظفوا شوارع المحروسه كلها وبقت زي الفل

مصر هتدخل كاس العالم وتغلب كمان

ايه راييك ياريس
اخر جمال :)

شمس النهار يقول...

*نواره
ازيك
عامله ايه

علي فكره انا مش عارفه اعلق عندك وماعرفتش اشوف طريقة عمل الفراخ

كل سنه وانت طيبه وبخير وصحه وسعاده

شمس النهار يقول...

*عاشقة الاحزان
كل سنه وانت طيبه وبخير وسعاده ومحققه كل احلامك

والسنه الجايه تكوني عاشقة الافراح

شمس النهار يقول...

*د/رامي شهاب

ازيك عامل ايه
انت فين اصلا معقول كل الغياب ده
وكمان قافل خالتي نظيره ذنبها ايه تقفلها بس
يارب تكون بخير وصحه وسعاده
والحمد لله انك طمنتي عليك

وكل سنه وانت طيب وبخير وسعاده ومحقق كل احلامك :)

شمس النهار يقول...

*واحد من العمال

الله يسلمك

وكل سنه وحضرتك طيب وبصحه وسعاده

ربنا يعيده عليك بالخير

شمس النهار يقول...

*بسمه صلاح

ازيك

ماهو لو كل واحد عمل اللي عليه
ماكانتش القمامه وصلت للمرحله دي
مع ان النظافه من الايمان

كل سنه وانت طيبه وبخير وسعاده

شمس النهار يقول...

*طوبه فضه وطوبه دهب

اولا انت وحشتيني جدا

ثانيا انت فين مش بتكتبي ليه بوستات

ثالثا نورتيني

رابعا علي فكره انا افتكرتك جدا في الموقف ده وافتكرت الحملات التفتيشيه بتاعت الشغل عندك


ماتغيبيش

وكل سنه وانت طيبه وبخير وسعاده

شمس النهار يقول...

*ام مالك
انت اللي نورتيني
وكل سنه وانت طيبه وبخير وسعاده
يعيده ربنا عليكي بالخير واليمن والبركات

شمس النهار يقول...

*بيرم التونسي

كل سنه وحضرتك طيب وبخير وصحه وسعاده

وشكرا علي اللفته الجميله

شمس النهار يقول...

*الازهري
من جد وجد مش هنختلف ياريس

وطبعا في كوسه والا انت رايك ايه!!!؟؟؟

اما بالنسبه للموقف اللي بتحكي عليه
وطبعا لما لاقيتوا انتم الوحيدين اللي بتنظفوا ماحاولتوش تعملوا موقف وكان الاسهل ان انتم كمان ماتنظفوش والا عملتوا ايه

وبالنسبه للأمامير
طبعا امامير
اومال خناشير:):)

شمس النهار يقول...

*د.,صافي

اهلا بيكي

الحكومه مش هتعين الحكومه اخدت قرشين النظافه علي الكهرباء
وخلاص الشعب يولع بقي

ولا شكر علي واجب المدونه جميله عندك جدا

كل سنه وانت طيبه وبخير وسعاده

شاب فقرى يقول...

الزبالة بقت من معالم العصر والواحد بيتعود على كدا فى كل مكان يروحه مهما كان

صراحة المكان الوحيد اللى ملقتش فيه زبالة هوا مدينة الرحاب

جميله جدا وبتفكرنى بالمدارس الخاصة :p
(لانى طول عمرى فى مدارس الحكومة الجميلة )

بالنسبة لصاحب المحل كان لازم يعمل كدا

بس الحمد لله إنك صورتى الموضوع من قبل ما يشيلوا الزباله ويمكن كدا ضميرهم يصحى شوية

لكى منى كل التحية ولنا عودة

شاب فقرى :)

------ يقول...

سعيدة جدا بزيارتك

علفكرة البوست الجديد نزل

مستنية زيارتك

وتقول رايك

كل سنة وانت طيب

شمس النهار يقول...

