كل سنه وانتم طيبين
كل مااجي مسافره باخد معايا كتاب اوكتابين حسب مدة السفر
المره دي وانا بدور علي كتاب اخده معايا لاقيت كتاب كنت نسياه
اكتر من اربع شهور عندي وماقريتوش لسه
اسمه
(ازمة رجالة)
الكتاب ده من اظرف واصدم كتاب قريته مؤخرا علي بساطته
وكمان هو كله حقائق يعني الكاتب (ايهاب عبد السلام )ماجبش جديد
مش اكتر من انه قال للغوله انتي عينك حمرا
ولفت نظري كلمة قويه جدا
ربنا لما قال الرجال قوامون علي النساء
ماقالش الذكور
ماحددش النوع حدد الصفه
يعني مش هيعرف يعمل ده غير الرجل بمعنب كلمة رجل
وكذلك النساء مش الاناث
****
عايزة اقول ان الرجل علشان يكون رجل لازم الست كمان تبقا ست في بعض الستات نسيوا انهم ستات وبالتالي بعض الرجال نسيوا انهم رجال تبادل الادوار وصلنا لده
رمي الحمل كله علي الستات
وتبقا هي الرجل والست في نفس الوقت
***
ربنا كرم الست تكريم كبير
وحافظ عليها كالجوهره
****
رحم الله الشيخ الشعراوي
لما قال( القوامه انك تكون في خدمة اهل بيتك من النساء)
والقوامه هنا مش بس للزوجه
للأم والاخت والابنه والعمه والخاله
*******
للأسف مفاهيم كتير اتغيرت واتغير معاها اوضاع كتير
لا الطفل بقا طفل
ولا الشاب بقا شاب
ولا الست بقت ست
ولا الرجل بقا رجل
_____
الكتاب بيتكلم عن الازمة ليه حصلت واسباب تفشيها
وايه حلها
الكتاب جميل ياريت تقروه
:))
كل مااجي مسافره باخد معايا كتاب اوكتابين حسب مدة السفر
المره دي وانا بدور علي كتاب اخده معايا لاقيت كتاب كنت نسياه
اكتر من اربع شهور عندي وماقريتوش لسه
اسمه
(ازمة رجالة)
الكتاب ده من اظرف واصدم كتاب قريته مؤخرا علي بساطته
وكمان هو كله حقائق يعني الكاتب (ايهاب عبد السلام )ماجبش جديد
مش اكتر من انه قال للغوله انتي عينك حمرا
ولفت نظري كلمة قويه جدا
ربنا لما قال الرجال قوامون علي النساء
ماقالش الذكور
ماحددش النوع حدد الصفه
يعني مش هيعرف يعمل ده غير الرجل بمعنب كلمة رجل
وكذلك النساء مش الاناث
****
عايزة اقول ان الرجل علشان يكون رجل لازم الست كمان تبقا ست في بعض الستات نسيوا انهم ستات وبالتالي بعض الرجال نسيوا انهم رجال تبادل الادوار وصلنا لده
رمي الحمل كله علي الستات
وتبقا هي الرجل والست في نفس الوقت
*** ربنا كرم الست تكريم كبير
وحافظ عليها كالجوهره
****
رحم الله الشيخ الشعراوي
لما قال( القوامه انك تكون في خدمة اهل بيتك من النساء)
والقوامه هنا مش بس للزوجه
للأم والاخت والابنه والعمه والخاله
*******
للأسف مفاهيم كتير اتغيرت واتغير معاها اوضاع كتير
لا الطفل بقا طفل
ولا الشاب بقا شاب
ولا الست بقت ست
ولا الرجل بقا رجل
_____
الكتاب بيتكلم عن الازمة ليه حصلت واسباب تفشيها
وايه حلها
الكتاب جميل ياريت تقروه
:))
هناك 75 تعليقًا:
جميل الكلام
هناك تراجع في ادوار الرجال فعلا
وهناك ايضا تراجع في الانوثه
فما كان بالامس الرجل يحتاج ان يفتح زارين من القميص او يمشي فارد دراعاته
او يلعب شويتين حديد حتي يثبت انه رجلا وقوام دون التزامات
وما كانت الانثي تحتاج الي كشف كل هذا العري من اجسادهن ولبس المحزق والقصير
حتبي تعلمنا انها انثي
