الخميس، 11 نوفمبر 2010

تحديث صححت اللينك ++هو في ايه؟؟؟؟؟؟


همه بيتخنقوا ليه علي الترشيحات كده
للدرجة دي الموضوع سبوبه ولا في حاجه انا مش فهماها
يعني همه بيعملوا ايه؟؟؟
:))
نقراءهنا كده

:))))))))))
بس ياريت اللي يفهم يفهمني
:))

هناك 34 تعليقًا:

سواح في ملك اللــــــــــــــــــه- يقول...

فيه كعكه بتتقسم نفوذ حصانه مصالح بتتقضي شهره وفي الاخر خالص بيقعدوا
يقولوا كلمه واحده مافيش غيرها موافقون هما دول اللي المفروض يبقي في ايديهم مستقبل مصر منظر مزري تخياتي

شمس النهار يقول...

* سواح في ملك الله

هي الحصانه دي المشكلة ويبقوا فوق القانون

جميل

ومايحضروش الجلسات اصلا

:(

dr.lecter يقول...

بيقولوا عاملين اوكازيون

sony2000 يقول...

مهي سبوبه فعلا

عباس ابن فرناس يقول...

لوتسمحيلى يعنى حضرتك على نياتك شويه
المسأله مش محتاجه كلام
تحياتى

جايدا العزيزي يقول...

ههههههههههههه

اهم حاجه الحصانه يا ست الكل

علشان ينهبوا ويظلموا ويفسدوا

فى النور ومن غير خوف

حصانه بقى

والفلوس والنفوذ

وما خفى كان اعظم

موضوع فى الصميم

بس لو عرفتى ان فيه امتيازات تانيه قوليلى هههههههههههههه

ربنا يبارك فيك

تحياتى

Mafrousa يقول...

السلام عليكم يا شموسة
و كل عيد اضحى و انتى طيبة و بخير و عيلتك بخير يارب
بصي يا ستى ديه سياسة
و السياسة فى مفهومي المفروس فى ايامنا ديه يعنى الفساد بعينه
اغلب المرشحين من الرجال لا يفكرون سوى فى مصالحهم الشخصية،من شهرة و نفوذ و فلوس بتتاخد عن كل جلسة سواء حضروها او ناموا فيها او أزأزوا فيها لب، ده غير الحصانة اللى بتنفش ريشهم.
اما الستات...!!!!! فأنا شايفة اللينك بيثبت انهم ناقصات عقل...
يا شموسة
اللى عاوز يساعد الناس مش محتاج كرسي فى البرلمان
كل اللى بيحصل ما هو الا تخطيط لشىء نعلمه كلنا
و هو تسيير البلد و الشعب على هوا من خطط،
ولا حول ولا قوة الا بلله و حسبي الله و نعم الوكيل

غير معرف يقول...

اللي عايز يخدم الناس محتاج برلمان؟؟

adel يقول...

انهي موضوع انا بيدخلني علي الصفحة الرئيسية

غير معرف يقول...

فيه هوبر يا ستنا

بالسم الهاري على البعدا

عافانا الله وعافاكي

باحث عن حب يقول...

اختنا شمس النهار
احنا اللى ملناش فى الظلم نصيب
يلا نسيب ليهم الظلم لانه ظلمات يوم القياميه
علشان المنصب
لا يخدم سوى صاحبه
اما اللى تحت
محدش هيسأل فيهم

على فكه الرابط جايب
الصفحه للاوباما مع بتاع اندونيسيا

Sweet Violet يقول...

احم احم
انا عارفة اني هضرب ضرب ماحدش اضربه ولا هيضربه
بس اقول اييييييييه
منه له اللى فضلوا ينقوا و يقروا على اول تعليق و يقولوا كوسة و بصل
لحد ما الحمدلله مابقاش فى تعليق و مطحوووونة
:((

خدي لي حقي ياشموستي بقى من الناس الوحشة دي
انا تعبانة من الطحن و مش قادرة اعمل حاجة انا
:((

****
جد بقي
انا بردو بدخل على الرئيسية مش على خبر
:\

ايه بقى الحكاية
:)

mrmr يقول...

انا دخلت على الصفحه الرئسيه ومعرفتش انتى تقصدى اى موضوع

لكن من الصوره وكلامك فهمت انك بتتكلمى عن ترشيح المراه فى الانتخابات
عايزه اقول انه بلا شك سببه
الحصانه والسبوبه

اى مرشح بيدخل علشان يقدر ينهب ويسرق ويمص دم الغلابه
واى خدمه يابا واى خدمه يا ابنى وكل خدمه مش اقل من الوف مؤلفه
والاسم قال ايه مرشح لخدمتهم
ده ابسط ما يكون
انا اعرف حاجه واحده بس
اللى عايز يخدم ح يخدم بدون اى منصب
تحياتى اليكى يا اجمل شمس

سمكه واحده يقول...

بيقولوا في تخفيضات وحجات شتوي نازله روعه
كمان بيقولوا انهم بيوزعوا لحمه
كمان ايه بيقولوا في هدايا ومبروك كسبت عجله

لو في سبوبه متسبونيش ياريت تخدوني معاكم
والله منا عارفه
ياريت لو عرفتي تقوليلي

ذو النون المصري يقول...