*شاب فقري
اهلا بيك في اول زياره

ونفسي ماتبقاش القمامه من معالم مصر نفسي

اما الرحاب نظيفه ليه علشان فيها مجلس مدينه بيحب المدينه وكمان السكان بيحبوا المدينه وبيحفظوا عليها
وعلي نظافتها

كل سنه وانت طيب وبخير وسعاده

شمس النهار يقول...

*دموع القمر
حاضر من عينيه هروح فورا

وكل سنه وانت طيبه وبخير وسعاده
ومحققه كل احلامك

ان شاء الله

Unknown يقول...

السلام عليكم ورحمة
الله تعالى وبركاته
وكل عام وأنتِ بخير
ياشموســــــــــــــة
عيد سعيد وعمر مديد
فى طاعة الله والعمل الصالح

غير معرف يقول...

كل سنة وانتي طيبة
كنت عاوز اعلق علي جملة
ان الله قادر علي اصلاح حطام قلبك
فقط اعطه هذا الحطام

لي اعتراض عليها
الله فعلا قادر علي اصلاح حطام قلبك
متي
ليس باعطائه الحطام لأنها سلبية ويأس
الله لا يساعد انسان علي اليأس والقتوط والسلبية
خصوصا اذا كان خلق فيه الأرادة والعزيمة والقوة
البداية تكون من عند اي انسان ان يبدأ هو بالأصلاح
وقتها الله معين
ووقتها
لن يكون حطام
ولكن ما تبقي من الحطام ان تبقي منه شيئا



tamer wahba

غير معرف يقول...

دوما امنت
ان الأنسان اكتسب الحياة من نفخة من روح الله
بالتالي
النفخة اتحملت ب99 صفة واسما لله هي جملة اسمائه الحسني
وعليه
الله جعل الأنسان اهلا دوما لأن يرتقي
الوصول للكمال مستحيل لأنه خاص بالله
ولكن الأقتراب منه ممكن اذا كان الأله هو من سمح به بنفخته من روحه

فقط اذا وعينا كيف خلقنا
قبل ان يكون السؤال لماذا خلقنا




tamer wahba

funckydoctor يقول...

فعلا اللى اختشوا ماتو :D

yasmina يقول...

السلام عليكم
ههههههههههههههبجد بنت حضرتك عندها حق ميه فى الميه
واحلى حاجة فى البوست انه بجد واقعى وهو د الامر الواقع اللى احنا عايشينه هنعمل ايه بقى ؟
ومهما تقولى والله الناس اللى بتعمل كدة ماينفعشى معاها كلام بس بنعمل اللى علينا عشان حتى منتحسبشى عليهم
كل سنة وحضرتك طيبة
وعيد سعيد يارب
سلام

شمس النهار يقول...

*فشكول
كل سنه وحضرتك طيب وبخير وصحه وسعاده

شمس النهار يقول...

*نورهاتي

كل سنه وانت طيبه يادكتوره
وبخير وسعاده وصحه

شمس النهار يقول...

*غير معرف (تامر وهبه)
اهلا بيك في زياره للمدونه


الحقيقه المقوله مش ليه
انا احفظها منذ 35 عام

واعطاء الله الحطام هنا
للأمل

المقصود ان يتجه العبد لله ويخلص النيه مهما كان محطم والله سيقبل توبته ويصلح له قلبه ان شاء

ولكن فاليتجه لله خالص للنيه
الجمله تعطي تشجيع وامل للعبد ذو القلب اللاهي

اشكرك علي الملحوظه

وكل سنه وانت طيب وبخير وسعاده

شمس النهار يقول...

*فانكي دكتور
اهلا بيك

وكل سنه وانت طيب وبخير وسعاده

:)

شمس النهار يقول...

*ياسمينا

اهلا بيك
وكل سنه وانت طيبه وبخير وسعاده وصحه

VÖltaa يقول...