فالمسؤوليه كانت للرجال
والحياء كان للانثي
وهكذا كان تعريفهم
ان شاء الله يتم البحث عنه
كل سنه وانتي طيبه وبخير دايما
انا عندى رأى يمكن يكون غريب شوية الرجل لم يتحول لهذه الصورة الا بسبب المرأة من أمتى بقى من ساعة حقوق المرأة والطفرة دى أصبح فى خلل انا من انصار حقوق المرأة جدا بس على الدين الاسلامى والله فى ناس بتتطلق علشان جوزها عايزها تقعد فى البيت وهى مش راضية مع ان المفروض كلمة الرجل مطاعة جوة البيت طالما فى سياق ما أحله الله فا انا شايف دى احدى الاسباب وطبعا فى حاجات تانية كتير
تانى حاجة بقى اكتر شخصية رجل كرهتها فى حياتى هى شخصية سى السيد الناس عندنا نوعين اما رجل المرأة تتحكم به اما رجل متسلط الحكم على المرأة بمعنى اللى بيقدر فيهم مش بيعفى لان الناس نست الشورى والديمقراطية ممكن حد يقول انا بهبل ديمقراطية اية انا شايف ان لازم يكون فى نظام شورى فى البيت مش عشان انت الراجل وبتجيب فلوس تتحكم فيها اية مثلا عايز تجيب عربية تروح تسأل زوجتك اية رأيك واقتراحاتك ويكون اسلوب نقاش للأتفاق على شئ يرضى الطرفين
أخيرا بقى ما ننساش ان الحاجة الوحيدة اللى خلقها ربنا وعظمها كيد النساء
أن كيدهن عظيم
وانا شايف ان دة سهل جدا يتطبق وحتكون نتايجه مبهرة
لكى منى كل تحية
عاااااااااااا
انا حجزت الاول انا
:((
....
هو كل حاجة دلوقتي بقت عكسها
تفتكري ياشموستي هو ده التطور الطبيعي للزمن ؟؟
نشتريه إن شاء الله يا شمس بس فعلا هي بقت أزمة رجاله و أزمة ستات
سلام عليكم ورحمةالله وتعاليى وبركاته
من العابدين الفايزين
وعساكم من عواده
والله يتقبل منكم صومكم وحجكم
......
وأن يرجع الحجاج سالمين غانمين
وأن يعيده علينا وعلى جميع الأمة الإسلامية باليمن والبركات
وكل عام وأنتم بخير
شكرًا مدام شمسن وكل سنة وحضرتك وزوارك الكرام بخير وفي سكينة ورضا
وصاية، ولاية، قوامة
السلام عليكم ورحمة الله وبركاته
سيدتي
تعرفت على مدونتك عبر مدونة الصديق نور الدين. فله الشكر وأتمنى ان تقبليني بين قرائك.
وأهنئك على هذا النفس الطيب المسالم الإنساني الذي يفوح بين سطورها.
ارجو أن يتسع صدرك لرأي يختلف عما يبديه مقالك.
سيدتي
الوصاية والولاية والقوامة يجب أن تختفي كما اختفى المجتمع القبلي الرعوي الذكوري العنيف الذي افرزها.
إن تغيير معاني الكلمات وصقلها لإلباسها ثوبا يخفي ما ورائها لن يكفي.
السؤال هو هل نؤمن بحرية المرأة كاملة في امتلاك عقلها وقلبها وجسدها ومالها أم لا؟
لن يكفي لتجنب هذا السؤال- المسألة ان نعود الى فقه اللغة ومعاجم التفاسير.
طيب انتم تريدون تفسيرا جديدا للقوامة. تقولون إنه يعني خدمة الرجل للمرأة.
ولكن ماذا تفعلون بآلاف القوانين والفتاوى التي تضطهد المرأة وتجعل منها إنسانا ناقص الأهلية
1- المدنية
2- والسياسية
3- والمالية
المرأة في المملكة الوهابية تحتاج الى موافقة الوصي لإجراء عملية إنقاذ في مستشفي!
تحتاج الى رجل يراقبها اذا دخلت مطعما!
تحتاج الى إذن وليها في
الزواج
والعمل
والسفر
والعلاج
والمملكة الوهابية ليست هي الوحيدة التي ترجمت الولاية والوصاية والقوامة الى قوانين مكتوبة تكرس دونية المرأة.
