الجمعة، 26 نوفمبر 2010

احترمني شكرا !!!!!!!!

البوست
ده
من عند ام البنات

بوست من العيار التقيل اللي يصيب في الصميم
ياريت نقراه شكرا
:))

هناك 21 تعليقًا:

شمس النهار يقول...

وده تعليقي عليه هنااااك
*********
البوست راااااااااائع

تسلمي ياجميلة عليه

الجزء الاول
في الاول الناس اتعودت ياماتتكلمش خااالص وتسكت ياتكلم نفسها
وبعدين وصل النت

فابقت الناس تكلم بعضها
والشااااااااااات
يخربيت الشااااات

ستات تكلم رجاله علي الشات
ماهو هو مابيكلمش مراته
وهي مابتكلمش جوزها

حد هيقول لي مش كل الستات والرجاله اللي بيكلموا بعض علي الشات وحشين
ماشي مش كله
بس ايه لزمت ست تكلم رجل علي الشات
ماالدنيا نور اهي وكلنا بنكلم بعض في التعليقات في النور
والشيطان مداخله كتير

من باب اولي هو يتكلم مع مراته وهي تتكلم مع جوزها

ده غير ان في ستات بتغير علي جوزها من ده ومابتقدرش تمنعه

والستات بتتشات من ورا جوزها ماهو مافيش راجل هيقبل ان مراته تتشات مع راجل

بقول للستات والرجاله الكباااااااار
راجعوا نفسكم في موضوع الشااات
واتقوا الله في النصف الاخر

الجزء التاني من البوست
موافقه علي كل حرف كتبتيه

انا كمان في ناس بتعجبني كتابتهم بروح واقرا لهم ومابعلقش
واللي بروح عنده واعلق ومابيردش علي تعليقي عنده مش بروح له تاني

وفعلا ياام البنات طول مااحنا ماشيين بتقع حاجات حلوه مش بنعرف نرجعها تاني
بعد اذنك هحط لينك البوست عندي

تسلمي
:))

سواح في ملك اللــــــــــــــــــه- يقول...

صدقتي انا بعتبر الشات ده جريمه كبري
تحياتي

elsha3er يقول...

بسم الله
اولا انا شايف ان البوست كويس وكل حاجة بس فى حاجات اهم من دة بكتير جدا ممكن يصلح من السلوك دة بطريقة غير مباشرة فا البوست جزء من قضية كأننا عايزين نصلح حتة ونسيب الباقى دة من رأي فى البوست لكن لصاحبته كل الاحترام والتقدير لرأيها

ثانيا نييجى للشات فى التعليق عند حضرتك انا اتعودت دايما فى حياتى ان الافعال التى تؤثر على المجتمع بشكل عام هى التى يعنينى التدخل بها يعنى المسأل الشخصية ماليش دعوة بيها تشيت ما تشيتش انا مالى زى ما كانوا بيقولوا على السادات بيشرب حشيش فى البايب وانا مالى دى حاجة شخصية انا ليا السلوك العام
دة بس اللى حبيت اعقب عليه
لكى منى كل تحية

الفقيرة إلى الله أم البنات يقول...

متشكرة قوى يا شموسه دى شرف كبير لى .والله تخيلت هتحطيه على جنب فى المدونه بس إنك تحطيه بوست ...ربنا يكرمك ويسعدك ويجبر بخاطرك زى ما جبرتى بخاطرى كده

Haytham Alsayes يقول...

انا علقت هناك تعليق كبير برده
موضوع مهم جدا حكاية التعليقات والرد عليها

لازم نتعود نحترم بعض
واشكرك انك عرفتيني مدونة جميلة زى المدونة دي

تحياتي وتقديرى

mrmr يقول...