ياه ياشموسة
فكرتينى باللذى مضى
انا كنت لحد 1/9 بشتغل فى القاهرة وكنت ماسك م نصر كلللها
والصورة اللى انتى مصوراها دى فى صيدلية البرلسى
دى انا كنت بعتلها ب 800 جنيه مرة ^_^
اصلى كنت شغال مندوب مبيعات

هوه حاليا انا سيبت الشغل علشان اقعد واربى العيال .. انتى عارفة مشاكلهم بقى :D :D

كل سنة وحضرتك طيبة وبخير دايما

hasona يقول...

كل سنة وأنتم بخير
ها انتهي رمضان وقد فاز من اتقي وعمل صالحا
والعيد لمن أدي الفريضة بخشوع وأيقن من القبول
إن شاء الله يكون عيد جميل
ويكون فرصة نتذكر أين كنا ومع من كنا في رمضان في الأعوام السابقة
ومن فقدنا منهم ومن سبقنا إلي الحياة البرزخية وتوفاه الله وسلم إلينا راية جهاد النفس
ولنتخذ من رمضان شحنة إيمانية لما بعدهم لعلنا نبلغ بها رمضان القادم
وندعوا أن يعيده الله علينا أعواماً كثيرة وسنين مديدة

م/ الحسيني لزومي يقول...

تقبل الله منا ومنكم
كع عام انتم بخير

romansy يقول...

اجمل التهاني وارق الاماني بحلول عيد الفطر المبارك
اعاده الله عليكم وعلينا بالخير واليمن والبركات
راجين من الله ان يديم علينا الاعياد والايام السعيدة
وان تستمر اعيادنا لابد

كل عام وانتم بخير

شمس النهار يقول...

*محمد
اهلا بيك في اول زياره للمدونه

وطبعا العيال اولي الناس بالرعايه
هو في احلي من كده:):)

كل سنه وانت طيب

شمس النهار يقول...

*حسونه

اهلا بيك
كل سنه وانت طيب وبخير وسعاده
ويارب تكون مانستناش في الدعاء


عيد
سعيد ان شاء الله

شمس النهار يقول...

*م/حسن لزومي

كل سنه وحضرتك طيب وبخير وسعاده

شمس النهار يقول...

*رومنسي
كل سنه وانت طيب وبخير وسعاده وصحه

السنه الجايه محقق كل احلامك


عيد سعيد ان شاء الله

لاسع افندى يقول...

تحيه وعيديه
وكحك وصحبه هنيه

عيد سعيد

الفقيرة إلى الله أم البنات يقول...

طبعا انا عارفه الشارع ده والسوبر ماركت دى وعمارت طيبه كلها عمارت فخمه وضخمه ومزدحمه
بس لو دخلت الشارع من ورا احتمال يكون اقذر
بس المشكله والله يا شمس سلوكياتنا
ونظام وانا مالى ..هو انا الخدام بتاعهم
يعنى لو كل واحد شاف ورقه مرميه رفعها من على الارض وحطها فى الباسكت هيبقى الشارع نظيف ولو المحلات احترمت نفسها واهتمت بالنظافه هنحصر القرف ده ومينتشرش
مش عارفه الحل ايه ..بس خدى بالك وانت سايقه شوفى الناس بتعمل ايه
بترمى من العربيه كأنها مش واخده بالها نظام (يييي وقعت منى) مش انا حدفتها قاصد

لو شفتى حلقه احمد شقيرى خواطر عن النظافه فى اليابان
هتعرفى قد ايه احنا منعرفش عن النظافه حاجه

ومفروض المسلم نظيف
اما اللى بيحصل ده هيحاسبنا عليه ربنا
والحقيقيه مش عارفه هنوصل لفين

غمض عينيك يقول...

مش يمكن بعد لما مشيتي رجع ورمي القاذورات دي تاني
هنا تكمن العبقرية المصرية
الناس تخاف من غيرها اه
انما تخاف على نفسها لأ

تحياتي
محمد سمير