كل الدول العربية والاسلامية تفعل هذا وعلى درجات مختلفة من الفضاضة ... وعندما لا تكفي القوانين فهناك سكاكيين الأخ والأب والعم وأبناء العم مشرعة صونا لشرف العائلة والعشيرة والقبيلة والأمة...
المرأة لا تطلب حريتها ومساواتها وحقوقها الإنسانية كحسنة وجميل ومعروف يتفضل بها عليها الرجل إن شاء وإلا فسوط وسيف وسكين القانون معه مسلط على رقبة "الحرمة".
سيدتي
لم تعد المسالة فقها لغويا في تفسير مسالة القوامة والوصاية والولاية.
بل ولا في الاجتهاد اللغوي للتفريق بين ذكر ورجل كما يفعل صاحب الكتاب.
تجربتي ومشاهداتي لما أنجزته شعوب الأرض قاطبة تظهر أن الفقر أو الجهل أو التخلف أو العنف،أو جميعها معا يحل حيث حلت وصاية وقوامة وولاية –ايا كان المصطلح- الرجل او الذكر او الفحل او سي السيد – أيا كان المصطلح – على المرأة.
دمت بخير ومحبة وسلام
طب مدام كدا
هجييبوا
وهقول رأيي بعدها
ميروسييييييه
القوامة معناها شامل وعميق جدا وبالرغم من الهجوم على المجتمع الذكورى لكن برضه محدش يقدر ينكر ان الحتياج النفسى للرجل من قبل المرأة والعكس يعتبر من اهم صور القوامة وده رأيى الشخصى يحتمل الصواب والخطأ
الكتاب شكله كويس هدور عليه
تحياتى
شموووووووسه
الازمه بكل بساطه هى ازمه فى كل شئ مش مجرد ازمة رجال فقط لكن ازمه فى تبادل الادوار ول واحد عاوز يعلب دور مش بتاعه اصلا ...
ازمة اخلاق انعدمت وتراجعت
ازمةاباء غابوا وانشغلوا عن ابنائهم
ازمة تربيه مافيش امهات اتربيت عشان تربى ابنائها
انها مجموعه من الازمات ومحتاجين فريق لمواجهة الازمات ولكن هيهات ان نجد من يحل تلك الازمات المتلاحقه
لابد ان نبدأ بأنفسنا ...
ان شاء الله هاشترى الكتاب واقراه
كل سنه وانتى بخير
زهراء
اولا كل سنه وانت طيبه يا ست الكل
فيه ناس مننا كتير فعلا مايعرفوش
الفرق بين الرجال والزكور
وهى دى المشكله
فعلا كتاب مفيد وجميل
وطرحك له اجمل
اشكرك
تحياتى
شمسوسه حبيبه قلبى
يعنى تبادل الادوار ده وحش
انا بعتبر نفسى راجل وست فى نفس الوقت
راجل فى شغلى وتعاملى مع صنف الرجال
وست فى البيت وعلاقتى بزوجى واولادى
ونفس الراجل ممكن يكون له نفس الادوار
ايه المانع وايه المشكله
المهم ان الكل يفهم صح وجباته نحو الاخر
اختنا
الموضوع فى الفهم
محدش فاهم حاجه
كله متلغبط
كله
سايح على كله
لا الراجل فاهم كينونه الرجل ولا الست فاهمه كينونه الست
العقول اصبحت
متعفنه مفيش فكر
والقلوب جوفاء
والنفوس واهيه
ادرك ان ما اتكلم عنه
هواللى على السطح
وان هناك الكثيرين
من البشر فاهمين وواعين
بس اقول
الموضوع وقضيتنا الفهم
محدش فاهم حاجه
كل سنه وإنتي طيوبه وعسوله ياماما شموسه
^^
شكل الكتاب فعلا محتواه حلو
هناك رجالا لم تعد كذلك ونساء أيضا للأسف
فعلا الدنيا إتلخبطت أوي
ربنا يهدنا يارب
أشكرك على إختيارك ومشاركتنا إياه
^_^
والله دة رأى من فترة
ان مش كل انكتب في البطاقة ذكر يبقي راجل
للاسف عملة نادرة وقربت تنقرض
ربنا يستر
تحياتي
انقراض الرجال واختفاء حواء
انتشار الذكور وتغلل الاناث
هذا هو العنوان الحالى
الانقراض شيىء طبيعى جدا وغير مستغرب فى الوقت الحالى
لوجود نفق بين الصفات
فمن ولدته امه ذكر لم يتعلم صفة الرجولة ومعانيها
ومن ولدتها امها انثى لم تتعلم صفةالامومة ومعانيها
التعلم فى حد ذاته هو المسئولية