فعلا موضوع مهم جدا يا شموسه يستحق المناقشه الشات ده مشكله كبيره فى حد ذاتها
ربنا يستر على اولادنا
قولى احنا كبار نقدر نعرف الصح من الغلط لكن الشباب الصغيرين لازم يكون فى توعيه ورقابه شديده

لكن عايزه اقول للرجاله والستات الكبار اللى بتشيت لازم يحطوا مخافه ربنا قدام عنيهم ومحدش يغلط فى حق الاخر لان دى فى حد ذاتها تعتبر خيانه زوجيه

ربنا يهدى الجميع
وسامحينى فى عدم الرد على التعليقات
لضيق الوقت اصلى انا عندى ثانويه عامه وواخده اغلب وقتى ربنا يعدى ايام الدراسه على خير

جايدا العزيزي يقول...

وانا معاك يا قلبى

فعلا بوست رائع

والحاجات الحلوة لما تنتهى مش ممكن ترجع تانى

انا بكرة الشات وبرفض دخوله ايضا

وكل كلمه واقع

بحس انهم متخفين ورا اقنعه

ولاعندهم مبادئ ولا قيم ولا اخلاق

اشكرك

تحياتى

Dr Ibrahim يقول...

رديت هناك شكرا على الموضوع القيم..

dina يقول...

حسيت أن حل المشكلة فى كلمة واحدة(الإحسان)
لو كل واحد بيركز 100% فى اللى هو بيعمله و بيعمل دا من منطلق الاتقان و الإحسان الدنيا حتختلف...و لما نضيف على كدا أن يكون الأحسان فيما يخص الإنسان اللى هو أصلاً أكتر حاجة مكرمة فى الدنيا فناخد نية تقدير النفس الانسانية و الاحسان دا أكيد حينعكس على شغفنا فى اللى بنعمله
بوست رائع
تحياتى لحضرتك و لأم البنات
:):)

شمس النهار يقول...

بشكر كل اللي شارك بالتعليق علي هذا البوست الرائع

وطلبت من ام البنات تيجي ترد علينا جميعا ونتناقش معاها
سواء هنا او هناك

الفقيرة إلى الله أم البنات يقول...

شموسه ربنا يجبر بخاطرك بس انا حابه تتناقشى انت مع زوراك وانا اكون زى ما قلت ضيفه حابه اتابع نقاشك ياحبيبتى لانك ماشاء الله فتحت موضوع يستحق النقاش هنا وهو الشات وهذا هو الشئ الذى سأاااااقوم بالكلام عنه ويشرفنى انك منحتينى هذه المساحه..ولكن باقى الردود تخصك فانت صاحبة البوست هنا

انا هابدأ كلامى انى والحمد لله والفضل والمنه له..لا أخفى عن زوجى شئ..بل اذا تكلمت مع أحد لابد ان اخبره...لذا اذا ارسلت رساله لأحد اسأل عن شئ لابد وأن يكون بمعرفة زوجى وعندما يأتى الرد اخبره ومن ارسل له الرساله يعلم تمام انها بعلم زوجى..لا افعل شئ دون علمه لذا اذا حاول احدهم ان يفتح معى مجال للكلام اقفل هذا المجال واخبر زوجى فيقول لى كيف اتصرف....
نأتى لموضوع الشات انا لا ارحب به ابدا ابدا ابدا
ولا اجد له اى سبب وارفض تمام ان تتكلم فتاة او فتى دون ان يكونوا متزوجين او اخوة ...ولكن احيانا تقتضى ظروف بعض الاعمال ان يتحدث الناس على الشات ولكن لقضاء امر وليس الهدف الرغى وتضييع الوقت مالا يجوز على الواقع لايجوز على النت فانا لا ارغى مع رجل غريب فى التليفون فلماذا اعمل شات مع رجل غريب

والناس تعلم الحرام والحلال ولكن يتحايلوا لهدف ما وربنا دائما يفضح الخبائث
لابد ان نتقى الله فى الثقه الممنوحه من الزوج والممنوحه من الزوجه....وطالما تستطيع التحدث مع سيده فزوجتك أولى
وانت حاولى ان تتحدثى مع زوجك
للأسف هناك رجال ونساء لا يحبوا ان يتكلموا مع نصفهم الآخر يعتقدوا ان الكلام انتهى
اظنك فتحتى لى مدخل لفكرة بوس قادم ان شاء الله
كل الحب والاحترام لشخصك المهدذب الواضح مثل الشمس
احبك فى الله جدا"

فشكووول يقول...