طبعا فيه سبوبه
و سبوبه كبيره كمان
يبدو ان السبوبه طلعت اكبر من كل خيالاتنا
لقد تاكد لي ان خيالاتنا التي كانت تتصور مثل هذه الامور ان هي الا خيالات مريضه
نعم خيالاتنا كانت مريضه لانها كانت تتصور فساد النخبة في مستوي ضئيل لا يبلغ الحقيقه
حينما تصح خيالاتنا و تتعافي من مرضها سنتعرف علي الحقيقة المرة

همسات وبحــ الحياه ــر يقول...

شموووووستى
واحشاااااانى
بصى ياقمرى
انا شغلى فى الجرنال خلانى اشوف العجب من المرشحين
اروح لواحد الاقيه معاه مستندات وبلاوى تدين التانى وكأنى فى حلبه مصارعه سواء من الرجال او النساء
مقدرش اقول مصالح شخصيه لان فعلا فيهم ناس كويسة نفسها بجد تصلح
لكن اتمنى ان الانتخابات تكون نزيهه
علفكرة الحلقه الجديدة نزلت
دمتى بكل خير

صوت من مصر يقول...

عارفه الكوسه
الناس دى بقى بتشترى الطماطم عشان تعمل كوسه
وحشانى مدونتك كتير
ووحشانى المدونات كلها اصلا

شمس النهار يقول...

* dr.lecter

::))

حتي الانتخابات فيها اوكازيون

!!

شمس النهار يقول...

* sony2000

ده اكيد والا ماكانوش عملوا ده كله

شمس النهار يقول...

* عباس ابن فرناس

لا والله محتاجه كلام وكلام كتييييير جدا

لما اللي هميثلوا الشعب يعملوا كده
والمفروض ان النواب دول لخدمة الشعب يبقا سلام يبقا في كلام تاااااااني خالص

شمس النهار يقول...

* جايدا العزيزي

طيب مادام كده
مايقسموا مع ابناء الدايره بقا

مش همه اللي بينتخبوهم
:)))))

شمس النهار يقول...

* Mafrousa

وعليكم السلام يامفروسه زي
وكل سنه وانتي طيبه وان شاء الله السنه الجايه علي عرفات

:)

انا اللي ضايقني ان الناس دي بتصرف جامد وبتحارب
مع ان المصاريف دي لو وجههوا لأبناء ديرتهم فعلا هيفوزوا علي طول
يعني اللي صرف 4مليون ده
لو طول السنه صرفهم علي ديرته مش هيحتاج يحارب علشان يتم ترشيحه

اهو من ضمن وجع القلب
:)

شمس النهار يقول...

* يوميات شحات

:))

ايوه علشان يخدمهم وهو مسنووود

:)))))

شمس النهار يقول...

* مصري جدا

لااااا
همه تعدوا مرحلة الهوبر خلااااص
دي بقت قديمه

:)))

شمس النهار يقول...

* محمود(باحث عن حب)

والله عندك حق

انا صلحت اللينك

:)

شمس النهار يقول...

* Sweet Violet

اهلااهلا
كل ده تاخير
فرحتي فينا الناس كده

:))))
عدلت اللينك

شمس النهار يقول...

* mrmr

كلامك مظبوط

وفي ناس عاملين تسعيره للخدمات

بس ده مايمنعش ان في شرفاء كتيررر

صلحت اللينك

:)

شمس النهار يقول...

* سمكه واحده

بس كده من عينيه اول مالاقي مصلحه
هصفر لك تطلعيلي من تحت الماء

:))

واهو نشوف موضوع الاوكازيون بالمره
:)))

شمس النهار يقول...

* ذو النون المصري

عارف المشكله ان الشعب بيصدق وبيروح ينتخب الناس دي

وبيجري وراء كلامهم

كل مره

:)

شمس النهار يقول...

* همسات وبحــ الحياه ــر

اهلا بيكي انتي كمان وحشتيني

المشكله انها بتبقا حرب غير شريفه

واشاعات وتلويث سمع ناس
وكأنهم نسيوا ربنا استغفر اله العظيم

:)

شمس النهار يقول...

* صوت من مصر

اهلا اهلا
اخيرا ظهرت ياريس كيمو

كنت لسه هبعت منادي يدور عليك

مصر تعدت مرحلة الكوسه ياكيمو

والدائره عندك من اكتر الدوائر الانتخابيه ضراوه
واكيد انت عارف

ابراهيم رزق يقول...

اللى عايز يخدم بيخدم مش محتاج مجلس شعب والله لو مصاريف دعاية المرشحين اتصرفت كخدمات للدائرة لحلت نصف مشاكلها و لحلت النصف الاخر باختيار الرجل المناسب البعيد عن المصالح الشخصية انتى عارفة بعد صلاة الجمعة روحت البيت وانا احما حوالى كيلو جرام من المطبوعات خشيت ان ارميها حتى لا تلوث المدينة

شمس النهار يقول...

* ابراهيم رزق

ماهو ده اللي بنقوله لو الملايين اتصرفت علي الناس هينتخبوهم من غير دعايه اصلا
فايده كامل كانت تنتخب من اهل ديرتها ولم يكن لها منافس ابدا
بسبب اللي كانت بتعمله لأهل ديرتها

شمس النهار يقول...

(****adel ****)

عااااادل النت برضوا يعملها ويوقع بيني وبينك

رديت عليك ومش لاقيه الرد

حتي النت ياربي بيوقع بيني وبين اصحااااابي

:))

صلحنا اللينك ياريييييسسس