التى تسند الى شخص ما لمعرفة قوة تحمله وتفكيره
فمن افتقد تحمل المسئوليات اعتبره العقلاء والحكماء فى حكم الابله
لذا عندما شططنا عن تحمل المسئوليات
بزغ فينا مسوخ بشرية
لا نستطيع وصفها
هل هم فعلا ذكور ام اناث ام تهجين
كنت اقول يوما لصديقى الذى يرفع الشطنة المدرسية لابنه
اتركه يحمل حقيبته المدرسية بنفسه
واذا اشتكى تفاعل معه وشجعه يوم فى يوم
لن يشكو
وانتقل معه الى مسئولية اخرى
اجعله ينظف فرشاة اسنانه بعد استخدامها اجعله يرتب سريره وهكذا منذ الصغر
فينشأ متعلم ويقدر المسئولية
بقدر حبى لقراءة ما يثير دايما اهتمامى
بقدر ما انا مبتعد لمعرفتى بأسباب ما نحياه
فقد ينقصنا التخطيط لاولادنا ليكونوا رجالا او امهات
بدل من التخطيط لهم فى المدراس الخاصة
خالص التقدير على اثرائى بكتاب مهم ونقاش اجمل
يسلموو ممكن تسجلون بمدونتي ولآ عليكم
امر؟
هذا الرابط
http://moony-stardoll.blogspot.com/
الرجال قوامون على النساء :) على فكرة برضو فيه ستات كتير وللأسف بيعتبرو ان ا لجملة دى مستفزة معا انها فى حالات كتير بتكون نسبية
يعنى زى ما القوامة للراجل فى حاجات اكيد بتكون فيه قوامة للست فى حاجات تانى
بس المشكلة زى ما حضرتك زكرتى انه حصل خلل فى الادوار
ويظهر ان الراجل زهق من انه يقدم دور الرجولة
والست كمان ملت من دورها هههه
وفى النهاية لايصح الا الصحيح
تحياتى
كل سنه و انتي طيبه يا شمس المدونات يا كريمة الاصل و الخلق
ازمة الرجاله طبعا ليس بمعني الفحوله و لكن بالمعني المجازي للمسئوليه و الالتزام
و لعلك اشرتي الي فحوي الكتاب و لكنني كما افعل دائما اتبع تعليماتك و سوف اقرا الكتاب
تحياتي
فعلا ازمة رجاله
وستات
وطماطم
وسكر ورز
عادي كله
ازمه عامه
الله ياشموستى
شكل الكتاب دا جمييييييييل
كونى له انثى يكن لكى رجلا
ازيك يامدام شمس
انا بس نفسي افهم حاجه مهمه الرجاله تقولك الانوثه ضاعت من الست
ولما تيجي تسئلي الراجل ايه هي الانوثه يقولك الجمال وانها حتي لو نص نص او وحشه لو اهتمت بنفسها هتبقي جميله في عيني
وانا بقي بعيد عنك كنت محبوسه زي الزتونه في برطمان المخلل ولما ربنا فكها عليا اكتشفت ان مفيش ست او بنت اعرفهم الا لما تكون بتهتم اوي اوي حتي لو ماديا فقيره
لكن تحوش علشان تجيب مكياج وتحوش علشان تجيب كريمات وشاور والحاجات البسيطه المطلوبه
واللي مهتميه بالشعر في جسمها طلع مطلعش اشيل مشلش
وكمان الشعر تسريحات مختلفه والوان مختلفه وكمان عدسات ملونه لا وكمان تتعلم تحط المكياج علي اصوله مش اي هبل
ومع ذلك مش عاجب وبيقولوا الانوثه وكلام هبل من ده
وفي نفس الوقت تبصي تلاقي الراجل شرابه خرج وعينه زايغه ومراته جنبه زي لهطه الاشطه وبرده باصص علي اي وحده وممكن تكون الخدامه اللي في البيت
نفسي اجيب الرجاله كلهم واحرقهم بجاز وسخ
مش لاقيه راجل معتدل في دينه ومش عينه زايغه وفي بيته مع مراته كويس ومحترم
لو راجل كويس ومحترم ومؤدب وبن ناس تلاقيه اول متعدي ست سواء مزه او غير لازم يبص ومش بص بس لا عنده استعداد يشرح الوان اللبس واشكاله وومكن كمان الهدوم الداخليه لو حبيتي من رشقة عينه في هدومها
انا بكرههم وقربت اكرهه ابويا واخويا من اللي بشوفه منهم
*سواح في ملك الله
تراجع دور الرجل هو اللي اتبعه كل الهم اللي احنا فيه ده