السلام عليكم ستنا الحاجه
تحياتى

والله من اول كلمه قريتها فى البوست وانا عارف اخره حيكون ايه

او بمعنى اصح
كنت حاقولها
اما اروح عند ام البنات
سلامن عليكم

شمس النهار يقول...

* سواح في ملك الله

شوف الشات ده زي السكينه ممكن تستخدمه في الخير او تستخدمه في القتل

حتي استخدامه في القتل ممكن يكون في حرب عادله ويكون هنا هو السلاح

وممكن يكون في قتل غدر وطبعا القاتل في النار

لكن اللي بيحصل دلوقتي من الشباب الكبير في السن المتزوج لايصح ابدا

شمس النهار يقول...

* elsha3er

كل شئ ياشاعرنا الهمام يؤثر علي المجتمع مهم
ومش هينفع في بوست واحد نقول كل حاجه الست اتكلمت في حته خطيره
ومافيش حاجه اسمها وانا مالي دي حاجات شخصيه
دينا دين النصيحه
والساكت عن حق شيطان اخرس يعني ايه تشوف حد بيغلط وتقول وانا مالي
علي الاقل انصح

شمس النهار يقول...

* الفقيرة إلى الله أم البنات

انا اللي بشكرك ياجميلة
علي البوست الجميل جدا
اللي اتاح مناقشة جميلة لغلطه كتير من شبابنا بيقع فيها
وانا سمعت الكلام وبرد علي التعليقات ياست الكل
والحقيقه تعليقك الثاني جميل جدا ولخص كل شئ ممكن يتقال
ونصيحه جميلة من اخت كريمة للشباب
ربنا ينفعك وينفعنا بها
:)

شمس النهار يقول...

* Haytham Alsayes

شكرا ليك ياهيثم

وفعلا مدونات ام البنات من اجمل المدونات

ماتنساش الطلب اللي طلبته منك
:)

شمس النهار يقول...

* mrmr

اهلا بيكي يامرمر
تعليقك جميل
والحمد لله ان في حد زي بيعتبر الشات خيانه زوجيه

وربنا يعينك علي الثانويه العامه
انا لما بفتكر ايام بناتي بتخض
كان في سنه من السنين اتنين واحده تالته علمي رياضي وتانيه ادبي
وعقبال ماتشوفي ثانويتك زيهم
الرياضه دلوقتي مهندسة كمبيوتر
والادبي خلصت سياسه واقتصاد انجليزي بس كانت طالعه الاولي علي المدرسه التانيه علي المنطقه
:))

شمس النهار يقول...

* جايدا العزيزي

طمنتيني ياجايدا

كنت فاكره اني عجبه اني بكره الشات

وكلامك عجبني
لما كنت بحرر باب في مجلة رؤيا عن المشاكل
جتني مشكله جاااامده
ام وابنها اتشاتو مع بعض من غير مايعرفوا
ولما الام اكتشفت ده وبطلت تدخل الشات
ابنها دخل في حالة نفسيه وهي شيفاه قصاد عينها تعبان ومش عارفه تعمل له حاجه وهي السبب
كانت باعته لي الميل علشان احذر الناس اللي بينتحلوا شخصيات تانيه غير شخصيتهم

شمس النهار يقول...

* Dr Ibrahim

شكرا ياابراهيم علي المشاركه

:)

شمس النهار يقول...

* dina

الشكر ليكم وتعليقاتكم اللي بتثري الحوار
:)

شمس النهار يقول...

* فشكووول

اهلا بحضرتك

نورتنا شكرا
:)