بنت اتعكست في الشارع(كل الستات بتتعاكس المنقبه والسافره والمحجبه)
ولا رجل من اللي مشيين حاول يدافع
سمعتها بودني مش عايزين تحرر اشربوا بقا
*صمت المشاعر
ان شاء الله هيعجبك
كل سنه وانتي طيبه وسعيدة
* elsha3er
السبب مش الست علشان كده بقم الرجاله زي مابتقول
ارجع للأصل
اصل القوامه علي الرجل
لما تخلي عنها بمفهومها الصحيح حصل الخلل
عارف ليه الست بترفض تقعد في البيت وكتير منهم بتفضل الطلاق
علشان شافت حواليها مليون ست اطلقت وماعرفتش تصرف علي نفسها وعيالها وطليقها بهدلهم
علشان الرجل لو فهم معني القوامه وقراء المكتوب عن قانون وشرع الطلاق عند الله وتمسك بيه ماكنتش هتحصل المشكله دي
شوفت رجعنا تاني ازاي لأصل الاشياء اللي ربنا حطهلنا
اللي لو تمسكنا بيها مش هنضيع ابدا
وانا كمان مش بحب لاسي السيد ولا الرجل اللي ممشياه زوجته
ونظام الشور جميل في الاسره بيزود الحب والود والتفاهم
الرسول صلي الله عليه وسلم كان بيتشاور مع زوجته
شكرا ياشاعر علي التعليق الجميل
* Sweet Violet
:))
جيت احجز لك اول تعليق النت فصل
حظك بقا
:))))
ايوه ياحبيبتي هو ده التطور الطبيعي للبعد عن الفطره السليمه
* كلمات من نور
اهلا يا ست الكل
بعدنا عن الفطره يبقا هنستنا خير
وكل ماالزمن يمش بنروح للأسوء
نورتيني
* عاشقة القمر
وعليكم السلام ورحمة الله وبركاته
ازيك يارب تكوني بخير
انتي فين مش باينه خالص
وكل سنه وانتي طيبه وبخير وسعاده
*أحمد شريف
اهلا بيك يااحمد
ازيك يارب تكون بخير
وفينك ليه مش بتشترك معانا في المنقاشات ؟
كل سنه وانت طيب
* fransy
اهلا بك في اول زارة
القوامه كما ارادها الله ليست محل نقاش
لا مني ولا منك
اذا اراد الله شئ ليس علينا الا الطاع
والقوامه وتكريم المراه وحقوقها في الاسلام ترد كلها علي تعليقك
الاسلام اعطي المراه كل الحقوق
وسلبتها منها المجتمعات الذكوريه
شرفتني
*sony2000
اهلا بيكي عامله ايه دلوقتي يارب تكوني احسن
:)
فعلا لو قريتيه هيعجبك فعلا
بس انتي ايه رأيك في موضوع القوامه؟؟
* Foxology
القوامه دي يافوكس لامن عندي ولا من عندك
دي من عند ربنا
المهم نفهم معناها الصحيح
اللي اتشرح في سورة النساء
وسورة الطلاق
وبعض الايات في سور متفرقه من القران
وكذلك في احاديث نبويه كثيره
ده غير الثابت من السيره النبويه
وكيف كانت العلاقه في ظهور الاسلام
كل سنه وانت طيب
* لـــولا وزهـــراء
ماهي الازمة بتبتدي في الاصل
تروح الفروع كلها مايله علي طول
كل سنه وانت بخير وسعادة
* جايدا العزيزي
كل سنه وانتي بخير وصحه وسعادة
هو كتاب لطيف
دوري عليه هيعجبك جدا
:)
* mrmr
ازيك ياجميلة
كل سنه وانتي طيبه
مش كل الناس يامرمر اللي بتحافظ علي الشعره دي
في ستات من كتر تقمصها لدور الرجل بتقلب رجل فعلا
وكذلك الرجاله
ماكل واحد يعيش دوره احسن اللي ربنا خلقه عليه
فاااااصل قصير واواصل الرد علي التعليقات الجميلة
:)
واضح ان في ازمة بشر
"مفتقدك يا فندم جدا "
سيدتي شمس النهار
تقولين
"
القوامه كما ارادها الله ليست محل نقاش
لا مني ولا منك
اذا اراد الله شئ ليس علينا الا الطاع
والقوامه وتكريم المراه وحقوقها في الاسلام ترد كلها علي تعليقك
"
سيدتي
اولا
ليس من السهل التمييز بين ماأراد الله وبين مايُنْسًب الى ارادة الله طمعا وتسلطا واستغلالا لعباد الله.
ثانيا
قد يناسب قانونا ما مرحلة من تطور المجتمع ولكنه يصبح لاغيا في مرحلة متقدمة.
هل يمكن لاي عاقل ان يقبل بفكرة بيع وشراء النساء في سوق النخاسة كملكات يمين؟
يمكن للنصوص ان تتطور وتتعدل وتنسخ طبقا لمصلحة الامة.
أخيرا
حول تكريم المرأة الاسلامية
لا أري ان ما تعيشه المرأة الاسلامية من قهر وتخلف يعتبر تكريما أيا كان فهمنا للنصوص.
تشرفت بمعرفة مدونتك وأتمنى لك الخير والسلام
مش ناوى اقراه لكن دخلت اسلم
رغم انى غايب عن التدوين لفترة طويلة
حبيت اطمن على المدونة عندك واطمن عليكى
كل سنة وحضرتك طيبة
وبجد سعيد جدا انى رجعت لعالم التدوين الجميل
مودتى
اسير الجراح
قولينا يا شموسة الكتاب تبع انهي دار نشر وبكام ... انا عايزة اقراه شوقتينا وبجد ملحوظاتك عنه جميلة جزاكي الله كل خير
لولا
اعتذر عن تأخر التهنئه بالعيد لعطل بشبكة النت بالمنطقه التي اسكن بها
خالص تحياتيِ
------
تراجع الادوار بسبب الجري وراء الاحتياجات الماديه التي سحقتنا وسحقت حياتنا فضاعت كل التفاصيل الجميله التي تجعل الرجل رجل والمرأة مرأه
السلام عليكم
كيف حالك يا حاجه
انا كتبت تعليق وراح منى
ما علهش
اصل انا كتبت قبل كدا وقلت الرجاله ما لهمش لزوم خالص وكنت بانتقد باسلوب ساخر وربما صادم شويه اوضاع الرجاله اللى بقت لا تسر عدوا ولا حبيب
وحضرتك علقتى وقلتى مش مستوعبه بس انا كنت انتقد اوضاع كتيره باسلوب رمزى عشان اقول اننا ما بقاش لنا لازمه خالص وان الرجاله ما يفرقوش عن الحريم فى حاجه .. بالعكس الحريم ادوارهم واضحه فى الحياه والرجاله الان اصبح ليس لهم دور .... وعايز اقول حاجات كتيره واتكلم عن رجاله كتيره .. بس طبعا ما اقدرش احسن حبايبنا الحلوين يودونى فى توكر .. .... وخلاص
شموسة الجميلة
معلش انا مقصرة معاك
بس الدنيا بتجرى و بنجرى معها و الواحد فى الاخر يلاقى نفسه بردو مش عمل حاجة غير انه قصر مع الناس القريبة منه
كل سنة و انتى طيبة
و كل بؤجة و انتى طيبة
ميعادها الجمعة يوم 10 ان شاء الله
مش عارفة النصيب ايه السنة دى لو عندك لها حاجات ..هاقدر اجى اخدها ولا لا
بس بردو حبيت ابلغك لانك من الناس اللى عمرها ما اتاخرت عنها
الكتاب مفروض يبقى اسمه
ازمة انسان
السلام عليكميا شمس هانم
تحياتى
مش انا كتبت عن الموضوع ده وقلت ان الرجاله ما بقاش لهم لزوم خالص وانهم لو انقرضوا مش حيحصل حاجه فى الدنيا وانتى علقتى وقلتى انك مش مستوعبه الفكره .. طب يا هانم آهوا جالك اللى يقول لك على الحقيقه المره ان الرجاله ما بقتش رجاله وبعدين يعنى ايه المشكله لو ان الرجاله بقوا حريم .. ايه يعنى المشكله ..ولا مشكله ولا حاجه .. الحريم د الوقت احسن من الرجاله .. وجهة نظر يعنى
تحياتى
اصل بالمصادفه برضه لقيت التعليق تانى ومش عارف ايه اللى حصل .. قمت استخسرت امشيه وارستله من جديد
سلام عليكم
دعوه لانتخاب الافضل
الاخوان المسلمون
* ana ga3an
اهلا بيك
ازيك يارب تكون بخير
ايوه في ازمة بشر يعني ازمة اخلاق يعني ازمة كل شئ
احنا كمان مفتقدين تدويناتك الناريه
كل سنه وانت طيب
* fransy
الحقيقه مش هقدر اناقش معك نص من القرآن علشان انا غير مؤهله لده
لكن النص واضح وصريح وفسره العلماء
والقانون شئ والامر من الله شئ
واكرر الاسلام كرم وحرر المرأه
ووالمجتمع الذكوري استعبدها
شكرا لك علي الحوار
* صوت من مصر
الله يسلمك
انت ازيك يارب تكون بخير
والدنيا حلوة معاك
:)
* أسير الجراح
اهلا بيك
وحمد الله علي السلامه
يارب تكون بخير
وان شاء الله ماتغبش عن بلوجر تاني
ابداااااا
كل سنه وانت بخير وسعادة
* لـــولا وزهـــراء
اهلا يالولا
حاااضر من عينيه
هو من دار الفاروق ومالقتش عليه السعر
هو كتاب صغيره يعني هتلاقيه بعشره جنيه ولا حاجه
:)
* م/ الحسيني لزومي
اهلا بحضرتك
كل سنه وانت طيب
كلامك مظبوط
ضاعت حاجات كتير في رجلين الجري ورا متطلبات الحياة
* فشكووول
وعليكم السلام
موضوع التعليقات ده بيحصل كتير
وبقيت قبل ماادوس نشر اخد من التعليق كوبي
النت رخم جدا
حضرتك كتبت عن الموضوع بفتازي لطيف
الكتاب عمل زي معادلات الكيمياء ونظريات الهندسه
وبرضه لسه عندي امل ان كل واحد من الاتنين يرجع الي قواعده سالما
* قوس قزح
اهلا بيكي ياجميلة
مافيش تقصير ولا حاجه ربنا معاكم مدارس وعيد ربنا يعينكم ياماماهات
:))
وان شاء الله نحضر حاجات كويسه للبؤجه
ربنا يكرمكم
ايوه هي ازمة انسان
* أبو مصعب
وعليكم السلام ورحمة الله وبركاته
ان شاء الله خير
* محمود(باحث عن حب)
ماهو ماحدش فاهم علشان ماحدش سامع
علشان مافيش اللي بيوجه صح
مافيش حوار
وخطاب ديني متخبط
وسلبيه وامراض تفشت في المجتمع جعلت من الرجوله خنوع
* ghada mOhsen
اهلا ياغادة ياجميلة
كل سنه وانتي طيبه
الدنيا متلخبطه علشان احنا لخبطناها
لما بعدنا عن العادات والتقاليد الصحيحه والعرف وقبلهم الدين
:)
* Haytham Alsayes
فعلا ليس كل ذكر رجل
بس عندي امل
رغم كل الهبل اللي بشوفه في الشارع
طيب ايه رايك في تي شيرتات الشباب اللي فيها ترتر
:))
* SHAPE YOUR LIFE (ABOALI)
موضوع الشنطه ده مش هين ابداااااا
طيب صديقك ابوه بيشيل له الشنطه يعطف كبيرنا علي صغيرنا
ايه رايك في الام اللي تفضل تشل لبنها الشنطه لحد مابقا في اعدادي
ايه القيمه اللي اخدها
ان الست تشيل شيلت الرجل ده هيبقا ماشي وزوجته شايله عنه
وبكده قيس كل شئ
عندما لانؤهل الابناء للغد ولدورهم في المستقبل بنشارك في صنع هؤلاء المسوخ
شكرا علي تعليقك البناء
* girl-love-angel
اهلا بيكي
انا رحت اللينك ومافهمتش حاجه
نورتيني
:))
* عباس ابن فرناس
عارف ليه بعص النساء بتعتبرها مستفزة
علشان مش حسنها ولا شيفينها
مش اجنراء علي كلام الله ولا حاجه
ربنا طلب مننا حاجات كتير علشان نكون اسوياء عايشين كويس بس الانسان خلق كده مقاوح
:)
* أحــوال الهـوي
كل سنه وحضرتك طيب وبخير وسعاده
حضرتك ظهر في مجتمعنا شئ جديد
وهو المراه المعيله اللي بتعول الاسرة رغم وجود الرجل
واغلبهم بيشتغل في البيوت
بس برضه عندي امل ان كل واحد يرجع لدوره
* مصري جدا
ماهو لما يبقا في ازمة رجاله
لازم يبقا في ازمة في كل شئ
مش الاساس في ازمة
؟؟
* همسات وبحــ الحياه ــر
فعلا الكتاب جميل هيعجبك
والمعلومات اللي فيه هتفيدك وانتي بتكتبي قصصك الجميلة
:))
* غير معرف
ازيك ياغير معرف
تعليقك ماصدمنيش
علشان فعلا في رجاله كده واسواء من كده كمان
مش هقول لك غير ربنا يهديهم
مش ربنا امر بغض البصر
خلاص
غضوا ماغضوش همه اللي هيتحسبوا
مش علشان الرجل كده انا اتخلي عن مسؤليتي تجاهه حتي من باب لما تتقبلوا عند ربنا تبقي عملتي اللي عليكي وماسبتبش حاجه انت تثابي وهو يعاقب
الست لما تهتم بنفسها تهتم مش بس علشان الزوج لا
لازم تهتم علشان هي تكون كده ست ستوته
نظيفه مهندمه
والانوثه مش بس شكل ومظهر
الانوثه احساس وتعامل وفكر نابع من جوهرها واحسسها بنفسها
الانوثه اعتزاز جميل بالنفس
الانوثه حياء مش اللي بشوفه دلوقتي
الرجل علشان عينه تزوغ لازم هتزوغ علي ايه علي ست لم تعتز بأنوثتها
الرجل لو انحرف عن الطريق السليم هبنحرف مع مين الا مع انثي مااعتزتش بأنوثتها وتخلت عن دورها وعن حيائها
الرجل ابو عين زايغه المنحرف محتاج ست زيه بالظبط علشان يعمل ده
ادعي معايا ربنا يهدي الاناث ليهتدي الذكور
ان يرجع الذكر رجل لترجع الاناث نساء
شموسة الجميلة
وحشتيني ياقمر
بجد البوست رائع ..وتسلمي انتي وام البنات
الموضوع شائك دايما بين الاتنين
وبمناسبة ازمة الرجالة بيقولوا
بعد كدا الواحد لازم يتجوز الاربعه هههههههه
دمت بحب
كوني بخير
بوست راااااااااااااائع
يقول مصطفى صادق الرافعى عن الشباب وماوصل إاليه من تدلل وتميع بدعوى الحضارة والمدنية:-
أرى فئة كالغانيات تدللا
تميل مع الأهواء كل مميل
تخال الفتى منهم على ظلمة النهي
لألوان ثوبيه سماء أصيل
ياترى ماذا كان سيقول لوكان بيننا الآن!!
تحياتى لكم
* اسماء عبدالعزيز
اهلا بيكي ياجميلة
حمد الله علي السلامة
ان شاء الله حج مبرور وذنب مغفور
نورتي البلوجر
* المدفعجي
شكرا ليك
* Dr Ibrahim
ماكانش هيقول يادكتور ابراهيم
كان ياهيتجنن ياهينتحر
وياهيروح يعيش في الصحراء
اصل حال بعض الشباب الان ماينفعش فيه كلام
شكله حلو الكتاب ولو انه زي ما بتقولي مش بيقول حاجة جديدة بس احنا بنحتاج نسممع صوت بيقول اللي (احنا) عارفينه من وقت للتاني :)
صباحك معطر بالزهور :)
الكتاب شكله جميل بيفكرنى بجمله كنت قريتها وعجبتنى بتقول عودو رجالا كى نعود نساء
يمكن لو كل انسان فينا التزم بالجانب المخصص ليه فى الحياه واتقن دوره هنقدر نرجع الصوره جميله
إرسال تعليق